رواية عشك أل فراس الفصل الثاني عشر بقلم زينب نور
قمر : مرت الايام وهذا الولد ماكو حاولت هواي اتواصل ويا لكن ماكدرت واكثر من مرة اتصل التيلفون مغلق
نفسيتي ادمرت تعبت حيل هبه كانت اقرب انسانة الي تالي راحت بهل السهولة بدون ذنب حتى قبرها محد يندلة
ام قمر :قمر اكعدي تأخرتي على المدرسة مو عندج دوام اليوم
قمر :اهوووو ما اريد ما اريد اروح
ام قمر :كومي ياماما كومي امتحني واني ادز غيث يطلعج من الدوام
قمر :كولي والله
ام قمر :كومي عاااد
قمر :اي اضحكين عليه عبالج طفلة
كمت بدلت وادردم على المدرسة حتى ما تريكت رحت للدوام اول درس امتحان عربي عدنا
ساره : قارية
قمر : اي ليش
ساره : مقارية عدل
قمر :اي تردين اغششج مو
ساره :مو يكولون الصديق وقت الضيق
قمر :وقت الضيق مو وقت الغش
ساره تكون بنت خالي الثاني دخلنا للامتحان واجت الاسئلة سهلة خلصت دوام وطلعت للبيت المدرسة اروحلها مشي طلع بوجهي مازن
قمر : خيررر تفتر وراي
مازن :الاسود يلوك لعيونج
قمر :كبر لفك ماكو واحد ابن حلال يحط طلقة براسك ويخلصني منك والله حرام الزلم على السواتر تموت وانتَ عايش
رجعت للبيت واني مطنكرة من ورا شفت تيلفوني هم ماكو رجعت اتصلت التيلفون مغلق هنا تأكدت انُ الولد استشهد لان ممعقولة صارلة فترة التيلفون مغلق
حيل ضجت ونفسيتي ادمرت اكثر يعني شنو مراح اكدر انفذ الوصية ولا راح اكدر اطلع برائتها اني متأكدة من هبه انُ نفس ما راحت رجعت بس مازن ااخخ الحقارة اللي شايلها
واستمريت اتصل وميجاوب خلصت السنة الدراسية ونجحت وهذا الولد ماكو ساعة اكول استشهد وساعة اكول لا ان شاء الله عايش
ورا اعلنوا يوم النصر بغداد اشتعلت شعل بالافراح اخواني ثنين ضباط مهيب ومهيمن ذول من يوم دخول داعش بعد مشفناهم ابد
ورا ايام من الانتصار كنت نايمة سمعت تيلفوني يدك ماكمت ضليت نايمة ومهتميت عبالي سارة او وحدها من صديقاتي ورا كم يوم يلا انتبهت لرقم
قمر :عززااا بعينج يقمر هذا هو متصل
رجعت اتصلت التيلفون دك شوية وجاوب اجاني صوتة يمه اسم الله خشن يعني صدك صوت زلمة حجيت ويا وحجيتلة الموضوع وسديت التيلفون
قمر :الله يستر من الجاي
نزلت لجوا لكيت رياهم مرت اخوي حجيتلها الموضوع
رياهم:زين هذا منو يكول يكدر يسوي شي وشنو يعني ضابط
قمر :والله ما ادري بس هي هيج كالت قبل لا يقتلها مازن بدقايق ولازم اسوي هيج ومن خابرته كلي ماشي وراح بعد
رياهم:والله مادري ننتظر ونشوف شنو يسوي واذا مطلع بيدة شي وبس كلام وفخفخه
قمر :لعد اكلنا هواء اذا كلامج صحيح
ورا رجع هو خابر طلب شهود وانُ منعرف شي نزلت ركض سحلت رياهم
رياهم:شكوو شكو شبيج
حجيتلها الموضوع
رياهم :يعني شنو صار صُدك صخام امشي نروح لبيتهم
بدلنا ملابسنا ورحنا عود عساس مسيرين يعني منعرف شي رحت حجيت لهند اختها كالت اني وياكم سمعنا غياث اخوي حجيتلهه الموضوع
غياث :هوَ منين هذا
قمر :ضابط عسكري
غياث : اي ادري ضابط عسكري بس ليش الا هو
قمر : مدري
وراها بكم ساعة اجهه هو دخل لابس كلة اسود زي عسكري فتحلة الباب ابن هند دخلوا بس هو الوحيد اللي دخل للصالة كان لازم تيلفون ومسدس بيد وحدهه سئل على مازن جررر الكلمة جرر
ضربة راشدي واخذوا ابين شكلك من ذول العصبيين اللي معدهم شي اسمة تفاهم او رحمة ايدة والضرب راحوا همّ واجوا اهل مازن ضلوا يلطمون
هند : كون اعدام
قمر :امين يارب
الكل كان متوتر الا احنه اللي نعرف بالموضوع هادئين
ابو مازن :ليش خذوا شمسوي الله واكبر واحد كاعد بيتة ويجون ياخذونهة حق باطل
غياث :لا حق
ابو مازن :جنك فرحان
غياث باوعلة بطرف عين وكام طلع مر اسبوع اهله وكلوا محامي بقضيتة
ابو مازن :الضابط الساجنة اكبر حقير واحد حقير حتى ما يتحاجة ولا يفيد ويا فلوس ولا حجي يحجي ويا المحامي يكولة دمشي لك جاي ترشيني
ابو قمر :شسمه هو الضابط
ابو مازن : علي محمد من البصرة وما يتحاجه والله كون اعرف اهله
ابو قمر : عليمن تعرف اهله اذا ابنك ما مسوي شي يطلع
ابو مازن :مامسوي شي بس هو مخلي بركبتة قتل هبه والمحامي يكوله غسل عار مايفيد ويا
كان يحجي بعصبية اذا يلزم الضابط يموتة كد حركت كلبة
ام مازن :الله يحرك كلب امه الضالم مثل ما حرك كلبي
قمر :ثلثين الدعاء يرجع على راعية عليمن ادعين على الولد ابنج مجرم ويستاهل حتى اعدام
ابو قمر :قمر بابا اسكتي
ام مازن :حسبي الله ونعم الوكيل بهيج ضباط كدرتهم بس على الفقير
ورا فترة سمعنا مازن طلع
رياهم :امداني ايي والله المن سجنة المن طلعت
ساره:الفلوس تغير النفوس عيني
قمر : خرب بـ حظي المصخم
صعدت لغرفتي واني ادردم عليَ فتحت التيلفون اجيت اتصل اتعارك بعدين كعدت وانجبيت
دخلت للانستا طلعت صورتة اكسبلور دخلت لحسابة صاعد مخلي صورتة لابس مدني اسود ومناشر شي بالزي العسكري او شي يخص العسكرية ومكاتب معلومة او شي عنة وستوري ممخلي بس مثبت بالحساب كم صورة بالمدني دخلت للمتابعهم متابع 15 شخص فقط وكلهم شباب
قمر : حضي المصخم شبيك طلعتهه
شفت مازن مكتول كتل مو طبيعي ضحكت مشمتهه شكد كرهتهه حيل حيل تعذيب يعني ماكو هيج شي دخل فترة وطلع شابع كتل
ام قمر : مهيمن ومهيب شوكت ينزلون طولوا
غيث:ان شاء الله ويَ هاي الوجبه الراح تنزل
ام قمر : كلببي نار عليهم
غيث :السبت لو الاحد ينزلون
يوم السبت نزلوا مهيب ومهيمن سلموا وكعدوا والكُل كان يمنا
مهيب:لعد هبه وين شنو نايمة
ابو هبه :هبه توفت
مهيمن :توفت! شوكت وشلون
ابو هبه :ضربتها سيارة
قمر :والله كذب همَ قتلوها
ابو هبه :قمرررر
قمر:همَ قتلوها بحجة غسل العار
حجيتلهم الموضوع بالكامل اني احجي وخالي يريد يخنكني وهيج مرت ايامنا هذا الولد انقطعت اخبارة بعد مادري عنه حيللل ضجت منه حيللل مو شلون ما كان
بيوم قررنا نروح لزيارة لكربلاء المقدسة ونبات هناك
.............................
ازل : بعد ما نزلوا اخواني كلهم ولد عمي علي مرجع وياهم امي حيل تأذت وتعبت حيل
تنام وتكعد هيَ تريد علي لكن علي كان ابد ميفيد شي ويا بيوم كاعدين على الغداء جدو وبيبي جانوا مموجودين راحوا يم بيت عمي ابو شاهين والشيخ معزوم وصهُيب واسد كاعدين بالصالة وابوي طالع
ام فهد :امير وين
اسد :مادري ليش مو بغرفتة
ام فهد :لا وين راح هذا ابو المصايب مايرجع الا مسوي مصيبة
اسد : هسه يجي
ام فهد :حضرن الغداء يمه على ما يجي ابوكم وابو المصايب
اجهه ابوي كُلش عصبي اول ما دخل كال بعصبية وصياح
ابو فهد :وتاليي ويَ هذا انا وتالي اضل طول عمري هيج اركض ورا صغيرون من طيح الله حظه وين راح وين
ام فهد :شكووو شصاير شمسوي
ابو فهد:يشرب جكاير ابن الكلب كلب ابن كلب تربيتج هاي ماعرفتي تربين يمشي وي الهتلين والمسربتين ويشرب جكاير بالمدرسة مابيَ حظ بالبيت مابيَ حظ من ساعة السودة الصار بيها ابني هالحيوان هذا
دخل للغرفة صهُيب واسد واحد يباوع بالثاني
ام فهد :كوموا شوفوا وين راح
اسد :والله لو هسه يحترك حرك ما اطلع بهل الحر شني جايز من روحي
صهُيب: خيولي هو يجي
صلينا وكعدنا نتغدا اجهه امير
ابو فهد:اجيت ياحيوان يامسربت
نزل عليَ غلط هو دخل من باب الصالة واحنه كاعدين بالمطبخ يبوي امير محجه شي ابد راح كعد بالاستقبال كاموا صهُيب واسد وعسل صعدت فوك وغزل كامت تسوي جاي وشهد كاعدة بالصالة واني واكفة باب المطبخ
ضلوا بس ابوي وامي كاعدين
ام فهد :على كيفك ويا مو هيج مو كلشي صياح وعصبية وضرب ولدك كبروا مو صغار قابل امير صغير
ابو فهد :انتِ اسكتي ماعليج محد طلع عيونهم غيرج وغير دلالج
هنا امي مسكتت كلمة منها وكلمة من ابوي انصدمنا من ابوي ضرب امي راشدي كانت صدمة حيل ابوي بعمرة مامد ايدة على امي !
ام فهد :كسر ان شاء الله وشلل بيدك جاي اذب سمك عليه انتَ فاشل اب فاشل مابيك حظ ذاك هججته من البيت وصار عشر سنوات اتمنى شوفتهه وضالة بس اشم بهدومة وهذا هم تريد تحرمني منه انتَ مابيك حظ ماتعرف شلون تربيهم ولدك كبروا خليتهم يخافون منك يخافون يجون يحجولك من ورا الضرب والعصبية ماكو الله يخلصنا منك
على صياحهم اجوا اسد وصهُيب ابوي ضل يغلط عليها اسد سحب امي طلعها من المطبخ من غلط ابوي على امي رجعت امي غلطت اجهه يريد يضربها لزمة صهُيب واسد سحب امي للغرفة وسد الباب
صهُيب:كافي يابه شنو السالفه شجاكم بهل الضهرية
ابو فهد :انا مراة تغلط عليه مالج كعدة عندي اخذي هدومج ولهلج ما اريد اشوفج بعد
صهُيب بعصبية :بويه كول يالله بعد هالعمر تطردها لهلها مو حجي هذا
ابو فهد :ولك تغلط عليه كدام ولدي وبناتي هيج مراة ما اريدها
صهُيب:انتَ هم ماقصرت اذكر الله وصل على محمد ما تسوى توصل لهنا وتكبر الموضوع اكثر اهداء واكعد غزل جيبي ماي
ابو فهد :وينه هذا وينه خل اطيح حظة
صهُيب:انتَ شفته يشرب
ابو فهد:اي كاعدين يم بيتنا القديم ويشربون هوَ وذول المسربتين هذا سلوم وسجاد وبعد ذاك مدري شسمة
صهُيب:خلص اهداء احنه نتصرف ويا اشرب ماي واذكر الله لا يرتفع السكر عندك كلشي اله حل وامير غلط وماتنعاد بعد بس سد الموضوع
سكت ابوي ضل صهُيب كاعد يمه رحنا يم امي كاعده تبچي واسد كاعد يمها
ازل:كافي يايمه كافي
ام فهد :يطكني بعد هل العمر سوده بوجههه كون ابوكم مابيَ حظ
اسد :يايمه كافي فدوة لعينج كافي سدي الموضوع وخلي اليوم يمشي على خير مشكلة وصارت
ام فهد : اليشوف ابوكم يشوف الخير اكو واحد خلص منه ذاك اخوكم كاعد مدري وين شلون عايش وشبي محد يدري مو من ورا وهذا هم اربعة وعشرين ساعة يدك عليَّ ليش مو بشر وحد ايدة والضرب
شويه وسمعنا صوت الشيخ
الشيخ :السلام عليكم
الكُل:وعليكم السلام
الشيخ :شكو شبي ابوي
باوع على امي تبچي
الشيخ :خير شكو يمه ليش تبچين
غزل:ابوي وامي تعاركوا
الشيخ:عليمن
حجتله غزل الموضوع
الشيخ: صدك جذب
ام فهد :ما اضل هنا اروح لبيت اخوي البيت الرباني موجود شعندي ضالة يم ابوكم
الشيخ :افااا افااا لا يمه مامرچية منج مشكلة وصارت وكل بيت تصير مشاكل اكثر من هيج مو مال تكبرين السالفة وتوصل لخالي تالي العمر زعلانة ورايحة لهلج ولدج وبناتج اطول منج وابوي تدرين بيَ عصبي وساعة شيطان وصارت استهدي بالرحمن واكعدي بمكانج
ام فهد :تريد اكعد بالبيت تنفذ هالطلب
الشيخ :انتِ تأمرين أمر
ام فهد :ترجعلي علي
الشيخ :سهلة يجرالج
ام فهد :يرجع هنا يعيش
الشيخ :ولا يهمج يرجع ويعيش هنا وتشبعين منه بعد تردين شي
بچت وضحكت بنفس الوقت هو ضحك وحضنها باس راسها وطلع لابوي
كعدنا بالصالة
الشيخ :وين هو امير ولككك امير
رد عليَ امير من الاستقبال
امير:هااا
الشيخ:تعال بويه تعال
ابو فهد :تعال ابو المصايب
الشيخ :شنو نوع الجكاير
امير :ياجكاير
الشيخ :جكايري
امير :جا انتَ الله كدرك عليه مو ذول ولدك يشربون
ابو فهد :بعدك عمرككك مو مال جكاير المن تشرب بهل السم هذا مو يدمرك
امير:ديلا هي مره وحدها
انسد الموضوع وامي متحجي ويَ ابوي ورا يومين اجهه الشيخ كال نروح لبغداد على مود علي هنا فرحة امي ماوسعتها الدنيا
راحوا ورجعوا كالوا بعدين يجي ورانا يرتب وضعة وعلمود شغلة ميتخربط كاعدين نتغداء دك تيلفون الشيخ اسيد
الشيخ:هلا يابه
ادم :هلا يابه انا ادم
الشيخ: اسيد وين
ادم :بالمستشفى صار ويا حادث
الشيخ:يامستشفى
كالوا اسيد مسوي حادث بفلان مستشفى راحوا كلهم ومثل عادتهم يخلونا بقلق وتوتر مو طبيعي ومحد يجاوب من نتصل خالتي انتهت من البچي
ام فهد وام اسيد خوات مزوجات اخوان
بليل اتصل شاهين كال زين حالتة مستقرة مابيَ شي
الجدة:الحمدلله والشكر الف الحمدالله بسج بچي يمه
كالت بيبي سون عشه خاف يجون جوعانين كلنا رحنا نسوي اكل ونسولف انفتح باب المطبخ دخلوا الولد اخواني ولد عمي عدا الشيخ وشاهين وجاسر ماكو وعمامي وابوي وجدو راحوا لديوان
دخلوا كلهم انصدمنا بالاخير علي
غزل:عزززااا عليييي
ريم : ركضن خواتة عليَّ حضننا هوَ يضحك وحضنهم صاحت غزل
غزل:يمةة يمةةة اجههة علييي
اجت عمتي بس شافتة ضلت تبچي وتصيح
ام فهد :يايمهه ولكك يممه
عاف خواتة وراح عليها بسرعة حضنها وبچوا ثنيهم كعدوا بالكاع حاضنها ويبچون
ام فهد :يمه يبعد امك يايمه ليش هيج يمه ليش تشلع كلبي يبعد طولي يايمه
تباوع بوجهه وترجع تحضنهه بعدين كام راح لبيبي اللي كانت كاعدة بالكاع وتبچي ماشالنها رجليها من الفرحة
الجدة :يمهه هلا بيك ليش خايب ليش ليش تشلع كلوبنا يمن اغديلك فدوة
علي:عافيتيي اروح فدوه لدموعج
حضنها وهيَ شويية تعاتب وشوية تسئل شلونك رجع سلم علينا كلنا
اسد : عوفوا المعاتب هذا رجعلكم
امير :الفضل الي
صهُيب:حجه المعتبر
ام فهد :شلونك يمه شلون عشت هاي السنين سوده عليه يايمه عايش وحدك
علي:اسم الله يرويحتي
الجدة :ليش هيج تشلع كلوبنا وماترد بسرعة
رفعت العصه مالتها ضربتهه على رجلة هوَ ضحك
علي: هواي شغلات جانت تمنعني
امير وعصابتهه طلعوا وعلي بيبي وعماتي دخلنا تحقيق كعد يحجي حياتة شلون عاش شنو اشتغل وتخرجة وكُلشي لحد ما جاوب على كل اسئلتهن
اسد : كافي يايمه احنه مانحقق هالكد
ام فهد :اسكتوا عني وليدي وفرحانة بيَ يمه ذاك الصغيرون كبر وصار ضابط
صهُيب: ويجلد بالوادم
كانت يمنا مرت خالي ابو فؤاد
ام فؤاد:وراجع تستقر هنا
علي:اي راجع استقر
ام فؤاد:الماضي
علي: ينسي بس قبل لا انسى اصفي حسابي وي الكُل
الجدة:شو ما اسكتين احسلج وكت هذا الحجي جبح كون
شوية وكام علي وكال
صهُيب صعد لغرفتة والبقية كل واحد راح لبيتهم واسد طلع برا
علي:انا اتوكل لازم ارجع لبغداد
ام فهد :ليشش يمه مو كلت هنا راح تستقر
تقدم عليها باس ايدها وكال
علي:اي بس عندي كم شغلة لازم اكملهن وضروري وبعدهي التحق للموصل وانزل مباشرةً للبصرة ما ارجع لبغداد
باوع على الطاولة ورجع حط ايدة بجيبة
علي:سويجي ماكو
ام فهد :مادري بيَ دورنا يمه
علي:انا هنا خليتهه
طلع برا ورجع ودخل ورا اسد يضحك
الجدة:ها يمه
علي: السويج ماخذه استاذ امير واتصل مايجاوب يرفضني
ام فهد :هههه ابو المصايب اول مره يسوي مصيبة تفرحني عاشت ايدة
اسد :يلا توكل نام
صعد علي واحنه طشينا كل واحد لغرفتهه ثاني يوم رجع لبغداد ومرت ايامنا بهدوء
دخل امير كال
.........................
علي: خابرني امير وانا بالمركز كلي اسيد بالمستشفى بس كلي
امير :حالتة جدًا تعبانة لو تلحك لو ما تلحك راح ننصب الجوادر متكسر تكسر والعملية ما نجحت والكل تعبان وعايش قلق تعال شوفة قبل لا يصير شي عوف الزعل
كال هيج وغلق التيلفون الله يطيح حظك أخذت تيلفوني وسويجي ومحفظتي وطلعت
طلعت مباشرةً للبصرة
نص الطريق دك عليه رقم غريب
علي: منو
_ صكارك
علي:ها ابو المخدرات شتريد ولك تريد تنسحل مثل صاحبك
_ ههههه ضحكتني
علي: تجيك ايام تخليك تضحك اكثر
_نشوف يا سيادة الضابط منو يفوز على منو
علي: اطشركم وحك علي بس خل افرغلكم اطلعك انتَ واليشد على ايدك من سابع كاع
_ عرجي مايوكف اذا اموت اني يطلعون الف زلمة وراي
علي:قصدك الف جلب ماشي وذول اليطلعون وراك انا كتالهم وانتَ انا كتالك اذا مو ذبح اعدام
سد التيلفون مباشرةً كملت طريقي وصلت البصرة العصر حيل خابرت امير سئلت على اسم المستشفى وصلت سلمت عليهم كلهم موجودين
علي:شلونة اسيد
الشيخ:حالتة مستقرة وتعدئ مرحلة الخطر
باوعت على امير دار وجهه
علي: ها عيني شو درت وجهك
امير:جانت حالتة موزينة
بليل كالوا روحوا للبيت اجيت ارجع لبغداد بس ماقبلوا لخاطر امي رحت وياهم وجنت حيل مشتاقلها دخلت للمنطقة تقريبًا نفس ما تركتها بس بيوت صايرة اكثر وصلت لبيت جدي يالله شكد مشتاق لجواء قبل
دخلوا قبلي دخلت وراهم من باب المطبخ البنات كلهن موجودات كبرانات حيل اجني خواتي سلمت عليهن شهد صايرة مراة وانا تركتها طفلة
اجتني امي بس حضنتهاو بچيت من اجيت اطلع السويج اخذه امير
لزمت اعصابي لاول مره بالحياة صعدت للغرفة اللي محضريها انام بالبدلة يعني رحت لصهُيب دكيت الباب
صهُيب:تفضل
علي:شلونك يابه
صهُيب:هههه هلا
علي: ضحكت شماتة المهم اريد اتراك انام بيَ
صهُيب:الكنتور كدامك طب واختار
علي:شكرًا
دخلت اخذت اتراك ورحت سبحت بدلت ملابسي ونمت جنت كُلش تعبان كعدت الضهر راح عليه الوكت خرب غسلت ونزلت
علي:مساء الخير
الكل:مساء النور
علي:يمه وين البدلة
ام فهد :غزل اخذتها تكويها
صحت على غزل جابتها
علي:جيب السويج
امير :اوي هاك
علي:دجيبه جنك .....
اخذتة وبدلت وطلعت لبغداد من وصلت عرفت مازن طالع
علي:بسيطة چا عبالك اعوفك ابن النغل
حضرت ملابسي وثاني يوم توجهت للموصل
لكفنا ارهابية ببيت دخلنا للبيت اللي بصفه هوَ هم داعشي مباشرةً كال مادري بيهم
علي: لا تجذب هسه شفتهم بالبيت اليمكم
داعشي:هسع شفتهم يمنه
علي:اي هسع
داعشي:اقسم بالله ماشفت
علي:عوف الله لا اسلكگ راشدي ،جيبوا
طلعنا وكفنا باب الصالة مال البيت
علي:هسه راح نطلع منا اذا اجت طلقة افرغة براسك
داعشي:اني بركبتي عائلة اتركوني
علي:اششش ولا صوت والله اذا فكيت حلكك اترسة الك تراب يلا كدامي بدون صوت
داعشي: اتركني بحالي
علي:وحك علي ابن ابي طالب افرغة براسك وانعل ابوك لابو حتى الجابك امشي بدون صوت الخايس
كدرنا نلقي القبض عليهم
خلصت واجبي ورجعت لمكاني دخل عليه همام
علي:شكو شبيك
همام :عمار سيدي طلع ومارجع
علي:من شوكت طلع
همام: من العصر لحد الان مابين
علي:من العصر ولحد الان حضرتك ماتحجييي
اخذت سلاحي وطلعت صعدت دراجة
راهب:الله واكبر مو بشر طركاعة خل نلحكهه عمي
سمعتهه هيج كال طلعت ادور وصلت لمنطقة مهجورة ولا طير بيها ويساتين وبيت عن بيت جدًا بعيد ورا كل بيت يجي بستان
راهب:ها شنو
علي:هذا البيت شاك بيَ لازم ادخلة
نمر:بيت مهجور شعدنا داخليين بيَ
علي: انا راح ادخل تردون تجون هلا بيكم ماتردون بعد احسن
اجوا وراي راهب ونمر وعمر وماهر
دخلنا للبيت اضلم واكو غراض مطشرة واكل واللعاب مال جهال كلشي دخلت لغرفة دخل وراي راهب
راهب:شبيك ومرض
علي:ركبك شبيك
راهب:ليش تكرص
علي:ياهوَ كارصك ومرض
بهاي الاثناء طاحت مزهرية البيت صار بيَ صوت حركة رعب طلعنا من الغرفة
نمر:ياستار دخيلك ياعلي دخيلك يالحسين
باوعنا على شباك يطل على بستان اضلم اجانة شي من عندة شكلة مخيف
عين وحدها ورجلة وحدها عصة مال ماسحة وايدها مدري شنو
نمر:دخيلك ياعلي استر يارب
نمر الخبل شال طابوكة من الكاع واشمرها عليها بوية چا غير تخبلت
عمر :الله ياخدك ينمر شسويت
طلعت تيلفوني من جيبي انوب حتى سلاحي ضل برا بالدراجه شهل الغلط اللي ارتكبتة طلعت تيلفوني شغلت قران بصوت عالي
بيبان البيت ضلت تنشال وتركع بالكاع وصوت عالي جدًا نزلت وحدها ثانية نفس الشكل بس بيها دم بيدها راس بشر شمرتهه علينا
باوعت للمرية اجت عيني بعينها مباشرةً صرخت صوت مو طبيعي شوية واختفن والبيت صار هدوء تام بس كلشي معلك بالحايط طاح والراس بعدة موجود
ماهر:منتظرين ترجع خل نطلع يلااا
طلعنا من البيت موقف ماينسي
نمر:الله لا يوفقك علي
علي:شبيك بابا الحياة تجارب
راهب:تجارب وي الطناطل والجناني
مارديت صعدت الدراجة ورحت اكمل بحث على عمار وصلني خبر همام هم طالع وصلت لبيت دخلنا انصدمت بالمنضر
همام وعمار ثنينهم بس شلون موتة راسهم بجهة وجسمهم بجهة مثروم الرجلين والادين والراس عمار كان خاطب فقط اصبعة البي حلقة موجود لكن الحلقة ماموجودة
منضر صدمة منضر مخيف دمهم شعرهم محروك بهل السرعة ! كدروا ينفذون احس حيلي باد من شفتهم حتى عيونهم
اريد استوعب المنضر اريد استوعب الجاي اشوفة بس صعبة
سمعت صوت وراي
.....................
