رواية اغفري لي الفصل الحادي عشر بقلم أوتار حزينة
ماجنت اعرف
ثمن ذاك اليوم راح أدفعه دم، مو دموع
ولا جنت
أتوقع جرحي الأكبر
راح يجي من اللي حبيته من كل قلبي
الجنت اظنه أمان،،،، طلع أول واحد غدار
الي جنت ارتاح لصوته صار صوته
يوجعني والي جنت احلف
بي باعني وفضحني
وخلاني بحلك
الشمات
ليلى
بابا يصيح
«،،،وولج هاي شنو
شاريد اگله عبالي هذا قائد ورحت
لحظنه
ماكدرت اجاوب النظرات جانت تذبح
ونظراته هو وياجانن سجين حار
وصارت بگلبي
بلحظه بابا جرني من شالي شعري اجه
بأيده،،،، اخذني للسياره ماما تعيط وتريد
تفگني منه دفعها بقوه وكعت بالگاع
خالتي رباب وعم غانم
لزموه صاح بيهم
«،،،ووخرو وخلوني اربي بنتي
دفعهم وفتح باب السياره شمرني بيها
وكام يضرب بيه ويصيح
«،،،،فضحتني من الله لاينطيج
ماما اجت صارت بيني وبينه
تصيح
«،،،لاااااا فاروق
صاح بيها
«،،،ااصعدي ااصعدي الله ياخذج انتي وياها
دفعها ليمي صعدت اخذتني لحظنها
تبجي واني هم ابجي وارجف
حرك بشحطه يسب بيه ويتحلف
وكل ساع ماد ايده وضاربني
وماما تلزمه
وصلنا البيت حالتي حاله اريد احجي
الصار شلون وهم شافوني بحظنه واني حاظنته
بالحالتين راح انذبح
بس،وكف ماما فتحت الباب وجرتني تصيح
«،،،،امشي امشي
االباب جان مقفول اجه ورايه لزم
راسي وضربه بي عطت هي عاطت ويا
«،،،بنت القندره والله لاذبحج واغسل عارج
فتح الباب ودفعني لجوة وكعت اجه
بسرعه جرني من شعري ماما
تريد تفگني منه ماكدرت
جان فاقد ومتخبل
من الشافه
بالمطبخ گتلني گتله مال موت وماعافني
الا من شاف خشمي طك دم ووكعت
لا حركه ولا صوت
قائد
عرس حسين جان باخر الشهر بهل كم
يوم اشتره مشتمل واثثه هو
وخطيبته
نزل شايل جنطه من فوك كال بضحك
«،،،راح اعوفك وحدك العب بگيفك
يالمدكك
ابتسمت وجاوبته
«،،،،بطلت ذاك الدرب
«،،،هههه حقك لان هن مو مثل ليزا ام عيون حلووة
مر طيف ليلى بسرعه من جدامي كمل
«،،«امشي يله اليوم اگرب عليك
«،،،بيك خير وتدلل
«،،،مهيب هم راح يجي
«،،اي خلي نفضك عاد ونخلص منك
«،،،يوما الك
«،«اكرمنا بسگوتك
«،،،ههه معقد المدكك
خليت الجنط بالسياره كال
«،،،ها صدك عمي كال حول هاي السياره
باسمك هديه منه الك
جاوبته مبتسم
«،،تسلم انت ويا وهديتك شنو
««،هم سياره گلي اختار واني حاضر
«،،،،عود نشوفلك بالمعارض
غمز وجاوب
«،،،يعني نطلع لاربيل
«،،،الو مهى
«،،،هههه جذب ولك كاعد اشاقى
«««اصعد ولك وخلي ريشاتك ساتره عليك
صعد يمي علك
سمر والعيون وساع جتاله
يهز جتف ويطگ اصبعتين كال
«،،،،ولك اريدك تعلگها بعرسي انت ومهيب
«،،،اسف مااعرف ارگص مثلك
«،،ههه ثگيل المدكك بس ذاك الضابط ابو رصعه
لا اعرفه راح يعلگها وراح يشعل الجو
«،،،،ااااالعب
رجع يهز جتف ويغني ويا ساجده خطيبته
اتصلت التهى وياها
حسين حب بنت عمته بالغربه وصبرت
علي ووكفت ويا وهي بعيده عنه وماعافته
رغم المسافه والبعد ولا هو عافها
شفت نهايه حبهم انتهت
بالزواج
بس اني ماانتهت بهل الشي
«،،،انساني وعيش حياتك
اكثر من مره كالتها اليه وبكل مشكله تصير
بينا من ورة الكلام الكمنا نسمع
من الگرايب
جانت هالكلمه تذبحني لان كمت اشوفها
بدت تتخلى عني كمت احس
اني وحيد بس اني
اعارك وادافع عن حبنا
الدنيا مطرت ذكرت ذاك اليوم
واكف جوه شجره قريب من بيتهم
دنيا ليل وتمطر وبارده كلش
اتصل عليها ماتجاوب جنا متعاركين
لان رادت اجي اخطب واسد
الحلوك اذكر حوارنا
«،،،قائد تعال اخطب والله تعبت من الحجي
واريد ارتاح
««،مااكدر ليلى انتي مو تعرفين ضيمي وتعرفين
اهلي مايقبلون يجون عليكم
«،،لعد شلون نظل هيج
«،،،،،،،لاا الكي حل
«،،،قائد تره الديصير كاعد ياثر عليه والله
ماجاي اركز بدراستي
«،،،كتلج خلي تركيزج بدراستج ولاتفكرين
بهل السوالف
«،،،مااااكدر
صاحت بيه وكملت
«،،،مااجاي اكدر اركز خايفه لااخسرك
افهم هالشي
سكتت كملت بشهكه
«،،،شبيك انت ليش ماجاي تحس بي كاعد
اكلك اني تعبانه ومليت من الحجي
«،،،وااني هم مليت وتعبت
صحت بيها جاوبتني بصياح
«،،،لااتصيح عليه
«،،مو صارلج ساعه تصيحين عليه ماحجيت
شي
«،،،روح قائد
«،،،ووو
الخط انسد صحت
«،،،خرررب بيج وولج شااسوي اگتلها لروحي
حتى ترتاحين انتي واهلي
ورة لحظه بردت وخابرتها مغلق رردت
بحسره
«،،اخ ياربي وين انطي وجهي وشلون
راح تفض شغلتنا ماادري
خابرتها كله مغلق
اختنگت من الكاعد يصير بيه ردت اهج
لان البيت صار سجن ويخنگ
كمت لبست ستره ام الكبوس وهجيت
من البيت طلعت بالماطور الشوارع فارغه والدنيا ليل وتمطر گلبي اخذني لبيتهم وكفت
جوه شجره
ادحك لغرفتها ضوه مشتعل خابرتها
مغلق ظليت واكف كل مشوار
اتصل يطلع مغلق
ماجنت احس برد نار گابه بيه من ورة
زعلها ومن ورة اهلي الي شدو
وياي وخلوني اكره
حياتي وياهم
صارت ساعه وحده وبعدني واكف
اتصلت دك عدها ماجاوبت
كتبت
«،،،يولي جاوبي تره البيه گافيني
قرتها ماجاوبت
«،،،ليلى اذا تحبيني جاوبي
«،،،روح قائد
«،،،وين اولي ولج صارلي اربع ساعات
واكف بهل البرد والمطر وادحك
لغرفتج
اتصلت عليه صاحت
«،،،شنوو انت وين واكف
وخرت البرده شفتها ادور عليه بعيونها
طلعت من جوة الشجره شافتني
شهكت وخلت ايدها على
حلگها حجت بالجهاز
«،،،لييش هيج تعذب بروحك وبيه
«،،،فدوه روحي تروح لروحج
كامت تبجي كلت
«،،،لاتبجين وتحرگيني بعد اكثر
«،،،روح بارده عليك
«،،بس انزلي خليني اشوفج واطمن عليج
«،،،قائد منا بابا لايشوفك
«،،،ابوج نايم هسه ومااروح منا
الا تجين واشوفج
«،،،،ماابي شي روح الله يخليك
«،،،،راح اظل هنا
«،،،ياربي شاسوي بيك وبروحي جاايه
بس من الباب الثاني راح
افتحه الك واوكف
بالحديقه الجانبيه
«،،،تمام
سدت الخط مشيت للباب وكفت يمه
ماكو احد بالشارع بس ،،،،،،اني لان الدنيا
بارده كلش والمطر يزخ سمعت الطگه
طبيت بسرعه وسديته هي
واكفه بالممر رحت عليها الوجه ذبلان والعيون تبجي عضيت شفتي بقهر وكلت
«،،،،ااخ وولج
سكتت من اجت بسرعه لحظني وحظتني
كامت تبجي لميتها بي بقوه اريد
اخليها بين ضلوعي
وجوه گلبي
بذيج الليله بستها من وجهها اكثر من
بوسه ولحيت على العيون اريد
ارضيها واطيبها من الزعل
وخرت بصعوبه منها گاضب وجهها بايدي
والمطر ينثر خفيف عليه وعليها
صفنت بعيوني والدموع
تلمع بعيونها كلت
واني عاشگها
عشگ موت
«،،،ااوف شگثر احبج يولي
وهم تراضينا ونسينا الي احنا بي
رجعت للمستقبل من كال حسين
بضحك
«،،،،هاي نتيجه اكلج للحگاكه بالجدر شوفي راح
نزوج بالشتا واعرف حظي
بيوم عرسنا راح
تمطر علينا وتصير
كركايع
مهيب اتصل عليه جاوبته كال
«،،،،وينكم صارلي ساعه انتظر
«،،،جايين بالطريق
«،،،هذا بيش مشغول كم مرة دكيت علي
«،،،،،وي المدام
«،،،،،طاح حظه مو شايف
اربع وعشرين ساعه يلغي وياها گله
خلي يثگل شويه
«،،،،حسين مهيب يكول اثگل شويه
«،،،،خلي ينجب
«،،،،سمعته واني اعلمه الا ادبج على
الجربايه مالته واكسرها
حسين سمعه لان فتحت السماعه
رد
«،،،سويها شلون ماادبج عليك
«،،،ههه يله عجل انتظرك حتى اشوفك
التمارين مال الجم وين راحت
«،،،،ولك اكعد عريس لاتكسر شي بيه
اسمع حوارهم ومبتسم ساله
«،،،،المدام وياك
«،،،،اي وكاعد تسمعك
حسين جاوبه وذاك سوه صوته نازك
وجاوب
«،،،،عززه شكد عيب فشلت من اااوختي
«،،سمعتي موو شفتي حظي جنت بالمدكك
هسه صرت بالضابط وامه الحلوه
مهيب صاح بي
«،،،،انجب گواد
«،،،،ههههه
حسين خرب ضحك وكله
«،،،بومه مااخذت حلاة امك بس الرصعه
وهم عبالك نگرة سلمان
«،،،اعلمك يول خلي بس تگضبك ايدي
الا اكسر ضلوعك وازفك منعنع لاختي
«،،،ادكول لخاطري عوفه
جاوبه مهيب كال
«،،،،احم لخاطرج اختي راح اعوفه بس ربي
هذا فالت عياره ذاك اليوووم يريد
يروح لمعااا
حسين سد الخط بوجهه وحجه
وي مرته
«،،،،خلص رصيده وراح
عض شفته اليه وهمس
«،،،راد يفضحنا الكواد وهو بس حجي
ابتسمت وفريت ايدي رجع يحجي وي مرته
ويضحك اشتغلت ويا
بيته ومهيب هم
بس جنت بعالم ثاني اردد وي روحي
جنت هيج اريد اسويلج بيت
صغير نعيش بي سوه
بس اني وياج ماردت ناس ويانا
لا اهلي ولا اهلج جنت اناني بحبي الج
وردتج اليه وحدي اطب تركضين
لحظني اشيلج لصدري
واشمج من رگبتج
بنفس طويل
اعيش وياج ذيج اللحظات الحلوه الجنت
احلم بيها ردت اشوفج الشوگ
الج شمسوي بيه
اسمعج تحجين احبك واگلج
مو بكثر حبي الج
تحسرت من گل گلبي وكلت
والله ماردت بس اگضي العمر وياج
حسيت بروحي اختنگت وقهر ترس گلبي
نغزه صارت بي ونفسي
ثكل هو انتبه اليه ومهيب
هم سالو
«،،،،قائد بيك شي
«،،،،لاا
رديت وكملت
«،،،،بعد عندك شي
«،،،،لا كملنا خلي نغسل ونطلع نتعشه
«،،،،،اني مااكدر لازم اروح بشغله
««،،،ها براحتك
سلمت وطلعت من يمها صعدت بسيارتي
حرگت عيوني صايرات جمر
لان خانگ دمعتي
مشيت واشوف ذاك اليوم الاسود
من جنت كاعد بگوفي مهموم افكر انهبها
وانهزم اني وياها من الكل
نروح نعيش بيت
صغير بعيد عن عيون الناس وحقدهم
وكلامهم
جهازي دك جان رقم غريب جاوبت
«،،،،الو
««،،،شلونك قائد
عرفته مهند جاوبته بنتره
«،،،شتريد ولك
«،،،ههههه منك شاريد ياحظي هو انت فگر
ومفلسه جيوبك
«،،،،اكل قندرة ،،،،وگلي شكو متصل عليه
حنيت لگتله اللخ
«،،،مو اني الي راح انگتل هالمره لا انت الي
راح تنگفخ على وجهك براجدي
قوي من تشوف حبيبه
الگلب بحظني
فزيت من مكاني وصحت بخبال
«،،،،شنووو ولك
رسايل اجتني على الواتس فتحتهن
بسرعه صور الها لابسه ملابس
حفلات ومدلعه
وصور محادثات بينها وبينه گضبت
الجهاز بقوه اردد بذهول
««،««لااا هاي انت مسويها اي لعبه منك
«،،«ههه شوف مقاطع الفديو يول وراح تعرف
انت شكد جان ملعوب عليك
فتحتهن بايد ترجف فكيت عيوني من شفتها
هي بحظنه وحاظنته يبوس بيها عبالك راسي
انضرب بيده الهاون، ،،،،الجهاز
وكع من ايدي وكعت
ليوره صحت
بخبال
«،،،،لاااا ولج لااا
اخذت جهازي وصحت بي
«،،،،جتااالك ااني يول والله لاااذبحك واال
سد الخط مشيت بسرعه العيون عليه اخذت الماطور ورحت عليها ،،،، تذكرت هم اليوم
بيت خالتي رباب خابرتها سالت
هم يمج كالت اي
ماظل عقل براسي تخبلت من الشفته اريد
اجذب الشافته عيوني بس شلون
اجذبها واني شفتها حاظنته
وهو يبوس بيها
تذكرت كلامها الي جانت ادگول اليه اكثر من
مرة، ،،،،،،هو سوه الي ماتكدر علي
وجان يروح الهم شمدريني شصاير بينهم
وخلاني اشوفهم بهيج فديو
وصلت نزلت صاير بركان طبيت اريد
اگتلها واگتل روحي بس
ماخلوني
رجعت لبيتنا امي تلگلتني واصلتها الاخبار
«،،هااا شكتلك ولك شحجيت
صعدت هي ورايه تحجي طبيت لغرفتي اخذت
جوازي والفلوس الضامهن صاحت
من طبت
«،،،هاي شكاعد تسوي
ماجاوبت مشيت گضبتني تصيح
«،،،وولك وين رايح
جريت روحي بقوه طلعت امشي بسرعه
نزلت لجوة بالطرمه شفت احمد ومقداد
طبو كالو
«،،،هاي شبيك صاير شي
طلعت للماطور حرگت،،،، امي اجت
تصيح
«،،،ولكم الحكو يريد يهج
طلعت بسرعه من يمهم ،،،،،،رحت للكراج
بوكتها جانت اكو سياره جايه
من بغداد وتريد ترجع
حجزته اليه وطلعت
بوجهي الها
وصلت وحجزت لتركيا ردت الحك حسين
لان راح قبل كم يوم وكال
راح اطلع على البحر
بس ارتب طلعه
اني بالمطار انتظر فتحت جهازي الدنيا
محروكه عليه الكل مخابر عليه
اخوتي امي ابويه خالتي
ندى خالتي
رباب
امها
اتصلت ماجاوبت رجعت اتصلت رديت
بأعصاب
«،،،،،شتترر
«،،،«قائد ااسمعني
جان صوتها صحت
«،،،،شتريدين ولج وباي عين جايه تريدين
تحجين وياي
«،،،قاائد والله الصار لعبه وداعتك انت لعبه
اني عبالي انت ورحت حظنته
«،،،لا بله شلون اني وهو مايشبهني بشي
«،،،جان منطيني ظهره وماميزته والله ماعرفته
اني صحته ومن رد عبالي انت
«،،،اانجبي ولج
صحت العيون صارت عليه كملت جاز
على سنوني
«،،،ولج صورج يمه وشفت محادثاتج ويا
وشفتج بعيوني حاظته
ويبوس بيج
«،،،،والله جذب هاي لعبه منهم حتى يفرقونا
انت جنت تحذرني منه هاك شوف
سواها بينا
«،،،ااسمعي ولج اني مو مضحكه الج الشفته
كافي وخلاني اعرف اني جنت
اكبر زوج وجنت مضحوك
عليه من ورة وحدة
گحبه
«،،،،،لاااا قائد لاتحجي هيج الله يخليك
«،،«روحي من طيح الله حظج وحظي
من حبيت وحده مثلج
«،،،لاتظلمني قاائد فوك ظلمهم
حجت بشهكه وتوسل صحت بيها
«،،،ولج محد انظلم غيري من وراج
ومن ورة الشفته هجيت وراح
اروح للبحر بلگي
ياخذني واخلص من
الشفته
صرخت بهستريا
«،،«لاااا قائد لااا تسويها واالله ااني مظلومه
وو
سديت الخط وطلعت السيم كرت كسرته
وذبيته هو والجهاز بالزبل
لان جان هديه منها
ووبدت رحلتي الي انتهت بالمانيا وهناك
لا نسيت ولا كدرت انسى اي
شي من العشته وياها
وكفت سيارتي يم الجسر سندت راسي
ليورة اردد
«،،،اريد بس اسألج ليش هيج سويتي
بيه ليش واني حبيتج
حب جبير
بشنو قصرت ذبحت روحي بالشغل حتى اجمع
مهرج ردت اسويلج كلشي من
فرحتي بيج بس ماغزر
بيج الجنت اسوي
ليلى
الاتصال بغاده انگطع لان غلقت جهازها
ورفضت تتواصل وي اي احد
من عدنا اني واهلها
جنت اعرف اخبارها من مريم لان خاله
سوسن تخابر يوميه على الحجيه
تتطمن عليها
بس اني جان گلبي نار عليها اريد اشوفها
اكعد وياها جنت اعرف هي محتاجتني
مثل مااني من رجعت محطمه
واريد واحد يسمعني احجي
بدون مايحجي گلمه
رجال جبير اجه راد الدوه صرفته
اله وعلمته علي بصبر
لان جان مايسمع
زين
دعى اليه
«،،،الله يرضى عليج يابنتي ويخليج
لاهلج
«،،،تسلم عمو
راح من يمي دكتور رواد اجه ويا
واحد سلم
«،،،شلونج ست ليلى
«،،،اهلا دكتور رواد
اليمه ماشال عيونه مني تجنبت اباوع
علي
«،،،اريد هذا الدووة شوفي موجود عدكم
«،،،اي موجود
«،،،اريد اثنين بلا زحمه
«،،،تمام
رحت جبتهن اله انطيتهن اله كال
مبتسم
«،،،شكرا الج اني كاعد اتعبج وياي من
وره الحجيه بس هالمر هذا الدوه
لابن عمي الي كال مبتسم
«،،شلونج ست
جاوبت رسمي
«،،،اهلا وسهلا
شكرا الج على الدوه
ركز بعيوني ووجهي دكتور رواد انتبه
اله وتغيرت ملامحه جاوبت
بضوجه
«،،،ماسويت شي هو دوه صارفته الحكومه
ماجبته من فلوسي
«،،،صح بس انتي هم جاي تتعبين لان واكفه
من الصبح للظهر وتصرفين دوه
لهوايه ناس
مارديت دكتور رواد گله
«،،،يله وسام خلي نطلع
هو كال
«،،،،اكرر شكري الج
هم مارديت لهيت روحي اكتب بالسجل
طلعو من يمي ورة مشوار دكتور
رواد اجه كال مباشره
«،،،،اني اعتذر على تصرف ابن عمي
ثولت السالفه وسالت
«،،،،،ليش هو شسوه
صفن عليه ورد
«،،«اني ماقبلت علي لان شفته شلون
جان يباوع عليج
«،،،اني ماانتبهت
جاوبته مثل كل مرة من يدور حوار بينا
رد
«،،،،بس اني انتبهت ورزلته لان ضوجج بنظراته
«،،،دكتور لو شايفه من شي مو حلو اني ارزله
مامحتاجه الك حتى تحجي ويا
وترزله
سكت كملت واني اعرفه هو نفسه عيونه
مني
«،،،اني عندي لسان واكدر اخذ حقي من
اي واحد اشوف منه تصرف مو حلو
ابتسم وجاوب
«،،،انتي مختلفه
التزمت الصمت كمل
«،،،ومميزه يعني اتمنى ماتفهمين كلامي غلط
بس الصراحه اخلاقج وتعاملج
وي الكل تعجبني
«،،شكرا الك
جاوبته وانداريت لزمت جهازي هو حس
ترخص وطلع من يمي
جنت اريد اروح عليها بس ماكدرت لان انطيت
وعد لبابا وماما مااروح لهناك
كملت دووام وطلعت هم حسيت بي
جاي يراقبني وكفت يم سيارتي
وباوعت لكل الاتجاهات
اريد يجي واساله
«،،ها عرفت
بس مااجه ولا شفته صعدت سيارتي
وطلعت لبيت اهلي افكر بي
شراح يصير بيه من
يعرف الصار
اعرفه مخبل وماراح يسكت اذكر كلش
زين هو شلون جان عصبي ومايتحمل حجايه
مو عاد تصرف جبير مثل هذا وخاصه
من مهند الي جان يموت منه
ويكره كره موت
غاده
الاكل كدامي ومااكدر اكل شي من
القهر الي اگل معدتي وگلبي بس شربت
كلاصين لبن حسيت ضغطي
تحسن
جنت شايله هم لا هذا هم يتقرب مني
الباب انفتح فزيت من شفته
هو حجه من سده
«،،،انخمدي الي جنت اريده سويته وبعد
مالي نفس بيج انتي اصلا هسه
حسبه خدامه اليه
ماصدگت بي عيوني ظلت علي من
باوع عليه درت وجهي
كال باستهزاء
«،،،تعلمي على وجهي لان راح تشوفي هوايه
مارديت
«،،،،ها وين لسانج ياام عيون گويه
لبسته اجه عليه باوعت عليه
بخزره وكف مبتسم
وكال
«،،،تره مو ميت عليج بس اريد غطه
جر اللحاف بقوه من عندي وخله بس
البطانيه راح اخذ فراش
من الكنتور فرشه ذب
الدشادشه وكال
«،،،ازقنبي مالي خلك كل ساع اطيحين
علينا
باوع عليه وكمل
«،،،،ولا اكلج لاتاكلين بلكي تموتين واخلص
منج
جاوبته من راد يتمدد
«،،،،الموت ارحم من العيشه وياك
اندار عليه رد بابتسامه استهزاء
«،،،،انتي متاكده ذوله اهلج
عرفته شيقصد وجاوبته
«،،،بعد ماشفت شي
صفن عليه بنظرات نار وجاوب
«،،،والله وكت انه اتهدد من حرمه ومن
منو واحده اهلها عارات
ومابيهم خير
مارديت كمل من قرب
«««ها اشوفنج سكتي اي مو ضربت على
الوتر الحساس وبلعتي
لسانج
اندار كلت
«،،،اذا اهلي عارات انت شنو
وكف وباوع عليه كملت
«،،،،مو انت قبلت بمره حتى اطم عارك
الوجه صار دم وصفن عليه كملت
اريد اجرحه واعذبه
بالكلام
«،،،ها سكتت عبالك عبالك ضربت وتر
حساس وبلعت لسانك
نفس كلامه حجيت النظرات زادت قسوه ورد
«،،،انتي شتريدين اروحن اخلي چيله
براس اخوج
جاوبته بكل ثقه
«،،،بعد ماتكدر،،،،،،،،،تسوي اي شي لان لو
ردت تسويها جان سويتها من زمان
اانت اخذتني وكسرت عينه
هسه تنتضر هو ياخذها حتى تسد
حلوك الناس وتكدر تمشي
مرفوع الراس بينهم
حمزة
حجت هالكلام وخلتني الم قبضه
ايدي بقوه جاوبت
«،،،اسكتي واشتري روحج بهل الليله
كملت
«،،،واشتري روح اخوج وياج
كامت لحيلها تعاين عليه بحقد وردت
«،،،اني بعد ماعندي شي اخسره واسمعها
مني مره ثانيه اذا اهلي
عارات اني مو عار واذا
صار شي باخويه
اني الي راح
اخذ ثاره منك وسويتها مره وشفت
هالشي بعيونك واكدر اسويها
بعد
غاده
اني حجيت هيج وهد عليه ماصرخت
ولا تحرگت لزمني من رگبتي
وجرني علي يتفرس
بملامحي بوحشيه
ردد بصوت
مخنوك
«،،،،ووولج منيلج هالگوايه بس فهميني
السويته بيج ماكسرج
ابتسمت وهالشي خلاه يصفن بوجهي جاوبته
«،،،اني محد يگسرني لا انت ولا غير
دفعني من عنده وكعت على
الجربايه دار روحه مني من ظهره وتنفسه
القوي عرفت حرگته بنار
ماحجه شي طلع من يمي وضرب الباب
وراه
جنت اعرف هو ماراح يكدر يسوي شي
لاخويه كلشي انتهى يم الشيوخ
واعرف هم هسه بس يريدون
ياخذ زهره
حتى يكدرون يرفعون راسهم بين
الناس يعني كلامه كله
تهديد فارغ لان اخذني ولازم
اخويه ياخذ بنت عمه حتى
تنسد الحلوك
شلت الصينيه وخليتها على الطبله رحت
لفراشه دفرته برجلي بعيد
واخذت اللحاف
رجعت تمددت وتغطيت ظليت اتگلب
بفراشي ماكدرت انام من ورة
الصار بيه والتفگير
مر وقت طويل واني كاعده سمعت الباب
انفتح غمضت عيوني سمعت
خطواته بس مااجه
ليمي فتح
الكنتور مااعرف شطلع تحرك بالغرفه
بعدين صار هدؤ ،،،، من التعب
والتفگير غفيت مااعرف شكد
نمت وحلمت بنفس
السواه بيه قبل
ليله
صرخت من گل گلبي واني مغمضه
وجسمي ينتفض
لفوك
حسيت ايدي حظتني ومي صار
بوجهي فتحت ارجف
وگلبي يدك
سريع سمعت صوت
«،،،ولك موو كافي راح تتخبل البنت
وعيت اني بحظن الحجيه عمته
تفرك بگلبي هو واكف بطرك البجامه والفانيله
غمضت عيوني بقوه من شفت
السواد نازل من
وجهه لصدره
«،،،يبو جمرة عوف البنت وكافي السويته
بيها
عمته حجت رد بغضب
«،،،ماسويت شي الردته سويته بارحه
ونفسي جزت منها
ماردن علي كمل
«،««وهسه اطلعن خلي انخمد
«،،،خلي نشوف البنت
«،،،،لاتخافن ماراح تموت هاي عرمه وصلفه
وعار والموت ما ياخذ عارات
سكت وبعدين كمل بنترة
«،،،يله اريدن اانام
«،،،انتي زينه يمه
الحجيه سالتني هزيت راسي باي
حجت وياي بحنيه
«،،،يمه اگلي شي لايروح يصير بيج
شي
صاح
«،،،يله يمه اريدن انخمد
«،،،ااي مشينا يالدومك معطب
نترت بي وكامت طلعن من يمي وسدن الباب
هو طفى الضوه وراح لفراشه
يردد
«،،،ماراح تفض هالليله على خير
رجعت تمددت وصفنت على السگف سمعته
يتحرك بمكانه وذب حسرة اكثر
من مرة
من التعب والصار بيه غفيت وهو بعده مو نايم
كعدت بفزه، ،،، هو ماكو بس فراشه
بالگاع ظليت كاعده وصافنه
على الغرفه
اردد بعيون مغوركه
ياربي خلي حلم مو حقيقه الصار بيه
هسه اني كاعد احلم اي مو حقيقي الصار بيه
ولا هذا رجلي ولا هذا مكاني
دمعتي نزلت كملت من لميت رجلي
وخليت راسي عليها
ولا صار بيه الصار ولا صرت اسيره عنده
يلعب بيه شلون مايريد
رفعته صفنت بجمود على گلشي وكل رگن
وزوايه وحاجه ادكول اني ماجاي
احلم والشي صار بس شوكت
يخلص هالعذاب مادري
حراره صعدت لوجهي كمت ورحت للحمام
غسلت وجهي وصفنت علي ذبلت
ملامحي بهل الشهر وصرت
وحده ثانيه
انهزمت من المرايه مااريد اشوف روحي
بيها لان شفت بيها وحده ماعرفتها
مو هذا الوجه الجنت
اتمناه ولا ردت هالحياة الي فرضوها
علي اهلي وهذا الي صار
رجلي غصب
دمعتي نزلت من اجه معتصم بين عيوني
كلت والحقد،،،،،تارس گلبي
انت كرهتك اكثر من هذا لان ابن خالي
وزوجي وتخليت عني وهو عكسك
اخذته الحميه على بنت
عمه وسوه السواه
والحميه والغيره مااخذتك عليه
ولا صرت بعيوني رجال
بجيت من قهري منه ومن اهلي ومن هذا
الي مااعرف شلون راح اكدر اتحمل
وجوده يمي
الحراره گبت بيه، ،،غسلت وجهي اكثر من مرة
بس بعدني مصخنه كلت خلي اسبح
رحت للكنتور اريد اطلع ملابس
فتحت باب جانن هدومه معلكه كلها
دشاديش ضربته بقوه مااريد
اشوفهن
رحت اللخ فتحته هم هدوم اله
وخزنه صغيره سديته ورحت فتحت الباب
الي بصفه لگيت هدومي مصفطات
والباقي معلك بالخانه الثانيه
اخذت تراك ورجعت للحمام غسلت
وطلعت كعدت
باوعت للساعه جانت
بالعشره
الباب اندك طبت عمته شايله صينيه
شافتني ابتسمت اجت ليمي
وكالت
«،،،،عوافي
«،،،،مااريد اكل
خلته يمي وكالت
«،،،،انه ماتريگت كلت افگ ريگي وياج
سكتت الحجيه طبت كالت
«،،،صباح الخير يمه
اجت ليمي كعدت وكالت
«،،،ازعل عليج اذا مااكلت الزاد ماينزعل
عليه يبعد امج ولازم تاكلين
حتى مايصير بيج
شي
عمته قربت الصينيه مني وكالت
«،،،انه وياها مااگلن شي كلنا ناكل وياج
«،،،يله صبي الجاي يارقيه وخلها تضوك
خبزتنا الحاره مال تنور الطين
«،،،اي يمه هسه اسويلها لفه
المرة سوت اليه لفه انطتها اليه مااخذتها
«،،،احلفج بالله تاخذيها مني
«،،،لاتفشلين رقيه تره هي بحسبه امج
الحجيه حجت وعمته خلت
اللفه بأيدي
كامن يأكلن وماحجن باي شي
يخص موضوع اخويه ولا جابن سيرته
اكلت اللفه بعد الحاح منهن
مااكلت شي بعد
بس عمته جابت علاكه بيها حلويات
وخلتها يمي عزلت الغرفه تمددت
هي يمي وهم غفيت
من التعب
يمامه
اكثر من مرة وكفت بوجهه ابويه وقويدر
من وره حنين ويگتلوني جسمي
صبغو بالكيبل حتى راسي
شگو من وراها
وهي من شافت وضعي شلون صار قبلت بي ردت انهزم بيها بس وين نروح واحنا بنات صغار وماعدنا احد الدنيا شكبرها بس اني
كمت اشوفها بكد
السمسمه من وره القهر والهم الي ترس
گلبي
شفت ابويه واخويه باعوها اله وقبضو
الثمن وهي واني لا حول ولاقوة
جان ماعدنا هويه من رادو يعقدون الها
راحو زورو هويه باسمها
وكبرو عمرها وسواها 18 وهي
16
عرسها صار بسرعه بسرعه واهل سعيد
جانو انگس منه امه وحده عرمه
وفليته ومو راحه تعوف بيتها هي ووبناتها
لايام ومحد يعرف وين يروحن
بس بعدين عرفنا هي
تاخذهن تگود بيهن وقويدر جان عنده علاقه
باخته الصغيره وذاك يعرف
وساكت
من زفوها اله الليل كله مانمت ابجي عليها
وشايله همها شراح يسوي بيها
هذا الساقط وبس طلع الصبح بسرعه
رحت عليها دگيت الباب امه فتحت الباب
باوعت عليه من فوك ليجوة
وهي اطك بالعلج وشايله دشداشتها
لفوك.
سلمت كالت
«،،هاي وين الريوك شبيج ماتعرفين
الاهل يجيبون صبحيه لبنتهم
ماحجيت شي كملت بنترة
«،،،فوتي شكو واكفه
طبيت بيت خايس ووالوصخ هنا وهنا
«،،،،اختي وين
«،،،جوه فووتي عليها بسها تبجي عبالك
اخذنا بومه
رحت بسرعه عليها دكيت الباب سمعت
صوته القبيح
«،،،،منوو
«،،،اني يمامه
فتحه درت راسي منه لان جان بطرگ
الشورت رد يضحك
«،،،هلا يمامه
«،،،وين اختي
«،،،ذيج اختج عيني طلعت لوزه وو
وخرته من وجهي وطبيت عليها صفنت
من شفتها تبجي وحالها حال
صحت بي
«،،،هااي شسويت الها
«،،،كلشي سويت عندج اعتراض
«،،الله ياخذك انت وابويه وقويدر بنفس
اليوم
«،،هااي شبيج بيت عواد اشو جايه هداده
علينا وتدعين على ابني
بصباح عرسه
مادرت بال لامه من حجت رحت لاختي
اجت لحظني من كعدت جسمها
يرجف دمعتي طفرت
وصحت بي
«،،،ولك انت شنو حيوان ماشايف
لعب بحواجبه ورد
«،،،لا والله مو شايف وشفت وتخبلت
«،،،شاحجي وياك واحد عار
«،،،هههه مقبوله منج لان انتي اخت الحنينه
مالتي
سكت وكمل
«،،،راح اعوفجن واروح اتريك لان خرط گلبي من
الجوع
طلع كلت
«،،،يكون يوگف گلبك من اول لگمه
باوعت لاختي وكلت بقهر ودموع
««،،مو كتلج لاتقبلين بي هذا واحد حيوان
وراح يأذيج وياخذج تشتغلين
بالملاهي
جاوبتني بشهكه
«،،،ماشفتي ابويه وقويدر شسوه بيج
«،،،،ولج ااتحمل كلشي لخاطرج بس اانتي
كسرتي روحج من وافقتي علي
«،،،هذا ياخذني ولا اخويه يعتدي عليه
جاوبتني بشهكه وكملت
«،،ماشفتي يوميا يجي سكران ويتحارش بيه
وانتي بصعوبه تفگيني منه
«،،،شااحجي يااربي الضيم الي بينا ماينحجي
كلت
«،،،كومي خلي اغسل الج
اخذتها من ايدها من كامت شفت الفراش
كله دم ورجلها هم سالت بخوف
«،،،ولج ااذاج
كامت تبجي رددت
«،،،حسبي الله عليك ياحيوان يكون الله
ياخذك بهل اليوم انت وابويه
واخويه العار
«،،،اسكتي يمامه امه فليته وعرمه بارحه لان
ماقبلت انطي نفسي اجت عليه
تصيح وتفشر ادكلي اكيد
انتي مو شريفه
وخايفه لا ابني يعرف بهل الشي
«،،،خلينا الشرف الها ام الملاهي
جاوبتها وطلعت وياها جانو كاعدين
بالطرمه جوه سگيفه مال قماش منتف ووصخه
يتريكون خواته مشلحات ولابسات
لبس خزي
«،،،كلوووووش
كامن يهلهن ويضحكن بصوت عالي ويذبن
سوالف وحده اكبر من اللخ روحي
اشمئزت منهم ودمعتي نزلت
من ورة قهر اختي
الي ذبوها ابويه واخويه الهم
غسلت الها دمعتي مانشفت من وره الشفته
بيها طلعنا شفناهم ماكو اخذتها
لغرفتها هو ممدد
ولازم جهازه كال
«،،،تعالي تريگي
جانت صينيه صغيرة بيها قطعه جبن
مثلث وحده وكلاص گيمر ربع بي
ونص خبزه كلت
«،،،بس هذاا
«،،،اي
«،،،كوم جيبلها شي زين
«،،،ماعندي فلوس كلهن انطيتهن لاخوج
وابوج
«،،،يمامه مااريد مااشتهي
اختي جاوبتني هو كام وكال من اجه
يمها يضحك بقبح
«،،،اروح اسبح حتى اتنشط
كلت
«،،،،سعيد كول امين
ابتسم وكال
«،،،امين
«،،،غسلوك بمي حار ودفونك بنگرة مال نار
ضحك وجاوب
«،،،مقبوله منج يمامه لان صرنا نسايب
طلع وسد الباب غميته وكلت
«،،،روحه بلا ردة
باوعت لاختي صفره ومبين عليها جوعانه
لان جانت تباوع للاكل كلت
«،،،هسه اجي
«،،،،وين يمامه
«،،،اروح بشغله واجي
«،،،،تمام
طلعت من يمها رحت للبيتنا بعدهم مخمودين
بگبورهم رحت للمخزن سديت
الباب ورايه
مشيت ليم الحايط وخرت بساطه
قديم وحفرت الحفره الي
ضميت بيهن فلوس
الي انطاهن
النا ذاك الضابط من دعم حنين
جانن 250 الف اخذت 25 ورجعت الباقي
بمكانه دفنتهن زين ورجعت
البساط عليهن
كمت طلعت شفت منيره كاعده والشعر
منفوش وتثاوب شافتني
سالت
«،،،ها ولج اشو مو طالعه للشغل
«،،،هسه اروح بس اشوف حنين
«،،،روحي بسرعه واطلعي مناك للشغل
البيت مابي فلوس منين نجيب اكل ومصرف
ولا عبالك ابويه نايم على كومه فلوس
بس من سعيد اخذ مليونين ونص
والباقي اخذهن قويدر
«،،،اي
رديت مختصر وطلعت امشي سريع رحت
لمحل مسافه عنا اشتريت الها بيض
وجبن وگيمر وحلويات وشربت
وجبس لميت الباقي
بايدي ورجعت عليها دكيت الباب طلعت اخته
الصغيره مدلعه تضحك وتحجي
بجهازها كالت
«،،،فوتي
عافتني وراحت كلت بگلبي
«،،،من امداج وامده اخويه الي مثل خلقتج
الزفره واخلاقج السگط
كتلها
«،،جبت ريوك لاختي
«،،،اي ماطبين اسوي الها شتريد عيني
نخدمها وهي كاعده جوه
«،،،لا مو عليك حبي كاعد احجي وي
هاي اخت عروستنا ههههه
ضحگت بصوت عالي اشرت للمطبخ وولت
لغرفه خالين عليها بطانيه مثل
خلقتهم الوصخه
طبيت مطبخ ريحته تگتل والمواعين مطشره
هنا وهناك والوصخ مطشر باالگاع
وبكل مكان اكو خرگ
وصخه
ردت اذب من راسي من شفت الوضع بس
شاسوي اريد اسوي لگمه لحنين
الي اعرفها ماتصبر
على الجوع
رحت للسنك شفت طاسه فافون غسلتها
وخليت البيض بيها كلت اسوي
سلك لان الطاوات تلعب
اانفس
القوري نفس الشي هي ماتحب الجاي
عفته عفت البيض ينسلك
ورحت عليها دكيت
الباب سمعته
صاح
«،،،شلون يعني ماناخذ راحتنا
«،،،هااي اني يمامه جبت ريوك لحنين
«،،،طبي
«،،،نتر بيه
فتحت الباب طبيت كعد يلبس بكلابيه
وهي بطرك الاتك والوجه
مخطوف والعيون
تبجي
طلع من يمنا يردد
«،،،مو عريس صرت نعال منا هاي بس
تبجي ومنا اختها غراب البين
كل ساع وجايه
مارديت علي هي لبست دشادشتها
خجلانه مني رحت خليت
الغراض الجبتهن الها
يمها كلت
«،،،سويتلج بيض سلك روحي علي ورة مشوار
تريكي بي وهاي جبن وگيمر وحلويات
اكلي منهن ولاتخلين
روحي جوعانه
«،،،ظلي يمي
«،،،لا مااكدر لازم اروح
سكتت وكملت بقهر ووجع
«،،،حتى اشحذ بالشوارع
قائد
حسين ازوج بنهايه الاسبوع واستقر
بيته هو مرته ظليت وحدي
بذاك البيت والوحدة
دمرتني وخلتني اعيش بالذكريات بعد اكثر
اني كاعد بليل احمد راسلني وهاي
مو اول مره هو من اجه وي مقداد ظل
كل كم يوم يراسل مااجاوب
الصبح رحت للشغل جان طريقي
يمر بالمستشفى الي هي تشتغل بيها
كلما افوت من يمها اصفن
عليها واكول راح
اشوفها
بس بعدين ادير وجهي اردد
«،،،،كافي تعذب بروحك من ورة بشر مايسوه
جنت اقنع روحي بهل الكلام بس
جذب كدرت مااعذب روحي
كملت شغل ساعه 3 وكل هالوقت بالي
مشغول بيها ولا راحت من
تفگيري
فتت من يم المستشفى شفت سيارتها
طلعت من الموقف وراحت للشارع
هم مشيت وره گلبي من
مشى وراها
صوت يتردد براسي
«،،،ارجع قائد وكافي تعذب بروحك
اجاوبه
«،،،بس اسالها هي ليش،هيج سوت بيه
«،،راح تقهرك بعيونها الگويه
«،،خلي تقهرني بس اسمع شي منها يموتها
بگلبي
راحت لفرعهم الجانو ساكنين بي
كلت
اكيد هذا كعد وياهم بعد فضيحتهم
وكفت يم بيتهم ونزلت قفلت السياره
رفعت راسها شافتني ماتحركت
هم نفس النظرات شفتها
منها نزلت اريد
اسالها
بس،،،،،هي اجت عليه ادحك عليه بعيون
گويه وكفت قريب مني سألت
بغضب تارس گلبي
ليلى
شفت قائد كدام عيوني ويم بيتنا
ويجوز هذا انطاني القوه
حتى اواجهه اجه باتجاهي
مشيت اله وكف يباوع
عليه بحقد
وقسوة سأل
«،،،لييش،ولج بشنو قصرت وياج
ابتسمت
صفن بعيوني وسال
«،،،وتضحكين يولي
«،،،،عبالك مااعرفت
«،،،لا عرفت انتي ازوجتي مهند لان فضيحتكم
جان لازم تنتهي بالزواج
مديت ايدي اله صفن عليها
كلت
«،،،اني ماازوجت مهند
رفع عيونه كملت بنفس الابتسامه
«،،،شنو انت ماعرفت الصار
ملامحه تغيرت والنظرات صارت تايهه
كملت
«،،،يا خطيه بعدك ماعرفت
«،،،،شنو ااي اعرفه ولج
جاوب بغضب رديت بهدؤ عكس
العاصفه الي جانت صايره
بعقلي وگلبي
«،،،روح اسال اخوتك
انداريت كاتمه دموعي الي تريد تنزل
وتفضح ضعفي من شفته كدامي
«،،اوكفي شنو اسأل اخوتي
جاوبته بصوت مخنوك واني امشي
لبيتنا
«،،،روح قائد راح تعرف شي ماراح يخليك
ترتاح ولا يخلي عيونك تنام
قائد
حجت هيج وراحت لبيتهم طبت وسدت
الباب كلت
«،،،شنو الي اعرفه
رجعت خطوة ليوره عيوني على بيتهم
تردد كلامها براسي
«،،،اسال اخوتك
رحت صعدت بسيارتي بسرعه
حركت واتصلت على احمد رد بفرح
«،،هلا قائد
«،،،احمد شنو الصار ورايه
سكت وطول
«،،،،السكوت خلاني اگضب الستيرن
بقوه صحت بي
«،،،،ااحجي گلي شصار ورايه من هجيت
بذاك اليوم
«،،،،كلشي ماصار
«،،،،يول لاجذب عليه شفت ليلى وكالت
اسالك اخوتك
هم سكت صحت بي
«،،،اااحجي ولك فهمني هي ليش
هيج حجت
«،،،،انت وين
«،،،بغداد
«،،،هسه جايك اني ومقداد
«،،،لاتجوون اني جاي
«،،،قائد ظل هناك لاتجي
من گلي هالكلام عرفت صاير شي
جبير وراح انصدم بي جاوبته
«،،،ااني جاااي لاحد يجي
«،،،،تمام تمام
رد وحسيته توتر
«،،،ننتضرك
شكرا لزيارتكم عالم روايات سكيرهوم
