رواية عشق الرحيم الفصل الاول
(الفصل الاول)
الرواية بتتكلم عن ولد وبنت الولد اسمه احمد و البنت اسمها يارا الاتنين مع بعض فى كلية آداب قسم فرنساوي الاتنين اتعرفوا على بعض فى الكلية والاتنين مخطوبين و هيتجوزا اول ما النتيجة بتاعة السنة تظهر
(احمد شاب عنده 21 سنة و وسيم و جسمه رياضى بيلعب ملاكمة و طويل و شعره بنى فاتح بشرته بيضة و عينيه عسلى و والدته متوفية )
(يارا بنت عندها 20 سنة قصيرة شوية و عنيها بنى و شعرها لونه بنى على شكل حصان و طويل بشرتها بيضة وعنيها بنى )
بيتكلموا على الواتس
احمد : ايه يابنتى كل ديه مسدجات
يارا : خايفة اوى من الامتحان انت عارف الدكتور بتاع المادة ديه رخم وبيجيب الامتحانات بتاعته رخمة
احمد : متخافيش إن شاء الله خير ادعى انتى بس ده اخر امتحان متقلقيش
يارا : ربنا يستر يارب ..... انا هروح انام عشان اصحى بدرى عايز حاجة ؟
احمد : سلامتك يا قلبي ❤️
يارا : سلام يا روحي❤️
تانى يوم "يوم الامتحان"
الاتنين رايحين سوا
احمد : بقولك ايه راجعى على الصفحتين دول بيقولوا مهمين
يارا : هما مين ال بيقولوا انت جاى تقولى دلوقتى
احمد : زمايلنا ال بيقولوا و بعدين دول مش من ملزمة تانية من نفس الملزمة ال ذاكرنا منها بس الصفحتين ال فيها دول مهمين
يارا : ماشى ربنا يستر
احمد : مش عارف انتى خايفة من ايه ده انتى مراجعة المنهج اربع مرات
يارا : الله اكبر شكلى هسقط فى المادة ديه
احمد : متقلقيش خير باذن الله
داخلين على الكلية هما الاتنين كل واحد بيمتحن فى مبني
احمد : اطلعى يلا المبنى بتاعك و ادعى يلا لا اله الا الله
يارا : محمد رسول الله
الاتنين طلعوا يمتحنوا و الحمدلله الامتحان طلع حلو و الاتنين طلعوا حالين كويس
احمد : عملتى ايه
يارا : تمام الحمدلله الامتحان كان حلو اول مرة الدكتور ده يعمل حاجة عدلة فى حياته
احمد : مرة من نفسه ما هو كل سنة بينفخنا
يارا : يلا اهو عدا على خير ربنا يستر على النتيجة
احمد : يارب
بعد فترة من الامتحان النتيجة طلعت وراحوا يجيبوا النتيجة
احمد : ها عملتى ايه
يارا : جبت امتياز وانت
احمد : انا جبت جيد جدا
يارا : و باقى الشلة عملوا ايه
احمد : معرفش تعالى نروح نسألهم
يارا : يلا بينا
عند الشلة متجمعين مع بعض عند كافتيريا الكلية
احمد و يارا : ازيكوا يا عاملين ايه ...عملتوا ايه فى الامتحان
ابراهيم : الحمدلله الامتحان تافه جدا جبت امتياز
(ابراهيم شاب عنده 21 سنة شاب طيب و متدين و دحيح الشلة بمعنى اصح شكله اسمر و قصير و بنضارة وشكلة اكبر من سنه و شعره خفيف)
سهيلة : الامتحان كان سهل اووى جبت امتياز
(سهيلة بنت عندها 19 سنة و عيد ميلادها قرب و داخلة على ال 20 سنة بنت طيبة و شعرها اسود و عنيها زرقة و بشرتها بيضة صاحبة يارا اووى والاتنين دايما مع بعض)
عبدالمحسن : هى المادة ال كنا بنمتحنها ديه ايه اصلا
(عبدالمحسن الدينامو بتاع الشلة بيظبط مع الشلة خروجات اكتر م بينام من الاخر شخصية كرييتڤ اوى على الرغم أنه مش بيذاكر بس طيب اوووى )
احمد : حلاوتك .... جبت ايه
عبدالمحسن : شغل فاخر من الاخر
احمد : انجز .. جبت ايه
عبدالمحسن : بلا فخر مقبول
احمد : لا ده احنا نعملك فرح على كدة
عبدالمحسن : طبعا ... اومااااال 😹
احمد : وانت يا حسن
حسن : الامتحان كان معقول فى مستوى الطالب المتوسط
احمد : ماشى يا عم المتوسط كدة شكلك جايب مقبول
(حسن الكائن الدماغ بتاع الشلة عنده 21 سنة هو ال بيحل كل مشاكل الشلة سواء بينهم أو مشكلة فى الكلية هو ال اى حاجة بتحصل بيحلها و كل الشلة بتلجأله فى المشاكل وبيحب سهيلة بس لحد النهاردة مش عارف يعترفلها بحبه شعره اسود و طويل و عينه سودا و جسمه رياضى جدا و بشرته قمحى و ذكى لابعد الحدود)
حسن : لا امتياز
احمد : اخويا الدحيح 😹😹
حسن : وربنا بالفهلوة
احمد بهزار : عاااش 😹
احمد : طب ايه مش هنتمشى شوية
سهيلة : خليها بكرة يا جماعة
باقى الشلة : تمام
كلهم روحوا البيت و استريحوا و ناموا شوية و بدائوا يتكلموا على جروب الشلة بتاعهم على الواتس
يارا : ايه يا شباب هنعمل ايه فى خروجة بكرة
عبدالمحسن : مين ال قال خروجة... انا ال هظبط الخروجة ديه
سهيلة : ما تيجى نخرج نروح دريم بارك
احمد : اشطا
ابراهيم : انا تعبان يا جماعة مش هقدر اجى
حسن : يابنى بطل بقى كئابة انت كل مرة نتفق على خروجة تقولنا تعبان ارحمنا بقى
ابراهيم : اعمل ايه يعنى تعبان
احمد : خلاص يا جماعة سيبوه براحته ال موافق يقول اوك
الشلة كلها فى نفس الوقت اوك
يا ترا هيعملوا ايه فى الخروجة بكرة هنشوف فى الفصل التانى أن شاء الله
دمتم بخير❤️
