رواية كريات الدم السوداء الفصل الثالث عشر بقلم زحل
_احس الي بالشارع يسمع دكات كلبي
حاولت ادفع ايده من حلكي اريد بس
اخلص روحي منه ماكدرت شلون الشرطي
ولالزم ارهابي جرني متوجه بيه للطارمه
سفطني عله الحايط هو يحجي خرب الحظ هذا شجابه ابو جداحه
..
!!راح اوخر ايدي من حلكج اذا
صرختي اعدمج.
_هزيت راسي بمعنى اي احس نفسي
ضاك رفعت نضري باوعت عليه .
!!شعدج واكفه هنا جنتي تصورين بينا طلعي وين التلفون .
_هزيت ايدي وانه احجي خوش مادام تعرفتني بنت صخامة وخر يله عدلت صايتي ونطيته ضهري بعدني مامتحركه جرني باوعت عليه شكله مو راحه ويتبسم حجيت وانه صاكه سنوني خاب عوفني اريد ادخل .
!!وين جنتي ؟
_شعليك يمعود ماتكلي شلزكت وخر لا
تطلع سليمه وطين عيشتي رحمه عله اهلك عوفني .
!!كولي وين جنتي واخليج ادخلين .
_لا صدك ترى بيتنا تقرب راد يلزمني دفعته وهمزين صوت سليمه نقذني طلعت وهيه تحجي.
سليمه :يا باشا عبالي نمت بالحمام .
_دنك يعدل بملابسه عود توه طالع
منا الحمام خرب الحظ انتبهت لوجودي
باوعت عليه وردت نضراتها اله بسرعه
دنكت انزع بحذائي وهيه تسال بشك.
سليمه:شعدج واكفه هنا .
_توني اجيت .
سليمه:دنكسحي جوى .
_ عفتهم ودخلت
حته ماسلمت عله ام طيبه الي متوسطه الصاله
بوجهي للغرفه متهربه من السؤال واعرف ماراح تعتقني شمرت جنطي وقفلت الباب توجهت للكنتور
طلعتلي ملابس صارت كبالي الجداحه لزمتها اتفحص شكلها الغريب ونوب هيه مو للباشا عله كولت سليمه
مال ذاك الي شكله مثل جداحته ضميتها بدلت و نزلت فراشي للكاع وانه اسولف ويه روحي هسه شيخلصها هاي العيشه انوب عطشت التفتت ادور عله بطل ليته
فارغ خرب شلون نسيت يله انوب اجيب وياي ماي
وشنو احتاج رديت عله روحي اي يثوله والحمام
شلون هم تجيبنه سفري تمددت واسمع صوتهم عالي
وماهتميت للي صار من التعب نمت ماكعدت اله عله صوت ابوي وهو يدك بالباب حيل كمت فتحته .
راضي:شني ميته .
_غير نايمه بويه جا هو النايم مثل الميت .
راضي:دخوش خوش صايرة متكلمه مثل امج باجر مواجهه مال جويسم وانه ماعندي اذا عندج فلوس حته اروحله؟
_هزيت راسي بمعنى اي.
راضي:خوش حضريهن انه طالع
وباجر الصبح اجي .
_مارديت عليه طلع وهو يسب باامي.
_بس غسلت وبديت مشواري تجهت للمطبخ
حضرت الاكل ونضفت كعدت سليمه وقبل
ما تغسل وجها التفتت عليه .
سليمه:شنو وكفتج يم الباشا امس
ولا تكولينماشفته لو ماحجيت ويا ؟.
_رديت عليها ترى ويه دخلتي هو طلع من الحمام وانتي طلعتي بعد شوكت حجيت رفعت حاجبها
بشك وردت .
سليمه:ولج غير متصله عليه انتي وشفت الوقت
بين طلعتي للطارمه وبين مكالمتج دقايق .
_اي خابرتج وانه بالباب لان سمعت صوت
الديجي مارديتي دخلت يعني شسوي .
سليمه:بعد لاتبقين لهيج وقت كون قبل ماتبدي السهر تجين مالي خلك تنعثل الزلم حمدي ربج هذا مو مثل البقيه ولا ذوقه انتي لو شايفج واحد غيرة ترى مايعوفج ومالحك عليج فاهمتني سكران وماعله السكران حرج لو جلبه تصير كباله هم مايعتقها .
_سكتت لان اعرف كلامها صح بين كمت حضرتلها كهوى خلص النهار ركض عيني للساعه بس غربت الشمس طلعت ونفس موال كل يوم نخلصها ومديحه ركض بين السيارت جعت .
_دكومي جيبي خلي ناكل حته نرجع ماكدر
اتاخر ولج لو تدرين شصار بيه امس .
مديحه:دشوف الثوله غير تخليني اجيب الفات وتحجين.
_رجعت كعدت كبالي بفضول سولفت الها الصار هزت ايدها وكامت ركضت انه للاسواق جبت ماي اكلنه وعبالك تونا يله نتعرف عله بعضنا ماجنه صار سنين بنفس الشارع بس صدك ماجنت اعرف هواي امور ومعلومات وبحكم عمرها عدها معرفه بكل شخص بالمنطقه مسترسله تحجي وانه استمع .
مديحه:دخل اضحكج بيوم طافرة الدنيا من عيني والشغل واكف ومن الملل رحت للجلسه مال بيت حمدون .
_صدك ولج انه صار شكد ماحاضرة
بجلساتهم قبل امي جانت تاخذنه .
مديحه:دسمعي بدت الجلسه والتمن الفريق وانه بالي مو يمهم اباوع بدون تركيز ومااحس اله صوله نرعصت ركضو عليها شبكوها شو هاي عافت الدنيا
كلها وتأشر عليه وتصيح هو ها هي اريد بس اكوم الكل التفت عليه من الخوف حته مالبست شحاطتي سويت الدرب شبختين وطلعت الشارع وانه بعدني اركض .
_هههههههه خرب حظج الي عاف الشارع كله
وبلش ويه صوله دكومي تاخرنا .
مديحه:وعليمن مستعجله خاف
امج يضل بالها لو ابوج يطلع يدور عليج .
_لا مأيسه بس خاف عدها سهرة ونوب اضل
حايرة شلون ادخل يمعوده ربج ستر البارحه
ومارحت بيها مدري عله كولت سليمه مو ذوقه وعافني؟
مديحه:تروحلج فدوى اميلت ام طيبه غير تخبلين وينعجب بيج حته الباشا .
_لا دخيلج ولج هذا السولفت الج عليه هنه يلقبنه الباشا.
مديحه:هههههه
جير وبسامير هو الي يدخل يم سليمه يتحول من الباشا للباجه دكومي .
_نمشي ونسولف وصلنه لشارعنا وثنينه نطقنا نفس الكلمه خرب الحظ بيش الساعه شعجب المصافات
واكفات من وكت اليوم وحده باوعت للثانيه بحيرة.
مديحه:لا تخلينهن ينتبهن ارجعي للدربونه .
_انسحبنا بحذر بسرعه طلعت الفلوس من جنطتها خلتهن بيدي.
_ترى مااعتقد يدكنها ويانه وللحذر راح احلي قسم بالجواريب .
مديحه:وكفتهن بهذا الوقت
المقصود بيها احنه .
_باوعت عليها باستفسار شنو يعني.
مديحه:دمشي اول ماندخل الشارع بين
ماالهيهن كون انتي واصله لبيتكم .
_لا ماعوفج .
مديحه:بس لا تحمين زايد ويبلطن بيج الصعده.
_شحدهن ترى يخافن من سليمه .
مديحه:سونه اكره الغباء امشي لا ابلش بيج انه راح اطيهن شي قليل اكلهن ماكو شغل انتي فلتي .
_هزيت راسي بمعنى اي ومشينا شكو خليه بجسمي تصرخ من الخوف بس وصلنه يمهن كامن وعبالك متهيأت بدون كلام مدت ايدها حربه بمعنى طلعن العدجن .
مديحه:ههه والله فشله كون العدنه
يسون ترى مابهين ١٠ .
_مدت ايدها لجنطتي نكتتها كبالهن.
مديحه:وانه عندي بس هذن .
_ضلت مديحه تراوغ وياهن تقربن عليها يردن
يفتشنها استغليت الفرصه وركضت كل قوتي
حته كلاتي وجعني وكفت لازمه صفحتي كوى اجر النفس فتحت الباب ودخلت صارت بوجهي سليمه تغسل بالطارمه سحبت الصونده من ايدها.
سليمه:شبيج راكض وراج جلب.
_مارديت عليه غسلت وجهي من كثر الخوف احس حلكي يبس ومانتضرت حته اوصل للمطبخ شربت من الصونده وشمرتها دخلت تبعتني وهيه تسال بفضول .
سليمه :ماتحجين بت الصخل.
_كعدت عله القنفه احس بروحي هلكانه وهيه مستمرة تحجي بدون ماجاوبها طلعت ١٠ الاف خليتهن يمها وحجيت هاي انطيها لابوي خاف يريد يروح لجويسم باجر .
سليمه:وهاي شيجيب بيها اكل لو ينطيها
اله واخوج يدخن ترة .
_دفرت باب الغرفه وحجيت بصوت عالي خلي يكطع التدخين هذا العندي خو مااسلب انطو انتم جا المن ضال ابوي لازم الكورنيش وانتي يوميه تارسه البيت زلم .
سليمه:بعد مدام سونه حاسبينا خير انوب
اكد عليكم انعل ابوج لابو اخوج .
_عفتها تصيح ودخلت لثاني يوم اسمع
ابوي يحجي وياها ادنيت للشباك بفضول.
راضي:انه مارايد ازعلج بس مااقبل تاذينها
من البدايه كتلج لا تفكرين اشغلينها وياج لان
اخوتي ماراح يسكتون .
سليمه:لا بشرفك يعني انه عادي
بس بنتك لا .
راضي:حسبيها ما موجوده لاتسويلي سالفه
ترى نجيه تشتكي عليج وتفضحنا
والبت قاصر .
سليمه:طبها مرض خليها ويه مديحه .
راضي:ترى اتفاقي وياج
الي حصه من شغلج .
سليمه:واكلك وجكايرك ومصرفك التاخذه .
_رجعت لفراشي بخيبه شدعي عليج
يمه ليش هيج ضيعتينا ضلو يداهرون واكيد تعرف شلون تسكته ثاني يوم راح يواجه جويسم خلصت النهار بفراشي شكد صيحت ولا طلعت للعصر كمت اجر بروحي تكفيت الشر ونضفت حضرت الصاله وطلعت لكيت مديحه اطيتها افلوسها وانه اسال شلون خلصتي نفسج من حربه واختها .
مديحه:نكتني نكت تالي مالكن
غير ارباع مشككه بس خلي ابالج
ماراح يسكتن عنج لو نشوف محابس
يحجي وياهن هنه يخافن منه .
_ولا ياخافن من واحد بس سليمه تاثر عليهن..
_ترى كلهم ايد وحده ومتفقين .
__وانه عبالي خوش ولد
اشكد كرهته عله اساس مسوي روحه
شريف .
مديحه:مابيهم شريف كومي .
_ونفس موالنا لحد مانتعب رجعنا من وقت
كتلها امشي لمحابس خلي يخلصنه
من حربه واختها .
مديحه:ابن النعال بذكرة هذا كبالج .
_رغم القهر ضحكت تقربنا عليه واكف بفخر
وعبالك قائد لو فد شخصيه اديه متروسه
محابس كل شذرة شكبرها والوشم حته
بخشمه سلمنا عليه رد بتعالي .
_دنكت مديحه من كلامه الي شبه تهديد لان
هيه وامها شاردات من اهلهن صار سنين دفعتها وتقدمت احجي ويا وانه مو المفروض تحميني
وحسب علمي جويسم صديقك.
محابس:ومنو جاي صوبج وشعدج طالعه خو احترمي نفسج وكعدي بيتكم والي اعرفه سليمه شغلها صار عله مستوى بعد شلج بهل درب .
_اعرف يستفزني درت وجهي لزمت ايد مديجه وانه احجي امش خيه الضاهر انقلبو كل ولد الشارع لخدمة سليمه فلتت ايدها مديحه بخوف وهيه تباوع عليه مالحكت اشرد لزمني احس ايدي انخلعت يهز بيه ويحجي .
محابس:اذا عديتها اخليج تلمين معاني وجهج من الكاع بت الكلب منو يخدم انعل ابوج لابو سليمه بت السافل مديحج انه مطلعج ماخذ منج المن لازمه الشارع .
_احس اديه نبتت بوجهي بجيت دفعني
وهو صاك عله سنونه.
محابس:انكلعي اذا شفتج عتبتي الركن اله اخلي النصافات يدفننج بالخرابه مال الجده .
_جرتني مديحه وهيه ترجف .
مديحه:خرب حظي شبيج اجفصين .
_دفعتها وكفت افرك بوجهي ولج
ماشفتي شلون يحجي عبالك احنه
طالعين نتونس ردت وهيه مبتسمه
وتهز بحواجبها .
مديحه:بس وروح ابوي الماعرفه يجبج
ومبين يريد ينفجر انه اعرفه ودارسته
ومن زمان منتبهه عليه من جنتي اطلعين
ويه سليمه تضل عيونه وراج .
_دفعتها وهسه شنو مثل ترديني
افرح لو ارجع احظنه ولج ياقنادر اخلص
من ابوي اروح للاتعس تعرفين شغل
محابس شنو؟
مديحه :اي بس افضل من شغل سليمه ماريد
اضوجج بس مادام خلتج ابالها ترى ماتعوفج.
_عفتها تحجي ومشيت ومرت
الأشهر وكل الشارع عرف بيه اطلع ويه مديحه
شبعت ضيم وكل هاي الفترة ماشفت ابو جداحه ولاصادفت واحد من صحبان سليمه النصافات مغلسات عني وادري محابس وصاهن ضليت اتعمد اتاخر حته اعبر عليهن بعناد وهاي ميته ضحك .
مديحه:ولج راح ينفجرن .
_اسولف ومديحه لازمه عود مال قصب السكر
وتعلس بي التفت عليه تدرين
طك كلبي عله جويسم .
مديحه:ماترحين تشوفينه .
_اخاف وماندل ولا اعرف شلون .
مديحه:هو شوكت مواجهته .
_الاسبوع الجاي .
مديحه:خوش قبل يوم نتفق حضريله اكل وملابس ونروح انه وياج اوكفلج ودخلين تواجهينه وطلعين .
_وليش مادخلين وياي .
مديحه:يل ثوله مايصير اله من اهله .
_وهمه وين يدرون نكلهم اخونا .
مديحه:غير ياخذون هويتج بالباب
بنت السطل كومي لا دفرج.
_خرب جا جسيه شيجيبها .
_ولج غير عد امي من يوم
فشخنا سليمه وشردنا لخوالي لمت
جناسينا ولحد مالزمو ابوي رايح عليهم
جايب بس مال جويسم لان رايدينها بالمركز
مديحه:صدك زباله شامرتكم
ومستعزه بالجناسي شوفيلج يوم
روحي جيبي هويتج ترى كلشي يصير عله غفله تكرفنه النجده مال المتسولين .
_خرب يومج شلون فال دكومي .
مديحه:لازم الركن محابس .
_باوعت عليها بزعل دخلت
لليتهم وهيه تضحك وانه دخلت لجحيم سليمه ونفس كل يوم تتخذلها مشوار ترزل كعدت من الصبح كملت شغلي حته الحك اروح لامي وطلعت بهمه لحد ماوصلتهم دموعي تصب حايرة وتايهه وماتوقعت
خالي بهاي القسوى ولا امي بهذا البرود .
قدر.
ايام تمر وانه وامي نحسب الدقايق عمي صار تعامله يختلف ويشك بينا بحيث كل شويه هو داك الباب مال الغرف .
فاروق:ها شو قافلات الباب خو ماكو شي.
وداد:ترى بزعتنا شكو .
فاروق:مو قصدي شي بس بالي يم قدر .
_يحجي ونضراته عليه ابد ماكرهته
بعدني اشوف بي حنيه العم رغم
شكد حجت امي بس ماصدكتها دنكت اضم دموعي الي تنزل بسبب قهر كلبي شلون راح افاركهم وطارق يعذرني لو راح يكرهني من الصار لليوم احنه مانفردنا ولا سولفنه دوم اتهرب منه وامي مانطته مجال ينفرد بيه واعرف بيها خايفه يقنعني ابقه مجرد التفكير
با لبعد اموت قهر مسحت رفعت راسي اباوع هيه تحجي وهو واكف بقلق .
وداد:هاي احنه كبال عينك ومراح اطلع حسب اتفاقنه تقبط قدر ال١٨ ونكمل الاجراءت وكلمن يروح لحال سبيله .
فاروق:راح دمرينها .
وداد:معلييك شي ميخصك
الي يخصك ابنك وخلص وهذا الي انته تريده خو مابقيها العمر كله محبوسه لازواج ولا مصير منو الها اعتقنا .
فاروق:اكيد طبعا تتزوج وتكون عائله
مستحيل اكون عارض هل شي بس
لازم تثبتين نسبها .
وداد:ترى كاشفتك ومحد يعرفك بكدي فاروق لاتحاول ومستحيل ادخل بنتي لذاك الشارع وانه وانته نعرف شنو بي ومنو يكول ابوها يتركها ويجوز يلزمها والقانون ويا .
فاروق:مستحيل اخليها بس تصير
الها اوراق ثبوتيه انوب انه اتصرف اخليلكم مكان تستقرون بي
وداد:ولك يااستقرار وانته ضيعت تعبها سنين تدرس اذا ثبتت نسب شلون تثبت نجاحها من هاي المراحل .
_خليت اديه عله راسي احس بحيرة كارهه الوجود وحته صوتهم نزلت من الجربايه بتعب تعديتهم وطلعت
فاطمه كاعده بالمطبخ تصفن مانتهبهت ولا ركزت بكلامها طلعت للحديقه وانه احجي يارب شنو الحل يكولون الموت ستر وانته احن من الام عله ضنها اخذني لرحمتك الللهي بجيت بصوت افتر مثل الي يدور شيء ماضايع بس ماجاي يكدر يعثر عليه التفت لصوت الباب دخل طارق هزيت راسي بعتب من شفته اسدار يقفل الباب توجهه عليه درت وجهي .
طارق:بشنو احلفلج مو لاجل الاتفاق بينكم وبين ابوي بس مستحيل اقبل اطلعين انه منتضر بس تخلص هاي الفترة اخذج انتي وامج واسكنكم بمكان محد يندله بس صبري .
_اترجاك اذا الي خاطر عوفنا نروح صدكني مانرهم اول شي ماشوفك ولا احسك غير الاخ الي ربيت ويا وثانيا مستحيل اكسر فاطمه وهيه حلمها تزوجك وتشوف اولادك .
طارق:اي نفرحها بدرزن .
_رفعت راسي وصرخت بقهر ولك يادرزن
يكلولك هذا اصلي محد يتقبلني ولا راح
يتقبلون طفلك اذا طلع اسود شلون اعتقني
كافي مليت تعبت رحمو حالتي البيه مو شويه
رد بنفس النبرة والصوت العالي .
طارق:انه قابل قدر نعوف
الدنيا ونسكن بالصحراء .
_وعله صوتنا طلعت فاطمه
والظاهر سمعت حديثنا .
فاطمه:وتعوفني هاي جزاتي هيج مالي خاطر وتكدر تستغني عني املي الوحيد انته .
_عفتهم ودخلت للغرفه لكيت امي وعمي عله نفس جدالهم سكتو من فاتت فاطمه
وهيه شاكه دشداشتها وتصرخ .
_رادت تهجم عليها امي لزمتها وعمي جر فاطمه
مطلعها طبكت الباب وكعدت بحيرة وهيه دموعها تنزل بندم نضراتها اعتذار صوت طارق خبص البيت طفرت امي قفلت باب غرفتنا صوتهم واضح .
طارق:الام تفرح لفرحة ولدها يمه
وهيه الي راح تنتشلني يمااا ادماني بسبب جذبات
ابوي سنين وهو يكلي اختك احبها من جنه
بالمتوسطه اول مادك كلبي الها اترجاج .
_ دنكت وانه الوم روحي عله اذيتي اله
احبه بس اخ ابد مافكرت بيوم
نتزوج مقهورة عليه بس مابيدي
شي لان حته لو ردت اقبل مستحيل امه وابو يقبلون.
وداد:ينسى وتجي الي تملي كلبه وحظنه لو تشلع اعيونه ما تخلي فاطمه واعرف شيفكر بس صدكي ياقدر ماراح ترتاحون .
_يمه قهري لفراكهم مو لشيء ثاني صدكي ومااضم عليج خايفه وين نروح وانتي تكولين اذا رحنا للشخص الي يتسمه ابو مستحيل نكدر نطلع من يمه شلون .
وداد:بس صبري خلي نحصل فرصه اذا طلعنه منا قبل مايصقط جنسيتج فاروق بعد مايكدر يتعرض النا يخاف لان اذا كشفت تزويرة ينسجن وانه اشك هو مامزور الهويه .
_وعله هذا الموال يوم يجر يوم طارق كلب البيت جحيم وزاد بدمانه ويجي باليل كوى يمشي يوكف
باب غرفتنا يحجي ويتوسل لحد ما يجرة عمي
كرهت وجودي بينهم وصرت اعد الايام بسنين
وبيوم ماحسبت حسابه مليت من كعدتي بالغرفه طلعت وامي تبعتني بتعب كعدنا بالحديقه تبعتنا فاطمه كعدت كبال امي وتحجي بتوسل .
_وعله هذا الموال يوم يجر يوم طارق كلب البيت جحيم وزاد بدمانه ويجي باليل كوى يمشي يوكف
باب غرفتنا يحجي ويتوسل لحد ما يجرة عمي
كرهت وجودي بينهم وصرت اعد الايام بسنين
وبيوم ماحسبت حسابه مليت من كعدتي بالغرفه طلعت وامي تبعتني بتعب كعدنا بالحديقه تبعتنا فاطمه كعدت كبال امي وتحجي بتوسل .
فاطمه:انتي شاهده عله تعبي
عشت اباوع لطوله مثل الهلال حملت قهر من عيار النسوان هلكت صحتي من كثر ماحاولت اسويلي طفل ثاني ردت اخاوي بس ربج ماراد واكتفيت برزقي وخليت املي بي يتزوج ويعوضنا بخلفته .
وداد:لا تخافين لو يصير الها دوى ماتتسمه
بااسمه حقكم وانه مامجبروة اخليها تعيش اطوراكم العشتها ولا اقبل بس اذا تردين تخلصين من هل موضوع شوفيلي حل نطلع منا بدون مايعرف بينا فاروق .
_صفنت فاطمه بتفكير وبنفس الحظه نضراتها موجهه لامي بشك ردت بتمسكن .
فاطمه:جا المفاتيح عدهم وانه حالي من خالجن هل محبوسه كون تكدرين اطفرين من السياج .
_انتفضت امي .
وداد:ياسياج فطوم غير يراد لاعب جمبازيصعده شلج بهل درب يعني لو اكدر اطفرمنتضرة حضرتج تشورين عليه .
فاطمه:جا شسوي .
وداد:بوكي المفتاح منهم.
فاطمه:فاروق ماينام اذا مايخلي
جوى الفراش .
وداد:من طارق .
_سكتت فاطمه ردت عليها امي بمكر.
وداد:ها ترى مايحتاج صفنه خلي اكلج شي فاروق ماهامه الورث وشاكه بي .
_ماخليتها تكمل التفتت عليها
وانه اصيح يمااا كافي سكتت وفاطمه تقرت عليها تسال بفضول.
فاطمه:شنو مافهمت ؟
وداد:ماكو شي بس الافضل نطلع منا.
_كمت وانه اغم بروحي شنو هل حياة ليش هيج بلاء غضب ابتلاء اللهي خلصني خلصني دخلت امي وهيه تسب بيهم التفت عليها لهنا وخلص صبري طلعيني منا لو لجهنم اتنازلي عن كلشي خلي يعوفنا
وداد:لو يموت ولج سنين انه متحمله ايوب ومرضه المقرف وتالي اطلع هيج صبري هسه فاطمه اطلعنا .
_سكتت ونفس كل يوم يخلص بين طارق الي يخلص اليل هو لازم باب الغرفه وبين تخطيط امي وفاطمه نايمه وفزيت مرعوبه عله صوت صياحه التفت بخوف ادور امي لكيتها كاعده تنفست براحه همزين ماطالعه بس نضراتها مال واحد خايف نزلت يمها يمه شبيج هاي نضراتج تخليني اتراجع بالتفكير لطلعتنا منا .
_هيه تحجي وانه لازمه خدي ودموعي تنزل
جرتني لحظنها تبوس بيه قطع حديثنا صوت
طارق الي يصيح من كلبه وعمي وفاطمه
يتوسلون ادنيت عل باب اسمع .
طارق:يمه المفتاح لا تحلفين
ولا تعبين نفسج اطيني المفتاح .
_التفتت عله امي هزت راسها بمعنى اي شوكت اخذته منه .
وداد:ماعرف بس اكيد هيه اخذته حته اطلعنا .
_احساس مالم صعب بس مجبورة اخطي هيج خطوى كلت بعد مانطلع واستقر اتصل بي واعتذر منه وعبالك امي تقرء افكاري .
وداد:يجي يوم ويفهم انو لمصلحته
كل هذا .
_مرات خطوى تكلفك عمرك كله فتحت الباب وبس طلعت امي بعدني ماعابرة العتبه ماحسيت اله بطارق دفعني مرجعني للغرفه بسرعه دخل وقفل الباب من جوى شال المفتاح خلاه بجيبه وامي كلبت الدنيا عمي وفاطمه مدري شيحجون .
وداد:افتح الباب طارق والله ادفنك وانته عدل.
فاروق:اسمعني بابا افتح الباب خلص الي تريده يصير .
_رد عليهم وهو ينضرلي بخجل .
طارق:مايحتاج تعبون نفسكم هسه اخليكم كدام
الامر الواقع وانوب تتوسلون حته تممون زواجنا هذا احسن حل الكل راح يرتاح .
وداد:قدر تسمعيني ولج ضربي اذا تقرب عليج يمج الطابوكه مال الباب اكتلي خلاص .
_ولا تحركت من مكاني تقدم ناحيتي ضحكت وانه احجي ترى سوالف زعاطيط دفتح الباب وروح ابوي المفتاح مال البيت مو عدنا ويجوز صدك امك اخذته بس والله ماشفته .
طارق:ماراح نخلص ولا همه يخضعون .
_يحجي ودموعه تنزل خفت من نضراته الي تبين حيرته وضياعه التفت اباوع بالغرفه كل مايتقدم عليه ارجع لحد ماوصلت الكنتور وعبالك جنت محتاجه شي
استند عليه دكات كلبي تسارعت بده ضغطي يرتفع لان بسرعه صدع راسي وبحركه سريعه جرني عليه هزيت
راسي لا اريد ادفعه اديه ماعانني يشهك ويمسح دموعه بمتنه ترى مصختها شبيك عوفني احجي بصوت مهزوز
عود هاي بطوله لو عبالك راح تخليني اتمسك بيك ترى هيج اكرهك .
طارق:مستحيل اخسرج مستعد اسوي كل شيء
المهم اضمن وجودج بحياتي .
_وانه ماريد ابقه خو ماتجبرني وحته لو بقيت مستحيل اتقبلك غير اخ صدكني .
طارق:الايام كفيله تجبر الخواطر ادري راح تزعلين وتكرهيني بس من تشوفين حبي راح تنسين هاي الحظه .
_هو يحجي وعمي فلش الباب يدك بكل قوته وامي تصيح التفت من حس بيهم جاي يحاولون يكسرون الباب جرني بقوه صرخت مفزوعه اريد اخلص نفسي منه مدري خجلانه منه لو خوف لان نضراته ماادل عله رغبه دموعه تنزل بغزارة وانه مستمرة اصرخ دفعني للجربايه احس بلعومي انجرح صحت بكل قوتي ولج يماااا .
