رواية اللعنة مازالت مستمرة الفصل الاول بقلم ميدو هيرو
ناس كتير بتحب قصص الرعب وبتصدقها سواء كانت قراءه او كتابه او حتي تجربه عاشوها وشافوها بعينهم وانا من الناس اللي شافت بعينيها لكن ليا في الرعب ولا عمري كنت بصدق فيه لكني كان لازم احكي قصتي مش رغبه مني رعبكم لا انا كتبتها عشان هي لازم تتحكي وفي الوقت اللي انت بتقرا فيه اللي انا كتبته ادعيلي بالرحمه لاني اكيد وبدون شك هكون ميت !!!!
انا عادل شوقي طالب في كليه حقوق وحيد ابويا وامي ساكن في المعادي اكتر حاجه انا بحب اعملها هي السفر ومن زمان وانا نفسي في حاجه جديده اعملها وفي يوم من ايام امتحانات اخر السنه بتاعت الكليه عرضت علي تلاته من صحابي علي السفر لأي حته هما التلاته اساميهم احمد وعبدالله وعمر تحفزوا للفكره دي اوي وكله وافق وبالفعل عبدالله حجزلنا فيلا في اسكندريه وعلي بدايه اجازه اخر السنه اخدنا العربيه بتعتنا وكل واحد راح علي بيته ولم هدومه بسرعه وطلعنا علي هناك
وصلنا هناك واستلمنا مفتاح الفيلا وبدانا عمليه التنظيف في الفيلا تعالوا بقا اوصفلكوا الفيلا شويه الفيلا 3 ادوار دور ارضي ودور تاني فيه خمس اوض ودور تالت الدور التالت دا بقا لما جيت اطلع لقيت فيه باب بيفصل بينه وبين باقي الفيلا او الادوار التانيه اللي بيميز الباب انه باب حديدروكان مقفول باقفال كتير وكل قفل عليه حاجه زي الشمع زي ما يكون محطوط عشان محدش يعرف بفتحه ولا يفكر يفتحه الباب عليه بقع سوده وغليظه كدا زي ما تكون نقوش علي الباب لكني لما حطيت ايدي عليها لا دي مش نقوش دا دم متجلط معرفش الدم دا جه منين لكني نزلت جري وناديت صحابي عشان يشوفوا لما شافوا الباب دا استغربوا كلهم ما عدا عبدالله الوحيد اللي مكنش علي وشه اي تعبير ولا كان بيطنق ولا بيعمل اي حاجه
اللي يهم في الموضوع ان بعدنا عن الدور دا بس انا مكنتش قادر ابعده عن تفكيري ابدا وجه معاد النوووووووووم زي ما قولتلكوا ان الدور التاني هو اللي فيه الاوض خمس اوض واحنا اربعه قسمنا الاوض علينا وسيبنا الاوضه الخامسه لسبب اننا اربعه وكمان سيبنا الاوضه دي بالذات عشان لقينا الاوضه مقفوله بقفل هي كمان ..... ودخلنا ننام
في نص الليل سمعت صوت مفتاح بيفتح قفل وصوت اوكره بيفتح باب فضلت مركز مع الصوت وقلبي عمال يدق بسرعه لكن الباب مقفلش اتسحبت براحه ناحيه باب اوضتي وفتحت الباب عشان اشوف ايه اللي برا ولما فتحت الباب لقيت الدنيا ضلمه كحل رجعت علي جوا وجبت كشاف من شنطتي كنت جايبه معايا احتياطيا وسلطه علي برا ولقيت كل الاوض مقفوله لسه هلف عشان ارجع نور الكشاف خبط ناحيه الاوضه الخامسه اللي بابها ......كان مفتوح وفي نور ضعيف جوه الاوضه عامل زي ما يكون نور كشاف برده وفي خيال حد بيتحرك جوه ورايح ناحيه الباب قفلت الباب علي نفسي بسرعه مش عايز اشوف اللي طالع من الاوضه مع اني كنت استنيت كنت شوفت فيه ايه ومين اللي بيتحرك جوا وجريت تحت البطانيه واستخبيت تحتها ورحت في النوم وتاني يوم صحيت واللي كان معروف اني مش هلاقي اثر لاي حاجه حكيتلهم اللي شوفته كله طبعا كدبوني ما عدا عمر قال : ايه يا احمد ما انا شوفتك عمال تتمشي في الدور امبارح احمد قاله : انا !!! قاله : اه انت قولتله : طب يا عمر احكيلي شوفت ايه ؟ عمر قالي : احمد كان ماشي امبارح في الدور وعمال يقول كلام مش مفهوم وانا طلعتله وقولتله مالك فيه ايه وميردش عليا وفضل يقول الكلام الغريب ده ولقيته رايح ناحيه الاوضه الخامسه اللي لقيناها مقفوله لكن الاوضه المره دي كانت مفتوحه والتفت وقالي جمله واحده (اللعنه مستمره) احمد قاله : انت بتقول ايه ؟!! انا والله مخرجتش من الاوضه امبارح بعد ما كلنا دخلنا ننام عبدالله قال لعمر ما انت ممكن كنت بتحلم يا عمر عمر قاله اقسم بالله ما كنت بحلم وانا قولت لاحمد او انت يا احمد بتمشي وانت نايم احمد قالي همشي وانا نايم واقول لعمر (اللعنه مستمره) قولتله انت قصدك ايه ؟ قالي قصدي ان الفيلا مسكونه قولتله مسكونه ! مسكونه مين يابا انت اهبل قالي بكره هتشوفوا ان كلامي صح خلص الحوار وكلنا في حاله حيره كل واحد فينا انشغل لكني وانا قاعد سمعت صوت واحده بتصرخ من فوق من الدور التالت قولتلهم انتوا سامعين اللي انا سمعته كلهم بصولي وقالولي لا مسمعناش حاجه قولتهم ازاي انا سمعت صوت واحده بتصرخ من فوق عبدالله قالي بلاش كلام احمد يقصر فيك مفيش حاجه سمعناها انت اكيد بيتهيالك قولتله لا مبيتهياليش وانا بقولك انا سمعت صوت واحده بتصرخ من الدور اللي فوق ولا كاني بكلم ولا كاني قولت حاجه ......
