رواية ضاع الحلم الفصل العاشر بقلم جمانه السعيدي
رحمه... وسام وصل بليل
اني الصراحه ما سلمت علي ولا قربت يمه بس رحت حضرت العشى
عيني عينك وزع هدايه الامه وخواته واني بلجذب كلشي ماجابلي
حتى حسام وعمي جابلهم كل واحد عطر
خالتي كلش استحت من موقفه وياي
شالت هديتها وانطتنياها
وسام...لا هاي اللج الهدايه بس للناس الي تستاهل
خالتي...معليج حبيبتي هاج اخذيها
رحمه...شكرا خاله مااريد
اني خليت العشى كدامه صعدت فوك ماحجيت وياا اي شي
تقريبا ساعه وصعد فتح الباب بقوه
وسام..ليش صعدتي
رحمه...خير شكووو
وسام....ليش ماجبتيلي جاي ليش امي تخدمني واني
مرتي بكد المطي بس لافهم ولا علم
رحمه...ليش تغلط ماامسحلك
وسام...اذا سمحتي واذا ما سمحتي انتي ونعالي
تعاي يله اغسلي ملابسي
الصبح اريدهن نظيفات ومكويات اطلع بيهن للشغل
رحمه...كمت قبل لا يكمل كلامه نزلت جوه اخذت الملابس
غسلتها جوه
مر حسام من باب الحمام شافني مدنكه واغسل
حسام...شسوين
رحمه....أوامر عليا هاي الملابس تنغسل وتنكوي
حسام..خليهن بلغساله لا تعبين نفسج شنو ماعنده غيرهن
بهلليل تغسلين ملابس
رحمه...الله على الظالم بخيرهم ما خيروني بشرهم عمو عليه
جمانه السعيدي
بقه حسام واكف باب الحمام من بره ويسولف عليه
هيج سوالف عاديه منا لمن اخلص حتى لا اضوج
كملت غسل
حسام...جيبيهن اني اشرهن
اخذهن مني شرهن وصعدنا اني وياا
هو دخل بغرفته واني دخلت غرفتي
لكيت وسام كاعد على الجربايه ويحجي ويا وحده
يحجي بصوت عالي حتى اسمعه وانغث
وسام....طبعا انتي الغاليه جبتلج هديه تليق بيج
...لا ماانساج اكو واحد ينسى روحه
....باجر من اشوفج الهديه وفوكاها بوسه شعندي غيرج
.....شنو رائيج اعزمج نتغدا سوا انتي اختاري اي مطعم يعجبج بس اشري وشوفي وين اخذج
...لا لا تكولين هيج شلون انساج انتي النفس الي يصعد وينزل اني مو كل يوم اتصل عليج
تعرفين قسم بكل دين ومعتقد احبج وهذا الكلب ما يهوى غيرج
رحمه اخذت ملابسي ورحت الحمام غسلت وفرجت اسناني وبدلت ورجعت بعده كاعد على الجربايه ويحجي وياها
اعرف يريد يغثني
عود اني مو بحالج عندي حبيبه وعايش حياتي
كتله بكلبي مايهمني بس اطلع من حياتي حب عشره مو وحده
جمانه السعيدي
اريد انام مااكدر هو نايم على الحربايه ويحجي وياها
طلعت من الغرفه
ردت انام بلغرفه الثانيه بعدين كلت خاف بخلص مكالمته ويجي هنا
انزل جوه احسن اريده يحجي براحته
لان مايهمني اي شي يحجي
دخلت للصاله تمددت على القنفه وخليت ايدي على عيوني ونمت غفيت
مااحس اله عمي فوك راسي
عمي...عمو عمو رحمه ليش نايمه هنا اجيت اصلي ولكيتج غافيه
رحمه...لا ماكو شي جنت احضر عندي امتحان اقرا بلتليفون وغفيت ماادري
كمت طلعت برا
صعدت الغرفتي لكيت وسام نايم بلغرفه
رحت للغرفه الثانيه الي ينام بيها ونمت على فراشه
غفيت رن تليفوني فتحت عيوني بلكوه حسام
رحمه...صباح الخير
حسام...صباح الخيرات وينج اتاخرنا
رحمه...شويه وانزل
حسام...يله منتضرج لا تتاخرين
رحمه.كمت دخلت الحمام غسلت وبدلت لبست قاط كامل ستره وبنطلون اسود وقميص احمر
حذاء احمر وجنطه سوده
سحبت شعري طلعت خصل مكياج خفيف
اخذت جنطتي ونزلت
حسام باوع عليه نضرة اعجاب
حسام...صباح الخير
رحمه..صباح الخير
خالتي...صباح الخيرات
رحمه...فدوه خاله ولو اتعبج ملابس وسام على الحبل
كال اكويهن عبالي اكعد من وكت
خالتي...ولا يهمج اني اكويهن
رحمه...شكرا خاله الله يحفظج
حسام...يله بسرعه حتى لا نتاخر
رحمه...اني كملت
خالتي...مااكلتي شي
رحمه...موجوعانه اتريك بالجامعه
بس كمنا اني وحسام راسا جاني الصوت من ورا
وسام...وووين ووين رايحه
خالتي..... للجامعه اداوم ويا حسام بنفس الجامعه
وسام...منو كال اداوم هي ما سئلتني منو كال اني اقبل اداوم
خالتي...ابوك هو الي كال
وسام...واني اكول ممنوع ماكو دوام
حسام...هاي شبيك وسام كبر عقلك الدوام شعلي
وسام... اني كلت ماكو دوام يعني ماكو دوام خلص انتهت
المناقشه
حسام...اذا ما تطلع وياي هسه وتمشي كدامي
ازعل عليك ولا انت اخوي ولا اعرفك
وسام...ازعل ميخالف بس رحمه ماادوام ماكو دوام
بهاي الأثناء خالتي راحت كعدت عمي من النوم
طلع من الغرفه
عمي...شكووو خير
حسام....وسام مايقبل رحمه تروح للدوام
عمي...ليش
وسام...بكيفي هي مو محسوبه عليه مره بكيفي
ماكو دوام تكعد بلبيت وتسكت تساعد امي
عمي...انت شبيك ماتكلي البارحه منزلها نايمه بلصاله
وهسه ماكو دوام شمسويتلك هاي المسكينه
بعدين اهلها اول شرط خلو للزواج
تكمل دراستها
وسام...واني كلت ماكو دوام اهلها اذا يردون خل ياخذونها ادوام يمهم
امي تبقى وحدها تفتر بلبيت البنات يرحن للدوام
خالتي...اني متعوده ابقى وحدي شنو الجديد
ورحمه ما مقصره من ترجع تحضر العشى واتنضف المطبخ
وتغسل الطرمه كل يوم تشتغل اكثر من خواتك
وسام....ولو ماتروح يعني ماتروح
عمي...روحي عمو معليج بي
حسام.. يله امشي
رحمه..طلعنا برا وهو يصيح رحمه ارجعي ليش اخليج تتندمين
صعدنا بلسياره ومشينا وعمي بقى يحجي علي
رحمه...استغفر الله حتى المطي ما يتحمل يعيش ويااا
حسام...عوفي لا تحجين ويااا البارحه مو صعدنا اني وياج سوا ليش نزلتي نمتي جوه
رحمه...الاستاذ يحجي ويا حبيبته بغرفتي وكاعدعلى فراشي
بقبت منتضرته يطلع يكمل مكالمته برا ماكو
نزلت نمت جوا
عمي كعدني ويا صلاة الصبح صعدت لكيته نايم بغرفتي
رحت كملت نومتي بغرفته
حسام.. شكد خبيث الخاطر الله
رحمه.. عود يحرك كلبي ولله لو اشوفه بين عشره
مايرف جفني علي هو مايعرف اني شكد اكرها اموت منه حيوان لا فهم ولا علم
جمانه السعيدي
رحمه...طلعت من المحاضره الأولى لكيت حسام منتضرتي
حسام. تعاي اتريكي اني عازمك
رحمه. كلشي مااشتهي الي يسمع كلام وسام هم بعد اله خلك ياكل
حسام. انسي هو هسه اتريك وترس بطنه وانتي باقيه جوعانه تعاي يمعوده تعاي اني هم اتريك وياج على واهسج
رحمه. .جاي نمشي متجهين على الكافي واني سمعت صوت وسام وراي يصيح رحمه
التفتت علي جاي يمشي بعصبيه
حسام....شكو خير
ويام...انت معليك امشي كدامي لا أفرج عليج الناس
اني كلت ماكو دوام يعني ماكو دوام انتي شنو تكسرين كلامي
رحمه....راد يضربني حتى يهيني كدام الطلاب وبعد مااداوم
بس رفع ايده اني صرت ورا حسام
وحسام لزم ايده حتى لا يضربني
