رواية نقطة تحول الفصل الثاني عشر بقلم جمانه السعيدي
آريد هذا الاسبوع يخلص ويرجع قيس للدوام ماكوووو
يوميه من اجي الصبح أضل اراقب من بعيد بلكت جاي للدوام
خلص الاسبوع واني احسب وسئلت ١٠٠ مره دوام الضباط شكد بشكد
اليوم الي راح يرجع بي للدوام كعدت نشيطه سبحت وبدلت لبست فستان كابوي ورفعت شعري نص ونص
وحذاء وجنطه احمر ومكياج هادء
اني ما احب المكياج الطوخ احسه يكبر عمري
وصلت ومن بعيد شفته واكف بلباب حسيت عيونه ادور سيارتنا
وصلنا بس شافني ابتسم ماكدرت اخفي ابتسامتي
سلم على عمو محسن وعليه ودخلنا جوا جمانه السعيدي
من نزلت عيونه عليه حسيته يراقبني بس اني لازم ابيع ثكل واسوي نفسي ما مهتمه ابد
اكو كافتريا بره طلعت الساعه عشره سويت نفسي اشتري
هو شافني واجا للكافتريا
اني شفته اجا بس سويت نفسي ما منتبه
بس وصل كال
قيس صباح الخير
عبير التفتت وسويت نفسي متفاجئه بي اهلا صباح الخير
عبير اخذت نستله وأخذت جاي بلحليب
قيس اخذ جاي وكال ممكن اني ادفع
عبير ابتسمت لا شكرا مو كل مره انت تدفع اصلا اني لازم ادفع هلمره
قيس ترا مجاي ادفع مبالغ هي اشياء بسيطه
عبير ولو شكرا جزيلا دفعت فلوس ومشيت وهو بقه واكف يشرب جاي ويباوع عليه
راح تكولون شلون عرفتي جان اكو جام عاكس كدامي
امشي وهو عينه عليه
عبير رحت كعدت على مكتبي منا لمن خلص الدوام
من طلعنا اني وعمو بس شافنا وكف
طلعنا السياره ومشينا
كمت يوميه اروح للكافتريا حتى يجي ويحجي وياي
تحديدا الساعه عشره الصبح
وبيوم رحت للكافتريا
شفته اجا قريب عليه رفعت التليفون وسويت نفسي
اخابر
انطيته ضهري على اساس ما اعرف هو اجا
وبديت احجي جمانه السعيدي
عبير ليش انتي ضيعتي رقمي هو نفسه الرقم القديم
هسه راح ارده اللج بس حضري ورقه وسجلي
لو تسجلي كبل بلتليفون حتى تتصلين عليه
تدرين يوميه احجي عليج واكول شكد بذاته ليش ما تتصل
تعرفين ماعندي صديقه غيرج بس انتي
اني ما اثق بلبنات ومآ مصادقه غيرج
يله سجلي الرقم يمج بس ضروري تخابريني
بديت ارد الرقم واركز على الرقم وعدته مرتين
هااا سجلتي اوكي منتضره مكالمتج مو تتاخرين عليه
اني سويت هيج متعمده اني اكدر اجيب رقمه بسهوله واخابره بس اريد هو يخابرني مو اني اخابره
بعد هو وشطارته
قيس كمت يوميه اروح للكافتريا الساعه عشره لان هي تجي تشتري
مرات اوصل قبلها ومرات بعدها
واليوم لكيتها واصله قبلي وجاي تخابر وتحديدا تحجي ويه وحده على رقم تليفونها
طلعت التليفون وسجلت صوتها وهي ترد الرقم حتى إذا اجت فرصه اتصل عليها
عبير التفتت لكيته واكف وراي منتضرني
رغم هو يكدر ياخذ الجاي ويمشي بس بقه واكف منتضرني
التفتت وشفته ابتسمت وكلت صباح الخير
قيس يا صباح الخيرات
لزمت الجاي بسرعه و لان كلاص ورقي انكلب على ايدي
صحت ااخ هلمره صدك موتمثيل
هو بيده بطل مي ومنتضر ياخذ جاي
راسا فتح البطل ولزم ايدي وصب عليها ماي من البطل
قيس سلامات خوما اتاذيتي
عبير سحبت ايدي وطلعت كلنس ولفيتها وكتله لا ماكو شي بسيطه شكرا جمانه السعيدي
قيس العفوو
عفته ومشيت وهو بقه واكف يشرب جاي
ثاني يوم عمو محسن ما راح للدوام لان عدهم تفتيش على كم دائره
وعمتي جانت حيل تعبانه ما عجبتني ردت ابقى بلبيت بس هي ما قبلت كالت شويه واصير زينه
اجرت تكسي ورحت وصلت جان اكو مجاري طاكه كبال الدائره والشارع فايض
ابو التكسي نزلني وراح اجيت امشي على الطرف
كل المصايب لازم تصير بيوم واحد
هاي شلون مشكله يوميه ادخل جوه بلسياره واليوم على عيني حتى المجاري طاكه
اني لازم اشتري سياره شني هلو ضع التعبان
قيس حسيته اتاخرت اليوم يوميه توصل قبل هذا الوكت
اني ليش شاغل نفسي بيها هاي وين واني وين
ابوها مدير عام وساكنه بلخضراء
واني رجال على كد حالي لا وفوكاها منفصل
اني ليش أعذب نفسي لازم اشيلها من بالي
احجي وبه نفسي وعيوني على الطريق جان اشوفها جايه من بعيد تمشي على كيف ويه الطرف مال الشارع
رحت عليها
قيس صباح الخير
عبير صباح النور هاي شصاير بلشارع اليوم
قيس خابرنا على البلديه هسه يجون ويفتحونا الضاهر المجاري مسدوده
عبير هسه اني شلون راح اوصل
قيس انطيني ايدج واني هسه اوصلج
لزمت ايدها وبديت اعبرها منا لمن وصلنا اباوع الجنود واحد يشاور الثاني ويضحك اني راسا خنزت عليهم
عود ناصبين عليه
وصلنا للدائره ودخلت واني بعدني لازم ايدها
عبير كتله شكرا وسحبت ايدي
قيس العفوووو تدللين
ضل بالي يم عمتي كل شويه اخابرها اليوم وضعها ابد ما عاجبني جمانه السعيدي
الساعه بلعشره ردت اروح للكافتريا جان تخابرني عمتي
الحكيلي راسي يوجعني ونفسي تلعب
خابرت محسن ومارد عليه يمكن تليفونه باقي بلسياره
اني راسا اخذت جنطتي وطلعت امشي سريع
مريت على قيس وكتله فدوه اريد سياره بسرعه عمتي تخربطت
قيس كال اي يله اني عندي سياره
عبير فدوه بسرعه لان وحدها بلشقه
الشارع جاف لان البلديه جايه وساحبه المي
راح يمشي بسرعه كدامي للكراج وشغل سيارته
اني صعدت ومشينا كتله احنا شقتنا بلخضراء
وصلنا طلعت الكارت مالتي لان ممنوع الدخول الي مايحمل كارت
دخلنا واني رحت ركض دخلت قبله كل خوفي جان لا الكاها ميته يمكن اموت وراها
اني كلش احبها ومتعلقه بيها
طلعت المفتاح وفتحت الشقه ودخلت لكيته كاعده ولازمه راسها وتبجي من الوجع
قيس بقه واكف برا ما دخل
اني راسا جبتلها رداء ولبستها وعدلت شالها وصحت قيس تعال ساعدني نطلعها
اني لازمتها من ايد وهو من ايد
وجها اصفر وحالتها حاله
صعدناها بلسياره واخذناها للمستشفى بلمجمع يمنا
خوش مستشفى بي خدمات صحيه زينه
دخلناها واني بعد ما كدرت اسيطر على نفسي اكثر
كمت ابجي
الدكتور اجا وفحص عيونها وفحص ضغطها
كال الضغط صاعد حيل
سجللها تحاليل والممرضات شكلتها محلول حلو حتى يهبط ضغطها
اني ابوس بايدها واكلها عمه لاتعوفيني فدوه اروحلج
قيس طلع جاب ماي فتح البطل وكال اشربي
لاتخافين ترا الضغط صار شغله بسيطه وكل العراقيين بيهم ضغط حتى الاعمارهم زغيره
عبير اموت ولله اموت اذا صار بيها شي
قيس ليش هيج تكولين مابيها شي هسه تصير زينه اطمني
بقيت كاعده يمها ولازمه ايدها افرك بيها ودموعي مايقبلن يوكفن ابد آريد اسكت ما اكدر
كلش خايفه عليها
وقيس بقه واكف يمنا حتى ما يقبل يكعد
منا لمن خلص المحلول شويه انتبهت وكامت تحجي وياي
واني بلزايد كمت ابجي
بشرى شبيج حبيبتي مابيه شي لاتخافين
عبير كلبي راح يوكف من الخوف عليج
بشرى ولله صرت زينه
عبير انشاء الله زينه دوووم
بشرى رفعت عيني وشفت قيس واكف اشرت العبير بعيني هوووو
عبير شايفين واحد يبجي ويضحك بنفس الوقت
ضحكت واشرتلها اي ودموعي ينزلن وي الضحكه
بشرى شكرا خاله تعبناك ويانه
قيس لاتكولين هيج خاله تعبج راحه
عبير باوعت علي وكتله شكرا
قيس العفو ترا ما سويت شي
طلعنا ورجعنا للشقه وقيس رجع للدوام
