رواية بيت المطلقات الفصل الحادي عشر بقلم جمانه السعيدي
عشت بدوامه وحيره شلون ورطة نفسي ورطه
اني الحاسبه نفسي شاطره وافتهم
وكعت نفسي بنفس الحفره الي وكعن بيه خواتي
خواتي يذبن اللوم على ابوي واني عليمن اذب اللوم اني الي اختاربت واختياري غلط
لازم احجي الامي واصارحه اكيد راح تفهمني وتقدر وضعي
بعدين ارجع اكووول لا امي خطيه ليش اصدمة
بنته الوحيده الي عاقده الامل عليه وتحسه تفهم واخذت درس من زواجات خواته تصدمه بلاخير
هذا الزواج لازم يتم واني اتحمل مسولية افعالي
اذا هذا الزواج تفركش اني اضيع
العصر اتصل عليه وليد
وليد هااا شلون صرتي
...شلوني اريد اكتل نفسي شلون سويت هيج
...انتي ليش مكبره الموضوع ترا عادي احنا مزوجين وماسوينا شي غلط
...شلون ماسوينا شي غلط احنا الغلط نفسه
...المهم حجيتي ويه امج
...اي امي ماموافقه بس اني راح اقنعه اريد اجازه اسبوع
....ليش سبوع شصاير
...تعبانه وليد تعبانه حيل اريد ارتاح وحتى اكدر اقنع امي
...زين بليل اجي اشوفج
...لا لا تجي فدوووه خل اقنع امي بلاول وبعدين اتصل بيك
...اني اريد افتهم امج ليش هيج معارضه شتريد بعد
موضف وانسان محترم قابل شتريد الوزير يخطب بته
....مااله داعي هذا الكلام ابد مع السلامه اني اذا صار شي جديد اتصل عليك
جمانه السعيدي
اني خليت نفسي بين نارين نار امي ونار وليد لازم اخلي حل بسرعه الهاي المصيبه
بليل ماكعدت اتعشيت وياهم كاعده بلغرفه وساكته
امي اجت دخلت وسدت الباب
امي دنيااا ماما صاير شي اكو شي اني مااعرفه
دنيااا اتحسرت وكمت ابجي
امي ياااا ليش تبجين علمود كلامي الصبح اني كتلج ماامنعج من وليد ابد
اذا تردي ازوجي بس انتي تتحملين المسوليه
دنيااااا لا مو هنا المشكله اني وكعت نفسي بمصيبه جبيره
امي راسا تغيرت ملامحه ليش ياستار شصار
دنياااا اني اريد احجيلج اصلا لازم احجيلج كلشي صار وياي محد غيرج راح يفهمني ويقدر وضعي
امي ولج خوفتيني احجي
دنياااا اهدي ماما فدوه الكلبج اهدي
امي احجي اني هاديه واعصابي تمام ولله شكلج مال مصيبه جبيره
دنياااا اني غلطت وياااا وليد
امي سكتت شويه وبعدين كالت شلون يعني حسيته فهمت اني غلطت بيش
دنياااا اني ووليد صار بينا معاشره
امي نشغت وضربت صدره شلون عيدي شلون يعني
ووين
دنياااا كمت ابجي هو يلح عليه اتأخر زواجنا واني رجال وامج ماخره هذا الزواج
امي شلون ابيتنا واحنا جنا وين عنكم
دنياااا ولله لحظه شيطان ومااعرف شلون صار هذا الشي
اني من البارحه لليوم مريضه
امي كامت تلطم على وجه وتملخ بخدوده عزززا العزاج
دنبااا ليش ماما ليش هيج
لو ماانتي شفتي كل المصايب الي مرت علينا
ليش تخونين الثقه
ولج هذا مو انسان هذا حيوان شلون يستغل حبج هيج
ويجبرج تسوين هيج شي
انتي شلون سلمتي نفسج
يعني افرضي هذا الزواج ماكمل
الولد اندعم مات صار بي شي
شلون تسلمين نفسج
جمانه السعيدي
مدت ايده عليه وضربني راشدي
دنياااا هاج اضربيني بعد كسري راسي تكسير اني غلطانه اعترف اني غلطانه
اخذت ايده وكمت اضرب بيه وجهي
رجعت اني اضرب نفسي واملخ بشعري
امي لزمت اديه وكامت تبجي
البنات اجن على صوت العياط
ايمان وسميه وغفران شكووو ليش تعيطون شصار
امي لا ماكو شي اطلعن وسدن الباب
ايمان شلون ماكو شي صوتكم طالع برااا
امي بعصبيه اطلعن بررا لا اطلعن صوتي
طلعن من الغرفه واني ضميت وجهي وكمت ابجي حيل
امي لا تبجين بعد شي وصار اتصلي على هذا الحيوان
خل يحدد موعد العرس بأقرب وقت ممكن
طلعت التليفون واني مااشوف الأسماء من البجي
اخذته امي مني واتصلت علي
وليد الووووو هااا حبيبتي
امي حبتك عكرب انشاء الله هاي نهاية الثقه شلون تستغله
ضميرك ماانبك ماخفت من ربك
وليد اوكفي على كيفج ترا دنيا زوجتي واحنا مامسوين شي غلط ولا حرام واذا انتي تعتبرين هذا غلط
فاانتي السبب بي
امي صدك ان لم تستحي ففعل ماشئت فوكاها انت ابو الراهي وكاعد تحجي بأسرع وقت تحدد وقت الزواج
وليد انساء الله
جمانه السعيدي
سدت التليفون امي ولزمت راسه يمكن ضغطها صعد
كله بسببي اني حقيره ابدال مااساعدها واريحة
حطمت اخر امل اله بهاي الدنياا
امي اسمعي دنيااا ممنوع يدخل بيتنا منا للزواج خاين الامانه
ثاني يوم وليد اشترا الغرفه ودزلي الصوره مالته
وليد هاي الغرفه على كد فلوسي ودبري نفسج انتي
اني ماعندي فلوس صالون وهاي الخرابيط
اني قابل حتلو تجين بملابس البيت
قررت مااسوي عرس مجرد فستان عادي وماكو زفه
حددنا العرس بعد اسبوع
بس هذا الأسبوع اسوء اسبوع مر عليه ابد مافرحت
لان اشوف امي حزينه
خواتي حاولن يفتهم ليش زواج مستعجل وبدون زفه
امي كالت اقاربهم تريد تموت والولد مامستعد للعرس
يريد يزوج بسرعه
ايمان شنو بسرعه مو الزواج بعد ست اشهر متفقين ليش مستعجلين
امي خلاص عليمن هلتاخير همه عاقدين وواحد يريد الثاني ماكو داعي للتاجيل
جمانه السعيدي
ماسويت حنه ابد والوجوه مكدره وماكو علامات فرح ابد
بوجوه اهلي وحتى امه مااجت ولا شفته
بيوم العرس امي صممت تاخذني للصالون وتدفع منه فلوس
المكياج والتسريحه
لبست فستان اوف وايت وشعري سويته تسريحه بسيطه
رجعته ليوره وربطته وسوتلي تسريحه كلش بسبطه
وخلتلي ورده صفح
مكياج بسيط
رجعنا للبيت بتكسي
اتصلت علي وكتله خلاص اني كملت
اتخيلو جاب بس سياره وحده ومابيه زينه ابد
امي كعدت بلصدر واني ويااا ليوره
ايمان وسميه رادن يرحن وياي
بعدين من شافنه سياره وحده بطلن
مشت السياره والكل ساكت معقوله هو هذا عرسي
اني شسويت بنفسي
ليش هيج ازوج اني شناقصني
وصلنا وماكان اي احد موجود بس امه واخوووو
وأعتقد عمه وابن عمه موجودين
ذبحو دجاجه على رجلي
دخلنا للغرفه وامي ماكدرت تلزم دموعه مقهوره عليه
حقه خيبت امله كسرته
الوحيده الي ازوجت على ذوقه واختياره اني
ومااخذت الإنسان المناسب
جمانه السعيدي
شويه وجابو العشى امي ماقبلت تاكل
ولا اني اكلت
اجت امه كالت راح يزفون العريس
امي كالت يزفونه عليمن يزفونه حتى فرحتنا خربه
دخل وامي طلعت بدون حتى ماتباركله
دخل والكاني ابجي
وليد اهوووو ولله زودتيه ليش تبجين هياني ازوجتج
وماعفتج بعد شتريدين
دنياااا على اساس مسوي فضل عليه
وليد شكد نكديه انتي وزنانه وتمللين اروح انام بلغرفه الثانيه احسلي
دنيااا وكت هسه صرت مااعجبك شكد ركضت وراي يله قبلت بيك
وليد اي وهسه ازوجنا خل نبدي صفحه جديده وانسي الماضي كله
دنيااا مسحت ادموعي وكمت بدلت لبست تراك وفتحت شعري ورجعت اتمددت
وليد يعني مصممه تبقين ماده بوزج شبر بكيفج اني هم راح انام
بدل ونام بصفي
من هاي اليله حسيته طلع على حقيقته
معقوله اكو انسان يعرف يمثل هيج ويقنع المقابل
لو اني غشيمه وماعندي تجارب سابقه وهو استغل هاي الفرصه
بردت اللهفه بينا احس نفسي عايشه ويه انسان مااعرفه ابد تغير كليا
رغم اهلي فقره بس ولله ناكل ونشرب وماحارمين نفسنه من اي شي
وهمه حالتهم الماديه زينه
بس كلشي على الكد
الطبخ المسواك تخيلو الفواكه يشترون نوع واحد
ماكو نوعين ابد
بس اني اخذت احتياطاتي من اول يوم ابلع حب مانع حمل اني ماضامنه اكدر اعيش وياااا
ومااريد أكرر ماسات امي وإيمان وغفران
رجعت اداوم ووليد الي جان يركض وراي بلدوام
مايدري اني وين
ولا اله شغل بيه ابد
كنت عايشه وبس كلشي بحياتنا ممل وروتيني
ارجع من الدوام الساعه ثنتين ونص الكا خالتي وحماي متغدين وعايفه المواعين بمكانهم
عايفينه اكل كلش قليل يعني مانشبع ابد ناكل اني وليد
وانضف المطبخ وادخل ارتاح ساعه
وبعدين احضر العشى وابقى انظف بليل واغسل ملابس
للوحده يله اخلص انام على وجهي من التعب
ووليد من نرجع من الدوام ينام لليل يكعد يتعشى ويطلع
ويه اصدقائه ومن يرجع يبدل وينام
ولا يوم كال انتي تعبانه اساعدج
وامه ماشاء الله بعدها بحيله وابد ماتشتغل بس تطبخ الغده
وهاي هي
اذا اطلب منه أي شي يكول اشتري من راتبج
اني كاعد ابني والراتب مايكفي
وامي ابد ماتجيني بيت عيالي اني بيوم الجمعه اروح عصريه عليهم وارجع
كمت اشوف وليد على طول لازم التليفون ومايعوفه من ايده ابد
وهاملني بشكل مو طبيعي ولا اله شغل بيه ابد
شكيت عنده شي حاولت افتح التليفون بس مخلي رمز
مرتين شفته بلمستشفى يحجي ويه موضفه ويانه
بس طريقة كلامهم مو طبيعيه ابد
سكتت وماردت اسوي مشاكل ابد
اريد أطول بالي علي واصبر واتحمل واشوف شنو النهايه
بليل انتضرته بدلت وتمكيجت وبقيت انتضره
كلت ايجوز التقصير مني
بس ولله اتعب هواي دوووام وشغل البيت كله عليه
من اجه وشافني ضحك
وليد اليوم شكوووو
دنيا مشتاقتلك مايصير
...وليد اني تعبان
....انت بطلت تحبني مثل قبل
... هاااا اليله تريد تذكر الماضي
....صار ست اشهر مزوجين وين الماضي
...هسه شتريدبن مني احجي وفضيه
...اريدك ترجع وليد القديم الي حبيته وتعلقت بي
....اهووو ولله بطرانه طفي الضوه اريد انام
...لا ماتنام اريد اعرف شبيك ليش تغيرت عليه
...انتي اليله شسامعه
...ماسامعه شي زوجي واريد اسهر وياك
...رحمه اوالديج خل انام
...الي يشوفك هسه مايشوف استعجالك قبل العرس ولهفتك عليه
... كنت مغفل وماافتهم
...انت متندم على زواجنا
...شلون بلفلفسه اليله مانام
...اريد اعرف انت متندم على زواجنا ليش متندم
...اني متندم على فكرت الزواج كله
طفي الضوه خل انام
شكرا لزيارتكم عالم روايات سكيرهوم
