رواية مريم كامله جميع الفصول بقلم جمانه السعيدي
القصه كلش حلوووو وتستحق المتابعه بلبدايه راح احجيلكم عن امي وابوي وبعدين احجيلكم عن نفسي .....
اني مريم
ابوي خلفة مال بناء وزوج امي عن حب كان مره لازم بيت يبني وشاف بنيه بلبيت الي بصف البيت الي يبنون بي
كانت كاعده من النوم وطالعه تغسل والعمال فوكهم يشتغلون
العمال كلهم يباوعون عليها وهي طالعه لابسه دشداشه قصيره وربع دن وتمشي وتلم بشعرها
هو ما قبل يباوعون عليها
راسا كح بصوت عالي هي انتبهت رفعت عينها واجت بعينه
ورجعت للبيت
جمانه السعيدي
بس صورتها وهي ترفع بشعرها وبعدين رفعت عينها عليهم ضلت اباله
وضل يوميه يشتغل وهو عينه على بيتهم ويريدها تطلع حتى يشوفها
مره ثانيه جانت راجعه من المدرسه
وهو ضل يباوع عليها الحد مآ العمال صاحووو استادي
يله الخبط يبس البيت خلص بناء وهو يوميه ينتضرها على الطريق حتى يشوفها من ترجع من المدرسه
عجبته حيل ثكيله وتروح وترجع بلطريق ومآ الهاشغل باحد
تمشي وعينها بلكاع
من غير جمالها الماله مثيل ابد
يوميه يروح ينتظرها بلطريق اذا ماعندا شغل حتى يشوفها وبس
ولامره فكر يحجي وياها
يباوع عليها وبس
قرر يخطبها ويتزوجها
ولمن اتقدملها اهله شرطووو علي بيت وحده هو جان جامع كم فلس وقرر يشتري بيت هو كان عايش بيت العائله ويه اخو الجبير
همه بس اخوان ثنيين والأم والاب متوفين
عمو علي كاله اني انطيك حصتك من البيت
على الفلوس الي جمعته واشتري بيت
جمانه السعيدي
بدا يدور على بيت
اكو دلال بيوت راح يسئل يمه وفعلا لكه بيت بسيط
وعلى كد فلوسه اشترا البيت وراح أتقدم الامي
تم الزواج ابوي جان حيل فرحان بأمي ويموت عليها
امي حيل حلوه بيضه وشعرها يخبل
ابوي ما قبل تكمل دراسه لان يخاف عليها
اول حمل صار عدهااسقاط والثاني اني بقت نايمه ٩ اشهر على ضهرها
منا لمن صرت اني وسمتني مريم
امي حيل شاطره تعرف تحف وتضرب ابر وتثقب اذان
وطبخها ماينشبع منه
شكد حاولت امي يصير عدها حمل بعدي
بس دائما لو اسقاط لو مايصير
كانت فلوس شغلها وتأخذ من بابا كلها علاجات حتى يصير حمل
بس هاي العلاجات كانت اضرها ما تنفعها
وسببتله سرطان الدم
الي كان منتشر بجسمها واحنا ما نعرف
كانت تحس بتعب بس تعتقد من الشغل
ومستمره تشتغل ومآ منتبها النفسها ابد
إلى أن يوم وكعت من طولها واخذناها للمستشفى
وبعد التحاليل اكدولنا عدها هذا المرض
اني من جنت زغيره دائما احب اقلد امي اجيب
خيط حفافه واحف رجلين امي
امي تضحك تكول ايدج خفيفه
ومن امي تشمر السرنجه بعد ما تضرب ابره اني اروح اترسه ماي واضرب المخده بيه
خلصت سادس ابتدائي ونجحت وهاي الفتره امي حيل ادهورت حالتها
بحيث اني دائما بيت عمي وابوي كلشي يحلصه للدكاتره
بيت عمي عدهم ثلاث بنات وولد زغير
إلى أن الدكاتره كلهم ياسونا من حالة امي
وفعلا ورا اسبوع
ماتت امي وابوي حزن عليها حزن موطبيعي
بحيث بطل يروح للشغل ولحيته طويله والشيب مالي راسه
عمي جان يسوك النا
اربع اشهر وهو تعبان وما يكدر يطلع
بس الناس اكلت كلبه ازوج ليش باقي بدون زواج ازوج
بنتك إلى متى تبقى بلبيوت
لازم تتزوج
كان رافض الفكره نهائبا
الحد مآ دارت السنه على وفاة امي
واذكر اجا عمي وتعارك ويااا وكاله اذا ما تتزوج اني ازعل عليك وبعد لا انت اخوي ولا اعرفك
إلى متى تبقى هيج بس ابوي ماقبل ابد
صار سنتين الوفاة امي بعدين بدت زوجت عمي ادور الابوي مره يتزوج
جمانه السعيدي
وعمي يوميه عدنا بس يحجي علي
وافق بابا بعد ملحت الناس علي
زوجت عمي خطبتله وحده عمرها ٣٠ وموحلوه ابد
يعني اتحسيها مثل شكل العمالقه
اديها كبار ورجليها كبار وعيونها زغار
سمره وخشمها جبير
ابوي ما حب يفشل زوجت عمي
لان بقت ادور هواي ويوميه خاطبه وحده
وافق وفعلا ازوجووووو
اني بليلة زواجهم رحت بتت يم بيت عمي
وثاني يوم اجيت اني وزوجت عمي وبناته وابنها
الصراحه زوجت بابا سميه كانت نضيفه بشكل واطبخها طيب حيل
كانت علاقتها بيه بلبدايه كلش زينه
لمن صارت الطفله الاولى يعني صار عندي اخت
اني جنت بلثاني متوسط بوكتها
البنيه طلعت تشبه زوجت بابا
يعني مو حلوووه
جمانه السعيدي
اني جنت حلوووه كلش بيضه وعيوني كبار وخدودي وشفايفي ورديه
جسمي ينطي اكبر من عمري
يعني جسم انثى متكامل وجنت من اروح للمدرسه
دائما أتعرض للتحرش من الولد
كبرت اختى شهد وصارت الناس تقارن بيني وبينها
والكل يكول مريم احلى
مريم حلوه مثل امها
هذا الكلام كان يضايق زوجت بابا
وهنا بدت تكرهني حيل
وبدت تخلي عليه شغل هواي
ودائما تحجي عليه كدام بابا
خلصت متوسطه ونجحت للاعداديه هنا زوجت ابوي
صارو عدها ثنيين بنات
لان حمل على حمل كبل
ردت اقدم للاعداديه وماقبلت كالت البيت عليه والجهال عليه
شسوي مريم بلمدرسه قابل راح تصير دكتوره
وكانت دائما تتذمر كدام ابوي
لو أضل تشكي اخ ضهري اخ رجليه محد يساعدني
منا لمن بابا كال بعد ماكو مدرسه
شكد اتوسلت بي بس ماقبل
كال من يكبرن خواتج عود ارجعي للمدرسه
بقيت كاعده بلبيت اكنس وامسح
واطبخ واغسل ملابس
سميه رجعت حبلت للمره الثالثه
وحرفياااا كل الشغل صار عليه
جمانه السعيدي
شكد انقهر من اشوف صديقاتي رايحات للمدرسه
حتى من تجي وحده من صديقاتي ازورني
ماتقبل تبقى تعيط
وكل اشويه اصخرني كومي وروحي وتعاي
كدام صديقاتي لمن بطلنا يجن عليه
يضحكن يكولن خاف تطلع علينا امنا الغوله
ما اكدر احجي البابا لان هو يجي تعبان وبس ياكل كبل ينام شغل البناء تعب كلش
كانت الايام تمر صعبه وبطيئه وممله
جابت سميه هلمره ولد
صارو عندي اخوان ٣ بس سبحان الله كلهم يشبهونها
محد يشبه بابا
الضاهر الجينات الوراثيه قويه كلش
بدت الناس تجي عليه خطابه وهي ترفض حتى ماتكول البابا ماتريدني ازوج
طبعا خادمتها هي وجهالها كل الوقت
محصله خدامه بلاش ليش تفرط بيها
اني ماكان هامني الزواج ولاافكر بي ابد عندي حلم ارجع ادرس حالي حال البنات
بس حسيت كل الفرص جاي اضيع مني واني محبوسه بلبيت لاحول ولا قوه
