رواية عشك أل فراس الفصل الحادي عشر بقلم زينب نور
غزل:فزيت بليل على صوت عالي وهوسة غسلت ونزلت لكيت عمامي موجودين وبيت خالي كلهم ملتمين
غزل:شكو
عسل: فؤاد مدري شبي متعارك
غزل:هاي الهوسة على فؤاد
عسل : لا الهوسة على غضب
غزل:شبييي
ازل :كاتل فؤاد ههههه
غزل:احجنن عددل لا والله اطيح حظجن
عسل :هههه لج من رجعتي من الدوام مو غضب اللي جايبج فؤاد شايفكم رايحلة يكولة شنو توصلها ومنو انتَ حتى توصلها فـ غضب كايلة
غضب :اي وانتَ شعليك اوصلها او لا ام اب اخو
فؤاد: اني ابن خالها تقبل هسه اخذ اختك اوصلها لو بنت عمتك
غضب:شني قلة زلم واخليهن يرحن وي مراة
فؤاد:شقصدكك
غضب:شوف ولك انا ما اطيقك بعيشة الله ولي منا لا والكفل زينب اخلي امك تون عليك
ازل:فؤاد هنا بارز عضلاتة وكلمة منه وكلمة من غضب متعاركين عاد غضب كاتلة كتلة برد كلب شكو واحد يكره فؤاد
غزل :الله يسلم ايدة وايد الربتة
عسل:اوووو هاي شنو سمعتي ازل
ازل :اي عيني اتوقع الامور مطورة من ورانا
غزل :انجبن اصلًا تعاركنا
ازل :عليمن
غزل :صعدنا فوك حجيتلهن اللي صار
ازل :ليش متنطي فرصة ترا خطية ابين حيل يحبج
غزل : ما اريد
عسل :غزل انتِ مو صغيرة ونعلمج الولد رايدج ليش تفكرين تفكير خايس يعني شوية انطي فرصة وشوفي اذا شي معجبج بيَ خلص انهي الموضوع يعني هسه اتكرهينا ليش
غزل :واخاف منه احسة هيج اسم على مسمى
عسل : مو شرط مو هذا شاهين وياي شكل ويَ الناس شكل
غزل : شاهين مو مثل غضب
عسل :شمدريج شاهين مو جنت اذا اسمع اسمة ارجف ومن عقد عليه عقد سيد اني اسبوع نايمة بالفراش من الخوف واصيح ما اريدة وهسة لا انطي فرصة للولد وشوفي
ازل :كلام المتكلمة عسل صحيح ميصير ترا شغلي عقلج
غزل : مادري مادري سدوا الموضوع خلوني بضيم الصيدلة
ازل :اي ديلا هيَ صيدلة
غزل :اي هيَ صيدلة نشوفج بعدين
عسل : غزل فكري بعقل مو بخبال
تركتها ونزلت لجوا
شاهين ابن عمي من وقت واحنه صغار اني ويا دوم سوا هو اكبر مني لكن دوم ويا اللعب دوم سوا شاء القدر ان تتحول هذهِ العلاقة من صداقة الى حب
كنت اشوفة انسان مختلف عن الكُل بس ابدًا مابينت هذا الشيء خليت كُلشي طبيعي علاقتنا استمرت لحد ما كبرت وبديت ابتعد عنه كد السلام فقط مضلت عندي ميانة ويا
لكن كنت اذا اسمع صوتة افز من مكاني انتظر شوكت يجينا حتى اشوفة كان عندي خوف منه رغم قبل ابد ما اخاف بالعكس
بيوم من الايام اجه شخص تقدم لخطبتي جيرانة شاهين كان نازل من الدوام بعدة بملابس العسكرية
ابو سجاد :شيخ احنه جاينكم بطلب واتمنى ما تردونا خايبين
الجد : اذا نكدر عليَ تاخذة من عيوني اطلب يبو سجاد
ابو سجاد :الله يحفظك احنه جايين نطلب ايد المحروسة بنت ابو فهد لابني سجاد
الجد : ياهيَ منهن
ابو سجاد :مو الجبيرة الثانية لنسوان شايفاتها وحيل عاجبتهن واحنه ما نلكى احسن منكم
شاهين: ولا احنه نلكى احسن منكم بس بنت عمي الي والكل يعرف بهذا الشيء
ابو سجاد :شلون يعني
شاهين :يعني البنية التردونها مخطوبة الي
ابو سجاد :چا احنه ماندري والله اعذرنا عمي وان شاء الله زواج الدهر
الكُل انصدم من شاهين لان محد يدري انُ هوَ رايدني بعد ما راح ابو سجاد دخلوا لجوا
الجد :چا انتَ غير تحجي من البداية
شاهين :وانا شدراني جاي يخطب
الجد : جذبتلك جذبة
شاهين :عليش جذبة هسه اجيب السيد واعقد عليه
اسد :شنو خالي فصليه تعقد هيج
شاهين : لا يابة اليوم اعقد وشوكت ما تردون نتفق على كلشي على حسب الاصول
كال هيج وطلع اني جنت فوك كاعدة شوية وصاحوا عليه
عسل :ها شكو
الجده :راح يجي السيد يعقدلكم يمه انتِ وشاهين حضري روحج
عسل :شنو شنووو شنو يعقدنا
محد جاوب خلوني بذاك اليوم كرهت شاهين وخفت منه اكثر شنو عقد بهل السهولة واهلي ليش سكتوا خلصتها بچس اجهه السيد استسلمت وانطيت الموافقة صعدت فوك
كالوا نسويلكم حفله كتلهم ما اريد اتفقوا بينهم على الحاضر والغايب وكلشي
من بعد يوم العقد وكعت بالفراش اسبوع ما اعرف قهر لو خوف لوشنو بالضبط
وراها صرت زينة نزلت لجوا كعدت بالمطبخ دخل شاهين
شاهين:عسل
عسل :خير
شاهين :شلون صرتي
عسل :زينه
اجه كعد يمي وكال
شاهين : اعرف استعجلت بس انا كتلهم مخطوبة يعني لازم اسوي هيج
محجيت شي سكتت
شاهين :تردين اسويلج حفلة انا حاضر شنو التردينا بس كولي ولا اضلين هيج تعبانة ومالج خلك من اشوفج هيج والله الدنيا توكف بعيني
عسل : كُلشي ما اريد
سكت عني بس بقى كاعد يمي شوية ودخل جدي
الجد : ها بويه مادري بيكم
شاهين : الله جابك اريدك تحجي وياها لان صدك تعبتني
الجد :شبيها عسلنا
عسل :مابيه شي بس
شاهين :من يوم العقدت عليها لليوم هيَ بس مريضة ولا تحجي ولا تضحك ولا حتى نشوفها وهسة اكلها شنو تردين ادكول ما اريد شي
الجد :اي ما تريد شي ليش تلح عليها خليها براحتها
شاهين:يعني انا اريدك توكف وياي صرت وياها
جدو ضحك وماعرف شنو أشرلهه شاهين هز راسة جدو طلع وشاهين راد يطلع كتله
عسل :شاهين
شاهين :روحه لشاهين
من كال هيج صفنت بوجهه اتقدم عليه وكال
شاهين : لا اضلين هيج وتعبيني اكثر خل نرجع مثل كبل من جنا سوا ما استاهل هيج ترا
كال هيج وطلع مرت الايام واني ابد ما التقي بيَ من يجينا اصعد لغرفتي ومن يصيحولي اكلهم كلوله نايمة او تعبانة او اييي عذر
صار عندي خوف منه مو طبيعي شنو السبب ما جنت اعرف رغم كان كُلش زين وياي لحد ما بيوم هوَ صعد لفوك
شاهين : شبيج چمار كلبي انتِ مدكليلي شجاج انكلبتي عليه رايدج الي مو لغيري شنو التردينا ليش تشلعين كلبي سويت شيء غلط كليلي حتى افتهم غلطي واصححة تتهربيني مني واتصل ما جاوبين ومن اجي تسوين نفسج نايمة ادري شنو ذنبي شمسوي كلها لان حبيتج وردتج مراة الي
من ذاك اليوم تغيرت ويا يعني صرت احجي ويا من يجي اطلعلة تحسن الوضع بينا وبديت احبه بسبب حنيتة وكلامة وتفاهمة وياي ما اكو يوم صيح عليه او رزلني على شي تافهه واذا صار سوء تفاهم يتفاهم وياي يسمع مني
لهذا السبب حبيت شاهين صار حبيبي وصديقي وخطيبي وكُلشي بالنسبة الي
ابو فهد :بويه عسل جيبيلي ماي هذا اخوج نشف ريكي
امير :شني شعليه انا
ابو فهد :اكو واحد عاقل يجيب مية بالانكليزي واربعة بالاسلامية
شاهين :شني ولك سابهم لو كاتب ايه هم تجيب اكثر
امير :همَ شادين وياي شسويلهم يعني
شاهين : لو قريش ممتحن بمكانك هم جاب اكثر
ياسر :ايي والله
ابو فهد :حجه الشفية وانتَ مو ماخذ عشرة
ياسر:عشرة ولا اربعة
امير :غير بالغش
الجدة:بالغش وجايب عشرة من غسل الغسلكم كون
مرت ايامنا واجتنا حرب داعش والتحق شاهين جنت حيل خاي لايصير عليهم شي كل ساعة وكل ليلة ادعي تخلص هل الشدة لان من صدك تعبنا
مرت ايامنا بكُل ضروفها
امير :ها يمه اشتاقيتلي
ام فهد : هلا يمه وين جنت
امير:يم اخوج الاشكر ابو عيون الزرك
ام فهد :تقلد ولك ابو الوصخ
امير :شقلد غير اخوج هيج اشكر وعيونة زرك
ام فهد :دكوم كوم
امير :وخري ايدج خل انام بحضنج مشتاقلج وراسي يوجعني من اخلي بحضنج اطيب
ضحكت امي وهوَ نام بحضنهه لحد ما اجهه ابوي طفر
امير : انسحلت
ام فهد :شمسوي
ابو فهد :وينة هذا ابو المصايب ولككك امير
امير : مات امير هااا يابه
ابو فهد :انتَ ما اتوب
امير :شمسوي همَ عالوا بيه
ابو فهد :عالوا بيك تعال يمي تعال
امير : شنووه والحسين ماعليه همَ عالوا واذا تمد ايدك عليه اروح اكتلهم
ابو فهد :بابا انتَ طفل بطل سوالفك
ام فهد :شمسوي
ابو فهد : متعارك شعندة غير العرك ويَ الوادم
امير :يمه والحسين همَ عالوا انا جاي امشي وهمَ يذبون حجي عليه
ابو فهد :من طيح الله حظك
امير :رحم الله والديك
ام فهد :ولك ليش ماتكعد
امير :خوش راح اكعد يلا خل ارجع انام
وهيج مرت ايامنا امير بين فترة وفترة لازم يتعارك مستحيلل يمر اسبوع بدون مصايب امير
بيوم كعدت الصبح كان عندي مراجعة لسادس فـ اكعد من الصبح اول ما نزلت صار بوجهي الشيخ
عسل :عززااا الشيخخ
الشيخ :هههه ياعيوني شلونج
سلمت عليَ حيلل كان متغير يعني التعب ابين
عسل :اكعدهم
الشيخ :لا اتركيهم ولا ادكولين لواحد انا موجود
صعد هوَ فوك واني رحت اسوي ريوك هيج وقت يكعدون جدو وبيبي وبابا وماما سويت ريوك وحضرتة واجوا كلهم سوا كعدوا يتريكون واجه الشيخ
الشيخ :صباح الخير
كلهم انصدموا من دخل عليهم كاموا سلموا عليَ ورجعوا كعدوا
ام فهد :يمه شفت علي
الشيخ :اي يمه شفتة
ام فهد :فدوة لطولة شلونة
الشيخ :زين يمه زين
ام فهد :سودة بوجهي يايمه
الشيخ :لو ادري اضلين تبچين چا ما حجيت
سكتت امي ورا ايام رجع الشيخ التحق
وهيج مرت ايامنا وامتحنت سادس والحمدلله نجحت كانت امنيتي ادخل كلية اعلام محد وكف بوجهي وكالوا عادي ادرسين بس ماتتعينين يعني ما اعرف شنو كان عاجبني بالضبط بس حلمي وعجبني اول سنة الي بالجامعة
من رجعت كالوا الموصل تحررت بالكامل
كانت فرحة لكل العراق يوم ما ينسي ابد عشائرنا طلعت تهوس وفرحانة ونسوانة تهلهل كانت فرحه لكن تبقى غصة بكل كلوبنا على الشهداء الراحوا سبايكر واللي راحوا على الساتر. واللي انفقدوا واللي ايدة او رجلة او أتأذة هواي كانت شغلات بس فرحنا انُ تحررت الموصل
بفضل الله وابطالنا ورا فترة نزلوا الولد كلهم امي كانت منتظرة علي لكن من دخلوا وهوَ مو وياهم خاب ضنهة
الشيخ :يجي ان شاء الله يجي
ام فهد :عبالي يجي وياكم صارلة هواي
اسد :اول وتالي يرجع
...........................
علي: من بعد ما راحوا رجعنا لواجبنا
_هيَ هاي الحرب اليوم هو باجر انا وممكن انت يلا ترحمولة كوموا راح الله يرحمة مايفيد شي بعد يلا لواجبكم
حجه هيج وراح اخذت سلاحي وكمت اجهه وراي راهب يمشي ويلتفت
علي:شبيك تباوع وراك
راهب :اكول بلكي جذب ويرجع
علي:الله يرحمة يخوية
حررنا المنطقة اللي استشهد بيها اسمر وطلعت العوائل
اجت بنية صغيرة تمشي وحدها كانت فاتحه شعرها وتمشي وتضحك
علي:وين اهلج
البنية :راحوا لهناك
أشرت لكدام اهلها يمشون بس بعيدين
علي:تعالي
لزمت ايدها وصرنا نمشي سوا وهيَ تمشي وتسولف وتعدل بشعرها ضحكت على سوالفها
البنية:انتَ شسمك
علي:اسمي علي
البنية :اني اسمي ريڤال
علي:عاشت الاسامي
اجه واحد من الجنود كان مصور اخذ صورة النا ثنينا انا اباوع عليها وهيَ تباوع على الكاميرا
ريڤال :ذول اهلي شكرًا
علي:يلا روحي يمهم وبعد لا تمشين وحدج
راحت هيَ واحنه رجعنا لغير مناطق وراها رجعوا التحقوا نمر وعمر وبقية الشباب
علي :انت ماتلبس درع خوذة مو قناص كبالك
جندي :سيدي حارة
علي:وشنو حارة مو كلنا لابسين
ضليت احجي ويا الوضع خطر وهذا لابس بس التشيرت والبنطرون وطاير
مرت ايامنا ومرت سنين على الحرب لحد ما اجه يوم النصر اخر منطقة بالموصل ويتحقق النصر قاتلنا بكل حيلنا لحد ما تحقق النصر
عشنا ايام صعبة فقدنا شباب بعمر الورد شفنا الويل بذيج الايام كلشي مر علينا بس من انتصرنا وحررنا ارضنا من ذول الانذال وشفنا فرحة الاهل بالنصر وضحكتهم وهلاهل النسوان وضحكت الزلم وصوت الاطفال بالفرح ضحكنا وهان كل تعبنا وبنفس الوقت بچينا، بچينا على الراحوا وهمَ بشبابهم بس هنيئا الهم
اجاني رجال جبير يضحك ويبچي حضني ويصرخ الف الحمدلله يوم ما ينسي
رسميًا انتهت الحرب
صار الوقت كل واحد يرجع لهلها بدوا ينزلون وجبه ورا وجبه مو كلها سوا لحد ماصار وقت نزلونا واكف ابدل حتى ارجع لبغداد
راهب :انتَ ما راح ترجع ويانة
علي:لا راجع لبغداد
نمر :شنو مانسيت مامليت من الوحدة
علي:الوحدة اهون من الذلة
عمر :لخاطر امك
علي: عدها غيري
ماهر :شهل الكلب ولك مادري بيك هيج
علي: خليني هيج احسن يلا خل نطلع طريقكم طويل
سلمت عليهم ورجعت لبغداد وحدي دخلت البيت شغلت الكهرباء والتراب البي والوصخ لعبان نفس
شمرت غراضي خليت تيلفوني على الشحن قافل هسه منين ابدي بلشت بالغرفة نظفتها شلون ما كان وسبحت ونمت لان كلش تعبان كعدت العصر بديت انضف خلصت اخير شي رحت للمطبخ المواعين كلها وصخ
علي:اكسرهن شلون بلا شيخلصهن ذني
كملت كلشي وصعدت فتحت تيلفوني هواي اتصالات ورسائل من ضمن الارقام رقم غريب ماعرفت لمنو رجعت اتصلت عليَ ما جاوب اتصلت مره وحدها
شكيت الرقم لهبة
لان قبل لا نوصل اهلها انطيتها رقمي كتلها كلشي يصير اتصلي بس من وصلت الموصل نسيت كلشي
تركت الموضوع وضليت كاعد وحدي فتحت دفتري وضليت اكتب لحد اخر شي صار وياي مانمت لان شابع نوم ثاني يوم نمت بـ 6 الصبح كعدت على دكت الباب بـ11
غسلت وطلعت
علي:اجيت
عمر :ديلا يلا عروس كوه يلا تطلع
علي:انجب حيوان
فتحت الباب اله دخل
عمر :بيتناااا
علي:اكل خرا بيته ابو الوصخ
عمر :انجب لك بيتك يعني بيتي وبيتي يعني بيتي
علي:خليني محترمك ما اريد اهينك شعندك جاييني
عمر :مشتاقلك وجهه الجوب
دخلنا للمطبخ
علي:اسمم ماي عدكم هيج ماي انتم
عمر :لا منين نشرب ويَ الطليان
علي:جيد
سويت كهوة وكعدنا
عمر :سويلي غدة
علي:اسويلك مرض كهوة اشرب وانجب وعندك حجي تريد تحجي شكو
عمر : تفهمني بس انتَ الوحيد
علي:احجي شكو
عمر :ليش ماترجع لهلك افهمني علي امك خطية والله قبل فترة شفتها شلون تعبانة وحتى ابوك متندم ليش ماترجع تعيش بين اهلك وناسك وديرتك كاعد هنا وحدك الى متى العمر يركض والدنيا صغيرةواحنه روحنا بچف ايدنا انسى الماضي وارجع
علي :عمر الماضي ماينسي انا ما راضي بهاي كعدتي بس صعبة مواقف هواي ماتنسي شغلات هواي صعب ارجع صعب
عمر : حاول روح شوف امك لخاطرها لخاطر جدك الجان يدافعلك اخوك اللي يكطع طريق شطولة ويجيك مو الا لخاطر ابوك تنازل مره وحدها
علي: اكو مواقف ماتنسي هيَ ما تخليني ارجع عمر حياتي هناك صعبة جانت ماكو موقف حلو يخليني انسى بسهولة وارجع ابوي كرهني بذيج المنطقه كلها
عمر : الك حق بس امك علي امك تعبانة على ساعة يصير بيها شي ذيج الساعة الندم مايفيدك والله
سكتت ما جاوبتة رجع كال
عمر :شنو هاي المواقف الخلتك هيج
علي :هواي كلش من ضمنهن هذا الشي ماراح انسى ذاك اليوم ابد
جنت راجع من امتحان وزاري اخر يوم وتعبان كلش عندي اخواني اصغر
مني امير واختي الاصغر ماعرف على شنو اتعاركوا كانوا صغار اختي الصغيرة كانت مدللة عند ابوي امير ضربها وطلع انا معليه رحت نمت
كعدت على ضربتة بالحزام مادري السالفه شنو او انا شمسوي حتى انضرب هيج ضربة
علي:يابه شكووو
مارد عليه ماعندة رد يعرف مالي ذنب تفل عليه وطلع انوب طلعت اغسل لكيتة واكف
ابو فهد :ماكو الله يخلصني منك
علي:شمسويلك حتى يخلصك مني
ابو فهد : اخوانك غير كله من وراك تعاركوا تعلموا منك
هههه تخيل وياي وين واصل يعني وشلون يريد بس حجة عليه سكتت عنه اجهه عليه ضل يغلط ويطلع سوالف مادري بيها تركته ودخلت الغرفة اجه وراي يحجي
علي: انا معليه انا مامجبور ابرر ولا كلشي يصير براسي اخواني تعاركوا انا شعليه شنو ذنبي تجي تصيح وتغلط عليه روحلهم حاجيهم
ابو فهد :انتَ العليك انتَ الصوج كله منك انتَ صاحب المصايب ماكو الله يخلصني منك
مليت طلعت خارج البيت وصوتة وراي يصيح ويغلط كرهتكم كرهت حياتي من ورا ،شنو من عيشة حرم عليه كلشي شوكت تنتهي مهزلة حياتي شوكت تنتهي الى متى اضل اتحمل
قاطع صفنتي ابن خالي فؤاد من كال
فؤاد:شبيك تصفن جنك ابو صابر
علي:اي جني ابوك
تركتة ورحت افتر بالشارع مدري وين رايح امشي بدون مادري بالي مو يمي تعبت من حياتي
جانت الدنيا المغرب ويريد يأذن جاي يصدق استوقفني صوت اخوي فهد جان نازل من الدوام
الشيخ :وين رايح دنيا المغرب
ابتسمت من شفتهه باوعت عليَ هوَ الوحيد اليفتهمني عرفني من عيوني تعبان كلي تعال وياي استوقفني صوت ابوي من كال مادري بيَ جان وراي
ابو فهد :الله لا يوفقك لا دنيا ولا اخره عساك ماشفت الراحة بعمرك
صدك أذاني كلامة وكان وقت مغرب ومن كال هيج صاح المؤذن الله اكبر ويَ الاذان وهيج وقت يكون الدعاء مستجاب هيج جانت ادكلي امي
هاي احد المواقف الماكدرت انسى كلامة بذيج الساعة وفعلًا استجاب الله دعائة ماشفت الراحة ابد
عمر : الله يساعدك بس
علي:هواي مواقف عمر هواي شتردون انسى من يضربني كدام اليسوا والمايسوا لو من يفضل فؤاد عليه ويطلعني جذاب ويضربني كدامهم لو من حط الشيش على چتفي خلاني اشوف الموت بعيوني لو من طلعني حرامي وخلاني اطلع من البيت بذاك البرد اليكص كص لو كلامة اليكسرني بيَ كل يوم عمر انا هم بشر والي طاقة تحمل محدودة مو دوم اتحمل واسكت
عمر :زين وامك
علي:شبيها امي
عمر : مو كتلك تعبانة
علي:ادري بيها تعبانة انا هم محتاجها هواي
عمر : زين روح اشوفك وارجع بس سلم عليها
علي:تتوقع اذا اروح تخليني ارجع وحدي
عمر : وتالي يعني الى متى هيج
علي:تالي الله كريم ماضل هيج كل ليل تالية شمس
ضل يمي عمر يومين وراح ورا فترة اندك الباب بس مو دكة تكسر تكسير
علي:مو جاي نكول اجينا داكين على باب طرشان وصمخ
فتحت الباب انصدمت جدي والشيخ وامير وياسر وعمي ابو شاهين واسيد وجاسر وابوي !
امير :وصمخ مو
علي: انجب انتَ تفضلوا
سلموا ودخلوا اخير شي دخل ابوي حيل متغير بشكل
ابو فهد :ادخل لو ما تستقبلني
علي:تفضل
مد ايدة للسلام مديت ايدي سحبني لحضنة وحضني ابد ما انطيت اييي ردة فعل ولا بادلتة ابتعدت عنه وكتلهم تفضلوا سديت الباب ودخلت وراهم
الجد :شلونك شلون عايش مامليت
علي:عايش حالي حال الناس من شنو امل
الجد :من الوحدة ما اشتاقيت لهلك واصحابك
علي:طبيعي تعودت
ابو شاهين :مالك نيه ترجع عمي
علي: لا
ابو فهد : جاي اعتذر منك
علي:شيفيد الاعتذار
ابو فهد :ارجع يبوية لخاطر امك التعبانة عليك بسك عاد مادري بيك هيج
علي:شتدري بيه ذليل واشبع دك واهانة وارجع عادي مو
ابو شاهين :لا تفتح دفاتر قديمة وخلي كلشي يرجع طبيعي صارلك هواي
علي:الدفاتر القديمة بعدهي ما مسدودة علمود ارجع افتحها
امير :ابوك جاي يعتذر منك وجدك وعمك شتريد بعد يبوس ايدك
علي:حجة المدلل منو كايلة تعال اعتذر مني
امير : لا اضل تحجي شيش بيش شتريد بالضبط اجاك حتى يتعذر منك
علي بعصبية:وشيفيد الاعتذار يكدر بعتذارة يخفي اثار الضرب الصارت بجسمي يكدر ينسيني الماضي يكدر يطيب جرح كلبي وذكريات الماضي تروح من راسي يكدر يرجع العشر سنين الراحت من عمري يكدر بهذا الاعتذار تكدر تخفي اثر الشيش الخليتة على چتفي وضحكتوا على دموعي
شيسوي الاعتذار فهمني شيسوي شنو راح يغير شنو راح يخلي وشنو راح يخفي عشر سنوات ليش هسه يلا اجيت وسئلت ليش ما دورت من زمان ليش مافكرت تتواصل قبل اول ما طلعت ورا سنة سنتين يمكن جنت اقتنع ارجع لو جايتني كلمة منك او اعتذار مثل ما جايني هسة
ابو فهد :دورت بس ما لكيتك
امير :راد يحجي علي نزف خشمة دم وطلع يغسل طلعوا ورا جاسر واسيد
ابو شاهين : لا حول ولا قوة الا بالله شيخ ما سمعنا صوتك
الشيخ : منتظركم تخلصون كل كلامكم.
رجع علي كعد
ابو فهد:لا تشلع كلبي اكثر تندمت والله بوية تندمت اجيتك من طريق طويل حتى اعتذرلك كافي عاد
علي:الندم مايفيد بشي
الجد :خلص بوية كوموا كلامنا مابيَ فايدة وجيتنا بس تعب النا ، لا قدرت جيتي ولا اعتذار ابوك ولا احترمتنا وسفة والله خليها براسك خاف بعد يومين يصير بيه شي لا توكف على تابوتي ولا توصل كبري لا انا ولا واحد من هلك
علي : كال هيج وطلعوا بقى يمي الشيخ
الشيخ : تستعدل لو شلون
علي: شتريد
الشيخ :شنو شريد شبيك انتَ جايلك من البصرة يتوسلون بيك ترجع وحضرتك ما مقتنع لان كبريائك وغرورك ما يسمحلك تنزل نفسك وترجع الى متى تبقى عايش وحدك ليش تصير اناني وتفكر بس نفسك ما فكرت بأمك بأبيبتك الجانت توكف بوجهه ابوك على مودك وجدك خواتك مايعرفنك بس بالصور
امك راح تموت عليك عشر سنوات هيَ تبچي عليك ابد ما تحس بهذا الشي من يصير بيها شي ذيج الساعة شدكول شوف لك صار عشر سنوات انا ساكتلك اقسم بالله الك سبوعين مو اكثر اذا ما ترجع ارجعك غصبًا على راسك بالطيب بالغصب ترجع وخلي كلامي براسك افتهمتت
ضربتة على راسة وطلعت لكيتهم واكفين برا ابوي كوه واكف على حيلة
الجد :ليش تأخرت شتحجي ويا مايفيد بعد ماجان هذا ضني بيَ
علي: لحظة
ابتسمت وكفت يم السيارة تقدم هوّ على جدي باسة براسة واعتذار منه
علي:انطوني كم يوم ارتب وضعي وارجع
امير :من البداية هيج الا تذلنا
علي:انثبر انتَ
الجد :هلا بيك يبوية هلا بيك
سلمنا عليَ وطلعنا للبصرة
الشيخ :هسه ارتاحيتوا
اسيد :انتَ من ضليت جوا شكتله
الشيخ :شربت ويا جاي وطلعت
الجد :هههه شما كتله الحمدلله من اقتنع
الشيخ :ها يابه عيونك تريد تبجي فرح حزن
ابو فهد :لا يابويه فرح والله انشلع كلبي
الشيخ :اسم الله على كلبك فتره ويرجع وينسي الماضي ان شاء الله وترجع الحياة طبيعية
وصلنا البصرة استقبلتنا امي بالباب
ام فهد :جا وين علي
الشيخ :چم يوم ويرجع يرتب وضعه
ورا يومين جنه كاعدين نتغدى دك التيلفون اسيد
...........
علي :بعد ما راحوا رجعت سمعت تيلفوني يدك نفس الرقم جاوبت اجاني صوت بنية
علي:منو
قمر : اني بنت عمة هبه
علي:أمر ؟
قمر :ميأمر عليك ضالم هبه قبل لا تتوفى وصتني انُ
علي:لحظة شنو قبل لا تتوفى
قمر :اي هبه توفت قتلوها
علي:شوكت
قمر :صار اكثر من شهر
علي:لا يا كواويد
قمر : كالت انُ انتَ اللي اطلع برائتها منهم تثبتلهم عكس تفكيرهم
علي:منو قتلها يعني اللي ذبحها
قمر : مازن ضربها طلقتين
علي:ماشي
سديت تيلفوني خبر صادم ابن النعال انا الك بدلت ملابسي وطلعت للمركز يومين جمعت معلومات مازن بالكامل رجعت خابرت البنية
علي:عيني منو جان موجود من انقتلت غيرج
قمر :اني واختها ومرت اخوي
علي:حلو اريد شخصين فقط يشهدون بهذا الشي
قمر :اي عادي نشهد زين وخالي
علي:شبي خالج
قمر : مانريده يتأذة
علي:كان موجود
قمر :لا
علي :زين عوفي خالج هسه اريد شخصين يشهدون وتسون نفسكم انُ ماتعرفون شي ابدًا
قمر :تمام
غلقت التيلفون وطلعت لبيت اهل مازن ما لكيتة اتجهت لبيت اهل هبه فتح الباب طفل صغير دخلت لجوا
علي: وين استااذ مازن
مازن :نعم تفضل
علي:زاد فضلك
تقدمت عليَ ضربتة راشدي وكتلهم اخذوا
ابو هبه :وين تاخذونا شمسوي
علي:ولا صوت لا اخذك ويا
انتبهت الحلوة واكفة على الدرج توجهت للمركز وبعد تحقيق وطيحة حظة طلعت بيَ ضيم الايام كلها طلعت غسلت ايدي ورجعت للمكتب اشتغل على قضيتة
ورا يومين خابرني امير بليل
صدمني من كال ... لحكايتنا باقية
....................
غلسوااا على السحكات باااي
شكرا لزيارتكم عالم روايات سكيرهوم
