رواية نقطة تحول الفصل الثالث عشر بقلم جمانه السعيدي
من رجع عمو محسن تخبل على عمتي وصمم يحجزله عد احسن الدكاتره
ويشوف حالته
ثاني يوم كان آخر يوم بلاسبوع من دوام قيس
واني ما داومت بقيت يم عمتي رغم هي حالته الصحيه احسن بس اني كلش خايفه عليه
وطبخت اكل بدون ملح
هي تضحك عليه تكول ترا بس اني عندي ضغط ليش انتم تاكلون اكل بدون ملح
عبير تضامنا وياج منا لمن تصيرين زينه
لليل اجتني رساله من رقم غريب
جمانه السعيدي
هلو ست عبير حبيت اطمن على حالة عمتج انشاء الله صارت احسن اني قيس
عبير ضحكت اي وكعت بلفخ
اهلا وسهلا شكرا جزيلا على السوال بس انت منيين جبت رقمي
قيس اعذريني سمعته وانتي تردينه الصديقتج ذاك اليوم
صح هذا فضول مني بس ولله اني راسلتج علمود اسئل على عمتج لا أكثر ولا اقل
عبير لا عادي شكرا تعبناك ويانه وعفت الدوام علمودي
قيس لا بلعكس تعبج راحه اني باجر انزل الاهلي
وردت اطمن على وضعكم قبل لا انزل خاف تحتاجون شي
عبير ممنونه منك ليش انت اهلك مو بغداد
قيس لا اني اهلي محافضات جمانه السعيدي
عبير بس هاي مو صعبه عليك تروح وترجع
قيس دوامي بعد شسوي اصلا اني كلش مرتاح بهذا المكان
عبير وزوجتك وجهالك شلون
قيس اني ما موزج ولا عندي جهال
عبير عجيب انت مو زغير ليش الهسه ما مزوج
قيس ماكو نصيب
عبير شكرا الك مره ثانيه مع السلامه
قيس بس حبيت اكلج لاتخافين اني امي هم عدها ضغط
وتأخذ علاج ولله كريم
عبير صفنت وذكرته شلون جانت تسبحني وتنطيني مصرف وشلون تتوسل بخالي يعوفني عدهم
عبير الله يشافيه ويعافيه الكم سلملي عليها
قيس يوصل انشاء الله
ا
عبير العصر عمو محسن اخذ عمتي لأحسن دكتور بغداد وسجلله علاج وااكد على الحميه من الدهن والملح ولازم ما تضوج ابد
داومت ثالث يوم بس المكان مو حلو لان قيس ماكو بي
حتى ما اروح للكافتريا
جنت اروح يوميه حتى يشوفني ونحجي اني وياااا
بليل اجتني رساله جمانه السعيدي
هلو شلونج شلون صارت عمتج
اقرا بلرساله واضحك قيس خوش لكه حجه يحجي وياي كل شويه شلون صارت عمتج
رديت علي
عبير الحمد لله زينه اخذناها للدكتور وطمنا على حالته
وسجلله علاج وحالته جاي تتحسن شويه شويه
قيس الحمد لله
عبير امك شلونه
قيس تصدقين كتله عبير بت المدير العام تسلم عليج
كالت الله يسلمه وتكول كللها هذا الاسم عزيز عليه
عبير ولله حصرتني البجيه كتله شنو قصدها
قيس امي جانت مربيه بت عمتي من هي زغيره
واسمها على اسمج بس احنا جنا نصيحله عباس
عبير عباس مو ابنيه ليش تصيحوله عباس
قيس هاي قصه طويله خاف اخذ وقتج
عبير لا الله عليك احب اسمعه منك
قيس عمتي الله يرحمه انفصلت عن زوجها واجت عاشت عدنا وجانت حامل
احنا بلبيت بس ولد وعمتي جابت بنيه سمتها عبير
لان البيت بس ولد امي ربت عبير ويانه لان عمتي جانت مريضه
عبير هو يحجي واني خنقتني العبره ودموعي نزلن
قيس جاي تسمعيني
عبير اي كمل اسمعك
قيس كلنا انصيحله عباس وتلبس ملابس ولد يعني تلبس ملابس اخواني وناخذها للحلاق ويانه
وتلعب العاب ولد يعني طوبه وناعور وركيضان
ايجوز انتي ذني اللعبات ماتعرفيهن
عبير وبعدين كمل وين راحت عبير
قيس عمتي توفت وابوي اخذها دزها الابوها تعيش ويااا
وبعد مانعرف اخبارها شنو
هذا الحجي من زمان يعني يجوز صار ١١ سنه او اكثر او اقل
وامي حيل تحبه ودائما تذكرها وتكول اتمنى اشوفه شكبرها صارت
مرات تكول ايجوز ابوها هسه زوجها
عبير بيت ابوها بعيد عليكم جمانه السعيدي
قيس اي حوالي ساعه ونص بلسياره بس احنا وابوها علاقتنا مو تمام لان هو طلك عمتي وعافه وكال ما اريدها ولا اريد بته
فلا نسئل علي ولا يسئل علينا
عبير تعرف اني شكد احب امك
قيس شنو قصدج
عبير لا اقصد حبيته لان انت تحجي عنها كلبها حنيين وطيبه
قيس اوووو شكد ما احجيلج عنها قليل شايله محنة الدنيا كلها
عبير شكرا السؤالك
قيس ولو ماسويت اله الواجب
عبير تصبح على خير
قيس وانتي من اهل الخير
الايام الي بقت كام يدز رساله واني مره ارد ومره لا
آريد اشغل باله واعوفه يفكر
اخر يوم باجازته كتبلي
السلام عليكم اني باجر اداوم وراح اجيبلج وياي هديه
منطقتنا مشتهره بلتمر والراشي على اصوله
راح اجيبلج تمر وراشي وياي من اجي
اني العصر طلعت للسوك اشتريت ثوب الام قيس وشال
وعطر وجزان يخبل ولفيتهن وحضرتهن
ثاني يوم بدلت لبست نفنوف قصير مشجر وضفرت شعري كصيبه ونزلت كذله على عيوني
حذاء وجنطه وردي وأخذت هدية ام قيس وياي
بس وصلنا لكيته طالع برا الباب الخارجي ينتضرني
بس شافني ابتسم
ما اعرف ليش بس اشوفه احس بلامان يمكن لان اعرفه من زمان
ابتسمتله سلم على عمو وعليه
دخلت جوه ومآ طلعت حتى الساعه عشره ما طلعت للكافتريا
بلعشره ونص لكيته فوك راسي
قيس هلو شلونج
عبير اهلا وسهلا
قيس اني بدر مني شي زعجج
عبير ليش تكول هيج
قيس يمكن مللتج لان حجيتلج قصة عبير
عبير لا بلعكس انت اسعدتني وخليتني احب امك ولذالك جبتله هاي الهديه وياي
طلعت الهديه وانطيتها اله وهو اتفاجئ
قيس تحجين صدك انتي جبتي هديه الامي
عبير وليش لا
قيس شكرا اللج ممنون منج واني جبتلج تمر وراشي هذا من منطقتنا طعمه يختلف
عبير شكرا جزيلا
اخذ الهديه وطلع هو من المكتب
من طلعنا من الدوام سلم علينا
اي هيج احسن خلي يفكر بيه طول الوقت خلي ينسطر من التفكير
لليل دزلي رساله
هلوووو عاش الذوق حلوه الهديه
عبير تستاهل امك ام كلب الطيب
قيس امي شكد راح تفرح من تسمع هذا الكلام
عبير لازم بيوم من الايام تعرفني عليه
قيس انشاء الله
ثاني يوم رحت للدوام لابسه بنطرون كابوي اسود وبدي احمر ورافعه شعري نص ونص
دخلنا بلسياره وكانت ابتسامت الصباح المعتاده والسلام
الساعه عشره رحت للكافتريا
لكيته منتضرني هناك جمانه السعيدي
قيس صباح الخير
عبير صباح الخير
قيس اريد اكلج سر
عبير ابتسمت اي كول
قيس الساعه عشره صارت ادمان
عبير يعني شلون
قيس لازم اجي للكافتربا الساعه عشره اليوم ماكدرت اجيت قبل العشره
عبير ليش
قيس لا تسوين نفسج ما تفتهمين
عبير اخذت الجاي ورحت وهو بقه واكف ويباوع عليه
قيس من نزلت الاهلي وانطيت امي الهديه شكد فرحت بيها
وكالت اريد احجي وياها بلتليفون واسلم عليها
قيس خابرت عبير
هلووو امي تريد تحجي وياج وتشكرج على الهديه
عبير اي ليش لا
قيس اتصلت وانطيت التليفون الامي
عبير هلو خاله شلونج
ام قيس هله حبيبتي انتي شلونج
عبير بس سمعت صوتها بجيت هاي امي الي تعبت عليه
اهلا وسهلا هله خاله شلونج صحتج شلونها انشاء الله تمام
ام قيس الحمد لله حبيت اشكرج على هذا الذوق الحلو
انشاء الله نجازيج عروسه
عبير شكرا خاله بحضورج انشاء الله
خلصن اربع اشهر وبدينا بلشهر الخامس
وبيوم دزلي رساله ممكن اتصل
عبير اني جنت فارغه وكاعده بغرفتي الوحدي بس حبيت اطلع كلبه
كتبتله خل افرغ وادزلك رساله
قيس بقيت كاعد على نار الوقت شكد بطئ
فات ربع ساعه نص ساعه ساعه وهي ماكو
واني مثل الكاعد على نار
عبير دزيت رساله اتصل اني فرغت
قيس كبل كتلها اني احبج سمعيني احبج
بعد اصيح اكثر لو سمعتي زين
ولله احبج من اول مره شفتج اخذتي عقلي
وعقلي مشغول بيج ليل نهار
ايجوز اني مو من مستواج واكبر منج
بس شسوي قابل هو الحب بكيفي
كلشي ما اريد منج بس تنطيني فرصه اثبتلج اني شكد احبج
وشكد تعلق كلبي بيج
اذا ما تردين تردين عليه هسه بكيفج اخذي وقتج
واني انتضرج مستعد انتضر العمر كله
شكرا لزيارتكم عالم روايات سكيرهوم
