رواية كريات الدم السوداء الفصل الثاني عشر بقلم زحل
كل شي بيه يألمني احساس متعب حيرة خوف خجل تحجي ودموعها تنزل وانه حاضنه فراشه حسيت جسمي نمل عبالك ورمت الم براسي فضيع لحظات ثواني ركضت عليه مفزوعه وتصرخ .
وداد:قدر قدر ولك فارووووق الحكني .
_مديت ايدي لخشمي احس شي حار ينزل باوعت لايدي دم دخلو عمي وطارق بخوف غمضت وماحسيت بعدها شكد صارلي نايمه وين انه اباوع ركزت بغرفتي وامي غافيه عله الكرسي الي كبالي تحركت بتعب وبسبب صوت الجربايه فزت بخوف .
وداد:اموت بس كون توعديني اديرين
بالج عله نفسج ادري موهين واعرف وجودي
بحياتج مخجل اعذريني بس انه حجيتلج الي وعدني بي وكل هاي السنين سكتت كلت بلكي بيوم يخلي ابنه ياخذج .
_اباوع عليها جوه عيونها سواد والوجه اصفر مو ذاك الشكل الي اشكد اتمنيت لو طالعه عليها بلعت ريجي احس بلعومي يابس اشرت الها عله الماي .
وداد:اي اي عطشانه .
_اطتني البطل وعيونها تسكي الارض الجافه .
2
حظنتها يمه خلينه نبعد منا نروح بمكان محد يعرفنا بي نعيش بس انه وياج اي اي ماعوفج للموت بس انتي لاتعوفيني مثل ابوي .
1
وداد:مايخلينا فاروق ولج ماعدنه اي ورقه ثبوتيه لاجناسي ولا عقد منو يسكنه هذا الي ذلني بي فاروق كل هاي السنين غشني وجذب عليه عبالي صدك طلعلج جنسيه بااسم ايوب ثاري مزورها .
وداد:هم انه انغشيت مثلج قدرررر
سكتي كافي ماريد اوجع كلبج .
_اكثر من هيج مايهمني بعد اي شي اسكتي يمه لاتبجي راح اعوضج اي ماضجت منج لان موغلطج رفعي راسج يمه لاتخجلين مني.
3
وداد:نطلع بس بدون مايعرف كومي
بسرعه نزلي هاي الجنطه .
_جريت الطبله الي جنت اخلي عليها علاج ابوي وصعدت ادور وينها يمه .
وداد:رفعي البطانيه تلكين جنطه زغير نزليها .
_جريتها جنطه مدرسيه قديمه
نزلت وهيه بيدي باوعتلها اخذتها مني .
وداد:ايي هاي كتبي شوفي خاف يلزمنا لو اموت كدامج لاترجعين ولا تعوفين الجنطه لان بيها الفلوس كل هاي السنين الم الي جان ينطينيا فاروق .
_يمه يمه كل الصار بس ماقبل تشوهين صورته بعيني عمي فاروق حرام عليج ماكو داعي تحجين هيج كتلج اعوف الدنيا واجي وياج .
وداد :ادري مراح تصدكين وهذا الي كسر ضهري كل هل سنين وحصلت اكثر من فرصه اطلع بس ماكدرت لان اعرف راح تعوفيني وتجذبيني وهو هذا الي جان يريده
بس راح اثيتلج هل شي وراها ماتعترضين .
_بدون ماتثبتيلي خلي بذاكرتي شي حلو منهم انه مااكرهه بس هذا حدنا وياهم حقه عمي يمه منو
يرضه ابنه ياخذ عبده لا ونوب بس هو عدهم .
وداد:وهو ميعوفنه لان حجيت ويا من جنتي فاقده كال تكمل عمر ال١٨ وتسولي تنازل ومكاتبه بيع بااملاك ايوب واخذجن تثبت نسبها وانطيكم شي اتكدرون تعيشون بي والله وياكم ومثل ماسترت عليج جازي معروفي وبالنسبه لخدمتج لايوب راح ادفعلكم ثمنها .
_خطوات مامحسوبه
طريق مجهول تفكير بغباء مادريت ولا فكرت بالي راح يصير..
سلاسل.
_كعدت محتارة عيني للساعه راح تصير ب٨ متردده خاف اروح للشغل والكه صاحب المحل التفتت عله صوت سليمه طلعت ادردم .
سليمه:خرب الحظ عبالك نايمه بصف مولد
مو بشر شخيره سوه عندي صداع .
_كعدت عله القنفه وهيه تحجي باوعت
عليه وردت عله نقالها تتاكد من الساعه رفعت
حاجبها بستفسار .
سليمه:خير ليش مارايحه لشغلج؟
_خايفه لان كتلج امس ابو المحل سمعني
احجي ويه جويسم وهم ضال بالي عليه من امس بعد مارد عليه.
سليمه:اذا تردين شوري لاتحرجين نفسج لان لو رايدج تستمرين رقمج عنده جان اتصل اكيد وذا رجعتي راح يستغلج
انتي فاهمتني ؟
_ختمت كلامها وهيه تطبك باب الحمام كمت حضرت الريوك وكل شويه اتصل بجويسم لحد ماجاوبني احس اعصابي تلفت استلمته غلط انعل ابوك لابو جدك .
جويسم:شبيج ام عطوب حنت نايم
شعدك ادكدكين من الصبح .
_ غير بالي يمك شلون صرت.
جويسم:زين زين بس عوفيني اريد انام .
_سدة بوجهي عفته رغم اعرف بي وين وسمعت صوته بس قلقه خلص النهار وانه كل شويه ادخل للواتساب مال وابو المحل وادعي كون يكول تعاي تالي ايست
يومين وجويسم حالته للاسوء اخابرة كوى يحجي ابوي صار كل وقته بالشارع سليمه كعداتها مستمرة
احس نفسي ماله كارهه الدنيا يخلص اليل وانه اتكلب
سليمه:تعاي لمي هاي الهوسه وضمي الاكل .
_استغربت رديت عليها ليش شنو صار
مو عله اساس تسهرون هنا
سليمه:غيرو رايهم راح نروح للمزرعه
قفلي الباب وخلي نقالج
يمج كل شويه اخابرج.
_هزيت راسي بمعنى اي طلعن قفلت الباب
ورجعت لملمت كل شي ومدري ليش اتذكرت الجداحه طلعتها حايرة شلون ارجعها لنفس الشخص والمصيبه هيه مو مالته مال هذا الي اجه ويا صفنت هو المن اشتره بيت ام طيبه زين همه صحبان اخوان لان بعد مااجه بس هذا الي تسمي سليمه الباشا دوم يسهر يمهن ضميتها وانه ارزل بروحي ثول اي والله هسه هذا هم تفكير رديت اتصل بجويسم مارد فرشت فراشي توني اريد انام واسمع الهوسه وصوت الركض والطلق احس رجليه بادن من خوفي قفلت باب الغرفه وتغطيت اتصلت بسليمه شويه وردت احجي وياها عله كيف وهيه تصيح الظاهر ماتسمعني بسبب صوت الاغاني الي يمها سديته ردت دكت .
سليمه:ولج بت التالف مو انشحطت
وانه اصيح الووو انخرستي.
_يا غير انتي ماتسمعيني اكلج الحكومه فلشت الشارع بالرمي وابوي لهسه مااجه وبالي يم جويسم .
سليمه:لاتمدين راسج لو الدنيا تنكلب وجويسم مو تكولين بالكراج ومريض بعد عليمن خايفه ابوج بعيد مايجي هسه يله وكل شوي اخابرج .
_شمرت النقال وانه اسب روحي عله هل اهل الي مابيهم خير بقيت اتكلب بفراشي لحد ماغفيت كعدت عله صوت ابوي ينده بيه .
راضي:ميته شبيج صار ساعه اصيح .
_يحجي ولامهتم ولا عبالك صاير شي لا سالني عن جويسم ولا مبين قلقه عليا باوعت عليه بقهر لو بيدي اكتله واكتل روحي رد صاح .
راضي:شمالج تصفنين مو احجي
وياج سليمه وين؟
_رديت عليه وانه متوجهه للحمام ماعرف
طلعت من امس كالت عدها حفله .
راضي:دخابريها انه ماعندي رصيد .
_احس كلبي اشتعل نار يعني خوفه بس عليها حته ماسالني عن جويسم نشفت وجهي والتفتت عليه حجيت وانه ضاغطه عله سنوني بوييه جويسم
مريض وامس الحكومه طبت للشارع اكيد اليوم هم يجون روح جيبه خاف يكرفونه ويه ربع سويكه .
راضي:طبه مرض خلي يتادب انه اريده ينسج حته يشوف الي يطلع من شور اهله شيصير بي دخابري سليمه شوفيهاتجي لو لا.
_عفته ودخلت للغرفه ادور نقالي اتصلت بيها ردت ومبين نايمه .
سليمه:بت راضي احد مسلطج عليه ماتتصلين
اله بالاوقات الغلط خير شكو ؟
_ابوي كال خابري .
سليمه:كليله بعد شوي اجي .
_سدته قبل مارد عليها طلعت كتله هز ايده ودخل لغرفته وره شويه سمعت صوت شخيرة عرفته نام لبست ع سريع وطلعت متوجه للكراج لاكتني ام دعدوش تسئال .
ام دعدوش:ها وين رايحه جا انه عبالي طالعات
شعجب امس مالكم صوت الدنيا انكلبت بالشارع .
_ماسمعت وسليمه طالعه يله من رخصتج .
ام دعدوش:وين رايحه اذا للسوك جيبيلي وياج خضرة بالف .
_عفتها ومشيت توني اوصل الكراج وصوت سيارات الشرطه خمشت كلبي وكفت اباوع توجهو للكراج احس
روحي بهتت ضليت محتارة لا اكدر ارجع كلبي كاينطيني ولا خفت اتقرب وياخذوني وياهم بسرعه انتشرت القوات محاوطه الكراج دفعو الباب ودخلو
نزلت دموعي عرفت راح جويسم شويه وطلعو كفه مربط والشرطه تكفخ بي ورا طلعو جويسم شادين عيونه وادي خليت ايدي عله حلكه واصرخ بدون
صوت ردت اعبر عليهم ومااحس اله انجريت التفتت واشوف محابس جرني مرجعني دفعته اريد الحك بيهم مااطاني مجال يمشي ويسحل بيه بخوف وصلني للركن .
محابس:وين موليه ياخذونج ويا.
_رجعت وانه اسب بي دفعت الباب
وبوجهي عله ابوي كعدت ولا جنه
يسمع صحت بويييه طفر
مخترع وهو يصيح وعبالك لازمينه.
راضي:ها ها شني مامسوي
شي مو انه .
_كعدت مهدود حيلي بجيت وانه احاجي بويه
موكت حلمك اصحه جويسم خذته الحكومه
كعد وهو يتلفت يريد يستوعب وماحسيت
اله هم عليه استلمني دفرات ويسب ويغلط.
راضي:انعل ابوج لابو امج لابو جويسم .
_اريد بس اخلص روحي منه كطعني تكطع
لحد ماتعب جرني من شعري مطلعني من الغرفه شمرني بالصاله وتوجه للطارمه عرفت يدور عله الماسحه بعده ماواصل يمي ركضت لغرفتنا
مالحك يلزمني دخلت وقفلت الباب ضل يصيح .
راضي:ام عطوب فتحي لاكسرة
اذا ماتوبتج.
_ ضليت محتارة غميت روحي
شلون نسيت نقالي برا افتر بالغرفه
خفت يكسر الباب شويه واختفه صوته
ادنيت للشباك اباوع كاعد عله القنفه
والعوده مال الماسحه بيده اندك الباب
كام عرفت اجت سليمه دخلت تتلفت هزت ايدها بمعنى شكو .
راضي:بزرة نجيه شيجي من وراها
كون موت يكرفهم .
سليمه:غير نفتهم شصاير .
_فتحت باب الغرفه مديت راسي بس شافني كام متوجه عليه كامت جرته مرجعته لمكان .
سليمه:ترى مابيه حيل تنعثل شو اكعد خل افهم .
_بده يسولف الها هزت ايدها ودنكت لجنطتها طلعت نقالها والظاهر دور عله رقم معين اتصلت وهيه تورث جكارتها اخذت نفس طويل ونفخت الدخان ليفوك كل هذا وانه واكفه باب الغرفه ولازمه اليده بحذر حته خاف يهجم عليه الحك ادخل وقفله راد يحجي اشرتله بمعنى اسكت ادنيت بفضول اريد اسمع ونفس طريقة كلامها بدلع .
سليمه:استاذنا شلونك يعيني اي اي عرفتني
ها هههه اي حقك الارقام هواي .
_تحجي وتغم بالنقال قاصده الشخص
الي يحجي وياها .
سليمه:اي ابن زوجي لا وعيونك جاهل بس يلتقي بالكراج يم ولد المنطقه واليوم ماخذينهم اي جاسم راضي هواد تمام انتضر منك خبر باي عيوني .
_نهت مكالمتها والتفت عليه .
سليمه:سويلي سم الله ياخذكم شلون قسمه
فاشله انه وين وهل تلطلط وين.
_اشرت الها عله ابوي كمزت من صاحت .
_باوع عليها وهو يهز ايده ركضت للمطبخ سويت كهوى خليتها يمها ورجعت حضرت ريوك احس راسي موتني مدري من البجي لو من الكتله للضهر واحنه منتضرين المحامي يخابرنا
سليمه:وهذا يلغف لغف هسه يسويها ضلمه حته ندفعله .
_خفت اكلها عندي وحتاريت اذا ماطيها مايطلع
المحامي رديت عليها انه عندي فلوس شغلي
وجويسم هم لام يمي جم فلس .
سليمه:خلي نشوف شيكول اذا بيها مجال يطلع نطي بس اذا متورط ليش تخسرين خليهن يفيدنج مصرف وهو يراد ندزله .
_بجيت لا فدوى اروح الج كون ماينسجن هو
مامسوي شي حته مريض مو تدرين صار كم يوم بعدها ماراده عليه دك تلفونها جاوبت والظاهر المحامي يشرح الها امور وهيه تستمع بتركيز وتهز براسها مأيده كلامه وعينها عليه مدري ليش حسيت اكو شي .
_انزلت من القنفه وانه الزم ايدها بترجي عليج بداعت اختج شوفي اي شي حته لو تخلين اكثر من محامي.
سليمه:ولج مايطلع هسه انه قابل اكرهه بس
اخذيها مني اذا رحمو بحاله ياخذله ٦ اشهر وهم لازم محامي .
_بجيت لحد ماتعبت لليل ابوي طلع وانه وياها
كاعدين ماخلت واحد ماخابرته كلها تكول ينحكم لحد ماايست دخلت لغرفتها نامت وانه تمددت عله القنفه
مدري شلون غفيت فزيت مرعوبه صاير الصبح كمت وبوجهي للكنتور طلعت مبلغ خليته بجنطتي وضميت الباقي وبس غسلت وجهي طلعت بدون تفكير اخذت تكسي قاصده امي اي بلكي خالي عنده عرف وصلت ورجليه رافضه خطواتي لبابهم وقبل مادكه طلع بوجهي .
ساجد:خيرشعندج مصبحه بت راضي
خوش نوب صايرة فالتو طبين وطلعين .
_عله صوتنا طلعت امي التفتت عليها
ودموعي تنزل ومثل كل مرة ونفس موالها نعت
اشرت الها سكتي ودنكت عله جعفر الي كبران بوسته .
نجيه:شجابج شبيكم .
_وقبل ماجاوبها حجه خالي .
ساجد:شوراهم مو هذا الجنت خايف منه هسه صدكتي كلامي من ماخليتج ترجعين وياهم هاي بدايتها جويسم اخذته الحكومه وصبري جم يوم وتلكين هاي ام عطوب لاكفينها ويه سليمه.
_لطمت امي اووو نوب شيسكتها هزيت ايدي الي يشوفج يكول حريصه مو توسلت بيج رجعي .
نجيه:انعل ابوج لابو عشيرتج ولججج وين ارجع واخوج يشتغل ويه سويكه وانتي لازمه الشارع
يمااا تعالو ليييه يبوووي راح الولد الله ينتقم منك راضي.
_اباوع عليهم شلون الفلم هزيت ايدي ورديت عليها ترى اطيت الفلوس لخالي وكلو محامي وانه رايحه لان مايدرون بيه طلعت وهمه نايمين .
نجيه:عساهم لاكعدو كون موت وانتي وياهم
ضيعتن جويسم حته يخلالج الجو ويه سليمه .
_احس كلامها مثل السجاجين بكلبي طلعت بدون ماحاجيها لحكتني للباب وهيه تدعي وتغلط امشي وامسح بدموعي ماحسيت اله وانه عابره الشارع فززني صوت الهورن وابو السيارة شبعني مسبه
احس تايهه ماعرف شسوي وكفت تكسي وصلت للبيت لكيتهم كاعدين ماهتميت ادري راح اترزل
سليمه ماحجت بس ابوي استلمني .
راضي:وين جنتي ولج شوكت طالعه.
_ومدري ليش جذبت رديت عليه وانه انزع
بحذائي رحت ادور شغل هد عليه ركضت
احتمي بسليمه.
سليمه:والله ياريت صدك وتكعد ادير بالك عليهم راضي راسي مصدع هوستك هاي سويها يم غيري ترى انه اعرفك .
_دفعتني وكامت تبعها هو استغليت الفرصه ركضت للغرفه وسديت الباب شمرت الجنطه ومن حركت كلبي لطمت لحد ماتعبت شسوي المن التجئ يربي مليت وين انطي وجهي صاحت عليه طلعت لكيتها كاعده بالصاله التفت ادورة .قِصٌصٌ مَآآيِّ هِوِبَِّس
سليمه:طلع وانتي مايصير طلعين غير تكعديني والمن رايحه دورين شغل دكعدي كافي علينا ضيم جويسم .
_هسه كليلي ماخابرج المحامي.
سليمه:اي راح ابوج يسوي وكاله .
_يعني يطلع .
سليمه:اكلها ثور تكول احلبي وولج ماتكونين
من يمي ترى ينحكم ٦ لو ٩ لان حدث خلي يتادب .
_ماهتميت لكلامها حجيت بكلبي دتأدبو انتم حته نوب احنه وعله هل سوالف يوم يجر يوم ماكدرت اروح لخالي ضليت محتارة شلون اوصله اجه ابوي منتهي انتضرته ينام واخذت نقاله بسرعه سجلت رقم خالي بتلفوني وطلعت من يمه اتصلت مرتين يله رد وبعد مانشلع كلبي وانه اشرحله انو هذا رقمي سالته شنو سويت .
ساجد:اي كلفت ناس عدهم معارف وحته
كتلهم شكد ماتردون بس كون يطلع .
_اي ميخالف حته اذا يطلبون بعد فلوس
اهم شي يطلعونه .
ساجد:ها يعني اكلهم امشو بالموضوع خو
ماتفشل اكيد تكدرين تجيبين المبلغ.
_اي اي عندي نهيت مكالمتي من سمعت صوت الباب عرفت اجت سليمه تلكيتها ها جا انتي شعجب هل ايام سهراتج برا .
3
سليمه:من ورا اخوج السافل مانكدر خاف
الحكومه تغطنه لحد ماينحكم يله نطمن .
_رديت عليها وانه اخذ العلايك منها لا اسم الله
ان شاء الله يطلع نزعت صايتها وهيه تحجي عليه.
سليمه:الغباء العدكم وراثه دمشي قفلي البيبان خلي انطمر.
_عافتني ودخلت لغرفتها اخلص اليل دموعي تصب افكر بي خاف جوعان لو كتلو لو بعده مريض وهيج مرت فترة ورجع خالي خابرني وطلب مبلغ ثاني بس الحيرة شلون اوصلهن وابوي منع عليه الطلعه
ماكو غير عذر طلعت لسليمه اتوسل كون تقنع ابوي اريد اروح لامي .
سليمه:وشكو رايحه هيه لو فعلا ام جان اجت سالت ولج الامهات لازم باب السجن تتوسل حته يدخلونهن يشوفن ولدهن وينكلن اكل وملابس وامج ضاله تخدم مرة خالج دكومي روحي بس لاتتاخرين .
_بدون ابدل ملابسي بس لبست الصايه طلعت وانه اعدل بحجابي لحد ماوصلت الهم انه الف مرة حسبت الفلوس ومن الباب اطيتهن اله وكلي امل انو يطلع جويسم رجعت للبيت والف سالفه ابالي دخلت لكيت سليمه بالمطبخ التفتت عليه بس نصراتها ماتتفسر سالتها بخوف ها شبيج .
سليمه:ثاري اليوم المحكمه مال جويسم .
_كعدت بهتانه وعيوني تنضرالها برجاء وتوسل انو اسمع منها شي يفرحني دنكت وهيه تحجي .
سليمه:انحكم انه من البدايه عرفت بس الحمد الله مو هواي سنه.
_اريد اصرخ ماكدرت احس نفسي ضاك ملخت شعري لطمت ركضت عليه لزمتني .
سليمه :يا شبيج وروح امي احسن لان
لو مطول بهاي الشغله ينكتل ولج افات وعصابات يعني لو ادري سهله جان انه اشتغلت وياهم ولا مذلت الزلم ورجليه رايحه من الركص .
_بجيت بصوت عالي ليش هيج احنه عيشتنا من دون البشريه عبالك وراثه مالها نيه الدنيا تعتقنا .
سليمه:دكومي غسلي .
_ومن هذا اليوم بدت رحله عذاب جديده الفلوس بدت تقل لان كل اسبوع لازم ادزله مصرف واكل امي وخالي بعد ماردو عليه ولا انه رحت نايمه وحسيت باب الغرفه انفتح دخل ابوي يتسحب جنه حرامي وبوجه للكنتور ضليت كاتمه النفس نزلت دموعي من شفته نزل الصندوك ولم شكو فلس بي من خوفي مارمشت اخذهن وطلع شهكت بعبرة انطبك باب البيت
عرفته راح طلعت مفزوعه المن احجي رديت عله نقالي وماعندي غير سليمه اجاني صوتها بنزعاج .
سليمه:هااا شعدج .
_الحكيني ابوي باك فلوس جويسم نزلت التلفون من اذني اباوع بشك هيه سدته لو نكطع رديت دكيت عليها رفضتني ورا كم ساعه اجت سلفت الها بس من عرفت المبلغ انقلبت وحش وجه ثاني .
سليمه:مثل امكم خباث شكد داريتكم وانتم
مثل الحيايه ليش ماكلتي عندي هل مبلغ ولج شكد سافله انتي شوفي منا وهيج تعاملي الي يخليكم تصيرون جواي مثل الدود من باجر تطلعين وياي .
_فزيت مرعوبه لا مااطلع مستحيل
لو اموت من الجوع اطلع ادور شغل .
سليمه:خوش طلعي واذا ماحصلتي شغل .
_اجدي اجدي بالتقاطع .
سليمه:جا اختصري عله نفسج التعب
وجدي لان محد يشغلج .
_رديت وانه اتوجه للغرفه وحته لو ماحصلت شي لاتخافين ماامد ايدي عله لكمه انتي تجيبينها ابقه لحد مااموت .
سليمه:موتي بالشارع خو مو يمي .
_ماخفت منها مديت راسي عليها لا مااطلع بيتنا وكاعدين بي نموت نعيش بعد شوف الدنيا شضامه
النا كمزت من صرخت .
سليمه:بيت منو ام بيت خاف عبالج ازوجت ابوج عله رتبته لو جماله لو دينه واخلاقه امشي لجججج بيتي والي مايمشي عله مرامي الزمه الشارع وتسوين فضل اذا تاخذين ابوج وياج .
_صدمه قهر حزن كلهن مايوصفن شعوري من
خيبتي دخلت للغرفه وبوجهي للفراش للصبح عيوني ماغمضت مقهورة عله نفسي لو تعب جويسم الي ضيع
سنه من عمرة حته يلم الفلوس سمعت صوته ركضت قبل لاتطلع سليمه دخل يطوطح جريته للقنفه وبدون
خوف نكتت جيوبه همزين باقي منهن اخذتهن وانه اطفر قفلت الباب وجريت الميز قربته للكنتور صعدت عليه جريت الجنطه مال بطانيه خليت الفلوس ونزلت
تمددت بفراشي وعبالك صار شهر مانايمه فزيت عله رفسه باوعت ومااستغربت تصرفها كمت بدون مااحجي بوجهي للمطبخ سويت اكل وحضرت كلشي وهيه نضراتها تتبعني غسلت ولبست صايتي وطلعت افتر بالسوك ماخليت محل يعتب عليه منو اسأله يكول السوك واكف والي مشغل عمال رجليه ورمن من الفرة رديت اجر بروحي لاكتني ليرة ملثمه .
مديحه:ها شخبار جويسم .
_عله حطت ايدج ردت وهيه تتفحص حالي .
مديحه:وين جنتي شو حذائج كاحت شكد ماشيه.
_دنكت وادري اول مشواري راح يبدي وياها اي جنت ادور شغل بس مالكيت وسليمه شرطت عليه اذا ماحصلت اطلع وياها.
مديحه:سافله شنو الجديد اصلا اتاخرت استغربت
لحد الان ماشغلت بيج فايده طلعين وياي .
_هزيت راسي ممتنه منها لان راح اطلعني وياها للجداوه .
مديحه:خوش الصبح لازم ب٧ ويه طلعت الموضفين ونرجع الضهر وباليل ب٦ونبقه ل١١ حضريلج لثام بوشيه من سليمه .
_هزيت راسي بمعنى اي ومشيت تلكتني.
سليمه:غسلي البيت وحضري
الصاله عدنا سهرة.
_بسرعه كفيت كلشي وحضرت الي تحتاجه نفشت الكنتور اذكر جنت اطلعت وياها اطتني بوشه همزين لكيتها حضرت روحي طلعت هيه بالصاله التفتت مستغربه ماخليتها تسال جاوبت وانه متوجهه للباب رايح ويه ليرة طبكت الباب ومشيت لكيت ليرة منتضرتني بالركن وبدينا مشوار الجداوه ناس ترزل وناس تنضر النا بتقزز وناس تنطي وهيج استمرت طلعتي وياها تعب نركض من سيارة لسيارة كتلها بالنهار مااطلع .
مديحه:ليش .
مديحه:خوش .
_رديت هلكانه ونفس الروتين صبحت عله حقارت سليمه احتارت بتعذيبي والي غاثها انه ماجاوبها راح ابوي لجويسم ورجع لليل حضرت روحي وطلعت الربع والف واجمعهن مرة اضحك ومرة ابجي كعدنا عله صفحه نسولف ومدري شلون سالتها ولج مديحه انتي منين اصلج .
مديحه:كامبول .
_طكيتها لا صدك .
مديحه:كامبول ونوب اطورنا صرنا كاو وضافولها لام ياء والتاء المربوطه صرنه كاوليه .
_صفنت شلون هيج تجمع احداث وتفسرها رديت عليها واحنه من يامستنقع .
مديحه:الزنج اصولكم من الزار عشوش
اقوام مخفيه وتوزعتو قبائل انس وجن.
_كمت بخوف خرب عقلج هيه عايزه .
مديحه:شبيج ترى مااتشاقه.
_وانتي منين عرفتي.
مديحه:جنت اشتغل منضفه بيت مال
استاذ تاريخ الله يرحمه هو سولفلي نفرغ يوم واحجيلج .
_كمنا متوجهين للشارع نستابق عله السيارات وكف السير ومنا تكسي لخصوصي وصلت لواحد باوعلي مديت ايدي بترجي التفت للجهه الثانيه عبالي مدري شيدور شتت انتباهي ماحسيت اله صعد الجامه عله ايدي روحي شاغت والمصيبه مشت السيارات ضليت مجلبه بالباب همزين مديحه شافتني اجت تركض صارت كباله ماخلته يتحرك نزل الجامه سحبت ايدي وقبل مايحرك تفلت عليه وركضت ومديحه وراي ..
مديحه:ولج اوكفي فحطت خرب ابوج .
_حسرة بونه بدموع حسبت الحصلته ١٠ ونص رجعنا نتختل لان الوقت تأخر ايدي عله كلبي وادعي كون النصافات مالازمات الركن لحد ماوصلت بابنا احس دمي نشف طلعت المفتاح من جنطتي فتحت الباب دخلت وانصدم بصوت اليجي خرب كاعدين شلون راح اعبر طلعت نقالي دكيت عله سليمه ماردت تمشيت بحذر اكدر ادخل بدون محد ينتبه وبين تفكيري ادنيت للصاله اباوع تفاجئت شو بس هنه اي همزين ماكو زلم دنكت انزع الحذاء افتح بالقيطان وماحس انجريت شهكت بسرعه خله ايده عله حلكي .
الي يكول فقرة قدرة قصيرة انتضرو لان
بعدها مابدت احداثها .
شكرا لزيارتكم عالم روايات سكيرهوم
