رواية معشوقتي المجنونة الفصل العاشر 10 بقلم ابتسام محمود الصيري

دانيه تبلع ريقها بصعوبه : فادي

فادي يبص ليها بقرف و يمشي

دانيه لسه هتقوم شادي يمسك ايدها يقعدها

دانيه بخوف :  شادي ده فادي اللى بحبه

شادي بحزم : ايوه و المطلوب منى اركب ارايل و اسيبك تروحي وراه 

دانيه والدموع في عينها : بس هو فهم غلط 

شادي بهدوء : مادام فهم غلط اتصلي عليه دلوقتى يا اما تبعتى ماسدج ليه و تفهميه الصح، و عيب تكونى مع اخوكى وتقومي تجرى ورا راجل مش من صلبك

دانيه بدموع : تفتكر هيفهم 

شادي : الله  اعلم كل راجل يختلف عن التانى و كل راجل له طبعه

دانيه بعتت ماسدج بسرعه ل فادي 

حبيبي و الله ده ابن عمي و كنت بتكلم معه بخصوص اختى عايز يتجوزها بليز ماتزعلش منى و الله انت اللى في قلبي و بس 

فادي كان زي المجنون و مش عارف يتصرف ازاي عشان هو محذرها انها ماتكلمش اي شاب مهما كانت صلته بيها

فضلت تتصل 

فادي رد بحده : نعم

شادي اخد الفون منها : طب قول السلام عليكم

فادي بضيق يجز ع سنانه : خير عايز حاجه 

شادي بهزار : انا لا مش عايز ، حد قالك انى ع زمتك عشان تكلمنى كده 

فادي بحده : لخص و هات من الاخر

شادي : و الله طريقة كلامكم شبه بعض وفق و جمع كنت عايز أقولك انا دكتور شادي ابن عم دانيه و خطيب اختها و كنت بوضح ليها حاجه مش اكتر 

فادي : تمام وضحت و خلصت 

شادي : اه 

فادي : قولها تتفضل تروح البيت 

شادي : و انا مالى اتفضل معاك اهي قولها برحتك 

دانيه تاخد الفون و بخوف و صوت واطى : الو

شادي يتنح : ما انتى رقيقه اهو و بتعرفى تتكلمى زي الناس كنت فاكرك بترمى دبش و بس دانيه خبطته و مشيت بعيد 

شادي ضحك و مشي

دانيه لسه هتتكلم لقت اللى بيشد ايدها من وراها و تلف بوجع : اه 

فادي بعصبيه : اقسم بالله لو شفتك مع اي شاب تانى هقتله و اقتلك و اقتل نفسي بيس

دانيه تبتسم : بحبك

فادي نسى كل حاجه اول ما قالت بحبك قال بحب :  و انا بعشق امك

دانيه بفرحه : كنت عارفه انك عاقل و هتفهم و مش هتزعل منى 

فادي بنرفزه : طيب بس بقى عشان انا نفسي اولع فيكى ، مخنوق اووى منك

دانيه ، حبيبي ابن عمي و بيقولى عايزك في موضوع اقوله لا

فادي بعصبيه : لا ازاي انا اللى اولع و اتفلق و اشوفك عادي كده مع شاب

دانيه بدلع : طيب كنت هقوله ايه

فادي قرب منها : تقوليله مجنوني بيغير لاقصي حد 

دانيه تبعد عنه : و انا بعشق جنانك  (فونها يرن ) دي نايا 

فادي : سيبك منها

دانيه : لا حرام( و ردت عليها) ايه اللى مصحيكى بدرى

نايا : عيزاكى ضرورى 

دانيه : فيه ايه قلقتينى

نايا : انتى فين 

دانيه : مع فادي تعالى

فادي بيشاور : لا متخليهاش تيجى

نايا بصوت فيه دموع : انا زهقانه و مخنوقه اووى مش عايزه فادي يشوفنى كده

دانيه بعدت عن فادي : نايا فيه ايه ؟

نايا تمسح دموعها : لما يمشى فادي كلمينى 

دانيه : بطلي هبل و تعالى

فادي راح عند دانيه و شد الفون منها و لسه هيتكلم بهزارسمع نايا بتعيط عياط هستيرى : دانيه انا بحبه اووى و مش قادره ابعد عنه و خايفه يكون مش بيحبنى و ولا في دماغه

فادي رجع الفون تانى ل دانيه 

و شاورله انها تخليها تيجى 

دانيه : نايا الفون وقع منى ماسمعتكيش انتى لو ماجتيش دلوقتى هجيلك انا 

نايا : انتى فين ؟

دانيه : في ميراج

نايا : ربع ساعه و اكون عندك 

دانيه و فادي فضلو يحبو في بعض لحد ما وصلت نايا

نايا قعدت بهدوء بعكس طبيعتها الشقيه : ازيكم 

فادي : لا تتحسدى ايه الهدوء ده اول مره توصلى مكان و يفضل هادى زي ماهو

نايا بصوت هادى : فادي معلش انا مخنوقه شويه و مش عايزه اتكلم

فادي بجديه : بتحبيه

نايا تنحت : ايه 

فادي : بتحبيه

نايا باحراج : هو مين ده؟!

فادي : انتى عارفه هو مين

نايا عنيها تدمع : بموت فيه

فادي بضحك : ع فكره هو اتصل بيا امبارح و سأل عليكى و هو كظابط قوات خاصه فضل يسأل اسئله غير مباشره فاكرنى اهبل مش تلميذه

نايا بفرح : بجد يا فادي و كان بيسأل عن ايه

فادي : بما انه شافك معايا فضل يقولى انت تعرفها من فين و هي مرتبطه و حاجات كده 

نايا فرحت اووى : بص انا كلمته امبارح ع اساس انه دانيه و لقيته جه في النفس المكان اللى قلتله عليه و بليل بقوله معناه ايه تكون في النفس المكان يقولى نفس اللى خلاكى تكلمينى ع اساس اني صاحبتك و بعد ما انكرت و قولت بالغلط قالي افتكري انى رديت ع سؤالك

فادي بضحك : لا و انتى ناصحه بتصيعى ع كابتن مهيمن 

نايا : اعمل ايه بقى يقطع الحب و سنينه 

فادي : الواد عمرو اهو

دانيه : هار اسوح هو مافيش غير ام الكافيه ده في اسكندريه 

فادي : جاي علينا اهدي كده و خليكى رقيقه شويه

نايا بخوف : يارب استر 

عمرو : فادي حبيبي (و سلم عليه)

و بص ع نايا و دانيه

فادي مسك وشه : خطيبتى و اختها

عمرو : اهلا و سهلا بيكم و بيبص ع نايا 

هو عرف من نفسه ان دانيه هي اللى خطيبته عشان هي اللى كانت قاعده جنبه و دي اختها

عمرو : انتو اخوات نضال صح

فادي بتوتر : اه 

عمرو يبص ل نايا : انتى شبه اخوكى اووى بس طبعا في فرق انك بنوته رقيقه

نايا : ميرسي

عمرو : امال فين نضال 

نايا بصوت رقيق : كان هنا لسه ماشي عنده مشوار

عمرو : طيب اسيبكم و اكيد هيكون بينا قاعده تانيه

فادي : اتفضل 

نايا اخدت نفس طويل : الواد ده مش بطيقه خالص 

فادي بضحك : ده انتو بغبغنات قصاد بعض

نايا : سيبك منه دلوقتى اعمل ايه مع ....

فون نايا يرن و تبص للفون و تكمل كلامها مع م م م مهيمن بيتصل عااااا بيتصل بيتصل

فادي بجديه : اوعي تردى عليه 

نايا زقته و قامت : الو 

مهيمن مش عارف يقول ايه و يمسح شعره : صباح الخير

نايا بفرحه و باين ع صوتها : صباح النور

مهيمن بجديه : انا بتصل ع نضال فونه مقفول لو جنبك لوسمحتى اكلمه

نايا تبص للفون بغيظ وتلاقيه بجد مقفول و تقول بخبث : امم طيب انا مش معاه ، انا في كافيه ميراج اللى ع البحر ع طول 

مهيمن بأبتسامه : قولتيلى بقى الدور الكام

نايا بفرحه : التاني 

مهيمن : تمام سلام 

نايا : سلام

فادي و دانيه بيضحكو عليهم

نايا تشاور ع الفون : تفتكرو هيجى 

فادي بضحك : ده انتى مجنونه

دانيه بضحك: دي استنجرلينه خالص

نايا : طيب يالا هش من هنا عشان لو جه مايشوفش اشكالكم هش هش 

فادي مسك ايد دانيه : تعالى نخلع احنا 

بعد ربع ساعه 

مهيمن يقرب ع الترابيزه و يشد كرسي و يقعد يقلع نضارة الشمس و يقول باستغراب : نايا

نايا بتمثل الاستغراب : ايه ضااااه كابتن مهيمن

مهيمن بابتسامه : صدفه مش متوقعه 

نايا بلا مباله : اخر حاجه كنت اتوقعها انى اشوفك

مهيمن يرفع حاجبه اليمين : بس ايه رأيك في المفاجأه دي

نايا بفرحه : تحفه ا ا ا روعه اقصد اموت في المفاجأت ا ا 

مهيمن ماسك ايدها : انا شايف انك تسكتى احسن عشان كل شويه بتورطى نفسك اكتر و بتكشفى نفسك اووى 

نايا وشها احمر من مسكت ايده و من كلامه 

مهيمن ساب ايدها : ايه

نايا بكسوف : ايه 

مهيمن  بحب : وحشتينى

نايا قامت وقفت مش مصدقه ودانها : ايه قلت ايه ثانيه كده ممكن ميغماش عليا و وقعت ع الكرسي

مهيمن اتخض و قام جنبها : نايا نايا

نايا بصوت واطى : انا دايخه مش قادره انت قلت  انا وحشتك 

مهيمن : انتى مجنونه خضتينى

نايا تقوم بهزار و ضحك : خضيتك لا متقولش كده و ركبته الهوا لقته اسد واقف 

مهيمن يضم حواجبه ع بعض : لا انتى مش مجنونه بس ده انتى هبله كمان 

نايا : انت عايزنى اسمع منك كلمة وحشتينى و متهبلش انت اكيد بتهزر

مهيمن بيكلم نفسه : ايه اللى عملته في نفسي ده دي طلعت مجنونه

نايا : حياتى بتقول حاجه 

مهيمن يحمحم : لا مش بقول  

نايا بجرأه تبصله : بحبك 

مهيمن اتصدم من جرأتها و رجع بضهرو

نايا تمثل الزعل : ايه مش بت .. (تسكت و متكملش كلامها )

مهيمن : بت ايه 

نايا : اصل مش قادره اكملها . مهيمن انا بحبك عندك نفس الشعور

مهيمن ابتسم بحزن : نايا انا عندى وجع كبير جوايا 

نايا : ممكن اعرفه

مهيمن : شغلى صعب اووى و اكيد انتى تعرفي كده من اخوكى

نايا : انا اعرف ان شغلكم صعب بس ايه علاقته انك تحب

مهيمن يسكت دقيقه / ..... الكلام اللى هقوله دلوقتى صعب اووى لو قلبك جامد قوليلى قول لو ضعيف يبقى انسى انك شوفتينى 

نايا بثقه : اتفضل قول 

مهيمن ل اول مره يتكلم مع حد و يقول بحزن :  لما اختى تغتصبت عشان قضيه انا ماسكها يبقى يخلينى افكر الف مره انى ادخل ست تانى في حياتى 

نايا بصدمه : اختك 

مهيمن بوجع في قلبه : اه ، و مع ذلك دخلت واحده تانية و امي كانت السبب هي اللى خلتنى اتجوز و اتجوزت وعينه دمعت و لف وشه حط ايده ع عينه

نايا بصدمه : اوعي تقول اغتصبوها هي كمان

مهيمن مسح وشه : لا بس ( مقدرش يكمل كلامه  حط ايده ع وشه و فضل ساكت)

نايا بحنيه : ممكن تهدا

مهيمن اتكلم بقهر و شايف كل حاجه قدام عينه زي ما يكون لسه حالا

فلاش باك

حنان : يابنى حرام عليك مراتك سايبها طول النهار و الليل و انت في الشغل

مهيمن : معلش يا امى هي زعلانه؟

حنان : هي عمرها ما اشتكت ابدا

مهيمن : انا فعلا مقصر معاها هحاول اخد بكره اجازه و افسحها

و فعلا اخدت اجازه و اخدها ع مركب في العين السخنه 

(دينا كانت طيبه اووى و بتحب مهيمن و بتفرح اووى مجرد انها تشوفه مرتاح و فرحان ماكنش يفرق معاها اي حاجه غير سعادة مهيمن)

و اكيد مهيمن كان حاسس بكل ده بس ماكنش حبها الحب كان مجرد تعود و انها مراته 

و هما في البحر ضحك و هزار و فجأه لقى كذا لنش حاوط اللنش بتاعهم و طلعو ع اللنش ، مهيمن من طبعه لما يكون معاه بنت ما بيضربش و بيحاول ينفذ كل اوامر اللى قدامه حتى لو كلفه حياته اهم شي ان ماحدش يلمس البنت اللى معاه

مهيمن يبص ليها و يمسك وشها : مش عايزك تخافي  

دينا : حبيبي طول ما انا معاك مش بخاف حتى لو مت يبقى كفايه عليا اموت و انا في حضنك 

مهيمن اخدها ورا ضهره : ممكن تهدو و اي كلام يبقى بينى و بينكم

السنوسي : اه بينى و بينك و لما خسرتنى اكبر صفقه 

مهيمن : ده كان شغلى و بعمله 

السنوسي : انت عملت شغلك و انا برده هعمل شغلي يارب بقى حد يعمل شغله و يلحقك

مهيمن : انت عايز ايه هات من الاخر

السنوسي : حياتك 

مهيمن : وانا موافق بس مراتى تروح معززه مكرمه

السنوسي بضحك استفزاز 

مهيمن بص في عنيها و بصوت واطى : دينا انا هخليهم يمشوكى اوعي تقولى لا

دينا بصوت عالى و عياط : لا مش هسيبك تموت و جريت عند الراجل بالله عليك ماتإذهوش 

مهيمن اضايق جدا راح عندها و شدها : بقولك اسكتى لو بتحبينى اسكتى و قعدها ع الكنبه وراح لحد عندهم انا تحت امركم 

السنوسي كان ماسك مطوه و كان بيمشيها ع وشه : علقوه

مهيمن بقلق عليها : موافق بس مراتى تركب لانش و تمشي من هنا غير كده هقاوم و اكيد انت تعرف مين مهيمن كويس

اربع شباب مسكو مهيمن 

مهيمن يبص عليها و قلبه بيدق جامد : انا هنفذ وعدى لما مراتى تركب اللنش و ياريت انت كمان تنفذ وعدك تركبها لنش دلوقتى و تخليها تمشي 

السنوسي : ما تقلقش .. من جهة هتمشى هتمشى المهم اخلص منك انت الاول 

مهيمن : بس انا كده حاسس بغدر سيبها تمشى و خلينا رجاله قصاد بعض

السنوسي بمكر الذئب : ركبوها لانش (دينا كانت بتصوت وماسكه جامد في مهيمن) 

مهيمن وعينه فيها الدموع : عشان خاطري امشي

دينا : لاااااااا مش هسيبك

واحد جه من ورا مهيمن و ضربه ع دماغه وقعه 

السنوسي :  اي مقاومه منك هتقرا ع الاموره الفاتحه (قبل ما تغرب )

مهيمن كان شبه فقد الوعي مش قادر يتحرك ربطوه بسرعه  فضل يبصلها

(علقو مهيمن من رجله و بقت راسه تحت ربطو ايده في طوبه كبيره ورا ضهره و فضلو ينزله )

دينا بصويت / لا ااااااااااااا مسكها اتنين 

مهيمن اول ما شاف الشباب مسكوها اتجن و فضل يفرفص 

السنوسي بضحك : متحاولش مش هتفلت المرادي . و صحيح نسيت اقولك انى عيل هاتو الاموره قلعها الحجاب 

مهيمن بعصبيه : يا ابن الكلب يا واطى شيل ايدك ، انت عايز منها ايه مش المهم انك تخلص منى انا سيبها بقولك .. و دينى لو لمستها هندمك و فضل يفرفص اكتر 

السنوسي مسكها من شعرها وبص ل مهيمن و يقول :  للاسف ماليش في الستات  (وبص ل دينا) مش ناويه تتشاهدى يا اموره

دينا بخوف و تبعد عينها من ع مهيمن : اشهد ان لا اله الا الله اشهد ان محمدا رسول الله

الراجل ضرب السكينه في رقبتها  طير راسها

مهيمن بهستريه : لاااااااااااااااا يا ابن الكلب و دينى لهخليك تشوف نار جهنم ع الارض و تتمنى اضربك ب الرصاص زي كلاب الشوارع عشان تترحم من اللى هتشوفه ع ايدي

السنوسي بضحك : البقاء لله فيها و فيك يالا يا رجاله و سيبوه يحلم و ينزل واحده واحده ع مهله

مهيمن اخد نفسه و حاول يفك كل الرباط اللى عليه لكن مش عارف راسه نزلت المايه و كان بيحاول لمدة خمس دقايق لحد ما فك ايده و فك بعد كده جسمه و طلع زي المجنون و بدموع : دينا مش هسيب حقك و الله لاخليهم يتمنو الموت بدل المره الف مره

بااااك

مهيمن كان بيحكى ل نايا و كان المنظر قدامه زي ما يكون من دقيقه و عينه دمعت و بص الناحيه التانيه

نايا بحزن : مهيمن سورى انى فكرتك و فضلت مش عارفه تعمل ايه لحد ما قامت و قعدت بركبه و نص جنبه ع الارض و فضلت تحسس ع وشه

مهيمن فاق زي ما يكون كان متبنج و اللى فوقه ايد نايا لما لمست وشه 

مهيمن اخد مناديل و مسح وشه و بص للسماء

نايا كانت لسه قاعده جنبه ع الارض

مهيمن : لسه عندك استعداد ترتبطى بواحد زيى

نايا بمشاكسه : اه عندى و بحبك و متقلقش عليا ده انا اسد محدش يقدر عليا ، الناس تتفرج عليا من بعيد لبعيد بس تخاف تقرب منى اه انا شكلى كيوت و هلهطه بس اوعي ‏يغرك ده انا لبط من جوه يعنى من الاخر مايغركش النضافه دي انا معفنه اصلا

مهيمن ابتسم : انتى ازاي بتتكلمى كتير كده و تدخلى كذا موضوع في بعض بحس انتى و نضال زي بعض كرم يختلف شويه

نايا اول ما جت سيرة نضال اتوترت / لا كرم زينا بس هو قدام الناس عامل فيها دكتور ، الدكتور اللى جواه بيسيطر عليه اما نضال ده توأمى احنا زي بعض في كل حاجه 

مهيمن بضحك : كلكم في الاصل حاجه تانى خالص زي نضال يبان عليه مايعرفش يشيل ترابيزه بس لما بيكون جوه المشكله بلاقي تصرف تانى خالص منه بيفاجأني و ممكن ذكاءه ده اللى خلانى ابلعه مع انى اول ما شوفته ماطقتهوش و كان معاه اخت تانى غيرك حاستها ارجل منه في الشكل 

نايا بتوتر : المهم بتطيقه دلوقتى 

مهيمن بأبتسامه : هقولك ع حاجه ، تصدقى لو قولتلك هو الوحيد اللى رجع ليا الضحكة تانى ل قلبي

نايا بفرح : عقبالى ما ارجعها ليك انا كمان  مهيمن : انتو شبه بعض اووى 

نايا بتوتر و خوف : ما توينز بقى

مهيمن : تعرفي انا عمرى ما حبيت في حياتى خالص

نايا بعدم تصديق : ولا حب مراهقه

مهيمن : و الله ابدا طول عمرى بحلم ببنت هي دي اللى بتمنى تكون حبيبتى و  انتى ع فكره البنت دي بس مع فرق لون العين

نايا بهزار : لا كده هغير و عنيها لونها ايه

مهيمن بحب  لا متغيريش عشان انتى خطفتينى و خلتينى انساها 

نايا : بليز بليز بليز عينها كان لونها ايه

مهيمن : عسلي

نايا : زي عين نضال

مهيمن : بالظبط

نايا بفرحه : من بكره الصبح هشيلك عينه و اخدها انا 

مهيمن بضحك : مش اوى كده ، خلاص انا حبيتك كده و هحاول انسي موضوع العين

نايا : لا متنساش و خليك عايش مع احلامك وسعلى كده امشي

مهيمن : خلاص اعتبرينى نسيتها

نايا قربت منه اووى و بحده : اياك تفكر مجرد التفكير في اي انثى غيرى انا بحذرك

مهيمن ابتسم : اعتبره تهديد

نايا : زي ما تحب بس لو لمحتك بتبص لغيرى يا ويلك منى

مهيمن ضحك بصوت

نايا : يا لهوووى ع ضحكتك ، ضحكتك حلوه اووى ممكن بقى بقى بقى حبيبي يضحك ع طول

مهيمن : طول ما انتى هنا ( وشاور ع قلبه ) ضحكتى مش هتفارق شافيفي

نايا بصوت عالى : قلبي يا ناس

مهيمن : الناس هتسمعك

نايا بثقه : ع فكره انا مابتكسفش بيقولو عليا مجنونه واللى عايزاه بعمله ف متشغلش بالك بالناس و كمان ممكن اروح ل كل واحد اقوله انا بحب مهيمن

مهيمن ابتسم بمكر : لا مش مصدق

نايا بصتله اووى و رفعت حواجبها و بثقه تقوم تسقف و تقول : بعد اذنكم هاخد دقيقه من واقتكم انا بحب مهيمن و عايزكم تقولوله نايا بتحبك يا مهيمن 

كل الناس سقفو و صفرو و قالو : نايا بتحبك يا مهيمن

نايا تبتسم ليهم : ميرسي ليكم و تقعد

مهيمن بأبتسامه و يحط ايده ورا شعره : مجنونة ربنا يخليكى ليا ويبعد عنك كل اذي

************

عند دانيه

توصل البيت 

دانيه بفرحه : فريده فريده فريده

فريده : ايه فيه ايه ! مالك بتندهي عليا في صحرا؟

دانيه تمسك ايدها و تفضل تلف : عندى ليكى مفاجأه 

فريده : قولى بسرعه 

دانيه : شادي عايز يخطبك

فريده تقف و تمسك راسها : راسي بتلف ولا اللى سمعته ده صح 

دانيه بفرحه : صح الصح

فريده بفرحه : انا هيجرالى حاجه مش معقول اخيرا هتجوز

دانيه بضيق : انتى ليه محسسانى ان عندك ٥٠ سنه و انك بايره .. و غير كده انا قولت هيخطبك مش هيتجوزك

فريده : ايوه هيخطبنى يعنى بعد وقت من الزمن هيتجوزنى هيييح بقى و هتجوز

تليفون الارضى يرن

سوسن : بنات حد يرد

دانيه و انا مالى اكيد مش ليا ارد ليه

فريده : ولا ليا انا كمان ماليش فيه

سوسن في المطبخ : انتى يا زفته و انتى يا نيله محدش بيرد ليه

دانيه : روحي ردى 

فريده بضيق : يوووه هو مافيش غير النيله في البيت (و ترفع الفون و بعصبيه)

الو ها مين اكيد عايزه ماما ، ماما مشغوله في المطبخ اقفلى و هتبقى تتصل بيكى بعدين و قفلت الفون

سوسن : مين اللى كان بيتصل

فريده بضيق :  اكيد حد من صحباتك و عايزه تلك معاكى ما هما يخلصو اللى وراهم و يتصلو يعطلوكي كده عادي 

سوسن : و الله اخلص و هطلع اقطعلك لسانك ده 

فريده تضرب رجلها في الارض زي الاطفال و تكلم نفسها : كل حاجه يا نيله يا نيله هو مافيش غير النيله و في الاخر اتهز و اتضرب بردو 

الفون يرن تانى

سوسن بعصبيه : يا نيله شوفى مين 

فريده : انتى مخلفانى عشان اكون سكرتيرتك يوووه و انا مالى ما هو مش ليا ارد ليه هستفاد ايه لما ارد و اندهك بعد كده عشان تردى ما تعالى ردي و خلصينى بقى اوووف

سوسن تطلع الصاله و ايدها كلها صابون : و الله لو متعدلتيش هقطعك النهارده

فريده بنرفزه : و ع ايه ( و رفعت السماعه بغيظ ) الو 

...بضحك : هتفضلي تتكلمى كتير و تقفلى السكه تانى حتى من غير ما تعرفي انا مين

فريده لسانها اتعقد و تقول بصوت متقطع : ش ش ش

شادي : بالظبط كده شادي

فريده باحراج : سورى بس بفتكرك حد من اصحاب ماما

شادي : I'm so glad to hear your voice

شادي : انا سعيد ان سمعت صوتك

فريده / I am more glad than you

فريده : انا اسعد

شادي : تبقى تقولى ل طنط احنا هنيجى نزوركم النهارده بليل

فريده : تنورو في اي وقت

و بتحط الفون و هي سرحانه

سوسن تقرب منها : انتى يا نيله بنده عليكى مش بتردى ليه

فريده بخضه : الله يا ماما فيه ايه مش بتكلم في التليفون هرد ع مين ولا مين انا ارحموني يرحمكم من في السماء و تمشى

سوسن تمسكها من قفاها : بت مين كان ع التليفون

فريده بهيام تانى و تتكلم ب مياصه : ده شااادي 

سوسن : مين ده

فريده بنفس العيام : : ابن انكل على

سوسن بصوت عالى : بت انتى انا هشحت منك الكلام يعنى عايز ايه

فريده تتخض : الله بقى انتى مالك و مالى النهارده بتخضينى ليه حرام عليكى ماكنتى رديتى و عرفتي كل حاجه الله

سوسن تخبطها في كتفها : عايز ايه يا نيله

فريده تمسك ايدها بوجع : بيقول انه هيجى الساعه ٨ عايز يتكلم معاكى  خلصتى التحقيق ممكن امشى

سوسن : غوري

***********

عند فوزى في الشركه

فوزى جاله جواب ان اتسحب من حساب رنا ١٠٠ الف جنيه ( قال باستغراب ) مش معقول تسحب المبلغ ده كله ، دي اكيد دماغها اتلحست و اللى انا عامل حسابه طلع صح و يتصل ع رنا و متردش اتصل ع ويزو

ويزو : بابا عامل ايه

فوزى بعصبيه : زي الزفت تعرفى اختك فين

ويزو بتوتر : اه 

فوزى بحده : ادينى العنوان بسرعه

ويزو بقلق : بابا فيه ايه انا اول مره اشوفك عصبي كده

فوزى : هاتى العنوان بسرعه و طلع ورقه و قلم

ويزو بخوف : العنوان ... عمارتنا القديمه

فوزى بعصبيه : كمان مقعداه في بيتنا دي اتلحست فعلا و انتى يا هانم تعرفى و مابتقوليش

ويزو بقلق ع باباها : بابا عشان خاطرى اهدى انا هستنى حضرتك هناك 

فوزي قفل ونزل و دمه كان بيغلي زي البركان

 الفصل الحادى عشر من هنا