رواية ركان الفصل الاول بقلم حنين إبراهيم الخليل
في أحد الأيام منذ عدة سنوات كان ركان ذو العشر سنوات عائدا من مدرسته مع شقيقته الصغرى ماريين عبر الحقول
فهو كان يعيش في منطقة ريفية
سيلا بتعب : أنا تعبت أوي يا ركان هو كل يوم لازم اصحى الصبح اروح المدرسة؟
ركان ضحك بمرح: يا بكاشة إنتي لحقتي تتعبي؟ إنتي يا دوب اول سنة
بعد ان وصلا للبيت سلما على والدتهما
ندى وهي تحمل الحقيبة عن إبنتها: روحو اغسلو اديكم و تعالو اتغدو
ركان بتساؤل بعد ان لاحظ غياب والده: هو بابا مش هيتغدى معانا النهار ده كمان؟
ندى تنهدت بتعب: لا يا ركان هو راح من بدري وقال انه هيبات برة بسبب الشغل
ركان بقلق فبعد أن وجد والده هذاالعمل مع مديره الجديد اصبحت تصرفاته مريبة : انت كلمتيه في موضوع الشغل ده
ندى بكسرة: كلمته كتير يا ابني و مفيش فايدة مصمم على الشغلانة دي بالذات
ركان بقلة حيلة: ربنا يهديه و يصلح حاله
ندى وهي تامن على كلامه: آمين يارب
بعد أن أكل ركان غداءه إستأذن والدته وذهب للعمل
ركان: أنا رايح للمحل عايزة حاجة يا اما
ندى بحب: لا يا حبيبي سلامتك
ركان وهو يلبس حذاءه: طيب خلي بالك على سيلا متخليهاش تطلع في غيابي
والدته وهي تغسل الاطباق: متشغلش بالك إنت، هو انت هتخاف عليها اكتر مني؟
غادر ركان مسرعا لمحل البقالة الذي يعمل به
ركان بمرح: مساء الخير يا عم جمعة
عم جمعة بوهن بسبب كبره في السن: اهلاا اخيرا جيت؟ تعال اقعد مكاني لحد ما اصلي العصر و ارجع
جلس ركان على رأس المحل ليحاسب على المشتريات عند مغادرة عم جمعة
بعد مدة بدأ الزبائن بالتوافد و هو يحاسب على المشتريات عندما تقدم منه احد الزبائن ووضع المشتريات أمامه: كده الحساب كام يا شاطر
ركان حسب ثمن المثتريات في ثواني: 75 يا كابتن
: خد مية و هات ال25
ركان اخذها و بحث في الصرافة امامه: ناقص 5،التفت للزبون عندك 5
اخرج الزبون الخمسة من جيبه ليأخذها و يعطيه 30 كده الحساب تمام
الزبون كان مازال واقف باستغراب
ركان: لا ابوس ايدك ما تنحليش إنت كان باقيلك 25 و انا معنديش فكة خدت منك الخمسة ورجعتلك 30
: يعني انا مديك خمسة زيادة؟
ركان وهو يضع يده على رأسه بطريقة مضحكة يالهوي عليا و على الي عملته في نفسي
في تلك اللحظة دخل عم جمعة في تلك اللحظة ليسأل ما اللذي يحدث شرح له ركان القصة ليضحك العم عليهما
انت بتضحك يا عم جمعة و سايب الواد يقلبني عيني عينك؟
عم جمعة بضحك يقلبك ايه ياابني انت حسابك كان 75 صح؟
الزبون: صح
عم جمعة مسترسلا: دفعت 105 يبقى الباقي كام؟
الزبون بعد ان بدا العد باصابعه30؟
عم جمعة و انت معاك كام دلوقتي
نظر للنقود الذي اعطاها له ركان : 30
عم جمعة بتوضيح: يبقا الحساب تمام
: اه صح
ركان بغيظ: اه صح؟ امال انا كنت بهاتي في ايه من الصبح
: ما تهدى يا عم القطر ما قلنا خلاص
ركان بقرف: امشي يالا من هنا بدل ما ابتلي فيك
عم جمعة بتحذير: ركاان
صمت ركان و عاد لعمله
حصري لمدونة Haninbook ممنوع نقلها لاي مدونة تانية
وبعد دقائق وجد فتاة صغيرة تركض نحوهم: الحق يا ركان أختك مختفية من الصبح و امك قالبة عليها الدنيا و مش لقياها ؟
ركان قفز من كرسيه هلعا على أخته : ايه؟ سيلا؟ أزاي حصل الكلام ده.
شهد بسرعة: كانت بتلعب استغماية مع البنات و احنا دورنا عليها في كل مكان و ملقينهاش بعد ما زهقنا من التدوير قعدنا ننده عليها و برضو مردتش قلنا احتمال استخبت في بيتها رحنا قولنا لوالدتك تطلعها و تقولها انها كسبت بس امك قالت إنها مرجعتش
كانت تواصل كلامها وهي تركض معه نحو بيته ليجد المكان مزدحم والدته تبكي و تلطم و الجيران يبحثون عنها في كل مكان حتى ان أحدهم خطر بباله إن يبحثو في البئر علها وقعت به بعد بحث كان دون فائدة أتصلو بالشرطة ليمشطو المكان
كان يقف معهم أحد الجيران في غياب الأب: دورو عليها في الترعة يابيه احسن تكون النداهة ندهت لها خدتها
ليجيب الأخر بسماجة لا تتناسب مع الموقف: بس انا سمعت إن النداهة بتنده على الرجالة بس عشان تنتقم منهم
ركان بصراخ بعد نفاذ صبره: نداهة ايه و زفت ايه هو ده وقت تخاريف الله يخرب بيوتكم
: الله؟ و انا مالي ده هو الي بيقول
ندى ببكاء: هاتولي بنتي، بنتي راحت فين
ركان كان على اخره من الغضب: الله يسامحك يا ماما سبتيها تطلع ليه أنا نبهت عليك 100مرة سيلا متطلعش في غيابي
ندى ببكاء: مكنتش عارفة أن ده هيحصل صحباتها جم يلعبو معاها و هي اترجتني أسيبها تطلع ووعدتني انها مش هتبعد
