رواية اغفري لي الفصل الثالث عشر بقلم أوتار حزينة
ماذا فعلت بنفسي
كأنني كنت أغض الطرف عني
عن يدي وهي تظلم
عن روحي وهي تصرخ طلبا للانتقام
وكيف سأطلب الغفران
وأنا أعرف كم عصيت
وكم اذنبت
وكم خذلت النور حين اختبأت
في ظلال لا تشبهني
يا رب…
كيف أنظر إليك وأنا أحمل هذا الثقل
قلبي مليء بما لا يليق
وروحي متعبة،،،،،، متسخه
لكنها لا تزال تعرف طريقك
فهل تقبلني
وأنا لا أملك الا الندم
وقلبا منكسرا جاءك وحده، بعد ان خذله كل شيء
ماذا فعلت بنفسي
سؤال لا يهم الان
المهم،،، ماذا سأفعل بعد ذالك
وهل أجرؤ ان اعود اليك
ولو حبوا على ذنوبي
حمزة
كاعد بالغرفه وصافن مقهور واحس
نار تمشي بشرياني موش دم من وره زهره والسوته
بينا راح تولي بعد جم يوم وتروح لهل
العار بس جرحها راح يظل
يون بگلبي طول العمر
انه الربيت وانه الي تحزمت الها ضد الكل
ودللت وخليتها تدرس وتروح وتجي
صرت الها سند واخ واب
وماخليتها تحتاج شي
لجن ماغزر بيها
هالتعب وراحت عشگت واحد من ورة ظهرنا
ونزلت راسنا بالطين من شردت
ويا
جنت اكولن الها خيه بنيتي عوفي الغريب
ذيب لو گضج ماايرحمج لو سبج
ماراح يوجعه گلبه عليج
بس هي مااسمعت كلامي وماخلت
اليه خاطر ماكالت اي وريحت گلبي سوت
الي براسها وخلتني محترگ بنار
السوته
اعرف العشگ مو حرام والواحد يحب
بدون ماايعرف بروحه شوكت حب
لچن انه جنت اريدن الها
واحد من عدنا مايظلمها ولا
يأذيها لان جنت اعرف بروحي لو جار
عليها واذاها انه ماراح اسكت
اله
انه،،،، حبيت بنت عمي صالح
وشفت لوعه الحب لچن مات من شفت بعيونها
هاي النظره الي اشوفها بعيون
الكل
دست على گلبي وحاجيته
«،،،مو انت ياگلبي الي تعشگ
گلب مايهواك ولا
تشوفك بغير
عيون
جنت اريدن وحده تحبني وتشوف هالسواد
بعيون حلوة تشوفني انه بعيونها
مو بعيون الناس
بس مالگيت وحده تحبني مالگيت گلب
يدك اليه ويهواني،،،،،، بعيبي والزواج
شلته من راسي ورضيت بحظي
وبختي
دگيت راسي بالكنتور وعاينت للحمام وكلت
تالي ازوجت وحده اخوها چتال حالي
وخليتها چدام عيوني وراح تصيرلي عذاب
يظل وياي طول العمر
عدالي راح ابرد وبردت من گسرتها بحظ
اخوه بس هسه اختلف كلشي
عندي ماراح ارتاح لان
راح اشوفه بيها
واعرف بروحي ومن ورة لسانها راح
هم اذيها وخايف لاتموت
جوه ايدي وواشيلن
ذنبها طول
العمر
طلعت ماعاينت لها من گعدت كلت
«،،،،تعرفين اني بشنو جاي افكر
درت وجهي شفتها تعاين عليه بنفس
النظرات كملت
«،،،افكر اخلي چيله براسج وبراس اخوج
وراها اچتل روحي حتى اخلص
من العار الي صار بينا
من وراكم
ماردت كملت بقهر
«،،،بس ماراح اسويها لان راح اموت كافر
واروحن للنار وانه عشت طول
عمري بنار
جانت ساكته ماترد صحت باعصاب
«،،،،،وين لسانج يالعرمه ياام عين صلفه
بلعتي لو ساكته من خوفج على اخوج
سكتت وكملت بحقد
«،،،ظلي ساكته واشتري روحه وروحج
جاوبت
«،،،مال اشتري روح اخويه اي ودفعت ثمن
هالشي غالي بس مال اشتري روحي
هاي اكلك لاا
خلت عيونها بعيوني وكملت
«،،،لان روحي ماتت من زمان وبقى بس
جسمي الي انت اخذته بثار
اخويه
جانت تحجي بهدؤ بس الوجه احمر دم
والعيون تلمع من الغضب والخزرة
بيهن كملت
«،،،،انت عبالك راح ترتاح
فزيت من مچاني وجاوبت بغضب
من تقدمت عليها
«،،،مااراح اارتاح لان انتي چدام عيوني
وراح اشوفن اخوج بيج
«،،،،لاتجي يمه روح بغير مكان حتى لاتشوف
خلقتي ولا اني اشوف خلقتك
«،،،ولج بس كاافي بردي نااري وووكافي تردين
الچلمه بچلمه لااروحن اخلي
چيله براسج
«،،،،سووويها
عاطت بيه وكملت
«،،،،سووويها حتى ارتاح من خلقتك الزفره
واخلص من وجودي وياك
بمكان واحد
غاده
اني حجيت ومااشوفه غير يجي
عليه بسرعه رجعت ليوره
وصحت
«،،،،لااا تلزر
بس جرني علي بقوه وكتم صوتي من
باسني بقوه ووحشيه دفعته
جتفي اذاني
لمني بقوه وقسوه لصدره وباسني
من رگبتي بس باذيه صحت
«،،،عووفني حيوان
ضربته بأيدي الزينه اكثر من مره بس عبالك كاعد اضرب بصخر ايدي تأذت وهو لا اهتم
لزمني ،،،من فگي وعصره بقوه وقرب
وجهه من وجهي حجه
يكزكز من غضبه
«،،،ماراح اموتج يالعرمه والا اخليج
تندمين على هالكلام الي كلتي اليه وراح
ااعذبج بگضه ايديه
شهگت من جر السحاب لجوه تلاويت
ويا بس
ايدي جانت مجتفه
بحزام وبس
ايد وحده تقاوم الالم فتت روحي
صحت بي من صار فوگايه
«،،،،اخذ الي تريده وامشي وره غرزيتك
ياحيوان
رفع روحه يباوع عليه كملت بشهكه
«،،،مو هذا الي تريده اخذه حتى ترضيها
وترضي روحك المريضه يامريض
سحب روحه مني وكام غطيت جسمي
ودرت وجهي منه اشهك
وابجي
«،،،وولج اااخ
صاح وضربت الكنتور بوكس اجه عليه
جرني من هدومي بقوه علي غمضت
حجه ونفسه طخ وجهي
«،،،اااي انه مريض وزاد مرضي من اخوج
الگواد نهب بنت عمي فااستري
على روحج لا اگضج بسنوني
ومااعوفج الا وانتي
ميته
دفعني بقوه الوجع خلاني اسكت ومااجاوبه
راح كعد بنفس مكانه اسمعه يتنفس
بقوه ماظل فز وكام كال
«،،،من انعل ابو الساعه السوده الي خلتني انه
ابو جمرة اصير بعلج حلوك اليسوه
والمايسوه ومن ورة منو
من ورة واحد عار فگ
روحه باخته
حجه هيج وطلع من يمي
قائد
كاعد بالسجن وحدي رافع راسي وسانده
على الحايط صافن بعيون صايرات جمر اشوف
نفسي بذاك اليوم شلون انهزمت من
الشفته وعفتها ورايه عرفت هسه ليش طول هالسنين،،،،،،جنت اشوفها جدام عيوني
زعلانه واسمعها تعتب عليه
حاجيتها
بجنون
«،،،تخبلت ليلى ماااظل عقل براسي من الشفته
انتي مو تعرفين ااني احبج مووت
وااغار غيره مريضه وشفتج
بحظنه وهو يبوس
بيج عقل ماظل بيه تخبلت وسويت
السويته
بس ااااخ
صحت من جرح گلبي وكملت
اااخ ولج ااخ لو ميت ولا مسوي هيج
لييش ماامتت ياااربي قبل لااسوي
هيج ليش مااخذني البحر
حتى ماارجع واشوف
شسوت ايدي
كمت احجي وي روحي مثل المخبل اشر بأيدي
واردد
زين اني شلون صدگت هي تكدر تخوني
موو اعرفها شكد جانت تحبني
ليش صدگت عيوني وجذبت گلبي
صوتها اجه بأذني بصراخ ذبحني
قااائد لاتعوفني والله اموت وراك
اااخ يابه
جريت قميصي بقوه وشگيته صحت
ااخ ولج اااخ وعفتج للذيابه للشمات
وخليتج تموتين ورايه اني الجنيت
عليج وعلى روحي من صدگت
الشافته عيوني
ووولكم ليييش شسويت الكم والله مااذيت
احد ماردت بس هي ووشفتوها جثيرة
عليه اخذها وتصير اليه
كله منكم اااانتو يااهلي ياظلام ماوكفتو وياي
خبلوتني وماخليتو عقل براسي
عفتها وعفت كلشي وهجيت
ياربي شنو ذنبي اني هي شنو ذنبها
حتى تنظلم هيج ظلم واني
الظالم وياهم لييش صرت
القاضي والجلاد
بنفس الوقت
الباب انفتح طب مهيب ويا مقداد
القهر بوجه صحت بخبال
ادك راسي بالحايط
«،،،ولكم شفتووو شسويت بروحي ضيعتها
وضعت وااخ هسه من صدك
راح اموت من قهري
ليلى
ثاني يوم مارحت للدوام لان صرت فد مره
ولا كدرت اطلع من غرفتي او اكوم من الفراش دمعتي بعيوني وكل ساع
اشهك
هو بين عيوني مذبوح من الي عرفه وراح
يموت من وره السواه بيه وبروحه
شفته من اجه شلون جان
صاير دم والعيون
تبجي وكلها ندم تخبل من عرف هو شكد جان ظالم
واجه يريد اسمعه وهو ماسمعني
وعافني واني باشد
الحاجه اله
يريد اسامح سهله يطلبها بس صعبه تطلع من گلبي لان اني بعدني ماطبت من السواه
بيه بعدني اشوف نفسي بيت
عمو غانم وهو واكف يفشر
عليه ويغلط
بعدني اسمع صوت بابا يحجي عليه كلام
عمري ماسمعته منها
ويدعي بالموت
ورحت للموت برجلي حتى اخلص من العذاب
الي خلاني بي ومن كلام الشمات
الي هو ذبني الهم
من بابا الي گتلني من ورا وسمعني كلام
اول مره اسمعه حتى رادني اموت
حتى يخلص من عاري
وسويتها ومتت والله رجعني للحياه حتى
اشوف عقابه بكل واحد ظلمني
وشفته وبرد گلبي بس
انت ماشفت عقاب ربي بيك رجعت بعد
خمس سنين ووكفت كدام عيوني
مو قائد الي اعرفه واحد
ثاني جنت كلت
وين عقاب ربي بيك جنت اريد اشوفك
بأسوء،،،،حال وهسه اجاك العقاب من عرفت
وراح تموت من ورة السويته
بيه وراح تموت بعد اكثر من راح تعرف
اني ضعت من ايدك
للابد
الباب انفتح طبت ماما الوجه حزين ومقهوره
كلش كالت من شافتني
«،،،،،كافي تبجين مو عيونج راحن
شهگتي طلعت كملت من كعدت يمي
«،،،بس كافي انتي مو جنتي تريدي يعرف
ويجي مكسور والندم كاتله
«،،،ااي ردته يعرف ويجي مكسور والدمعه
بعيونه من ورة السواه بس
ااني ليش كاعده ابجي
لييش ماما ماحسيت
بالفرح
«،،،،لان بعدج تحبي
جاوبتني بحزن دمعتها نزلت كملت
«،،ماحسيتي بالفرح لان هو بعده بگلبج
مانسيتي وماردتي هاي اللحظه تصير بينكم
«،،،اااني شلته من كلبي من زمان
جاوبتها بشهكه ردت
«،،،لا بنتي بعدج ماطبتي من حبه
وهاي شوفي وضعج وكلامج قبل
شويه اگبر دليل انتي
بعدج تحبي
صفنت عليها ضايعه وتايهه رديت
«،،،شلون ااطلعه ،،شلون انساه كولي ماما
علميني شلون اكدر اشيله منا ومنا
اشرت لعقلي ولگلبي رددت
«،،،كل هذا السواه بيه وهو بعده بيهن
انتي عبالج نسيته بهل خمس سنين لاا
مانسيت كل ثانيه ودقيقه وكل
ليله هو وياي احجي
ويا اعتب علي
اسأله هو ليش هيج سوه
بينا
«،،،،اشوفه هنا وهناك
اشرت بزوايه الغرفه وكملت
«،،،واعيش ويا ذيج الايام الي عشتها
وجانت احلى ايام عمري
بس هوو خذلني ماما ودمرني وردت اموت
ماشفتني شسويت بروحي
مو انتحرت لاان ماتحملت السواه
بيه ولا تحملت اني بعد مااشوفه
شهكت بصوت قوي وصرخت
«،،يااربي والله راح اتخبل شبي عقلي مجلب بي
شبي گلبي بعده من يشوفه يگوم يدك
سريع مااكفاهم السواه بينا
ماكفاهم جرحه الي
بعده ينزف
«،،،وولج كافي القهر راح يموتج
رحت لحظنها اردد بتوسل وشهكه
«،،ااريد انساه ماما بس شلون مااعرف
اريد ابتسم بشماته بس شووفيني
كاعد ابجي واحس نار مشتعله
بيه
تعبت كلش من الصار ومادوامت اخذت
اجازه خمسه ايام وظليت بالبيت
وماما وبابا هم دخلو بدوامه
القلق الخوف وظلو رايحين
جايين عليه خايفين
عليه لااسوي
شي بروحي
بهل الايام عرفت
هو طلع من السجن لان جماعه كبار من يمه رايحين لخالي وضاغطين علي حتى يتنازل
ويفضوها بفلوس وقابل
جنت متوقعه يجي عليه لان اعرفه
هو هسه راح يريدنا نرجع
مثل الاول وراح يذبح
روحه حتى يسوي
هالشي
من خلصت اجازتي بابا اصر هو يوديني
ويجيبني من الدوام مااجادلته
لان اصلا هو ماقبل ادوام
من وراه وبصعوبه قنعته
وصلني القهر مرسوم بملامحه وصلنا قبل
لا انزل كال
«،،،هذا اذا تعرض
الج خابريني واني اعرف اتصرف
ويا
«،،،ماراح يجي
جاوبته اريد اطمنه بس القهر بعده بوجهه
هو والقلق رد
«،،اي شي يصير خابريني افتهتمي
«،،اي بابا
شفت تردده كلت
«،،،اروح لان تأخرت على البصمه
مشيت احسه
بظراته عليه كل خطوة اردد وي
روحي
«،،ااني ماهمني احد ولا ذبحني غير نظرات
بابا اليه بذاك اليوم جنت اريد
اموت حتى مااشوفهن
ولا اسمع كلامه عليه
هو بس الي حسيت بروحي اني خذلته
وخليته ينزل راسه بين الناس
صح هو سامحني بس
اني عمري ماراح انسى السويته
بي ولا راح انسى انت شسويت بيه
وبيهم
امشي واحس عيونه جاي تراقبني مارفعت
راسي ولا دورت بعيوني عليه
بصمت بالجهاز بعدين
رحت للصيدليه طبيت جان ماكو احد
خليت الجنطه على الميز،،،،انداريت
اريد اخذ لابكوت گلبي دك
بوجع من شفته
كدامي
شكله دمار ووالوجه مطعون والعيون حمر
قبل لايحجي كلت برسميه
«،،،تفضل رايد شي
«،،ليلى
«،،،نعم
سكت بعدين حجه بصوت تعبان ومخنوك
«،،ااسف
«،،،على شنو
«،،،على كلشي سويته بيج
ابتسمت بس وجع والم وجاوبته
باستهزاء
«،،،هن هوايه السويتهن بيه گلي على شنو
اسامحك على فضيحتك
اليه لو على هروبك
مني
«،،،اعرف هن جثيرات بس والله ماتحملت
اشوفج بحظن غيري ماظل عقل
براسي من شفت الشفته
وانهزمت ودفعت
الثمن غالي من عمري بس والله
مانسيتج ولا لحظه
مارديت تقدم بعد اكثر وكف مسافه
عني يتفرس بملامحي بنفس
نظرات الشوگ الجنت
اشوفهن بيهن
درت وجهي منه لساني گله
«،،،،بس اني نسيتك من زمان
وگلبي كال
«،،،جذب مانسيتي
سكت وطول باوعت علي الدمعه جامده
بعيونه والقهر زاد بملامحه رد
صافن بعيوني
«،،،،بس اثر الدموع بعيونج تحجي غير هالكلام
«،،،تعرف ليش بجيت
كملت
«،،،بجيت لان تذكرت شسويت بروحي
من ورة بشر طلع مايسوه
تذكر من توسلت بيك
ماتروح وتعوفني
«،،،ماجنت بوعي والله
خزرته وجاوبته بغضب وقهر
«،،،بس اني جنت بوعي من ذبحت روحي
جنت اريد اموت حتى اخلص
من كلام بابا ومن وره
نظراته اليه ردت
اموت حتى مااسمعه يفشر عليه
ويدعي عليه بالموت
شووف
مديت ايدي اله وكملت
«،،،هااي ايدي هذااا اثر الموت اثر واحد
جبان ماجان كد كلمته
«،،،ماااجنت جباان ردتج وشفتي شسويت
حتى اخذج بس الشي الصار
«،،،الصار انت صدگت عيونك وجذبت
گلبك لو جنت تعرفني صح
جان عرفت اني مستحيل
اخونك
سكتت وهو هم بعدين كلت
«،،،وهسه تفضل بره وبعد مااريد اشوفك
هنا او بأي مكان
«،،،ليلى
«،،،تتفضل لو اخابر الامن
«،،،ولج ااسمعيني اا
صديقه طبت سلمت
«،،هلو ليلى
اجت بوستني هو انسحب من يمنا وراح
اليوم مااعرف شلون مر عليه
تعب والم ووجع احتل
روحي رجعت وي
بابا سالني اجه جذبت وكلت لااا
جنت
تعبانه فد مره وهم حسيت بي جاي
يراقبني دورت علي بالمرايه
ماشفته وصلت لبيت
طبيت بابا ظل بره
من رحت للمطبخ
ماما سالتني
«،،،ها خما اجه عليج
«،،،،لاا
جذبت عليهم لان ماردتهم
يظلون خايفين عليه وعايشين بالقلق
قائد
مشيت من بعيد ورة ليلى الما وصلت بيتهم
ورجعت لبيتي الهم گاتلني والقهر
واحس عقلي ماجاي
يستوعب الصار
حسيت روحي بحلم هسه راح اكعد
منه واشوف نفسي ذاك قائد القديم الي
جان عايش وياها احلى قصه
حب
وصلت لبيتي شلون مادري طبيت اجر
بروحي حالي حال وعبالك
كبرت عشرين سنه
ليگدام گلبي
وكفت يم باب الاستقبال حسين موجود
ومقداد واحمد ومهيب گلت
بصوت رايح
«،،،ااريد اموت ولكم اريد اموت واخلص
من السويته
حجيت هيج وانهاريت على رگبتي
رديت ليوره
كلها اجت عليه اخوتي
گضبوني صاحو
«،،،،قاائد
جنت بوعي بس راسي ثگل والدنيا
غوشت بعيوني ونغزه صارت بگلبي
وثگل نفسي اردد
«،،،خلوني اموت بلگي ارتاح من هذا العذاب
«،،،وولكم كووم وكافي تسوي بروحك
هيج
اخوتي والولد اخذوني للقنفه كعدت
مهدود حيلي احس بوجع بگل جسمي بس
وجع گلبي جان اقوه احمد
سالني
«،،،رحت عليها موو
ماجاوبت مقداد كعد يمي وسأل
«،،،قائد رحت عليها
«،،،ااي رحت
ولكم رحت عليها مااسمعتني ماقبلت
تسامح وراح اظل شايل ذنبها
طول العمر
«،،،بعد لاتروح وانسااها
احمد رد ابتسمت بوجع والم دحكت
لحسين وكتله
«،،،ولك يگلي انسااها گله جاوبه اني كدرت انسى
العشته وياها بهل خمس سنين
حسين سكت بس جان مقهور كلش كملت
ويا
«،،،ماانسيت مو انت تدري شجان يصير بيه
هناك ماشفتني شسويت بروحي
عذبتها عذاب اگشر
ولكم حتى شرب شربت عبالي راح
ينسيني وجهها وكلشي عشته وياها افقد
واشوفها بالحلم
«،،،كافي ولك كافي تره قهرك راح يگتلنا
مقداد حجه بعيون مغوركه كملت
اريد احجي اطلع الي بگلبي
«،،،جنت ادور عليها بوجوه النسوان اريد اشوفها
واخذها لحظني بس من اكعد من
هاي اللحظه اموت واكره روحي
«،،،قائد عوفها ولك البنيه انتحرت من وراك
دحك عليه
مقداد دار وجهي علي صافن بضياع
اشوفه ضباب واسمع صوته
جاي من بعيد
كمل
«،،،اانت مااتدري شصار وراك ولك اني
لحد هاللحظه ماجاي انسى من طبيت وشفتها
بنص الدم وخالتي تصرخ مفجوعه
غمضت عيوني بقوه ردد
«،،عوفها لخاطر روحها ولخاطر عمك فاروق
وخالتك تره رادو يموتون من وراها
احمد كمل
«،،،اي قائد عوفها لا هم تذبح روحها وتروح
بيها وعاد من صدك تشيل ذنبها
طول العمر
وهذا الشي صار مافرضت نفسي عليها بس
جنت اروح اراقبها من بعيد اشوفها
وامشي وراها بدون ماتحس
وهذا الشي جان عذاب
اليه اشوف الي احبها ومتت عليها بس
من بعيد لااا اكدر احجي وياها
ولا اكدر اتقرب وتشوفني
خفت عليها من نفسي لا هم اخسرها مره
ثانيه
غاده
اجه اليوم الي اخويه راح ياخذ زهره عرفت
راح يزفوها من بيت حجي مهدي عمهم الي ماقبل على تصرف ولدهم ورجعني لاهلي
عرفته ابو رانيه البنيه
الي تجي هنا وعرفت اختها اميره
هاي الي عقلها مو شي وهم عدها بعد اختين
مزوجات بغير منطقه
الحجيه جانت يمي هي وعمتها ماراحن
الوجه حزين وماحجن كلمه سمعت
صوت الزفه من بعيد
غمضت عيوني
ودموعي نزلت الحجيه كالت
بحزن
«،،،،،ااي افرحي عاد يازهره وغيرج
دمعته،،، طاحت،،،، على خده
ذنب صوج هي تحزن بعرسها
وانتي تفرحين بعرسج
«،،،طلعت من گلبي يمه
عمتها حجت وبجت ردت
«،،اي جابت النا سواد الوجه وخلت الكل
يحجون عليه وعليج هاا فطم
ماعرفت تربي لا هي ولا
ورقيه
«،،،،ماغزر تعبنا بيها ولا تعب ابو جمرة
«،،،خايبه اسكتي لا يجي وبسمع
«،،ماهو يمه طلع من الصبح ومانعرف وين
راح
«،،،هج من نار گلبه ومن نار هاليوم
«،،اي
اسمع كلامهن وساكته دمعتي تنزل
ماامسحها
الحجيه كامت القهر تارس ملامحها بنتها
كالت
«،،،اروحن وراها لايروح يصير بيها شي
طلعت وسدت الباب ظليت وحدي اني
ودموعي اردد
«،،،محد خسر غيري هي ربحت واخذت اخويه
وخلتني اني ادفع الثمن وهسه
راح تفرح بي وهو يفرح
بيها ويعيشون
مثل ماحلمو ورادو الا اني حلمي
صار كابوس اسود وصرت
لواحد حيوان ومريض
نفسي
روحي اختنگت وفرفحت ردت اطلع من
الغرفه اروح لمكان بي هوه
كمت طلعت منها ماجنت شايفه البيت
غرفتي جانت جوة بممر عريض اگبالي غرفه
درت وجهي شفت باب مسدود من الجام
جانت مبينه اشجار رحت
اله فتحته وطلعت لحديقه واسعه
مسافه كلها اشجار نخل واشجار حمضيات
مشيت بدون وعي ابجي واشهك
اردد
«،،،شنو ذنبي اني ليش دفعت ذنب غيري
وليش اخويه سوى بيه هيج
«،،،،اشوف نفسي عروس فرحانه بخطيبها
وجهزت كلشي ليوم عرسها
بس فرحتي باگوها مني هو وهي من سوه
السواه وخلوني اني اصير لواحد
يوميا يعذب بيه بكلامه
ولزمه ايده
مااعرف شكد مشيت ولا جنت اعرف وين
اني رايحه ردت اموت بس ماعرفت
شلون
الدموع عمت عيوني وعثرت بشي وكعت على
وجهي حنجي تأذه وگصتي انجرحت
جتفي هم انضرب
تاذه من الوگعه صرخت بقوه من المه
ومن الم روحي تمددت بالگاع ابجي واصرخ
حمزة
انهزمت من هاليوم ماردت اظل خاف
اروحن اچتل هذا العار وااگسر
چلمتي يم الشيوخ
عگبت ساعه تسعه طبيت غادي نار
واريدن اطلع قهر گلبي باخته وكفت من شفت
حبوبه بره هي وعمتي وجعفر وجم
واحد من ولد عمامي
كلت
«،،،خير شصاير
«،،،ولك يمه البنت ماكو
«،،،منهي اميره
«،،،لااااا غاده حرمتك
صحت بخبال
«،،،شردت مووو اخوها خذ زهره منا
وهي شردت
«،،،لاااا
ردت عليه عمتي وكملت
«،،،ماتسويها تخاف على اخوها
«،،،چااا وين ولت
صحت بيها جعفر كال
«،،،خاف طلعت للبستان
«،،،شسوي بي ولك هااي شردت
صحت بي عبيس كال
«،،،هذا ااتفاق بينها وبين اخوها ااي ياخذون
زهره وهي تشرد منا
«،،،،ياانار گلبي
صحت بخبال حبوبه انهدت بي
«،،،،ااسكت يالاغبر ولاتحزم على الطلايب
وامشو شوفها بالبستان باب
البيت الجوة جان
مفتوح واكيد طلعت من قهرها وحرگه
گلبها
«،،،ااامشو بسرعه
صحت بيهم وطلعت للبستان اهف بالمشي
واتحلف اذا هاي شردت
الا اذبحهم كلهم وماارحم احد منهم
الولد كل واحد راح لمچان مشيت مسافه
عن بيتنا ادور عليها ماهيه كلت
هاهيه هي لحگت اخوها
وخلتني مضحكه
للاوادم
جهازي دك جان علي ابن عمي جاوبت
«،،،هاا ولك لگيتوها
«،،،اي تعال ليم التوثه الجبيرة
«،،،جااي
عگبت ومشيت بسرعه وصلت وكفت من
سمعت صوت بجيها ،،،،علي واكف مسافه
عنها
من شافني عگب مشيت كم خطوه عيوني
عليها نايمه بين الورق والتراب
تبجي بشهگه قويه
«،،،شجااابج لهنا
ماردت ولا تحركت
رحت عليها صحت باعصاب
«،،،وولج مو جااي احجي وياج
ظلت بالگاع تبجي صحت
«،،،بطلي نوووح وكومي بسرعه
عتيتها من ايدها الزينه صاحت
«،،،عووفني من الله ياخذك وياخذني وياك
جنت صاير نار من ورة زهيرة
ومن شفتها ماكو تخبلت وعدالي شردت
بسرعه ضربتها راجدي من قوته
انشمرت بالگاع عاطت
من انضرب جتفها
المخلوع بالگاع
غاده
من ضربني وووكعت على جتفي المخلوع
روحي طارت وفرفحت صرخت
«،،،اااخ يممممه
تمددت بالگاع الوب ولازمته صوت
صاح
«،،،،حممزة
عرفته رجل رانيه اجه بسرعه عليه وكال
«،،،شبيك اانت تخبلت تسودنت فد مرة
«،،،ااي تخبلت ماظل عگل براسي من وره
هاي واخوها
صاح بي رد عليه بغضب
«،،،بسك عاااد واعگل الي ردته سويته
ومالها بعد داعي تعذبها بذنب
غيرها
جاوبه واجه عليه كال
«،،،كومي خيه
كمت بصعوبه الوب من وجعه
انتبه لگصتي وحنجي وكال
«،،،ولك انت شبيك ليش ضاربها ومطلع دمها
«،،،اجعلها بالموت الي مادكوم منه
«،،،وينه الموت خلي يجي وياخذني
حتى بعد مااشوف خلقتك
السوده
جاوبته بشهكه هد عليه الولد وكف بوجهه
ودفعه مني صاح بي
«،،،عوووفها شتريد تزعل عليك حبوبه
وكف يخزر بيه كال
«،،،،اني اعلمج ولج
مشيت من يمهم الولد لحكني كال
«،،،منا بويه امشي ورايه
مشيت وراه اشهك بالبجي وصلنا
للبيت الدنيا مگلوبه عمته اجت عليه
بسرعه الحجي صاح
«،،،وين جنتي ولج وشلون تطلعين بدون
مااندري
«،،،،عوفها هسه البنت مجروحه ودمها تارس
وجهها
الحجيه جاوبته نتر بيها بغضب
«،،،،ااخذيها منا ولاااتخليها بعد تطلع
واشوفها جدامي
رانيه وعمته اخذني لجوه يحجن عليه
لان طلعت لوحدي بدون مايدرون
«،،،،،شلون تطلعين وحدج بهل الليل
وبهل اليوم هم عدالهم شردتي
ورادت تصير سالفه جبيره
لاهلج
غسلن اليه وبدلن هدومي واني صايره
فد مرة رانيه ضمدت گصتي
تمددت بالفراش
وغمضت عيوني اريد انهزم من عدهم
ومن نظراتهم
«،،،،امشينا يمه خليها تنام
طلعن من يمي وعافني وحدي قهر
ووجع احتل روحي وحسيت
اني وحيده وماعندي
احد
يتيمه لا اهل ولا سند ومااعرف شراح
يصير بي بهل الايام
اكدر اقاوم واستمر لو اتعب وانهار كدام
عيونه
ورة مشوار
وجع جتفي خبلني سحبت روحي من الفراش
طلعت الدوه من الجراره شربت
المسكن اخذت عصاره
وخرت جتف الدشادشه وطلعت
جتفي كمت ادهن بي
بهداوه واني مغمض من ورة الالم
الي فتت روحي
رجعت تمددت هو مااجه ولا شفته
كلت راح يجي وينتقم مني
بس صارت ساعه
2 هو ماكو
القهر والبجي والتعب هدو حيلي
وغفيت ورة وين حسيت بثگل فوگايه
فتحت شفته هو ردت اصرخ
بس كتم صوتي بأيده
وكال يم اذني
«،،،،تعلمي على وجهي الاسود لان راح
تشوفي هوايه هنا وبغير
مكان
هم تقرب مني وتعامل وياي بقسوه
عفت روحي اله ماقاومته
سلمته جسد بلا روح
وخر مني اني صافنه على
السگف وعيوني
تبجي
لبس كلابيته
سحب روحه مني وراح كعد يم الكنتور
سمعته ضرب راسه بي
اكثر من مرة ردد
«،،،،يااربي مااريد هيج والله مااريد
اصيرن حيوان بس ناري
ماجاي تطفى
جريت الغطه عليه وشهگتي طلعت
حسيت بي كعد يمي
جسمي فز ولساني
نطق
«،،،،عووفني
جرني علي ونيت من جتفي كال
وانفاسه تضرب بوجهي
«،،،شاسوي گولي اليه شلون انسى
السواه اخوج وولج عايني
عليه
هزني بقوه فتحت ملامح وجهه مطعونه
وصاير فد مره ردد بعيون
حمر
«،،،،انه مو حيوان والله مو حيوان بس
اخوج خلاني اصيرن هيج من
اذيج احسن هو جاي
يتأذه
«،،،عوفني جاي تأذيني
ايده رخت على جسمي كال
«،،،ولج بس ااسكتي لاجاوبيني تره
هذاا
ضرب على راسه بقوه
«،،،راح يتخبل من الصار
جنت اريده بس يعوفني لان ماظل
بيه حيل ووالوجع دمرني
رديت بضعف
«،،،بعد مااجاوبك
«،،،اي ااشتري روحج وااشتريني خليني بعيد
عنج اانه مو حيوان ولا اريدنج
مره اليه
عافني رديت ليوره اون من كلشي
من جسمي الي اغتصبه مره ثانيه ومن
قهري منه ومن اهلي الظلام
الي اجوي بزفه فرح
وبنتهم بنفس المكان جنازه
بايد ظالم
نمت بهذا وضعي لا كمت ولا تحرگت
دمعتي بعيني وغفيت كعدت راسي يدك
وجسمي يون هو ماكو بس
اثاره تثبت وجوده يمي
هدومه فراشه وبقايا لمساته
بجسمي
كلت ماراح يعوفني وهم راح يتقرب مني
بس مرت ايام طويله هو مااسواها بعد ولا كام
يحجي وياي مثل
الاول
يطب ساكت يكعد لازم جهازه ينام
ساعه 12 ويكعد وي الفجر
يصلي ويطلع وبعد مااشوفه
للعشره بليل
جهازي فتحته وبس كمت اتواصل بس وي
ليلى عرفت منها قائد رجع
وجانت حالته حاله
لان عرف بالصار كاعده بليل
احجي وياها كلت
«،،،،عوفج مني انتي شلونج اليوم
مو زينة غاده دمعتي مانشفت من
شفته لحد هسه منا قهرج
ومنا هو اجه والدنيا
خلته كدامي مرة
ثانيه
جنت اعرفها شكثر تحبه شفتها
من جابها عمو فاروق وخاله ندى شبه
ميته وفاقده من وراه
كلت
«،،،لاتنطي مجال ليلى خلي يعرف شسوه
وشخسر
كامت تبجي تردد
«،،،شبي حظي اني وياج ليش،مكتوب النا
القهر وماناخذ الي نحبهم
ابتسمت بالم وجاوبتها
«،،،هذا حظ الحلوات يوكعن بايد وين
ماكو واحد اا
سكتت من طب خله السويج والجهاز على الميز
وراح للكنتور غيرت الموضوع
كلت
«،،،خاله شلونها
هي افتهمت ردت
«،،،بخير ماراح ادوامين تره بعد ماعندج
رصيد
«،،،،هالاسبوع ادوام
وكف باوع عليه وكال
«،،،،ماكو دوام
ليلى سمعته كالت
«،،،،بعدين اخابرج
«،،،،تمام
سديت الخط وجاوبته
«،،،،بابا اتفق وياك تخليني ادوام
«،،،واني ماعندي حرمه ادوام وتظل تروح
وتجي
«،،،بس
«،،،بلااا بس كلت چلمه وانتهى
حجه هيج وراح للحمام طب انتظرته
يطلع وره مشوار طلع ينشف
شعره بالخاولي كلت
«،،،انت مو انطيت كلمه كدام ااشيوخ
شلون ترجع بيها
مارد راح للميز مشط شعره وخله
عطره القوي كملت
بعصبيه
«،،،،اني راح ادوام
«،،،انت مره وسويها شلون مااكسر رجلج
رد بغضب وخزرني بالمرايه كمل
«،،،،انه مو محتاج لراتبج ومايعجبني
حرمتي تظل رايحه وجايه
جدام الاوادم
ماسكتت جاوبته بعصبيه
«،،،مو جنت خدامه الك شسواني حرمتك
وبعدين وين كلمتك كدام الشيوخ
نسيتها لو هي بالمزاج
اجه عليه الغضب تارس ملامحه
اشر لراسه وصاح
«،،،اي بمزاجي وبگيفي
«،،،،لعد اكلك ااانت مااعندك كلمه ولاا
قاطعني وكال
«،،،ااسكتي ووجفي شري وخليني بعيد عنج
سكتت كمل باعصاب
«،،،طفي نااري وخليها بارده لااتشعلج
انتي واهلج
درت وجهي منه ردد
«،،،مشعوله الصفحه ،،،، سكتت كم يوم
ورجعت اداهر بلسانها
باوعت عليه بخزره صاح
«،،،،عيونج هاي الگويه راح يجي يوم
وافگسهن بايدي هاي
اشر بيها بوجهي دفعتهن بغضب
وصحت بي
«،،غير لو تسويها عاااد حتى اااعمى
وماا
جرني من هدومي وصاح
«،،،اشگ حلگج اذاااا حجيت بعد على
خلقتي
هدني بقوه وكمل بصوت مكتوم
«،،،الله خلقني بهل الخلقه اذا عندج
اعتراض كولي اله ليش خلقته بهل الشگل
اكمل بصياح
«،،،،وهسه كوومي وووساعديهن بالمطبخ البره
مو خدم الج حتى يخدومج
ماتحركت قرب ابتسم وكال
«،،،،ها عدالك حنيتي لگضه ايدي
الباب اندك طبت الحجيه كالت
«،،،،يمه غيده تعالي وياي
كمت دمعتي بعيوني لان ماخلاني
ادوام مشيت هو راح كعد ردد
بغضب
«،،،هااي علمهن على شغل البيت مااريدهن
كاعده هنا ومخدرة بالدلال وگاض
جهازه وتحجي وي فلانه
وعلانه
ماجاوبته ولا الحجيه تجاهلته
وحجت وياي
«،،،امشينا يمه للمطبخ
مشيت وياها ،،،طبيت شفت رانيه
وعمته كالت
«،،،تعال يمه اكعدي يمنا
كعدت على قنفه گبالها ميز هي كاعده
تنظف خضره وريحه الكباب
فايحه بالجو
«،،،،اليوم عشانا كباب طاوه وبيتنجان
رانيه حجت مبتسمه الحجيه كعدت يمي
تسبح بسبحتها وتستغفر
«،،،جتفج شلون صار
«،،،،زين
جاوبت رانيه الي جانت واكفه تگلي
كالت
«،،،راح اگلي طمامه جعفر وحمزة يحبوها
«،،،اي يمه سوي
ماافتهمت هي ليش عايشه هنا بيتهم
لان عرفت رجلها يصير ابن عمهم
صالح وبستانه وره بستان
الحجي الجبير
«،،،اگلج عمتج ماردت من بيت اهلها
«،،،مدري عمه ماسألت جعفر من اجه
«،،هاي صايره تهد بيتها هوايه اليكول ماعدها
زلمه وراها
عمته حجت امها ردت
«،،واوخوج من شوگت صار زلمه ها روح
روح تعال تعال امره مو بأيده
بأيدها حماله الحطب
ام الطلايب
جنت اسمع وساكته رانيه حجت
«،،،اميره اجت
«،،ها شلون عرفتي
عمتها سألت جاوبتها مبتسمه
«،،،اسمعي اعرفها من هبده رجلها
صدك طبت تضحك وكالت
«،،،مساا الخير عليكم كلكم واحد واحد نفر نفر
«،،،،،هلا بالوجه اليضحك
جدتها ردت مبتسمه شافتني كال
«،،،،يا والوعد هاي مو عروس ابو جمرة
«،،،اي مو تعرفيها اجيت ذاك اليوم وشفتيها
عمتها ردت اجت ليمي وهم هبدت روحها بصفي
رانيه جانت تباوع عليها ومبين
خجلانه منها لزمت ايدي
ماسحبتها منها مثل
ذاك اليوم
«،،،والغسل چا شبيها ايدي وايدج
يارانيه شوفيها چنها ربد كرك
الحجيه ضحكت وردت
«،،راح تحسدين البنت ويفين حظها
ردت تمسح على ايدي
«،،،عود ااقري عليها ،،،،، وتفلي بوجهها
«،،،،،وج عيب مو هيج يحجون
عمتها جاوبتها وعضت شفتها
گلبت خلقتها بس بشكل يضحك
وردت
«،،،اهو انتن شبيجن وياي وحده ادكول
تحسدين والخ ادكول عيب وهي ماحجت چلمه
باوعت عليه وسالت ترمش بعيونها
ابتسمت لاراديا من شفت
حركتها سالت
«،،،انتي احلى من كل البنات بس سوده عليه
بختج مال من خذيتي ابو جمرة
«،،،اميره عيب هالكلام وبعد لاتحجي
اختها جاوبت هي نترت بيها
«،،،چا اجذب صدك هي حلوه وهو مو حلو
«،،،ولج بس لايجي ويسمعج
ردت عليها عمتها ضحكت وكالت
«،،،صح هو مو حلو بس گلبه طيب مو حبوبه
ذبت حسرة وجاوبت
«،،،اي گلبه طيب
«،،،شفتي ياحلوة انه مااجذب
حجت وياي وكملت
«،،،انه احبنه لان يخاف عليه ومايرضى من
هذا امير وعلي يضوجوني يگضهم
ويچتلهم ههه شفتي
ذاك اليوم شلون گض علي وشمره
بالحوض مال المي
«،،،اي شفنا وكومي عاد عگبي للدارنا هسه
امي ادور عليج واذا مالكتج
تگتلج
«،،چا انتي ماتروحين لبيت عمي صالح شكو
ظاله هينه انتي وجعفر ها نسيت
مو هاي حطابه الحطب مره
عمج چتلتج وطيحت
ضناج وجدي
جابج هينه
تفاجأت وباوعت عليها عيونها غورگت
واندارت على الطباخ
اميره سكتت عبالك حست باختها كامت
راحت الها وكالت
«،،،،،لا والوعد زعلتي مني
«،،،لاا
«،،،چا عايني عليه واضحكي اليه
اختها مسحت دموعها باوعت عليها وابتسمت
كالت بصوت مخنوك
«،،،يله روحي ابويه مايقبل تطلعين
بليل
«،،،،راح اروحن بس سويلي لفه من الكباب
سوتلها لفه اخذتها وطلعت عمتها كامت
وكالت
«،،،اروحن وراها خاف هم تروح للبستان
«،،،اي روحي
الحجيه جاوبت بحزن باوعت لرانيه
وكالت
«،،،،العوض من الله يمه مو مكتوب الج
«،،،،لا ياحبوبه جان مگتوب اليه بس
سكتت وبلعت السالفه من شافتني
صافنه عليها ذبت حسره
ورجعت تشتغل
ظليت صافنه عليها القهر والحزن بين بملامحها
بس سألتني ورة مشوار
«،،،،غاده تسوين زلاطه
«،،،اي
جابت كلشي يمي وطلعت دبه طرشي
احمر كالت
«،،،هذا طرشي مال شوندر وشلغم طلعي منه
وضوگي طيب كلش
وكفت اسوي الزلاطه اشوف نفسي بيت
اهلي شلون جنا نوكف اني وخواتي
نحضر العشه معاذ يطب
يأكل كبه ويگول
«،،،،ميت جوع
غمضت عيوني من غورگت عيوني بس
دمعتي نزلت درت وجهي
مسحتها محد انتبه
اليه
جنت اشتغل
واردد وي روحي
«،،،معقوله هاي تصير حياتي وراح اظل
طول العمر بهل المكان مو مسأله شغل لا
اني جنت اشتغل بيت اهلي وكلشي
اسوي بس هذا المكان مو مكاني
ولا ردت ازوج هيج انسان
وبهل الطريقه
«،،،عاشت ايدج
صفنت على رانيه من حجت شفت
روحي مكمله كلشي شلون ماادري كالت
«،،،اروحن اصيح حمزة وجعفر حتى نتعشه
كلت
«،،،،اروح للغرفه
حجيت الحجيه لزمتني وكالت
«،،،،يمه اكعدي يمي واگلي اليوم ويانا
«،،،مااريد
«،،،،ازعل عليج تره
اني ماشفت منها هي وعمته ورانيه غير
كل الخير بس ماجنت اريد اكعد
ويا على الاكل كلت
«،،،،مااشتهي
«،،يمه ااكعدي لخاطري وجهج اصفر وخايفه
عليج لاطيحين علينا
«،،،،يالله
سمعت صوت الولد طب وكال
«،،،،السلام عليكم
«،،،وعليكم السلام هلا يمه تعال اكعد
ذاك اجه گالب خلقته سلم وكعد كلها
كعدت نتر بي
«،،،ماتگعدين شكو واكفه مثل شمعه الفگر
«،،،،اكعدي يمه
كعدت مااباوع لاحد خبزه صارت بحظني
عمته كالت
«،،،،سمي اسم الله واگلي
شيريدون مني اتعامل بصوره طبيعيه وياهم
وهم يعرفون اني شلون اجيت هنا
وابنهم شسوه بيه جعفر حجه
«،،جدي وينه
رانيه ردت
«،،،راح ليم ابويه
«،،،ها يتعلل يمه
«،،،اي
اكل لگمه وكال
«،،،حمزة يراد نبدل الماطور
لان صار قديم
«،،اي بالي هالشي وراح ابدلنه بواحد جديد من محلاتنا،،،،بس افرغ
ويصيرلي وگت
«،،،اي لان راح يجي الصيف ولازم انداري
البستان ونحضر كلشي
«،،،هاج هاي اللفه
عمته خلتها بأيدي ظلت بيها مارفعتها
لحلگي رانيه حجت
«،،،،جعفر اريدن اروحن للدكتوره اشوفن
حل لوجهي
«،،،شبي چنه گمر
رد عليها بحنيه رفعت عيوني اله جان يشبه
الكاعد اگبالي بس ملامحه مو قاسيه
مثله كمل وياها بضحك
«،،،خاف تريدين تسوين فلر
«،،،ههه لا ،،، اريدن اسوي اثار الحب
والله مضوجتني وغاثني
شگلي
«،،،،من عيوني اوديج كلشي ولا تنغث رمانتي
خجلت وباوعت عليه حوارهم جان حلو ذاك
كام ونتر بيه
«،،،جيبي الجاي للغرفه
«،،بسم الله شبسرعه اكلت
«،،،شبعت
رد على عمته الي كامت كال
«،،،ااكعدي خلها هي تجيب الجاي شبيها
مكسره خوما مكسره
«،،،بسك عااد تغلط واحترم الكاعدين
الحجيه ردته سكت ومشى من يمنا رانيه
كامت صبته اله اجت شايله
الصينيه تباوع عليه
وعلى عمتها
الحجيه ذبت حسره وكالت
«،،،كومي يمه ودي اله وجفي شره
كمت بدون كلام اخذته منها طلعت
وكفت من سمعتها حجت
«،،جعفر احجي ويا وگله اابنت مالها ذنب
بالصار
«،،،حجيت بس هاا انتي تعرفين هو تخبل من
ورة سوايت اخوها وكل ساع
اگولن هسه راح يروح علي
ويچتله
مشيت للغرفه جان الباب مفتوح
سمعته يحجي
«،،،زين مااسوه من چتله لهذا العار
فزيت كعت الصينيه وصرخت
«،،،،لااااا
شكرا لزيارتكم عالم روايات سكيرهوم
