رواية نقطة تحول الفصل العاشر بقلم جمانه السعيدي
عبير كلما احضر مؤيد من رقم يتصل من رقم ثاني
تعبني بس يعتذر ويريد نرجع سوا
بس اني قفلت منه فد نوب الي يسكر ويعاشر نسوان بلحرام مستحيل ينصلح حاله ابد
واني مامستعده اتغرب واعيش بعيده عن العراق واكعد اغير بشخصيته واسلوبه
اني بعدني زغيره اكمل دراستي احسن وانتبه المستقبلي
غيرت صفحتي مرتين ويدخل الها عن طريق عمتي
جمانه السعيدي
تعبني وشغل تفكيري
ومنا بابا بس صارت صحته زينه يوميه يتصل ويتوسل بعمتي تقنعني اقبل ب سالم
ويكللها حتى بيت يخليه وحدها بس تقبل
ااتوترت بهاي الفتره حتى ما اكدر اركز على امتحاني زين
ا ما الوضع بيت بابا
ام مهند شني ما تقبل هي بكيفه اسحله من شعرها سحل وجيبه ولله خوش بنات آخر وكت تقبل وترفض بكيفه
محمد ابو مهند كله من وراج انتي هججتيه اجتنا هنا وماتعرف كلشي كمتي اتصرخين ما اريدها ما اريدها
مخليته خدامه عندج
وتاكل باقي اكلنا وعايشه كمتي تصرخين ما اريدها ما اريدها
جان هسه مزوجينه وسادين الدين
واخوج جان ساكت بس شافه تخبل اريد فلوسي لو ازوجه
ام مهند وهسه هي نمونه عليمن كاتل نفسه عليه
شو النسوان ضاله جمانه السعيدي
ابو مهند بعد نسكت بشرى هددت بس اقرب على عبير تشتكي عليه عدها تنازل اني اموقع علي
تكدر تسجني والبنيه مو قاصر تكدر ترفض هذا الزواج
ااخ شلون فرصه حرامات ضاعت من ايدي هذا الي يمشي ورا حجي النسوان
محمد اصلا بشرى تمشي وتصيح عبير وجه الخير علينه اجت واجا وياها كل الخير
بس احنا ما نفتهم زحنا الخير بادينا
بعد اسكتي لاتحجين ولا كلمه كل الي صار من وراج
عبير غيرت رقم تليفوني اربع مرات من ورا مؤيد
اجت عمتي كالت شوفي مؤيد شداز من رساله
كاتب بيها
ست بشرى احلفج بلله تقنعين عبير ترجعلي
ولله احبه وابد ما حبيت وحده غيرها بحياتي
كل البنات الي تعرفت عليهن
جانن سهلات وبسرعه ينسجمن وياي
الا عبير حسيته صعبه وهذا الشي خلاني اتمسك بيها اكثر
اني حتلو ساكن بامريكا بس يبقى تفكيري شرقي صدكيني
ما جاي اكدر انساها
مرات اصفن واكول معقوله هاي الطفله كدرت تهزني هلشكل
اني مراح اكلج اني ملاك وماعندي اخطاء
لا اني اشرب واعرف نسوان هواي
بس عبير تختلف كلشي بيها يختلف كلشي وياها اله طعم خاص
احلفلج اني راح اتغير علمودها بس ترجعلي
انتي أقرب انسانه الها وتكدرين تقنعينه
سويلي هذا المعروف الي مراح انسا اللج طول عمري
تحياتي مؤيد جمانه السعيدي
عبير لا عمه اني ما اكدر ارجعله بعد الي يسوي شغلات مزينه ويتعود عليه مراح يكدر يعوفه ابد
واني راح اكون بدوله غريبه ومستحيل راح اكدر اعيش هيج وضع
واذا رجعت مطلكه اول واحد راح يشمت بيه ابويه وزوجته وراح يضيع مستقبلي
آريد اكمل دراستي واتعين وازوج بلعراق هنا يمج
لان اني ما اكدر اعوفج ابد
انتي نقطة التحول بحياتي
انتي الي نقذتيني من وضعي القديم وخليتني انسانه ثانيه
ردي علي وكلليله انسى عبير وشوف حياتك
وضعي مخربط هاي الفتره
اصعب فتره فترة امتحاناتي
بسبب كل هاي الخريطه الي صارت بحياتي هاي الفتره
ما كدرت اجاوب بالامتحان زين
نجحت بس معدلي ٧٠ كلش ضجت وانقهرت
بس عمو محسن هون عليه
كال اني برائي ادخلين معهد محاسبه وتشدين حيلج وبس تنجحين اني اوضفج بدائرتنا
هو الي يتخرج مو همه يتوضف
اني اضمنلج الوضيفه بس
بشرط تنجحين دور اول
وهنا سنتين راح يخلصن بسرعه
وعمتي هم كالت احسن ما تدرسين اربع سنوات هنا سنتين وتخلصين
الصراحه اقتنعت وقدمت معهد
اول مره ننفصل اني ورنا
رنا راحت كلية تربيه وعلاقتنا اني وياها والبنات
مو مثل قبل
مانلتقي هواي بسبب اني رفضت مؤيد
جمانه السعيدي
اني هم ابتعدت عنه لان اني من البدايه كتله لاتربطين صداقتنا بخطوبتي من خاللج
بهذني السنتين ركزت حيل على دراستي ولا حاولت اكون صداقات ولا ادخل علاقات
آريد بس اخلص دراسه وهاي هي
تخرجت ولله الحمد ومعدلي كلش عالي
وبلعطله دخلت دورات مطوره للحاسوب
وكمت كلشي افتهم
البنات ولولد يسموني المغروره
بس اني مو مغروره ابد لا ن ما اختلط بيهم
على كد المشاكل الي شفته حبيت ابتعد عن الناس
اروح بطريقي وارجع بطريقي
اتخرجت من المعهد وطلعت من الاوائل
وهنا علاقتي برنا وأخواته شبه انقطعت اذا نلتقي صدفه انسلم وحده على الثانيه
وبيوم رجعت وعمتي كالت ام رنا مسويه عملية زائده
انروح اني وياج نسلم عليه
بحكم الجوره والعشره
فعلا العصر بدلت واخذنا ويانه هديه ورحنا عليهم
دكينا الباب والمفاجئة منو فتح الباب
مؤيد بس شافني ضل يباوع عليه وساكت
عمتي سلمت ودخلت واني سلمت ودخلت وراها
لزمني من ايدي
مؤيد شلونج عبير
عبير سحبت ايدي الحمد لله
مؤيد بعدج حلوووه لا صايره احلى
عبير شكرا دخلت
دخلنا غرفت النوم مالت ام رنا وسلمنا عليه وكعدنا
البنات راحن يجيبن عصير
ومؤيد جاب كرسي وكعد يمنا
جمانه السعيدي
عمتي شلونك مؤيد انشاء الله زين
مؤيد اتحسر وكال الحمد لله ماشي حالي
عبير رفعت عيني ولكيته يباوع عليه راسا دنكت
ام رنا اريد اشتكيلج منه قافل مايرضي يزوج
صار عمره ٣٠ وبعده يدور مواصفات
بعد يمته نفرح بجهاله
مؤيد اني ابالي وحده ومنتضره بلكت الله ويحن كلبه عليه
عبير بس سمعته عرفته يقصدني كمت من مكاني وكلت الام رنا الحمد لله على سلامتك خاله اني اترخص
التفتت على عمتي وكتله انتي ابقي اني اريد اروح
ام رنا خل انقدملج شي ليش مستعجله
جمانه السعيدي
عبير لا شكرا خاله اني اذكرت منتضره بنيه صديقتي
خاف تجي ومآ تلكاني
طلعت ومؤيد لحكني لزمني من ايدي واني سحبته بسرعه
مويد ليش تردين تشردين
عبير من شنو اشرد احنا ما بينا شي حتى اشرد
مؤيد اريد منج فرصه وحده وبس
عبير اسفه اعذرني الفرص خلصت اني هسه عبير ثانيه ما افيدك ابد
مؤيد راح ابقى منتضرج
عبير مشيت بسرعه واني اكول بكلبي
هيهات بعد نرجع سوا اني وياك باب وسديته ومستحيل افتحه بعد
جمانه السعيدي
وصلت للشقه كعدت ما اعرف ليش من اشوفه يوترني حيل
وصل عمو محسن اليوم عنده اجتماع وتأخر حيل
عبير هلووو عمو
محسن هلو ابنيتي
عبير احضرلك اكل
محسن لا شكرا اكلت بلدوام
عبير وين الوعد الي واعدتني بي
محسن قدمت اوراقج وحصلت الموافقه حضري نفسج الاسبوع الجاي اداومين
اداومين وياي بنفس الدائره
وراح اخذج وياي للدوام ونرجع سوا
وحضرتلج مكتب قريب عليه حتى اي شي تحتاجي اني
موجود
عبير شكرا يا احلى عمو بلدنيااا
