رواية ساقي الود الفصل العاشر بقلم هاله ال هاشم
. لا عودة مني
ومثل ما اتوقعت وكنت متأكدة ان غياث بريئ من قتل وداد اول ما قرأت النبذة الي نزلتها هاله وكانت صدمة ود قوية جدا للحد الي خلاها توكع من طولها بعد معرفتها ان هي تركض وره سراب ما موجود لان القاتل ميت وما ترك خلفه بس طفلة مريضة يتيمة وغياث شنو الي خلاه يشيل القضية بمكان اخوه اكيد آثر بنفسه حتى يحمي اخوه لان مريض وهم بسبب امه البدوية احسها هددته بأمر لان كال لود الحقيقة وحل الأسرار عد البدوية غير هيج ما أكدر احجي ، وموقف غياث يدل على شهامته و رجولته اتصل بزينب واجت اخذتها لبيتهم حتى لا ود توكع بمشكلة وي ابوها اذا عرف بيها راحت لغياث للمشتل وتبين هي تخربطت بالمدرسة وزينب صديقتها جابتها لبيت امها سعدية وخوف عمتها كفاية وحنيتها عليها هالشي تحتاجه ود حاليا بعد الحياة الي عاشتها والظروف الي وصلتها وخلقت منها هيج شخصية مستفزة عدائية.
موقف سليمان وي عزيز احترمته خاصة من كاله ود منهي عليها من قبل ابن عمها حتى يبعده عنها لان يعرفه ويعرف اخلاقه ومنها تبين ان سليمان وعزيز بينهم أعمال مشبوهة والدليل تهديد عزيز لسليمان انه راح يمنع دخول الحلوات ويقصد بيهم الممنوعات من أسلحة ومواد مخدرة... وشلون كتلة انكتلها من المكوار يستاهلها هالنذل بَرد گلبي بي عاشت ايده.. ولا ننسى تهديد عزيز لود راح تخضع له حتى تحمي الي تحبهم لو راح يكون عدها خطة تردعه بيها وتبعد شره عنهم.
كلام كفاية لود عن ولادتها وحب جدها لها وتعلقه بيها وشلون سماها جوهرة سليمان وعلاقة امها بيهم وشلون يحبوها ويقدروها وذكرت لها جمال امها ونظافة گلبها بس اكو حزن يغلف هالجمال ومتاكدة ليلى صديقة وداد راح تحجي لنا قصتها وسبب حزنها بعد ما تلكاها ود لان حاليا توجهت وقررت تبحث عنها حتى تعرف باقي أسرار حياة امها.
وبنهاية البارت جان هناك وعد من غياث لود ان هي ماراح تكون لغيره (أنتِ ابعد من النجوم،، بس راح اخذج) شنو راح يسوي غياث حتى ينول النجمة ويخليها تضوي بسماء حياته.
هاله آل هاشم تسلم ايدج عمري بارت رائع كالعادة وفخم وزاخر بالأحداث والمشاعر والوصف الي تضيفيها للسرد حبيبتي اتمنالك التوفيق
شكرا لزيارتكم عالم روايات سكيرهوم
