رواية بيت المطلقات الفصل العاشر بقلم جمانه السعيدي
دنيا جهزت نفسي بنفسي ووليد مادفعلي ولا فلس
بس عادي كاعد يبني بيتنا
قابل هو وين صارف الفلوس
علاقتنا كانت قويه كلش اني كلش حبيته وتعلقت بي
يوميه يجينا ونكعد اني ويااا وحدنا بلاستقبال
ونبقى نسولف ساعه ساعتين
منا لمن نمل وبعدين يروح
كانت تصير بينا تجاوزات خفيفه بحكم احنا عاقدين
وبيوم اجانا بليل
حاول يقرب عليه واني صديته وزعل
وليد ترا اني زوجج وهذا الوضع صعب عليه صار ست اشهر كافي خل امج تطلق صراحنا
اريد ازوج اني موزغير
دنيا مابقه شي حبيبي هانت
وليد شني هانت اني ضجت من هذا الوضع وامي تلح عليه ترا اني لو مزوج من اول الخطوبه
هسه انتي على وجه ولاده
دنيا على كيفك على كيفك يالله شنو هذا الاستعجال
واني بعدني مامكمله جهازي
وليد شنو مامكمله وراتبج
دنيا انطي نصه ومرات اكثر من نص الامي المسوليه عليه هواي
وليد اي بس انتي أحق بهذا الراتب من خواتج
خواتج عادي يكدرن يشتغلن ويصرفن على نفسهن
دنيا ولو لازم اساعد امي
طلع زعلان لان ماقبلت يتقرب عليه وصديته وهم تناقشنا على الراتب وضاج
ثاني يوم بلمستشفى اجاهلني
رحت اصالحه ثكل وجه عليه
دنياااا لا تزعل حبيبي ولله مابقه شي بعدين غير بيتنا يكمل يله
وليد بيتنا بعد هواي نزوج بيت اهلي وبعدين ننتقل البيتنا
دنيا قربت علي وبسته بخده
وليد ماتكفيني اني بعدني زعلان
دنيا اني اصالحك من تجي بليل
وليد كلام ثقه
دنيا اني شعندي غيرك
جمانه السعيدي
اني فعلا احبه وتعلقت بي ومااشوف اكو مبرر التأخير امي هذا الزواج
رجعت للبيت وقررت احجي ويه امي بهذا الموضوع
بعد وليد زوجي على شنو هذا التأخير واني احبه واريده
لكيت امي طالعه سبحت وبدلت لبست ثوب اسود قصير
ربع ردن كلش حلو وسرحت شعري
كنت ناويه اصالحه بس بدون مايزيد التجاوز بينا
اجا ورا العشى ودخلنا اني ويااا للاستقبال بس شافني ابتسم
وليد هله هله شنو هذا الجمال
دنياااا هذا الجمال كله الك وبس
وليد متأكده اليه اسوي اي شي اريده
دنياااا اي بحدود المعقول موتهجم عليه
وليد لا اشو اليوم اكلج اكل
دنيا بدا يقرب عليه ويحضني ويبوسني واني اصده
واحاول ابتعد عنه
صار عصبي
وليد لا ترا هاي مو عيشه بابا افهمي احنا عاقدين يعني مزوجين
دنياااا خفت اخسره بعد ماتعلقت بي
وعفتله كلشي منا لمن صار المحضور وقرب عليه
وصرت زوجته حقيقتا
دفعته وكمت ابجي اني شسويت بنفسي
شلون سمحتله يسوي هيج
وليد لا تبجبن احنا ماسوينا شي غلط ولا حرام ومن باجر نزوج اذا تحبين
دنياااا مامصدكه اني سويت بنفسي هيج وين عقلي
ليش خليت مشاعري تغلبني
كان لازم اسيطر على نفسي اكثر
ولو احبه واذا كنت زوجته أمام رب العالمين
وليد لاتبجين بعمري مراح اتخلى عنج ابد راح نزوج
الصراحه من شفته تبجي انقهرت عليه حيل
مسحت دموعها
وليد ماصار شي يستحق هلكد تبجين علي
دنيااا شلون اني خذلت اهلي وخنت الثقه
وليد كله بسبب امج وين اكو خطوبه سنه كامله اني رجال وعندي رغباتي
لو مزوجين ماصار الي صار
دنيا اخذت كلنس وخليت بملابسي الداخليه وبقيت كاعده ولازمه راسي
ندمانه ليش هيج سويت
حبي الوليد وملحته الزائده خلتني اضعف
بقينا كاعدين وساكتين ثنيينه
وليد اني اروح وانتي احجي ويه امج خل نستعجل بزواجنا
بعد مايتحمل التأجيل اكثر
جمانه السعيدي
طلع واني بقيت على كعدتي ندمانه اني شسويت بنفسي
ليش ضعفت
شراح اكول الامي شلون ابررله الموقف
اذا سمعت اكيد راح تنجلط
هي ماعايزه ضيم والنوب اني بغبائي كملت عليه
ماطلعت اله كل الي بلبيت نامو اخذت تراك ورحت للحمام
سبحت وبدلت وطلعت
دخلت بفراشي وكمت ابجي
اني غلطت غلطت عمري
ثاني يوم كعدت كلش ضايجه وراسي يوجعني قررت مااداوم
بقيت نايمه
امي دنيا ماما ليش نايمه ماترحين للدوام
دنيااا لا اليوم مااروح تعبانه
امي شبيج تعبانه شنو يوجعج
دنيااا مايوجعني شي
امي خاف متعاركين انتي ووليد
دنيااا لا مامتعاركين بس اني تعبانه
امي براحتج حبيبتي
جمانه السعيدي
الكل طلع للدوام امي وسميه وايمان بس غفران بقت
بلبيت هي وجهاله
بقيت مدده ومتغطيه وحايره بمصيبتي الي سويته
شلون راح احله ماادري
بلتسعه ونص اتصل وليد
دنيااا الوووو
...هااا حبيبتي ماكو اليوم
...تعبانه مااكدر اداوم
...شبيج تعبانه
...المصيبه الي سويناها اني وياك
...شنو مصيبه ليش مكبره الموضوع احنا عاقدين وماسوينا شي غلط
...لا الي سوينا اكبر غلط
...باعي لا تخليني اطلع من طوري امج السبب
كلشي صار بسبب امج لو مامئجله زواجنا جان هسه احنا
سوا
ابدال ماكل واحد بيت
دنيا راح احجي ويه امي لازم هذا الزواج يصير بأسرع وقت ممكن
وليد اني راح اجيب غرفه بلقسط ومانسوي عرس
ونفض الشغله
دنياااا اخذلي اجازه اليوم احجي ويه امي واتصل عليك
جمانه السعيدي
بقيت بالفراش احس نفسي تعبانه ومتكسره تكسر
اخاف احجي الحقيقه الامي وضوج
واخاف اطالبه تقدم زواجنا وماتقبل
اني شكد غبيه ليش هيج سويت
كمت غسلت ورجعت تمددت
غفران شبيج حبيبتي ليش نايمه احضرلج ريوك
دنيا مااشتهي
غفران مريضه اذا مريضه اتصلي بوليد ياخذج للمستشفى
دنيااا لا مابيه شي
بقيت منتضره امي بس رجعت وشافتني حست اكو شي مو تمام
خلصنا غده وكتله اريدج بموضوع مهم
دخلنا للغرفه وطبكنا الباب
امي اني حاستج مو تمام اليوم شكووو شصاير
دنيااا وليد يلح بموضوع زواجنا
وأعتقد هسه احنا عرفنا زين ليش التاجيل بعد
امي تردين رائي بصراحه وليد مايفيدج ابد
دنيااا شلون يعني
امي وليد بخيل ووصخ طبعه مثل طبع ابوج بلضبط
اذا تردين تكررين ماساتي ازوجي اني ماامنعج منه ابد
واذا تردين نصيحتي اني اكبر منج وافهم عوفي مايفيدج
دنيااا وشلون عرفتي بخيل ووصخ
امي صار ست اشهر من يوم عقدتو وكل يوم رايح وجاي
الي ماجاب يوم كيلو برتقال بيده علبة حلويات ام خمس الاف
رغم يجي يكعد ويشرب ويتعشى يمنا
دنيااا غير كاعد يبني بيتنا
امي لا تصيرين ثوله اللاف والخمسه ماتفرق
الي مااشترالج قطعة ملابس ولا ذكرج بعطر
تليفون جديد مثل البنات ماجابلج
خوب الذهب الي جابه يفشل
ووصخ كم مره يدخل للتواليت وادخل ورا والكاها وصخه
شوفي لانسان ينقاس من هاي الأشياء البسيطه
اني امج وشفت ضيم بكد شعر راسي اني اكول اطفري النهر مادام ضيك
بس مااجبرج تعوفينه ابد
اني اعرف انتي تحبينه ومتعلقه بي
وهذا الشي الي مسكتني كل هاي الفتره
كلام امي اجاني مثل الصاعقه احس كل حواسي
دخلت انذار
كمت مااكدر احجي ابد
كل كلامه صحيح وليد بخيل دخل عليه بسالفة البيت
وكلشي مادفعلي
وهسه يريد يزوجني بدون عرس ولا غرفه زينه
يريد ياخذني بدون فلوس
بس اني ما اكدر اعوفه ابد
اني وكعت نفسي بمشكله جبيره وماله حل غير الزواج وباسرع وقت ممكن
شكرا لزيارتكم عالم روايات سكيرهوم
