رواية حبه لا يموت اياد وخشوع الجزء الثاني الفصل الثانى عشر بقلم شفق الغروب
مر اسبوع من رجوع فلكس كان جنب ليل وديما معاها هي وحياة هو اتعلق بحياة كأنها بنتوا بالضبط البنت دمها خفيف جميلة وتاخد العقل من اول مرة ميتشبعش من الكلام معاها كأنها ملاك براءة الأطفال بتشع من عينها مجرد ما تبص لضحكتها تنسي همومك علي الرغم من ان المرض كان اخد منها طاقتها اخد منها صحتها بس منطفأطش بالعكس كانت بتمثل القوة علشان هي بطلة ومينفعش تبقي ضعيفه
خشوع في الأسبوع ده بتحاول تبعد عن فلكس بقدر الإمكان
في يوم خلال الأسبوع كان فلكس مع ليل واياد وخشوع وأهلها كانو جيين يزورو ليل وخشوع عرفت أهلها علي بسنت واللي اتضح ان فلكس يعرف الدكتور حاتم وأنهم كانو أصدقاء بس الدنيا فرقتهم
كانت حياة وقفة مع بسنت وحاتم وليل بصه عليهم عوزاه تبقا زيها ابوها وامها مع بعض بيضحكوا كانت حسه بالكسرة ليل نادت خشوع وعيونها متثبته علي حياه وأهلها وقالت : ماما احنا ليه مش عيشين مع فلكس زي ما طنط بسنت وحياة
للحظة عم الصمت وخشوع مكنتش عرفه ترد على بنتها رفعت عيونها تبص لفلكس لعل تلاقي عندوا الرد لقيتوا باصص ليها بنظرة ترجي وعتاب كانو بيقول يلا نرجع نرجع ونبقا مع بعض
خشوع قامت وطلعت بره الاوضة وبسنت راحت اعدت مع ليل تطبطب عليها وتحاول تنسيها اللي قالته فلكس نزل ورا خشوع
كانت اعده في الجنينه بتاعت المستشفى جه اعد علي بعد منها وقال :
- تعالي نرجع انا لسه عوزك ومفيش وقت احسن من اللي احنا فيه علشان نرجع... نرجع مع بعض علشان بنتنا
- وانت من امتي بتفكر في بنتنا؟؟
- اه الي بتقوليه انتي عرفه أن روحي في ليل !!!
- ورحك دي كانت فين لما سبتها ومشيت وخلتها تعيش علي انها يتيمة وابوها لسه عايش انت اللي عملت الفراغ ده في بنتي
فلكس زعق : متعشيش دور المظلومة قلتلك مشيت علشان مخلكيش تشوفيني بموت قدامك وبنتي متشفش ابوها بالوضع اللي كان فيه
- معاك حق انا عيشه دور المظلومة وانا السبب في اللي بيحصل في البنت وانا السبب ان نفسيتها تدمر فعلا الصراحه انا كنت سبب لما اخترت الشخص الغلط يدخل حياتي انا غلطت لما اخترتك تبقا اب لعيالي انا اتمسكت بيك وده في حد ذاتو كان غلط كان لازم انساك من ست سنين
- مكنتيش هتعرفي وانا مهما حاولت مش هعرف عرفه ليه؟؟
- ليه يا فيلسوف ؟
- علشان بحبك ومتأكد انك بتعشقيني وانا في سبيل حبيبي مستعد اعمل المستحيل
- ولو المستحيل مكفاش ؟؟
- هعمل اللي اكتر من المستحيل
- اللي هو
- الفلكسحيل
خشوع مقدرتش تمسك ضحكتها لسه بيعرف يغير الموضوع ويقلبوا من نكد وحزن لهزار لسه بيعرف يطلع ضحكتها في عز حزنها
قال وهو بيتأملها بحب :
- ضحكتك وحشتني
خشوع قامت بعد ما قال كده
فلكس قال :
- علي فين انا ملحقتش اقعد معاكي
- طلعه فوق عند ليل وبعدين تقعد معايا بتاع ايه احنا مفيش بنا حاجه غير البنت وقالت تكمل جملتها تخفيف من واقع جرحوا غصب عنها لما تبقا تعمل الفلكسحيل نبقا نقعد مع بعض عادي.....نفسي اشوفك وانت بتعملوا قالت كده وضحكت
فلكس افتكر لما قال لاياد هبلع المفتاح لو حد قرب ياخد المفتاح لما كان موصر ميمشيش إياد من غير ما يصفوا سعتها هي ضحكت علي جملتوا وقالت : عوزاه اشوفك وانت بتعملها نفس الضحكة اللي دخلت قلبوا فضل باصص علي خطاها وهو سرحان فاق علي يوسف اللي جي يزو ليل اللي جه من وراه وقال :
- انت واقع خالص يعيني
فلكس قام وسلم عليه هو مشفهوش من ساعت ما سافر
عده اليوم ده وجه يوم الجلسة التانية فلكس اللي كان بيمثل القوة ضعف لما شاف تعب بنتوا بعد الجلسه هو عارف الوجع حس بيه عارف احساس الألم مقدرش يشوف بنتوا بتعيط من الوجع اللي بعد الجلسه اللي هيفضل ملزمها اكتر من يوم خشوع شفتوا طلع وشافت لمعت الدموع في عيونوا طلعت لقيتوا حاطط وشو بين اديه ودموعو نزلة خشوع راحت عند فلكس اعدت علي بعد منوا وقالت :
- اهدي يا فلكس احنا لسه في الأول لو البنت شافتك كده هيحصلها ايه ليل من ساعت ما عرفت انو جالك وخفيت منوا وهي بتاخد قوتها منك
- مش قادر يا خشوع مش قادر اتخيل بنتي بتعيش اللي حسيت بيه
- اصبر
- مش قادر اصبر مش عارف
- ليه مش قادر تصبر اه اللي منعك انا عرفه انك عديت بالي هي فيه وصعبان عليك أن اللي حسيت بيه هي عيشاه بس ده اختبار من ربي ربنا بيحبنا وعيزنا نتعلم من اللي بيحصل بدل ما تشيل الهم سلمها لربنا واعرف ان بنتك تحت رحمته وقادر انو يخفف ألمها بس احنا نرجعلوا وندعي ادعي واصبر يا حبيبي ان الله لا يترك عبداً صابراً حتي ،يرزقه التعجب من جبره
خشوع اخدت بلها من كلمة حبيبي اللي طلعت منها غصب عنها هتمثل ليه هتكذب علي مين هو فعلا حبيبها قالت كده في نفسها وقامت تمشي مشيت خطوتين ولقيت ايد بتسحبها لقيت نفسها في حضن فلكس وفلكس حضنها بقوه ودافن وشوا فيها القبها دق جامد كأنو هيعلن عن خروجو من جواها فلكس كان بيبكي زي الطفل في حضن امو خشوع فضلت ثواني بتستوعب اللي حصل حاولت تبعد بس مش عرفه لانو حضنها بقوة كان ضاغط عليها بيبكي بحرقة خشوع قالت بصوت واطي فلكس يسمعوا:
- مينفعش......مينفعش يا فلكس حرام
كان ضاغط عليها مش عايز يفكها قال وهو بيرخي نفسوا متنازل عن الحضن اللي محتاجوا:
- مش ليل بس اللي محتجانا انا محتاجكم ...انا محتاجك معايا يا خشوع
قال كده وبعد عنها ومشي علي طول يهرب من عيونها خشوع دخلت عند ليل بعد ما فلكس مشي وهي شاردة سرحانة مش بيبين ضعفوا غير ليها بيحبها بتحبوا مش متنازل عنها رغم اللي بتعملوا بوخت اوي خلاص فجأة اتفتحت في البكاء بسنت لما شفتها سحبتها من عند ليل ....ليل لو شفتها كده هتزعل كفايه التعب اللي هي فيه
بسنت اخدتها في حضنها تهديها وخشوع في حالة انهيار
- مش قدرة يا بسنت انا ليه بكابر انتي متعرفيش حالو لو تعرفي اللي هو فيه هتبكي هو فاكر هو بس اللي محتجني انا محتاجاه محتاجه اشكيلوا محتاجاه معايا رغم كل حاجه في نقص في حياتي
- ارجعيلوا وكفاية مكبرة يا خشوع.....كل حاجه هتتحل وانتو مع بعض وجنب بعض حتي المشاكل اللي بنكم هتتحل ارجعي يا حببتي
خشوع فضلت شويه في حضن بسنت لحد ما هديت ودخلت لبنتها تبقا جنبها في وقت تعبها
عده يومين وفلكس مظهرش خللهم خشوع كانت قلقانة عليه بس إياد طمنها انو كويس وهو كلموا ليل كانت بتعاني في اليومين دول وحياة كانت بتخفف عنها معاد جلسات حياة غير ليل علشان كده كل واحدة بتخفف عن التانية في الأيام اللي بعد الجلسه لأنها أصعب من الجلسه نفسها مليون مره
في اليوم الثالث
تحديدا الساعة ١٠ بليل
كنت ساندة رأسي علي رأس بنتي اللي نيمة في حضني نمت من التعب وانا بطبطب علي بنتي وبنيمها
وخشوع نيمه فلكس دخل وشفها كده قرب منهم بحب وكان براحه بيحط ايدو في ايد خشوع بس هي صحيت مفجوعة لما حست بحد بيلمس أديها فلكس قال بحنان :
- اهدي يا حبيبي ده انا
هي اتنفست براحة وهي بترجع راسها علي رأس بنتها اللي في حضنها ولما بدأت تغفى فلكس قرب ايدو من أديها ومسكها ومشي ب ابهامه علي كفاها وقرب اديها منوا وباسها خشوع قالت : عارف انو حرام وبتعمل كده
- هيبقا حلال كل لمسه هتبقا حلال وهخدك في حضني اللي اتوحش وجودك فيه
ابتسمت ليه هي خلاص هترجع هي مش هتقدر تبقا لوحدها الفترة دي وليل نفسها تتجمع مع ابوها وامها ومفيش وقت مناسب لرجعهم غير دلوقتي ليل صحيت من نومها وبصت بعيون نعسانه علي فلكس وقالت: بابا ؟؟
فلكس بدموع وشوق للكلمه دي :
- عيون بابا
- تعالي اقعد جنبي
فلكس ابتسم بحزن وحنية وراح اعد من النحية التانية من سرير ليل
ليل كانت اعده وسطهم وقالت لفلكس: بابا متمشيش خليك اعد معايا انا وماما وانا عرفه أن ماما زعلانه منك بس هي طيوبة خالص والله ولو اعتزرت هتسمحك
فلكس اخدها في حضنوا وقال:
- انا مش هسيبك انتي وماما تاني هفضل معاكم وهنعيش انا وانتي وماما مع بعض ومفيش زعل تاني ولا بعد
- بجد يا بابا !!!
- والله يا عيون
ليل حضنتوا جامد وقالت هيكون احلي يوم في حياتي ...
خشوع قالت وهي مغمضه عينها وهي سند راسها علي ظهر السرير:
- وحياتي انا كمان
فلكس ابتسم بفرحة مش مصدق هي وافقت دلوقتي انها ترجعلوا فلكس بص لخشوع بصدمة وقال:
- تقصدي ايه باللي قولتيه ؟؟؟؟
خشوع ابتسمت وهي لسه سنده راسها علي ظهرالسرير : انت شايف ايه يا فلكوس
ضحك وقال: طلاما فلكوس يبقا وافقت
ضحكت هي كمان لما شفتوا طلع فونو وبيرن علي إياد وبيقولو هرجع لاختك ياسطا
خشوع قالت لفلكس :يا ابني بكرة مش دلوقتي
- وانا اه اللي يضمني انك مش هتغيري رأيك ؟؟
ضحكت وقالت : متخفش
- عمري ما هخاف طول ما انتي معايا
إياد قلوا اطلع من عندها يلاه لحد ما اجي إياد رغم انو كان مساند فلكس وكان بيقولو مستسلمش بس طلما هيرجع لاختوا يبقا يرجع تاني للغيرة بتعتوا
فلكس كانت سعدتوا متتوصفش
كل حاجه بدأت تتحل هيرجع مع خشوع وليل ومش هيسبهم تاني وهو وخشوع مش هيسبوا ليل لحد ما تخف وتتعالج
فلكس طلع من الاوضة علشان إياد لو جه ولقاه اعد مع خشوع مش بعيد يعلقهم هما الاتنين
خشوع بعت رساله لبسنت شفتها علي طول وقبل ما تكمل ثواني لقيت الباب بيتفتح وبسنت دخلة وهي بتزغرط خشوع قامت من مكنها وكتمت بق بسنت وقالت:
- زغروطة دي ولا جرس اعلان الحرب الناس هتسمع وطي صوتك
بسنت بعدت عنها وقالت: صح انتي صح حرام في مرضي هنا بس انا مش مصدقه
- وحياتك ولا انا
بسنت زغرطت تاني بصوت اعلي من الاول خشوع ضحكت وهي بتقول: مفيش فيكي امل
الدكتور حاتم لما سمع الزغروطة اللي عارف صحبتها كويس طلع وشاف فلكس وفلكس قالو علي اللي فيها وان بسنت بتزغرط علشان هو وخشوع هيرجعوا لبعض دكتور حاتم بارك لفلكس وسمع زغروطة تاني جيه من الاوضة
حط ايده علي راسوا وقال : الفضيحة اللي جيبها اللي بتدور علي اي حاجه تزغرط عليها
فلكس قال وهو بيضحك: ياسطا سبها تفرح بصحبتها
إياد جه وتأكد ان فلكس سمع كلامو وطلع من الاوضة
إياد سحب فلكس ودخلوا الاوضة وقال لخشوع :
- موافقه ترجعي ليه بجد ؟؟
خشوع هزت راسها بالموافقة
إياد قال طلما كده بقا وقام مدي فلكس بالبوكس في وشوا
فلكس قال وهو بيتحسس الضربة : ليه كده يا اخو المجنونة
- ده انا حالف لما ترجعلك اعمل كده علشان المره الجايه لما تفكر تمشي وتشحتف قلبها وتنكد علينا عيشتها تفتكر الوجع وتعرف اني مش هرحمك وابقا شوف لو رجعتلك تاني سعتها
- مقبولة منك يا اخو مراتي ي ي
فلكس قلها وهو بيتك علي الياء
- مخلنيش ادشملك قبل ما تكتب عليها
- سمحتك علشان عيون مراتي حببتي
- لسه مبقتش مراتك
كانوا اعدين يغيظوا في بعض وخشوع بتتفرج علي نقشهم التافه وقامت سحبتهم وطلعتهم وقالت كملوا الهبل ده بره ليل مش عرفه تنام قالت كده وقفلت الباب عليها هي وبسنت واعدو يتكلموا
فلكس بص لاياد وقال :
- هو احنا كده اتطردنا ؟؟
- معرفش بس تقريبا اه
- طب لم اختك ازاي تطردنا كده شكلنا يسطا
- وانا مالي مراتك
مشيوا الاتنين مع بعض بيضحكوا وتاني يوم جه وخشوع كانت عوزاه تاخد ليل معاها بس دكتور حاتم قلها تسبها بتلعب مع حياة وبسنت هتخلي بلها عليهم
خشوع وافقت وفعلا راحت ورجعت لفلكس تلك اللحظة المنتظرة اللي الكل استنها الكل استنى لحظة رجعهم كأنهم كانو متأكدين انهم هيرجعوا بس ميعرفوش امتي الكل عارف ان رحهم في بعض وأنهم مهما كبرو بيعشقوا بعض ( اكتبهلنا يا رب 😂😂)
خشوع رجعت لفلكس اللي فضل معاها سندها وراها هي وليل كل الحنية وليل نفسيتها بقت احسن بكتير سعتها خشوع فهمت لما بسنت قالتلها نفسيتها هي بادية العلاج طول ما نفسيتها بتتحسن هي هتتحسن وطلع كلامها صح
عده شهر ومرات إياد تعبت فا خشوع سابت ليل مع فلكس بعد جلستها ليل كانت تعبانه وخشوع كانت مش عوزاه تروح علشان تقعد مع ليل لكن فلكس قلها انو هيقعد معاها وانها تتطمن وفعلا راحت والقاعده خدتها وكانو الكل هناك ملموم لحد الساعه ١١ فلكس مرنش ولا اتصل عليها حتى يستعجلها ......
شكرا لزيارتكم عالم روايات سكيرهوم
