رواية الرجل لاينسى حبه الأول الفصل الحادي عشر 11 بقلم سهير رائد

محد طلع لخضر وراح .. تلفوني عند أبوي غالقه .

ابوي هواي يحجي عليه يكلي انت هم سبب بمشكلتج لسانج طويل والظاهر من معاشرتج لام خضر صاير السانج مايحترم زوجج ..

كمت ابجي وادافع عن نفسي وهما اللي يستفزوني واني احجي مثلهم .

يرجع ويتهمني لا الخلل بيج مية بالمية وادافع عن نفسي 

طلبت من ابوي اكعد وياه كعده بس اني وحدنه وبس واحجيلها.

صدك كعدنا اني وياه بالصالة وقفل البيبان مالت الهول والصاله خوفا من امي او اخواني يسمعون 

.

حجيتله كلشي من اول زواج ووضع خضر لهذا الزواج ووضعه .ابوي مات من القهر مو عليه على خضر ؟!

وكلساع يكول الله يساعده الله يساعده .

كتله واني رجعت اله لان هو اكثر من مرة كلي اذا تزوجين اكتل زوجج بليلة عرسج واحرك كلبج ولا اخلي بعرف بيج بنية ويكول خضر مامتزوج بشائر ..

ابوي حقه بوية هاي شغله صعبة مو بس للرجال والمريه هم هسة انتو تتعاركون تتمالخون وبلا احراج لان محد متودد للثاني وهم امه ثالثكم وحقه لو يصيح اني بين نارين والثالثه ضيمي .

بس مع هذا بوية اني اطلك ؟

بعد قرار الج بس يا بشائر قسما بالله هذا الحجي واللي ضامته اذا طلع لغيري والله اكص السانج اكصه ولج انتي مو عيب عليج ذاك اليوم تكليله كلام عيب ينحجي هسة فهمت الولد لبش متخبل من تكليلي اصغر زعوط ارجل منك هذا كلام مال وحدة معلمة ومترباية تصلي وتصوم وتقراء قران .

ايي هو استفزني راح سوة علاقه وي وحدة ويكلي اني كدها كتله جذاب وانت هيج وهيج ..

انجبي هم عادتها والله يابشائر اخر مرة اسمع منج هيج كلام تطلكين وتجفين شرج عن خضر.

يااا اني يعني هسة صرت الشر ..

اي انتي الشر اذا سمعت كلمةموزينه على خضر ما تلومين الانفسج منو بعد يعرف بهاي السالفة .

محاجيه بس الك والله ..

ويبقى بينج وبين رجلج لان حتى اني راح انساااها للموت .

هااا صدك بوية مرة خضر كلي گلي ابوي مات بسببي لان كتله اني ماتزوجت بشائر واني مو رجال وانقهر ومات ..

ابوي ضرب رجله بيده حيل وكام ..

ومو بس هيج عمي بأخر لحظة جان يريدك حتى تسامحة وتبريلة الذمة لان بسببه انت عفت الديرة وطلعت وتبهذلت 

ابوي لزم طرف شماغه وگام ينحب مسامحك ياخوية والله مسامحك من يوم ماسمعت عنك متت سامحتك وبريتلك الذمة اخ ياخوية گلبي لچمته 

انوب ابوي خطية بقى يبجي على كلامي من حجيتله السمعته من خضر عن ابوه ..

...

خلصت الاجازة مالتي وماكو بعد الا اداوم .

ابوي قرر يخليني عند بيت عمي وعمي مسؤول عليه وومننوع خضر او احد من طرفه يوصلي .

اخذني ابوي والطريق كله توصيات .

وهناك يم بيت عمي توصيات بحيث اللي يتعرضلي ابوي كلة اضربه طلقه ..

اني خفت من كلام ابوي ثاني يوم من اخذني عمي احلف بيه لايضرب خضر طلقه اذا يشوفه عمي يضحك عليه ..

كال ابوج يجذب يخوفج شني هاي احنه مافيا كل اليحاجينه طلقه جا صلاته صومنه شيب الخلفونه شنسوي بيهن ..

يومية ياخذني ويرجعني ..

من ثاني يوم خضر درى بيه اني هنا اجه لعمي يريد يحجي وياي ويشوفني عمي ماقبل

ويومية كام يلح وعمي مايقبل كمت اشوفه باايام اجازته يلاكينه بطريق المدرسة او ينتظرنه بس هو ما يسوي شي لان يخاف من عمي

من اشوفه انقهر عليه 

.اجت ابتهال علية 

لا مو حن بس خطيه يكسر خاطري لو شما صار بينه هو خطيه والله مامرتاح من صغرة لهسة كبر وصار فد شي بس ممرتاح بسبب امه واتزوج ومارتاح ومو سعيد وما متوفق بحياته وبيته يعني خطيه لو مو خطيه.

عمي غزاي:والله ياعمي خطية وگلبي ينمرد علية مرد وافكر بيه ليل نهار لان هو وليدي ويحبنا ومحترمنا بس كلمن ونصيبه من هااي الدنيا هو نصيبة امه نسره جلبه ماتفكر بابنها وبراحته تريد تبقى تنبح طول عمرها وتحكم عبالها هااي قوى لو ابنها مايروح من ايديها..

هسة نطلك ويشوف حياته وراح تهدأ ..

لا وروح اخوج ولاتهدا هيا امه ماتريد اي وحدة تاخذ ابنها منها تريده مكابلها وكاعد عود حرص وخوف عليه خاف يعوفها هو خضر من النوع البار بيها مايحب يكسر خاطر غيررررر كون تخلي يعيش شوفي خواته عبنهن طلعن من شور امهن وهنا ببيوتهن شلون عاشن . بس زينب داكها الضيم .

صدك عمي تدري زينب ماشايفتها من يوم العرس الاكشر ولامرة اجت ولامرة سمعت تخابر او هما يذكروها ليش.

لاخضر وابتهال وعطور يرحون الها حتى شيماء اني مرات امر عليها واخابرها . بالظيم بت عمج وهيا وامها ما يتراهمن شووفي ام خضر وي بتها الجبيرة عدوة من زمان يعني حتى تكرة بتها ترديها ماتكرهج وضحك.

اكلك شي عمي . اذا خضر يعزلي ويجيلي بليل والله وبالنهار يم امه موافقه اعيش وياه بس كون يحترمني يسولف وياي ينتبه عليه وعلى بيته مو شهر زين والبقية مايدري بيه ودايخ بزمانه ..

اني كلت لابوج هذا الحجي بس ابوج قافل على الطلاك يكول مالهم حياة سوية بعد .

بعد هو اعرف من عندي ..

...

اجه خضر لبيت عمي ..

عمي هم ماقبل . خابرت ابوي احجي وي خضر اشوف شنو يريد ماقبل .

رجع خابرني كال بوجود عمج ولاتنطين مجال بس اسمعي ..

ايي بوية حاضر .

صحت عمي وكتله بكلام ابوي 

كال كلبج يرف موبيدج .

دخلت على خضر للصالة 

مرحبا .

خضر مراحب هلو بشائر 

الحمدلله زينة انت شلونك بعده ضغطك يرتفع

خضر :مو زين ضغطي اي يرتفع هواي بس تعودت علية.

تأخذ علاج؟

خضر :لا كمت ما أخذ العلاج ميفيدني وي الحياة العايش بيها !!

خضر . عمي اطلع خل نسولف اني وياها ..

عمي . لا لا ماطلع ابوها يكتلني .

خضر . اذا تبقى مااعرف احجي .

عمي . بشائر اطلع .

براحتك تبقى تطلع يحجي مايحجي كدامك .. اله خمس دقايق واكوم ؟

عمي . خل اكوم ولاتكولين لابوج ..

لامراح اگله عفتني وطلعت .

جنت مسيطرة .كلش اعرف شيريد يكول وشعندة.

خضر اجة يمي كلش . 

شلونج .تريد الصدك؟

ايي طبعآ .

والله بخير ومرتاحة وعايشةحياتي لا هم ولاغم .

اذا انتي زينه شو اني موزين والله .

من إيدك واليجي من ايده الله يزيدة.

والله صدك اني مختنك گلبي يوجعني مهموم لا اعرف اشتغل لا اعرف انام ولا اعرف احجي ولا اعرف اكل واشرب.

كل انسان يعرف راحته وين بس هو جاهل الها .دور راحتك وين وعيشها محد يفيد احد بهذا الزمن .

اني ماكدر اعوف امي واما اكدر اعوفج .

اوووو رجعنه لنفس الكلام اني جاي اسهل عليك الأمور نطلك وابقى يم امك راح تنام مرتاح .

لا والله عمري ماارتاح وانتي مو يمي اني احبج بشائر شلون اعيش عمري بدونج .

اني اريد اعيش حياتي بسعادة وراحه وباللي اريده ماريد اضحي عمري مابيه تضحية . تعزلي ارجع .

لا احتركت ورقة البيت وماطول احنه بهذا البيت مراح يصير تغير احنه لعنتنه هذا البيت من نطلع منه واحد راح يشوف الثاني بحب ..

بشائر اني احبج والله احبج .

ادري تحبني بس حب بلا تضحية مايفيد .

وانتي بشائر تحبيني؟

والله يا خضر اذا حبيتك بيوم انت محيت كلشي ليش اجذب عليك ماكو شي يخليني احبك

ليش ولج بشائر 

احبك على هجرك اليه وانت جوا واني فوك احبك على غلطك وتجاوزك وضربك اليه حتى ترضي امك لو احبك على خيانتك شفتها بعيني . على شنو احبك .

عرف نفسي مقصر بس اني ماعرف شبية والله العظيم مرات اعيش بعالمين عالم يريدج ويرتاح بأذيتج وعالم يكول عوفها .

انت تتعاطى شي؟

لا ليش!

دائما اشوفك عبالك خدران سكران ..

لا ماتعاطى وضحك .

ليش تضحك !

شربت ورحت لغسان ولادري بالدنيا كلولي اشرب تنسها وتنسى عشيرتك واهلك شربت بالنهار بس انتي ببالي ورحت لعمي ولا ادري بروحي خلصت الطريق كلة اسمع اغاني وابجي وماحس الا عمي وولد عمي جايبني نايم . .

وفرحان بهل الشي .

لامفرحان بس الانسان يجرب اي شي وجربت هل الشي ومافاد وياي مانسيتج مشكلتي ماكدر انساج بشائر انتي حبي الاول شلون انساج ؟.

شو اني ما احبك مثل متكول رغم انت الانسان الوحيد بحياتي بس مو مثلك من انت يمي ومن انت مو يمي ماتجي ببالي الا يذكروك .

لان ماحبيتني من الأول لان انتي جنتي صغيرة وتأذيتي مني واني جنت مراهق ومشاعري بقمتها وانتي دخلتي بحياتي اسولف واحس بوجودج قربي تذكرين من جنت اسولف وياج ..

لا كلشي ماتذكر وحتى لو اتذكر ماحب ذيج الفترة هسة علينه بهسة انت شتريد من الاخير.

جر حسرة نرجع .

لا ماكدر وحتى لو فكرت ابوي اكيد يرفض الفكرة بعد الشافه بعينه شلون تعاملني من تفقد .

يعني انتي مغلطانه بحقي.

لا غلطانه واعترف واني اعتذر عن كل كلمة جرحتك .

انتي بالذات ماقبل اعتذارها .

اتمنى تقبل اعتذراي بيوم من الايام .

طفى الجكارة يمكن الخامسه مدري السادسة خلال حديثنا ..

شال الباكيت خلاه بجيبه .

كال تصبحين على خير حبيبتي ؟!

لحظة والحل شنو 

يعني شنو داكعد خلينه نحجي بهدوء 

خضر:اني جاي حتى اغير جوا ضايج 

والحجي اللي بكلبج كلة اعرفه ومشكلتنه واعرفها كلش زين واعرف حلها بس ماكدر اسوي شي 

بشائر يجوز افكر بيج وبمصلحتج ؟

شلون بله 

خضر: اطلكج وترحين تعيشين حياتج 

ضجت من حجاها كلش احس كلبي انعصر عصر 

جريت نفس 

جاوبته بثقة 

هو هم هيج لازم يصير 

هاي السنة الراحت كلش تعبتنا وخسرتنا هواي ايام حلوة 

الله مقاسم النه نبقى سوا 

نصيت صوتي والتخاف منه خلصنه منه 

تكدر هسه تزوج حسب رغبت امك ومادري ليش اني احساسي يكول راح ترتاح وتسعد وتخلف اطفال 

بارين مثلك 

ويجي يوم ونتشاوف واذكرك بكلامي 

خضر: ضحك 

صاح عمي تصبح على خير ؟

وطلع دخل عمي وانت من اهل الخير الله وياك وطلع .

رحت للغرفة يم البنات فارشات فراشي خطيه ونايمات عدهن دوام .

بقيت افكر بيه وخصوصا من ماقبل اعتذراي عن اي اساءه بحقه تندمت بكد شعر راسي على كلامي الجارح ضده واهانته الدائمه ..

غاب اسبوع ماشفته لابطريق ولا اجه لبيت عمي .

سألت مرت عمي مامر خضر ..

لاعمه مامر شو هل الايام ماكو شنو شقررتوا؟

والله ياعمه القرار يم ابوي اني مالي علاقـة ..

وهو واضح بعد كلمن يروح بحال سبيلة 

لا شلون مالج علاقه انتي ام الأنه انتي اذا تردين ابن عمج محد يجبرج تعوفينه .

والله ياعمه انتي اعرف بالحال والوضع اني هم مو هين عليه مرتين اطلك من نفس الشخص وهم ماكدر ..

فكري وانتي ادرى بمصلحتج ..

...

بالدوام ساعه عشرة.

صاحوني تعالي شوفي ؟

شنو 

لكيت كيك وبيبسي وكباب سوك وتكة بس بكميات لكل الكادر .

شنو هاااي موظفة الخدمة هااي من زوجج يكول بمناسبة ترقيتي ريوك الكم ؟.

وهو وينة خضر 

العامله انطاهن اليه وراح بسرعة ؟

المعلمات يباركلي الترقية وكلهن فرحانات وزعن بينهن والزاد ع الطلاب اليتامى عدنا بالمدرسة يعني هو داز كومة اكل وكيك .

من اجه عمي ياخذني .

كتله خضر اجتله ترقيه وجايب ريوك للمدرسة وكيك.

عمي . يدهن كلبج سامع اقرب لقلب الرجل معدته 

الظاهر انتي معكوسة الايه عندج .

هههه والله مادري بس خجلت من الكادر كلها تتباركلي وبعد شهرين اني اطلك حتى فشله ليش دز للمدرسة ..

فرحان ويريدج يفرحج وياه .يعني مافرحتيله .

يعني نص ونص ..

رجعنه للبيت لكينه سمجة جبيرة مشوية كالت مرت عمي خضر جابها مترقي يكول كتله لا هاي جايبه لبشوره ميت علينه ويحلف يكول لا اني اليوم للكل وديت غده ..

كتبتله مسج مبروك الترقية 

الله يبارك بيج حبيبتي جنت اتمنى يمي ونطلع اني وياج نحتفل بهاي المناسبه ؟

شنو نحتفل هيا ترقية لمونه .

ايي لمونة صرت مقدم خضر والوحيد اجتلي الترقية من بين جماعتي وتكولين لمونه بعد انتي والله .

تدعي علية على شنو خبصتنا على ترقية مدري شصرت هسة شو تمشي على ضباط .

خضر . بس اني طالع من عينج شو هاي البنات كاتلات روحهن على الضباط والرتب بس انتي زاهدة بنعمتج .

اي روح للبنات الكاتلات روحهن منو لازمك . .

خضر . رجعي لبيتج بشائر مشتاقلج والله اتحلم بيج حلم .

البينه انتهى شوف حياتك والله يوفقك من كل قلبي ادعيلك 

كل حديثي ابدي بيه وياه يكول رجعي لبيتج ,!

اسلوب ناعم ورقيق مثل قبل لانرجع لبعض .

اجه لبيت عمي العصر طلعت اله بالطرمة . ساكتين كلمن يباوع على الطيور التفتر بالسماء لجيران بيت عمي حلوات كلش وهواي يجوز بالمية طير.

خضر زينب اختي مريضه كلش 

يا خطيه شبيها .

والله ماادري بس حالتها صعبة والتحاليل الاوليه تكول المرض الموزين .

يااا اسم الله دخيل الله شنو من شوكت .

ماعرف والله يابشائر اني قبل فترة يمها جانت تعبانه حييل وماعدها تروح للطبيب انطيتها حتى تروح .

ومن راحت طالبين تحاليل خابرتني ورحت اخذتها لمختبر متخصص وبعدين الدكتورة كالت اشعه 

بس ماكالو شي 

اول البارحه خابرتني تكلي حولتني الدكتورة لدكتور ثاني اختصاص اورام عود ليش .

كتلها جايج اخذت اوراقها ورحت لولد دكتور كال بالتحاليل شاكين مرض موزين وهسة حيل مقهور عليها .

زوجها وولده مايكدرون يداروها .

عطور عدها اجازة ماخذة شهر ترتاح كالت نجيبها يمنه .

خطيه الله يشافيها هو مشلوع الگلب مايستراح ..

ايي والله هيا هاي مشلوعة گلب زوجها واحد عار .

عادي هيا اغلب الزلم هيج بهذا الوكت .

شنو قصدج عليه لان عايفج ؟

مكايله عليك كلت اغلب الزلم ليش تاخذ على روحك.

خضر . شوكت ترجعين .

ماتمل مارجع اني منتظرة يخلص الدوام واروح وابوي يومية يكلي ديربالج تحجين وي خضر..

هو عمي مخليني بنقطة الاستهداف بس عليج الله بهاي السالفه لاتسمعين كلامه يجوز صدك ينفذ اللي باله ويحرمني منج خليني اشوفج واشبع من شوفتج والله كريم بعدها ذب حسرة العمر خلص ومابيه راحه والشعر ترسه الشيب واني لامستقر ولامرتاح ولا مخلفلي طفل .

اتزوج الحگ روحك كون عائلة ..

اذا تعوفيني ماتزوج بعد هذا وعد .

واش لتعيدين هذا الكلام اني جاي اسولف وياج واطلعمن ضوجي 

امممممم اي خطيه هو اني على ذمتك ورحت خنتني وتفتخر بخيانتك اليه.

غلطه وراحت لزكتي بيها ..

ايي لزكت لان اكو اغلاط ماتنغفر ابد .

خضر . خلي اروح احسلي يلا محتاجه شي .

لا هاي ما انكرها انتي بهاي ممقصر جنت 

بس الماديات مو مهمة مثل المعنويات احنه اذا نريد نفتح صفحة جديد لازم نكعد ونمحي القديم 

خضر:امحي 

صعبة

...

اجه علينه ابوي .

سمع بزينب مريضة وضاج حيل .وگل لعمي منك ومن ولدك جمعوا واني وولدي نجمع الها ونطلعها لايران يكولون زينه بالعلاج .

عمي اني جاهز جم يوم الم شعندي وانت هم واخذهن لخضر واذا ماكو احد يروح وياها اني اروح زاير ايران هواي ورايح للمستفيات وي فلان وفلان 

خضر انشغل وي زينب مرتين بس خابرني مااجه كمت افتقد جياته وكلامه صح نتناقش بحدية بس كمت انتظر جيته .

جمعوا فلوس لزينب مبلغ كلش جبير خضر وابوي وعمي .

وخضر سوالها جواز وراح تروح وياها بنت عمي وعمي!

يعني اني بقيت منو ياخذني ؟ للدوام .

عمي قنع ابوي اروح وارجع وحدي مثل قبل واذا تحتاج شي لو ولد عمي لو خضر ..

كوة وافق كال لا اني اجي واكعد يمج خاف خضر يأذيج 

كتله خضر ماياذيني ماطول اني مو يمه .وخضر زوجي كدام العالم يعني ماخاف منه .

ابوي هااا هسة صار ماتخافين منه .

والله بوية خضر يكسر خاطري .

ايي يكسر خاطرج بس رجعه اله ماكو الا يبوس رجلج ويعزل بعيد عن امه .؟

الله كريم اني ثابته على رائيي بس خلينه نكمل الدوام وارجع الكم ونتفاهم بعدين ..

كمت اروح وارجع وحدي اول3ايام وهو اجازة 3ايام طلعت لكيته منتظرني .

كال انزلي اني اخذج بسيارتي .

انطيت السويج لابن عمي واني رحت وياه .

شنو شلونك .

زين الحمد لله . راح انقل .

وين . ؟

والله ماعرف منو مطيرني وذابني بالحدود ؟

اكيد مسوي شي .

لا والله اني رجال نزيه احترم المراجع اكمل شغلي ماكو مراجع ما اسهل امره ..

لعد شلون تكول طيروني .

بدوائرنا اللي يشتغل بضمير ويخاف الله بالمراجعين محد يريدة ..

وصدك نقلوه للحدود ودوامه اسبوع كامل يومية يتصل بيه من اطلع ومن ارجع من الدوام ..

بدوائرنا اللي يشتغل بضمير ويخاف الله بالمراجعين محد يريدة ..

رجع عمي وبنته وزينب من ايران بعد اكثر من عشرة ايام مسوية عملية وكايلين بسيط وعلاج وبقية العلاج بالعراق ..

الناس تروح وترجع لبيت عمي . .

اني اتصل على عطور اسأل عليهم واتصل بابتهال .

ابوي ميقبل اروح الهم ولا هو اجه .

رجع من دوامه خضر واجاني لبيت عمي 

اول ماكعدت يمه ضايج .

شبيك ؟.

ضايج تعبان مقهور من هواي اشياء؟

خطيه زينب شلونها 

والله كلش تعبانه ومامرتاحة وكلساع تريد تروح لبيتها واني كتلها تكملين هنا نخدمج يلا ترحين .

شبيك ؟.

ضايج تعبان مقهور من هواي اشياء؟

شتشوف هسة احسن لو قبل ؟

لا هسة بس المريض يحتاج نقاهه وين النقاهه تلكاها وسكت ..عرفت امه السبب لان مرت عمي من راحت الها تكول ام خضر مو بتها ومريضة عبالك عدوتها تدعي عليها!!

شلونه دوامك ؟

زين لحد الان بس تعب والله .. جبتلج شي ؟

شنو .

طلع باكيت جكاير من جيبة وضحك .

خرب ابليسك خضر يعني اني كوة مصبرة روحي تعلمت عليهن من وراك وهم جايبهن هنا بيت عمي .

اشربي وحدة 

محد يدخل للصاله من احنه موجودين .

سحبت وحدة وبديت اشرب ونسولف ..

يجوز انت مخليلي بيهن حشيشة ..

خو اشربها اني واسلطن واخلص من همج .

شعلية اني يمكن مأذيتك بشي حتى تكول هم .

اكلج ماتخلينه نطلع نتونس نروح مطعم شي سفرة زيارة ..

بعد وكت جنت يمك اشهر ماتعرفني هسة جاااي تعزمني وطلعني ..

اكلج ماتخلينه نطلع نتونس نروح مطعم شي سفرة زيارة ..

اااااخ يا بشائر والله تعبان وضايج ومقهوورر على روحي ..

خلي عينك بعين الله يؤخر التعب والضوجة ويزيل التعب عنك صدك خضر اريد اسألك سؤال 

جواب . 

انت بالجوازات شلون عرفتني ؟

اهاااا ايبااه والله جان يوم حلوووو رغم التعب الجنت البية

بس الولد اليوكف بالباب ياخذ المعاملات واني ادققهن قراء اسمج واجه كلي سيدي هااي اقاربك نفس الاسم اخذت الفايل انصدمت اي والله هاي بشائر كتله منو وياها 

كال سييدي هوسة ماتذكر بس من اكلب الفايل شفت الاسم نفس اسم جدك واللقب .

كلبت بالمعاملات لكيت بس اسم عمتي .

كتله شوف دخلها بس هيا اخر شي واللي وياها حاول تطلع الهم فد لوفه وضحك .

كال ومن دخلج والله العظيم من دخلتي الغرفة وي المراجعين گلبي كام يرجف عبالي عرفتيني بس انتي كعدتي علةصفحة وشايله خشمج ويلوكلج شيلة الخشم اجه ولد وياي كتله هاي بنت عمي بس ماتعرفني من يوصل السره الها انت اطلع .

اشتغل واباوع عليج ابد مترفعين عينج وعينج على جنطتج بحضنج اباوع على شفايفج وملامحمج كلها متغيرة لزمت روحي وماكمت بستج وحضنتج وتدرين مشيت اخر معاملة بيها خطأ مشيتها للمرية علمودج . 

انت بالجوازات شلون عرفتني ؟

تدري اني ولا عرفتك ابد والله ولو ما اقراء اسمك ابد ماعرفك والامور تمشي كلش جنت متغير عن اخر مرو شفتك بيها..

هو امبين ماعرفتيني وفشلتيني من سلمت عليج همزين محد موجود وثاني مرة من سلمت على عمي وعمتي ودرتي وجهج على المريه اللي بصفج فد ضجت واني بقت شكد اباوع عليج قبل لاتجي اسلم اباوع عليج شلون تسولفين وي عمتي وشلون ابتسامتج حلوة ورقيقه . صدك انتي شكلبج هيج مفترسة حسرة احجي وياج تلبسين وجه ثاني ..

هههههه من ضيمك غير اليدك الباب يسمع الجواب .

دخل عمي جانت الجكارة نهايتها بيدي ..

عمي شننني ولج ولك انت ماتستحي تشربها جكاير ..

خضر . عمي جكارة شاربه عرك خليها تحرك كلبها بيها ماطول محروكين ومحد يحس بينه ..

ولك انت تخليها عينها تطلع عليك صعدتها سيارة شربتها جكاير باجر تنزعها العباية وتخلي بطرك البنطرون تفنر بالسوك ..

لا مولهدرجة عمي اني اغار عليها وهيا هم ماتسويها ..

اييي ماسويها عمي هيا جكارة شبيك .

شبشابه التشب بحلكج الا اكل لابوج ام الجكاير ماتلام بيج ام خضر ..

عموووووو كافي اني طالعه ..

عمي . طلعي واني أكل لابوج بنت ادخن ؟

خضر . عمي مو صدك تكل لابوها وبعدين اني زوجها وكاعده يمي واني قابل انت ليش حشري وتدخل علينه .

عمي . مو داخل عليكم يالغمان بغرفة النوم .

خضر . عمي صدك مو عندك غرف فوك فارغه ماتخليني اعزل يمك ويم مرتي وتكسب بينه ثواب .

وعلي حتى عمك ابو جهاد بالعكال وين ماتوجعك يضربك .

خضر . لاصدك بروح ابوك دحجي وياه عمي حرام عليكم حارمين رجال من مرته .

ايي هسة صار حرام علينه وانت جنت عايفها لو ماحلت بيعينك الا من شدينه عليك الحزام روح لبيتك وجفينه شرك نعست وتعال اكلك انطيني من هاي الجكارة النسائية شفت الباكيت بيدك اريد اخلي مرت عمك تشربلها بلكي تلتهي ادخن وتعوفني بحالي ماتلغي فوك راسي ..

خضر . هااك الباكيت كله بس لا تفتن عليه واني يجوز باجر اروح لعمي واحجي وياه .!

بقوا يضحكون وطلع خضر واني جنت فد خايفة لا عمي يكول لابوي شفت بشائر تدخن هيا وخضر ..

قلقة منتظر خضر يتصل ويحجي راح لابوي وشنو حجوا ؟؟

خابرت خضر بليل مجاوب دزيتله مسج رحت لابوي 

جاوبني لا ماموجود بالبيت من خابرته !وباجر اروح لاهلج اذا يقبلون انعيش يم بيت عمي مؤقتآ .

ثاني يوم خابرتني امي 

وجانت ضايجة شبيج يمة 

خضر وجهاد تعاركوا وابوج بنصهم وجهاد ضرب خضر !!

ليشششش ضربه ليشششششش 

امي : مادري يايمة اتهور صارت بينهم امالخ جهاد يكول طلك وخضر يكله اني جاي لعمي مو الك.

متت قهر على خضر ليش يضربه جهاد ليش هو عايز خضر كلنه علية 

خابرته مجاوبني 

سولفت لبيت عمي خابره عمي هم مجاوبه 

اكيد زعلان ومقهور 

خابرني خضر 

فتحت بسرعه الو خضر 

هلا بشائر اني باب بيت عمي 

طلعت ركض فتحتله الباب 

تعال ادخل 

خضر :اي جنت مشغول 

اني كاعده وابوع عليه ومتعاطفه وياه متغير 

خضر : اني رحت لبيت عمي وصارت مشكلة 

وهما هم حقهم بتهم ماتهون عليهم السويته بيها هاي السنة زواجنه من ضرب واهانه واهماال 

عمي وولده وشيسون اني ما ازعل عليهم 

وتلبية لرغبتهم ورغبتج 

هذا الاسبوع اطلكج وعلى گولتج كلمن يروح لحال سبيل 

نشغت شنوووو لا ليش معليك بيهم 

خضر :بشائر ترا ماكو شي راح يتغير بحياتي 

بيتنا وامي ماعوفهن 

عمي خابر عمي والولد ويشردون اني حاضر 

غايب وحاضر وكل حقوقها الها وخل يرتاحون مني.

بسرعة كام من شافني بجيت 

طلع وراه عمي واني كمت ابجي بنحيب عالي واحس كلبي تطلع منه كلمة ااااااااه ااااااااااه 

البيت كلة فوك راسي 

وعمي يهدي بيه 

وسمع عمي يخابر ابوي ويكله خضر يكول عمي شيريد اني جاهز وخل نباشر بالطلاك وبشاير تبجي.

ماريد اطلك ماريد اصيح اني اريد خضر وقابلة انتظرة وتصفى اموره .

مو هينه علينه انفصل عن خضر .

اتصال من ابوي:

ها بوية وعليكم السلام 

ابوي: شبيج تبجين هاي رادتج قبل الزواج جنت تكولين طلكني 

اتصال من ابوي:

ها بوية وعليكم السلام 

اي جنت مو هسه ؟

ابوي:بس ماكو شي راح يتغير خضر يعرف نفسه مو طبيعي وقابل بحياته ومايريد يتعالج ويريد اذا ترجعين يم امه يبقى ونفس الحمام ونفس الطاسه .

ليش ضربتو مو خطيه واني ابجي واحجي 

ابوي: هذا جهاد غبي تعرفينه تلاغوا وضربة 

خضر مو طفل حتى تضربوه وتهينو 

ابوي:هسه متقبلين عليه ليش وصلتوا لهاي المرحلة اذا متقبلين عليه 

بعد غباء مني

ابوي:بعد يابنتي افضلج الانفصال وهو اتفق وياي الاثنين يروح للمحكمه وحقوقج كلها محفوظه!!!!

تسولت بعمي يروح يقنع خضر لايسمع كلام ابوي ويروح يطلك 

عمي هم راحله رجع وعمي يكول ابوج واخوانج هما اللي جبروة ويخابرونه يكلولة طلك 

خابرت خضر جاوبني 

خضر شلونك 

هلا بشائر ها خير؟

خضر تعال خلينه نحجي 

خضر:بشائر اني منطي لعمي حجاية وماكدر اكسرها واجيج 

معليك باهلي اني صاحبة القرار

خضر: ابوج واخوانج هما يردون مصلحتج  

ارجعلك للبيت واصعد فوك واقفل على نفسي 

خضر: لا ابد لتسويها بشائر انتي اذا تبقين وياي تتحطمين بالزايد حياتنا انتهت بشائر 

انت وابوي مو بكيفك تقررون عني موووبكيفكم 

كمت ابجي وهو سد التلفون.

يمكن عشر دقائق 

وبنت عمي كالت بشاىر تعالي خضر بالصاله ؟ 

شنو صدك والله يريدج 

ايييي رحت غسلت وجهي ودخلت 

ها خضر ليش سديت التلفون بوجهي واني احجي وياك 

خضر: بشائر ماتسوة تبجين ولج والله هذا لمصلحتج 

ولج اني مو رجال اني مافيدج 

شنو تترجينه مني 

اعيش وياج رجال طبيعي لا والله ماكدر وتدرين كلش زين اني مو كدها وماكدر ومو مجبور اعيشج بوهم 

انتي انسانه عندج مشاعر وحالج حال كل بنبة الله خلقها تحب الحب والدلع والمعاشرة من زوجها اني ماكدر كلشي اقدم ولج اني بس طول وهاي هيا 

حالي حالج من اكعد بصفج ولج اني شنو عبالج 

امشي يومي عادي 

من اول مادخلتي بيتنا اني شبة ميت 

شربت فياغرا وهمزين ما وكف گلبي وضغطي كله يقرا١٨

لو اول بوم عرسنا وانتي لابسه واني بس بالحمام اتقي وابجي اخاق منج لان مو كدها واخذج 

لو من اجي يمج واشوفج شلون سهلة وابيتي ومرتي واني واحد ويكفخ بيه لاتباوع عليها هاي شكلها قبيح وسكت هواااي يا بشائر اريد اوصلج ويطلعلي شكل ثاني واني مقتنع بنفسي اني بيه شي واشوفج هيج بس ماكدر اعالج نفسي 

يحجي بتوتر همزين محد يمنه ويسمعى 

اسمعيني يا بنت عمي 

اني ماكدر ماكدر .

مو مهم النومه عندي المهم انت تحبني

خضر:اشش وانجبي جم مرة عيرتيني وخلتيني اوصل للانتحار واخلص من حياتي ولا عار يلحكني '

شوفي يمكن اني رب العالمين كاتب نصيبي اعيش طول عمري هيج وياج او وي غيرج اني قابل بنصيبي بس ماقبل تعيشين وتقبلين بنصيبج ويلي .

والله اني مو قصدي واسفه واعتذر وعهد اي كلمة ماغثك بهذا الموضوع 

خضر:بشائر ترا محد خسران غيري .شوفي حياتج فترة وتعدي وتنسيني .

لا خضر لا. خلينة نسولف ونبدي من جديد ندور حل وانت شغلتك بسيطة بس انت ما تقتنع 

خضر :ادري راح تكولين البيت والمكان !

ولعلمج اني ادري البيت والمكان وادري كلشي اكو واعرف شي يمنعني منج هناك 

بس اني اذا أكدت هذا الشي 

راح اتهم امي وكلها تلوم بيها وتحجي عليها واني هذا الشي ميرضيني .

بس امك متريدلك الخير 

اششششش ولاكلمة على امي معليج اني قابل انتي شعليج اني لو اموت ماخلي امي نصب اتهام امام الكل 

اخر الكلام ابوج صح .

وانتي امشي ورا ابوج محد يخاف عليج بكثرة 

لاتخابريني ولاتبجين والله يسعدج وين مترحين 

وعلى گولت السورين استروا ما شفتو منه مثل ما ضميتي سري للسنين هم ادري بيج 

صاحبة سر وثقة ومتبيعين ابن عمج وتخلين الحلوك تحجي علية يابشائر واني مندوم لان بهذلتج .

الله يوفقج 

يلا اشوفج بخير يريد يطلع 

جلبت بيدة لا هاي مو النهاية مو بكيفك فتح الباب وطلع.

وكلشي انتهى حسب كلامهم ..

شكرا لزيارتكم عالم روايات سكيرهوم