رواية جراح قلبي كامله جميع الفصول بقلم جوهرة
بسم الله والحمدلله ولا اله الا الله والله اكبر
ـــــــــــــــــــــــــ
بصوت قوي رد على أبوه
/ محد يجبرني أبوية على راسي وافداك بس تريدني اتزوج واني ماهاوي البنية مستحيل
/ لا تضل معاند هذا راسك الگوي خل يطخي شوية
/ لا تضل معاند هذا راسك الگوي خل يطخي شوية
/ ماعلمتني اطخي راس
جر حصرة وذبها وعينه على ابنه نتر بصوت مرعب / منا للعصر اريد موافقتك لا وحك هو الله وهذا يمين طلع من راسي لا انت ابني ولا اني ابوك
كمز من القفنه مثل الملدوغ / ياااابة صلي على النبي مو هيج تسويها السالفة
الاب / هذا حلفاني وانت بكيفك
عافهم وطلع من المضيف عيون اخوته عليه يشوفونه مثل المخنوك لأن يعرفونه ميكدر يكسر لأبوهم كلمة
مسح على راسه بيده وصفن على اخوته ورجع حجى ..
/ قسم بالله إذا ما اخليها تندم عالساعة العرفتتي بيها مايكون اسمي ايهم
نهض حذيفة وتقرب تلة من جتفة وعيونه اطك شرار زمخ بي ..
/ تاكل وحل والله العظيم إذا ايدك مديتها عليها اني اوكف بوجهك شنو انت شكد صلف ماعندك كل احترام للكبار
دفع ايد اخو الجبير / ابو ملاك انت اخوية الجبير ماريد اغلط عليك
حذيفة / لا والله على أساس محترمنا هسة انت
تنهد وأشر على اخوته الكاعدين وتحديدا صعب ..
ايهم / خل صعب يتزوجها هو جبير أني شكو
ياناس ماريدها أفهموني لخاطر الله ورسوله
صعب خال رجل على رجل ويلعب بسبحته بين أصابعه من سمعه هيج حجى خزره ونتر ..
صعب / شنو سالفتكم ، وانت ماتعرفني حتى هيج تحجي جدامي
ايهم / ترى مصختها يخوي عمرك بالثلاثين تزوج وفضها
كام صعب وتقدم عليهم وأشر لحذيفه بأصبعه
صعب / حذيفة ضبه زين ما وصيك ترى من يطلعن جنوني عليه امسح بي المضيف هذا
عافهم وطلع وبقى ايهم يكمز عصبي يهدد ويتوعد وأخوته حذيفه واياد يقنعون بي
واخر شي قبل بس بداخله افكار سودة
لليل صاح حجي عبدالله على مرته .. ام حذيفة وينج
دخلت الغرفه / كول حجي خير ان شاء الله
حجي عبدالله / كل الخير باجر ترحين لبيت ام سما تحجين وية بنيتنا تتحضر نعقدلها على ايهم
ضربت صدرها / يايمه البنت بعدها تدرس وينها وين الزواج
حجي عبدالله / اششش ولا كلمة البنت تتزوج وكل حجي ماريد مفهوم
ام حذيفة / ابو حذيفة البنت يتيمه شلك على خطيتها وابنك مايهواها لاتظلمهم اثنينهم
حجي عبد الله / يا مرة ورث اخوية ماريده يروح للغريب وماريد واحد يضحك بعقلها خلها هيج احسن وازوجها ايهم العندة مركة زايدة يذبها ع زياجة
سكتت ام حذيفة تعرفه من يدك عناد يسوي الي براسه وتحجي وية نفسها .. اخاف من تهور ايهم ابني واعرفه يروح يأذي البنت شلون يربي اووف موتوني قهر عفية عائلة هيج روس كوية
تنهدت وكامت طلعت من الغرفة تريد تشوف ايهم وتسولف وياه بلكن الله يهدي عالبنت
دورت بالغرف ماكو طلعت بالكراج شافت صعب كاعد وحده بالحديقة ويدخن نركيله راحت عليه ..
ام حذيفه / يمة صعب شو ايهم ماكو بس لا سواها وراح
ذب النركيلة من أيده خلاها عالطبلة وصفن على أمه ممنتبه شنو حجت جان ضارب دالغة وميدري شكو ..
صفكت ايديها بقلة حيلة / يحظي احجي وياك من فدوة رحت لهلوجه الحلو شبيك يمة تضرب صفنات !!!!
تنحنح بقوة وأيده على حلكه / احمم احمممم
صعب / شبيج بعد روحي ليش قلقانة
كعدت بصفه عالكرسي وسحبت فوطتها البيضة عدلت لفتها / ايهم ماكو واخاف يروح لبيت عمتك ايمان يتعارك هو ولينا
جر النركيله وسحب راس منها وذبه بالهوا وعيونه مغمضهم للنص / ترى ايهم يفكر بعقله صح مرات يتهور بس يعرف مصلحته زين وما اعتقد راح يسوي شي يضوج ابوي
ام حذيفه / الله كريم والله يايمة خايفه من هاي السالفة گلبي ناغزني
هز رأسه يطمنها وبداخله متأكد أخوه مراح يعديها سلامات
ـــــــــــــــ
بيت عمتهم ايمان ام سما
ايهم /
عصبي نار اريد اكمشها امرغلها بالكاع ياناس والله ماريدها بس ابوي اااخ منه لوما يحلف علية
دحكت عليها خاتلة بظهر عمتي ايمان انوب ماكدر اخربها ويه عمتي لأن احبها واريد خاطرها بس القهر البگلبي غوش على عيوني وكل عقل ماظل براسي من خزرتني بعينها واسمعها تكول ماميتة عليك
جريتها من ضفيرتها جانت مسرسحة على صدرها لويتها على أيدي وصارت بحظني شلون ظفيرة شطولها وملمسها ناعم حيل
عاطت جان ازمخ بيها
ايهم / ولج بالقرآن إذا كلتي اقبل بأيهم الا اراويج نجوم الظهر اشرب من دمج فاااهمه
دفعتها بقوة وكعت بحظن عمتي الي عصبت علية وطردتني من بيتها ..
عمته ايمان / سود الله وجهك شلون هيج تعاملها ولك خاف الله بيها بنية يتيمة حرام الجاي تسوي بيها بس العتب على عبدالله هاي أمانة اخونا هيج يسوي بيها امشي اطلع ماريد اشوف جهرتك
سكتت مارديت عليها طلعت من البيت وبجي وعياط لينا يرن بأذني
لينا مجانت ابد على بالي ولا مفكر بيها زوجه لأن ممختلطه ويانا دومها وحدها هي وامها وأكثر شي علاقتها وية بيت خالها العايش بالشمال ومن اهلها انقتلو على ايد عصابة سلابة جانو بوكتها طالعين من ديالى رايحين حتى يجيبونها من بيت خالها وبداخل حدود المحافظه جان الحادث قتل وتسليب الفلوس والسيارة
مرت عالحادثه ثلاث سنين ومن يومها لينا منعزلة أكثر اخذتها عمتي ايمان لبيتها لأن كاعده وحدها ورى مازوجت بناتها الاثنين وحدة منهن سما متزوجة ابن عمي صالح اسمه صلاح موظف بالصحه
رجعت للبيت ومن دخلت تلكتني امي جانت بالحديقة / ايهم وين جنت
اعصابي بعدها مفولة /؛لخاطر الكعبة عوفيني هسة
عفتها ودخلت البيت واسمعها تصيح وراي صعدت لغرفتي طبكت الباب وقفلته ماريد اسمع اي حجي
يم ايمان ام سما / اششش بنيتي لاتبجين يعيوني لاتخلين عيونج الحلوات يحومرن
بشهكه / عمة ما نتوالم والله ، شفتي شلون يباوعلي بحقد مايحبني واني هم ماريده ماحبه
ام سما / تعاي تعاي هنا خل نكعد ونسولف براحتنا من فدوة لطولج الحلو
كعدنا على قنفة التخم بالهول وبقت عمة ايمان تسولفلي وكل كلامها حتى تقنعني ارضى بأيهم
ليش اني بيدي شي شو كله الحل والربط بيد عمو عبدالله كلمته تمشي على كل عائلة الناصر ياربي والله مظلومة اني فقدت اهلي ومابقالي شي منهم وانوب ظلموني بهذا الزواج جريت حسرة وذبيتها واني اسمع عمة ايمان ..
ام سما / وافقي بنيتي اقلها ابن عمج سند الج
سكتت مارديت عليها وبداخلي مرارة ووجع بس الله يدري بي
لينا الناصر هسة عمري 17طالبه بصف السادس ادبي توفو اهلي وعمري جان 14سنة وبقيت يم عمة ايمان كولش حنينة علية هي جانت موظفه بالمصرف وطلعت تقاعد زوجها متوفي من سنوات
تبرعت تهتم بية وماقبلت عمامي ياخذوني لأن عدهم شباب حسب رأيها ولأن ماعدها أحد رغم ابن عمي عبدالله اسمه صعب اغلب وقته يمها حتى أوقات الاكل موجود ومصرف يذب بالبيت علاقتهم حيل قوية اني مامختلطه بي على كد السلام لو مرات يحتاج شي يطلبه مني بالنسبة إلي استحي منه هو شخصيته قوية انسان جدي وثكل ورزانه ودوم حاجبه معكود مدري شنو سالفته مرة سألت عمة ايمان ليش شكله معصب دوم كالت شيسوي إذا الدنيا معاكسته
بوكتها استغربت عبالي قصدها حالته المادية صعبه شو ماشاء الله سيارة احدث موديل ومكاتب عقارات أموره طاكه اثاري طلع قصدها ماعنده حظ لأن الحبها مدري ألراد يتزوجها طلعت خاينته وية غير رجال هذا الكلام قبل سنوات وبقى مايقبل يتزوج رغم عمره قريب ال 31سنة
الصبح كعدت توضيت وصليت رحت اسوي ريوك عمة ايمان بعدها ماكاعدة انفتحت الباب البرا عرفته صعب لأن دومه يمنا والمفاتيح نسخ وياه رحت فتحت باب المطبخ
صعب / صباح الخير
دنكت رديت سلامه ورحت اكمل الريوك
دخل وطلع كبل للهول وصاح /؛عمتي كاعدة
لحكته وبيدي شايلة بيضة اريد اطكها / بعدها نايمه تعال تريك هسة اكمل الريوك
حك راسه / اي والله بلا كلافه عليج خيتي
لينا / ادلل كولشي حاضر
سويت له ريوك وخليته كدامه عالميز بالمطبخ وصبيتله جاي ورحت أصيح عمة ايمان لأن استحي اكعد اتريك وياه الا عمة ايمان موجودة
،،،،،،،،
اسمعهم يسولفون عالشباب عايلتنا وعلى سوالفهم جان عمة ايمان تحجيله شسوى ايهم رفعت راسي واشوفه عيونه فكهن ورأسا صار عصبي ..
صعب / طيح الله حظه لينا يابة لا تنقهرين اني اضبه خوش ضبة
سكتت ماحجيت كمت رحت لغرفتي واسمع عمة ايمان / عبدالله مايرتاح الا يزوجهم ترى الورث ماطاير
صعب / عمة أبوية مو بعينه الورث ولا الفلوس صح هو وصي عالبنت واملاكها وهذا من حرصه يخاف يجي واحد مايخاف الله بيها ويظلمها
ايمان / صعب وانت تشوف اختيار ايهم حتى يتزوج لينا وهي بعدها طالبة السنة بكلوريا عدها خوش اختيار
صعب / ابوية عنده بعد نظر .. اترجاج عمة لا ادخليني بهاي السوالف ماحبها
ايمان / ولشوكت تبقى هيج ترى مرمرت گلبي
استغفر الله خل اروح للمكتب
ايمان كمل ريوك لاتنهزم
صعب / واني اكدر انهزم من عمتي حبيبت
ــــــــــــــــ
صعب /
بالمكتب كاعد يراجع عقود شراء دك موبايله
فتح خط / هلة والله هلة بضلعي
/ بالمهلي شلونك شخبارك
صعب / الحمدلله .. انت شخبارك شو مانزلت طولت بأجازتك
/ والله شغل وانت تعرف وضعي لازم نبقى حذرين
صعب / ايي الله يحرسكم دير بالك على روحك
معتصم / لا توصي حريص والله الحافظ
صعب / والنعم بالله .. أكلك معتصم لا تنسى الوصيتك عليه
معتصم / هههه شلون انسى قبل اسبوع اشتريتها وموجودة عندي من انزل اجيبها
صعب / شوف اخيك بجم شاجور
معتصم / ولك تحجي كل عقلك يابة مستحيل أسويها
صعب / هههه كفو من ابن عمي كد الامانه مايخون
معتصم / الحمدلله .. بس لا تحسب لشي اشتريتلك رصاص انتظرني من انزل .. يلة سلملي
صعب / الله يسلمك
سديته من معتصم وكمت اشوف ايهم ليش تأخر مرات يسخت بالشغل اتصلت عليه طلع الافندي رايح هو والحجي بشغلة ومامنطيني خبر
رجعت للمكتب شوي ودك موبايلي
/ صباح الخير شلونك صعب
صعب / هلة بهالصباح هلة بأم صهيب
ام صهيب / صعب من الاخير اجيبها صاحبك خل يخاف الله بية كل شهر يلة ينزل اسبوع وين صايرة هاي ميكول عندي مرة وجهال
عدلت كعدتي وبداخلي احاول اتماسك حتى لا اثور بيها / رانيا رجلج دوامه هذا ، بعدين انتي خافي الله شلون كل شهر ينزل الإدري بي كل أسبوعين ينزل اسبوع ومعتصم مامقصر بحقكم لا تصيرين ظالمة
بعصبية ردت / ابقى طمطم عليه المفروض توكف وياي اني اختك الجبيرة
صعب / اني وية الحق بعدين ابو صهيب خويي لكطع النفس اني وياه والرجال مامسوي شي حتى اطمطم عليه مثلما تكولين
ام صهيب / ليش اني انتظره لما يسوي شي خوش والله
صعب ضاج من طريقة كلامها / انتي شبيج بابا من الصبح يافتاح يارزاق
اسمعها تنهدت وسلمت وسدته اختي وأعرفها عصبية متتحمل وبنفسه معتصم شكالي منها جم مرة لأن اضايقه بشكوكها وعصبيتها ولخاطرهم ساكت ميريد يسوي مشاكل بالعائلة
قبل الظهر دخل ايهم سلم على صعب وكعد عالقنفه وبيده علاليك ذبهن بالكاع
رفع صعب راسه وردله سلامه وصفن عليه شويه ..
صعب / وين جنت والاشوفه مشتري ملابس
ايهم / كملنا شغل اني والحجي من وكت ومريت بطريقي لمحلات اياد خوش جايب بضاعه البارحه لكيتهم هو والعمال يرتبون بيهم اخذتلي بنطرون على تي شيرتات اثنين
تريد تشوفهن وحسبت حسابك بقميص عجبني
صعب / اي لبسة العافية بس لاتنسى وراك شغل لاتبقى تسرح وتمرح بكيفك
ايهم / تعرفني ممقصر بس انت تريدني دوم هنا صعب ترى الواحد هم يتنفس يغير جو يخوي شبيك قافل
صعب بلا نفس / تنفس حبيبي تنفس ليش انت مقصر
صعب وعينه عالملابس / اكول وهاي دفعت فلوسهن لو غلست
ايهم / ههههههه تدري بية مرات اغلس بعدين اياد كال شتريد أخذ واني خوما افشله ميصير
صعب / لا صاحب واجب بسلامتك وشكد قطيته هالمرة
ايهم / موهواي هههههه
سكت صعب ورجع يدقق بالاوراق البيده صح ايهم ممقصر بشغله ولا مقصر بطلعاته هم مونس روحه عالاخير
دك موبايله ذب الاوراق وعكد حاجبه / اليوم مابطل موبايلي شينهاي كلساع واحد متصل
ايهم / ديلة باباتي مكتب عقارات وتريد محد يتصل
اشرله بيده بمعنى اسكت /؛ ياهلة ياهلة والله بعمي سامي الغالي شلونكم
سامي / هلة بصعب الحمدلله بخير انتم شلونكم
صعب / بخير والله يا عمي البارحه جنت بطاريك اني والشباب كاعدين بالمضيف نسولف بيك
سامي / ولدي واعرفكم ماتقصرون اتصلت الصبح بالحجي وكال يريد يزوج ايهم ولينا اني شجعته خوش خطوة هاي
صعب / اكول عمي ، ايهم كاعد كبالي وفاتح آذانه خل افتح مايك حتى يسمعك لأن داك عناد وانت تعرفه
فتحت المايك وطلع الصوت بالغرفه واضح وعمي يغرد على ايهم / ولك وين تلكى احلى واحسن من لينا هاي بنيتنا
ايهم / عمي شلونك بالاول شخبارك
سامي / زين زين الحمدلله شو ماجيت هذا الشهر للأردن
ايهم / من يصير شغل اجي أن شاء الله
صعب رد / اي اني ما خليته أريده يشتغل وياي ياعمي ليش تريد تسحبه يمك
سامي / هههه ولك صعب ماكو فرق
صعب / هههه اي تريده ونس وياك بالغربه
سامي / أها خوش حجاية أريده يساند عمه ايهم خوش ايهم معدل وسبع
صعب / صدكت ياعمي
رد ايهم على عمه / فديتك عمي واني على بالي اجي بس خاف الحجي يسويلي سالفه
سامي / لا لاتخاف حجيت وياه كتله اريد ايهم وياي بالشركه يساعدني وليداتي بعدهم صغار منا لسنتين ثلاث يصيرون شباب وهم تتعلم وتصيرلك خبرة بالتجارة
ايهم / ان شاء الله عمي
سامي / اكلك لاتبقى معاند فوت بفالك وتزوج بنت عمك علي الله يرحمه
تنهد ايهم / يصير خير
سامي / صعب ترى اتصلت اريدك تجي للأردن شايفلك خوش مرة
مد بوزة معاجبه لأن هاي سالفة اضوجه
عينه على ايهم يركص بحواجبه ويهزله راسه
اشرله بأصبعه يهدد
صعب / عمي صدك تحجي تريدني اجي الأردن حتى اشوف مرة واني اصلا قافل عالسالفة كلها
سامي / ولك ليش تضيع شبابك والله حرامات يأبه طز بكل وحدة باعت وراحت ورى الرخيص
زادت عكدة حاجبه وصوته خشن / عمي ترى سالفة انمحت من عقلي مامفكر نهائي ليش تذكروني بيها حشاك هي وطركة حذائي اترجاك عمي لا تسولف بطاري الزواج لأن مراح اتقبل السالفة واني كاره طاري زواج والنسوان
سامي / وتريد تقنعني ماعندك وحدة شاب شخصية وجمال ومال ماوكعت على وحده
صعب / اكول عمي يمكن حلمان بية
سامي / ابقى صنف يجيك يوم يا صعب وراح تذكر حجايتي يلة سلمولي فيمالله
سده من عمه وذب موبايله عالمكتب تنهد ومسح على راسه / مدري ليش كلما انسى يجي من يذكرني ياعمي موعلى بالي بجهنم أن شاء الله سالفه صارلها سبع سنين
ايهم / صعب يخوي انت هم أهدى لا تصير عصبي رأسا
عينه على ايهم عض شفته الجوة وهز رأسه بدون مايرد على اخوه لأن ضاج من تذكير عمه هو ماينكر حب البنت قبل ثمان سنوات جان بعده شاب صغير واستمرت علاقتهم سنه كلها تدري راح يتزوجون لأن خطبها واهلها انطوها جانت جيرانهم بس انتقلوا اهلها بعد الصار من مشاكل
دمه جان فاير من اكتشفها تخونه ويه ولد مو من منطقتهم شافها صدفه وياه بالمنتزه وتعارك كتل الولد كتله زينه وهي هم وماينسى من كامت تصرخ بوجهه متريده وقبلت لأن حالته المادية زينة وكل كلامها عن الحب جان جذب تمثيل وهي من البداية تحب هذا الولد
جانت صدمته بيها جبيرة من اكتشف خيانتها وبعمر شاب بعده ممكمل الاربعه وعشرين سنة دمه فاير وبكل تهور شال سلاحه وراح لبيت خطيبته يريد يكتلها بنص اهلها وجان نصيب البيت مخزن كامل من رشاشته وزرف الحياطين وكسر جام الشبابيك جان وكت مغربية والشارع كله التم عالصار من هوسة مافضت اسابيع الا شالو اهل البنت من المنطقه لأن هددهم صعب من يشوفها يذبحها
وراها بأشهر وصله خبر زواجها من حبيبها الخانته وياه
كرهها كره النسوان وكره طاري الزواج وبقى حاقد مرات يتعجب على روحه من يشوف الشباب متونسين بعلاقاتهم وهو ماعنده أي رغبة حتى يرتبط باي علاقه كانت
مسح وجهه وتنهد اشر لأخوه وهو يكوم من مكتبه ..
صعب / ابقى هنا اني طالع
طلع وبقى ايهم صافن عليه يدري بي ضاج واكيد تذكر شي ميحبه
ـــــــــــــــــ
ايمان ام سما / يلة بنيتي روحي ساعدي اخياتج حتى تخلصن من وكت
لينا / اي عمة ادللي
كمت بالمطبخ ويه البنات جناين عمو عبدالله يخبزن كليجة العيد الجبير مابقى يومين ونعيد عفت عمة ايمان بالهول هي وعمة ام حذيفة وطلعت يم البنات ملتمات بالمطبخ والجهال كلمن يم أمه
كعدت بصف علا تصير بنت عمو صالح وزوجة حذيفة ابن عمو عبدالله الجبير بنتها ملاك بعمر ست سنوات كاعدة ترص بعجينة صغيرة بيدها وتطبع بقالب صغير سحبت القالب وكعدت اطبع هي بقت صافنه علية وعاكدة الحاجب يمة جنها عمها ايهم شلون عيون هههه
علا / يلة يلة عفية ليونة حتى نخلص
لينا /؛ اكلج علا شدعوه هلكد عجين
علا / يمعودة مايبقى اسبوع خطار وهنا البيت كلها تحبها
ادحك على زوجة اياد تتأفف ضحكت ودغيت علا اشرتلها
علا / اول تالي تخلص مو شهد هههه
شهد / اووي علا والنبي اضوج من نسوي كليجة تعب تعب
علا / خل تسمعج عمتي حتى تبقى تغرد
علا حيل حبابة وعلاقتي بيها زينة حتى شهد بس اني مو هلكد اتقرب عليها رغم البنية زينة
شهد زوجته لأياد وهي من المنطقه اهلها نازلين نفس الشارع اللي بيت عمو عبدالله
شوية ونترت شهد بالجهال لأن ضوجوها هي جهالها اثنين صغار تلث سنوات وسنة ونص
ولدين عدها وكاعدين بمشتمل بصف البيت حتى سياج ماكو بيناتهم
بيت عمو عبدالله جبير طابقين وبنائه حديث قبل كم سنة بنو حذيفه الجبير محتل الطابق الفوك بس مخلين غرفة لأيهم والطابق الارضي غرف عمو وصعب واثنين متروكات البنات من يجون يستغلوها
،،،،،
كملنا وصار العصر دخل ايهم هو وصعب سلمو ودخلو اني جنت كاعدة بصف عمة ايمان رأسا انحشكت بسدها ودنكت راسي هي حست علية ذبت الاستكان عالطبلة
ايمان / خل نروح بعد كليجه وساعدناجن وضيافه وضيفتونا
ام حذيفه / ابقن اليوم عالعشا شعندج بالبيت
ايمان / والله يا ام حذيفة اريد اطلع للسوك اشتري ملابس لينا
ام حذيفه / شعجب باقية مامشترية
ايمان / متقبل تشتري منا الا من بعقوبة
ام حذيفه / هسة تليل الدنيا وانت هناك
انتبهت لصوت ايهم دخل للمطبخ ومبين سمع الحجي ..
ايهم / ماكو روحه ساعة وتغورب
عمة ايمان ردته / سيارة جيرانه يبقى ويانة متعلمين عليه ناجره
ايهم / عمة لاترحين شنو لزوم الا هسة بقت ماعدها ملابس لو تذبح روحها عالتفرفر
خزرته بعيني من سمعته هيج حجى وكلت لعمتي خل نروح للبيت فدوة
كمنا نريد نطلع جان ينتر بية / اسمعي لج ممنوع ترحين
سكتت اني بس عمة ردته ..
ايمان / شوكت متصير مسؤل عليها ذاك الوكت احجي
ايهم / عممة انتي بكلامج هذا راح تكون عينها
ايمان / ستغفر الله يارب تالي وياك هاي هم قبل يومين من ضربتها وسكتت ماوصلتها لابوك ، خل نروح مابية حيلكم بيت عبدالله الناصر هسة يسمع صعب وتكبر السالفة
طلعنا اني وعمتي ايمان وطلعت علا وعمة ام حذيفة عبالهم زعلنا يتوسلن بعمتي ترجع
بس ماقبلت وكالت مازعلانة
طلع صعب من غرفته وصاح على ايهم ..
ايهم / إذا تحجي علية من هسة اكلك مابية حيل ترى اعصابي تعبانة والله
صعب / مو عيب هيج تحجي وية عمة ايمان بعدين لينا انت شاد وياها متقصد شنو جاي تعلمني بيك تريد اطلع قهرك بيها
ايهم / والله اطيح حظها لان السالفة مجاي اتقبلها ،، افهمني صعب ماريدها يا اخي نفسي متتقبلها
صعب / انت شبيك شنو ماتتقبلها نفسك البنت وردة الله يستر عليها وأخلاقها كلنا نعرفها تربيتنا بعد وما مقبول كلامك هذا
بعد الزواج تتغير نظرتك تكوم تحبها تموت عليها من تصير بحظنك
غمزلة بعينه وابتسم خلاه فاك حلكه متفاجىء بأخو
شنو هالحجي هذا وهو مايحب النسوان ولا يحب طاري زواج وهيج يسولف والله صعب ما تنحزر
عافه
ــــــــــــــــــــــ
سبحان الله وبحمده سبحان الله العظيم
ــــــــــــــــــــــ
صعب /
فزيت من النوم وأحس گلبي يريد يطلع من بين ضلوعي مسحت على وجهي واني بعدني اسير الاحساس القيدني بالحلم تعوذت من الشيطان وكمت حتى اتوضى واصلي الفجر
بس شنو عقلي بعده يفكر بالحلم
صليت وظليت اقرا قرآن بعدها صدقت ورجعته بالمقرأة ورحت مددت بفراشي تنهدت وغمضت عيوني وخيال المرأة الشفتها بالحلم رجع بشكل أقوى
تنرفزت وبقيت اردد الاستغفارات وتسابيح إلى أن غفيت
،،،،
تعالو شوية هنا وعوفكم من صعب جان حلمان خل نتعرف على بيت الناصر عائلة جبيرة يسكنون محافظه ديالى بناحية تابعة لقضاء بعقوبة
عبدالله الناصر أبو حذيفة وام حذيفة
اولادهم ..
1_ حذيفة أكبر اولاده عمره 35 سنة زوجته علا بنت عمه صالح الناصر وبناته ملاك9سنوات جنات 6سنوات محمد 4سنوات
شغله موظف بديوان المحافظة
2_ صعب الابن الثاني عمره 34سنة اعمال تجارية ومكتب عقارات
3_اياد 32 سنة خريج معهد إدارة عنده محلات ملابس رجالية متزوج شهد بنية من منطقتهم جانت طالبة وياه بالمعهد عنده اسد 7سنوات وازل 5سنوات امين سنتين
4_ايهم عمره 30سنة تجارة بين العراق والاردن خريج إدارة واقتصاد وراح يتزوج لينا بنت عمه علي
5_رانيا 37سنة البنت الجبيرة متزوجة من ابن عمها معتصم وعدها ولدين بعمر 17_15 وبنت 12سنة
🌺🌺🌺🌺
بيت عمهم صالح الناصر أبو معتصم وام معتصم
1_معتصم مقدم بالداخلية يداوم بغداد زوجته رانيا بنت عمه عبدالله
اولاده صهيب 17سنة ونذير 15 ورونق 12سنة
2_مصطفى عمره 34 منتسب بالجيش متزوج من اقربائهم ومستقر أبيت بصف بيت أهله وعنده أربع ولد
3_علا بنتهم زوجة حذيفة 30سنة خريجة كلية
4_رنا بنتهم الثانية متزوجة بغير منطقه بس داخل ديالى
5_ صلاح عمره 28 موظف بالصحة متزوج من بنت عمته ايمان زوجته سما وعنده ولد واحد
6_ صفا عمرها 24 سنة معلمه بمدرسة أهلية
عمهم علي متوفي الله يرحمه هو وزوجته
بنتهم هي لينا ومن تتحدث عن حياتها جانت بعمر ال17سنة
ومن تمضي السنين راح تكون بعمر 21سنة
يعني الأحداث الجاي تصير هاي قبل أربع سنوات واعمار الابطال جانت اصغر من الي كتبتها بأربع سنوات
العمة اميرة الناصر الاخت الجبيرة متزوجه وعدها ولد وبنات متزوجين ومستقرين
عمرها 57سنة
العمة ايمان الناصر عمرها 55 سنة متقاعده جانت موظفه بالمصرف ( تقاعدت برغبتها)
بناتها سما زوجة صلاح ابن خالها صالح
وبنفس الشارع بيتها والثانية ربى متزوجه بس بغير حي ساكنه
العم سامي الناصر مستقر بالاردن هو وعائلته عنده ولد اثنين بس شباب صغار بعدهم
هذا اصغر اخوته عمره بالاربعينات
وتبقى عندي بطله راح تظهر بالبارتات القادمة مراح اتحدث عنها خلها مفاجئة
هسة تعرفتو على عائلة بيت ناصر نرجع نكمل
معتصم /
نزلت لديالى موعد اجازتي تسوكت للبيت وأخذت غراض للجهال وصلت جان وكت غدا اول ما دكيت هورن وطبكت سيارتي ودخلت تلكوني ولدي فرحانين من شافوني بوستهم لصهيب ونذير واجت رونق تركض شلتها بحضني وبقيت ابوس بيها حبيبة ابوها هاي
صهيب عمرة 13ونذير 11 ورونق 8سنوات
انطيت السويج لصهيب
اجو ولد مصطفى ماشاء الله عبالك توم ثلاثتهم بعمر رونق واصغر بوستهم وراحو يتراكضون للسيارة ورى ولدي واني دخلت البيت ورونق بحضني
سلمت جانو كاعدين يشربون جاي كام أبوية بوجهي وحظني / هلة يابة هلة وليدي شلونك
معتصم / الحمدلله يابة انت شلونك
بسته من راسه ورحت سلمت على امي
الي بقت على كعدتها وعيونها علية ادري بيها مشتاقتلي ومرات تخابرني تبقى تبجي تريدني انقل دوامي لديالى حظنتني بقوة وهي تعاتب بية لأن تأخرت مانزلت هالمرة من وكت
سلمو البقية علية جانت نسوان اخوتي مصطفى وصلاح موجودات سما بنت عمتي ايمان بعدها عروس ماصارلهم شهر من تزوجو
هي وصلاح سلمت علية ورجعت كعدت مبينة تستحي هاي اول مرة أشوفها بعد العرس لأن التحقت وراها
كعدت عالقنفه ورى امي وبنتي بحظني صاحت امي عالجناين / حضرن الغدا لابو صهيب بسرعه
ادحك عليهن كامن عالسريع كلمن سوت شغله
ابوي بصفي / نازل مجاز إن شاء الله لو زمنية
معتصم /لا هاي اجازتي
ابو معتصم / اي الحمدلله يابة ... وأشر على بنتي متذبها انت جاي تعبان
اشرلي على رونق اني ضحكت وحظنتها وهي الحيالة بقت تبوس بخدي
أم معتصم / يمة وليداتك فرحانين بيك ورونق دومها تسأل عليك
معتصم / ادري بيها يومية تخابرني
التفتت بالبيت ادور رانيا ماكو عكدت حاجبي ضايج لأن جنت مشتاقلها
دخلو الوليدات وبيدهم علاليك المسواك واني فزيت وذبيت رونق من حظني ورحت اخذت السلاح بيد نذير
نسيت انزله اشتريته صعب وصاني عليه فأشتريته من صاحبي بالدوام
امي صاحت لأن ماقبلت شايل سلاح
معتصم / يمة صلي عالنبي فززتي الولد
ام معتصم / يمة شتسوي بيها هاي كسربة مال صيد شني
معتصم / اي للصيد وصاني صعب واشتريتها من ولد صاحبي
بقيت واكف والسلاح بيدي أبويه رد علية .. شنو نوعها مبينه زينة
انطيتها لأبوي فحصها /؛هاي براوننغ صنع بلجيكي
ابو معتصم بيش هاي مبينه غالية
معتصم /؛هههه اي والله من تعرف سعرها راح تكوم تغلط على صعب
اخذت السلاح وكلتلهم اروح اسبح وارجع اتغدى
يم الدرج لاكتني رانيا نازلة ابتسمت وسلمت علية باست خدي / حمدالله على سلامتك طولت هالمرة
معتصم رد بثكل لأن متعود ميعبر عن مشاعره يم أهله / الله يسلمج شلونج
رانيا / صرت زينة من شفتك
غمزتلها واشرتلها فوك صعدت واجت وراية للغرفة .....
العصر بدلت دشداشة وأخذت سلاح صعب ورحت لبيت عمي عبدالله من شافتني رونق ركضت علية / بابا اروح وياك
دنكت بستها من راسها وكرصت خدها خفيف / روحي كولي لماما وتعاي
شوية وطلعت تبجي / ماتقبل ماما
تنهدت ورجعت للبيت جانت رانيا بالمطبخ تسوي كيك / ليش منعتيها
رانيا / معتصم شوفها شلون مبهذلة شعرها مخربط ولابسة تراك كلتلها روحي بدلي هي عاندت
التفتت على رونق جنها فشلت / بابا بدلي واني انتظرج هنا
وانتي خاتون روحي ساعديها شمعرفها تبدل وحدها ،،، شبيج ماعجبج كلامي
بقت ادحك علية ومن خزرتها غسلت أيدها وراحت ورى رونق تبدللها
بيت عمي عبدالله كاعدين بالمضيف البراني والأوضاع ما اطمن عالكة بين ايهم وصعب وعمي عبدالله ادحك على اياد يضحك وميدخل نفسه
تسالمنا والولد بقو يسألون بية شوكت اجيت وشكد راح ابقى يلة التحق ورونق سلمت راحت للبيت على بيبيتها
انطيت السلاح لصعب /؛هاك صعب خوش قطعه
اخذها من أيدي وبقى يفصحها
صعب / اييي تمام هاي الاريدها عشت والله ابو صهيب الغالي
معتصم / تدلل المهم عجبتك
صعب / حيل عجبتني شنو رأيك باجر نسوي طلعة حتى اجربها
معتصم / اي والله محتاج اطلع للصيد
ابو حذيفة / ها عمي معتصم بيش هاي الكسرية شو جنها جديدة
التفتت على صعب ادري بي ميقبل اكول السعر لأن عمي راح يصير عصبي من يعرف سعرها
صعب رد على عمي عبدالله / يابة مليونين
ابتسمت تك خد وبقيت ساكت لأن سعرها 4 آلاف دولار
اخذها حذيفة يكلب بيها .. اي والله خوش كسرية هسة عليها باجر نطلع للصيد
ايهم بغيض وعصبية / اي انتم ابقو بهاي سوالفكم واني ماكل وحل
التفتنا كلنا على ايهم من حجى بعصبية
حذيفة نتر بي / وتالي وياك
العرفته خاطبين لينا وأيهم ميريدها /؛عمي صل عالنبي الولد مايريدها
حجي عبدالله / اللهم صل عليك يارسول الله انت عون لو فرعون
معتصم / عمي شوفه شلون مفرفح وعصبي
حجي عبدالله / خل يولي يريد يبقى يكمز تالي يروح يجيبلي وحدة مانعرفها بنت عمه ظفيرتها تسوى عشر نسوان
ايهم باستهزاء / ايباااخ شلونها عاد
حذيفة / انجب ولا تبقى تقشمر احترم الأكبر منك
ايهم / حذيفة تقبل تزوج غصب احجي ليش سكتت
تدخلت اني / هسة انت مو قبلت ليش انوب رجعت بكلامك
جر حسرة وذبها / يردون الزواج شهر الجاي واني ما اقبل بعدين البنت وراها مدرسة على شنو مستعجل أبوية
حجي عبدالله / ولك يالاغبر البنت راح تدخل السن القانوني 18 واخاف خالها يلعب بعقلها ويضيعون حلال عمك الله يرحمه هسة انت حضر روحك نعقدلكم سيد ومحكمه وراها حتى عرسكم شهر الجاي وإذا على دوامها البنت شاطرة مينخاف عليها
أيهم سكت بعدما حجى واحنا هم التهينا بسوالف وغيرنا جو الكعدة شوية
المغرب طلعت رادو توسلو ابقى عالعشا مابقيت اخذت رونق بعدما سلمت على عمتي ام حذيفة واختي ام ملاك ورجعت للبيت الي بالشارع الثاني صح ساكنين نفس المنطقه بس بغير شارع
دخلت سلمت عالولد كلهم موجودين حتى مصطفى الي قبل شوية جان نازل لأن منتسب بالجيش دوامه نفس المحافظه مو بعيد
ورى العشا الجهال نامو غرفتهم قريبة على غرفتنا مددت بفراشي وغمضت اريد انام
حسيت على رانيا تقربت باستني بكصتي ..
رانيا / شبسرعه نمت والله مشتاقتلك والوكت كله مو يمي
التفتت فريت جسمي عليها وأيدي خليتها جوة راسي وأيدي الثانية سحبتها لحظني
خلت راسها بصدري باستني ورفعت راسها وعضت شفتها
رجعت حظنتها / نامي ترى تعبتج حيل الظهر واني هم تعبت .. غمزتلها وركصت حاجبي واني اذكرها بالصار من صعدنا للغرفة الظهر
رانيا / هههه انت تتعب مستحيل ما اصدك
معتصم / وليش بلة
رانيا /؛ماشاء الله نشاط وحيوية
معتصم / دتعاي لعد .......
ـــــــــــــــــــــــ
العمة ايمان / ها بنيتي كملتي
لينا / اي عمة بس والله كسر واهسي ايهم بهاي الروحة
ايمان / معليج بي يلة اطلعي رمشلي صلاح بالباب سيارته
لينا / شنو سما هم تروح ويانة لو بس زوجها
ايمان / اي تروح بالليل خابرتني ومتفقه هي وياه يمرون علينا
لينا / عمة همة عرسان يتونسون وحدهم احنا شكو محمضين عليهم
ايمان / امشي ولج منو يحمض غصبا عليهم يأخذونه وهمة الممنونين
طلعنا بعدما عمة ايمان قفلت الباب اني وياها صايمين يوم عرفة والله انقهرت عليها لأن لخاطري راحت
والحمدلله روحتنا سهلة اشتريت المحتاجته وصلاح طبعه حلو خلانه على راحتنا وهو يمشي ويانه عمة ايمان كالتله يأخذ سما ويرحون يفترون ماقبل رجعنا قريب الساعه وحده الظهر فاحطين لأن الجو شوية حار واحنا صايمين حتى صلاح وسما هم ماقبلو ينزلون سلمو وراحو اني دخلت العلاليك وعمة ايمان كالت تفوت تسبح حتى ترتاح
كملت ترتيب حاجاتي وحاجات عمة ايمان وديتهم بغرفتها انتظرتها طلعت من الحمام حتى اروح اسبح
((صوم يوم عرفة أحد أنواع صوم النفل وهو صوم يوم عرفة لغير الحاج، ويوم عرفة وهو أحد أيام العشر من ذي الحجة، وهو يوم التاسع من ذي الحجة، وهو أيضا تاسع أيام العشر من ذي الحجة، ويستحب صيامه لغير الحاج حيث يكون في هذا اليوم واقفا بعرفة، مشتغلا بتأدية مناسك الحج. وأما غير الحاج فيستحب له صوم يوم عرفة؛ لما ورد في الحديث: «صيام يوم عرفة يكفر سنتين سنة قبلها وسنة بعدها»، ولكن هذا الاستحباب لغير من كان حاجا، فلا يستحب له صيامه؛ لأنه يكون في حال اشتغاله بالوقوف بعرفة، حيث إنّ الصيام حينذ يضعفه عن الذكر والعبادة في ذلك اليوم، وقد ورد النهي عن صيامه بحديث: عن أبي هريرة قال: «نهى رسول الله صلى الله عليه وعلى آله وصحبه وسلم عن صوم يوم عرفة بعرفات» ))🌹🌹🌹
الكل كاعدين من صلاة الفجر الي صلوها بالجامع لحدما صار وقت صلاة العيد رجعو للبيت اليوم حجي عبدالله يذبح الأضحية هو وام حذيفة اشترى قبل كم يوم كبشين كبار ولزوجته هم اشترالها وحاسب حساب اخو علي ابو لينا وامها الله يرحمهم
الولد واكفين عليهن لما ذبحهم الكصاب والحجي هو وزوجته كبروا ورددوا الدعاء
وبلشوا يقسمون الأسهم حتى يوزعوها عالجيران والناس اليعرفوهم محتاجين
_
تعال ايهم هاي الحصص مكتوب الاسماء عاللاصق بالعلاكه وديهن اقرا الاسم ووصله للبيت مو ترجع تكول نسيت المن اودي
ايهم / هسة متشوفني أيدي ملطخه خل نكمل وبعدين التوزيع
صعب / دخيل على الله استعجل ترى ضجت شدعوة هلكد لحم
ابو حذيفه / هااا صعب ترى هذا خير وبركه أن شاء الله ثوابه واصل
صعب / يابة ماكايل شي دشوفني حتى دشداشتي ادمرت
أبوه / ماجان تروح تبدل ذول اخوتك رأسا غيرو دشاديشهم
صعب / ماعبالي اتذبون التوزيع براسي
ملاك بنت حذيفة بيدها جدرية صغيرة وتقربت على صعب صاح بيها ابوها / وووين ارجعي راح تتوصخ ملابسج
بقت صافنه على ابوها
صعب / تعاي عمو شتردين
ملاك / عمو ماما تريد لحم
صعب / شتسوي بي
ملاك / ما اعرف
أشرت لحذيفة / شوفهن شكد يردن هاي اكيد يردنه للغدا والجدرية صغيرة جيب نجانه جبيرة احسن لان غدا العايلة هنا
اجت لينا شايلة جدر جبير / صعب عمة تكول خل لحم للطبخ
صعب مبرم ردان دشداشته وكاعد عالكرسي وكدامه طشت جبير مليان لحم / لعد شنو دازات ملاك جدرية هاكدوتها
لينا / هههه هي تكمز من سمعت امها حجت طلعت تركض
ايهم بصوت نترته قوية / شنو اليضحك بلة سدي حلكج !!!
صعب خزره / لا تذب عصبيتك بالبنت أخذ الحصص وروح وزعها ،، هاج لينا ودي اللحم
دفعت الجدر وهي دنكت تريد تشيله ادحك عليها كاشخه نفنوف مرتب والحجاب حلو عليها شفتها كوة شالتة صحت بأيهم / عوفي تعال ايهم شيلة ثكيل
تقرب ايهم وعيونه اطك شرار / وخري ولج بس
