رواية عشك أل فراس الفصل العاشر بقلم زينب نور
#عشك_ال_فراس
#البارت_____١٠
الجدة :وشني انطوها
ابو شاهين :والله يايمه مادري بس ياريت ما ينطوها محمد يتخبل
الجدة : شني ماكو غيرها
ابو شاهين : الولد رايدها وكال من انزل ترجعون تحجون ويَ ابوها وكتلة ان شاء الله هسه ذول جايين خطابة
الجد: ما ينطوها هوَ كال صغيرة
بعدهي الكُل سكت وانسد الموضوع مر شهر الوضع هدوء والامور ماشية تمام وماكو شي
امير : يمه يمه
ام فهد :ها يمه
امير : اريد اعرس
ام فهد : خل يعرسون الاكبر منك وانوب انت
امير : اكلج اريد اعرس چا انا شعليه بيهم
ام فهد :ديلا راية الله بيضة ادورلك لو براسك وحدها
امير :شني براسي وحدها
ام فهد :مراة مو تريد تعرس
امير :ياهو يعرس
ام فهد :يااا شمالك ولك تضحك عليه
امير :ياهو يضحك عليج
ام فهد :شو كوم منا انا صوجي اسولف وياك
ضحك وحضنها
امير :احبج وعلي هو منو يستحق الحب غيرج
ام فهد : اي من تعرس تنساني
امير :هو غير انتِ رويحتي شلون انساج نروحلج فدوة انا ومرتي
ياسر:دكوم يلا عوف مشاعرك المعوقة
ام فهد:وين ترحون
ياسر :لطوبة
ازل :طلعت للحديقة ضوجه وين اروح كل واحد ملتهي بشغلة فززني صوت بنيه اسمها ميسم
ميسم : هلاو
ازل :هلاو حبي
ميسم :عادي نتعرف اني ساكنة بهذا البيت
أشرت على بيت عمي ابو جاسر احد النازحين
ازل : عادي عمرري تعالي
كعدنا بالحديقة وبدت تعرفني عن نفسها
ميسم :اني ميسم من الموصل بس اصلي بغداد قبل سنة رحنا للموصل على مود دراستنا اني طلعت تخدير بجامعة الموصل واخوي يدوم عسكري بالموصل عمري ٢٠ مخطوبة لشخص من الموصل
ازل :تشرفت بيج وان شاء الله تهدأ الأوضاع وتزوجون واحضر عرسكم
ميسم :هههه حبيبي ، ان شاء الله يطلع عايش
ازل :ليش متعرفين عنه شي
ميسم : لا ما اعرف شي لا عنه ولا عن اهله واتصل ميجاوب وطلعنا من الموصل برواحنا شاردين من داعش ومادري بيَ
ازل :ياعمري ان شاء الله مابيَ شي ويرجع سالم
ميسم :حياتي
ضلينا نسولف وتعرفت عليها اكثر قاطع حديثنا صوت جاسر وشاهين واسيد ولد عمي
جاسر شاهين اسيد :السلام عليكم
حجوا كلهم سوا من شافوا ميسم دنكوا ودخلوا لجوا
ازل :وعليكم السلام
ميسم :منو ذول اول مره اشوفهم
ازل :ولد عمي بالجيش واليوم نزلوا
ميسم : صدكك زين تكدرين تساعديني بشي
ازل :شنو
ميسم : انطيج اسم خطيبي الكامل ومعلوماتة ويكدرون يعرفون عايش او لا حبابة بس اطمئن عليَ
ازل :اوك عادي من عيوني وان شاء الله يكدرون
حضنتني حيل وضحكت انطتني اسمة الكامل وراحت دخلت لجوا لكيتهم كاعدين يم بيبي
ازل:الحمدلله على سلامتكم
اسيد :الله يسلمج ام اللسان شلونج
ازل : الحمدلله بخير دامكم بخير
جاسر : يدومج
وحجه مدري شنو على كيف بس شاهين سمعة وضحك ضليت اباوع عليَ شصاير بيّ تعبان يعني تعبانين كلهم سودة بوجهه داعش شسوا بينا
الجدةهم يمه كم يوم وترجعون
شاهين : اي والله الجمعة نلتحق
ام شاهين :وشلونة الوضع
شاهين :والله يمه دمار داعش دمر الناس بالكامل
ام جاسر :الله ينتقم منهم واخوانكم ما شفتوهم شلونهم
جاسر : زينين جسار شنو ما نزل ابد
ام جاسر :لا من التحق وياكم لليوم ماكو حتى ما يخابر
شاهين :وين التحق
جاسر :كال لبغداد بس ما اتوقع كلامة صح
اسيد : الله يحفظة وين ما كان
صعد اسيد فوك طفرت ورا
ازل :اسيد اسيد اسيد
اسيد :ها شكو
ازل :طلب صغيروني بكد النملة
اسيد: شنوه
ازل : اكو شخص اريد اعرف اخبارة عايش او ميت
جاسر :منو هذا
احس كلبي وكف منين طلعت
ازل :ولد
اسيد :منو ولج
ازل : خل احجي
حجيتلهم الموضوع وجاسر بس يخوزر
ازل : فـ خطية ياريت تساعدوها
اسيد :واذا طلع ميت
ازل :شنو لا اسم الله ان شاء الله عايش
جاسر :اتوقع عسكري
ازل :مدري يمكن
جاسر :الاسم مو غريب المهم نشوف والله كريم
راح اسيد واني اجيت اروح كال جاسر
جاسر :تعالي اوكفي
ازل :ها
طلع كلادة من جيبة مالتي صار شكد أدور عليها اجيت اخذها رفع ايدة
ازل :مالتي شنو والله مالتي صار شكد ادور عليها
جاسر :اي ادري بيها مالتج لان مالتج خذتها مو هسه انطيها الج بعدين
ازل : جيبها والعباس اضل ابجي مالتي حرام عليك صار شكد ادور عليها
جاسر : اترخص منج
عافني وراح خلاني الطم وحدي الخبيث الغثيث ابو خزره نزلت لجوا ادردم كعدت يم بيبي
الجدةيا شمالج يمه
ازل :هذا حفيدج اخذ الكلادة مالتي ما يقبل يرجعها الي يكولي بعدين الخبيث ابو خزره
بيبي ضحكت وكالت
الجده : يردها الج يردها بس موهسة على كولت اهلنا كلشي بوكته حلو
باوعت عليها انقهرت اكثر وكفت ويا مو وياي كمت من يمهن طلعت برا واكفة وادردم عليَ يغثون رحت سحبت الصوندة وشغلت الماطور طلعت حركت كلبي بالكراج غسلتة ورشيت الحديقة وكُل شوية احجي على جاسر
ريم :لجج نكعتينا منو عاتب عليج كلج كومي اغسلي
ازل:انتِ اسكتي عني ترا مالي خلك
ريم :شبيج منو كاتلج
ازل :اخوج
ريم بصدمة:كتلجج
ازل :حتى اكسر ايدة واشدها بركبتة لااا بس اخذ الكلاده مالتي
ريم :اي تكسر ايد نشوف اي كلاده عجبته عادي
ازل:وليييي منا واحد اغث من الثاني
مر اليوم واني اريد اخنك جاسر الكلاده اجيبها يعني اجيبها بليل نزل هوَ كعدوا بالديوان صعدت للغرفة مالتة
فتحت الباب كان بيها ضوء خفيف شغلت الضوء وبلشت ادور اخير شي لكيتها
ازل:الله لكيتها لكيتهااا
فتحت الباب الغرفة وهوّ دخل شافني انصدم
جاسر :شسوين
ازل:شسوي ها ملابسك بيبي كالت صعديهم
جاسر :بس انا ماعندي ملابس
ازل:لا عندك
جاسر :هاي شبيها ايدج
ازل:شعليك وخر عني لا الم العالم عليك اكلهم يريد يكتلني
جاسر :فدوة ديلا اذا انتِ خوش مراة سويها
سحب ايدي وفتحها من شاف الكلاده ابتسم بسرعة اخذه مني
ازل:والعباس مالتي والحسين مالتي
صدك ضليت ابچي لان هدية من بابا بيها اسمي
جاسر :لالا كلشي ولا تبچين اصيرلج كلاده هاج عمي هاج ارجع اخذها بعدين
ازل:بسيطه اني الك
جاسر :تهدد المحللة
تركتة وطلعت فرحانة الكلاده رجعت الي وفرحت من كال محللة حبييت والله ما انساها الك ثاني يوم كعدت من الصبح اعرف جاسر يكعد من وكت يشرب جاي رحت خليت بدل الشكر ملح
وطفرت لفوك نمت وكعدت على دفرة الباب
ازل :شبيككك
امير : الساعه بـ1 نريد نشوف طولج
ازل:وشسوي بطولي خليني نايمة
امير :انتِ شمسوية
ازل:الله واكبر شمسوية نايمة يعني شمسوية
امير :اها والملح
ازل:ياملح
امير :الخليتي بالجاي حتى يغزر وطاح براس ابوي خليتي من الصبح راد يموت
ازل:عززااا ابوي منو الحط الملح يا حيوان
امير:انتِ مو عبالج ما شفتج من نزلتي مو
ازل:وانت شعندك كاعد
امير :اراقبج
وراها كمت غسلت ونزلت وبكل صلافة كتلهم اني متقصدة اخلي لجاسر لان هو ضوجني واجه ابوي شمدريني اني
وراها التحقوا كلهم وميسم رجعت سئلت كتلها بعدهم ميعرفون شي
ورا فترة وصلت اخبار الولد عايش
مرت ايامنا هدوء وماكو شي الشيخ ماعرفنا عنه شي ولا علي ولا البقية اللي ما نزلوا بيوم وصل خبر استشهاد اسمر !! كانت صدمة
...................................
علي: اخير شي اذكر انُ نطقت الشهادة كد الوجع والنزيف فتحت عيوني لكيت نفسي بمكان اضلم واكو صوت بس خفيف تحركت أذاني مكان الجرح
حسيت ادين ثنين لزمني من ورا علمود ارجع انام
ولد:اششش داعش قريب نام هنا جرحك بعده ينزف
باوعت عليَ ورجعت لمكاني خليت ايدي على مكان اسلاحي ماكو
علي:اسلاحي وين
الولد :موجود والله موجود انتَ بس ارتاح
الوجع كان حيل مأذيني باوعت على ملابسي مو عسكري لابس ملابس مدني رجعت نمت دقايق معدودة والباب اندفر الولد الواكف يمي غمزلي وراح
استقبلهم دخلوا همَّ داعش رفعوا سلاحهم عليه
الولد :هذا منه وبينه لكن اصابوا الجرذان
من كال هيج نزلوا سلاحهم وضلوا يتحمدون على السلامة وانا اريد اطلع من هذا البيت وراها كمت من يمهم طلعت برا اجهه وراي
الولد:وين رايح
علي:لازم اطلع انا عندي شغلة مهمة لازم اخلصها
الولد:انت حالتك ما تسمح تطلع لاي مكان
علي:لازم اطلع انطيني سلاحي وملابسي
الولد :يشوفهن وياك مباشرةً يقتلوك
علي :لا تخاف ماعليه شي
راح جابهن مخليهن بـ علاكة
الولد : لا تبدل ملابسك ودير بالك على نفسك وانتبهه ترا الطريق هواي بيَ داعش وكلها سيطرات
علي :الله الحافظ ممنون منك
سلمت عليَ وطلعت الجو جان بارد والجرح يصل ومطر اخذت طريقي وصلت لشارع اول ما صعدت لكيت داعش العلاكه بيدي
داعشي:من انت
علي: اريد اقابل الامير
بالبداية صفن بعدين دخل ربع ساعة ورجع دخلت لجوا لكيتة موجود هو نفسة اللي لازم يموت
دخلت عليَ سلمت وكعدت مباشرةً أشر على العلاكه شنو هاي كتله
علي : خطة
_ماهيَ
علي:نتنكر بزي الروافض وندخل وياهم
هذا الشيء همَ استخدموا هواي ويانة داعش ذكي بس مو علينا
_ من اين اتيت بهِ
علي: هذا الشيء ليس صعبًا
بديت اشرحلة شلون ندخل وشلون نوصل بكل سهولة كدرت اقنعة
بدايةً كتله انا جايك من طرف فلان عاد هوً استقبلني بالحضن
كاعدين وصلت سيارة مال بنات نزلوا من عدها بنات هواي نزلت وحدها تنطي شبهه مو طبيعي للبنية الشفتها ام عيون الزرك بس هاي عيونها عسلي وكلها ساكتة بس هيَ تعارك
هبه :ايع شهل لعبان نفس هذا
صاح عليها واحد سكتت ضلت براسي وعيني عليها استمريت ويا داعش فترة وراها بدوا يشترون ويبيعون نسوان اشتريت كم وحدها من ضمنهن هاي البنية
اتفقت وياهم وبعدها اجيت اريد اخذها وهاي انچلبت عليه
هبه:انتِ وين ماخذني هييي عوفني عابت لهل الوجه الله يخلصنا منكم اذا لزمت ايدي ايدك اكسرها
صحت عليها مشت عدل اتجهت للمكان الكاعد بيَ
هبه :انتِ وين ماخذنييي
علي :لجج اسكتيي كاافيي
هبه :ايي كافي ليش مو انتوا كافي دمرتونا الله يدمركم
سكتت عنها شمرتها بالغرفة وقفلت الباب وطلعت لازم اوصل للمكان مطلوب لازم اخلص شغلي بأسرع وقت لا انكشف لان تحركاتي يمهم قليلة
ادخل يمها انطيها اكل واطلع فقط ورا يومين دخلت يمها اريد اخذ معلومات
علي:شنو اسمج
هبه :شعليك
علي: تحجينن بالطيب لو اكوم اسحلجح احجييي عاد ما فارغلجج
هبه : من صدك خفت من صاح وبعصبية هوَ ما كان ابين وجهه ابددد حتى عيونه ممبينة ولابس كله اسود وشطولة
اسمي هبه
علي:اسمج الكامل ومن وين وشكد عمرج
هبه :هبه مرتجى ، عمري 18 من بغداد
رفع راسة باوع عليه ورجع كتب
علي:شجابج للموصل
هبه :عرس كرايب امي وطلعت اشتري ولزموني داعش
علي:عرس!؟
هبه:ايي والله عرس والله
سكت هز راسة وكام وبعدهي ما شفتة ابد بس اسمع صوتة كان اكو شباك صغير حيل بالغرفة فتحتة الفجر شفتة يصلي انصدمت من شفتة صلاة شيعة!
صفنت شنو هذا ومنو هذا يختفي ساعات متواصلة وميرجع غير نص اليل ويكون ويا سلاح وميحجي قليل جدًا ومن يكون موجود ابد ابد ما اسمع صوت الة او حركة او شي ممبين شي من وجهه وهسه يصلي ؟ منو هذا وشيريد مني
ورا ما كمل صلاتة دخل عليه انطاني اكل وطلع بدون ميحجي او ينطيني فرصة احجي وبعدهي مثل العادة اختفى لكن هل المرة طول حيل
كل مرة يرجع نص اليل وهاي المرة ما رجع صراحةً خفت وين راح معقولة انقتل اختفى أسبوع هوَ ابد ماكو والغرفة مقفولة لكن اني كان يمي مي ومن جابلي الاكل كان هواي وما كنت اكل لان ما اشتهي وخايفة حيل
بعدين نمت فزيت من سمعت باب الغرفة انفتح اول ما دخل مثل كل مره انطاني اكل ودار ضهرة يريد يطلع
هبه :لحظة
علي:أمر
هبه : انتَ منو وليش مخليني هنا لا انتَ قاتلني ولا انتَ اللي مساعدني شتريد مني
باوعلي وطلع حرفيًا تنرفزت يعني شيريد يربي شيريد وهيج ضليت يمه ايام وليالي واشهر تعودت على الوضع ابد ما اذاني بشي واستمر بالاختفاء بيوم دخل عليه كال
علي:اهلج ببغداد تحديدًا منطقة ___
هبه :اي اي شدراك
علي:مو مهم شدراني المهم انُ كونِ على استعداد فترة قصيرة ونطلع منا
كال هيج وطلع ما اعرف افرح الطم ثاني يوم اجه كعد يمي
علي: شوفي بعد ما كتيلي انُ من بغداد واجيتوا على مود عرس ماصدكت بكلامج لكن رحت وتأكدت بنفسي يلا اقتنعت
قاطعت كلامة
هبه :من اختفيت اسبوع
علي:اي
هبه:انتَ منو
علي: لبسي شيكول
هبه : انتّ مو داعشي
نزع القناع اللي مخلي على وجهة سبحان الخالق ابين مو داعشي اصلاً وجهه مو يمهم ابتسم بينت الغمازة
علي: صح مو داعشي انا ضابط
هبه : شوف مو اكلك
علي: راح اطلعج وارجعج لهلج بس مو هسة بعد شوية وكت لان الوضع ما يسمح بس كونِ على استعداد تام وصوت ما اسمعلج ابددد واذا حاولتي تشردين او تلعبين وياي ما ارحمج الباب راح اتركة مفتوح بس ما اطلعين بالنهار لان ممكن تنشافين وهذا الشباك بعد ما تفتحينة صار معلوم
هزيت راسي بالقبول هو طلع بس ما قفل الباب ضليت كاعدة بمكاني ما اعرف سيطر عليه شعور الخوف انُ ارجع لهلي شراح يصير بيه راح يصدكون او لا او راح تحكمني تسمية العار ولازم اموت ضليت افكر بهل الشي
حيل مشتاقتلهم ومشتاقة لقمر وراها اكثر من اسبوعين سمعتة يخابر
علي:سيدي وياي شخص ثاني وانا ما اكدر اطلع بهل السهولة الطريق خطر
ما اعرف شنو رد عليَ رجع جاوبة
علي:ماشي خلي يجيني نقيب سلام بس يدير بالة من الطريق وانا بانتظارة مع السلامة
رجعت لمكاني ثاني يوم الصبح دخل عليه شمر عليه بوشاية (نقاب) وعباية وجفوف
علي:البسيهم بسرعة واطلعي بدون اييي صوت
سد الباب وطلع اني سويت مثل ما كال طلعت لكيتة واكف ويا واحد لابس زي عسكري وسيارتين عسكرية همَ بيها عساكر
علي:يلا اصعدي ورا
صعدت بدون صوت وهوَ كعد يمي وهذا اللي اسمة سلام بالسدر وسايق
سلام : كملت شغلك
علي:كملت اخر خطوة ساعة بعد هيج وتسمع الخبر
سلام :عاشت ايدك والله
وصلنا سيطرة
علي: لا توكف اطلع كبل بأقصى سرعة دنكي راسج
السايق طار والسيارة الثانيه هم والرمي صار كارثة كل هذا السيارة استمرت لحد ما وصلنا لمكان كلهه قوات امنية نزل هوَ استقبلة شخص ينطي شبهه هواي
الشيخ : حياك الله
علي:هههه الله يحيك
سلم عليَ ورا اشرلي انزل وكال تعالي وراي دخلت لغرفة
علي:اكعدي هنا وباجر نتوكل لبغداد
انتظرت باجر على احر من الجمر حتى ما نمت كنت فرحانة راح التقي بأهلي راح ارجع اشوفهم راح اشوف غياث راح اشوف قمر وساره وهند ورياهم وامي وابوي وكلهم كنت فرحانة حيل وشلون ارد جميل هذا الشخص
افتر راسي من التفكير ثاني يوم كعدت على صوت دكت الباب
علي:يلا خويه تأخرنا هم يلا نطلع
هبه:جاية جاية
كمت بسرعة عدلت شالي وطلعنا صعدت بسيارة ويانة اربعة وصلونا مدري وين ورجعوا صعدنا بغير سيارة هوَ السايق كعدت ورا باوع عليه وصعد محجة شي اتوجهنا لبغداد احس خفت بدون تفكير كتلة
هبه:احس راح يقتلونيي
هوَ كان يخابر مدري منو يحجي ويا من كلت هيج باوع عليه بالمراية الامامية
علي:بعدين احجي وياك
وراها وصلنا للبيت كال انزلي وقبل لا ادخلين صيحيلي ابوج
دكيت الباب طلعت قمر
قمر :عزززااا هببه
هبه :قمرررر
بعد سلام طويل فزينا على دكت الهورن
علي:بوية صيحيلي واحد ولا ادخلين جوا
نزل من السيارة كان لابس زي اسود عسكري راحت قمر لجوا شوية وطلعوا مازن وابوي وابو قمر
مازن :ها وين جنتي
هبه :انتَ شعليكك
سلمت علئ ابوي ودخلت لجوا بقى وياهم برا صار بوجهي غياث
غياث :هههه هببه ياروحي
هبه :شلونككك
سلمت ودخلت بعدهي دخلوا ابوي وابو قمر وغياث ومازن مازن حقير بشكل يكره شي اسمة بنات ليش مدري تحسوا يريد يقتل جنس حواء بالكامل
ابو هبه : احجيلي شصار وياج بالتفصيل
هبه: من رحنا للعرس ردت شغلات فـ كلت لواحد من كرايب امي كال المحل قريب روحي واني هسة اجي وراج
طلعت امشي كان الوضع تمام وماكو شي وصلت للمحل من اخذت الغراض ردت اطلع اجتني سيارة بيها اربعة وياهم ابو المحل ماعرف شنو خلوا على وجهي وبعد مادري شصار كعدت لكيت نفسي بنص داعش ضليت فترة تحت التعذيب
شفت انواع التعذيب ورادوا يتعدون عليه بس دافعت عن نفسي بكل قوة عندي وراها نقلونا لغير مكان واجوا اشخاص يشترون بنات اجه هذا الشخص عبالي داعشي لكن لا هوَ ضابط وساعدني وطلعني من الموصل ورجعت
مازن :هههه شهل الفلم هذا وتردين نصدك
هبه:لا تصدك منو جابرك
ابو هبه:تسوين تحليل
هبه:تحليل مال شنو
ابو هبه:فهمنها
تركنا وطلع طلعوا ورا كلهم
هبه :شنو تحليل شنو
ام هبه:يشوفج بعدج بنية لو لا
هبه :صُدك تحجون يعني ؟ لعد صار ساعة شحجي اني ماما والله محد لمسني والله العظيم محد
...............
قمر :فتحت الباب صارت بوجهي هبه كانت صدمة فززنا صوت الهورن من التفت شفته بس احس شايفتهه دخلت صحت خالي طلعوا وياا مازن وابوي وسلمت هبه وصار كلام هواي
محد كان يسمع لهبه كان خوفهم من الناس من المجتمع شنو راح يكولون ؟ وين كانت كُل هاي الأشهر ؟ عند داعش ومابيها شي ؟معقولة ؟
هنا كان خوفهم بس أبدًا ما خافوا من الله خافوا من الناس وكلام الناس مجتمع سخيف عدهم كلام الناس مخيف حيل لازم الناس ترضى عليهم لازم ميطلع كلام
هبه حلفت بالقران انُ محد لمسني لكن لا حياء لمن تنادي
صعدنا فوك كالت
هبه: قمر اني اعرف مراح يتركوني مدام صار مازن بالسالفة هذا رقم الشخص اللي طلعني من الموصل هوَ اللي يثبت برائتي هوَ مو غيرة قمر هوَ سمعتي ديري بالج على نفسج اني اعرف مراح اعيش ابد
كانت تحجي وتبچي واني كذلك
قمر :لتحجين هيج انتِ مراح يصير عليج شي معليج بيهم ،اشردي منهم هبه اشردي او اتصلي بيَ
هبه : الولد اكيد بطريقة للموصل لان الوضع هناك حيل مطلب امثالة اذا متتت والله اخذ امانتة على ايدهم ديري بالج على نفسج وخلي هو واهمشي مازن الحقير
ثنينا نبچي ونرجف خلت الرقم بيدي واندفر الباب مازن
بدون كلام بدون مقدمات بدون ايييي سابق انذار ضربها طلقة براسها وطلقة بكلبها وكعت بيدي دمها صار بيدي. هبه ماتتت بيدي
قمر :هبه ولجج هبببه ولككك شسويت ياعاررر شسويت الله ينتقم منك
دمها صار بيدي على صريخي صعدوا كلهم منضر كان مرعب هبه سابحة بدمها
مازن :غسلنا عارنا
تحت مسمى العادات والتقاليد. وغسل العار انقتلت هبه بدم بارد ما سووا فاتحه ولا نصبوا جادر ولا خلوا شخص يودعها او يروح وياها لنجف ولا خلونا نودعها مثل الكُل
انقتلت بدم بارد بذمة منو ؟ داعش لو مازن لو اهلها لو المتجمع لو الخوف من كلام الناس لو منو
كالوا لناس انُ ميتتة واليوم يلا وصلت جثتها وماقبلوا يسوون اييي شي حسبي الله ونعم الوكيل
عشت ايام رعب صرت اكرهه خالي بشكل لان حتى ما بجهه عليها ساكت ولا عليَ بشي
نسيت كُلشي حسيت حياتي انطفت بعد هبه مالي واهس بشي ولا الي خلك شي اشوف غياث شلون تعبان كان مموجود وقت ما ضربها هذا العار
غياث وهبه كانوا على اساس لبعض ويحبون بعض لكن العادات صارت أقوى
ورا فترة كُلش طويلة تذكرت الولد اللي كالت عليَ هبه
اتصلت عليَ اكثر من مره يطلع التيلفون مغلق
قمر:ياربي شنو هل الحظ هذا
ورا ايام رجعت اتصلت ونفس الشيء التيلفون مغلق
اجه بالي معقوله استشهد !!!
..........................
علي: وصلنا لبيتهم نزلت هيّ دكت الباب طلعت بنية انصدمت بيها نفسها شجابها وشعرفها كرايب ؟ ضلن يسلمن دكيت هورن راحت هيَ هاي دخلت شوية وطلعوا 3 زلم
نزلت سلمت ردوا السلام
علي:هاي أمانتكم وصلت ويشهد الله مراة بالف زلمة مثل ما طلعت من بيتكم رجعت لا احد لمسها ولا احد وصلها
قاطع كلامي واحد منهم
مازن : وشنو اليثبت
علي: حلفوا البنية اثبات كامل
مازن: وليش ما نسوي تحليل
علي:تحليلش شهل التفكير هذا جاي اكلك البنية مابيها شي
مازن :شنو مابيها شي صارلها قرابة السنة
تجاهلته وباوعت لابوها
علي:امانتك وصلت دير بالك عليها بنتك تسوا الف زلمة لا تخلي الشيطان يلعب براسك
مازن : شو تباوع عليه
علي:انتَ تريد تنهان مو محترمك لخاطر الواكفين
مازن :اذا تمد ايدك اكسرها
علي:انتَ تكسر ايدي
مازن : اي وبنتنا معليك بيها
باوعت عليَ من فوك لجوا باوعت لساعة تأخرت لازم ارجع
علي: تمام ارجعلك ما فارغلك هسه وايدك احطها بركبتك ، كلامي الك ابوها اذا صار عليها شي تحت مسمى غسل العار اغسلكم كلكم وحك علي اولهم انتَ
أشرت على مازن واتجهت لسيارة حتى اصعد استوقفني صوت واحد منهم
ابو قمر :اوكف بوية
علي: تفضل
ابو قمر :انتَ حفيد فراس
انطاني اسم جدي الكامل
علي:اي نعم ليش
ابو قمر :سلملي على عمي هواي
علي:عمك ؟
ابو قمر : اي انا ابن فارس
علي:اها انتَ رسول
ابو قمر :اي انا بوية
علي:حياك الله يوصل سلامك
سلمت عليَ وطلعت توجهت للموصل وصلت بليل من داخل الموصل التيلفون ينغلق
علي:كواهم الله
الولد :الله يكوي حيلك
اسمر : ها وصلت الامانة
علي:وصلت شخبار الوضع
اسمر :حلو
علي:حلو جيب السلاح جيبة
ضحك اخذت سلاحي وكعدنا على الساتر فتح تيلفونة طلع صور جهال ثنين
اسمر :شوف
علي:جهالك
اسمر : اي علي وفاطمة
علي:ياروحي الله يحفظهم
اسمر : مشتاقلهم
علي: اجازتك الخميس ماضل شي
اسمر : الله كريم
سكتت عنه بيوم من الايام صار علينا هجوم بشكل مو طبيعي وكان الجو كلش حار واحنه على الساتر بوقتها
علي:نزل راسك لا والكفل زينب اكوم اسحلك سحل قناااص شبيككك انت
اسمر :هههه هيَ موتة موتة شبيك ماعليه شي
كان الرمي علينا بشكل مكثف
اسمر :علي شوف
علي:شتريد
اسمر :راح اكوم وانتَ احمي ضهري
علي:المن كايمم اسمررر اكعد بمكانكك واستچن
مارد عليه وكف على طولة وضل يرمي ورجع كعد وهوَ يضحك
اسمر : النغولة شكثر
وراها ضلينا نقاوم لحد ما شفت اسمر وكع يمي
علي:اسمرررر
شمرت سلاحي ورحتلة خليت راسة بحضني الطلقة كانت بصدرة بجهة القلب
اسمر : الف الحمدلله علي جهالي ديروا بالكم عليهم
علي:اسكت لا تحجي شيي اسكتتتت
خليت ايدي على الجرح حتى يتوقف النزيف صحت عليهم سيارة اسعاف شي خل توصل
اسمر :علي عطشان
صاح واحد من الضباط الموجودين
ضابط: لا تنطييي ماي موزين عليَ لا تنطي
لزم ايدي باوع عليه وابتسم
اسمر :الوطن امانة بركبتكم حرروا من ذول لا تخلونهم يوصلون للمقدسات الوطن امانتكم اشهد ان لا اله الا الله واشهد ان محمد رسول الله واشهد ان مولاي عليًا ولي الله
ايد كانت على مكان الجرح وايدي الثانية كان لازمها دمة ترس جفوف ايدية بچيت وانهد حيلي من شفت النفس انقطع اسمر اكبر مني بسنة بس صديق الي روحي من الدنيا هو العلمني على كلشي هو الشجعني اسمر تركني بيوم
وايام صعبة
اجوا سحبوني عنه
علي :بس خل اودعة اخر مره بس اودعة واخذوا
اجو راهب ونمر هواي ماجنت منتبهه منو عيني جانت عليَ نايم بالكاع ودمة على صدرة
علي:اسمر خايب اسمر مو كلت نحررها سوا مو كلت مشتاق لجهالي اريد اشوفهم اليوم اجازتك لازم تنزل خوية مو تروحلهم بتابوت جهالك صغار اهلك منو الهم غيرك ياااارب امتحانك صعبببب
ورجعوا بعدوني عنة حسيت روحي طلعت اسمر راح مني بهل السهولة اجاني صهُيب كان بنفس المكان
خليت راسي بصدرة وصرت اشهك بالبچي بذاك اليوم اول مره انهار بهل الشكل هذا واول مره ابچي
صهُيب: الله يرحمه شهيد خوية امنيته هاي
علي:راح عطشان
صهُيب: مو عطشان يم ابو الحسنين راح هنيئا اله كافي يبعد عيون اخوك كافي هاي حرب خوية اليوم هوَ وباجر اييي واحد بينا هذا انت هيج چا شدكول على امه واهله اترحمله هنيئا اله نال شرف الشهادة كلنا نتمناها
ودعته اخر مره ورجعت حيلي مهدود
راحوا ويا نمر بس راهب رجع وياي
علي:ليش مارحت
راهب:ما كدرت اتركك وحدك
......................................
صهُيب: اخذنا جثه اسمر وتوجهنا للبصرة وصلنا الضهر تقريبًا كانوا منتظرين نزولة مو تابوتة
وصلنا ناس كلش هواي موجودة واهله امه كانت كاعدة بالباب وتصرخ من شافت التابوت هلهلت
ام اسمر :يمااا ولك اسمر يمه سودة بوجهي
دخلنا التابوت لجوا وطلعنا مرتة واخوانة وخواتة وامه وابو واحبابة كلهم بحالة انهيار منضر صعب
ينتظرون يوم نزولة مو يوم يجيهم بتابوت
ام اسمر :يمه جبتك بالتعب يربات ايدية ما جبتك للموت جبتك الية
شلنا التابوت حتى نشيعة جابوا صواني بيها شموع وحنةو ورد طشوا ورد على التابوت
يمه لو شفتي شبان تذكري شبابي
انا رايح ييمه من دون كُل احبابي
يمه عطشان عند الشرب ذكريني
يمه ذكريني من تمر زفة شباب
من العرس محروم حنتي دمي المصاب
شيعنا اسمر بتاريخ
2015/5/25بيوم عيد زواجة
انتهت حياة اسمر بهذا اليوم وانتهت حياة عشق
اسمر وعشق يحبون بعض من الصغر كانُ جيران عشق يتيمة الابوين عايشة عند بيت عمها لكن ما كانت مرتاحة وياهم ابد
اكثر من مره يتقدم اسمر لخطوبتها ويرفضون لحد ما ملوا وكلولث
اخذها ملينا منك بس بعد لا تجينا وتنسى بيت عمها دوم
تزوجوا واسمر كان طاير من الفرحة اخذ حب الطفولة
2013/5/25يوم زواجهم
يوم ماكو احلى منه الهم ثنينهم اسمررصار اخ واب وام وصديق لعشق قبل لا يكون زوجها وحبيبها طيور حب كانوا هواي يحسدون عشق على دلال وحب اسمر الها حاربوا كلشي سوا لحد ما صاروا البعض
ورا سنة من زواجهم صار عدهم تؤام علي وفاطمة
كانوا فرحانين بيهم وربوهم سوا دخل داعش للموصل اسمر كان ينزل بين فترة وفترة على مود بشوفهم
صار عمرهم سنة وكبروا وصاروا ينتظرون ابوهم !
لكن هل المره ابوهم اجاهم بتابوت ملفوف بعلم وفقط صورتة وذكرياتة
انتهت قصة حب اطفال تيتموا وعشق لحد هذا يومنا بعدهي حزينة وتبچي على ابو جهالها اللي تركهم وراح دفاعًا عن الوطن والمقدسات
انتهت احد حكايات الحب ..
.....................
غزل:بعد وفاة اسمر بفترة محد تخطى وفاتة ابدًا الكُل كان حزنان عليَ ومتأثر
ماكان مأذي احد ولا عنده عداوة ويَ شخص بالعكس الكُل كان يحلفون بأخلاقة الله يرحمة
كان بالنا انُ علي راح يجي ويا لكن صدمنا انُ ما اجهه ابدًا ومن سئلنا كالوا مقبل يجي
الحزن كان مخيم على المنطقة بالكامل بيوم لازم اروح لجامعة عندي محاضرة مهمة اني ادرس صيدلة
كلهم بالدوام وابوي مموجود اجيت ابچي اذا اروح تكسي ميقبلون شسوي يربي
غضب:شعندج لازمة الباب
غزل:اجاني مغضوب الوالدين
غضب:احجي عدل لا اعدل حلكج شعندج من الصبح
غزل:ابيع زوري تبيع وياي يعني شعندي من الصبح اريد اولي لدوام
كنت اخاف منه بس كوه احجي عود قوية وهيج
غضب :ولازمة الباب تعالي انا اخذج
غزل:ما اريد
غضب :ضلي
شفتة راح والمحاضرة مهمة
غزل:اوكف اخذني وياك ماكو مفر
غضب:من البداية وهيج
غزل:اوكف
دخلت ركض لامي كتلها كالت روحي مو غريب
طلعت لكيتة كاعد بالسيارة اجيت اصعد ورا صاح
غضب:ساايق ببيت ابوج تعاي اكعدي هنا
غزل:اضل غثيث ومغضوب ماصيرلك جارة
صعدت وركعت الباب حيل نص الطريق كال
غضب: شلونها الصيدلة
غزل:انت شدراك ادرس صيدلة
غضب:اكو واحد مايعرف مريتة شتدرس
اجيت اخلي الملزمة براسة بس تراجعت سكتت عنه محجيت وتيلفونة ماسكت دك اتصالات لحد ما وصلنا
غزل:شكرًا تعبتك
غضب:لا يابه تعبج راحة مريتي الغالية
غزل :صخونة كون
نزلت بسرعة وهو يضحك دخلت لجامعة ولزمني ابو الامن تعالي الهوية واني منا متأخرة انطيتها اله بسرعة ودخلت وخلصت المحاضرة وخلص الدوام وهسة تعال شلون ارجع
بالجامعة اني معندي صديقات ابد كافية خيري شري دوم اكعد وحدي عبالك وحدها بيها توحد من طلعت هم لكيتهه برا أشرلي رحتلهه لان الجو حار مو مال اضل اهوبز
غضب: هاي شصاير بيج وجهج احمر
غزل:اي من الشمس
طلعنا وكف بنص الطريق طبك على جهه وكال
غضب:اريد احجي وياج وياريت تسمعين وتفهمين بدون خبال زايد
غزل:شكو وكفت
غضب :غزل انا احبج ورايدج على سنة الله ورسوله بس المعطلني خبالج وكرهج الي بدون سبب وحتى ما تعرفيني زين والله شنو اسمك غضب
غزل:مو بس اسمك انتَ كلك غضب
غضب:اتحملج ميخالف المهم غزل انتِ جبيرة مو صغيرة افهميني والله احبج اريد افهم ليش تكرهيني
غزل :لا اني ما اكرهه احدد بس اني ما اريدك كوه يعني
غضب:شنو ما ترديني شبيجج بابا افتهمي احبج تعرفين شنو احبج صار سنين اركض وراج وانتِ ولا عليج افتهمييي شمسويلج وتكرهيني
غزل:رجعني للبيت يلا
غضب :طركاعة مو مراة طركاعة كلبي
غزل:مغضوب الوالدين
خزرني ودار وجهه يتأفأف ويستغفر
غزل:شوف حياتك انساني
غضب:اسكتين لا وابو فاضل العباس ارمج على حلكج
غزل: ترا ممفكرة بهذا الموضوع ولا اريد افكر بيَ
غضب:يجي يوم وتفكرين بيَ بس خليها بالج لو انا لو الله ياخدج
وصلت للبيت حتى مالي خلك صعدت مباشرةً نمت كعدت بليل على صوت عالي وهوسة
................................
شكرا لزيارتكم عالم روايات سكيرهوم
