رواية قصة وجدان الفصل الحادي عشر 11 بقلم انين الليل

احبتي القراء الكرام تنويه بسيط

بالنسبه العلي اخو وجدان وبسبب الصدمه الي اتعرض الها والحريمه الي شافها صار كلامه ايفطع

لذلك من يتكلم انا بدوري حتى ابين الكم كلامه اخلي (). هاي الاشاره وهو يغمض عيونه ويحاول ان يتكلم

لذلك نوهت عنه

وارجو ان لاتنسوون اتشاركولي القصه مع متابعيكم وهماتين لا تنسوون الضغط على النجمه

ولان انتو كلكم نجوم ومنورين القصه اطلب منكم هذا الطلب 🌺🌺💕

احبكم هوااي 😘😘😘

/////////////////

امي انتبهت وسالتني /= شبي علاوي

خفت اجاوبها عمي كال ::علاوي صافن واكله قليل وما يحجي اريد اخذه للطبيب اسويله تحاليل خاف عنده فقر دم

  شيماء ردت //اكيد عنده فقر دم غير ما ياكل

امي ما عقبت وعمي بقى كاعد يم بيبي وهي تسال بي على ناس اول مره اسمع بيهم

امي راحت للغرفه كلنه باوعنه الها وهيه تمشي وكانها شايله جبل على ظهرها بيبي حچت

-الله يساعدها الي صار مو شويه

  خاله شيماء //لا مو شويه واي احد بمكانها يمكن يتخبل

بيبي /$الصبر من الله يمه

- اي الله يصبرها مصيبتها چبيره

سمعنه امي وهي تبجي ونفس كلامها تردده بعتب //يمه هشام شسويت بيه

يمه رامي ليش هيج

رامي حبيبي شلونك

ولك هشام هم عينك تغفى وانت كتلت اخوك

وهواي كلام اللحد ما كلنه بجينه حتى عمي عاصف بيبي صارت تحجي بصوت تسمعه

- كافي عمه نجاة خايبه لا تعميين وشلون بيج

- كافي سلمي امرج ال الله

لكن امي ما سكتت بقت تبجي وتعاتب بكلام يقهر الي يسمعه راحت خاله شيماء للغرفه بقت فترة عشر دقايق بعدها رجعت

وهي تكول // الله يساعدها

عمي :؛ الله يساعدها

شيماء // اتصور خويه نزلت الها مخده ما قبلت اخليها جوه راسها والزوليه كافتها ونايمه ع الگاع 

بيبي وهي تهز بايدها // هههي وشتريد تحصل قابل يرجعون

شيماء // يمه اهم شي كون يطلع هشام

- بكيف الله يباوع الحال نجاة ويرحمها بطلعة اوليدها

عمي وكف وكال :: تصبحون على خير

الكل جاوبه // وانت من اهل الخير

بقت بيبي ويه خاله شيماء يسولفن وهي تسالها على بيتها وزوجها وجهالها وتوصي تدير بالها عليهم

اني رحت للغرفه الجوه لگيت علي يلعب بلي فتحت باب الغرفه اريد اروح اجيب ماي من البراد سمعت

خاله تسولف ويه بيبي بصوت ناصي وتگلها

- اذا هشام يبقى مصر على اقواله راح ينحكم اعدام

- اسم الله يمه هاي نجاة بس تسمع تموت

- الله يساعدها هي بس الخسرت لا من الاهل ولا من الرجل

- الله لا يوفقه الناظم هو السبب بكل الصار بيها

- يمه واخوج همه

- شيسوي يابتي اخوي اذا طلگها ياخذون جهالها وعيالها ما يسكتون

- مو اكلج هي الخسرانه بكل هاي المصايب

-الله يباوع الها ويفك سجن ابنها

- آميين

رجعت للغرفه وارجف من الخوف بسبب الكلام الي سمعته باوعت العلي وهو مندمج باللعبه لا اراديا اخذت اليده الثانيه

وصرت العب ويا واحاول اغلبه حتى يحچي لكن هو يلعب بدون اي تجاوب منه يعني علي مثل حالتي جاي

يلعب بس حتى ينسى. ترك اللعب واتمدد ع جربايته واني هم اتمددت بالارض على مخده واتغطييت ابطانيه قبل

كنت اخليها من نلعب اني ويا

بقيت افكر شلون اتصرف اذا هشام ما طلع من السجن او اذا انحكم اعدام امي شراح يصير بيها

بقيت دايره وجهي ودموعي ينزلن الى ان غلبني النوم سمعت حركه فزيت شفت بيبي تنده بخاله تساعدها تكوم للحمام

حتى تتوضا انتظرتها ترجع وطلعت اتوضييت وصرت اصلي وادعي الله ان يساعدنا بمحنتنا

رجعت نمت فزيت على صوت بجي طلعت خايفه شفت بيبي وامي وخاله يبجن امي حتى صوتها ضايع من كد ما باچيه

بقيت واكفه اباب الغرفه لمن ما انتبهت خاله شيماء گالت // كافي نجاة شوفي بتج خطيه

بيبي // اي يمه البچي ما يجيب فايده

امي جاوبت بصوت گوه ينسمع // عمه مو بيدي راح اتخبل

- الله يساعدج انتي مثل العبرت ولد وخلت ولد بس شنسوي عينج بعين الله

- ما عندي غيره

شيماء راحت وغابت شويه وهي تكلي

- ياالله تعالي اتريگي لان عمج يكول خلي تتحضر نروح للطبيب

رحت للمطبخ سالتها =. وانتو

-احنه اتريگنا من يمته

= وامي ؟

-؛امج الله يساعدها كلت لكمتين خبز وشربت چاي

= اي هذا اكلها من يوم الحادث

- ياالله كملي ريوگج وروحي گعدي العلاوي

= اووو هذا شيگعده

- بعد ما اعرف مو تردين تاخذينه للطبيب

‎اي =

- كعدي وسويله شي ياكله

= هو ما يحب يتريك

- بعد انتي ادرى المهم كعدي حتى ترحون

بس كملت رحت گعدت علي واتحايلت علي گتله // خلي نروح ويه عمو نتسوك

بس هو ما قبل ما جاوبني دار وجهه

=. اذا ما تكعد اشمر عليك ماي بارد

ما جاوبني = زين لعد ابقى لا جاوب

رحت الغرفتنا سبحت بسرعه ولبست عبايه سوده اسلاميه وهاي اول مره البسها رحت العمي بالديوان هو بس

شافني گلي :: هلا بابا ها جهزتو

= اني جاهزه بس علووش داير وجهه وما يقبل يگوم

:: روحي گدامي

رحت وهو اجه وراي كح وگال :: ياالله ودخل للصاله سلم

:: صبحكم الله بالخير

بيبي // هلا عمه هلا بيك تعال اكعد

:: لا مو مال جاي اخذ علاوي وانتن مو ترحن ابقن يم ام هشام

دخل وشاله وكلي :: جيبي حذاءه وراي

اخذت الحذاء بايدي وطلعنه فتح باب السياره الوره وگعده وگله :: كمل نومتك اهنا

حاجيته =. عمو ناخذه بهاي ملابسه

هز راسه :: اي شنسويله بعدين هنه نظيفات ما بيهن شي

ركبت بالصدر تمينه ساكتين سالته = عمو انت تندل تاخذنه

هو منتبه للطريق سالني : : شنو يعني

= يعني دا اقصد تندله للطبيب

هز راسه :: ا ي بابا اندله

تمينا ساكتين الى ان وصلنه للدكتور عمو كال اكعدو اهنا وهو راح للسكرتير بقى واكف يمه مجرد ما طلع المريض

او المراجع شفتته دخل ابحده وبعدها فتح الباب وكلي تعالي بابا

انا لزمت علاوي الي بدا علي الاستغراب لكن انا اتحاشيت نظرته ودخلت انا ويا للطبيب وكعدنا بعد ان سلمنه

الطبيب كال // الله بالخير

رديت =. اهلا (لكن علي بقى ساكت )

الطبيب سال علي // علاوي انت بيا صف

بقى ساكت الطبيب سالني // بيا صف

اول

وشلونه بالمدرسه ؟

زين

اتقرب منه وكله // ليش ما ترد

ما جاوبه وحاول ان ما يباوع بوجه الطبيب الي طلب منه يفتح حلكه

هز راسه وكله // شوف علي انت ما بيك شي وكل انسان يواجه بحياته مشاكل وحوادث ومن نعيش هاي الحوادث

نحس بعد خلص هاي اكبر مشكله واعظم مشكله وماكو واحد بالعالم بكد مشكلتنه بس من نكبر راح شويه شويه

ننسى ومن نكبر اكثر راح نشوف انو المشكله ماتت وانتهت وانها كانت بسيطه رغم بوقتها شفناها كبيره ( يحرك بايده )

وما الها حل ولا يمكن نتجاوزها

سلهمت واجت صورة هشام ورامي وهمه يتعاركون صحاني كلام الطبيب الي گلي

- الكلام مو بس موجه العلاوي لا الج انتي همه

باوعتله مستغربه هز راسه وكلي // حتى انتي لازم تتخطين كل شي وتحاولين ان تنسين اي شي مر بيج

  الي ما يتخطى المحنه هو ذلك الانسان الغبي والجبان الي يخاف ان يتعايش ويه الواقع لذلك يبقى حابس نفسه

بزنزانه هو صنعها اسمها الماضي اخذي اخوج واطلعي انتظري عمج اكتبله العلاج

طلعت وايدي بيد علي وراها بشويه طلع عمي اجه يمي وكلي :: تعالو خلي نروح للصيدليه

طلعنه ومن صرف العلاج اشر علي ابو الصيدليه عمو باوع النه وابتسم

- تدرون هاي الحبوب كلنه راح ناخذها

على جاوبه ( ) ااااني مما بي ه شي

  هز راسه :: اعرف هاي حبوب وجع راس كلنه نحتاجها

جاوبته =. اني اول وحده راسي يوجعني يعني بازم اخذها

ابتسم :: ها شفت وبعد عدي مفاجىه الكم

باوعناله باستفسار :: بس يطلع هشام بالسلامه راح اخذكم سفره

   علي بعصبيه وهو يغمض بعيونه حتى تطلع الكلمه ( ) ااني اك اكره هشششام اكرهههه وما اح احبه

بقيت مصدومه من كلام علي وردة فعله عيوني غركن بالدموع عمو اتقرب مني وكلي :: روحي الطبيب رايدج

باوعتله هو غمض عيونه يعني اروح

رجعت للعياده واني امسح دموعي شافني السكرتير دخلني شفت يم الطبيب اثنين نساء مره كبيره والثانيه بكد

امي هو كان يسولف وياهن باوعلي اشرلي اكعد ومن راحن سالني

شنو اسمج

= وجدان

هز راسه // اي وجدان شوفي عمج كل شي سولفلي والي بي اخوج نتيجة الصدمه الي اتعرض الها يعني بمرور

الوقت يرجع يتكلم عادي

= يعني دكتور التاتاه تروح منه

- اي يوميه بالليل تنطينه نص حبايه وحاولي تبعدينه عن التوتر الموجود بالبيت

  = دكتور انت تعرف شنو الي صار ويانه

- اي اعرف الاستاذ حجالي لذلك حاولي تخلينه ينسى يعني ممكن تغيروله المكان

    هزيت راسي = بالوقت الحاضر صعب

  - حاولو شويه تطلعونه وتغيرون من نفسيته وتبعدونه عن اي توتر خصوصا امج ما اريده يشوفها بوضعها الي هي بي

  هزيت راسي = ان شاالله

  ابتسم بوجهي // عفيه عليج اكيد انتي متحمله مسووليه ثقيله بعد هذا قدرج ومثل ما كلت بالمستقبل راح تشوفيها

شي بسيط وهين واكيد بارادتج راح تتخطين كل الي مريتي بي

هزيت راسي لان ما مقتنعه بكلام الطبيب وطلعت شفت عمي واكف هو وعلي اجيت ركبنا وعمي يسوق وهالمره

ركب علي بالصدر وعمو كل شويه وساله على المنطقه شنو اسمها الى ان وكفنا على صفحه سال علي

:: وين تحب اغديك ؟

علي باوع العمي الي ابتسم ورجع كله

:: شنو تشتهي تاكل

( ) م ما ار اريد شي

  :: لا علووش حتى انا بدون ريوك ياالله وين يعجبك نروح نتغدا

اتفاجانه اثنينه بعلي صار يبچي ويكول ( ) ما اريد ااك ل مم ااريد اطلع

  عمي اتقرب منه :: ولا يهمك ابو حسين لاتبچي انت رجال والرجال لازم يتحمل ما تريد تتغدى براحتك بس خلي

نروح الفد مكان هادي نكعد بي ونسولف

باوعلي :: ها عمو شتگولين ؟

هزيت راسي بابتسامه ضعيفه

  اخذنه المطعم دخلنه وكعدنا وعمي اتقرب مني وسالني بصوت ناصي شيحب ياكل

شاورته = كل انواع البيتزا

:: ها

= اي

::وانتي

  = اني بركر

اشر للنادل الي اجه وجاب المنيو وعمي بدون ما يفتح كله اثنين بيتزا وحده باللحم والثانيه بالدجاج وثنين بركر

هم وحده لحم وحده دجاج ووببسي

باوعتله

:: انا اكل وياكم ها علووش تنطي العمك لو لا

  (). اك له كلله ما اششتهي

:: ادري بيك بس لازم تاكل تدري ليش

( ) ليش

:: الخاطر امك وهاي اختك لان بس انت بقيت الهن حتى لو يطلع هشام ما راح يبقى يمكم

سالته بخوف واني ابلع ريكي = شنو ؟

    هز راسه :: اي اخذه وياي هناك يعيش يمنا لان علي ما يريده فليش اكلك يا علاوي انت لازم تاكل

وتشد حيلك وتدير بالك على امك واختك لان محد بقى الهن بس الله وانت انت بابا رجال البيت ادري الي صار بيك

والي شفته مو قليل لكن شبيدنا ولا تكول بعدني زغير هو لان انت زغير راح تصير سبع ورجال

:: لا تفكر بلي صار الصار صار وما نكدر نبدل بي شي ياما ناس صار الهم اكثر من الي صارلك وعاشو وكبرو

   حضنه من صفحته :: ياالله بابا خلي شويه ننسى ياالله ناكل وبعدين وين تردون اخذكم

وصار عمو يوكل بعلي وهو يبتسم ويباوعلي ويكلي :: ها شنو تاكلين برگر اللحم لو الدجاج

رفعت كتفي = بكيفك

:: شنو بكيفي بكيفج انتي

= راح اكل نص لحم ونص دجاج

علي فر ايده ( ) لا لا تخ لط يين مو زيين امم ي تككوول

عمي // لا شنو مو زين هي نص لفه شماكله طلي لو فسيفس

باوعتله = شنو فسيفس

رفع حواجبه :: ما تعرفين فسيفس

  هزيت راسي = لا ما اعرفه

حك ذقنه ولملم حلكه = شلون بهاي الي تلزك الفسيفس انتو تسمونه ديك رومي تعرفينه

  هزيت راسي = اي اعرفه بابا فد مره اخذنه السوك طيور وبي ديك رومي وببغاء اشتراها العلاوي

رادها هاي الموجوده ابيتنا

:: ما شايفها

= بالغرفه الجوه صديقة علاوي

  ساله :: تحب الطيور عمو

ما جاوبه انا جاوبته = اي يحب الببغاء مالته

:: احنه هناك ما عدنا ببغاء

باوعت اله مستفسره گال :: ابيتنا ما عدنا ببغاء بس فسيفس وبط ودجاج وسمج

=. سمك عايشه ويه الحيوانات معقوله

باوعناله هو ابتسم :: لاتباوعولي هيج السمك على كولتج عايش بحيره اسماك

هزيت راسي = اي اتذكر من اجيناكم ه ... شفناها من بعيد

ابتسم :: اي هي هاي بعد چم يووم اخذكم يمنا ونروح انا وعلاوي نصيد

  = سمك ؟

:: اي سمك (هز ايده ) مو بس سمك نصيد طيور وحجل

= شنو الحجل ؟

:: هم طير بس ما يطير لا يمشي يشبه الدجاج بس لحمه طيب

= شوقتنا نروح

:: اي نروح بس كون علي يشد حيله حتى اعلمه شلون يصيد سمج

تستمر القصة أدناه

علي جاوبه ( ) وارانب

::كل شي هناك عدنا

اشرت باديه = حديقه حيوان

هز راسه وابتسم :: اي بس ما عدنا حيوانات متوحشه بس مرات نصيد ذيب

  = مو تكول ما عدكم حيوانات متوحشه شلون تصيد الذئب

   :: الذئب نصيده من يجي يحوف الغنم

  =شلون يعني ؟

: يعني يجي يسطي ع الغنم بالليل يريد يبوك طلي نعجه عاد احنه نصيده مرات نكتله ومرات نصوبه

ابتسمت = حلو علي يعني مثل الذئب الي بقصة ليلى والذئب

علي ابتسم وعمي صار يسولف على الارض الي عدهم ويوصفها النه شلون يزرعون بيها حنطه وشعير وبالصيف يزرعون خضروات

سالته = بس احنه لمن اجينه ما شفنه هاي الاشياء الي دا تسولف عليها

:: اي ا اجيتو للبيت مو للكاع

  = يعني هي بعيده عن البيت

  :: بيها بعيده وبيها لا وره البيت الي اجيتوله ويجوز مريتو عليها بس ما تعرفوها

اهنا علي كال وهو يهز براسه () ااي ممن اجينه شفنا هواي مزارع وحي واااناات

عمي ابتسم :: اي هاي كاعنا بعد شكم يوم اخذكم الها وتتونسون

عمي صفن وبعدين كال :: اسمعوني بابا انتو مو زغار وانت علي مو زغير انت رجال البيت هسه ولازم امك واختك

يعتمدون عليك بكل شي شنو معناتها تخلي اختك هي تروح توزع الثواب وتدك بالبيبان لا ( حرك ايده )

احنه ما عدنا نسوان يطلعن بس للمدرسه الغير شي اكو زلم هيه تسوي كل شي

:: امكم عمي بهاي الفتره تعبانه الله يساعدها والله يساعدكم كلكم بس انتي بابا وجدان انتي سباعيه وما ينخاف عليج

شلتي مسوولية البيت وانت عمي لازم تشيل ويه اختك هاي المسووليه لاتكولون احنه زغار كلنه چنا زغار والوكت

علمنه وكبرنا ولازم تتجاوزون كل شي مريتو بي لان لابيدي ولابيدكم نغير الواقع هذا الكلام اكثر شي الج انتي وجدان

   هزيت راسي هو وكف. :: ياالله خلونه نمشي لو علاوي يريد يروح الغير مكان بكيفه

علي () ن م شي

ركبنا بالسياره وبالطريق من نوكف بسبب الازدحام او الاشاره نشوف جهال ازغر من علاوي واكفيين بوسط الشارع

يبيعون عمي يكلنه :: شوفو هذوله جاي. يشتغلون حتى يعيشون اكيد كل واحد ورا قصه

صرنا نباوع الهم وكانما اول مره نشوف هيج شي وكانما عمي متعمد يخلينه نشوف هيج شي

سالته = شنو عمو تريدنه نشتغل مثل ذوله

باوعلي بنظره خفت منها :: تشتغلون مثل هذوله لا شنو هالكلام الله لا يعوزكم وما تعرفين يمكن تتغير الظروف

=شلون يعني ؟

:: الي اريد اكوله لازم نكون اقوى من الظروف منو يكول هذوله الي يشتغلون كلهم ايتام يجوز ابوهم هو الي يجبرهم عالشغل

لازم الواحد يكون اقوى من الظروف ولازم يتعايش وياها الكلام موجه الج لان انتي چبيره وفاهمه

هزيت راسي وصلنه البيتنا لكيت بيبي نايمه وخالتي شيماء هي فتحت النه الباب سلمنه ودخلنه وسالتنه

:: انا بالنسبه الي اكلت بس اسالي الشباب اذا يردون

   ها خاله اصبلكم

علي هز راسه بالنفي وانا جاوبتها = لا خاله اتغدينه الحمد لله

بالعافيه

عمي سالها. :: ام هشام شنو وضعها

- بالكوه اكلت الها لكمتين ها وهاي اللگمتين لمن ما اتوسلنه بيها

اتنفس بعمق وجاوب :: الله كريم

تستمر القصة أدناه

عمي طلب من خاله تسويله چاي واني وعلاوي دخلنه للصاله شفنا بيبي نايمه هيه حست علينه من اجينه گعدت

ها بيبي شكال الطبيب

= طمنه وانطانه علاج

اتغديتو

= اي بيبي عمو اخذنه المطعم وغدانه

عوافي

= لله يعافيج

رحت الغرفتي بدلت ملابسي وجبت ملابس العلاوي لان ما يقبل يدخل للغرفه او ما يقبل يبقى بس بهاي غرفة الالعاب

والدراسه يمكن يخاف يفتر بالبيت يخاف من الي صار وانا اعرف بعلي شكد يحب رامي ومتعلق بي

حبست دموعي وباوعت الملابسي الي رحت بيهن لازم اغسلهن وحتى ملابس علي هم لازم اغسلهن

انطيت العلوش الملابس واخذت ملابسه ورغم ام احسان علمتني ع الغساله بس اشو اتبخر كل الي سمعته

   رحت الخالتي شيماء = خاله ما اعرف اشغل الغساله

  عكفت حواجبها // ليش

=. اريد اغسل ملابسي وملابس علووش

- ملابسج السود اغسليهن ابحدهن والملونات ابحد

رفعت اكتافي = ما اعرف

- تعالي وراي خلي اعلمج

ورحت وراها وعلمتني شلون اغسل الملابس العصر اجه عمي وكعد يم بيبي وصار يسولف وياها هي سالته

   - يمته تروح الاهلك

  :: خلال هاليومين بلكي المحامي ايطمنه يسويلنه مواجهه

شلقصه ما گدرتو اتشوفونه

هز راسه :: لا ما گدرنه

عوود ليش

   :: ما ادري

مصرف ملابس

:: وديتله

بيبي // الحجيه خابرتني وصارت تحچي وتگول شنو مقيم مو ورا بيت وشغل

  :: شنو رايها اعوف الولد الوحده

ما تعرفها الامك

:: اعرفها بس هذا شي غصبا علينه

شيماء // يمه ولو خاف عاصف يزعل بس عمتي ما الها حق يعني هشام منو اله قابل نخلي المره ابحدها وهيه عبالك مخبله

الله يساعدها

:: ما ظل شي عمه باجر نروح للمحامي ونشوف شيگول

واحنه هم نروح

:: ها

شيماء// اي بالليل نروح انا بعد يومين واروح البيتي

:: عمه عاد انتي ابقي اهنا

بيبي // عمه وداعتك ما بيه فايده هلتشوفني من اجيت والهسه متمدده

:: ادري بس خطيه يبقوون ابحدهم

وشبيدي ياعمه چا جبت وحده من البنات يمهم

باوع البيبي وسكت هيه هزت راسها وگالت // اليوم كلمن يگول ياروحي

:: ظلي اليوم عمه وباچر من يجي كريم عود رجعن ويا

يصير خير

بقت بيبي وخاله شيماء وثاني يوم گعدت من النوم شفت خاله محضره الريوك واليوم بعد ان كملنه الريوك اجت

وراي للمطبخ وگلنلي // • شوفي خاله انتي بعد لازم تصيرين مسؤوله عن هذا البيت

اتفاجأت بكلامها هزت راسها // اي مثل ما تسمعين امج بعد ما تكدر تشتغل وتنطف وتطبخ حتى لو هشام طلع من السجن

راح تبقى مصدومه ويراد الها وكت حتى تصير زينه واذا لا سمح الله ما طلع من السجن بعد الله يستر شيصير بيها لو شراح

تسوي لذلك

(اتحسرت ) استغفر الله المفروض هسه كون خالتج لو عمتج موجوده وياكم بس ما اعرف شجاهم ما ادري

شنو هالگطع هذا

المهم خاله لازم تتعلمين اتطبخين وتنظفين البيت وتغسلين ملابس واهم شي تديرين بالج على امج وعلى اخوج

وادري بيج كل شي ما تعرفين بس لازم تتعلمين

تستمر القصة أدناه

جاوبتها = بس اني صحيح كول شي ما اعرف بس انظف واسوي جاي

- ادري بهذا حالكم شلون خو ما تبقى ام احسان تسويلكم اكل هم عيب ف انا راح اعلمج شي بسيط وانتي بس انتبهي

راح كل شي تسوين

هزيت راسي وبدت تعلمني شلون اجلف المواعين واغسلهن وانشفهن وعلمتني شلون اطبخ التمن لان هي طبخت النه

وهماتين علمتني شلون تنطبخ مركة الباميا والفاصوليا والباقي كالت من تردين اتسوين اي شي وما تعرفينه

اسالي ام احسان ولا تخلينها هي تطبخ گليلها اريد اتعلم وحتى لو اول مره ما تضبطين الطبخ راح ثاني مره يصير بايدج احسن

وصار دنيا الظهر سمعنه الاذان وصلينه وكلتلي خاله شيماء روحي شوفي عمج اجه حتى اصب الغدا

ما ادري بي طالع رحت للبراني ما لكيته كالت // خلي نتغدا ومن يجي انصبله

وبقيت يمها شفتها شلون تصب وتخلي بالصينيه وانا اخذت اللبن والماي وكعدت بيبي لان كانت متمدده وخاله

شيماء طلبت مني اروح اصيح الامي

رحت لكيتها متمدده اتقربت منها // ماما تعالي اتغدي

هي ما عقبت گعدت ساكته وهذا الشي فاجاني كل مره ما تقبل ونبقى نتوسل اليوم اجت وكعدت بسرعه

وصارن ياكلن علووش بقى نايم ما قبل يكعد واني بقيت واگفه لان ما اعرف اكل بالارض باوعتلي خاله شيماء وحاچتني

- روحي صبيلج صحن تمن وخلي علي مرك واكعدي اكلي ع طاولة المطبخ ومن تكملين خدري چاي

رحت اكلت بالمطبخ. خدرت جاي واني متفاجىه من نفسي واتساءل

= معقوله هاي اني صرت اعرف اسوي چاي وانظف واغسل ملابس وحتى اطبخ

من صارت تحچي وياي خاله شيماء عرفت شكد امي تتعب وهي تشتغل بالبيت وترتب غرفنا وملابسنا وتطبخ وكلهذا وابوي كان يضربها وكان ايكل النه هاي ما تستاهل تكون امكم تفلو 

 عليها اضربوها زين لويش ابويه هالشكل كان يتصرف

واذا كانت امي غلطانه ليش ماطلقها واتزوج وحده ثانيه وليش هالشكل بيت جدي مبتعدين وما يردونه وخوالي هماتين ليش

امي طيبه وحنونه وفقيره وبعمرها ما اذت احد ولا صوتها علا على بشر اصلا اني متعجبه شلون امي تبجي وتعيط بصوت عالي

صبيت الجاي وجبته وامي گاعده ما تسولف وبيبي تحجي وياها من انطيت الچاي البيبي اخذته وكالت

عفيه بالشاطره شيماء تكول بسرعه اتعلمت

اخذت الاستكان وبعدها خاله شيماء اخذت كوب وخلته كدام امي وهي هم اخذت الها كوب

وصارت تحجي وياها

- احبيبه نجاة اشربي چاي وان شاالله خير بلكي المحامي يحصلج مواجهه وتشوفين اوليدج

امي رفعت راسها واديها وكالت // ان شا الله

بيبي// اي يمه نجاة وهلتشوفين انتي محد الج بس الله لا اخوان ولا حبايب الغريب يحن عليج ويسال وخوتج واخواتج

ابد عبالك شامتين فيابتي شدي حيلج

خاله شيماء // وهم الله يطي عاصف عايف شغله وبيته وكاعد

بيبي // اي والله هسه چي شافنه يمج راح وكال يرجع يروح للمحامي

امي ساكته ما تجاوب بس لامه حلكها وشفايفها يرجفن بيبي حاچتها // الله يساعدج عمه مصيبتج چبيره بس شبيدنا

انتي حملج ثكيل يايمه گومي يمه كومي اغسلي وجهج وسمي بالرحمن والماي الي تبده بعد ما ينلم ادعي ربج يفك سجن ابنج

راحت امي تمشي وهي محني ظهرها عبالك عمرها ثمانين او تسعين سنه وبيبي تحچي بصوت ناصي

الله يعينج

بيبي لازمه سبحتها واتمددت على فراشها وخاله شيماء هم اتمددت وانا بقيت كاعده تصدكون كنت ما اطيق اگعد

بالصاله لكن هسه صرت بس اريد ابقى بالصاله بقيت كاعده وهنه غفن رحت لغرفه الي بيها علي شفته متمدد سالته

= علي اصبلك غدا

جاوبتي () مما اششتهي

= بس انت لازم تاكل

() ممو جووعان

= زين خلي نروح الغرفتنا

( ) مما ارييد

  = يعني الى متى تبقى اهنا

( ) اهنا احسن الي اطلعي خلي انام

اتقربت وانا مبتسمه = وانا من يمته اطلع من المكان الي انت تكعد بي

  ( ) للع د اس اسكتي

اتمددت ع القنفه وفكري مشوش الي صار خلاني بدوامه ما اعرف شلون اتصرف صرت افكر

(امي واخوي المسجون واخوي الي اتوفى والحادث الي صار گدامي وعلي وصدمته )

بحيث ما اعرف احزن على اخوي الي مات بعز شبابه لوانقهر على اخوي الي انسجن لو اراقب امي واخوي الي انصدم

لو اترقب الي راح يصير

يمكن غفيت فزيت على صوت الجرس واسمع خاله شيماء هلا بيكم فوتو محد يمنا

كريم كال ها يمه ابحدج

عمي عاصف :: السلام عليكم اشلونج عمه

هلا عمه الله يساعدك

خاله شيماء الحمد لله على السلامه

  :: الله يسلمج ام علي

بيبي // شلونكم مناك

  :: الحمد لله يسلمون

هسه صار ماكو اسهل من السلام بجال هذا التلفون

  :: عمه ملتهيين

والحجيه هم ملتهيه

كريم //يمه

  بيبي // هسه انا.شگايله اريدها تسال على بيت ابنها (باوعت العمي عاصف ) تره نجاة ما الها بالصار لاناگه ولا جمل

::ادري

شيماء //. تدرون انا الهسه ما ادري العركه عليمن

  بيبي // يمه سالفه قديمه على مود ورث

شيماء // لو هاي بتها اگلها لازم تتعلمين اتطبخين تگلي اعرف اخدر جاي واسلك بيض

بيبي // يمه بزر دلال اشايفه هالمسكينه ما تشوفينها حتى دمعة عينها شايهه ودووم صافنه

شيماء // صدك عوود هاي نجاة شويه وتتخبل ومنو راح يبقى يمها

بيبي // خلف الله ع الناس الغربه بيت ابو احسان والله فضلهم ما ينسي

عاصف / :: انا راح ابقى اهنا ما اعوفهم الى ان اشوف شيصير من سالفة هشام

مو تكولون الولد معترف على نفسه

اتحظر :: بس معترف لو التسفط حتى المحقق متعجب

كريم //. مصدوم الله يساعده

بيبي //. الله يساعد نجاة على مصيبتها

شيماء // وهسه شتسوون

عاصف //. الله كريم

بيبي //. خافن الولد ...

كريم وهو يباوع وياشر // سمي بالرحمن

بيبي //. بسم الله الرحمن الرحيم انا على هالمسكينه نجاة

عاصف :: عمه لو ادري ابيع الوراي والكدامي ما اخلي هشام يصير بي شي

شكرا لزيارتكم عالم روايات سكيرهوم