رواية اغفري لي الفصل العاشر بقلم أوتار حزينة
هل ظننت أنني لن أنهض
وسأسقط للأبد بين أنقاضك
واانني ساكون كما تريد وسأرضى بما فعلت
لاااااا
سأغضب،،،،،وسأحطمك
سأحطم قيدك وارفض سجنك
لانني قوية أقوى مما كنت تظن
وسأجعلك تدفع الثمن..
ثمن كل دمعة، كل ليلة، كل صرخة دفنتها في صدري،،،،
حمزة
وكفت جوة الدوش المي بارد ومااحسه كاعد يبرد
النار الي شعلتها بيه من وره الكلام الي
سمعته منها
مو جديده عليه هالكلام بس لان طلع منها
هي اخت ذاك العار شفتها مست
رجولتي وكبريائي
جان المفروض تسكت ماتحجي هالكلام
تخاف من رده فعلي لاا اروح
واچتل اخوها
وخافت بس عيونها جانت گويه
ونظراتها مال وحده
ماانكسرت
طلعت احجي عليها لان شعلت بيه
نار قديمه وما طفت لحد هسه
«،،،شووفي ولج اانه مااحجي الچلمه مرتين
اتعب ومن اتعب ااا
وكفت من شفتها موجهه
سلاحي عليه وتعاين عليه بحقد
جان يوضع الامان وهي مو فاتحته
كالت
«،،،صح العندي كلهم عارات بس اني
مو عار وثاري هسه راح اخذه منك
واخليك تروح للكبر مچفن
بثوب عرسك
ابتسمت صاحت بيه باعصاب
«،،،،لااتضحك وخاف من الموت لان راح
تقابل ربك وانت شايل ذنبي
«،،،وانتي ماراح تشيلين ذنبي
«،،،الاا ااني مااذيتك
«،،،واخوج
«،،،،انت كلتها ااخوج يعني مو ااني
عاينت الها بنظرات نار كملت بنفس النظرات
«،،،ااني مااخاف منك لان الخوف مات
بگلبي
«،،،چا اذبحيني واخلصي مني
ماجنت متوقع راح تضغك الزناد كلت
مستحيل تسويها هاي جبانه مثل
اخوها
بس هي ضغطته مارمى فكت عيونها
وضغطت مرة اللخ رحت بسرعه
عليها جريته منها وخنكتها
من رگبتها وخليت
المسدس براسها كلت يم
اذنها وانه جاز على
سنوني
«،،،الأمان مقفول يالمالج امان
كلت راح تخاف من السلاح بس هي
ردت بروده
«،،،اقتلني وريحني منك ومن خلقتك
دفعتها بقوه وكعت على الجربايه تشهك
وتبجي صفنت عليها ارجف من
غضبي عاينت عليه
بخزره بنص
دموعها
صحت
«،،،عيونج هاااي راح اخلي بيهن چيله
«،،،سويها حتى اموت واخلص من شوفتك
كملت بنفس اللهجه
«،،،والله وحق كل دمعه نزلتها من عيوني
الا اخليك تندم على كلشي سويته
بيه
«،،هههههه خفت والله
«،،،راح تخاف
جاوبتني بتحدي كامت عيونها بعيوني
وكملت
«،،،،راح يجيك يوم وتخاف مني وكول
غاده حجت وطلع كلامها صدگ
قربت منها ماتحركت حجيت
جاز على سنوني وصاير
نار
«،،،،وولج انتي منين جايبه هالگوايه وشلون
تگدرين تحجين وياي هالكلام
«،،،منك ومن السويته بيه ومن اهلي الي باعوني
الك وهم يعرفون انت شنو وشتريد
تسوي بيه
سكتت كملت بملامح كلها حقد
وغضب وهي تأشر بايدها
بوجهي
«،،،مو انتو تحلفون بشواربكم من تحجون
مارديت جرت خصله من شعرها بقوه
وكملت
«،،،،وحق الله وحق هذا الي كشفته بدون رضى مني االا اخليك تعيش بجحيم وماتعرف
الراحه ابد وألا ابجي
عيونك دمع مثل مابجيتني دم
رديت باستهزاء
«،،،انه عايش بجحيم من زمان ومامحتاج
تجين انتي وتعيشيني بي بس
مال تبجين عيوني دمع
هاي راح انتظرها
منج واگلج من هسه راح يشيب راسج
وماتشوفيهن
حجيت هيج وطلعت من يمها البرودة الي
صارت بيه من كسرتها رجعت نار
من ورة السوته ومن
ورة كلامها امشي
واردد بغضب
«،،،صلفه وعرمه وعندج عيون گويه ولا
عبالك ذولاك اهلج وذاك اخوج
العار الي فك روحه
بيج
غاده
جريت روحي للحمام كلي وجع وألم
غسلت جسمي من اثاره
جنت أفرك بيهن بقوه
أريدهن يطلعن
أريد أمسح كلشي،كأن ما صار
بس البيه
ظل بجلدي
يحجي بعيوني
وااللحظات تمر بداخلي
تلعب براسي مثل فلم متكرر
ليلة ما راح اكدر انساها
محفورة بذاكرتي
وتاركه ندوب بروحي
ندوب راح تبقى طول العمر
نزلت منهاره كعدت على الگاع
أريد أصرخ
بس ما گدرت
أهلي بره
وما أريدهم يسمعون
ما أريد أحد يشوفني هيج
عضيت إيدي
بكل قوتي
وگمت أصرخ بصمت
أريد أطلع الصوت الي مخنوك جوة صدري
الباب اندك صوت عمته حجه
«،،،غاده بيج شي
مارديت دگته مرة ثانيه وعادت الكلام
سندت روحي وكمت جاوبت
«،،،،لااا
«،،،يله يمه في روحي بالعجل
تره تأخرتي على اهلج
طلعت من الحمام بس مو اني
وحده ثانيه لبست حجابي اريد اخفي التشوهات
الي سواها بيه هي رجعت شافتني
كالت
«،،،يله يمه امشينا لاهلج
ليلى
كمت من طبت غاده امها وياي
هي وخواتها مريم وهيفاء ظلت واكفه
يم الباب ماطبت رحت الها بسرعه
عبالي راح تنهار بحظني بس
من اخذتها اله جانت
جامدة الملامح وجسمها
مشنج
وخرت منها صفنت عليها الوجه اصفر
والعيون حمر والدمعه جامده بيها
كلت بهمس ودمعتي
نزلت عليها
«،،،شسوه بيج هذا الحيوان
ماردت امها اجت حظنتها هي وخواتها نفس
الشي خاله كامت تبجي وتحظن
بيها وهي ولا نزلت
دمعتها ولا حجت
شي
اخذتها من ايدها كعدتها امها كعدت يمها
الحجيه جانت يمنا وعمه زهره الي عرفتها
من جهزت الها
ترخصن وعافونا وحدنا وياها
ماجان اكو كلام شتريد تحجي خاله
وهي عرفت من الحجيه هو اخذها والله
اليدري شسوه بيها حتى تطلع
النا بهيج حاله
«،،،شلونج ماما اانتي زينه
سالتها ماردت مريم لزمت
ايدها سالتها بصوت ناصي
«،،،اذاج موو
هم ماكو رد امها كامت تبجي بصوت
هيفاء انهارت بالبجي ردت
احجي بس هي
كالت بصوت
مخنوك
«،،،گولو لبابا ومعاذ ذنبي برگبتهم الى يوم الدين
بس صوت البجي ينسمع كامت واحنا
وياها كملت
«،،،،وبعد لا حد يجي من عدكم انسوني
مثل مااني راح انساكم
«،،،،غاده مو هيج الحجي ذوله اهلج
جاوبتها ردت بروده
«،،،اني ماعندي اهل
حجت هيج ومشت من يمنا صحتها
«،،،،غادة ااوكفي
ماوكفت امها كعدت منهاره وتبجي بصوت
قوي خواتها هم ردت اروح عليها
بس شلون واني بيت ذوله
الحجيه طبت هي وبنتها الحزن
تارس ملامحهن خاله حجت
«،،،،حجيه مو كلتي ماراح يأذيها
سكتت مريم كملت بدموع
«،،،ااختي ماادري شبيها ،،،،اكيد اذاها
اي انتقم منها من ورة
سكتت ماكالت اسم معاذ الحجيه
ردت مقهوره وصايره فد مرة
«،،،،ااسكتي يمه لاتجبين اسمه بهل البيت
تره النار بعدها ماطفت والگلوب موجرة
شيريدون يحجون وهو معاذ السبب
بكلشي صار بيها كلت
«،،،،خاله عفيه اريد اروح عليها
«،،،عوفيها هسه يمه خليها ترتاح وهي
عود تحجي وياكم
سكتت هيفاء مسحت دموعها وكاالت
«،،،خلي نروح
خاله كامت وكالت
«،،،حجيه بنتي امانه عندج مثل مابنتكم
راح تصير امانه عندي حلفتج بالله بعزيز
گلبج لاتخلي بعد يأذيها تره اني
سكتت من اختنگت بالبجي كملت
بصعوبه
«،،،،اني جاي اموت من وراها وابوها هم
«،،،والله يايمه هو لا هيج طبعه ولا عمره
ضرب حرمه بس ها ااي سواه
ابنكم ماخله عگل براسه
وخلاه يسوي الي
سواه بيها
الكل سكت هي كملت
«،،بس والله ماراح اخلي بعد يمد ايده عليها
وهالچلمه اخذيها مني من حرة لحرة
طلعنا من يمهم دمعتنا بعيونا
من رجعت للبيت وعرفت ماما وبابا اني
رحت عليها لهناك تخبلوا
وبده العتب منهم بس
سكتو من شافو
حالتي
خابرتها ماجاوب دزيت رسايل ماتقراهن
جنت اعرف هي كاعد تمر بأزمه نفسيه
قويه من ورة الصار بيها
لان الظلم الشافته والي سواه
بيها هذا ابن عم زهره جانو فوك تحمل
اي بشر
قائد
حسين من سمع بمهيب هنا وساكن بغداد
وقريب من عدنا ورقمه عندي اخذه
واتصل علي وكمنا نطلع مطاعم
وكافي والتقي
ويا بالجم
كاعد وياهم بايدي اركيله بس ماجاي ادخن
بالي يمها شفتها مرتين وشفت
شلون صايره وشلون
عايشه
حلوت بعد اكثر من گبرت والشعر الجنت
ضامه عن العيون هدته الهم عايشه
وازوجت واكيد صار
عدها بيت وي ذاك العار الي جانت
تلعب ويا من ورة ظهري
بس اني متت وعشت بجحيم لا كدرت
احب غيرها ولا كدرت اعيش
حياتي براحه
«،،،،الووو
انتبهت لمهيب من حجه كمل مبتسم
«،،،،نحن هنا يمعود وين رحت
اخذت نفس وذبيته جاوبته
«،،،يمكم
«،،ههههه لا والله مو يمنا ولك انت بس لا تطلع
عاشگ وحده
سكتت كمل بغمزه
«،،،مفرد لو صلي
ابتسمت وجاوبته
«،،،لا مفرد ولا صلي
«،،،هاي شنو حجيكم صار كله الغاز
حسين سال يضحك جاوبه مبتسم
«،،،يعني بگلبه وحده لو اكثر
«،،،،ههههه
حسين خرب ضحك وجاوبه
«،،،حلوه هاي وجديده اني مفرد
«،،،اي مثلي من امداك وامداني
غم روحه وكمل بضوجه
«،،،بس اريد افتهم منو كال على الزواج القفص
الذهبي حتى اروح اگتله بالقندره
«،،،هاا ولك شبيك عبالك متعارك وي خطيبتك
وعالكه بينكم
«،،،هي يوميا تعلك وراح اطگ مرارتي منها بيوم
وافصخ مرة ثانيه
«،،،،اوكف ولك ليش انت جنت فاصخ قبلها
مهيب هز راسه وجاوب حسين
«،،،اي
«،،،عجل اكعد راحه شنو يوميا تخطب وتفصخ
«،،،ولك طگت روحي منها
«،،،شبيها وياك وليش فصخت ذيج
جنت اسمع حوارهم وساكت جاوبه
«،،،،ذيج جانت ماعدها شخصيه كله تمشي برأي
اختها كلشي احجي وياها ها خلي اخذ رأي
صخمانه، ،،،، وتعوف كلامي واطبق
كلامها حجيت وفهمتها هاي
حياتنا مو حياتها وهي ترد لا هاي اختي
شلون ماتتدخل واخوكم بيوم طگت
روحه وفصخ كلشي
من وره هاللعبان
النفس
وهاي شبيها
«،،،هاي انكس من ذيج مدلله وبس تتنعوص
وتزعل جثير وتريدني شوكت مااتصلت
لازم اجاوب
«،،،هيج وحده راح اتعبك
جاوبته وكملت من اخذت نفس وذبيته
«،،،لاتاخذ مدلله تره يطيح حظك اكلك
لاتزوج ابرد لك راس
«،،،اي والله عبالك جذب الي يزوج بهل الوكت
مخبل وماعنده عقل
حسين كال
«،،،احم تره اني راح ازوج
«،،،طايح حظ غير
جاوبته مهيب ضحك حسين ساله بنغزه
«،،شخبار خالتي بعدها حلوه
«،،،انجب عار
ابتسمت من رد هالرد حسين خرب ضحك
هو ابتسم دحك عليه سأل
«،،،تشرب يول
«،،،ليش انت تشرب
«،،ههه مرات من يتعگر المزاج
حسين جاوبه يضحك
«،،،،ههه اني بتول ماشربته ولا راح اضوگه
مهيب مد ايده اله كله يضحك
«،،،شلونج بتول
گضبها ورد
«،،،هلو عذراء
اثنينهم خربو ضحك مهيب كال
«،،،صدك خالتكم عازمتكم باجر على باجه
شلونها تلوك لهل الحلك
«،،،،اويلي باجه ولك جايين لا الي تسويها
الحجيه ماتتفوت مو قائد تذكر
من اكلنها يمهم لحد هسه
مو ضايك مثلها باي
مكان
سمعت صوتها باذني
«،،،اوي قائد لاتحب الباجه لان اني
مااحبها
جاوبت
«،،،،،اي
باجر احنا يمك وضاربين ثريد باجه
بيتك
«،،،كل الهلا بيكم
يمامه
كمت اخجل امد ايدي للعالم من ورة نظراتهم
وكلامهم الي يجرح بس شاسوي
ابويه واحد عار وظالم
اذا مانرجع اله بدخل زين يگتلني
بالگيبل اني وحنين
الدنيا صارت ليل والدخل جان قليل وهالشي
راح يخبله ويخلي ليلتنا
تصير گشرة
من بعيد شفت اثنين يبيعون كلينس
اجوي عليها جنت اعرفهم مو راحه وعيونهم
وصخه اشرت الها من بعيد ماشافتني
ماادري شحجو وياها مشت
وياهم
ردت اعبر عليها بس السيارات تخطف من
كدامي صحتها من بعيد
«،،،حنيين
ماسمعت افر براسي عليها وعلى الشارع
اريده بس توكف السيارات حتى اعبر ماكو
من شفتها بعدت وياهم تخبلت
عبرت اركض بدون وعي
وكفت من شحطت سياره مسافه عني
السايق طلع راسه وصاح
«،،من طيح الله حظج لو دااعمج جان
طلعلولج اهل
مادرت بال ركضت عليها اسمع صوت هورن
السيارات عبرت الشارعين ادور
بعيوني عليها لمحت طرف
شيلتها الحمرة من
بعيد
ركضت عليها اصيح بس ماتسمع شفتها
طبت وياهم لدربونه،،، رحت علي
انهد واتنفس بقوه
جانت دربونه ضيكه كلش گلبي راد يوكف من
بعيد شفتهم جروها لبيت خرابه وسدو
الباب
رگضت مثل المخبله وصلت يم الباب شفت
بوري شلته وكمت اضرب بي بقوه واصيح
«،،،،وولكم طلعووو اختي
بسرع الباب انفتح واحد راد يجرني
ضربته بقوه على ايده بالبوري صاح ولزمها
اللخ اجه شاف الوضع كام يفشر
عليه خوفي على اختي جان
اكبر من خوفي منهم
واجتني قوه من الله ضربته من هجم عليه
اجت براسه وكع الدم يفلت من
راسه الي ضربته بايده
لزمني من هدومي وضربني بوكس اجه بحنجي
وكعت ليوره هجم مره اللخ وسحبني
من رجلي لجوه كمت اعيط
اريد احد يفگنا منهم
بس جان ماكو احد المنطقه كلها خرايب
دفرته بقوه،،،،،وكع يصيح كمت بسرعه
ادور على البوري شفته واكع
بنفس مكاني اخذته
هو كام رفعته علي وصحت
بخبال
«،،،طلع اااختي ولك لااااخلي هذا البوري
براسك واخليك ممد مثل هذا
صاحبه جان ممدد لازم راسه ويتلوى من
الالم كله
«،،،ولك طلعها وامشي وديني للمستشفى
راح اموت
بسرعه راح لجوة سمعت صراخها تقدمت
اريد اخلص علي بس شفتها
اجت تركض شافتني
صرخت
«،،،،يماامه االحكيني
لزكت بيه خليتها ورايه رجعت خطوه
عيوني عليهم خاف لا انطيهم ظهري ويغدروني
بس بعدت مسافه عنهم صحت بيها
«،،،،ااركضي ولج
ركضنا سوه هي تاخرت لان فاهيه بالركض
ذبيت البوري من ايدي وجريتها من
ايدها اريد بس اطلع
للشارع وضوه المحلات والناس حتى
امن على روحي اني وياها
بس وصلنا اله وشفت الناس انهاريت
وكعدت على اقرب دچه هي يمي
ترجف وخاتله بصفحتي
كمت اضرب بيها واصيح
«،،،،خرررب بيج خررب بساعه السوده من
انطاني اخت فاهيه وثوله مثلج
الناس كامت تباوع علينا لزمتها من هدومها
اصيح
«،،،كوومي من الله ياخذني اني وياج
حتى نخلص من هالعيشه الخرة
جريتها ورايه اردد
«،،،ولج ليييش رحتي وياهم ليييش
رعنه فااهيه ماتعرفين شيريدون منج
«،،،،والله ماادري راح يسون هيج كالو
اكو بزون جايبه جهالها بالدربونة تعالي
شوفيهن
وكفت من حجت برائه صحت
«،،،وولج انتي شنو مااتفتهمين مو تربيتي
هنا
دگيت رجلي بالگاع وكملت
«،،،مو تربيتي وياي هنا بهل الشوارع وتعرفين
اكو ناس ماترحمج لو لزمتج
بمكان مابي بشر
كامت تبجي وتردد
«،،والله بعد مااروح وياهم وروح امي
بعد مااتحرك من مكاني
«،،،ااامشي
صحت بيها ورجعنا للبيت دنيا ليل وفايت وگت هي
تبجي وترجف طبيت هي ورايه ابويه كاعد
بالحوش ويا منيره قدوري
يمهم يشرب اركيله
سال
«،،،ها ولجن اليوم متاخرات
ابويه كال
«،،،،لازم الدخل اليوم هوايه
ذبيت الفلوس كدامهم وكلت
«،،،،بس ذني
صفنو عليهن منيره صاحت بيه
«،،،بس ذني
«،،،اي
«،،،،ولج من الصبح طالعه وجايه بالعشره
وادكولين بس ذني
ابويه رد منيره كملت بصياح
«،،،،طلعي الضامتهن ولج
«،،،ماااعندي شي هن بس ذني
صحت بيها ابويه كام وكفخني صاح
«،،،اانجبي ولج ولا تعلين صوتج عليها
جاوبته
«،،،اانت شنو
كملت بغضب اباوع اله ولقويدر
«،،،انت ويا ماعدكم شرف غيره علينا
قويدر كمز وضربني راجدي صحت
بي
«،،،لااتضرب ولك واذا بيك خير وتعرف تضرب
روح اضرب الي رادو يعتدون
على اختك
«،،،شلون دروب هاي وشايفين من اختج
حتى يريدون يصخموها
«،،،القذر وعيونه وصخه حتى ام الوصخ
والزرگه تحلى
بعيونه
«،،هااي عليمن الحجي ولج
جاوبتني مارديت عاطت
«،،،سمعت عواد هاي تقصدني اليه
«،،،ليش انت زركه وام وصخ
جاوبتها ابويه كام يگفخ بيه اختي
صاحت تتوسل بي
«،،،عووفها يابه والله رادو يعتدون عليه
قويدر صاح
«،،،،اذا هيج الحجي ازوجي سعيد حتى
بعد ماتطلعين للشارع
صاحت بخوف
«،،،شنووو
«،،،،،ماتزوجه
صحت بي وكملت
«،،،مستحيل اااخليها تروح اله هذااا واحد ساقط
ويريد يشغلها بالملاهي حتى
يربح من وراها
منيره هزت جتفها وردت
«،،،وشكو بيها حتى احنا ويا بالنص
فكيت عيوني باوعت لابويه مثل واحد
كاعد يفكر كال
«،،،خلي يجي نتفاهم ويا
صرخت بي
«،،،وووين غيرتك يااابه انت وهذااا
شرفكم هااي شلون تريدون تشغلوها بالملاهي
بس لاا انتووو اصلا ماعدكم
شرف ولا غيره
الضرب كمت مااعرف منين يجيني
ابويه بگيبل صلخ جسمي وقويدر جلاليق
اسمع صراخ اختي ومنيره ادكول
«،،،كسروها لهل الدايحه ام عين گويه
فقدت الوعي جوه ايدهم وبعد مااعرف
شصار
غاده
حبست روحي بالغرفه الحجيه هي وبنتها
كل ساع يجن عليه جابو ريوك مااكلت
شكد توسلن بيه اكل شي
رفضت خلنه كدامي
وطلعن من يمي
ورجعن وره ساعه وشافنه على وضعه
عمته حجت بتوسل
«،،،يمه بس اكلي لگمه مو زين عليج طحتي
علينا البارحه وخايفين لا هم اطيحين
مره ثانيه
مارديت كملت بحنيه وهي
تاشر لصدرها
«،،،لخاطري انه اكلي
«،،،مااريد وشيلو من كدامي
ردييت بنتره ماحجت شي شالت الصينيه
وطلعت ظليت وحدي دمعتي بعيوني
والسواه بيه يمر براسي كل
ثانيه ودقيقه
اذن وعرفت صار الظهر راسي كام يفتر
وحسيت الدوخه رجعت بقوه جسمي
كام يرجف عرفت راح
يغمى عليه
تمددت ادعي من الله اغمض عيوني
مااكعد
الباب انفتح وانسد بقوه صاح
«،،،،كوومي جيبي السم
ماتحركت ولا رديت علي لان صرت فد
مره سمعت خطواته ومااشوفه
غير يجرني من جتفي
نفسه الي خلعه اليه صرخت
بصوت عالي بايده فقدت
الوعي
حمزة
رجعت من البستان وي الاذان طبيت
للمجلس عمي مهدي جدي كاعد الهم والقهر
بوجهه وصاير فد مرة
من ورة سالفه
زهيره
كعدت يمه كال بصوت مخنوك
«،،،ياريتها ميته وي عمك علي وامها ولا
فاضحتنا هالفضيحه
عاين اليه وكمل
«،،دزلهم طارش خلي ياخذوها بسرعه مااريدنها
هينه خلها تولي هناك عساها انگبرت
وثوب العرس صار چفنها
اجه كلام البنت براسي من رادت ترميني
الصبح كلت
«،،،انكسرو ياجدي وبردت گلبك وگلبي بنتهم
هز راسه وجاوبني
«،،زين ماسويت يبو جمرة من خذيت بنتهم
ودگيت رجل عليها
هيج صارت الهم كسره عين ونزل
راسهم بين الناس لان
الي نهب بنتهم هو نفسه الي اخذها
وماكدرو يحجون ويا چلمه
«،،جنت اريدن اچتله بس اااخ ماكدرت لان
راح تثبت عليها هي شاردة ويا من
صدگ
عم مهدي جاوب
«،،لااا خلها تولي وتنستر الااوادم من تسمع
بيها مجتوله ماراح تنسى السالفه
لجن من تروح تزوجه راح يكولن
لو بيها شي جان جتلوها
اهلها وينسون الصار
سكتت جدي كمل
«،،،السالفه انسدت يبو جمرة ومن تولي اله
نگطع رجلها من عدنا خلها يمه
لانريد شوفتها ولا تجي
علينا
«،،،وبنتهم هم لاتولي الهم ولا تشوفهم
جاوبته وكمت ترخصت منهم مشيت
للغرفه طبيت مخمودة ونايمه
صحت بيها ماردت رحت
بسرعه عليها شلتها من جتفها صرخت
صرخه قويه ومااشوفها غير
واكعه من طولها گضيتها حبوبه اجت
تركض وراها عمتي صاحن
«،،،،شبيهااا البنت
شلتها خليتها على الجربايه الوجه صار
اصفر والشفه بيضت كامن
يلطمن من شافنها هيج
صارت
«،،،،وولك شسووويت بيها
عمتي صاحت بي اخذتها لحظنها كامت
تضرب على خدها غسلن
وجهها ولا كعدت
حبوبه صاحت
«،،،،عزه العزاج فطم البنيه صارت خرگه
وماااجاي تكعد
«،،،ووخري يبنت الخايبه
صاحت بعمتي وخرت هي اخذتها لحظنها
كامت تضرب بقوه على خدها
صارت دم وماكعدت
عمتي طلعت تركض جابت مي بارد
غسلت الها وخلت شكر بحلكها جدتي
تنوح وتلوم بيه
«،،،جتلت البنت يبن الخايبه ارتاح
گلبك هسه وبردت نارك
ونت بصوت ضعيف عمتي كالت
«،،،يمه شربيها مي
خلت الكلاص يم حلگها تشرب ويطيح
من حلگها حبوبه كالت
«،،،جيبي روبه وملح بسرعه يمه
عمتي راحت هي انهدت بي
«،،،،هي هااي وصيتي الك كتلك
يمه لاتأذيها وهااك شوف شسويت
اذيتها ومانعرف شصار بيها
من وراك
وكفت اعاين الها تون بصوت ضعيف
ودمعتها تطيح
على خدها
«،،،شبيج يمه هم هبط ضغطج
ردت وره لحظه
«،،،جتفي
ضربج علي
هزت راسها بدون ماتفتح حبوبه
عاينت عليه بقهر
وعتبت
«،،ليش هيج ياااحمزة ماكفاك السويته بيها
البارحه كتلك يمه هالبنت مالها
ذنب بالصار لاتظلمها
بذنب اخوها
صحت بيها
«،،شتريد يمه اخذها لحظني واتعامل وياها
بحنيه واخوها ناهب عرضي
«،،،ووولك هي مالها ذنب
«،،،لاااا الها ذنب لان العار اخوها
عمتي طبت بكلاص اللبن جاوبتني
بغضب
«،،،لاتموت البنت وتشيل ذنبها شدكول لله ياحمزه وانت تعرفها مظلومه ومالها ذنب
بالصار
گضتها من جتفها تريد تگعدها فزت وصرخت
بصوت قوي
«،،،اسم الله يمه الزهرة شبي جتفج
ولك يامصخم شسويت
الها ماتخاف تموت
وتبتلي بيها
«،،،عرچ مااايگتلها عار مثل اخوها والعارات ماتموت
حجيت هيج وطلعت
من يمهم
ماجنت هيج ولا احب الزلمه الي يمد ايده
على حرمه بس هااي والسواه
اخوها خلوني اصيرن واحد
ثاني
جنت اريد انتقم منه بيها احس من اذيها
هو جاي يتأذه وهالشي
جان يبرد نار گلبي
ليلى
بالي ظل مشغول بغاده اتصل جهازها
كله مغلق ادز رسايل ماجاوب بليل كاعده يم
ماما بالمطبخ حجت بحزن
«،،،،خالتج سوسن فد مرة صايره من ورة
غاده
مارديت لان جهازها دك كامت جابته
من الشحن اجت تحجي
«،،،،هلا رباب
خالتي الوحيده الي ماانگطعت علاقتنا بيها
رغم الصار بيه جان بيتها بس بعدين
عرفنا المؤامرة منين
كعدت اگبالي
«،،،،الحمد لله فاروق زين وليلى هم انتو
شلونكم ابو حيدر شلونه
بخير الحمد لله
ماما باوعت عليه ح ترددت للحظه بعدين
كالت
«،،،،رباب اسالج شي شنو قائد رجع
سمعت صوت خالتي صاحت بقوه
«،،،،شنووو
ماما باوعت عليه ردت
«،،،،يعني ماتدرين بي رجع اي شبيج رجع
شفنا هنا
كمت هي باوعت عليه بقلق ابتسمت ابتسامه
باهته وكلت
«،،،،،اروح اخابر غاده اطمن عليها
هزت راسها مشيت من يمها وكفت يم باب المطبخ
الداخلي سمعتها كالت
«،،،،راحت ااي رباب هي شافته بالمستشفى
الي تشتغل بيها اني ليش داسالج
علي عبالي اجه لاهله
ماما سكتت جاوبت وره لحظه
«،،،،يعني مااجه لاتحلفين صادكه
ذبت حسرة وكملت
«،،،اي شافها وكالت وكف يباوع عليها بحقد
وقسوه هذا مااعرف لان كلتي
مااجه لاهله زين اخوته
محد منهم عرف معقوله مااتصل عليهم
تواصل وياهم من رجع
اعرف اذا عرف راح يحرگ الدنيا تعلميني
بي مخبل ومايعرف يصرف من
يومه وخسر بنتي من وره
تسرعه
اسكتي رباب هو مايعرف بنتي تره فكت
عيونها علي وجان اول حب الها
واخر حب لان كسر
نفسها بكل الرجال
اي انلعب علي من عدهم بس هو المفروض جان
يعرف هي شنو وشلون تحبه
لحد هسه ادعي على سهام الي باكت
صورها من جهازها ودزتهن
لاخوها ومكفاها هالشي
راحت صورتها هي
ويا وخبلو بيهن
دمعتي نزلت مشيت مكسوره ظهر وگلب صعدت
لفوك اذكر شلون كمت اخسره
ويخسرني من ورة كلام
اهله وكلام الگرايب الي دخلو بينا وصارو
طرف ثالث ومهند هم ماعافنا
ظل يروح ويجي علينا
بحجه جايب اكل من يم اهله ماجنت
اكعد يمه خوفا قائد وهم اعرفه
هو شجان يريد مني
ماجنا نحجي اله هو جان يجي لان نعرفه
اني وماما مخبل وراح يروح
يتعارك ويا
الاكل ااي يجيبه جانت تذبه تردد
امه ام سحور واخاف عليج منها
بيوم خالي خابر ماما وطلبني لمهند ورفضت
وسمعها كلام مو حلو قائد احسن
من مهند بيش وليش فضلتي
على ابني وشلون سويتي
هيج وانتي تعرفين
هو رايد بنتي
وهوايه حجي يغث ويقهرو
وتالي طبك الجهاز بوجهها
مامرت سلامات
الضحى بابا طب وجهه مايتفسر وصاير دم
من شفت نظراته اليه كلت عرف
ختلت وره ماما الي صاح
بيها وكال
«،،،ااانتي شلون كدرتي تسوين هيج من ورايه
«،،،شسويت فاروق
«،،،كلشي مااسويتي يابه بس جنت فاتحه
بيتي مگودة لابن اختج وهاااي الادبسسز
اشر عليه وتقدم عليه ماما وكفت بوجه
وكالت بتوسل
«،،،فاروق اسمعني
«،،،ولج شااسمع ااني يجيني ابو مقداد يگلي
امنع بنتك من ابني اني مااريدها
اله تعرف رايد بنت جاسم
وهي اجت وخربته عليها
«،،،،جذب هو رادها والله فاروق كتله انت
لسرى بس هو مايريدها
«،،،ووليييش ماااحجيتي ليييش ضميتي
هالشي عني
صاح بخبال وكمل
«،،،اني ولجن ااني اوكف ومااعرف ارده
ظليت مثل بلاع الموس
اني ليلى تسوين بيه هيج
وولج وين التربيه وين كلامي
وياج من جنت اكلج
بنتي لاتنزلين راسي جدام الناس اني
رافعه بيج تروحي تحبين
من ورايه لاا وتلتقين بي
هنا بيتي وهاااي الكواده مالتكم
«،،،،فاروق عيب عليك هالحجي تره الولد
من كال اريد كام مايطب علينا
وانت تعرف بهل الشي
«،،،،ااش ولج ااسكتي تريدني اصدك بيج
وانتي ضامه عليه هالشي وخليتني
اسمعه من ابوه
سكت ينهد من غضبه اشر اليه
«،،،اسمعي ولج هذا شيلي من راسج واانسي
لا اشوفج شي مو شايفته
هزيت راسي لارديا رافضه اعوفه
تقدم عليه ماما تلزم بي وتتوسل
«،،،فاروق لاتأذيها
صاح
«،،،شنو ولج توكفين بعيوني وماتريدن تعوفي
كلت بشهكه
«،،بابا لااا تحرمني منه
«،،،،اانجبي ادبسسز
كال هالكلام ودفع ماما من كدامه وضربني
راجدي صفنت علي ودمعتي
جمدت بعيوني
ماما تصرخ
«،،،لااا فاروق لااا
«،،،ووولي من كداامي
مشيت بسرعه ابجي واشهك وصايره
فد مرة صعدت لفوك طبيت
غرفتي ،،،،، اسمع
صياح بابا على ماما واول مره
يغلط علينا ويمد ايده نفسي عزت عليه
ومن الضغط والحجي الكمت
اسمعه من الكل اخذت
جهازي خابرته جاوب
حجيت بشهكه
«،،،طول عمري مابجيت ولا بابا ضربني
بس من عرفتك الدموع كمت اعرفها
«،،،عرف
«،،،،اي عرف من ابوك الي ماقصر بالكلام
ويا واجه صاير نار وسمعني كلام
اول مره اسمعه ومن
رفضت اعوفك
ضربني
شهكت بالبجي رد
«،،لاتبجين ااني راح اجي واتصرف
«،،،،لاتجي ولا تصرف انهي كلشي قائد
وروح اخذ سرى اني وياك
صعبه نصير واحد للخ
انساني وشوف حياتك
وياها
«،،،شنو ولج المن اخذ وانسى غير اخلي طلقه
براسج وبراسي ومااسوي هالشي
جاوبته بغضب وگلب محروك
«،،،،،ااافهم اني بعد مااريدك تعبت ومليت
من الحجي والمشاكل
«،،،،واااني مااتعبت
صاح بيه وكمل
«،،،،،ماتعبت ليلى من المشاكل الي كاعد
تصير ولج اانتي من راجدي تخليتي عني
واني حتى راسي انفتح بنفاضه
من وراج وماعفتج
«،،اي اذا تعبت عووفني اا
««،،ماااعوفج اذبحج ولج ااذا عدتي هالكلمه
يالقران اذبحج ليلى اذا عدتيها
ااني مستحيل اخذ غيرج ولج
اموت اذا ماصرتي اليه
سكتت من طبت ماما الوجه صاير دم
وتبجي كلت
«،،،انهي كلشي وانساني
سديت الخط وقفلت جهازي بجيت بذاك
اليوم الما عمت عيوني
ماما رغم الكلام السمعته
من بابا ماانطت بقائد
كدامه ووكفت
ويا
حبست روحي بغرفتي دمعتي بعيوني
هي تروح وتجي عليه جهازي مافتحته وجنت خايفه لا يجي وتعلك بينه وبين بابا
وصدك اجه بليل سمعت
صوت الجرس وگلبي كلي هو
نزلت الدرج اسمع بابا يصيح
«،،،،هي هااي المرجيه منك ياابن الاصول
امنتك على بيتي وبنتي وانت تروح تلعب وياها من ورة ظهري
«،،،،عم اني من عرفت بروحي رايدها بعد
ماطبيت بيتك وانت تعرف هالشي
«،،،ماااجان تجي وتحجي ليش خليتني
اسمعها من ابوك وبكلام سم
بدني
«،،،،اسف والله جنت اريد بس ارتب
اموري واجي احجي بيها
«،،اسمع ولك مادام سويتها من ورايه وصارت
مشاكل بينك وبين ذاك ابن خالك
الي هم حجه بيها اكلك
بنتي لا الك ولا
اله
رد علي
«،،،عم فاروق لاتظلمنا
«،،،شنوو ولك
صاح بي بصوت رج البيت مشيت بسرعه
وكفت يم الباب ماما كملت
«،،،فاروق مو هيج الحجي خطيه
«،،،ااسكتي انتي كله البله من تحت راسج
امنتج على بنتي وشوفي
شسويتي
ماما سكتت كمل وي قائد
«،،ووووهسه ولي منا وبعد مااريد اشوفك
لا بيتي ولا بمحلاتي
«،،،ماراح تشوفني باي مكان بس اكلك
شي اني مستحيل اعوف
ليلى خلي طلقه
بگلبي ولا دگلي عوفها غيرها ماراح
اخذ وهذا الشارب مو عليه
اذا مااخذتها
حجه هيج وسمعت باب الاستقبال
انضرب بقوه بابا صاح
«،،،سمعتي لابن اختج شحجه جداامي اني
ابوها يهدد ويتحلف ياخذها غصب
عني
رجعت ليوره اسمعه يتعارك وياها صعدت
لفوك رحت لغرفتي فتحت جهازي اتصل
جاوبت بشهكه حجه بعصبيه
«،،،،ااخذج ااخذج لو جنتي بحلك السبع جلمه
رجال كول وفعل ومحد راح يوكف بوجهي
لا ابوج ولا اي راس جبير انتي
الي وللموت تظلين
اليه
«،،،،قائد عوفني وريح روحك وريحني
«،،،وولج لااتحجين هيج تره كلامج جاااي
يذبحني بسجين عميه
تعبت وتعبتك وياي
«،،،ماتعبت ولا راح اتعب ااني ماااكدر
بلياج افهمي هالشي اموت
ليلى اذا رحتي من
ايدي
«،،،انساني حتى ترتاح
اكثر من مره كتله عوفني حتى ترتاح
بس هو ماعافني وظل مصمم
ياخذني ومن سمع مهند
رادني واجه خطب خابر يصيح
«،،،،هذاا صدك اجه وخطبج هو وابوه
الگواد
خفت وجاوبته
«،،،،لاااا
«،،،وولج لاااتجذبين تره عرفت
«،،،كتلك لااا مااجه شبيك انت بس تصيح
وتريد تتعارك
«،،،ليلى لاااجذبين عليه تره عرفت هو كاعد
يجي عليكم وجايين خاطبيج
جنت تعبانه من المشاكل والضغط جاوبته
بغضب
«،،،اي اجه وخطب شتريد تروح تتعارك ويا
وهو سوه الي ماكدرت علي
سكت ورد وره لحظه
«،،،هيج الحجي يولي
«،،،ااي هيج الحجي قائد
جاوبته بنتره ودمعتي نزلت كملت
«،،،وهسه عووفني وخليني بقهري
وبعد لاتتصل
ياريت سامع كلامي وياريت اني ظليت
على موقفي جان ماصار
الصار ولا وكفت
ذيج الوكفه اسمعه يحجي
عليه ويفشر واني
مااكدر ارده
ذاك اليوم انطبع براسي وروحي وخله
بيه أثر،،،، لحد هسه ما راح
وجعه بعده يدك براسي
وبگلبي
گلبي احسه مثل الجرح، كل
دگه بي تخليني احس بالوجع بعد أكثر
جنت اكول عليك سند
بس انت طلعت مو گد هالكلمه
من وراك والسويته بيه كمت اخاف من العيون
من الوعد من كلمه احبج
جنت اگله روح مااريدك بس جذب
جنت اريده واحبه واموت علي
ومااكدر مااشوفه
ورة كم يوم خاله رباب عزمتنا على عشه
مسوي عمو غانم على روح ابوه وامه
ماما اعتذرت بس هي لحت
وزعلت عليها
من كالت لبابا ماكدر يعتذر منهم لان هم اكثر
من مرة جايين علينا،،، رحنا العصر جانت خاله
غزوة هناك هي وبناتها وعمو كاظم
وخالو جاسم ومرته وبناته
بس خاله سعاد وعمو
صالح ماجانو جايين بس سهام
جايه مهند ماكو مو جاي
الجو جان متوتر ونظراتهم النا جانت بحقد
خصوصا مره خالي بس ماحجت
شي ماما حجت يم اذني
«،،،لو ما رباب وخاف تزعل عليه والله مااجي
ولا اشوف هالخلق الزفره
مااكلت شي من وره النظرات المسمومه
وهم جنت افكر بوضعنا وشلون اكدر اشوفه
كمت طلعت لبره اغسل كملت بنا خاله
رباب الصغيره امنيه اجت كالت
«،،،،ليلى قائد يريد يشوفج
گلبي فز وفرحت لان راح اشوفه
سالت
«،،وينه
«،،،،ذاك بالممر
اشرت على ممر جانبي رحت بسرعه علي
جان اظلم بس شفته واكف بنهايته
مشيت فرحانه لان راح
اشوفه ونتراضى لان جنا زعلانيين
صحته من
قربت
«،،،،،قائد
جان لابس كاب فوك راسه
رد وهو منطيني ظهره
«،،،ها ليلى
بس سمعت صوته
رگضت اله وحظنته من خصره كمت ابجي
اندار واخذني لحظنه
خليت راسي يم صدره اشهك بصوت
قوي لمني بقوه بس لمسه
ايده جانت مختلفه
مادرت بال حجيت بشهكه
«،،،،اشتاگيت الك
باسني من رگبتي غمضت وحظنته
بقوه من شميته حسيت هاي
مو ريحه قائد
سحبت روحي لزمني بقوه ورجع حظني
مشاعري بردت وگلبي مااعرف
ليش خاف منه حجيت
واني اسحب روحي
منه
«،،،عووفني
ماعافني ظل حاظني ويبوس برگبتي
بقوه جريت روحي منه
فزيت وصرخت
من شفته مهند مو قائد
كال مبتسم وهو يتقدم عليه
«،،،هاي هيج واصله بينكم حظن وبوس
والله حظه گاعد لهذا المفلس
شلت اايدي وضربته بقوه
وصحت بي
«،،،ااانجب ولك قائد تاج راسك
خزرني وجاوبني
«،،،اني اعلمج اذا مااخليتج تندمين على
هذا الراجدي اني مو مهند
مشيت من يمه ارجف وابجي ماردت احد
يشوفني بهل الوضعيه غسلت وجهي
شلون مجان وطبيت
جوه رحت
لماما كتلها خلي نرجع
«،،،،شببج صاير شي
«،،،،لاا
رديت مختصر هي كالت
«،،،،،مو هسه ماما العشه بعده ماانشال من
يم الرجال وعيب من
عمج غانم وخالتج نطلع وهو مو فاض
اكعدي الما نشرب جاي
ونرجع
كعدت يمها دمعتي بعيوني وخايفه من الصار
ورة نص ساعه شالو العشه وصبو
الجاي من كملو اهلي ترخصو
من عدهم وطلعنا بعدنا
بالكراج مالتهم
الباب اندك بقوه وانهجم عم غانم
راح يركض علي يصيح
«،،،،منوو
فتحه گلبي هبط من شفت قائد طب بسرعه
عيونه عليه ويخزر بيه
صاح بيه
«،،،اااني ولج اني تلعبين عليه وتخليني
اصير مضحكه للكل
بابا صاح بي
«،،،شكااعد تحجي ولك احترم نفسك ولاتخليني
اتصرف وياك تصرف مايعجبك
على صوته الكل طلع وكفو يتفرجون
علينا حجه بغضب
«،،،،منو بعد ولج منو غيري مهند وعرفته
بعد غيره اكو اي مو انتي طلعتي
من صدك ام ولد وتريدين
بس تگضين وگت
براسنا
بابا صاح
«،،،اانجب ولك
راد يضربه ماخلاه،،،،، هد عليه
يرجف من اعصابه عمو غانم لزمه
هو وخاله رباب وعمو كاظم
بابا وماما جانو واكفين
بوجهه حتى لايوصلني
ردد بخبال وهو
يدك على صدره
بقوه
«،،،،اني ولج ااني تضحكين عليه ليييش
شفتني فقير وكلتي خلي اگضي
وكت براسه
عمو غانم صاح بي
«،،،،شنو هالحجي قائد عيب عليك
هاي بنت خالتك وانت رايدها
سحب روحه منهم ورجع ليوره ضرب
ايد بايد وجاوب
«،،،بطلت ااخذها لان مو اني الي اخذ
وحده شفتها نايمه بحظن غيري ومنو
مهند
كمل بجنون
«،،،،مهند ولج هذا الي كتلته من وراج
اكثر من مره اشوفج بحظنه
ويبوس بيج
«،،،،قااائد انت شكاعد تحجي ومنيلك
هالحجي
ماما صاحت بي طلع جهازه وخلاه
كدام الكل يصيح
«،،هذاااا شوفي بنتج الشريفه شلون
جانت خاتله ويا بالممر
جان تصوير الصار قبل ساعه كلها شافته بابا
باوع عليه مذهول ومصدوم
قائد صاح بخبال وهو
يضرب على گلبه
بقوه
«،،،خرررب بگلبي الحبج
خرب بيه من حبيتج ولج
لو ميت ولا شايف الشايفه
عمو غانم والولد جرو لبره يغلط عليه
ويفشر
بابا سال بصوت مخنوك
«،،،،ولج هاي شنو
شكرا لزيارتكم عالم روايات سكيرهوم
