رواية عشك أل فراس كامله جميع الفصول بقلم زينب نور
يوم الاحد في احد بيوت محافظة البصرة
محمد : فهد اكعد يلا تأخرت نور اصعدي كعدي ولدج
نور :بعد وكت خليهم نايمين
محمد:لا خل يكعدون
كمت كعدتهم وهمَ كاعدين على صوت ابوهم رحت للعلي لكيتهه نايم هوَ الوحيد
نور :يمه كوم اكعد راح تتأخر
غطى راسه وكال بـ نعاس
علي: خلوني نايم مالي خلك للدوام
نور:كوم فدوة اروحلك لا يجيك ابوك
كام يدردم والبنات كعدن بس شهد كانت صغيرة نايمة كان الجو باارد ومطر خفيف
علي:أنا ما اكل بيض
محمد : وشبي شو عفهه هذا مو نعمة الله
فهد :نعمة الله بس علي من زمان مايحبه ولا يطيقه ليش ما جايبين غير شي
محمد:هذا الموجود ما عاجبة يلطخ راسة بالحايط
كام علي من السفرة اخذ جنطتة وطلع لدوام وفهد هم سلم علينا والتحق كان يدوام كلية عسكريه اخر ايام لـ تخرج تدريب واسد وصهُيب كانوا بـ بغداد عدهم شكم شغلة وتقديم للكلية العسكرية
نور :على كيفك ويَ علي ليش تعاملة هيج
محمد : ما تعلميني شلون اعامل ابني
نور : وابني هم أسلوبك عدلة ويا مو طفل هوَ بس يحجي كلمة تصيح عليَ وترزلة
غزل:بابا ترا خطيه والله ينكسر خاطرة
محمد :كملي يلا حتى ترحن لدوام يلا بابا
خلصنا اكل ورحنا لدوام كانت صديقتي رند
ازل :صباح الخير
رند:صباح الفل شبيج مالج خلك
ازل :نعسانه حيل
رند :ادري بيج جذابه
سكتتت عنها ورحنا دخلنا لصف خلص الدوام ورجعت اول ما دخلت للبيت سمعت صوت ابوي عالي عرفتهه على علي
علي:هسه شتريد مني بالضبط تريد تضربني اضربني وخلصني
غزل :شكو شبيكم منخلص من هاي الهوسة كُل منرجع من الدوام نفس الشيء ترا ملينا ودمرت الولد بهاي التصرفات
محمد:صايرة مثله طالعة عينج
اتقدم راد يضرب غزل صار علي كدامها وضماها ورا ضهرة
علي:انا المذنب مو هيَ حتى تضربها
عسل:انتَ ممسوي شي اذا ذاك هوَ ساس البلاء انتَ شعليك حتى تتحمل ضرب بدون ذنب
صاح عليهن صوت حتى يسكتن وضل يحجي ويغلط على علي ودخل لجوا كل هذا امي كانت ساكتة
ازل :اريد افهم الخوف هذا العام عليج شوكت يخلص ابنج يتحمل اشياء اكبر من عمرة وانتِ مخلصتها علينا ابوكم وابوكم ترا خطيه
علي اخذ الجنطة مالته ودخل لجوا وغزل وعسل هم دخلن ورا
نور:ادخلي بدلي وتعالوا اتغدوا يلا
دخلت ادردم شنو من اب يربي شنو من اب حرام والله حرام ينضرب ضرب مو طبيعي شكو شي يمه يضربه بيَ وياريت اكو سبب
كعدنا كلنا بس علي مقبل ياكل امير كان كاعد ويمه شهد ويمها ابوي
محمد:ذاك العار وين ما يجي ياكل
نور :عندة اسم ترا ومعليك بيَ اكل او لا
محمد: عساه لا اكل
سكتنا محد حجه خلصنا غداء اني غسلت المواعين وعسل سوت جاي وغزل لمت المطبخ سمعنا صوت ابوي عالي هوَ وامي بغرفتهم شهد كانت صغيرة وشهد تخاف من الصوت العالي والصياح فـ ضلت تبجي طلع علي من غرفته حضنها واخذها وطلع برا حتى تسكت
ازل :مو بيت صالة ولادة كلها تصرخ
عسل :سدي حلكج وانجبي
طلع ابوي من الغرفه صاير نار راح مباشرةً لغرفة علي
محمد:وين راح هذا
علي:ها اجيت اطلع حركت كلبك بيه مو تعال بس اخذوا شهد لا تتأذة
نور : اذا ضربتة والله العظيم ما اضل هنا بعد دقيقة وحدها
وهيج مرت الايام كل يوم ينعاد نفس الجدول بيوم من الايام كان يوم خميس نهاية أسبوع
اجه علي من المدرسة ملابسة كلها تراب وشعرة مخربط وايدة مجروحة
شافتة امي لطمت على صدرها وكالت
نور:ولك يمه منو مسوي بيك هيج
علي:تعاركت
نور:ويامن يالمسودن
علي: ما اعرفهم بس همَ بالمدرسة وسبب هاي العركة من ورا رجلج الشفية
نور :سد حلكك لا يجيك عليمن تعاركت
علي:يسموني المعقد وابوك ميحترمك يكلولي هوَ انتَ ابوك شابعك كتل حقك تصير معقد عاد اني كل نيتي اعلمهم المعقد شلون يصير
نور:وايدك بـ شنو ضربوك
علي:بموس واحد شك ايدي
تركنا وراح يغسل ايدة راحت ورا امي ضمدتها اله
نور:لا تخلي ابوك يشوفك حتلو انتَ على حق يطلعك غلطان
علي:أنا شطيح حضي غير ابوي صرت حتى استحي امشي بين الناس صار اسمي بينهم المعقد المنبوذ العار نسوا حتى اسمي الحقيقي تعبت من الي اسمة ابوي تعبت وياريت مسوي شي
امي سكتت وهوَ سكت شويه ورجع كال
علي:متأكدة أنا ابنج ؟ لو لكيتوني بالشارع لو ابن عدوة فهميني شسويت حتى هيج يسوي
محمد: لو مخلف جلب ولا مخلفك
علي:اي والله لو الله خالقني جلب ولا مسويني ابنك حتى الجلب احسن من حالتي
اتقدم ابوي عليَّ وهوَ كان كاعد امي صارت كدامة وضمتة وراها
علي:دعوفي عوفي جسمي ضل مايحس بالالم وخري عنه خل يرتاح كلبة وكلب ذاك اليدفع بيَ عليَ
ابوي دفع امي حيل لزمة ضربة ضرب مو طبيعي ومحد يكدرلة ابوي ضخم وطويل احنه. وين نكدر تعب وخر عنة باوعلة علي ضحك وكلة
علي:هسه ارتاحيت
محمد:لو اموتك ما ارتاح
نور:اسم الله على كلبة من الموت ان شاء الله اليكرهونا
محمد:اني اول واحد اكرة
علي: بهاي الكلمة ما اعرف شنو صار بيه صعبة ياناس صعبة ابوك يكرهك بدون سبب باوعت عليَ وسكتت طلعت من يمهم بدلت ملابسي وغسلت وجهي فتحت الباب صار بوجهي اخوي اسد
اسد : السلام عليكم
ابتسمتله ورديت السلام سلمت عليَ بالباب وطلعت رحت لبيت جدي ذولك الاعزاز دخلت سلمت عليهم
علي:وين جدي
زهرة :بالغرفة يبعد طولي
رحتلة دكيت الباب ودخلت لكيتة يقرا قران ويمة عمي احمد كعدت يمة حضني عمي وكال
احمد :شلونها دراستك
علي:زينة
احمد : اريدك ضابط معدل
أبتسمتلة وكتلة ان شاء الله خلص جدي صلاة سلمت عليَ ضلينا كاعدين يسولفون واني بس استمع شوية ودخل اللي اسمة ابوي
محمد:السلام عليكم
ردوا السلام أنا كمت اترخصت اريد اطلع صاح عليه جدي
فراس :وين رايح يالنمر
علي :عندي دراسة اروح اكمل
محمد: وهم شوفلك واحد وتعارك ويا
فراس :انتَ وتالي وياك دمرت الولد اسكت عوفة
محمد:شوف ايدة متعارك وي ولد بالمدرسة وهسه اجاني ابوهم
علي:غير انتَ السبب
تركتهم وطلعت روحي طلعت من هل الزلمة هذا ومسودن وكلشي اسوي طلقه براسة لو براسي واخلص وين ما اصير تصير رحت للبستان كان فاارغ والهواء بارد كعدت وحدي
كعدت واحد عمرة فوك الستين وشايف ضيم الدنيا كله فززني صوت امي
نور : ليش كاعد وحدك
علي:انتِ شعندج هنا
نور :اجيت وراك
علي:امشي نرجع للبيت
نور :اكعد اريد احجي وياك
علي:نحجي بالبيت مو هنااا
ما عبرتني راحت كعدت وكالت
نور:ادري بيك تعبان من ابوك ولتصدك كلام ابوك من كال اكرهك الاب بعمرة ما يكدر يكره ضنا حالة عصبية وبيوم من الايام راح يرجع ابوك الحنون ابوك اكو شخص يترس براسة عليك ويخلية يكرهك ابوك كلبة طيب بس الكلام بسرعة يدفعة وهذا الشخص مسيطر عليَ
علي: الكلام اللي كالة بعمري ما راح انسى كلمة وحدها منة يمه ابوي مو اليوم والبارحة تغير يمه بعمري ما شفت منه الحنان مثل اخواني صرت اغار ليش مو زين وياي أنا شمسوي ليش يعاملني بكل حقارة، ابوي مو طفل حتى شخص يترس راسة وابوي ضابط عسكري يعني يكدر شوية يكعد ويَّ نفسة ويفكر ذاك الشخص المسيطر عليَ اذا هوَ بيَ حظ ما ياخذ كلام الرايح والجاي
ما حسيت غير اجاني راشدي شك اذاني شك
نور :حلكك اشكة اذا تحجي على ابوك
علي :ابوي ؟ هههههه يا اب هذا بس بالاسم
كمت وتركتها وراي تصيح علية رجعت للبيت كانت الدنيا المغرب وبيها مطر كعدت بالحديقة اجه يمي امير كعد
صافن وحدي ما حسيت غير اصبع دخل بعيني
علي:شبيكك ومرض
امير :عيونك حلوات اريد اشوفهن شنو نوعهن
علي:من طاح حظك وحظ عيوني كوم منا لا انعل والديك
امير :يشواش يعيوني يشواش
علي :نعال على راسك يا حيوان راحت عينيي
امير:بعد ما يقبلونك ضابط لان اعور
علي :ابوك محمد شتطلع مثلاً
امير :مهندس
علي: مسطرة بالهندسة ما يقبلونك
امير : وانتَ نجمة على كتف ضابط ما يقبلونك
محمد:أمير روح جيبلي مي
راح امير وكف كبالي يباوع بية ومصغر عيونة
علي:ها تحدد مكان ما ضاربني بيَ علمود اتشوة هم
محمد: ابد ما اتندم من اسميك عار
علي: اشرف اكبر راس هذا العار بعد يومين تركع جوا رجلي والدنيا دوارة واذكرك بيها
امير جاب كلاص المي شمرة عليه ونزل غلط وسب تركتة ودخلت لجوا استمرت حياتي على هذا الوضع كل يوم انكتل اكثر من مرة بدون ايييي سبب جسمي على كد الضرب اتشوهه واثار الضرب حتى ماتلحك تختفي ولا الجرح يلحك يطيب حتى امي جانت توكف بوجة وتحميني وتخليني وراها هسه لا يضربني كدامها تباوعلي وتبجي فقط او تعوفني وتروح
حدي من المدرسة للبيت حتى لبيت جدي بطلت ما اروح حياتي صارت عبارة عن ضرب ونوم حتى الاكل كمت ما اشتهي اكل
بيوم نزل فهد اخوي من الدوام وأتا جان عندي امتحان رياضيات جنت وزاري ثالث قبل نصف السنة خلصنا الامتحان وجنت كاعد اجة واحد من المدرسين كال
المدرس :الطالب علي محمد فراس هنا ؟
علي:نعم استاذ
المدرس :تعال بابا اجة ولي امرك جيب الجنطة مالتك واطلع
استأذنت وطلعت رحت للادارة لكيت فهد كاعد سلمت عليَ وطلعنا
علي:وين رايحين
كان ساكت ميحجي
علي:احجي وياك وين رايحين
فهد :نوصل وشوف وين رايحين
سكتت عنة وصلنا لمنطقة كلش اكرها وبيها بيت صغير الي هوَ بيت محمد
علي:هذا مو بيت ابوك الصغير
فهد :وابوك هم
علي:شعدنه هنا
نزلنا من السيارة دخلنا للبيت كعد وكال
فهد:شنو شفت بهذا البيت ؟
علي : سكتت ما حجيت شي بس عيني راحت على صورة من شفتها رجعت بيها كل الايام السودة
فهد :تذكر هذا اليوم
علي :2004/21/1تمامًا
فهد : شصار
علي : أشرت على مكان
هنا اغتصبوا مراة هيَ وبنتها عمرها خمس سنوات وذبحوهن كبالي
وهنا جابوا بزون وقطعوا ذيلة وخلوا يلوب من الوجع
وهنا انضربت بأبشع الطرق
وهنا حركوا واحد وهوَ عايش
وهنا اغتصبوا عروس كانت لابسها بدلة بيضة كدام زوجها وورا ما اغتصبوها ذبحوا زوجها ومثلوا بجسمة ورجعوا قتلوها بنفس الطريقه
بهذا البيت عشت ايام ما راح تنسي بسبب ابوك خطفوني وعذبوني وكنت متوقع انُ من ارجع اشوف منة شوية حنان واحتواء لكن شفت العكس تماماً
فهد انا عايش بين ادين وحش مايحرم بشر ابدد
فهد : ثارك اخذه من حلك السبع
علي : ليش اجينا لهنا
كام وكف يمي
فهد : ماجنت اعرف هاي التفاصيل كل الي اعرفة انُ انخطفت بسبب ابوي ومنو الخطفك وليش مادري هسه عرفت بس ما راح اسوي شي امهدلك الطريق لحد ما تتخرج وتصير ضابط
علي :ومنو كال لذاك الوكت انا عايش
فهد : عمرك طويل ان شاء الله وتاخذ ثارك وتشوف الدنيا شلون تفتر
طلعنا من البيت مشيت كدامة وهوَ وراي قفل الباب واجة صعدنا وانطلقنا للبيت
فهد : دير بالك تحجي شي
علي:المن احجي
فهد: خاف بالغلط تطلع كلمة
دخلنا لجوا جانت امي كاعدة اول ما شافتني صاحت
نور:انت وين جنت هااا دورنا عليك ومااكوو
فهد:طفل هوَ حتى دورون عليَ جان وياي شعليكم بيَ
محمد : راح اطلع عينة انتَ
علي : عود من يلتحق انتَ اعميها
تركتهم ودخلت الغرفه وهيج مرت الايام كل يوم نفس الروتين ونفس الجدول
راهب :ضلعييي مشتاقلككك
أبتسمتلة راهب كان مشاغب واجتماعي ويَ الكل عكسي تمامًا جنت ابد ما اختلط بواحد حتى بالمدرسة كان ويَ الطلاب والمدرسين هوَ ونمر وأيسر وماهر اني جنت عكسهم
راهب :كوم نطلع نكعد يم الولد شبيك كاعد هنا
علي:مالي خلك
جنت لابس قمصلة من طلعوا الطلاب نزعتها كان الصف دافي ولابس جوا نص فـ دخل ولد جنت ما منتبهة عليَ كال
_علي هاي شبيها ايدك
اجه عليه لزم ايدي وكال
_ههه منو يضرب بيك هيج ومسوي بيك عقدة نفسية
فؤاد:ابو
علي:معليك بيه ولا تدخل بشي ما يعنيك
التفت لفؤاد
نطلع من المدرسة لو لا انا الك
اخذت القمصلة لبستها وطلعت من الصف مدرستنا كانت جبيره حيل ضليت افتر وحدي بالساحة اجوا وراي راهب وماهر
ماهر :لا تضوج ماعليك بيهم
راهب: اكسرهم الك والله كلشي ولا اضوج من ورا هيج نماذج بايخة
سكتت عنهم محمد اااخ يمحمد دمرتنيي دمار كبرتني فوك عمري عمرين شكد اتمنى عندي اب حالة حال عباد الله عبالك عدوة مو ابنة
انتهى الدوام وطلعت بسرعة حلفت الا اكتل فؤاد لو مدري شيصير شفتة يمشي وهوَ ويا ولد خالة ثنين
شمرت الجنطة على الرصيف ورحتلة بدون مقدمات صلختة راشدي طلعت ضيم محمد كلها بيَ
علي :انعل ابوك لابو الجابك هاي وحدها والك غيرها هواي اذا ما اكرهك بعيشتك تاليتك تركع جوا رجلي
اخذت جنطتي ورجعت كان وياي امير
امير :تعال غسل لا يشوفك ابوي ويصلخك مثل ما صلخت فؤاد ملابسك بيهن تراب
علي :اول وتالي انا مكتول عليمن بعد هسه تلكى ابو نعال خابر ويلطم
امير :چا خل نروح لبيت جدي
علي :لا
امير :انتَ ليشش تعاااند
علي :انتَ شعندك هنااا بعدك بطول النعال تفتر بالشارع
امير :بكيفييي امشي يلا
سكتت عنه شويه ورجع كال
امير :هوَ انا ويامن احجي
علي:ويَ بشر لا احساس ولا ضمير
دخلنا البيت جان موجود يمنه جدي وبيبيتي وعمامي
علي،امير :السلام عليكم
الكل:وعليكم السلام ورحمة الله
الجد :كواك الله بويه
علي:كوه الله حيلك
نور :روح يمه غسل وبدل وتعال تغده
علي:لا يمه ما اشتهي
امير :چا انا جوعان
نور:انتَ مو تغديت مرتين
امير:چا ابطل ما اكل
تركتهم ودخلت للغرفة بدلت ملابسي صارت كدامي المراية باوعت على جسمي شلون اثار الضرب بيَ حتى يوجعني وصاير ازرك كد الضرب والوجع ، بدلت وصليت وكعدت يوم خميس يعني ثاني يوم عطلة
اندفر الباب دخل امير
علي:وحك علي اكوم اكسرك تكسر امشي اطلع برا
امير :يشواش عيني يشواش اجيت اخذ دفتر منك اشخبط بيَ
علي :ماتولي تقرا شتريد اشخبط
هز ايدة وطلع
علي:تعااال سدد الباب لا اكوملك
رجع سد الباب حيل وطلع لفيت راسي ونمت ماكعدت غير المغرب مدري شعجب محد كعدني غسلت ورجعت صار بوجهي ابوي
محمد :ليش ضارب فؤاد
علي:مايحترم نفسة
محمد:ومايحترم نفسة هيج تكسرة
علي:انتَ علمتني
محمد:شعلمتك انا؟
علي:علمتني اذا واحد حجة وياي كلمة اكسرة
محمد:وهوّ يكول ماحجيت ويا شي
علي:وانتَ اصدك هذا الجذاب ؟
محمد:وانتَ شنو ما اجذب
مالحكت اجاوب اجاني راشدي شك اذاني
زهره :عسى ايدك بالشلل والكسر بجاه محمد
محمد:هيج غالي عندج لدرجة على مود هذا العار ادعين عليه
زهره :انتَ العار ريتني متت ولا خلفتك على الاقل خلي احترام النا ادك على الولد شتريد منة ماتخاف الله انتَ المن تصلي وتصوم وانتَ هيج مسوي بيَّ كلبي وربي ما راضيات عليك يمحمد وعساك بوجع كل دمعة نزلت من عينة
ازل :ابوي ضل صافن عليها وحتى علي اول مره هيج تحجي ويَ ابوي وادعي عليَ
ابوي خزر علي وطلع من البيت وعلي دخل جوا
عسل:عززاا يمهةة جسمي مدري شصار بيَ من كلام بيبي
غزل :بلكي يبطل يضرب بيَ والله خطيه
عسل :بلكتتت حرفيًا تعببب ماكو هيج عبالك عدو مو ابن
خلصنا العشه وكعدنه وابوي ماكو اتصل عليَ عمي كله شويه واجي
احمد:يمه اذا اجهه اسكتوا عنه
شويه واجهه سلم وكعد بدون صوت كان هدوء تام لحد ما بيبي كالت
زهره :خلي علي بعد يجي يكعد يمنا
محمد:مايطلع غير لنجف
فراس:شني ولك سجن شو جنك كلش
محمد:ابني اريدة يمي وعيني عليَ
فراس:واحنه وين ماخذينا مو هذا البيت ،بس كول اريد ادك عليَ براحتي
صار بينهم كلام هواي واحد يكبس واحد يرفع عصبوا كلهم
علي: لا تعب نفسك جدي مااروح خليني هنا
فراس:واضل تتحمل ضرب هذا المايرحم
هز راسه وسكت بليل راحوا كلهم بقينا بس احنه مرت الايام ابوي تقريبًا صار ميضرب علي مثل قبل بس يصيح عليَ ويغلط. فهد تخرج ورجع للبصرة ،
علي :يمه جوعان
نور:يخسي الجوع يمه كول شتريد
ازل:اسويلك كبة
علي:افلشها براسج
علي كان ميحب لا الكبة ولا الابيض هواي اكلات مياكلهن
كامت امي سوتلها بتيتة وطماطة كلي وهوَ يفتر يمها يلا كتلني الجوع ما كملتي حتى لو بعير استوى يلا يمه كافي
نور:اكعددد انز اجيبلك دوختني
كعد وحطتلة الاكل بعدة راد يخلي اول لكمة دخل فؤاد
فؤاد:شلونج خالتي
علي:لا هلا ولا مرحبا ولا طاري الجهه خير شعندك هنا
فؤاد:ما جاي عليك جاي لخالتي
علي: تخلخلت ضلوعك عمتك مو خالتك
نور:هلا بيك يمه تفضل
علي:ويننن البنات كاعدات جوا حتى بالبيت ما ياخذن راحتهن روح اكعد برا
فؤاد:خل اكل وياك
علي:تاكل مرض بنص كلبك وعلي اكسر ايدك اذا تمدها
فؤاد:خاله ابنج عليمن طالع خبيثث
علي:على ابوك
نور:بسكم يمه شجاكم
شويه وراح فؤاد وعلي طلع .
علي :طلعت من البيت لكيت ماهر ونمر وراهب كاعدين
هااا جلاب
راهب:هلاااا وكل الهلا بضعلي الوفي
علي:سلمت عليهم وكعدنة
ماهر:بعدة ابوك
علي:چا يتغير
ماهر:يبقى ابوك
هزيت راسي وسكتت للمغرب كمت من يمهم من رجعت لكيت ابوي واكف ويمة خالي ابو ادم
محمد:تعال بابا تعال
انصدمت صدمة ماكو هيج اول مره يكلي بابا !!! رحت يمه سلمت وكفت كال خالي
_محمد علي شكد عمرة
ضل مايعرف شيرد بعدين كال
محمد: جبير وهاي هيَ هههه
علي:ابوي مايعرف ملامح وجهي
تريدة يعرف أنا شكد عمري
تركتهم ورجعت يريدة يعرف شكد عمري كدام الناس نبي ويمنا شيطان
اجهة وراي ....
............................................
