رواية ساقي الود كامله جميع الفصول بقلم هاله ال هاشم
بداية البارت كانتْ مواجهة بين غياث جابر يعكوب وبين ود سليمان داوود
غياث الرجل الجنوبي العاشق و ود بنت وداد البغدادية
صح الأحداث بعدها غامضة وما عرفنه شلون تعرفوا على بعض وشلون حبها وعشگها والظاهر هي هم تكن اله شوية مشاعر..... المهم ود جانت جايه تنطي موافقتها على طلبه بالزواج منها مثل ما تبينت من كلامها وهي داخله لمحله او المشتل الي يملكه لكن انصدمت بغياث وهو يسألها عن عزيز و الي معرفته على انه هو اخوها
وانكشفت كل أوراقها وهي ما ماطلت ولا بررت بس انطته لمحة عن الماضي وهنا كانت صدمة غياث اقوى من عرفها بنت منو.. ود بنت وداد المرأة الي عشقها ابوه وحبها حب صادق بس للاسف انطعن بخنجر الغدر والخذلان من قبل صديق حياته سليمان وبمعاونة زوجته البدوية عالية وكانت الطعنة مؤلمة جدا قطعت أوصال قلبه ونهت حياته..وكل هذه الأسرار استعادها غياث لان مذكرات ابوه عنده وجان يوميه يقراها لحد ما حفظها بروحه وبعقله ونجي لسالفة قتل وداد الي اجت بتها ود تاخذ ثارها من غياث ظنا منها هو القاتل لان غياث وغيث تؤام مثل ما ذكرت هالة بأحد المقتطفات وغيث يختلف عن اخوه من هو طفل مصاب بمرض الاضطراب العصبي يعني اي حالة قهر او ضغط ومشاكل راح تأثر بنفسيته ويتصرف تصرفات غير عقلانية ومثل ماذكر الشيخ يعكوب غيث يحب امه وما يرضه على زعلها لذلك استنتجت انه غيث شاف مذكرات ابوه وعرف شنو صار بي وخاصة الكلام الي كتبه ليلة وفاته لهذا سبب اله حالة من الجنون والعصبية المفرطة و راح قتل وداد وبما انهم تؤام ظنت ود غياث هو القاتل وما استبعد غياث حمل نفسه المسؤولية لانه معروف عنه يقدم راحة غيره على نفسه لهذا هو شال التهمة عن اخوه بسبب حالته
وبعد ما واجهته ود بالماضي انصدم صدمة بحيث نزلت دموعه وما عاد كادر يوكف لان الظاهر غياث راح ينال النصيب الأكبر من لعنة ابوه جابر وهاي كانت بدايتها طعنة حربة من يد محبوبته وبطلبه هو.
هاله آل هاشم ابدعتي حبيبتي بارت رائع جدا ومركز ويحتوي على الكثير من الالغاز الي يسهل حلها للي يركز بين السطور سلمت اناملك عزيزتي وان شاء الله انطلاقة موفقة يارب العالمين.
