رواية اغفري لي الفصل الثاني عشر بقلم أوتار حزينة
طبيت بيتنا سديت الباب وسندت
روحي علي دموعي نزلت والقوه هم راحت
بس صرت وحدي سمعته حرك
نزلت راسي وكلت
«،،،روح اعرف شسويت بروحك وبيه
مشيت بخطوات ثگيله ابجي بخنگه طبيت
للمطبخ بابا وماما كاعدين
يباوعون للتلفزيون
«،،،،هاا ااجيتي اا
بابا سكت وفز من شاف وضعي
«،،،،هاي شبيج
ماما هم كامت بسرعه واجت عليه
انهاريت وكلت بشهكه
«،،،،راح يعرف
«،،،منوو
بابا سأل ماما صاحت
«،،،هم اجه عليج
«،،،ولجن منوو ماتحجن
«،،،قااائد
ماما جاوبته صفن عليها وبعدين
علي غطيت وجهي بايدي اشهك بصوت
قوي والصار بذاك اليوم يدك
براسي بقوه صاح
بغضب
«،،وهذااا شعنده جااي عليج وليييش
ماحجيتن ماكلتن هو رجع
سوالج شي ااحجي
اانطقي
هزيت راسي بلاااا ماما سالت
«،،،حجيتي اله الصار
لاا كتله روح اسأل اخوتك
بابا جان يروح ويجي يمنا الوجه صار
دم والغضب ترس ملامحه اعرفه
بشنو يفكر كلت
«،،،ااسفه بابا من ورا خنت ثقتك
مارد وراح كعد ماما ردت
«،،،ابوج سامحج من زمان وكافي الصار بيج بذاك
اليوم
«،،،هالسالفه ماعااااد تنسد
صاح وكمل
«،،،ليش اجه وباي عين وولك باي عين
اجيت وانت فضحت بنتي
ووخل
سكت وكمل بملامح مطعونه وهو يباوع
عليه ردد
«،،،غلطتي بابا بحقي وبحق نفسج
«،،،كافي فاروق لايروح يصير بيها شي
ماما حجت بخوف وكملت
«،،هسه عاد راح تعلك من صدك وشوفه
شراح يسوي
«،،،شيريد يسوي خلي يسوي طبهم الف طوب
من بيت اخوج لخواتج كلهم
حشى بيت رباب
جاوبه بغضب وكمل
«،،،وهذا ااني اعرف شغلي ويا خلي بعد
يندك بيج شلون مااشوفه شي
مو صاير
سحبت روحي من ماما كامت وياي
كالت بخوف
«،،،وين رايحه
«،،اغسل وجهي
جاوبتها بتعب مشيت للصاله بعدني
قريبه حجت وهي تبجي
«،،فاروق خايفه لا هم تسوي بروحها شي
من وراه
«،،،خلي عيونج عليها واني اعرف اتصرف
ويا
صعدت اجر برجلي رحت للغرفه طبيت
سديت الباب وايد جرتني بقوه،،،لذاك اليوم
اسمع صراخي وتوسلي بي مايروح ويعوفني يصدك اني ضحيه وانلعب علي من مهند
بس هو صدك وباع وخلاني وحدي
اواجه غضب بابا وكلام
الناس
بين ايد ماما تمسح بالدم من وجهي
اسمع بابا يفشر عليه ويغلط
اردد بشهكه
«،،،جنت عبالي قائد ورحت اله صوت ذاك
نفس صوته وعبالي هو والله
ماعرفته
«،،،وولج واذااا صخام شلون تروحين
تحظني شلون تسوين هيج
ماجان عندي قوه احجي او ادافع عن نفسي
ردته هو يجي ويفهم اني رحت
لحظنه مو حظن مهند
بس شاحجي وشلون اكدر احجي
هالشي بحالتين اني صرت وحده ساقطه
بنظر بابا
ماما عافتني وراحت علي لان
فقد وكام يكسر بالغراض
ردت جهازي حتى اتصل علي بس
ماجان عندي قوه اتحرك ممده بالغرفه الجوة
اسمع كلام من بابا اول مرة
اسمعه
الدنيا احترگت من ورة الصار وخالي اجه ثاني
يوم الصبح يخطبني لمهند حتى يسد الحلوك
عرفتها لعبه منهم وماما هم
اسمع صياح بابا
«،،،،االمن اانطي لهذا اابنك الي جان يلعب
وياها من ورة ظهري والله
اخلي طلقه براسها
ومااانطيها اله
خالي كام يخربط بگلامه ويا
وذكر الماضي وبابا طرده من بيتنا ماما
تروح وتجي وتردد بغضب
ودموع
«،،بحظي وبختي مسوين لعبه عليكم حتى
قائد يعوفج وهذا يجي
ياخذج بحجه الستر
الباب انهجم علينا اسمع بابا يصيح
«،،،وولج سااقطه داايحه صخمتي وجهي
بين الناس وخليتي اليسوه والمايسوه
يحجي بشرفي
ماما وكفت يم الباب خايفه لايكسره
ويطب عليه ويذبحني
سمعته كسر شي فتحته طلعت قفلت
من بره
جنت اريد اموت من السواه بيه قائد
بس كلت حقه انطيته عذر اي
هو شافني بحظنه وهالشي
خبله لازم احجي
ويا اگله اني جنت عبالي انت اكيد
راح يسمعني اي هو مستحيل
يصدك اني اكدر اخونه
مافكرت بروحي جنت افكر بي
كمت دورت جهازي مالگيته بس جهاز
ماما جان موجود خابرته
يدك مايجاوب رجعت
اتصلت جاوب وسمعت من عنده
كلام بجى عيوني دم
ماصدگت بي من كال راح اعوفج
واسافر عبالي من زعله مني
هيج حجه بس بعدين
عرفت هو سواها
وسافر
يومين لا اكل طب بطني ولا
مي صافنه على نقطه محدده بالحايط
واهز بروحي
بابا ماسكت لان الفضيحه صارت
بحلوك الگرايب وهم ماقصرو
نشروها بين الناس
اسمعه يغلط عليه ويفشر ويدعي بالموت
واني اردد بگلبي مثل المخبله
عافني وراح سواها بعد ماا فضحني وخلاني
بحلوك الشمات
جنت اكول لا هسه يجي يصلح كلشي
لان اني ماعندي غيره اي ماراح
اهون علي هو يحبني گلي
اموت اذا مااخذج
لعد ليش مااجه لحد هسه شنو معقوله
صدك بالشافته عيونه
مو هو يعرف مهند وحذرني منه اكثر من
مره
زين اني شلون اكدر اعيش وهو بعد ماكو بحياتي
شلون اكدر بعد اوجه الناس وهو
فضحني بينهم
الله يموتج يااعار ويخلصني منج
سمعت صراخ بابا والموت شفته راحه
اليه كمت ورحت للميز اردد
مثل الوحده التهذي
مو راح وعافني اني بعد شأسوي بحياتي
شأسوي بيها وعيوني بعد ماتشوفه
فتحت الجراره طلعت شفره موس
صفنت عليها بگلب مات وروح تريد بس
تطلع حتى ترتاح
رجعت ليوره اسمع صوته باذني واشوفه
يضحك اليه ابتسمت بس بوجع
وقهر
مو كلت مااعوفج مو كلت للموت اني
وياج ليش قائد ليش بعت ليش
خليتني وراك وانت تعرف
اني مااكدر اعيش
بدونك
انت رحت للموت واني هم راح اروح بس
اكلك ماامبري الذمه لا انت ولا
السوه بيه هيج
ماخفت من عذاب ربي ولا فكرت
اني راح اموت كافره ردت اخلص من العذاب
الي خلاني بي ومن كلام الناس
وصوت بابا الي ماسكت
جريت الشفره على ايدي وجرحتها
اكثر من جرح شفت دمي
ينقط بالگاع وزاد
ظليت واكفه بمكاني انتظر الموت واسمع
بابا يدعي عليه بي
وره لحظات حسيت راسي ثگل وزاد
الدم وترس هدومي والگاع
غمضت اردد اسمه
وكعت ليوره وبعد مااعرف بعد شصار
مقداد
اروح واجي بيت اهلي الكل يمي ابويه
امي احمد اردد
«،،،،شراح اگله ياربي وشلون راح اخلي
عيوني بعيونه وذيج الساقطه جانت هي
اساس كلشي صار بي
«،،،مااعرف وخايف منه ومن ردة فعله
احمد جاوب امي حجت بخوف
«،،،يمه لاحد يحجيله الصار خايف لايروح
ويصخم هذا العار
«،،،هاا يمه بعدج تخافين علي وهو السبب
بالصار باخويه
انهديت بيها جاوبت تبجي
«،،،مو خايفه علي خلي يولي هو واخويه الي
حرموني من ابني خمس سنوات اني خايفه
على اخوكم لا يقتله ويروح للسجن
كعدت اهز برجلي متوتر ومااعرف شراح
احجي اله مرتي كالت
«،،مقداد فهموه بهداوه اكيد يعني هو هسه
نساها وعاش حياته يعني خمس
سنين مرت مو معقوله ظل
لحد هسه يحبها
هزيت راسي بلاا وجاوبتها بقهر
«،،،ولج المن ينسى انتي ما شفتي من رحنا
اله صح متغير وصاير غير واحد
بس گلبه بعده مو ناسيها
ولا عقله
باوعت لاحمد وكملت
«،،،ااحجي يول گول شلون جان يحجي ويانا
اني وياك ومن فگيت موضوعه هو
وياها شلون انهد بيك
احمد رد
«،،،،اي مبين ماكدر ينساها وبعده عايشه
بگلبه والله اليستر منه ومن ردة فعل
اذا عرف هاي جانت لعبه
حتى يفرقهم وياخذها
ذاك الگواد
مرة احمد نهله سالت
«،،،هسه شلون اذا اجه شراح تحجون
ويا
«،،،،مدري ولكم مااعرف شراح يصير
وخايف منه
حجيت هيج واتذكرت الصار بيها من وراه
نتصل علي خطه مغلق الدنيا احتركت
عدنا من وراه ومن وره السواه
بيت عم غانم ماجنا نعرف
الصار بس هو اجه
وشوفهم فديو
لمهند وليلى
بوضع مو
حلو
شلون وصل اله ومنو الي دزه كلت مهند لاا
مو معقوله يفضح روحه ويفضحها
زين منو صورهم وليش دزو
اله ومنو هذا الي سوه
هيج وشنو مصلحته
وهي مو تحب اخويه شنو طلعت تلعب عليه
مسويه علاقه ويا ووي مهند يعني
من صدك طلعت مثل مايگلون
ام ولد
امي حجت وهي تبجي
«،،،وولكم يمه الحكو اخوكم لا يروح من ايدينا
ابويه يروح ويجي للباب يرجع
يردد بخوف
«،،،،اخوكم راح اي بعد مايرجع هج من ورة
بنت فاروق الجانت تضحك علي
وعلى ابن جاسم
عيوني راحت لسهام واكفه ومبين عليها
التوتر شگيت بيها للحظه بس بس كلت لاا شلون
تفضح اخوها وهي تعرف قائد يجوز يقتله
زين هي تدري بعلاقتهم
سالتها
«،،،جنتي تدرين مهند عنده علاقه وي ليلى
«،،،ها لاا
ردت بارتباك صفنت عليها دارت وجهها ومشت
من يمنا امي كالت
«،،،،كتله يمه هاي تلعب عليك تريد تگضي
وكت براسك وهاي شوفو طلعت
تلعب علي وعلى ابن خالكم
شنحصل لو رايح گاتله
واخد يسكن الگبر
واللخ السجن وكله من وراها لهاي ام
الولد
الفجر طلعنا لبغداد رحنا للمطار گبل لان
نعرفه جان يريد يسافر لتركيا ومناك
يهاجر لاوربا
سألنا علي بالحجوزات مامسافر بعده
صار عدنا امل هو راح يرجع اتصلنا بي مغلق
ماعرفنا وين ندوره ولا وين نروح
ظلينا اني واحمد بغداد
وثاني يوم وهم رحنا
للمطار
جنت خايف لا سوه شي بروحه
لان عرفه شكد يحبها
لبنت خالتي ويموت
عليها
شفته شسوه من وراها ووكف كدام الكل
وعارك حتى امي وابويه حتى ياخذها
ردت اصدك هي ماعدها شي ويا بس
الكل شافها بحظنه
وهو يبوس بيها وهي حاظنته
رحنا لنفس المكان جان غير ولد
واكف سألنا ماقبل ينطي
معلومات توسلنا بي ومن شاف وضعي اني
واحمد دور بالحاسبه
وكال وره لحظات
«،،،قائد صالح علي
«،،،اي
جاوبته بخوف
«،،،سافر قبل ساعه لتركيا
«،،،مالحگنا علي
احمد كال بقهر
ردت اسافر وراه بس جوازي منتهي
ولازم اجدده رجعنا لبعقوبه القهر تارس
گلبنا وصلنا لبيت وبس سمعته
امي بي سافر صار عزيز
كامت تنوح وتبجي
«،،،اخوكم راح للبحر وراح
يموت بي
ماجان عندي اي كلام سفره والصار ضربوني
براسي خابرت ولد يسويلي الجواز بسرعه
حتى الحگه قبل لايروح للبحر
ونخسره
بنفس اليوم بليل اجاني اتصال من خالتي
تصيح وهي تبجي
«،،،ولك مقداد تعال علينا عمك تخبل وراح
يذبح ليلي ولكم الحكو عليه بعد
مااكدر اله
فزيت من مكاني وصحت
«،،،،جاي خاله جاااي
اخذت احمد ورحنا عليهم بسرعه وصلنا نزلت
اني ويا سمعت صراخها گلبي هبط
وكلت ذبحها
دفرت الباب اني واخوي وطبينا
نركض نسمع صراخه
هو وياها
ماانسى لحد هاي اللحظه شلون شفتها
ممده بالگاع بنص الدم،،،الوجه ابيض
بياض يخوف وخالتي
حاظنته وتصرخ
مفجوعه
«،،،ولكم بنتي راااحت من ايديه
عم فاروق واكع يمها يصرخ
«،،،بنتي ماتت
بسرعه شلتها وركضت بيها اصيح
«،،،ااحمد سياره ولك بسرعه
طلعت لشارع اسمع خالتي تصرخ ورايه
اخويه وكف سياره خليتها
ليوره وكعدت يمها
صحت بالسايق
«،،حرررك
وصلنا للمستشفى واخذوها من عدنا ميته
بس ،،،، كدروو يرجعوها للحياه
بمعجزه من ربي
اني واحمد،،،،كم ولد من اصدقائنا تبرعنا
الها بالدم بس طبت غيبوبه ثلاث
ايام هي بالانعاش
بس النفس
يصعد وينزل عم فاروق كاعد بالگاع
گبال الغرفه الي هي بيها
خالتي ملخ وجهها وتبجي
وتدعي على اخويه والسوه بيها هيج
اسمعها تصيح
«،،،،هاااي الردتها مهند انت وابوك فضحتو
بنتي وخليتوها تذبح روحها واجيتو
بحجه نستر عليها وانتو اعرفكم
شتريدون
حجت هيج وملخت هدومها رحت گضبتها
تصرخ بحظني
«،،،،ووولك
قاائد تعال شوف بنتي كااعد
تموت من وراك وولك وينك يالفضحتها
وهي جانت عبالها انت
فقدت بايدي تصرخ وتملخ بوجهها وهدومها
بعيوني شفتهم شلون ماتو من وراها
بس الله رجعها الهم بمعجزه
رجعت للبيت صاير نار لان تأكدت من شفتها
شسوت بروحها من ورة اخويه هاي
لعبه جبيره وسهام الها ايد
بالموضوع
گتلتها كتله موت وهددتها بالطلاك واعترفت هاي
لعبه من مهند وخالي وهي حتى ياخذها
بحجه الستر اخذت جهازها لان
اعترفت هي صورتهم شفت
الفديو بعده مو
ماسحته
بعيوني عرفت شنو الصار بس ااخ بعد
مااخويه فضحها وهج من العراق
گله
تخبلت وفقدت وردت اقتلها بس ابويه
واحمد فگوها مني وبنفس اللحظه
طلگتها بالثلاث
دحكت لامي وابويه وكلت
«،،،شراح اگله ذيج مرتي العگربه
هي السبب بالصار بيكم هي الي باگت
صورها وسوت لعبه وي اخوها
الگواد وخالي العار
حتى يفرقوكم وياخذوها بحجه
الستر هي وفلوسها
«،،،حسبي الله علي لجاسم هو وابنه وبنته
حرموني من ضنايه وخلوني اعيش
بذنبه هو وبنت ندى
حجت هيج وكامت تبجي
امي عاشت بذنب اخويه وليلى ومانشفت
دمعتها من وراهم وابويه هم لان
كلشي انكشف عدهم وعرفو
سبب هجره اخويه
وخسارتهم اله هم
بيت خالي الي
جانو علم ويرفوفون بي جدامنا بس
بعديش بعد فقدنا خمس سنين
وهو فقد حب حياته
قائد
من شفتها اول مرة وشفت نظراتها
سالت روحي
ليش حسيت اني العلت عليها جان المفروض
تنزل راسها تمشي بسرعه من يمي
بس ماشفت هالشي
جنت اكول گوايه عين منها بس لاا
اكو شي اي هي كالت
مبتسمه
ها ماعرفت وروح اسأل اخوتك
طول الطريق افكر بكلامها حسيت اني
راح انصدم بشي جبير راح يگلب
عالمي
وصلت بسرعه لان دست بالسياره طبيت
بعقوبه ورحت للبيت اهلي
طبيت بشارعهم
وكفت مسافه عن البيت نزلت ادحك اله
واشوف نفسي ذاك قائد القديم
الي جان يجي بالماطور
من العماله
ترددت اروح او ماردت اروح اله لان
ماعندي الذكريات الحلوه الي
تخليني اركض للباب
وافتحه
بس كلامها هي خلاني امشي بس
بخطوات ثگيله ردت اعرف
شنو الي صار ورايه
وكفت يم الباب لميت ايدي اريده ادگه
ماكدرت بس انفتح احمد صار
بوجهي صاح
«،،،،اجه قاائد
حظني بسرعه وبقوه مقداد طلع وراه
امي وابويه شفتهم صايرين
فد مرة صاحت
«،،،يمممه قاائد
اجت عليه حظتني تبوس بيه لا حظنت
ولا بست ابويه اجه يمشي
بصعوبه كبران وضعفان
كلش حجه بدموع
«،،،هلا يابه هلا
حظني يبوس بيه من راسي ووجهي
عيوني غورگت بس مانزلت
دمعتي
«،،،تعال يمه لحظني اريد اصدك انت طيب
ومابيك شي
امي هم حظتني وكامت تبجي
«،،،،خلي انطب لجوه
مقداد حجه انتبهت بنات اثنين واكفات
يم باب المطبخ يدحگن علينا بعيون مغوركه
طبيت وياهم لجوه
كلشي متغير البيت معمري والاثاث جديد
كعدت بالاستقبال احس
روحي غريب مو
ابنهم
امي يمي ومقداد ابويه جدامي هو
واحمد بصفه بنيه بحظنها
ولد ومبين حامل
كال
«،،،مرتي نهله وهذا ابني يوسف وجايتنا
رهف باذن الله
«،،،الله يخلي الك
ولد طب يركض كعد بحظن مقداد كال
«،،،هذا ابني علي واللخ ذاك بحظن امه
مصطفى
صفنت على بنيه واكفه يم الباب شايله
طفل صغير درت وجهي علي
تردد بعدين كمل
«،،،اني طلگت سهام
«،،،لييش
سالت ماجاوب باوع لاحمد امي سالت
«،،يمه اانت شلونك
«،،،ليش طلگت سهام
قاطعتها مركز بعيوني على مقداد
«،،،شي صار ماضي وراح
«،،اريد اعرفه
«،،،هسه ارتاح من الطريق وبعدين
نحجي
«،،،مقداد ااحجي گلي ليش ليلى
كلت اسمها واختنگت امي كامت تبجي
سالت
«،،،ها يمه بعدك تحبها
مارديت ابويه كال
«،،،ابني عوف السالفه صارت قديمه
والكل نساها
«،،ااريد اعرفها
جاوبت بغضب وكملت وي احمد
«،،اانت احجي من خابرتك شفتك ترددت
من سألتك شصار ورايه وهي
كالت اسال اخوتك
احمد سكت كمت وصحت بي بأعصاب
«،،،ماااتحجون شنو الصار ورايه من هجيت منا
الكل كامت مقداد اشر للبنات اخذن
الجهال وطلعن من يمنا
«،،،بس اهدأ واني احجيلك الصار
«،،،ااحجي
«،،اكعد قائد واسمع
كعدت اهز برجلي تردد بعدين
كال
«،،الصار بيك انت وليلى جان لعبه من مهند
وسهام وخالي
فكيت عيوني وكتله
««،شنوو ،،،،شلون وأني شفتها بحظنه فديو
الهم هي ويا
«،،،جانت رايحه الك بنت خالتي رباب
الصغيره كالت سهام دزتني
عليها وكالت الها انت
تريدها بالممر
وهي راحت علي عبالها انت
فزيت وصحت
«،،،مقداد انت شجاي تحجي اكلك شفتها
بحظنه وهي حاظنته شلون ماعرفتني
شلون وهو مو ااني
«،،،،قائد سهام حجت كلشي بعد ماگتلتها
وهددتها بالطلاگ كالت هي دزت امنيه عليها
بحجه انت جاي تشوفها وهي راحت
الك وانت تعرف بعد شنو
وضعك انت وياها
سكت وذب حسرة كمل
«،،،والممر جان ضواه ضعيف وهو الچلب جان منطيهازظهره انت تعرف هو نفس طولك وصوته عبالك صوتك من تحجي وشفت بدايه الفديو
هي حظنته من ورة بعدين
تحرك وحظنها وهي
مارفعت راسها والفديو الاصلي شفته
بجهاز سهام وشفتها شلون
ضربته راجدي من عرفته مو انت
«،،،،انت شجاي تحجي
كاعد اكلك شفتها ويا واكو ضوه صح
ضعيف بس جانت تكدر تعرفه مو اني
«،،،،ماعرفته والسبب جنتو زعلانين مو
سكتت من رد هالرد كمل
«،،،هي جانت ملهوفه على شوفتك وماميزتك
زين من لهفتها عليك اني مرات اغلط
بي لهذا ابن خالك العار من اشوف
گفاه وعبالي انت والدنيا نهار
مو ليل وهي ماعرفته
وصار الصار
«،،،اي قائد هذا الصار وجانت لعبه منهم
حتى يفرقوكم وذاك الگواد
ياخذها بحجه الستر
احمد رد ومقداد اكد
«،،،اي وتعمد يدزه بسرعه وهم بعدهم بيت
خاله رباب وانت ماقصرت صدكت
بسرعه وسويت السويته
حجيت بسرعه
«،،،وين الفديوو جيبه اريد اشوفه
«،،،،عوفه يمه وانسى الصار
امي حجت كمت وصحت بجنون
«،،،جيبووو اااريد اشوف بعيوني
مقداد كال
««،«اهدأ وهسه اشوفه الك
طلع جهازه وره لحظه انطاه اليه دحگت
بعيون جامده ،،،شفتها راحت
تركض حظنته من وره
نفس الشي شفته بعدين اندار
هي بحظنه مارفعت
راسها باسها من
رگبتها هي نفس وضعها بعدين
سحبت روحها منه ماخلاها رجع حظنها
هم جرت روحها منه وجان تشهك
وتضربه راجدي
اانتهى الفديو واني انتهيت
عبالك واحد ضربني بگلبي وراسي بقوه
راسي ثگل ووكعت ليوره سمعت
امي عاطت والكل صار
يمي مفجوع بالي شافته عيوني
والي سويته بروحي اردد
بذهول وصدمه
«،،،،لاا لاا مو هيج والله مو هيج
صحت صيحه حسيت گلبي راد
يوكف وياها
«،،،،لااا لااا ولكم لاااااا لااا
شمرت روحي لفوك من قهري اخوتي
گضبوني اصيح
«،،،ووولكم لااااا وولك قاااائد شسويت
بروحك وبيها
«،،،،كاافي ولك كاافي
اسمع صياح اخوتي وامي وابويه
واني اصيح من جوة گلبي
«،،،لاااا ولكم لاااا شسووويت يااربي
اصرخ مفجوع بالي شفته واحس
روحي راح تطلع اصيح
بخبال
«،،،اااخ يااابه شسويت بروحي
كله منننك ياااگواد
فزيت اصيح
«،،،جتااللك اني ولك مهند
اخوتي گضبوني دفعتهم بقوه وضربتهم
اصيح
«،،،وولكم ليييش،ماحجيتو ليييش،سگتو
گضبوني ضربتهم بقوه
هدوني ،،،طلعت ارگض بسرعه لسيارتي
هم ورايه يصيحون،،،،صعدت
حركت بشحطه اشوف
دم بعيوني
طلعت لبيت خالي اضرب بالستيرن
بقوه
«،،،جتالك اااني اليوم ولك
شمرت روحي ليوره وصحت
«،،،،،اااخ يااابه شسويت بروحي وبيج
اااخ وولج ذبحتج ووذبحت
روحي وياااج
تخبلت وفقدت وصرت مجنون وصلت بسرعه
لان جانو بنفس المنطقه نزلت
اركض على بيتهم ضربت
الباب جلاق ماانفتح ضربته بكل
قوتي انفتح طبيت اصيح
«،،،ووولك مهند وينك ااطلع گواد
اليوم جتااالك اني
طلع وراه خالي بسرعه رحت عليه
ضربته گله براسه وكع
بالگاع خالي صاح
«،،،عووفه ولك
ضربته جلاق شمرته مسافه عنه مهند
گام ضربته بوگس وكع على امه
الكامت تعيط جريته منها
ووكعتله دگ
خالي ومرته جروني منه فلت وركض
للمطبخ دفعتهم و ركضت وراه هو صار
بوجهي شايله سجين
صاح
«،،،ااذبحك وولك اذا
هديت علي راد يضربني لويت ايده
اخذت السجين وضربته بطنه ايد جرتني
منه يصيح
«،،،لاااا قائد لاااا
فلتت من مقداد اريد اگمل علي احمد وهو
گضبوني بقوه وجروني
منه اصيح وانفض
بروحي
«،،،،عووفني ولكم خلوني ااگتله
ماخلوني جروني لبره اصيح وافشر
عليهم
«،،،،ولك اامشي شسووويت من خرب بيك
«،،،عووفوني ولكم عوفوني
«،،،ااصعد سيارتك مقدااد اخذه
احمد صاح من شاف الناس التمت والعياط
صار بيت خالي
«،،،ولك ماات وراح تروح من ايدينا مره
ثانيه
صعدوني ادفع للسياره مالتي مقداد
صاح
«،،،احمد انت اخذه بسرعه منا
اخويه حرك كتله
«،،،وديني بغداد بسررعه
«،،ولك امشي سلم نفسك
دفعته وضربته
«،،،اانزل لك انتو مو من زمان مابيكم خير
رد
«،،،راح ااوديك بس اهدأ
صحت بي بخبال
«،،،تحرررك لاااسوي بيك شي مو صاير
اخويه طلع بيه لبغداد دمعتي نزلت بقهر
اصيح
«،،،ولكم لييش هيج سويتو بيه وانتو ليش
ماحجيتو لييش احمد ماگلت الصار
من اجيتو عليه ولكم اااخ
طلعت زوج ومضحوك
عليه
«،،،،اااخ ااااخ
صحت صيحه حسيت گلبي راد يوكف
من وراها كمت اضرب
براسي بقوه
بالگشن
«،،،كاافي ولك راح تموت
ماسكتت تخبلت ومتت من السويته بيها
وبروحي خسرت خمس سنين من
عمري اني مصدك هاي اللعبه
الي انلعبت عليه
ليلى
جنت متوقعه وانتظره يجي بعد
ماايعرف من اخوته هو شسوه بيه وبروحه
اباوع للساعه واكول هسه
يجي واشوف كسره
عينه ابتسم واگله
ها عرفت
مايرد لان ماعنده كلام يگوله اليه
خلص الكلام وخلصت قصتنا من فقد
الثقه وصدك اني
ممكن اخون
ساعه تسعه ماما طبت عليه وجهها
مخطوف وكالت
«،،،،وولج هذاا عرف وو
«،،،خلي يعرف وخلي يحترك بناره
«،،،ياانار وولج النار شعلها بيت جاسم وضارب
مهند سجين بطنه والدنيا انگلبت
علي
فزيت فاكه عيوني صحت
«،،،،شنوو
«،،،،عزه العزاني كلت هذا بس يعرف راح
يتخبل وصدك تخبل
«،،،منو كلج ماما
«،،،منوو غير رباب خابرتني وكالت هد على
بيت جاسم وكاتل مهند گتله
موت وضارب خالج وذاك هاد علي بسجين
ماخذها منه وضاربه بطنه
صحت برعب
«،،،،ماات
«،،،لاا طيب بس الدنيا مگلوبه والدوريات
طلعت ادور علي
كعدت مهدود حيلي بابا طب الوجه
صاير دم ماما كالت اله
«،،،هذا راح يجي علينا
جاوبها بغضب
«،،،اذا اجه لا حد يطلع من عدكم عوفني اني
اتصرف ويا
«،،،شلون فاروق هذا ضارب مهند سجين
انت مو تعرفه مخبل ومايتفاهم
«،،،العار مايموت وابن اخوج عار والي
صار بي من ايده
دموعي نزلت وكمت اشهك بابا
وردد
«،،،ااستغفر الله ياربي شجابك مو جنت
بالغربه وخلصانين منك
حجه هيج وطلع ماما ظلت تروح وتجي
يمي اتصلت على خالتي
رباب سالت
«،،«ها لگوه
عيوني عليها وگلبي يرجف من السمعته
كالت
«،،،،وج اني خايفه لايجي علينا وفاروق
تحلف بي يااربي شراح يصير
وهذا شلونه اي كال
عار مايموت
ماجنت اريد يصير هيج حوبتي طلعت بيهم
سهام تطلكت من مقداد وهو ازوج
وحده لاعبه بي طوبه هي
واهله ولحد هسه ماصار عدهم اطفال
سمعنا العيب منه ومرته كل مشكله
تصير بينهم تعيره بهل الشي
سرى اخذت واحد مو خوش ويوميا كاتلها
وزعلانه بيت اهلها
سهام وره فتره ازوجت واحد مزوج
وعنده اربعه اطفال ومرته الاولى مسويتها
خدامه الها ولولدها
بس هو ماشفت حوبتي بي لان شفته
شلون صاير ذاك الضعيف صاير
ضخم ومبين علي مرتاح
وعايش حياته
واحد ثاني الشفته كدامي مو قائد
البسيط الفقير حال
واحوال من رجع
«،،،ليلى اذا اجه لاتطلعين علي
سمعت صوت ماما وهزيت راسي
«،،،يارب تعدي هالليله على خير
كالت هالكلام بس ماعدت على خير
ورة ساعه سمعت جرس الباب اندك
گلبي كال هذا هو بابا
اجه للصاله
كال
«،،،،لاحد تطلع وانتي بالاخص مااريدج
تجين ولا تحجين گلمه
اشر عليه وراح للمطبخ طلع ماما راحت
وكفت يم الباب خايفه وصايره
فد مرة
سمعت صوت بابا صاح
«،،،شتريد ولك وبأي عين جاي علينا
«،،،،عم فاروق اسمعني
جاوبه صاح بي
«،،،،ماااسمع شي ولا اريد شوفتك
اااحمد اخذ اخوك وامشو منا لاتشوفون
شي مو شايفي
كمت ورحت وكفت
يم الشباج دمعتي بعيوني
جامده وگلبي
يوجعني
باوعت ،،،،،هو واكف يم اخوه
بنص الكراج بابا مسافه عنهم
احمد جره وگله
«،،،،امشي قائد
«،،،،مااااروح
صاح بي بغضب سحب ايده بقوه
وتقدم على بابا كله
«،،،اعرف بروحي شسويت وشلون
اذيتكم واذيتها وانتو عرفتو هاي جنت
لعبه منهم لذولاك الچلاب حتى
يفرقونا اني وياها
سكت من اختنگ بالكلام وكمل
«،،،عم اني هم ضحيه والله انلعب عليه
وصدكت الشافته
عيوني
«،،خلصت كلام كلت العندك يله تفضل انت
واخوك واطلعو من بيتي
بابا حجه هيج ماما طلعت وكالت
بغضب ودموع
«،،ليش هيج قاائد ليش خليتها تذبح روحها
من وراك ولك بنتي انتحرت من السويته
بيها وربك رجعها اليه بمعجزه
جمد بمكانه صافن عليها ردد
بصوت مخنوك
«،،شنوو
بابا صاح بيها
«،،،ندى طبي جوه
ماطبت كملت بغضب
«،،،اخوتك ماااگالو الك شلون شالوها ميته
من حظني ماگالو شلون ظلت
نايمه بالمستشفى ثلاث
ايام وهي بغيبوبه
باوع لاحمد سكت ونزل راسه شهگت بالبجي
من شفت انهار بالگاع وكام
يضرب براسه بخبال
ويصيح
«،،،ااخ يااابه ولكم لييش،هيج سويتو بينا
ولكم لييش خليتوني اااذيها
صياحه هز البيت وروحي
مقداد طب صاير
فد مرة راح علي حظنه يصرخ
بصوت مفجوع ويضرب
بروحه احمد هم لزمه
كام ينفض بروحه
بايدهم
ماما طبت تبجي بصوت قوي بابا
صاح بيهم
«،،،مقداد اخذو اخوكم منا وروحو واريد من
الله بعد يجي او يتعرض لبنتي
الا اشوفه اني شاكدر
اسوي اله
اخوته لزموه وخرهم وكام راد
يوگع ليوره رجعو لزموه رفع راسه
شافني اباوع
اله
سحب روحه بقوه من اخوته لزموه وبابا
وكف بوجهه صاح بي
«،،،،وين رايح ولك
صاحني
«،،،ليلى والله تخبلت وداعتج اانتي تخبلت من
الشافته عيوني
صرت يم الحايط ابجي واشهك اسمع
صوته يصيح
«،،،ااطلعي ولج اريد اشوفج واكلج اسف
غلطت بحقج جثير
ماطلعت وصارت هوسه اسمعه يصيح
اسمي باوعت اخوته،،،لازمي بقوه وهو ينفض
بروحه يريدهم بي يعوفوه اخذوه من يمنا غصب
وطلعوا بابا سد الباب بقوه
بقوه رحت كعدت اشهك وابجي
ماما طبت وراها بابا انهد
بيها بغضب
«،،،ااني مو كلت لاتطلعين ورايه شبيج اانتي
صايره ماتسمعين الكلمه وو
سكت من انسحبت من يمهم ابجي بصوت قوي
كمل بصياح
«،،،كوومي وراها لاتسوي شي بروحها
جان لازم افرح من اشوفه شلون صار
وشلون اجه مذلول ويريدني
اسمعه بي اني ماجنت
فرحانه لا مقهوره
وحزينة وابجي على روحي وعلي لان
شفته شلون صار تخبل من الي
عرفه وراح يموت من ورة
السواه بينا
الليل كله
ابجي واعتب علي بگلبي والوم بي لان
ضيع روحه وضيعني
الصبح طلع واني مو نايمه وعرفت من ماما
من اجت عليه الشرطه اعتقلته
وخلته بالسجن من ورة
مهند
غاده
المغرب اني كاعده بالغرفه الباب انفتح وطبيت
بنيه سمينه ضحكت وكالت
«،،،شلونج ياعروسه
اجت كعدت
يمي صفنت بوجهي كملت
«،،،والله انتي حليوة وتخبلين
صفگت بايدها وكملت
«،،هههه حظ طوير
الليل حلو ووطاح بيج
حسيت البنيه بيها شي كملت
«،،،اني اميره بنت عمج مهدي
ماجاوبت حجت وهي تباوع لايدي
«،،الله ايدج شكد حلوة
لزمتهن سحبتهن منها وكلت
«،،خليني وحدي
«،،،يا تطردني وانه جايتج ابارك الج
يله ميخالف مقبول منج
دغتني بجتفي وكملت
«،،اعرفج كاعد تدللين براسنا عبنج عروس
فرت عيونها على الغرفه تضحك
وتردد
«،،غرفتج حلوة بس انتي احلى كالت امي
حرمه حمزة حليوة وچنها
ورده ناعمه
كامت راحت للميز جرت عطره شمته
عقجت وجهها وكالت
«،،هذه عطره اي اعرفه شامته من بعيد
من يعگب من البستان
صدك العطر فاح وبين قوي
كلت شعجب هالحيوان يستعمل هيج
شي غالي
اجت كعدت يمي بهبده قويه هزتني وياها
سالت
تلعبين وياي
عمته طبت وكالت
«،،،،لا والغسل هاي انتي هينه وامج
صارلها ساعه ادور عليج
«،،،اجيت ابارك لعروس طيور الليل
عضت شفتها واجت ضربتها على جتفها
وكالت
«،،،لاااا يسمعج ويصلخ جلدج
«،،،ههه حمزة ماايضربني عبنه يحبني
باوعت عليه اشرت بايدها وكملت
«،،،عمه شوفيها شلون حلوة بس هو مو حلو
«،،،اسكتي يالخايبه هم عرفتي حظه
وگومي لامج كاعد ادور عليج
جرتها من يمي رجعت كعدت كملت بزعل
«،،،اريدن العب وياها
«،،مو اليوم هي مريضه وماتگدر
««،،يا والوعد شبيها ها گالو حمزة طگها بس
جذب هو ماايطگ حرمه
«،،،ولج كومي وامشي لامج
نفضت ايد عمتها وكامت تصيح
«،،اهووو راح اروحن شلون اوادم تطرد
خطارها
مشت زعلانه عمته ذبت حسره بعدين
كالت
«،،هاي اميره بنت اخويه مهدي عقلها شويه
مو تمام بس لسان وتحب تحجي
هوايه
كعدت يمي سالت
«،،،شلونج اليوم عدله يمه
هزيت راسي بأي ترددت بعدين كالت
«،،،اهلج راح ياخذون زهره بهل الخميس
كملت بحزن
«،،،خلها تروح لا گلبي ولا ربي راضين
عليها لان فضحتنا بين الاوادم وشالت
خطيتج
التزمت الصمت بگلبي كلت
«،،وهاي راح تصير الك معاذ بس بالمقابل
خسرت اختك
ذبت حسره وكملت
«،،،اريدن احجي وياج بسالفه تخصج
انتي وحمزة
درت وجهي كملت
«،،،،يمه لاتظلين تردين الچلمه بچلمه
انه خايفه عليج منه هو
محترك دمه من السواه
اخوج ويشوفه بيج واخافن لا ياذيج
بيوم ويصيرلج شي
من جوة ايده واعرفه هسه غادي
نار لان راح تروح اله
«،،،هو شبقى بي ماسواه
رديت برودة وكملت
«،،،شيريد يسوي خلي يسوي علواه اموت
واخلص من شگوله ااا
سكتت من هو طب سمع اخر الكلام
وباوع عليه بعيون حمر بس ماحجه شي راح للميز
ذب السويج والجهاز عمته
كامت وكالت
«،،،اروحن ازهب العشه
«،،،گومي وي عمه
«،،،البنت ماتكدر خلها ترتاح
«،،عرچ مااايگتلها البيها شي ماتمد لسانها
متر
«،،،،حمزه عوف البنت وكافي عليك
السويته بيها
تخبل وسد الباب بقوه صاح وهو يخزر بيه
«،،،ومااابرد گلبي لان هاااي
اشر عليه وتقدم هي وكفت بوجهه الحجيه
طبت تباوع علي كمل
باعصاب
«،،لااان هاي ام عيون گويه العرمه الصلفه
مااجاي تخلي يبرد
«،،هاااي وانت العلت عليها هيج تحجي
جدته جاوبته وانهد بيها
«،،«انه العلت اانه يمه ولكم ليش
واكفين وياها واخوها لعب بعرضنا
وخلانا نخلي ايدنا بايده
حتى بس تنسد
الحلوك
سكتن باوع عليه بنظرات نار وحاقده
كمل
«،،،،ووولج ااخ لو بأيدي ولو ما اريدن استر
الا اروحن هسه واخلي چيله براسه
وراسج ويا
الخوف ترس ملامح عمته اجت ليمي
كالت
«،،،،كومي يمه وتعالي وياي
«،،،مااريد اروح
جاوبتها هو اجه بسرعه عليه خفت
لايلزمني من ايدي وجتفي
المخلوع درت روحي منه مغمضه الحجيه
صاحت بي
«،،،،بسسسك عاااد ياحمزه
اجتي ليمي وكملت بغضب
«،،،،وحگ هو الله اذا گضيت
منها شعره لازاعل عليك الا يوم
الدين وانت تعرف زعلي
شلونه
باوعت الها تخزر بي بغضب رد الخلقه
مگلوبه وجاز على سنونه
«،،،مسويه الها خاطر يايمه وتعرفين شصار
من جوه اخوها
«،،،كلتها اخوها مو هي وكاافي ظلم انت مو هيج
ولا تحب الظلم شجاك وتخبلت وين
عگلك وين وليدي الي
اكولن علي شوره شور رجال مو شور
خبول
صاحت بي وكملت
«،،،انه حلفت ياحمزه وارجع اگلك هالبنت اذا
سمعت الها صوت وشفتك اذيتها
لا ازعل عليك ولساني
مايدك لسانك
الي يوم
الدين
«،،،هيج يمه
«،،،اااي هيج
جان حوارهم بغضب وخزره باوع عليه
ماوخرت عيوني منه شاف نفس
النظرات الوجه صار
اسود بعد اكثر
كال
«،،،بختج جبير يالعرمه ياام عيون گويه
ولگيتي الي تشدين ظهرج
بي
حجه هيج وطلع من يمنا
عرفت من حلفت الحجيه هو مايكدر على زعلها
هي ذبت حسرة وباوعت عليه
كالت
«،،اطمني يمه هو بعد ماراح يأذيج زعلي علي ثگيل
ويعرفن من ازعل ماارضى
بسهوله
سكتت وبعدين كملت
«،،رقيه امشينا يمه زهبي العشه انتي وحرمه
جعفر
«،،،اي يمه
طلعن من يمي ظليت كاعده وحدي افكر
باخويه هم راح يفرح لان زهره
راح تصير يمه وبيت اهلي
ابتسمت بالم وكلت
«،،اي ليش مايفرح مو رادها وكتل روحه عليها
وسوه الشي الي خلاني اصير
لهذا الحيوان
مافكر بينا شراح يسون بينا بس فگر بروحه
وهاي اني دفعت الثمن من رحت لهذا
الي دمرني وخلاني اتمنى
الموت وهو ماكو
وره مشوار
الم جتفي زاد و طلعني من هاي الافكار
وجعه نزل لصدري وايدي
حسيتها عطلت كمت
مااكدر الزم الشي
يوگع منها
حسيت بروحي صخنت كلش كمت رحت للحمام
غسلت جسمي انفض من بروده المي
رجعت اجر برجلي كعدت اون
من وجعه ولازمته
بايدي
حتى النفس كمت اجره بصعوبه وصارت
وي الالم دوخه هم صار عندي
هبوط والحراره صعدت
فد مرة
كلت راح اتخربط
دمعتي نزلت الباب اندك طبت بنيه
شايله صينيه سلمت وكالت
«،،،،جبتلج العشه
قربت مني شافت وضعي سالت بخوف
«،،،شبيج يوجعج شي
«،،،عفيه ااا
حجيت هيج ومااشوف روحي غير وكعت
ليوره على الفراش
سمعتها صاحت
«،،،،عممه الحگي عليه
غمضت احس بروحي كاعد تروح مني
مي بارد صار بوجهي واني
نار فزيت بشهكه اصيح
«،،،لااا لاا
«،،،،ولكم هاي صايره نار
«،،،امشي صيحي حمزة بسرعه
رديت ليورة احس ظلام زحف لراسي
وعيوني جنت واعيه مافقدت
الوعي ايد شالتني
سمعته صاح
«،،،غطوها بشي
جان هو بس ماكدرت ابتعد عنه ولا
اتحرك او احجي كلمه جسمي نار صار وگلبي
كام يدك سريع
«،،بسرعه حمزة البنت راح تموت ونشيل خطيتها
حسيت سياره مشت بسرعه افتح
اريد ارفع راسي يوگع ليوره اسمع حجي
بس مااميز شنو
اخر شي فقدت الوعي كعدت احس
روحي مكسره مثل واحد واكع من مكان عالي
ومتكسره عظامه ميزت عمته والبنيه
هو كاعد منزل راسه
كعدت
رفعه باوع عليه غمضت عمته سالت
«،،،شلونج هسه يمه
جنت بالمستشفى خالين اليه مغذي
وايدي مرفوعه لجتفي برباط
طبي
«،،،حمزة شوف الدكتور خلي يجي
يشوفها
طلع ورجع ويا دكتورة فحصت الحراره
والنبض كالت
«،،،هي هسه احسن من الاول بس الافضل
تودها لدكتور اخصائي لان الوگعه
ماذيه جتفها كلش
«،،،اي شلون لازم نوديها بس نكدر نطلعها
هسه مو
«،،،اي بس لاتتحرك ولا تشيل ثگل منا
الما تودها
«،،،اي
عمته جاوبته هو جان داير وجهه مني شفت
الدكتوره تباوع عليه بنفس
نظراتي انتبه عكد
حواجبه والنظرات قست هي حست
ترخصت وطلعت
«،،يله اامشينا
نتر عمته والبنيه ساعدني كمت دخت لزمني
كال
«،،،،طالع جدامجن جيبنها وتعالن
«،،،«تمام
راح قبلنا طلعت وياهن احس بروحي
تعبانه وجوعانه كلش معدتي تريد اكل
بس نفسي ماجانت تريد
تاكل
جان واكف قريب ويباوع ليكدام
البنيه فتحت الباب كالت
«،،،اصعدي بهدواه
صعدت لازمه ايدي هي يمي كعدت
وعمته يمه بدون كلمه حرك
وطلع بشحطه
غمضت عيوني ورجعت راسي ليوره سمعته
كال
«،،،هاي خلي تاگل لاتظل كل ساع تطيح
علينا انه مااي خلك لهل
السوالف ولا بعد
اوديها لو اعرفها تموت جدام
عيوني
«،،،خلينا نوصل بسلامه وهي تأكل
عمته نغزته لان جان يسوق بسرعه
«،،،غضب انتن ونزل من الله عقاب علينا
اي موش امجن حوه نزلت ابونا
ادم من الجنة نفس الشي
ورثتنه منها
««،هو منو يگدر للسانك يبو جمرة انت بس
الله يگدرلك
«،،،اي بس الله وبالحگ مو باطل
جاوبها بغضب فتحت عيوني صارت
بعيونه كمل بحقد
«،،،ااگلي ولا تخليني اخلى اللگمه بحلگج
غصب ماعليج
«،،،راح تاكل بس عوفها وركز بالطريق
عمته جاوبته درت وجهي وباوعت من الجامه
جنت اتمنى اموت بس هم مامتت
وراح اظل بعذاب وجهه
وعذاب وجوده
كدام عيوني
وصلنا نزلت طبيت وياهن من المطبخ
الحجيه كاعده كامت وكالت
«،،،ها يمه شكال الدكتور
«،،،لازم نوديها لدكتور يشوف جتفها شبي
«،،،،اي نوديها چا شلون حتى ينطيها دوة
وتصير زينة
هو طب يمشى بسرعه فاتنا وراح
اخذني للغرفه هو بيها اخذ ملابس وراح
للحمام
«،،،اكعدي وارتاحي هسه نزهب الج لگمه
ولادكولين مااريدن تره ازعل
عليج
عمته حجت ويايه كعدت الحجيه كعدت
يمي كالت
«،،بالعشه اشربي روبه بيها ملح حتى
ضغطج يصير زين
هزيت راسي بأي كملت
«،،واگلي يمه،،،،،اذا گطعتي الزاد
تره محد راح يتأذه غيرج
والله مايرضى العبد
يأذي روحه
ذبيت حسرة ودمعتي نزلت
«،،«لاتبجين وتبجيني تره شوفيني انه
گلبي مايتحمل اشوفن دمعه
تطيح من عيون بشر
خليت دموعي تنزل هي رددت
«،،شاحجي وعليمن ادعي ضناي السوه
هيج الي ربيتها يتيمه هي الي
كسرت بختج
طلع من الحمام وسأل
«،،،جدي تعشه
«،،،اي وعشاك كاعد يزهبن الك
رايح ازقنب بالمطبخ
رد ومشى من يمنا جان لابس
تراك وخاله كبوسه فوگ
راسه
الحجيه ظلت يمي من جابن العشه تلف
وتنطيني هي وعمته اكلت لان
جنت جوعانه وشربت
لبن
روحي ردت اليه غسلت وتمددت
هنا يمي كمت اغفي ونمت
هم حلمت بي يعتدي عليه كعدت
بفزه اصرخ وصرخت بعد اقوه من ورة
الم جتفي
«،،،بس كاافي محد يمج
جنت مغمضه فتحت هو قريب مني
لميت روحي ليفوك اردد
«،،،عوفني لاتلزمني
«،،مو ميت عليج حتى اگضج وانخمدي
وخليني انخمد
الباب اندك صاح
«،،،ماابيها شي وروحو خلوني اانخمد
رجع لفراشه يحجي عليه تمدد وغطه
وجهه بالغطه بس جنت احسه
مو نايم لان كل ساع
يتحرك واسمعه
يذب حسره
صفنت علي وعلى روحي اردد
معقوله اني كاعده بنفس الغرفه
وي الي اعتدى عليه ذاك كدامي نايم
مسافه عني نشتم نفس الهوه ونتشارك نفس
الاثاث عقلي ماجاي يصدك هالشي
حسيت بعد شويه اتخبل
من الي انفرض عليه
لان ماكو بشر يكدر يتحمل وجوده
وي انسان جان سبب دماره
واذيته
دموعي نزلت سندت ظهري على الجربايه
ردت اكتم شهكتي بس طلعت بصوت
قوي ردد
«،،شلون يعني ماراح انام اليوم
مادرت بال كمت ابجي بقوه دفر الغطه
وكام باوع عليه بخزرة
قبل لايحجي كلت
«،،،شمسويه اني حتى الله يخليني وي
الي اعتدى عليه بغرفه وحده
دار وجهه وسكت بعدين رد
«،،،اخوج ااي سوه روحي اسألي
كال هالكلام ومشى من يمي طلع لبره تمددت
بفراشي دمعتي بعيوني وافكر
اني شلون راح اكدر اعيش
ويا واتحمل وجودي
ويا
ثاني يوم جعفر ورانيه مرته وعمتهم
اخذوني للدكتور سويت اشعه
وطلع عندي خلع
قوي بجتفي
وملتهب
انطاني ادويه هوايه وكال لاتشيلين
ثگل وقللي استعمال ايدج وخليها
دائما مرفوعه لفوك
بالرباط
رجعنا للبيت نزلت وياهن شفت رجال
جبير كاعد بره اول مره
اشوفه ويشبه
ذاك
هم نفس الخلقه ونفس النظرات الحاقده
ماحجه شي دار وجهه
وباوع لغير جهه
«،،،،رانيه هاج الدوه
«،،اي جيبه
اخذته من رجلها وطبينا لجوه الحجيه
اجت باتجاهنا سالت
«،،ها يمه شطلع بيها
«،،،،جتفها مخلوع وملتهب ولزوم ترتاح
وماتشيل ثگل
«،،،،سلامتج يمه ماتشوفين غير كل العافيه
اخذنها لغرفتها خلها ترتاح وتتعشه
جانت دنيا ليل طبيت الغرفه
او الگبر مالتي رروحي اختنگت بس
شفتها كعدت رانيه حجت
«،،،اروح ابدل واجيب العشه هنا نتعشه
شدكولين ياعمه
«،،،اي يمه وجيبي روبه وملح الدكتور
كال ضغطها نازل
«،،،اي من عيني
طلعت من يمنا عمته حجت مبتسمه
«،،،يبعد عمتها شكد حنينه وماتجل من
الشغل
ماافتهمت هي حست كالت
«،،،يعني مااضوج
كعدت يمي وكملت
احنا اصلنا من الجنوب بس جدي الجبير
اجه من زمان من بزمن الملك فيصل
اشترى هالبستان جان جبير كلش
مد العين بس ابويه قسمه لاخوتي
وانطاهم كل واحد وصله منه
وبقى هذا الي اكبرهم
لحمزه ووزهره
كالت اسمها وتغيرت الملامح ذبت حسره
وكملت
«،،،،اكومن ابدل واجي
من طلعت كمت اريد ابدل رحت اخذت
تراك وطبيت للحمام بدلت
بهدؤ من وجع ايدي وجتفي طلعت الوجع
تارس ملامحي وكفت من
شفته كاعد بالگاع وساند روحه على الكنتور
وصافن
كعدت منزله راسي واتجنب اباوع اله
من ورة خلقته الزفره كال
بصوت يخوف
«،،،تعرفين اني بشنو جاي افكر
باوعت علي دار وجهه عليه بنظرات
كلها حقد وكال
«،،،افكر اخلي چيله براسج وبراس اخوج
وراها اچتل روحي حتى اخلص
من العار الي صار بينا
من وراكم
شكرا لزيارتكم عالم روايات سكيرهوم
