رواية كريات الدم السوداء الفصل الحادي عشر بقلم زحل
_مر اليوم بين قلقي عله جويسم وخوفي من مبيته
برا البيت وبين سوالف ابو وسليمه الي ماتنفهم لاهمه متصافين ولا ينعرف وضعهم هو يحجي وهيه ولا مهتمه .
راضي:اكول لو نرجع لحفلات الا عراس افضل انه تعبت .
_باوعت عليه ماراضيه شمرت الكوشه مال القنفع وتوجهت للمطبخ وهيه تحجي.
سليمه:الي يسمعك يكول جنت مستفاد ؟
راضي:اهون الي نحصله قليل بس افضل من هسه يعني جنت من تخلص الحفله اجي للبيت انام براحه اكلي لكمه .
_رجعت بيدها ماعون فواكه
كعدت عله القنفه
وردت عليه .
سليمه:خلص اشتغل من لازمك اذا هيج انته متاذي من سهرات البيت ولا يهمك من اليوم بعد ماكو حفله هنا واطلع انته وفر النا عيشه
راضي:مو هيج بس اكول .
_ماخلته يكمل ردت بصوت عالي.
سليمه:لا تكول ولا تحجي خاف عبالك انه مكيفه لو مرتاحه بس مليييت مليت من الفرة من مكان لمكان خوف قلق وتعب والنتيجه تراب الفلوس .
راضي:شنسوي قابل بيدي هاي انكتب علينا هل كار ولو بعد بيه حيل ولا كيلي شغل ماقصر انتي ليش تعصبين انه قصدي بيتنا صار مابي راحه وجويسم راح يضيع.
_كمزت من صوتها شمرت الماعون وكامت تصيح.
سليمه: يعني قصدك انه السبب وتريد تكول لو امه موجوده ماطلع راضيييي ابنك عايش هنا يعني اول وتالي يلزم الشارع وهذا حال الكل ليش تغشم نفسك
مو كتلك اجر بيت ورجع امهم .
راضي: هو حجي منين اجيب والاجار هين .
سليمه:رجعها هنا وخلصنه .
راضي:ماتقبل .
سليمه:خلص فهمت قصدك يعني انه السبب
وهسه عليمن ضاله احجي واتعب
نفسي ولا عله عينك شر انه طالعه ورجع امهم .
_كامت للغرفه ورا دقايق طلعت لابسه صايتها وبدون ماترد علينا طلعت ركضت وراها يااا تعاي شبيج وين رايحه معوده هيه امي لو رايدتنا جان اخذتنا .
سليمه:لا يجوز من اطلع انه ترجع.
_ حته لو رجعت انتي شعليج بيها؟
سليمه:خاف تشرط اله يطلكني
هيج اسهل عليكم امر .
_زين وين راح ترحين .
سليمه :يم ام طيبه واذا صار شي خابريني
يله فوتي وقفلي الباب .
_طبكت الباب ودخلت باوعت عليه بحيرة مدري
نلومه لو نعتب عله امي لو الدنيا شويه وطلع هزيت ايدي حته ماكال بنتي لوحدها اتصلت بجويسم مارد عليه لفيت راسي ونمت فزيت عله صوت النقال بدون ما اشوف الاسم رديت اجاني صوته يضحك .
جويسم:ههه ها ام عطوب شلونج.
_مثل لونك وين انته؟
جويسم:بالكراج المهم شنو الاوضاع يمج شكو ماكو؟
_شكو يعني وشبيك هيج فرحان .
جويسم:سمعت ابوي طارد سليمه .
_ذكرتني بأابوك دخل اكوم اشوفه اجه لو لا طلعت وتلفون بيدي باوعت بالصاله ماكو تقربت للغرفه ماله حس رديت عله جويسم ولك ماهو من البارحه .
جويسم:هااا شعجب عايفج لوحدج .
_تدري شتمنى هسه .
جويسم:اي ام عطوب شتتمنين.
_كون الزمك اذا ماسحلتك بنشارة النجارين عله اساس هو مهتم لو خايف عليه هو يوميه للفجر يله يبين .
جويسم:هو ليش طار سليمه .
_ولك ياهو طاردها هيه طلعت كالتله رجع ابنك وامه .
جويسم:خوش مادام هيج انه اليوم اروح لخالي واحجي ويا بعد شنو عذرهم هاي سليمه وطلعت من البيت .
_يله مو ردتوها تطلع تعالو انته وامك .
جويسم:شبيج ام عطوب شو جنج مقهورة عله
سليمه ولج بت الكلب خاف عاجبج شغلها .
_انعل ابوك لابو سليمه ولك انه كاتلني الخوف اكلك لوحدي من امس جا جيت كون هامتك ايسسسس من امي ماتجي اواعد لو رجعت خايب وعليمن متعبه روحي وياك دوليييي سديت بوجهه وكعدت بحيرة نزلت دموعي عله الضياع الي احنه بي للصبح اجه ابوي كوى يمشي باوعلي عبالك يتذكر انه بنته بعدني ماسالته استلمني .
راضي:انعل ابوكم لابو امكم بعد الي يكول امي اريد امده مد .
_عرفت رايح عليها وماقابله ترجع سكتت جريته
للقنفه بس حط راسه نام غطيته وتوجهت للغرفه خابرت سليمه مرتين يله ردت .
سليمه:ها خو مابيج شي.
_بجيت يعني انتي ضال بالج عليه وامي حته ماكلفت نفسها تسال عنه .
سليمه:هسه عليمن تبجين خرب ابوج شنو هل صباح الي يعطر المزاج .
_تعاي بروح امج لاتخليني لوحدي ابوي قبل شويه اجه وصاير طينه والظاهر رايح عله امي وماقابله
ترجع.
سليمه:وانتي ليش لهسه مارايحه لشغلج .
_شلون اخلي ابوي لوحده وهم مالي خلك.
سليمه:خوش حضري نفسج ادز عليج ابن ام طيبه عندي حفله مال حنه عود وبليل نرجع.
_لا لا مااجي انتي تكملين شغلج تعاي.
سليمه:ولج تعاي تونسي حفله كلها نسوان بدلي مو تجين مسحوله يله انكسحي خلي اكوم اشوف ام طيبه.
_نهت المكالمه بدون ماارد عليها صح متردده بس ماله كلت اروح حته تنجبر تجي وياي بسرعه بدلت ورا شويه اجاني ابن ام طيبه تفاجئت بالمنطقه الي ساكنين بيها والبيت شنو دخلت وانه اتلفت الاثاث يخبل شلون عايشه عيشه جا شبيها تركص لو كل هذا عندي جا ماطلعت الباب تلكتني سليمه .
سليمه:لا تتلفتين شفتي هاي العيشه الي اريد اوصلها.
_رديت عليها وعيوني تفتر بالصاله عبالك قاعه جا مالميتي مثلها انتي صار سنين تشتغلين .
سليمه:هههه جنت قشمر اكد عله اختي تالي
خوش جازتني .
_قطعت حديثنا ام طيبه.
ام طيبه:يله ترى مابقه وكت .
_طلعنا وصدك تونست حفله بس نسوان
وبس خلصن رجعنه لبيتنا لكينا ابوي كاعد عود
مسوي روحه حريص استلمني .
راضي:ليش ماكعدتيني شلون طلعتي وانه ضل بالي عبالي بالشغل.
_رديت وانه متوجهه للغرفه بويه
هو انته ميت شكعد منك اشرتلي سليمه
بمعنى دخلي لغرفتج عفتهم .
سليمه:انه دزيت عليها شوف راضي لو ماسونه
ماارجع خلي ابالك اي كلمه بعد ماتشوفني ومنا ونسد موضوع نجيه خو ماقبلت ترجع بعد انه ماعليه .
_اسمعها تحجي كلت خليها ويا زين تسوي شنو قابل مايعرفها لو من تزوجها شرط عليها تبطل شغل هو الي فرط بأامي لاجل شغل سليمه نمت الصبح عفتهم نايمين وطلعت لشغلي لاكاني جويسم درت وجهي بزعل .
جويسم:شوف ام اعطوب هم تزعل .
_ضحكت مايهون عليه شبكته تمشينه يم ابو الفات ناكل وهو يتلفت ويحجي اباوع عليه تصرفاته متغيرة وسوالفه عبالك صار سنين بالشارع .
جويسم:شنو الاخبار .
_يا اخبار امي ماقابله ترجع دنك بهضم عيونه تلمع بالدموع خله كوب الجاي بالكاع يباوع للشارع ويحجي .
جويسم:بعد نعتبرها ماتت لان حته انه رحت وتوسلت طردتني.
_ماردت اقهرة رديت عليه اول وتالي ترجع
بس تشوفنا ناجر ونطلع منا .
جويسم:يله انه تاخرت .
_كمت وانه انكت بصايتي ومثل العادة قبل ما اودعه فتح جنطتي وهل مرة المبلغ اكبر مانطاني مجال احاجي بسرعه عبر الشارع تمر الايام واحنه للاسوء
صار كم يوم جويسم مابين اطلع للشغل وارجع اكول بلكي الكاه منتضرني ماكو اتصل بي جهازه مغلق
احس الدنيا متحلفه بينا ماجاي نكدر نخطي خارج هل المربع المشؤوم وضع ابوي صار واضح وقرب للهاويه
سليمه عبالك تسابق الزمن وكانؤ تذخر او تخزن مال ينفعها بيوم توكع مثل الي تلملم الباقي او الي ضال
من عمرها ليل ونهار هيه حفلات اكثر الاوقات بالبيت ومرات تطلع اعراس طلعت الصبح وانه اتلفت بلكي الكاه وصلت للمحل ودك نقالي رديت بخوف ولك وين انته؟
جويسم:بالكراج صار كم يوم مريض
ماكدرت اطلع .
_خرب ابوك مو كتلك تعال للبيت حته لو بس باليل شعدك بالكراج ولك تالي تاخذك الحكومه ويه سويكه .
جويسم:هو بقه ليل كلبته سليمه نهار .
_احس كلبي نمرد كوى يحجي مبين كلش مريض رديت عليه بس خلي اترخص من ابو المحل واجيك كول لكفه ينتضرني براس الشارع .
جويسم:خوش جيبيلي وياج افلوس .
_نهيت اتصاله والتفت اريد ادخل للمحل لكيته
الرجال واكف بظهري ونضراته تاكد سمع كل شي دنكت خايفه وفشلانه .
!!روحي لاخوج وباجر نتفاهم .
_بدون مالتفتت مشيت وانه اتحلف بي
لكيته كفه لازم الركن مشه كدامي لحد ماوصلنه فتح باب الكراج اباوع سكراب وحديد مال سيرات دخلنه جوى منضفيلهم مكان بي فراش وطباخ ارضي عليه طن وصخ وقوري صاير لون زنجاري علاليك الاكل مشمرة شافني كعد مبين كلش مريض دنكت عليه ودموعي تصب ليش هيج تسوي ترى تعبت هو انه املي بيك جرني مسح دموعي ياالله يتصرف عبالك ابوي لو اكبر مني دفعت ضحك وهو يسال .
جويسم:بس كون جبتيلي فلوس؟
_ولك كوم يافلوس امشي وياي اخذك للطبيب
ونرجع لبيتنا عود من تصير زين اطلع للشغل .
جويسم:بس كون جبتيلي فلوس؟
جويسم:هنا احسن عله الاقل انام هو انتي
لو تسمعين كلامي وتجين هنا .
_فكيت عيني وين اجي ابن الكلب بالكراج؟
جويسم:احسن من دك طبول ومدام سليمه
رجعت بعد ايسي البيت مو النه .
_خلي يولون مانريد منهم شي بس صير زين
ناجر بعد شنو ناقصنا شو فلوس وعدنا.
جويسم:بس هذا الشهر لازم اخلص شغلي
ويه سويكه ابقي هنا حته نطلع محد يعرف
طريقنا.
_فكيت عيني وين اجي ابن الكلب بالكراج؟
_انته الصخونه اثرت عله عقلك ولك وين ابقه وانتم شغلكم زباله بكل لحظه تجفت عليكم الحكومه وتالي يكرفوني وياكم .
جويسم:ولج شكد تحجين ترى
مريض مريض .
_دكوم اخذك للمظمد .
_انته الصخونه اثرت عله عقلك ولك وين ابقه وانتم شغلكم زباله بكل لحظه تجفت عليكم الحكومه وتالي يكرفوني وياكم .
جويسم:ولج شكد تحجين ترى
مريض مريض .
جويسم:كفه ياخذني .
_عرفت ماراح يطلع منا كمت واشرت لكفه تعال
وراي حته اطيك فلوس اخذه خلي يضرب ابرة
طلعت والطريق كله ادعي عله امي الي سيبتنا
همزين ابوي ماموجود تلكتني سليمه بخوف.
_سولفت الها هزت ايدها ودخلت لغرفتها اطيت كفه فلوس ورجعت كاعده بقلق كل شويه اخابر لحد ماكال راح انام يله ارتاحيت احس كلبي نار ضليت اتكلب وماخذت عيني نوم بالي يمه وماجنت اعرف هاي اخر ايام تجمعنا .
(بنين)
_مخليه الكتب كبالي ودموعي تصب احس
بروحي تعبت ماجاي اسيطر عله المواد طلعت
لكيت ابوي وثابت وامي كاعدين بالصاله انتبهو لوجودي وعبالك امي حاجرتني .
وفييه:ها ليش عايفه كتابج ؟
_يمه ترى من حقي اتنفس
متت متت كرهت الكتب .
وفيه:الروحج قابل تكدين علينه .
_يمه ترى من حقي اتنفس
متت متت كرهت الكتب .
_قطع حديثها ابوي وهو يوجه
كلامه الثابت.
ابو اسعد:الى متى يبقه بيتك فارغ .
_رفعت راسي متفاجئه
وامي مثل حالتي يابيت والغريب
انو هو انتفض .
ثابت:يابه اترجاك لاتفتح موضوع
انه بالويل متحمله.
ابو اسعد:وتالي يعني فهمني شنو الي ابالك شوكت ترحموني مو تعبت كافي عليه اسعد ومصايبه.
ثابت:اذا متضايق مني مو مشكله بس اطيني مجال اشوفلي بيت قريب ااجر .
ابو اسعد:هيج كلمتي ثكيله عليك.
_كام ثابت وعبالك ابوي ضربه طلقه طلع متجنب الرد كمزت من طبكت
الباب بعصبيه وقبل ماتسال امي التفت عليها ابوي .
ابو اسعد:ماريد حرف ولا الي خلك سوال
.
وفييه:لا ماراح اسال اعرف مالي
حق ماكو داعي تذكرني .
_سكتت مختنكه بعبرتها
دنك ابوي بحيرة وهيه كامت صاح وراها.
ابو اسعد:مو هيج قصدي لا تقولين بكيفج اكيد لازم تعرفين بس خفت عليه من العين وهم جان ناوي يسويها مفاجئه بس ماعرف ليش هل ولد مااله
نصيب بالراحه استغفر الله العظيم.
وفييه:لان مو نصيبه لان انته
فرضت عليه ظلمته .
_همه يحجون وانه مثل الاطرش بالزفه .
ابو اسعد؛هاا بشنو ضلمته؟
لان ردته يستقر .
_ردت امي بصوت عالي ولاول مرة تحجي بهاي النبرة ويه ابوي الي نضر الها بعتب .
وفييه:بيمن يستقررر بمريم خليني ساكته خاف عبالك نايمه عله اذني بس اريد اشوف وين تاليها.
ابو اسعد؛هاا بشنو ضلمته؟
لان ردته يستقر .
_اشرالها بمعنى سكتي عافتنه و طلعت تبعتها
بفضول واعرف اذا اسال راح ترزلني دخلت لغرفتها وطبكت الباب عرفت قصدها لا تجين رجعت لغرفتي ومادري ليش صايبني ملل وكارهه الدراسه وتعدت فترة امتحنا النصف الاول
حيل تعبت ومنا وضع بيتنا هاي الفترة كله مشاكل يوم اسعد واريج ومرة ابوي وثابت الي تغير ١٨٠ درجه عله طول معصب ومريم الي تصرفتها ماتنحزر اذا ثابت بالغرفه هيه تخلص وقتها يمي وذا ماموجود ماتمد راسها من الغرفه بحجت ادرس والمصيبه من طلعت النتائج وهيه مكمله ب٤ يبوووي الكل لامها
طلعت عله صوتهم .
ثابت:يابه الله يخليك سد الموضوع .
_اباوع كوى متمالك اعصابه ومحد يعرف شنو
الي وتر علاقته باابوي الي امي ملتزمه الصمت
التفتت ادور مريم الي حيرتني بتصرفاتها ولا عبالك زوجها ولا مهتمه جنها ماتسمع ولا طلعت من غرفتها كام ابوي بزعل بقه ثابت مدنك .
ابو اسعد:الظاهر بعد مالي خاطر .
ثابت:يابه مو هيج بس ب٤ مواد
شتعدل تولي تكعد.
ابو اسعد:المن كاعده مثل تلتهي بجالها.
ثابت:ليش احسك تتعمد تثيرني.
_التفتت عله امي الي استغلت انشغالهم وطلعت بسرعه تبعتها وتفاجئت من سمعتها اتصلت بعمي محمد سدته وهيه تحجي بتحذير .
وفييه:ديري بالج تكولين راح يجي عمي .
_شويه وانجمعو عمي وابوي واياد واسعد ثابت
بس يحرك جكاير وهمه واحد مأيد والثاني رافض
اندك الباب كام مولي وتفاجئ بدخول ابو مريم
استقبلو وبدون مقدمات فتحو الموضوع ..
جبار:قبل ماتخطب كلت اخليها تكمل .
ثابت:وماقصرت وهاي شوفت عينك ب٤ .
جبار:اي تعدلهن .
ثابت:شتعدل وحته لو نجحت
ماتجيب معدل.
جبار:ميخالف اهم شي تكمل .
ثابت:وانه مارايدها اداوم واذا انته ماعاجبك
اخذها يمك وخلي تكمل كليه تتعين .
جبار:ميخالف اهم شي تكمل .
_التفت جبار عله ابوي بعتب .
ثابت:ترى زوجتي ومحد اله حكم عليه .
_والكل انتبه انؤ ثابت وصل حده حاول عمي يتلافه الامر .
محمد:هسه ليش هل جدال خو تكعد وبعدين هو يقدملها حته لو خارجي بلكي هاي الفترة يصير
عدهم طفل ويستقرون وملحكه عله الدراسه .
جبار:ما معترض وحقه بس هو
عبالك يريد حجه.
جبار:بعد ماكو عذر انو تخلي الها تلفون .
_كام ثابت وهو مسلط نضراته لمريم وحجه بدون اهتمام .
ثابت:ماتحتاجه مو.
_الكل مستغرب تصرفه بس من ايدت كلامه هيه سكتو .
مريم:اي ماريده اصلا تعبانه مالي خلك اريد اشبع نوم .
_طلع جبار وهو زعلان وثابت اترخص بحجة تعبان ومريم نسحبت ورا .
محمد:غلط زواجه من هل بت طفله ولا متوالمين والظاهر مامرتاح .
ابو اسعد:اي وشنو الحل نرجعها لجبار نكله ماعجبت ابنا لعبه هيه .
_الولد ابد مادخلو بس الكل بحاله
شك بعد العشى راحو وهيج يوم بعد يوم مريم بدت تظهر وجه ثاني تشوفني ادرس وهيه ماتحرك ايدها بشغل البيت امي وصل حدها .
وفييه:عليمن اعتب الحظ
لو ابوج الي جابها .
_يمه عوفي انه انضف باليل .
وفييه:روحي الزم كتابج لا اذب
حركتي بيج .
_شردت للغرفه لليل طكني الجوع
طلعت قاصده مولي بلكي يحن عليه بلفه استوقفني صوت ابوي اتبعت
المصدر مديت راسي من باب المطبخ ضليت واكفه بفضول مانتبهو لوجودي بسبب وكفتهم وجهم للباب الرئيسي وضهرهم للبيت .
ابو اسعد:جلى من لا يخطى وكون انته سبب
بتصليح وضعها طفله وبنت عمك
والله وصه بالستر .
ثابت:ماجاي اتقبلها يابه افهمني مو بيدي
نفسي جازه والكارثه انه شاك بعدها عله تواصل .
ابو اسعد:ان بعض الظن اثم لا تخلي الشيطان. يسيطر عله عقلك منين تتواصل وهاي كعدت من الدوام يعني مالك حق تشك .
ثابت:كارهه نفسي حاولت ولخاطرك راح اخليها هاي الفترة وبعدها نشوف حل للانفصال .
ابو اسعد:ولا تزر وازرة وزر أخرى.
ثابت:ماوعدك بشيء حته لاتعاتبني .
ابو اسعد:ما راح اكول لخاطري بس سويها لله وربك وصى بالستر وغلط متوقع من كل بنت والف الحمد الله ماواصله بغلطتها لمرحله .
ثابت:ومنو يكول مااا .
ابو اسعد:هو ليش اكلك وثق زواجك
ليش تظلم بختك.
_احس راسي افتر ابتعدت من شفت ابو
ابوي جاي حته نسيت الجوع رجعت لغرفتي وصار
كل تفكيري يم حديثهم وكل شويه احلله شكل وبعد كم يوم اهلها عزموها كالت امشي وياي رفضت لان تعبانه طلعت مبدله وهو واكف ينضرالها بعدم اهتمام عجيب الي يشوف تصرفاتها متفاهمين هيه وزوجها لليل رجعت .
مريم:تعاي شوفي امي شلون جايبنلي شغلات .
_رديت عليها وانه اعض بالقلم
ولج ياغراض الرياضيات راح يخبلني .
مريم:خايبه دعوفي واذا عدتي السنه شنو يعني.
_التفتت عليها بااستغراب اتلفت لصوت
النقال باوعت عليها لونها انخطف وانه كمت بغباء ادور بالغرفه يااا منين هذا الصوت انقطع رجعت التفت عليها بشك .
مريم:شبيج شدورين .
_صوت نقال عندج لا تكولي لا .
مريم:اي ابوي جابه الي بس لانحجين
لحد مانقنع ثابت .
_سكتت وماتوقعت يصير كل هذا
غلطه ماحسبت حسابها.
(قدر)
لكل شيء طاقه تحمل او استيعاب اذا
اجاوزت الحد يحدث خلل احس عقلي مثل الذاكر وحملتها زايد ضرب الرام واحترك بيها مجال اتقبل انو يطلعون ذول متبنيني لو هذا مو ابوي لو وداد مو امي كلشي توقعت بس الي فاجئني صدمني و حرك الذاكر المخصصه حدث مايتقبله العقل ولا يمت للواقع بصله جرها عمي مطلعها حضنت الفراش وانه اصرخ بوجع ليش هيج لو ميته وياك زين اذا انه جذبو عليه انته شاون غشيتني بنضراتك يابه شسوي شسوي شلت راسي من دخل طارق الي حاله مو اقل من حالتي هزيت راسي متسألئه هاااا ابتسم بكسره محاول ييخفف من قباحة الامر
طارق:تبقين جدر ماتغير شي وابقه
احلفج بأبوج وراح اضل اوكفلج بوقت الحله ونروح نشتري ازبري .
_يحجي ويمسح بدموعه باوعت عليه اريد
الكلمه تطلع احس غصه بلعومي مدري خجلانه من كوني غلطه مجهوله نسب لو امي الي غلطها يخزي فقدت القدرة عله الكلام البجي ماجاي يريح كلبي كمت ونضراته تتبعني راد يلزمني دفعته .قِصٌصٌ مَآيِّ هِوِبَِّس
طارق:اسمعي مالومج بس هيه شنو بيدها وترى حته لو سويتو اثبات نسب تبقين بتنا هو مجرد هويه واسم مستحيل اخليج تروحين .
_التفتت عليه مافهمت يعني شنو.
طارق:قصدي الشخص الي اغتصبها مجبور يعترف بيج .
_لا لامستحيل يعني بعدهاااااا تجذب
توني سالتها تكول ماعرفه .
طارق:لحظه لحظه قدر مو هيج خلي افهمج .
_دفعت وفتحت الباب صارت بوجهي وعمي
وفاطمه واكفين اشرو لطارق بمعنى اطلع دخلت امي متوجهه لفراشها سديت الباب والتفتت عليها شوكت ناويه تصدكين وياي وين تردين توصلين يمه اخر مرة اسالج منو ابوي .
وداد:يجي يوم وتعرفين لاتستعجلين .
_ابد بعد مااسكت هسه تحجين كل شيء لو تحلمين تشوفين وجهي كعدت متربعه عله جربايتها وكفت مقابيلها احجي يمه خليني افهم .
_دفعت وفتحت الباب صارت بوجهي وعمي
وفاطمه واكفين اشرو لطارق بمعنى اطلع دخلت امي متوجهه لفراشها سديت الباب والتفتت عليها شوكت ناويه تصدكين وياي وين تردين توصلين يمه اخر مرة اسالج منو ابوي .
وداد:بيومها ماعرف شلون اوصف الي مريت بي بعدني بهول الصدمه وهو ولا تحرك عبالك ميت شلون دخل وهيه تقفل الباب وبين صفنتي سمعت صوت ام غايب تصيح عليه ماكمت دخلت للغرفه باوعت عليه بخوف والتفت بنضراتها للنايم بس شافته لطمت.
ام غايب :ولك كوم يانذل اليوم انعل شيب ابوك .
وداد :ضلت ترفس بي كعد مخترع يتلفت لحد
مااستوعب هو وين باوعلي ورجع نضرة الها صاحت بي .
ام غايب:اذبك بالحكومه ولك زينت راسي
شكول لناس الي خلوها عندي .
وداد :كام مامهتم لكلامها يريد يطلع جرته .
ام غايب:وين مولي تعال شوف حل بالمصيبه السويتها .
1
وداد:رد عليها برود مادري بروحي قابل متعمد.
ام غايب:وهاي شنو عود حليتها .
وداد:رفعت راسي انضرله بخوف وكارها نفسي
ولعبانه روحي من شكله
ام غايب:صاحت بي الله يصخم وجهك فوك
صخامه الزلمه الجابها اذا عرف شلون انته تدري
هيه اهلها يدورون عليها ولك نروح كلنا بداهيه .
وداد:رد عليها خلص اخفيها وكولي طلعت .
ام غايب: انعل عشيرتك تريد تبليني .
_تحجي والالم واضح بنضراتها وكانؤ هسه يله
حست بحجم المصيبه عيوني طفت دموعي مثل النار تنزل كل هذا ومتامله اوصل لاشخص اتنسب اله لزمت صدري بوجع كامت تريد تحضي دفعتها .
وداد:قدر .
_صحت بصوت ماريده لاتسميني بهذا الاسم يمه ماريييد غيري اي بلكي يتغير كل شيء بحياتي بلكي ينكتبلي قدر افضل يمااااا احجي خلي اسمع كملي يماااا منو واليش رافضه اثبت نسبي بي هزيت راسها ورجعت مكمله حديثها وكانؤ جاي تقرالي روايه انكتبت بأابداع .
وداد:ضلووو يتصايحون هو يكله شسوي
وهيه تلطم التفتت عليه وردت موجهه كلامها اله .
ام غايب:تعقدها واخذها عندك .
_هز ايده مستهأزء وجاوبها .
!!!وين اوديها خل اخلص من العندي خليها
يمج لحد ماشوف حل راد يطلع جرته .
ام غايب:خطوى ماتتحرك اخذها
مو تريد تفلت وتذبها براسي اعرف سوالفك .
ام غايب:وين تولين اهلج اكيد هدرو دمج وبعد الصار لاتتوقعين الشخص الي شردتي ويا ياخذج ولو هو من البدايه تخلى عنج اصبري خل اشوف شلون اركع هل مصيبه .
وداد:ايام وليالي وانه اتامل اخلص من هل جحيم رعب هل مكان الي ماعرفت شنو وضعه باليل اغاني وبالنهار اموات والمصيبه الشخص الي اغتصبني اخذ الامر عادي وكانؤ انه زوجته اجه بعد كم يوم ونفس الحاله يكعد الصبح مايذكر شي ملت منه ام غايب والظاهر تخاف وبيوم جانت عدها خفارة تفاجئت بيها رجعت من وقت .
نأتي للدنيا ولا نعلم من نحن وماالذي ينتضرنا ولايسمح لنا الاختيار حتى اسمائنا وابائنا هم ليس من اختيارنا ثم نكبر جاهدين لكي نحصل على فرصه للتغير تضع الضروف اغلالها لنصبح اسرى معتقلين بسلاسل الاقدار .
تعليقكم مهم وأرئكم اهم .
اذا حابين نكمل الروايه كتبولي
نأتي للدنيا ولا نعلم من نحن وماالذي ينتضرنا ولايسمح لنا الاختيار حتى اسمائنا وابائنا هم ليس من اختيارنا ثم نكبر جاهدين لكي نحصل على فرصه للتغير تضع الضروف اغلالها لنصبح اسرى معتقلين بسلاسل الاقدار .
شكرا لزيارتكم عالم روايات سكيرهوم
