رواية عشك أل فراس الفصل الثالث عشر بقلم زينب نور
علي: اجاني صوت من ورا يكول
_ البيت مفخخ سيدي
علي:اخلوا البيت مباشرةً
على نفس كعدتي جانت عيني عليهم روحي تلوب بعدة جرحي على اسمر بعدني ابچي على اسمر چملوني همام وعمار ثنينهم سوا بيوم وليلة
حسيت واحد سحبني
راهب:البيت مفخخ بـ لحظة ينفجر كوم اطلع
علي: تخبلت انتَ شبيك اطلع واترك جثثهم والله فلا اطلع
ضلت عين على البيت وعين على جثثهم ضلوا يشيلون الجثة قطعة قطعة يلمون كعدت على جهة وايدي على راسي على هاي المصيبة شلون راح اكول لهلهم بيا عين ولد عم يرحون بيوم واحد بهل السهولة شنو اكلهم
_اطلع كوم خلي خسارتنا تقل موتكثر البيت موقت وينفجر
باوعت على مكانهم بس الدم موجود چذب انتباهي شي يتحرك ورا البردة اجيت اروح سحبني راهب
راهب:روحي على روحك ماتتحرك اثبت بمكانك
علي:اريد هذا شنو
راهب: ماكو شي خل نطلع انتَ جاي تتخيل
سحبني بسررعة وطلعنا من البيت كانت هوسة بشكل ثواني ابتعدنا اتفجر البيت
بعد الاجراءات اخذنا الجثث وتوجهنا لناصرية حتى يودعونهم اهلهم
وصلنا الضهر تقريبًا نزلت دكيت الباب طلع ولد شاب
علي:السلام عليكم
_وعليكم السلام ورحمة الله أهلًا وسهلًا
باوع وراي شاف تابوتين
_منو ذول الشهداء
كال بصوت عالي طلعوا ورا زلم ثنين كبار بالعمر وثنين ولد وبنية صغيرة
ابو عمار : حياكم الله چا عمار وين
أشرت عليهم
اخو عمار : استشهد
علي:البقية بحياتكم
اخو همام:والثاني منو
علي:همام
ابتعدت عن الباب نزلوا الشباب التابوت
ابو عمار :عفية ابني عفية رفعت راسي عفية يبعد ابوكم هنيالكم هنيالكم شهداء انا ابو الشهيد وعم الشهيد هلا بعرسان الشهادة هلا بالشجعان هلا برفعة راسنا
على صوت السيارات وصوتة التمت الناس كبار وصغار طلعت مراة جبيرة بالعمر لابسة احمر وتهلهل واطش جكليت دخلوا التوابيت لجوا
ابو همام : لا اطولون بوية خل نزف العراريس
اهلهم وكفوا شامخين مفتخرين بولدهم دك تيلفوني الصوت عالي وهوسة حتى ما اسمع باوعت للرقم غريب ما جاوبتة
راهب :علي ليش هنا كاعد
علي: اوف ما مستوعب راهب والله العظيم ما مستوعب بهل السهولة راحوا وطريقة غبرة جسمهم صاير وصل
راهب :الله يرحمهم كوم لايصير بيك شي
بليل رجعنا للموصل حتى نكمل دوامنا وراها نزلت مباشرةً للبصرة اول نزول الي من الدوام للبصرة وصلت بـ4العصر
دكيت الباب فتحة امير
امير : يابه هلا
سلمت عليَ ودخلت لجوا صارت بوجهي بنية من اجييت ذيج المرة ما شفتها
سحر :هلاو شلونك
امير :سحر بنت خالي
علي:ابو ادم ؟
امير :لا ابو فؤاد
علي :اها ،هلا
سلمت على الموجودين وصعدت فوك اجت بالي سالفة هبه والله نسيتها طلعت تيلفوني دورت رقمها ماكو ضاع عليه
علي:خرا بالحظ شلون سالفة هاي شيرجعني لبغداد والحسن ما اعوفة لو انطي روحي
نمت وكعدت بليل كلش جنت كاعد بالغرفة اندك الباب
علي:فوت
دخلت شهد اختي شهد كانت اكثر وحدها احسها تخاف مني حتى من دخلت كوه تحجي
شهد : امي ادكول تعال تعشى
علي:تعالي
شهد :ها
البنية وجها صار اصفر عبالك راح اعدمها كمت يمها
علي:انتِ خايفة مني ؟
شهد : ها لا ليش اخاف انتَ اخوي
علي:اذا اخوج چا ليش ترجفين وحتى من اجيت ماسلمتي واكفة باب المطبخ
شهد:امي تصحيني اجيت يمه
عافتني وطلعت بسرعة ضجت ليش تخاف كانت اقرب وحدها الي جانت صغيرة متفتهم احطها بحضني واحجيلها تعبي كانت بالكماط وبعدهي كبرت اللعب وياها وهسة تخاف مني
نزلت لكيتهم ملتمين كلهم
امير : يمممه زوجيني
ام فهد :يفتر عليه هذا اعقل وازوجك
امير : زوجيني واعقل
ابو فهد :نورط بنت الاودام وياك ليش
امير : چاعرس انتَ
ابو فهد :عندي مراة تسوا الدنيا شعندي مزوج
امير وياسر وايمن ومهند ضلوا يصفكون ويصوفرون
ياسر :شني المشاعر هاي بوياي بوية تعلم ولك من ابوك
ايمن :الشياب هم عدهم مشاعر وحب
مهند :عدهم اكثر من عدنا روحهم خضرة بهاي السوالف
الشيخ :أتأدبوا وبلا سوالف تافهه
امير :ضاج ضاج اسكتوا
ضلوا كاعدين يحششون شوية وكاموا صعدوا فوك نص ساعة ونزلوا كلهم لابسين ابيض
الجده :دخيلك ياعلي جنهم عزرائيل
ايمن :شني تخافين منه وخروا وخروا جاي ندرب على جريمة نسويها ونحقق بيها
صهُيب:انا شايف هواي مخابيل وملطلطين ومسربتين بجميع الانواع بس مثلكم ما شايف كل واحد بكد البعير وتصرفات مال جاهل عمرة سنتين بابا اعقلوا اعلقووووا
امير :مضغوطين من عدنا خو علي راح يموت
علي:وقزالقرط محاجيك وجهه التاير
فترة ورجعت لقضية مازن رجعتة لسجن مخدرات وطلع يايابه شصار بيه اجيت انجلط ماكو هيج الفلوس لعبت دور مو طبيعي
وراها اجت قضية مايطلع منها لو مو فلوس قتل
قتل صديقة بطريقة وحشية جدًا
علي:سيدي هذا عليَّ القاء قبض سابقًا ومطلوب قانونيًا لكن ماعرف شلون طلع
_منو الضابط المستلم هاي القضية
علي:انا وضابط ...
بعد تخطيط وصلت معلومات انُ راجع للبيت دخلنا لبيتهم ماموجود ضلينا ننتظر شرفت الخاتون جاية من المدرسة
رحتلها سحبتها من ايدها وهاي انجلبت
قمر:هدنييي ولك هدنيي
علي:ما اهدج
قمر :هددنييي شعليك بيه ايدي راحت خلعت ايدي الادبسسس
صدك ضحكت
علي: امشي فوتي جوا يلا
دخلت ادردم لجوا انطيت امر اخلاء المنطقة وكعدت كبالهم واكفة على الشباك تباوع اجهه مازن يمشي ويلتفت ورا ابين مسوي شي وبيدة جنطة سودة انا وكف بمكان انا اشوفة هو ميشوفني دخل للبيت انطيت نداء انغلقت مداخل ومخارج المنطقة بالكامل
ام مازن :الله لا يوفقكم الله لا ينطيكم شتردون من ابني كل ساعة ماخذينا
فتحت الجنطه فلوس وحبوب مخدرات ومسدس غير مرخص
علي:حلو قاتل ومتعاطي شفت شلون ربك يمهل ولا يهمل جيبوا
ضلت امة تدعي وتغلط وتصيح ما حاجيتها طلعنا صار بوجهي ابو مهيب سلمت عليَ وتوجهت للمركز
علي:شكتلك
مازن :هم اطلع
علي :نشوف شلون تطلع ازين شاربي واكعد بين النسوان اذا طلعت هالمره
وقعت على قضيتة وبعد تحقيق كامل تبين قاتل صديقة على مود فلوس ضاربة ومفلش راسة بچاكوك
وراها اجه يوم المحكمة اجت هاي الطركاعة للمحكمة المن جاية سفرة سياحية هيَ
القاضي :حكمت المحكمة على المدعو مازن __ بالاعدام شنقًا حتى الموت
ابتسمت باوعت عليَ ضل يبچي ابتسمت بستهزاء وطلعت يستاهل لان نذل باوعت لطركاعة تبچي
استلمتني امه دعاوي ما حاجيتها اببنها وحقها طلعنا للبصرة
علي:انزلوا انا عندي شغل
راهب :رجلي على رجلك وين رايح
علي:شغلة اكملها وارجع يلا انزلوا
نمر :باع هذا والحسين ما انزل
علي:خوش بس لحد يحجي
راهب:يلا وياك للموت
نمر :للموت سوا
نص الطريق فريت السيارة ورجعت
راهب:شو رجعت
علي : وراي وراي
.................................
امير: اصدقاء علي ثنين استشهدوا
الجد:انأ لله وانأ اليه راجعون شوكت
امير :البارحة بليل
ام فهد :يايمه الله يساعد امهم
امير :ولد عم مو اخوان
راحوا للفاتحة كالوا علي بعد مينزل هسة مره كاعدة بالحديقة دخل جسار ورا جاسر
جاسر :خبل وحك ربك ما اصيرلك جارة
جسار :شتررريد يعني شسوويي حبيتهاا واريدهاا مو انتَ تحببب ازل ليش وحددد اناا
جانوا ممنتبهين عليه وثنينهم اعصاب
جاسر :وانا من حبيت ازل رحت اخوفها واخلي البنية تكعد أسبوع بالبيت وعايفة المدرسة او رافع سلاحي على ازل انتَ مطي اكو واحد هيج يحببب وين اكو هيج حب
جسار :بكيفيي معيدي وعشكت وحك دين محمد اخذها اخذها غصبًا على راس ابوها الكلب
جاسر : انتَ اعقل حتى ينطيك مره مو واكف بالركن جنك مراهق
جسار :اريد افهم انتَ شدراك بيه شوصلك لصلاح الدين
جاسر : معليك شوصلنييي تتأدب وتمشي عدل
التفت جسار شافني واكفة صفن عليه واني صافنة عليهم وعلى كلامهم التفت جاسر هم شافني
جاسر :الله يطيح حظك جسار
جسار : انتِ من شوكت هنا
ازل : محجيت باوعت على جاسر ودخلت لجوا اصفن اني شدخلني ! يحبني لالا مستحيل هذا ابو خزرة يحبني هذا ميحب احد
دخلت للمطبخ دخل وراي سحبني من ايدي
ازل:ايدي ووجع
جاسر :لا حول الله ربي صبرني شبيج صفنتي
ازل :شتريد وخر عني يلا
جاسر : معليج بكلام جسار
باوعت عليَ وصعدت غثيث مصيرلك چاره ابدددد ورا يومين بالتمام اجهه امير ايده كلها دم دخل ورا علي
ام فهد :الله واكبررر شني المصيبة الجديدة
امير : انفصلت من المدرسة
ام فهد :صخام الصخم وجهك كون ليش ولك
علي:تعارك وي ابن المدير وكاسر خشمة وذاك شاك ايدة بموس
الجدة:ولك خايب اعقل ماتبطل انتَ هسه يجي ذاك يلعب العكال على ضهرك
امير :ماغلطان هو مستهتر ويجاوز
الشيخ :وتكسر خشمة وتغلط على المدير والسانك شطولة وكل هذا وتريد ما تنفصل
امير :لا اذب الصوج بيه كاعد بالصف يجي يتفيك ولوكي مال مدرسين
علي: انتَ صاحب مشاكل لا تحاول اطلع نفسك مسكين كل يوم مشكلة اسوي
امير:هو صوجي صرت ابنكم
صعد فوك يدردم
علي:امسحن الدم
الجدة :راح اموت ناكصة عمر من ورا هذا المخسبك ومشاكلة الماتخلص ساعة جكاير ساعة متعارك كل يوم سالفة
ياسر :نوررررررت انا
الجدة :من جبح لهل الصوت راح كلبي
ياسر : زوزة الحنونة مشتاقلججج وداعت العشرة الصاكة البيني وبينج
كعد يحضن ببيبي او خنكها وهي تدفع بيَ اخير شي علي سحلة
علي:وخر لطشتت
ياسر:ابن عمي شيال همي حزام ضهري
رجع حضن علي دفعة
علي:دوخر عايز حنان
ياسر:انتم مو مال واحد يحضنكم وي صديجي رفيج دربي وحياتي وعمري
الجدةماتدري بالصاير مو
ياسر:لاطبعًا ادري لان جنت ويا هههه
كال هيج وطفر فوك اجهه ابوي محجة شي لان يكول مليت اسبوعين وفتحوا موضوع زواج الشيخ من وردة
الجد :اريد اشوف واحد منكم عاد عريس وافرح بيَ وانتَ بوية عمرك راح يصير 30 شمنتظر بعد وعروستك موجودة
امير:راح يصير عدنه عرس
الشيخ :ماعندي مانع تردونة يصير الجمعة نحجي ويَ عمي والجمعة الوراها الخطوبة
امي وبيبي هلهلهن
امير :شني هلهولتيش
رجع هلهل اقوى منهن
الشيخ:كافي يابه دنيا الليل عود اذا صارت اشبعوا هلاهل
الجمعة بليل فتحوا الموضوع ويَ عمي احنه واكفين بباب الصالة نسمع
ابو اسيد :انا ماعندي مانع بس الراي الاول والاخير لورده اذا وافقت اخذوها مكبعه واذا لا الله يوفقك عمي
باوعت على وردة وجها صار احمر
ازل:والله العلي العظيم اذا رفضتي بنعال يابس اكطعة عليج افتهمتييي
وردة :بكيفي القرار بيدي اذا تحجين وياي ما اوافق
عسل :باع هاي تريد تذلنااا غير يصير كتلج عمل شبعي
ورا اربع ايام رجعوا خبر انُ موافقين ايمن وامير ومهند ومهدي ومالك مباشرةً علكوها وامي وبيبي وياهم يركصن واحنه نصفك عبالك عرس
ايمن :وفرحانة بوليدي معرس
امير :انا الوالدة ابني وعرستلة
خوش بنية بنت خير جبتلة
مهند :أمر يمه ودلل كلتلة
يوليدي شتريد ادلل
مهدي :اريد اليوم اسويها سمينة
ازف اوليدي افرنا المدينة
مالك :يحجون الخلك بينا شعلينا
وفرحانة بوليدي معرس
امير :يوليدي زماط بيها امك
شوية ودخلوا علي وصهُيب واسد وجاسر وجسار ومحمد وشاهين
شاهين :وفرحانة امك هالليلة
كلهم دخلوا يركصون سوا الكل كان فرحانة بعدين دخلوا خالي وعمامي عدا بيت عمي ابو اسيد محد منهم وابوي وجدي والشيخ كلهم هوسوا عدا الشيخ ضل واكف ويضحك
بعدين كعدوا يضحكون ويخططون شيسون
قبل الخطوبة بيومين انقسمنا نصين احنه البنات قسم راح لبيت عمي ابو اسيد وقسم بيتنا نضفنا البيوت تنضيف عميق
ازل:تعبتتتتت يربيييي
علي:صوتج زلم كاعدة بالباب
ازل:واحد حتى بيتة مايصيح صبرك ربي
خلصنا بليل
عسل :يمه تكسرت عززاا بعيني شنو متتت
شاهين :اسم الله عليج من الموت يروحي
ازل :احترمنييي اختها واكفة
شاهين :انكلعي رجال ومرتة شكو واكفة
ازل:احنه واكفيين وانتَ دخلت
شاهين :شوكت تزوجين ونخلص منج امشي روحي خليني ويَ مرتي
باوعت علينا صفح وراحت
شاهين : تعالي
عسل :ويين
سحبني من ايدي طلعنا الحديقة الورا البيت
عسل :شاهين ليجي احد
شاهين :خل يجي مرتي على سنة الله ورسوله
اجيت احجي محسينا غير مي وكع علينا من فوك شاهين لابس ابيض المي الي وكع وصخ رفعنا راسنا ازل مخليها ايدها على حلكها مصدومة
شاهين :من طيح الله حظج يالمسودنة شسوويتتي
ازل:والله مادري بيكم هنا اني خليتكم بالمطبخ شجابكم هنا جنكم حرامية
عسل:اكو مطي يشمر هيج مي هنا من شوكت احنه نذب المي منا
ازل :هههه باع شكلكم يضحك لج تعاجزت انزل جوا او اطلع للحمام ولكيتة بالغرفة كلت اشمرة منا محد يدري
شاهين شال ادي ثنينهن وغماها ضحكت عليهم شاهين وازل رؤيسه دوم يتعاركون بس بالشقة
شاهين :حتى واحد ويَ مرتة ما ياخذ راحته رايح للبيت بس اجيت اكلج باجر انا بالدوام واجي الجمعة الصبح خاف ما اشوفج لبسج ممنوع مهلع وقصير وحصر لبس مال اوادم افتهمتي
عسل : شاهين غير خطوبة اخوي واول فرحة النا
شاهين :عسلووو خطوبة اخوج مو خطوبتج ومكياج خفيف واذا ما تحطين احسن هوَ انتِ ربج مامقصر بيج
عسل : يلا خل نروح باع ملابسنا طاح حظج ازل
المي اكثر شي وكع على شاهين من ردنا نطلع سمعنا صوت واحد يغني
عسل:هذا منو العاشك
شاهين :هذا جسار ملوعين كلبة
جسار :يانبعة الريحان حني على الولهان حني
جسمي نحل والروح ذابت وعظمي بان
ماعندي كُل ذنوب الا هوى المحبوب
لاهوَ ذنب واتوب واستغفر الرحمن
يانبعة الريحان حني على الولهان
ابتسمنا على صوتة كان كاعد ويباوع لسماء ويغني بصوت هادئ همسلي شاهين
شاهبن :بدون صوت خل ندخل خلي بصفنتة
عسل:اوك
شاهين :احبج چمار كلبي
ابتسمت ودخلت بدون ما اكول شي صعدت لغرفتي لكيت ازل صافنة
عسل :الصفنة مو الج لابو اذان
ازل :انجبي وسدي حلكج
شلت المخدة شمرتها عليها
عسل:الجلبه ذبت علينا الوصخ كله
ازل :ديلا شلونكم هسه انتم جنكم حرامية
كعدنا ثاني يوم على صوت بيبي بـ8 الصبح
غزل :يربي شكووو باجر الخطوبة مو اليوم
نزلنا لجوا اخواني كلهم كاعدين وابوي وامي وجدي وبيبي
صبحنا عليهم وكعدنا نتريك
علي : لا اطلع الصوت من تسمم لا افلش الماعون براسك
امير :اهووو انا شورطني وكعدت يم المثقف
علي:انجب واكل مثل البشر جنك صخل
امير شال استكان الچاي وشربهه بس شنو طلع صوت كلنا ضحكنا علي شال الچاي وشمرة عليَّ
امير :لااا هاي ليشششش
علي:حتى من اكلك انجب تنجب وتاكل عدل مو جنك هايشة
امير :هسه هايشة لو صخل
الشيخ : باجر ناس هواي تجي وانا ما راح اكدر اكون ويّ الطباخ واشوف النواقص كلشي عليكم تخلون كلشي زيادة بدون نقصان كلشي راح يضل عليكم
صهُيب:ولا يهمك علي واسد وامير موجودين
اسد:وانتَ شني
صهُيب:مالي دخل انا اكعد بالديوان وادوس رجل العريس حتى ورا اعرس
الشيخ :هههه يوم الكم كلكم ونفرح بيكم
اترخص وطلع واحنه خلصنا شغلنا كلها بليل الكل التموا يمنا
شهد : ازززل صخام الصخمج المن لابسة الفستان مالتي
ازل:اوي شبيج عجبني
شهد :وجع حتى وجع مشتريتة الج اني انزعي الفستان لا اسوي نهارج اسود
رسُل:هسه ليل مو نهار يالنادرة
قاطع كلامنا صوت الديچي برا بالحديقة عالييي حيل مشغلين ارد العب جولة اليوم بعرس الغالي امير وعصابتة بس ياسر مموجود
عود يغلسون بالكراج ضلوا يهوسون بالماسحات انوب طلعوا محمد وادم وجسار واسر كل واحد بيدة مسدس ويهوسون وياهم
الجد :ولكم فضحتونا شني بوية بس انتم عدكم خطوبة
ايمن :اول خطوبة وفرحانين رجاءً خلونا براحتنا
علوا الديچي حيل وضلوا يهوسون لـ2بليل همَ يركصون اخير شي نزللهم الشيخ
الشيخ :ابتلت الناس خوما ابتلت طفووا كاافي
ثاني يوم الكُل كعد بـ6 الصبح فرحانين وكلها تضحك كان يوم من العمر فرحة ماكو هيج اخونا وابونا وشيخنا بدت الناس تلتم اكو من غير محافظات فـ لازم غده يعني حتلو ماكو احد غريب بس لازم اهل العريس يسون غده بالخطوبة
علي : تعال تعال تعال
امير :ها ها
علي:الساعة مشتريها البسهه انا اكشخة بيها انا مو انتَ لابسها وشارد يلا انزعها لا اهينك
امير :فلا تستحي تعز الساعة على اخوك
علي:النعال المكطع اعزة عليك انزع الساعة
ام فهد:خايب يمه خلي يلبسها
علي:وانا شلبس وصله احط بيدي لو علك
ام فهد :عندك هواي
امير :اي يمه وعلي كلها ماركهه من هاي مال الطاكين الفايخين الضاربين الدنيا ميت جلاق
علي:انتَ مو مال احترام
سحب ايدة نزعة الساعة اخذها من عندة وعلي كان لابس ساعة لونها فضي
علي:هاي على كدك يلا ولي
ام فهد :ديلا بلا تتعاركون على ساعة
تركتهم وصعدت لفوك البنات بعدهن يتكافشن
ريم :اررريد ابدلل ابتليتتت اني بيكم
فرح :دنجبي انجبي يلا يلا سويلي المكياج مالتي
ريم:كون كلجن من الباب يرجعونجن
رسُل:ذلتنا عاد ذلتنا والله شنو تعرف تحط مكياج
ريم:احسن منجن بالمستقبل افتح صالون
هوس:افتحي نعل مكطعة
ريم:امداج عود اختي
ام جاسر :ولجن يلاا
ريم:شنو يلا بعد ممتغدين وكالوا معليجن انتن احنه نكمل كلشي
ام جاسر :الله يسلمجن لا وحدها ولا ثنين وكل وحدها تريد ساعتين يلا تكمل وانتن بعدجن
رسُل:معدنا شي عمة وداعتج معدنا شي هسه نكمل مثل الطلقة
شهد :ما اشغلون اغاني صخام
نزلت لجوا عبالي محد جوا صار بوجهي راهب داخل يسلم على بيبي صديق علي
جنت مخليهه مكياج قوي بس بعدني ممبدلة
راهب:سلام الله عليهن لا يحسدونج
باوعت عليَ فددد اكرهه
رحت اريد اشغل الديچي جان يكول
راهب:لا تشغليي صوتة عالي وازعاج
شهد :خطوبة
راهب:وشنو يعني
دروح والله بطران رحت شغلت الديچي بيبي جانت بغرفتها فـ دخل يمها شغلتة وطفرت فوك
بعدهي كملنا دخل الشيخ حتى يبدل وكانت اكو نسوان هواي صعد بدل ونزل
كالوا يلا حتى نروح لبيت العروس البيت قريب اصلاً احنه البنات طلعنا من الباب الخلفي
وردة طالعة تجننن
شهد :مبروككك
وردة :شهديييي يوم الج عزا همزين اجيتن راح اموت من الخوف والتوتر
ريم :خطوبة مو عرس
وردة :انجبي ادري بس خفت
بيبي ضلت تهوس وامي بعدين رقصنا شوية وكالوا راح يعقدون
السيد : وردة احمد فراس هل تقبلي ان يكون فهد محمد فراس زوجًا لكِ على سنة الله ورسولة على المهر المعلوم ان قبلتي قولي نعم وانتَ وكيلي
كررها تلاث مرات يلا كالت وردة
وردة :نعم وانتَ وكيلي
ارتفعت الهلاهل رجع اخذ مواقفة الشيخ
السيد:صلوا على محمد وال محمد
دخل الشيخ حتى يلبسها الحلقة جانت واكفة يمي زينه بنت خالي
زينه :حظها كاعد چا شبي حظي حتى ماباوع بوجهي
شهد: عندج وجهه انتِ حتى يباوع بيج
سحلتني غزل
غزل:خلينا فرحانين بدون مشاكل انتِ منا وازل مناك وي سحر اسكتن رجاءً
شهد:هنه غثه صخونة مال مطاية كون
خلصت الخطوبة على خير ورا فت نزلت العصر اخواني محد موجود افتريت البيت محد حتى ابوي ماكو طلعت مديت راسي من الباب اريد واحد يجي يشتريلي جان يجي صوت هذا المكروه
راهب:طبييي جوا شعندج لازمة الباب
شهد:انت شعليك شعليك بكلشي مخلي نفسك
راهب:امشي ولج لازمة الباب المن
شهد :لخالتك الشكرة بابنا لو بابكم شعليك انتَ شعندك كل ساعة جاي
ام فهد :شهددد ولججج شهد
طبكت الباب بوجهه ودخلت
ام فهد :شبيج
شهد:هذا الغضب الاسود بكلشي مخلي نفسة ايع كبر شعليكككك
فد غثاني امي صارت ويا وطلعت اعتذرت منا بعدين دخل للحديقة ينتظر علي كان بالبستان مدري شيسوي شوية واجهه
علي:سويلنا چاي وهذا سم مال فار مو تلزمينا
حط السم على الشباك مال المطبخ كملت الجاي صبيتة واني ادردم اجت براسي فكرة
جبت السم خليتة بالجاي جان لونة اسود وبيَ ريحة تموت يلعب النفس
شهد:يالله يامحمد ياعلي يااام البنين يارب كون اني اخذة حتى اوصلة اله يارب
جد راهب وجدي يكونون اخوان وعلاقتنا قوية بيهم فـ عادي ان نطلع او نسلم عليهم
علي كان يغسل ويحجي ويا وهوَ كاعد خليت الجاي كدامه باوع عليه
راهب:شكرًا بس بعد لا اطلعين
شهد:انتَ ليش هيج ماتنبلع
خليت الجاي للعلي ورجعت طفرت لغرفتي اباوعلهم من فوك شرب اول مره ماكو شي صاير كبالي هو شرب تقريبًا تلاث مرات يمه وهوَ اختنك
ضل يكح بشكل مو طبيعي ولازم بطنهه طفر علي لزمة
علي:شجاك شبيك
ضل يستفرغ
شهد:يمه دخيلك يالحسن راح بيها
رفع علي راسة لفوك شافني واكفة وجهي اصفر خزرني خزرهة
وهذا وكع بيده بعدين اجو صهيب واسد اخذوا للمستشفى
شهد: راح يموت عززاا بعينج شهد وادخل سجن ومركز تحقيق وانحكم واروح بيها واصير خريجة سجون رحتي بيها يشهد شسويتي
ركضت قفلت باب الغرفة مطلعت منها ابد كل ساعة جايتني ازل وما افتح الباب فضحت نفسي بنفسي بـ12 بليل اندفر الباب بس كان مقفول
علي بعصبية :افتحييي الباب لا اكسرة على راسجج
شهد:شتريدددد
علي:افتحييي الباب
طفرت فتحتهه لزمني من ايدي حيل ولوا ايدي
شهد:ااخخ ايدي يماااا ايدي انكسرت
علي:وكسر الكسر ضلوعج كون لج انتِ شنووو من بشرر تسممين الولد مطية انتِ
شهد:موووانيي
علي:چا ياهو ابوي لو ميت مو تولين للسجن
شهد:هو غثه بعدين هو داعش ما موتهه يموتهه سم مال فار
ضغط على ايدي حيل
علي:شوفي لج اقسم بالله اذا ما تمشين عدل حظج اطيحة بيج بخت ما رفع عليج دعوة لو رافع چا انحكمتييي لان هاي محاولة قتل وقزالقرط
شهد:دهد ايدي هد ايدي كسرتها
اجت امي على صوتهه وبيبي من جوا تصيح شكو
علي:بنتج المصيونة مخلية سم بالجاي لراهب وصار عندة تسمم زين ما مات
شهد:هسه هوَ ما مات عليمن عصبي
علي:أدبي بنتج لا وحك علي العب الحزام على ضهرها هالمره خلصت هيج المره الثانية شسوي
خزرني وطلع
ام فهد :الله واكبر امير وشهد راح انجلط منكم
شهد:هسه عليمن معصبين ما مات
غمتني ونزلت مرت يومين وطلع من المستشفى
علي:كومي يلا
شهد:وينننن
علي:لجهنم الحمره
،،،،،،،،،،،،،،،،،،،،،،،،،،،،،،،
قمر : طلعنا لكربلاء ضلينا يومين ورجعنا بلشت دوام وتعب موت
رجعت بيوم من المدرسة لكيت الشارع كلههه همرات سود وهواي واكفين كلها لابسه اسود اكو بيهم بس عيونهم طالعه وبيهم لا لابسين نضارات
صرت كبال بيت ابو مازن طلع هذا الضابط نفسه عرفتهه من مشيتههه
من الثول ضليت صافنه اريد افهم شكو شعدهم محسيت غير سحلني من ايدي
قمر:هددنييي ولك هدنييي
علي:ما اهدج
قمر:شعليك بيه هدنييي ولك ايدي راحت الادبسسس
شفتهه ضحك نزع النضارة وباوع عليه وكال ادخلي جوا دخلت ادردم فعًلا ايدي ضلت توجعني لان ضاغط عليها حيل دخلت للبيت
قمر :السلا
البيت فارغ ولا واحد
قمر:هاي شنو همزين محد جان تفشلت
دخلت دورت عليهم ماكو اتصلت ع رياهم كالت يم بيت خالي يجيج ليث ياخذج كتلها لا اريد انام
صعدت لغرفتي اباوعلهم شوية واجوا ثنين وهوَ هذا الضابط انسحبوا كلهم بس هو بقى كعد بمكان اللي يجي من الشارع ميشوفة
شوية وسمعت تيلفوني هو جاوبتهه
علي:وخري عن الشباك
قمر:معليكك
علي: عيب عيني
الفضول يذبح اريد اعرف شكو كتلة
قمر:انتم شعدكم هنا شنو هاي الهوسة
علي:شعليج
الخبيث سواها وحدها بوحدها شوية رجع كال مازن قاتل واحد وغلق التيلفون وخرت ورحت بغرفة مهيمن اشوفهه بس ميشوفني
شوية واجهه مازن يمشي ويلتفت ورا دخل للبيت ورا دقايق انترست المنطقة بالهمرات غلقوها كلها القوا القبض عليَ واهلي اجو
مرت فترة وكالوا اليوم المحكمة چلبت الا اروح وياهم يابه ميصير ممنوع ماكو قفلت الا اروح ورحت انصدمت من حكموا بالاعدام هوَ اني صح اكرهه بس خطية مو فد مره موت
امه هم خطية ضلت تبچي شما كانت قلب ام باوعت عليَ مبتسم ولا متأثر واني دموعي جنها شلال صارت
طلعنا للبيت واني صارت بيه حالة نفسية يعني خطية شما صار بس مو اعدام ورا فترة كالوا مازن انعدم بهل السرعة قبل عبالي ماكو اعدام والحكم هيج جذب بعدين من شفت مازن انعدم صدكت
ورا ما مات مازن كال بابا شي صدمنا بيَ
شكرا لزيارتكم عالم روايات سكيرهوم
