رواية شايفين البنت اللي هناك دي . دايما قاعدة لوحدها كده الفصل الاول
(الفصل الاول)
÷ شايفين البنت الى هناك دى . دايما قاعده لوحدها كدا . اصل الكل بيخاف منها عشان شكلها وحش وتخينه جدا ..
= بس انا مش شايفها وحشه ويعنى هى عشان تخينه حبتين الناس هيبطلو يتعاملو معاها !!!
÷ حبتين !! بتهزر يا شادى صح ! سيبك بقا من سيرتها و تعالا نروح نشرب قهوه قبل م الريست يخلص
= لا روحى انتى ..
÷ تمام
رحت ناحيه البنت الى بيتكلمو عنها
= قاعده مع حد ؟
- انت شايف اى !!
سحبت الكرسى الى جمبها وقعدت عليه ومديت ايدى ناحيتها
= انا شادى
- مش بتعرف على حد
= طب اى هتسيبى ايدى متعلقه فالهوا !
- متحاولش . قلتلك مش بتعرف على حد وبعدين مش انت الشاب الى كل البنات الى فالشغل بيحبوك؟! اشمعنا سايبهم كلهم و جاى تغلس عليا انا
شادى سحب ايده وقتها
=طيب خلاص بلاش نسلم . يمكن انتى من الناس المتحفظين .. وبالنسبه لسؤالك ف عادى ي ستى انا جاى اكلمك على اساس نبقا اصحاب
بسخريه - عملت رهان مع زمايلنا فالشغل صح وفالاخر هيكون مقلب
ب استغراب = ليه يبنتى بتقولى كدا !!
- اصل كل الى كانو بيجو يتعرفو عليا يا اما عشان عاملين رهان مع اصحابهم يا اما عشان يعملو فيا مقلب
= سيبك منهم يمكن متغاظين منك
ضحكت بسخريه - متغاظين منى ؟!!😂😂 يبنى انت مش شايف شكلى ازاى ولا اى
= شايف واحده قمر قدامى
- بطل كدب بقا انا زهقت من العالم المزيف
شادى مسك دراعها وهى ماشيه
وشدها ناحيته . المسافه بينهم كانت ٢ سم بالظبط
= اولا انا مش بكدب عليكى ثانيا انا فعلا عايز اكون صديق ليكى
بتوتر - ط..طيب سيبنى
شادى سابها
= انا اسف انا انفعلت شويه بس . انتى ليه فاكره نفسك وحشه . ليه عايشه حياتك وحدك بعيد عن الناس
- بص على شكلى وهتعرف الاجابه
=يوووه ..يبنتى والله لما ببص عليكى بشوف واحده قمر وبس
- محتاج تلبس نضاره
= طيب اى العيوب الى انتى شايفاها فنفسك بس واحنا نصلحهم طالما انتى مقتنعه انك وحشه
بعياط - شايف كل الحبوب الى ف وشى دول و شايف الهالات و شايف انا تخينه ازاى . اللبس بيدخل فيا بالعافيه حرفيا
= طيب اهدى بس انا هساعدك
- وهتعمل كدا ليه
= عشان اثبتلك انك جميله وانك كنت ظالمه نفسك لما افتكرتى انك وحشه
- يعنى مش بتضحك عليا او دا مقلب ؟!
شادى ضحك
= ايوه ي ستى دا الى بحاول افهمهولك من الصبح
- طيب امتى هنبدأ
= انتى ناسيه انك معرفتنيش بنفسك ولا اى 😂😂
- اسمى حور
= مااشى يا حور نقدر نبدأ لما الشغل يخلص
*بعد الشغل*
= يلا تعالى هنروح اول حاجه لدكتور جلديه صاحبى . هو شاطر جدا وهيعرف يعالجك ف فتره صغيره
- طيب انت قولى العنوان و انا هبقا اروح وحدى
= نعم!! ليه يعنى
- اصل الناس لو شافونا هيفهمو غلط ..
= طيب خلاص ماشى الى يريحك . هوصفلك عنوان و اديلك رقمه و روحيله بكرا
- ليه مش النهارده
= النهارده هنروح للجيم . يعنى فيه جيم انا دايما بروحه و مخلى جسمى رشيق زى م انتى شايفه ف هوديكى هناك عشان تتخلصى من عقده وزنك
بفرحه - مااشى
= بصى اهم حاجه تلتزمى . انا اهو حطيتك على اول الطريق و انتى عليكى تكملى من غير استسلام . خدى اهو العنوان بتاع الجيم عشان كلام الناس زى مبتقولى
- شكرا جدا مش عارفه اقولك اى
شادى ودعها ومشى وهى راحت الجيم
* اليوم الى بعدو فالشغل*
÷ هى حور مالها جايه فرحانه كدا ليه النهارده
- ازيك يا شادى
= ازيك يا حور
÷ اى دا يا شادى انتو عارفين بعض !!
= ايوه ي ملك فيها اى يعنى
(كانت حور واقفه معاهم وقتها )
÷مش شايف يبنى شكلها يقرف ازاى !!! انت شادى الى كل البنات بيتمنو تكلمهم كلمه واحده حتى تروح تتعرف على دى !!!
شادى ضرب ملك بالقلم
= اى دى يعنى مش فاهم بتتكلمى عليها كدا ليه !!!! دى انسانه زينا على فكره و لعلمك هى احلى منك اى رأيك بقا
÷ انت بتضربى انا يا شادى !!!اعتبر ان صداقتنا انتهت تمام !!
= يلا يا ماما الباب يفوت جمل
حور وقتها اتبسطت اوى . دى اول مره حد يدافع عنها بالشكل دا
بخجل - ان..انا بشكرك على دفاعك عنى
= لا يبنتى على اى . اصل ازاى اسيبها تهزقك كدا وانتى يبنتى بتسيبى حقك ليه
- هما عندهم حق ف ازعقلهم ليه ...
= انتى اصلا شكلك مش هتقتنعى انك جميله غير لما تحلى كل الى مش عاجبك فشكلك
حور و شادى فضلو اصحاب لمده سنه
كل يوم فالشغل بيتكلمو و يهزرو مع بعض . بعد الشغل بياخدها يوديها للجيم و يتمشو شويه . شادى فالفتره دى حبها جدا . حبها دى كلمه قليله علي حالته . دا عشقها وبقا مش بيحس بالوقت وهو معاها . عايز يشوفها كل دقيقه
= حور هو انتى ليه مش بتخلينى اخدك من قدام بيتك خالص . ليه بتصرى انك تيجى الشغل وحدك و تروحى وحدك
بتوتر - اص .. اصل انت عارف كلام الناس وكدا
= نفس الكلام كل مره يا حور .. ماااشى يلا نروح الجيم
- تعرف يا شادى . انا بجد مش عارفه اشكرك ازاى . بفضل الدكتور الى قلتلى عليه مبقاش فيه ولا حبايه ف وشى وكمان الهالات اختفو . بقت بشرتى صافيه زى الكوريين بالظبط و بفضل انك دايما تاخدنى الجيم كل يوم انا النهارده وزنت نفسى وبقيت ٥٥ كيلو !! انت متخيل ؟! كنت ١٣٠ كيلو و دلوقتى ٥٥ وكل دا ف سنه واحده
= لا يبنتى انا معملتش حاجه . انتى ال كان عندك عزيمه انك تتغيرى كنتى بس محتاجه حد يمسك ايدك ويحطك ف بدايه الطريق
اليوم الى بعدو شادى اتكلم مع اهله انه بيحب واحده وعايز يتقدملها و هما فرحو ان اخيرا قرر يتجوز و كان مستنى اليوم الى بعدو بفارغ الصبر عشان يقولها
- اى الشياكه دى ى شادى النهارده
= النهارده بس 😏😒 انا شيك دايما يبنتى انتى بس الى مش بتشوفى و بعدين اى اللبس القمر دا الى لابساه
- ايوا بقا اتصرف كأنك مش انت الى اختارته معاياا . انت الى اختارت معايا كل لبسى لو مش فاكر يعنى
= زوقى حلو كالعاده😂😂
-هتخلص مدح فنفسك امتى
فجأه اتحولت ملامح شادى للجديه
=حور ... انا عايز اقولك حاجه
- فيه اى يا شادى خضتنى
وقتها مدير الشركه كان وصل ف مكنش ينفع يتكلمو احسن يخصملهم كذا يوم
* اول لما الشغل خلص*
شادى جرى ناحيه حور وكان لسا بيرتب الكلام الى هيقوله
= حور .. انا ...
¥ يا ماما يلا تعالى بابا مستنينا برا . النهارده بابا هيفسحنا يا ماما بمناسبه التغيير الجديد والجميل الى حصل ليكى ف قررنا نعملهالك مفاجأه
شادى بص ب حور ذهول
= ماما !!!
اما حور كانت متجمده فمكانها
- طيب روح يا فريد وانا جايه ...
