رواية بنت الهدي والمجنون كامله جميع الفصول بقلم مرج البحر
القصه تتحدث عن بنت اسمها بنت الهدى خريجة ادارة واقتصاد كانت عايشة بعائلة تتكون من اب واختين
وحالتهم المادية فقيرةابوها بقال يعني رجل يبيع خظرة وفواكه
امها متوفية قبل كم سنة بسبب المرض بالكلة
كانو عايشين بيت للايجار ابوها بيوم من الايام انجلط وتعيب وصار عنده شلل وضعف بالأعصاب وتوقف عن الشغل وبعد مايكدرون يدفعون ايجار واجا ابو الايجار طلعهم ف بنت الهدى طلبت من ابو الايجار ينطيهم مهلا على مود تلاكي بيت ثاني للايجار راحت على ابو مكتب وبنفس الوقت عنده ماركت كللها عندي بيت اليوم فرغ بيت بسيط وزغير وايجارة مناسب الكم قبلت نور واخذت المفاتيح وكلته اليوم نجي نسكن بي
المهم بنت انتقلت هي وعائلتها للبيت من دخلت للبيت شافت اكو عربانة خشب لبيع الخظرة فسألت عنها ابو المكتب كللها هذا ابو البيت الي كان ساكن هنا الله فتحها عليه واشترا بيت وتحول وگلي هاي العربانة خليها في سبيل الله للي يحب يشتغل بيها بس من آلله يرزقه ينطها لواحد محتاج
بنت الهدى كالت لحجي ابو المكتب اني اريدها واريد اشتغل بيها اجيب خظرة وابيعها ابوي عاجز مايقدر يشتغل وخواتي بعدهن طالبات ابو المكتب كللها على بركة الله اني اجيبلج المسواك مع مسواك الماركت وانتي كل يوم اكتبيلي الي تحتاجينة واني اجيبة الج والفلوس اخذهن اخر النهار واي شي تحتاجينة اني هنا مثل ابوج وانتي بنتي
بنت الهدى: اتشكرت من الحجي ودخلت
رتبت البيت وطلعت العربانة كدام البيت وطلبت من الحجي يجيبلها شليف باگلا و كم باگة خظرة وميزان وخلتهن على العربانة ورتبتهن من خلت الميزان حست العربانة مامتوازنة يعني الميزان يصير اعوج ويكيل غلط يعني الوزن يطلع اقل من الوزن الحقيقي فبدت تغير مكان العربانة وشافها الحجي ابو المكتب كللها
ليش غيرتي المكان
بنت الهدى: الكاع عوجة والميزان يكيل غلط أقل من الوزن
اني اخاف من الله
الله وصى بالميزان لازم التزم بكلام الله حتى الله يوفقني ورزقي يصير حلال وما احرم تعبي
الحجي ابو المكتب بارك الله بيج بنتي والله يكثر من امثالج
بهلاثناء اجت مرا عجوز كلتلها اريد نص كيلو باكلا وباكة بصل
انطتها بنت الي طلبتو ولمن رادت تنطي العجوز الفلوس شافتهن مايكفن وكلتلها بنتي الفلوس متكفي ومابقى عندي بس هذن
بيت الهدى: جيبهن ومبرية الذمة بالباقي
شكرتها العجوز و راحت
سالت بنت الهدى الحجي على هاي العجوز
الحجي: هاي عجوز ارملة عدها ولد ابنها توفى قبل فترة وامهم عافتهم عليها واتزوجت وهي العجوز ماعدها بس راتب تقاعد وميكفيها
بنت الهدى: صاحت للعجوز وكلتلها خالة يومية دزي واحد من ولد ابنج يجي ياخذ هالمقسوم من الخظرة الباقية نتقاسمها اني وياج ورزقي ورزقج على الله
بقت العجوز تدعي ل بنت الهدى الله يوفقها ويفتحها عليها
صارت هوسة بالشارع وشافت شاب حلو بس مبهدل ويركض ورا الجهال يريد يكتلهم ويضربهم بالحجر والجهال تصيح ليث المجنون ليث الخبل
الحجي ابو المكتب بنتي بنت الهدى اتجنبي هذا الولد هذا مجنون وكلمن يصيحة مخبل او مجنون يضربة وهو مجنون اهلة عجزو منا
بنت الهدى أن شاء الله عمو
فديوم قبل المغرب كانت بنت الهدى تبيع وتسترزق سمعت صوت خواتها يتصايحن
بنت الهدى عافت البسطية وركضت على خواتها عبالها ابوها صار بي شي من دخلت للحوش
شافت....
