رواية ازهار والوحش كامله جميع الفصول بقلم جمانه السعيدي
اني ازهار من بغداد
حلوه بس بشكل معقول يعني جمالي اله حدود
مو خارقة الجمال
حنطيه عيوني حلوات ابتسامتي حلوه شعري كيرلي
مرتب
شكلي بالعموم حلووووو
عندي اخوان ثنيين اكبر مني واني ازغر وحده
بيتنا ١٥٠متر حالتنا الماديه متوسطه
مستورين ولله الحمد
ابوي يشتغل كهربائي يشد كهربائبات للبيوت
واخواني واحد عنده بسطيه عطور تعبئه
والثاني عنده شريك يبيعون ويشترون
حالتنا الاجتماعيه مستقره
لمن اخواني استحقو زواج ابوي طلب من امي ادور عروسه
قرر ابوي يزوجهم ثنيينهم سوا
تقريبا سنه امي ادور عروسه بلبدايه لكت الأخوي الجبير عروسه بعدين تقريبا ست اشهر يله لكت عروسه الأخوي الثاني
اول فرحه بيتنا فرحه ما تنوصف عرسين بيتنا مو عرس واحد
اني كنت ما مصدكه بمكان ماكنت اخلص كل النهار وحدي بلبيت راح يجن ثنيين وياي مو وحده
هنا اني جنت بلخامس ادبي
كملنا كل التجهيزات قرب العرس
كل تفاصيل العرس كانت حلوه واني طايره من الفرح
اخواني زينين وياي ويحبوني
لان اني الأخت الوحيده بلبيت
ازوجو اسعد وامجد كلشي جان حلوه
كل التفاصيل تخبل
اول ست اشهر بعد الزواج كلشي تمام
لكن بعدها بكم شهر بدت المشاكل
الحبايب وحده ادور للثانيه على مشكله
كثرت القيل والقال
بس ابوي بعده بحيله وكدر يرجع كلشي المكانه
اخواني نفسهم يخافون من ابوي ويحترمونه
كدرو شويه يسيطرون على المشاكل
الخلافات كانت على أشياء بسيطه
بلاضافه اخواني ثنيينهم ماعدهم امكانيه يطلعون بيت وحدهم
جمانه السعيدي
بعد ما خلصت السادس اعدادي اجا واحد تقدملي
ولد شاب عسكري
اني كنت كارها اي واحد عسكري يعني ابد ما مفكره ازوج عسكري
العسكري يكون غايب على طول عن البيت
وهذا الشي يخلي الزوجه تشيل قسم جبير من المسؤليه وحدها
يعني اذا تمرض طفل وزوجها ما موجود هي لازم تحير بي
اذا هي وكعت مريضه وهو ماموجوده صعب عليها تروح للعيادات وحدها
لازم اهلها يحيرون بيها
اذا تحتاج شي وهو ماموجود تبقى تتوسل بهذا وذاك
حتى يجيبلها اي شي تريده
وهواي اكو شغلات الزوجه ماتكدر ادبرها وحدها
ابسط شي محد يشاركها مشاعرها
سواء كانت سعاده او حزن
كلشي يتأجل لمن ينزل الزوج مجاز
حتى الاشياء الحلوه تفقد طعمها
هذا التفكير الي جان مسيطر على عقلي وبسببه
كنت ارفض اي شخص يتقدملي اذا كان عسكري
إني رافضه فكرت الزواج من شخص عسكري رفض نهائي
من تقدملي وسام اني جاوبت لا
مااريد واحد عسكري
وسام عائلته تتكون من أخ ازغر منه وامه ابوه متوفي
بيتهم زغير يله غرفه الامه
وغرفه ثانيه كاعدين بيه هو واخو
اخو طالب يدرس هم مقررين اذا يزوج وسام
اخو ينتقل بلغرفه وياا امه
وسام يزوج بهاي الغرفه
جمانه السعيدي
يعني الشغله شغلة تلزيك بس كون يزوج وسام
طبعا اني رفضت من اجت امه تاخذ الجواب
انطيتها رفضي بس هي مااقتنعت
بعد كم يوم رجعت مره ثانيه تطلب ايدي من ابوي
جمانه السعيدي
ام وسام...ولله وسام خوش ولد ومؤدب اسئلو عنه
واحنا طيب اصلكم جابنا عليكم
ابوي...بس البنيه ما تقبل تريد تكمل دراستها
ام وسام...اي احنا ماعدنا مانع تكمل اصلا هو يجي كم يوم ويروح شنريد منها احنا حتى مو عائله جبيره
هو اني واحمد واني متعوده اخدم ابني
مانريد منها شي
ازهار...اني رفضت رفض قطعي
لان اني مقرره ماازوج عسكري
طلعت ام وسام زعلانه لان اني هاي ثاني مره ارفض طلبها
رجعت ام وسام بلغت وسام رفضي
وسام...ليش ترفض
ام وسام.... امها تكول ما تريد عسكري
وسام...وشبي العسكري شو الدوام قليل والراتب خير من الله بعدين اهم واحد بلدوله العسكري بدون العسكري منو يحمي البلد
ام وسام....ولله عاجبتني شلون بنيه حلوه ومؤدبه
بس شسوي ماتقبل
وسام...عوفيها عليه اني راح اقنعها مالج شغل اريد اشوف العسكري شبي
وسام قررت اني اروح البيتهم اطلب احجي وياها
بلكت تقبل طبعا اني ابد ماشايفها بس كلام امي عنها
خلاني انعجب بيها
وسمعت اهلها الطيبه تخلي اي واحد يتمنى يناسب هاي العائله
فعلا رحت البيتهم وابوها استقبلني احلى استقبال
وسام...اني دزيت امي تطلب ايد بتكم بس رفضت
ابو ازهار....اي ولله لاتزعل علينا انت مابيك قصور بس
هي تكول اني مازوج عسكري
وسام...من رخصتك ممكن احجي وياها بحضور جنابك
بلكت اني اكدر اقنعها
ولله ياعمي اني ماشايفها بس هلكد ماانتم ناس محترمين اي واحد يتمنى يناسبكم
جمانه السعيدي
ابو ازهار انحرج الولد قمة بلاخلاق فعلا انسان محترم
ويتمنى ازهار تقبل بي
بلاضافه شكله كلش حلو
ابو ازهار...دقيقه من رخصتك
دخل ابو ازهار للبيت
ازهار ....ازهار... تعاي بابا
ازهار.... نعم بابا
ابو ازهار....البسي شي محترم وتعاي هذا الولد الي طلب ايدج يريد يحجي وياج
ازهار....هذا الولد العسكري
ابو ازهار...اي هو
ازهار....اني ماازوج عسكري لو عامل نضافه بلشارع يشتغل ولا عسكري
ابو ازهار....ميخالف هو يعرف رائيج شنو ممكن تجين
تحجين ويااا
لو يقنعج برائيج لو انتي تقتنعين منه
ازهار...شنو هو بلغصب
ابو ازهار....تعاي بابا اني راح اكون موجود محد راح يغصبج على شي
ازهار...هسه ابدل واجي
دخلت غرفتي لبست رداء وحجاب ولامكياج ولا اي شي
لان كلش ضجت شدعوه هلكد يلح
مو كلنا مانريد كلشي بلغصب الا الزواج
لازم يكون بلاتفاق
دخلت عليهم هو وبابا
ازهار...مساء الخير حجيت واني مدنكه
وسام...مساء الخيرات شلونج
ازهار...الحمدالله تمام
وسام....ولو انتي رفضتي طلب الزواج قبل لا نتعرف
ممكن اعرف سبب الرفض
طبعا ابوي كاعد كبالي ساكت بس يتفرج علينا
ازهار...رفعت عيني اريد ارد علي
اجت عيوني بعيونه فد شخصيه جسم وكشخه
طول بعرض الشوارب يوكف عليهن الصكر
لابس قميص ابيض وستره رمادي وبنطلون جينز
بقن عيونه عليه واني عبالك الساني انبلع ماعندي كلام
شكد جنت محضره كلام ارد علي
بس نسيت كلشي
جنت داخله اريد اتعارك ويااا واكله انت شنو لزكه
مو كلنا مااريد ازوج عسكري
بس من شفته نسيت اني شنو اريد احجي
نضرته اليه عبالك سحر شلت حركتي بقيت صافنه
بوجها وساكته
ابتسم ابتسامه خفيفه يمكن اني مبينه وحده غبيه
هلكد ما صافنه بوجها
وسام....ماجاوبتي عن سؤالي
عادي اتقبل رائيج واحترمه
ازهار....هااا
ابو ازهار.....اي جاوبي ليش صفنتي جاوبي الولد
