رواية ضاع الحلم الفصل الحادي عشر بقلم جمانه السعيدي
رحمه...سمعت صوت وسام صاح رحمه
التفتت شفته اجا يمشي سريع وعصبي يطير شرار من عيونه
خفت منه صرت ورا حسام
قرب علينا يريد يضربني
وسام...تعاي بت الكلب اني تكسرين كلامي اليوم اموتج
انعل والديج لا منين ماطلعتي
صوته كان عالي بما فيه الكفايه الطلاب كلهم عينهم علينا
راد يضربني حسام لزم ايده
وسام...عوفني انتم كبرتو راسه وحده حيوانه مثل هاي
لازم تكعد وتكوم بكتله
حسام...عيب هذا الحجي هنا عدنا بيت نتفاهم بي
وسام...واني مو معبرني بلبيت كلكم واكفين وياها
ساقطه حقيره
حسام لازم وسام من ادي ومانعه يقرب عليه
حسام...روحي رحمه روحي بيت اهلج
وسام...ماتروح اليوم تروح للنجف موتها على ايدي
رحمه..راسا عفتهم وكمت اركض اركض وسط تجمع الطلاب اريد بس اطلع من الكليه واحفظ باقي ماي وجهي
اركض وكل الطلاب والطالبات عينهم عليه
بعدني اسمع صوت وسام وهو يغلط ويعد ويسب
ولا همه وجودنا بلجامعه ولا همه موقف حسام
حسام...هاي شبيك تخبلت خليلي شوية اعتبار اني اخوك
كتلك اكو بيت ونتفاهم بي
رحمه..طلعت للشارع أجرة تكسي وطلعت البيت اهلي
حسام...كافي فرجت الناس علينا
وسام...اني اليه حساب وياك بلبيت
طلع وسام وحسام هم عاف الدوام وطلع رجع للبيت
جمانه السعيدي
رحمه...وصلت البيت بس شافتني امي عقجت وجها
رحمه...شوفي لا سلام ولا كلام اقسم بلله اذا رجعتوني الوسام اقتل نفسي وانشر بصفحتي اهلي قتلوني وابليكم
كافي تحملت هواي لهنا وبس
حيوان ايده والضرب كل كلامه غلط ومسبه
شنو عليمن شايف نفسه شنو الي قدمليا اخر شي
جاي وراي للجامعه يريد يضربني كدام الطلاب
امي...اهدء خل افتهم شصار
رحمه...انتم موشرطتو علي اكمل دراستي جان مسافر للصين
عمي كال قدمي رحنا اني وحسام قدمنا وعمي جهزي للجامعه
حضرته البارحه رجع حتى سلام مسلم عليه
جايب هدايه للكل الا اني عبالك عدوته اليل كله يخابر بصاحبته واني عبالك جلب كدامه
اليوم كعدت اروح للدوام يكولي مداومين تبقين اتخدمين امي
عمي كال روحي عمي سمحلي اداوم
اجا وراي للجامعه يررد يضربني همزين حسام خلصني منه
امي...ليش ما سمعتي كلامه يوم يومين يهدي وترجعين اداومين
جان اني خليت ابوج يحجي ويااا
رحمه.. اريد اعرف اني بتكم لو لا ليش هيج ترخصون بيه
اكلج يعاملني اسوء معامله
الحد الان ما معتبرني زوجته
يغلط عليه ويهيني كدام اهله ليش هيج كافي رخصتوني بما فيه الكفايه كافي ولله اعوفلكم الدنيا واشرد واسود وجهكم كافي حسو بيه شويه
عفت امي ورحت دخلت بغرفتي وطبكت الباب
جمانه السعيدي
دزيت رساله الحسام
رحمه...هااا شنو الوضع
حسام...اني رجعت للبيت وهو راح للشغل اتمسكي برائيج
ابد لا ترجعين فهمتي لو لا
رحمه.. هلمره مستعده اكتل نفسي ومارجع ويا وسام
رحمه...الضهر ابوي اجا عصبي الضاهر وسام حجاله
بس يمكن عمي واكف وياي
لان ابوي اسمعه يحجي وياا امي يكول
عمها هو الي مشجعها على الدراسه
اشويه واجا ابوي للغرفه
من شفته كلبي كام يدك على السريع
ابوي...هااا خير ليش جايه
رحمه...جايه اتحاما بابوي لان وسام جاي يدوس عليه
اذا ابوي مايوكف وياي منو الي يوكف وياي ويحميني
وسام من يوم اخذته لليوم يعاملني عبالك اشتغل عنده
ليش اتعامل خدامه بيتهم
لا ابو احسن من ابوي ولا امه احسن من امي
ولا هو احسن مني
ابوي...شنو يضربج
رحمه...من اول ليلة بعرسنا ضربني يهيني يسبني يغلط عليه واخر شي تعاي عوفي الكليه لا اداومين
ابوي...ميخالف اخذي بلمسايسه
رحمه.. ولله العظيم جاي اسايس واسكت واتحمل
انسان لا يطاق متعجرف البارحه كاعد على فراشي وليل كله بحجي ويا حبيبته وعزمها على احسن مطعم
واني ربع ما ينطيني مصرفي كله من عمي
ابوي...ارتاحي كم يوم ويصير خير
هلمره حسيت ابوي شويه بي مجال يمكن عمي حاجي ويااا
اجت امي
امي...بيج بخت بعمج ابوج بكول بس يحمد برحمه
يكول نعمه التربيه والأخلاق شايله البيت شيل
ماتسوي مشاكل
وسام قاسي عليها بس ساكته ومتحمله
جمانه السعيدي
رحمه...يحجي الحق لان اني فعلا مااسوي مشاكل
امي.. ارتاحي لمن تنحل هاي المشكله
رحمه...ماعندي حل غير الطلاك صدكي اذا جبرتوني
ارجع اقتل نفسي
اشتري سم بالف واخلص واخلصكم مني
رجعن خواتي من الدوام من شافني فرحن بيه لان اني كل شهر اجيهم ساعه وارجع
رحمه...على كلبجن بعد ماارجع الوسام اريد تراك اغير
ملابسي
بدلت ملابسي و اتغدينا ورجعت نمت
لليل اتصل عليه حسام
حسام.. امي وابوي لعبو بي طوبه خاصتا ابوي
هدده يطرده من الشغل اذا بقى يعاملج هيج معامله
رحمه...اني اول مره بحياتي اهلي يصيرون وياي
حسام.. تمسكي برائيج لا ترجعين اطلبي الطلاك
رحمه..اهلي مايقبلون
حسام...انتي روحي ارفعي علي قضيه
رحمه...لازم ماارجع للبيت لان ابوي يموتني
حسام...شلون اني ماريدج ترجعين هاي فرصه حتى تطلبين الطلاك
رحمه...بلكت الكه حل ولو شغلتي عويصه بس رب العالمين موجود هو الي يحلها
حسام.. ديري بالج على نفسج
رحمه...نمت نومه عبالك صار سنه مانايمه طبعا الاهل
ماكو منهم بس همه لو شويه يفهموني
حسام...تدرين البيت موحلو لان انتي ماموجوده
عبالك يريد ياكلني تعودت على وجودج بلبيت
رحمه...اني محد مهون عليه مصيبتي غيرك
حسام...الله بحفظج اليه حبيبتي
رحمه...ويحفظك اليه
حسام.. اوكفي باجر تجين للدوام
رحمه...اي اكيد شعندي باقيه بلبيت
حسام.. اني اجي اخذج الصبح اتصل عليج اطلعين ونروح سوا للجامعه
رحمه.. تمام
ثاني يوم اجاني طلعت الراس الشارع صعدت ويا وراحنا للجامعه
من دخلنا عيون الطلاب علينا بسبب وسام
كملنا الدوام ورجعنا للبيت
بليل اجا عمي وخالتي حتى يرجعوني
امي. تعاي اجا عمج يكول ترجع رحمه وياي
رحمه..ماارجع اني كتلكم اكتل روحي وماارجع
امي..عيب من عمج وخالتج
رحمه...اني راح اجي احجي وياهم
رحمه...دخلت سلمت وكعدت
عمي...شلونج رحمه
رحمه...الحمد لله تمام
عمي...اني جاي اعتذر بمكان وسام واريد ترجعين للبيت
رحمه...عمو اني ماعندي مشكله وياك
ولا ويا خالتي وحتى البنات خواتي اني مشكلتي ويا وسام
اني وياا ما متفاهمين ابد
شكد حاولت بس ماكو فايده
كل كلمه وياي والثانيه يغلط ويسب وكل الوقت كاعد يحقرني ويزغرني
اني اشوف هذا الزواج مراح ينجح ابد
خالتي.. ارجعي وهو راح يتغير
رحمه...ولله مايتغير اني عاشرته وشفته واحد مغرور نرجسي شايف نفسه احسن من كل الناس
هو الصح وكل الناس غلط
اني عاشرته وعرفته اذا صدك تحبوني وتحبون راحت ابنكم ننفصل اني ويااا
ابوي.. ماكو هيج حجي
رحمه...انت الكم الضاهر اني الي جاي اتعذب كل يوم بسب هاي الزواجه
صدكو لو مرتاحه واحد بالف جان بقيت
اني مايهون عليه عمي وخالتي ولله احبهم وجيتكم على راسي بس اني اكللكم استمرار هذا الزواج ماله داعي
جمانه السعيدي
ترا وسام يحب وحده وكل الوقت يحجي وياها بلتليفون
زوجو حبيبته ولله راح يتغير ويصير احسن
عمي..ماكو هيج حجي
رحمه..اسئله اذا اني مجذبه عليكم ولله يحب حرام ينحرم من حبيته خل يتزوجها
من حقه يعيش سعيد من حقه يصير عنده اطفال
ليش يستمر وياي وهو لا يطيقني واني هم مااطيقه
ترا اني بشر
مااكدر اتحمل اكثر اهانه وغلط وضرب
على مره يضربني واموت بايده ساعته منو راح يكون المسول
اني اذا جبرتوني ارجع اقتل نفسي
لان اهون عليه الموت من تحمل العيشه ويا وسام
عمي...براحتج
ابوي...لا شنو براحته تروح وياكم
رحمه...ولله قسم عندي سم هسه ادخل اقتل نفسي
جاي اكلكم مااريده مااكدر اتحمله اكثر
خالتي...عوفوها عدكم فتره خل ترتاح وتشوف نفسها
ويمتى ما تحب ترجع بيتنا مفتوح الها
طلعو عمي وخالتي
ابوي...انتي صدك مامربايه شلون تججين هيج ويا عمج
ما تستحين
رحمه..من البدايه كتلكم اني مااريد ازوج غصبتوني
لازم تتحملون النتيجه وياي
دخلت غرفتي وابوي بقى يحجي عليه وعلى امي
يكلها انتي السبب انتي شجعتيها
شكرا لزيارتكم عالم روايات سكيرهوم
