رواية عشك أل فراس الفصل الرابع عشر بقلم زينب نور
قمر: صدمنا بابا من كال
ابو مهيب:لازم نرجع للبصرة هناك يم اخواني صارلي هواي هنا والعمر يركض
مهيب: منو هم عمامنا شو ما نشوفهم اخر مره اذكر شفت واحد منهم من جنت بالسادس علمي ازوجت وعمامي محد حضر يا عمام ذول
ابو مهيب :عمك مهيب دوم يجي لبغداد والتقي بيَّ
مهيب: هو بس عمي مهيب يجي بالسنة مره بعد شنو خلينا هنا الولد عدهم جامعة وقمر مدرسة وانا دوامي هنا
مهيمن:ليش رافض خلينا نرجع للبصرة اذا شفنا الوضع ما عجبنا نرجع لبغداد
مهيب: بكيفكم
ام مهيب:اللي تشوفة صح سوي
بابا كال الله كريم وسكت ورا فترة كال راح يجون بيت عمي ابو راهب كلهم حيللل فرحت احب اتعرف على الناس واحب جمعات البنات فرحت لانُ راح اشوف بنات عمي بابا دوم يحجيلنا عن عمامي بس احنه منشوفهم
قمر:احنه ليش طلعنا من البصرة
ابو مهيب :كبل جنت ادرس ببغداد وامج جانت تدرس وياي وحبيتها لكن ابوي كان رافض انُ ازوجهه لان يريدلي بنت عمي انا رفضت وهوَ كلي اذا تاخذ غير بنت عمك مالك كعدة بيتي انا طلعت لبغداد ومارجعت لكن اخواني ضلوا على تواصل وياي
ازوجت امج وانا ما شايف ابوي ولا ادري بيَ انكطعت اخباري واخبارهم بس ابو راهب جان يجي دوم بدون مايدري ابوي صار عندي مهيب ومهيمن سمعت ابوي مات ورا اربعين يوم يلا دريت راح زعلان مني ومو راضي عليه
ورا بشهرين ماتت امي وبعد مارجعت للبصرة ابد كل هاي السنين ومن خطبت رحت وحدي وجدج جان عايش وتفهم وضعي
قمر:الله الله تضحيات الحب
ام مهيب: شوكت يجون
ابو مهيب :ان شاء الله باجر
مهيمن:هسه الا باجر
ابو مهيب:ليش شعندك
مهيمن:بالدوام انا
ابو مهيب:يباتون تلحك عليهم
أنتظرنا ثاني يوم اجوا انصدمت من شفت راهب شايفتهه قبل بس ما اعرف ابن عمي شفتة بالمحكمة ويَ هذا الضابط اللي اسمة علي
بنات عمي ثلاثة رياحين وروان وانوار ولد عمي خمسه الجبير ازهر وانور وذياب وراهب وحارث ازهر مزوج وانور خاطب و ذياب راهب وحارث بعدهم
ضلوا يسولفون بابا جان حيل فرحان بيهم للعصر حيل اجه مهيمن من الدوام طلع يعرف راهب
ابو مهيب :يعني انتم ما شفتوا اسم الجد متشابة
راهب:شفتهه بس قنعت نفسي صدفة لان ماجنت اعرفكم
مهيمن :وانا قنعت نفسي الف واحد اسمة هيج راهب مجرد شخص وياي بالدورة مو كرايب او شي
ضلوا يمنا وقنعوا بابا انُ نرجع ونعيش هناك ثاني يوم راحوا وراها بفترة كال بابا خطار جايين من البصرة بس مكال منو صادف يوم جمعة
واجت يمنا ساره بنت خالي وكفنا على الشباك نباوعلهم كلهم لابسين زي عربي اول واحد رجال جبير ورا ثنين هم كبار بس مو كُلش والبقية اربع شباب
ساره:باع ابو الاسود يموت عبالك من الواتباد
قمر :لج كلهم حتى الشياب
نزلنا لجوا حتى نساعدهم بعدهي عرفنا انُ ذول كرايب بابا عمه ولدهواحفاده
ام مهيب : عمك اجاك
ابو مهيب:اي عمي فراس يكلي ارجع وانسى الماضي
ورا فترة قررنا نرجع للبصرة ورجعنا الطريق كان طويل واني اول مره اطلع هيج طريق فـ كُلش تعبت وصلنا الضهر لكينا هواي زلم واكفيين شفتة واكف لابس دشداشه سوده ومدنك على التيلفون من طبكت السيارة سد التيلفون
نزلوا بابا واخواني سلموا شوية واجوا ولد ثنين وياهم ليث
امير : حياكم الله
ام مهيب:الله يحيك يمه
امير:فدوة لعمرج شلونجن عيني
ردينا عليَ اني ورياهم ونزلنا
ياسر:شني هاي شو كلها عيونها ملونة ادكول بزازين
امير :هذا الورث الخايس امشي وانجب
يمشون ورانا ويحجون وصلنا يمهم سلمنا عليهم وعلى جدنا كلش هواي واكفين عمامي ولد عم ابوي دخلنا لبيت جدهم تلكتنا مراة بالباب
ام فهد :هلا وميت هلا
سلمنا عليها وراها بنات عرفتهن بناتها حيل حبابات سلمنا وكعدنه شوية ونزلنا اربع بنات من فوك ثنين سلمن وثنين لا وكفن على جهة ويباوعن علينا
حطوا الغده وجفصاتي متخلص
غزل :بنات خاف متاكلون هذا الاكل نوصيلكم من برا
قمر :عززاا غير خلصنا الصينية
كرصتني رياهم
قمر :اوي شبيج شحجيت هسه اني
غزل:هههه الف عافيه عمري
رياهم بهمس :اكو واحد هيج يحجي
قمر:شحجيت هسه اني اسكتي معليج اني اعرف احجي
شلنا وياهم المواعين اجيت اغسل ماخلوني ضليت كاعدة يمهن بالمطبخ حبيتهن حيل بس ذني يخوزرن بينا
ريم : تصعدن فوك ترتاحن
قمر:ياريت
ريم :يلا
كمت وراها رياهم كالت انتظر يوسف ابنها وبعدين تصعد لان كان يم مهيب
ريم:هاي غرفة وبيها حمام وهسه اجيبلج الجنطة مالتكم
قمر :عمررييي لا اني اجيبها يروحي
سبحت وبدلت ونمت اليوم نبات يمهم كعدت بليل هاي اني شكد نايمة مديت راسي من باب الغرفة ولا طير والبيت هدوء وبيَ ضوء خفيف حيل
ماندل شي اكو غرفة مقابيل غرفتي عبالي غرفة البنات فتحتها يمه غرفه ولد سديتها بسرعة ونزلت من اجينا شكد هسة ولا واحد باوعت لساعه بـ11 شنو دجاج نايمين من هسه باوعت من الشباك اكو ولد كاعدين بالحديقة
رحت للمطبخ جوعانة جني حرامي مطابخ امشي على طرف اصابعي فتحت الثلاجة بيها اكل بس مابيه حيل اكل طلعت تفاحة عود اريد اكلها انفتح باب المطبخ
واشتغل ضوء المطبخ باوعت احس صابتني موجه مال برد من شفتهه
علي:شسوين هنا
باوعت عليَ هذا شطولة شو من قريب طويل كلش احسة يريد يسحكني
قمر:جوعانة واريد اكل
أشر على ملابسي جنت لابسه تراك وبيَ كلاو فـ نسيت
علي:وهيج تنزلين
قمر:معليكك
اجيت امشي سحلني من ايدي
علي:من احجي وياج احترمي واحجي عدل
قمر:ميل ايدك لا الم عليك الدنيا هسة واسوي يومك اسود مصخم
نترت ايدي منه وصعدت فوك ادردم حتى ما خلاني اكمل التفاحة الادبس رجعت نمت بـ3 ثاني يوم كعدنا ضلينا يمهم تلاث ايام على انُ ضيف يضل تلاث ايام وراها شلنا لبيتنا
قمر:ضوجة خلونا نطلع
ابو مهيب : روحي للبستان انتِ ما رحتيلة
قمر:اكو بستان
ليث:بساتين مو بستان واحد احلى من الثاني
قمر:كوم اخذني
ابو مهيب: روحي انتِ وبنات عمج ليث عندي شغلة ويا
قمر:هو المن لبستان
ابو مهيب:لبيت عمي
صعدت فوك بدلت ملابسي هنا عدهم مشفت بنية تلبس تراك فـ لبست فستان ابيض وبيَ فراشات احمر ولبست شال احمر خليت واقي شمس لان شمس البصرة تكتل كتل رياهم وماما اجوا وياي رحنا لبيت عمي ابو ازهر وطلعنا بعدين اجن بنات عمي ابو نمر وابو غضب وابو حسنين
كعدنا بالبستان حلو كلهه ورد وزرع احنه هناك ببغداد مجان عدنا هيج ابد بيت بصف بيت بيت الشيخ يصير بكد بيتنا اربع مرات
انوار:خل اتصل على شهد يجن يمنا
اتصلت ردت شهد
انوار:وين انتِ
شهد: دايحة بالشوارع افتر بشرفج وين يعني
انوار:ومرض تعالي احنه بالبستان تعالي يمنا انتِ والبنات
شهد: اني ما اجي
انوار:ليش بلا
شهد:لان شركاتي توكف
انوار:خليني محترمتج وتعالي يلا
نص ساعة تقريبًا واجنن اجتمعنا وجابن حلويات وكعدنا ناكل ونسولف شبعنا ضحك وتعرفت عليهن اكثر نفس جوي
جان صيف واحنه طلعنا بـ5ونص بس هم حارة لكن كعدنا بـ فَي بـ6ونص
اجوا بابا وعمامي وعمة ولد عمه كعدوا يمنا شوية وراحوا جان يوم كُلش حلو
مرت الايام الوضع هدوء وماكو شي بيوم محد بالبيت بس اني وماما رياهم راحت لهلها ومهيمن بالدوام وغياث وغيث وليث كلمن بجامعتة ومهيب راح يوصل رياهم اهلها بكركوك وبابا كان طالع
اندك الباب من باب الصالة صحت منو
علي:مهيمن موجود
قمر: عرفتة من صوتة ابتسمت حيل صار هواي مشايفتة
قمر:لا طالع
علي:زين هاي اوراق من يجي انطيها اله
لكيت دشداشة ابوي على الحبل خليتها على راسي وفتحت الباب كان لابس عسكري طلعت بس راسي
قمر :وينهن
علي: ذني
قمر: اخذتهن اباوع بيهن صور ومعلومات مدري شنو سحبهن مني
هاي ليش
علي:بعدين اجيبهن
قمر:مالت اخوي جيبهن
علي:مو جبس هو سدي الباب وطبي جوا يلا
عافني وراح شكد خبيث ماخلاني اشوفهن دخلت ادردم رجعت الدشداشة لمكانها ورجعت بلشت المدراس جنت سادس اروح وارجع ويَ البنات
كانت وياي سحر نفس الصف بس هي اكبر مني لان عايدة سنة تصير بنت خال علي كانت تكرهني حيل عبالك عدوتها رغم اني معندي علاقة بيها وما احتك بيها ابد
سحر:انتو ليش رجعتوا للبصرة
قمر: اصلنا بصرة لازم نرجع لشوكت نبقى هناك
سحر :انتِ تحبين
ما انصدمت من السؤال وانما استغربت اول مره هيج شخص يسئلني هيج سؤال اني بعيدة عن هاي السوالف
قمر :لا بس ليش هذا السؤال
سحر : اريد اكلج شي
قمر:كولي
سحر :اني احب علي ابن عمتي من زمان حيل وهو هم يحبني حيل بس صارت مشاكل وطلع من البصرة وضلينا على تواصل طبعًا وبعدين هو انشغل بالدوام بس بعدة يحبني حيللل واني احبه اكثر
قمر:اي الله يسعدكم اني شدخلني
سحر:يعني خاف
قمر:خاف شنو
سحر:تحطين عينج عليَ ترا ميكلبج
قمر:انتِ هييي احترمي نفسج واحجي عدل شايفتني مثلًا حتى تحجين هيج كلام اني شعلية انتِ ويا ناركم تاكل حطبكم وهالمره راح اسكت المره الثانية حلكج اشكة اذا تجاوزتي حدودج وياي ترااني ابد مو سهلة وعلي تتهنين بيَ كطيعه كون
رجعت ادردم حقيرة حركت كلبي بس ضجت من سمعت يحبها
ازل:مابكِ يا اختا لماذا وجهكِ احمراء
قمر:وسما حتى سما احجي عدل لا اجي اطلع حركت بنت خالج بيج
طفرت عليه من الرحله الاولى
ازل:شصايررر
حجيتلها وهاي طكتها ضحكة اريد اسد حلكها ماكو وجهها صار احمر من الضحك
ازل:علي علي اخوي ااخخ يمه متتت يحبها ولج يمه هلهلي كرت عينج
قمر:وسم حتى وسم شبيج
ازل:وصدكتي
قمر:اي ليش
ازل:امداني لج علي يكرههم انوب يروح يحب سحر
قمر:ليش يكرههم
اختفت ضحكتها من سئلت هيج
ازل:مدام معدنا شي تعالي اسولفلج
كعدت تسولف عن طفولة علي وشلون طلع من البصرة كلشي كلشي
قمر:معقولة
ازل:والعباس ابو فاضل وراح يصيرلة سنة من رجع
قمر:صفنت بيها حيل هواي شغلات تصفن
حجيتلها عن هبه وشلون عدم مازن خلص دوامنا ورجعنا للبيت ضلت سوالف ازل براسي
قمر: مدري اني معجبه بيَ بس مو احبه حب حب حب فد مره لا اعجاب بشخصيتة عادي حالي حال البنات
دخلت لجوا كاعدين يحضرون بالغده سلمت وصعدت فوك
ثاني يوم صادف جمعة وطلاب السادس معليهم جمعة سبت يكعدون من الصبح حتى نخلص الغضب العدنا
قريت وبعدهي كمت على الشباك المنطقه هدوء بس صوت الطيور وبساتين يعني منضر حلو راحت عيني على بيتهم ابتسمت واني اذكر شكلة بيَ قبول حيل
واني صافنة شفتهه طلع لابس اسود بأسود حتى چفوف لابس اسود ونضارة ومخلي شماغ على وجه ممبين شي باوع يمين يسار لبس الشفقة سحب مسدسث من ورا حط بيَ طلق ورجع حطة ك بضهرة وتجهه للسياره
شخطها وطلع
قمر:هذا وين راح من صباح الله جنه حرامي الناس بيوم الجمعة تروح لجامع هذا لابس اسود جنه ارمل اسم الله الزهره
رجعت ادرس كعدوا اهلي بـ9تريكنا سوا وطشوا ليث صار صديق امير
...
اني قمر عمري 18 طالبة سادس عندي خمس اخوان ومعندي خوات
اخوي الجبير مهيب مزوج وعنده طفل ومهيمن وغياث وغيث وليث
عمامي اكبرهم ابو ازهر ورا ابوي ورا عمي ابو نمر عنده نمر وحسن وعلي وزينب وزهراء
وعمي ابو غضب عنده غضب وبركان وعبدالله والاكبرو عذراء واسراء
وعمي ابو حسنين عنده حسنين وحسين وكرار ورقية وبتول وفاطمة
عمات معندي خوال ثنين معندي خالات امي كذلك وحيده
صارت علاقتنا قويه ببيت الشيخ فهد وقرب موعد عرس الشيخ لكن صار شيء ما كان يخطر على بال احد ابدًا ومحد متوقعة ....
.......................................
راهب:ليش رجعت
علي:وراي وراي
نمر:منوو ولك
فر السيارة وطار بينا بغير طريق ورانا سيارة سوده
راهب:لكك لا تخبلنا منو ذول
علي:همَ ذول الهدف اريد اسحبهم المكان دنكوا لا افلش رؤوسكم
نمر:عمي تخبلت علينا شمالك
علي:دنك راسك وانجب
راهب:يعني هسه همَ ما شافونا مثلًا
علي: ههههه انجب بوية سوي اللي اكلك عليَ
نمر:زين شراح تسوي
علي:انجب
نمر:منين تطفى انت لطشت انجب وانجب
وصلنا بمكان مابيَ ولا بشر ولا طير طاير نزل هوَ وكال لا تنزلون الا اذا شفتوا الوضع اشتدد
نمر: يعني احنه نضل كاعدين هنا
راهب:ننتظر ونشوف
نمر:نزل الجامة خل نسمع
راهب:يااخي انجببب
نزلوا واحد شعرة ابيض يعني جبير بيده مسدس علي جان واكف ومخلي ايده بجيوبه اجه حط المسدس براسة وثنين صاروا بضهر علي بيدهم سلاح
نمر:انا اخو باشا الوضع اشتدد
سحبنا سلاحنا
راهب:اوكف لا تنزل خل نشوف شراح يصير
_اجيت والله جابك اني ما كتلت ابوك بس اجيت اصفيك حتى احرك كلب ابوك مثل ما حرك كلبي وعدم اخوي
علي: هه خوفتني والله كمت ارجف تكتلني مو عبالك ماكو قانون يكسر ضهرك
_لو اكو قانون ماضليت كل هاي السنين. اقتل براحتي ومحد يلزمني اني سامر يعلي ما الزم بسهولة
علي:وانا علي محمد اذا نمت بسابع كاع اطلعك واسوي بيك مثل ما سوا الوالد بأخوك انتَ وذول جلابك الجايبهم وسلاحك الحاطة بوجهي ماتهز شعره من شواربي
_ تشاهد على نفسك والله لخلي امك تلطم عليك مثل ما لطمت امي على اخوي
علي: ديلا اذا انتَ زلم سويها وخلي امي تلطم عليه مثل ما امك الي لمتكم من الزباله علمود تقنع ابوك انُ انتم ولدها مو ولد حرام وبايكتكم من ناس فقراء وطلعتوا ازرب من امكم وجذبتوا الجذبه وصدكتوها يا سامر النغل
مباشرةً سحب اقسام واحنه نزلنا ذول توجهوا علينا
_كلهم يتراجعون لا اقسم بالله افجر راسك
بحركة سريعة من علي ضربة على ايدة وكع المسدس ولزمهه وذول وكعوا بيدنا
علي:ها يالنچر صادوك
_اخذتني غدر جايب وياك ذول
علي: انجب لك حيوان لعبت بناري تحمل حركها
ضربه بالمسدس على راسه فقد اتصل على فهد صديقنا الضاهر مضبط الوضع احنه انسحبنا وراها ساعتين اتصل فهد
علي:ها عيني
فهد: كلشي تمام وحسب ماتريد
علي:عال العال عاشت ايدكم
راهب:شراح تسوي بيَ
علي: قبل لا اسوي شي اكو اوراق جدًا مهمة لازم اطلعهن من ايدهم
نمر :وين ذني
علي: بالمكان اليتواجدون بيَ وهذا المكان صعب الدخول اله يراد تفكير وكعده وتخطيط هواي
نمر: تمام احنه وياك
وصلنا للمنطقة
علي:نلتقي باجر بليل بيتي الثاني واشرحلكم شنو نسوي
وصلتهم ورجعت للبيت اول ما دخلت صارت بوجهي امي
ام فهد :وين جنت راح كلبي
علي:اسم الله على كلبج يالحنينة جان عندي شغل كضيتة واجيت
ام فهد :وين هذا الشغل
علي:ببغداد
ازل:والله حسستني بغداد ورا البيت كد ماتروح وترجع وعندك عادي طبيعي شوكت ماتروح عادي
علي:اي طبعًا عادي لان متعود وسيارتي جواي شنو يلزمني بعد
ازل:چا كول خواتي خل اطلعهن وياي عاد بس فرونا بالسيارة ورجعونا والله عيب البصرة كلشي مااندل بيها واذا سئلوني عن منطقة مادري هي بالبصرة او لا
علي:بالعه راديو بعدين نطلعجن
ازل:النا الله احنه البنات مضلومات بالمجتمع لا نطلع ولا هاي اقوى طلعة لبيت عمنا والبستان والمدرسة واذا كلش طلعنا لزيارة وبالسنة مره ومرات ماكو واذا طلعنا طلعنا لغير بستان نروح والله يالله
دك تيلفوني فهد
علي:ها فهد
فهد :ذول عدهم واسطة قوية الزم عليهم دليل بأقرب وقت خلال أسبوع ممكن يطلعون وهذا انجلد جلد وماجاي يحجي شي
علي:ماشي انا اكمل الباقي انتَ بس خلي يمك واحذر لايصير بيَ شي واذا صار شي دير بالك اطلعه للمستشفى اتصل عليه
ضليت اشتغل على قضيتهم في سبيل انُ اعرف مكان الاوراق هو هذا الدليل اليوصله للاعدام
طلعت لكيت راهب واكف كالب وجهه
علي:شبيك
راهب:هذا الكلب ابن الكلب صارلة أسبوع يحمس بينا مركة عدس
علي: وهسه انت كالب وجهك على مود مركة عدس
راهب:اليوم عدس والبارحة عدس واول البارحة عدس من عدسوا روحك بنار جهنم
علي:كافي راح تبچي مادري بيك هيج تخرب على بطنك
راهب:كلشي ولا بطني بطني خط احمر احرك الدنيا عليها
علي:روح للبيت اكل وارجع وانا اسد مكانك
راهب:وهذا الكاعد جوا جنه راس ركية
علي:امشي ولي انا اسد مكانك بس فكنا وروح
ابتسم وضرب التحية وراح رجعت اكمل شغلي لـ4العصر طلعت للبيت وصلت لكيتهم مجتمعين
علي:السلام عليكم
الكل:وعليكم السلام
صعدت فوك بدلت ونزلت يمهم يردون يرحون لبغداد
علي:شعدكم
الجد:لابن اخوي
علي:رسول
الجد:اي شعرفك بيَ
علي:التقيت بيَ بالصدفة
الجد: بلكت الله يقتنع يرجع
علي: من التقيت بيَ كلي سلملي على جدك صار مدري شكم سنة
الجد: وانتَ اليوم يلا وصلت السلام
علي:المهم وصلتهه
الشيخ :باجر نروح ونشوفه اقتنع خير على خير ما اقتنع نرد عليَ مره ثانيه وثالثه لحد مايقتنع
الجد:ان شاء الله چا امير شو ماكو
غزل:فوك يقرا
الجد:دروحي صيحي عندي موضوع وياكم مادام ابوج موجود واخوانج كلهم
صعدت غزل صاحت امير ونزلوا
امير:ها هيج امير غالي واشتاقيتلوا
الجد:تعال اكعد بمچانك وخل احجي وياكم
البارحه بليل يمي ابو غضب وخطب غزل لغضب ابنه والولد والنعم منه ومابيَ قصور واهله ناس نعرفهم ومانلكي احسن منهم
ابو فهد:والنعم منهم بس الرأي الاول والاخير لغزل لا الي ولا لخوانها
الجد: اكيد بوية لچن كبل لا اسئل البت اسئلكم وانتم بوية شباب وهو بعمركم تعرفونه شلونة
امير:بالنسبه الي علاقتي ويا سطيحة بس ماسامع ولا شايف عليَ شي موزين
اسد: غضب زلمة والنعم منه بالنسبة الي موافق
الجد:وانتم بوية فهد وصهُيب وعلي
الشيخ:الولد ما شايفين منه شي موزين بس رأينا من رأي غزل اذا موافقة احنه موافقين واذا لا الله يوفقة
التفت جدي لغزل وكال
الجد:ها بويه شكلتي
الجدة:الفرخه راح تموت وجها صار احمر خلوها يمي وانا اجيبلكم رأيها ومو مخلينها بنصكم وتردون تجاوب
ترخصنا وطلعنا من يمهم بليل التقينا انا وراهب ونمر
راهب:شراح تسوي
علي: الاوراق لازم اجيبهم على وفق هاي الخطة
نمر: بيها خطورة
علي: كلها بيها خطورة منين ما اجيبها خطرة بس الاوراق ما اعوفهن
راهب:خوش وياك احنه
علي: كوموا يلا خل نطلع
نمر:لا انا اريد احجي ويَ المراة
علي:يامراة
راهب:اخونا طاح بالحب على وجهه
علي:ياهي ولك
راهب:الزكها بالحايط
علي:هههه حب من اول لزكهه
نمر:اكلوا خرا وامشوا اطلعوا برا يلا كواويد طايحين الحظ
علي:بشرفك عشكتها من رزلتك وكلتلك امداك وامداه شورابك لو من كلتلك اكل خرا ووخر من وجهي
نمر:والله نذل لا عيني عشكتها من كالت سوده عليه يعمري
راهب:واي واي واي سوده عليه يعمري
علي:عشكتك تعال
نمر:اطلعوا
علي:كوم انت اطلع برا
ورا فترة رجعوا بيت رسول واكف بالباب اراسل بفهد وهمَ وصلوا نزلت الطركاعة السودة ضلوا يمنا 3 ايام وراها راحوا لبيتهم
ماتركت هاي القضية ابد مره طلعت العصر اجاني صوت شخص من ورا
فؤاد:شلونك ابن خالتي
علي: انتَ ماتميز الخالة من العمه چا شكد اغم
فؤاد: لا اميز واعرف امك تصير عمتي بس انا متعود اصيلحها خاله
علي:تخلخلت ضلوعك
اجيت امشي سحبني من ايدي
فؤاد:اريد احجي وياك واسمعني زين
علي:نزل ايدك لا اكسرها الك وكل كلام ماعندي وياك بينا الايام تحكم لو انا لو انت نعيش بسلام
فؤاد:انا مو سهل لا تحط راسك براسي
علي: وانا صكارك وصكار ابوك خل افرغلك اعلمك المو سهل شلون يصير يروح الماما
تركتة وكملت طريقي تواصلت ويَ شخص دكلي صدرة وكال انا اجيبلكم الاوراق ضليت انتظر اسبوع وهو ماكو بالاخير كال
_ حاولت ادخل بس المكان خطر واخاف عبارة عن نفق ويدخلك بأكثر من طريق
علي:چا ليشش دكيتلي صدركك وكلت انا وانا وصار اسبوع انتظر ليش ما اجيت من البداية وكلت ما اكدر
_كلت بلكت اكدر بس ماكو فايدة لهيج ماكدر
علي: خرا بساعتك وخرا بيك وخرا بالكلك روح انا كواد من البداية لو مولي
راهب:كافي اهداء
علي:ضل بيها اهداء مو كتلك اسبوع اذا ماكو يروح كلشي وحضرته جايني ايد ورا وايد كدام
تركتهم وشغلت السيارة وطلعت للمركز فتحت الملف مالتهه شكد مسوي مصايب بس المشكلة ماكو دليل يثبت هذا الشي
بليل رجعت للبيت ثاني يوم الصبح طلعت لمكانهم لو انا لو همَ طبكت السيارة بعيد عن مكانهم التفت وراي راهب نمر
علي:الله يطيح حظكم
نمر:وحظك حبيبي
راهب:عبالك نعوفك مو
علي:امشوا امشوا ادكول خيالي وين ما اروح وراي
المكان كله حراس بشكل مكثف عصابة بعد
نمر:هاي شلون ندخل
لفيت الشماغ على وجهي وضميت سلاحي وتوجهت الهم وراي راهب ونمر نفس الشي
علي:السلام عليكم
_وعليكم السلام
علي:حجي سامر موجود
_منو حضرتك
علي:من طرف سلام وياي امانة لازم احطها بيده
_حجي سامر حاليًا مشغول
علي: بس لازم اوصل هاي الرسالة
_ انطيني واني اوصلها
علي:لا ما اكدر
_دقيقة
راح هو يخابر وبعدين دخل جوا
نمر:هسه يحصرونه جوا
علي:ليش ماتاكل خرا احسلك
شوية وطلع كال تكدرون تدخلون دخلنا المكان مغلق بالكامل عبارة عن نفق ومنين ما تلتفت حارس وصلنا لغرفة لكينا واحد كاعد متوسط العمر
_شنو الامانة
علي:تسلمني الاوراق العندك بالكامل اسلمك الامانة هذا شرط
صفن شوية ورجع كال
_ما اكدر اسلمهن
علي:انتم الخسرانين
_لا خلص سلم اسلمك
علي: ماحزرت سلم تستلم
طلع ملف كامل بي هواي اوراق اخذتهن منه كلبت بيهن هنه المطلوبات ابتسمت
_سلم
علي:الحكنا
سحبني من ايدي وكال
_لا تلعب وياي سلم
علي: ماحزرت التسليم برا الشرط الثاني عجبك استلم ما عجبك براحتك
كملنا طريقنا وكفنا بعيد عن المكان اجوا ويا حراس ثنين
التفت لراهب ونمر وكتلهم
علي:اسبقوني لسيارة
غمزتلهم افتهموا وراحوا سلمتهه ورقة وطلعت بسرعة
راهب:حرك شمنتظر
علي: انطيني مجال ابو الغيرة نمر باوعلهم فتحوا الورقة
نمر : اي واكف
علي:خوش امانة
راهب:شكاتب بيها
علي:مو انا سامر كتب بيها تهديد
راهب:وتقنعني سامر كتب وحدة
علي: لا طبعًا نضيف شوية من لمساتنا المتواضعة
نمر:الله يستر منك
علي:خلصت من الراس الجبير بعد الصغار
راهب: لا حول لله
علي:انجب واسكت
وصلتهم للبيت ورجعت للمركز دخلت لسامر
علي: جبتهم
_شلووون
علي: انا علي ما يصعب عليه شي هسه الدليل موجود انتَ بعد كدام المحكمة تكعد تمثل وتعترف غصبًا على راسك وراس الخلفوك
_الله ياخذك الله ياخذك الجلاب شلون هيج ينطوك بسهولة شلون
علي: احجي براحتك اخر ايام الك بالدنيا
واحد ورا واحد القيت القبض عليهم كل واحد يعترف على الثاني بلشت محكمة سامر وحكمت اعدام
علي: باي حجي سامر
_نذل والله ما اعوفك
علي:ديلا خوش روح اشرب ماي نشف ريچك من البچي هههه
طلعوا من المحكمة ورا فتره تنفذ حكم الاعدام الباقي نحكموا مؤبد واعدام لان سوالفهم كلها قتل وخطف واغتصاب وانواع واشكال
علي:خلصت شغلي بالبعاد اجوا الكرايب
نمر: راهب سويلي درب خل اطلع اليوم الكرايب يخلصهم ورا يكول ابلش بالاصدقاء
علي:دانجب واكعد لا اكوم ارفس بطنك
راهب:اكعد يمعود لا يصفينا خل نسمع نفذ وانجب
علي: اجه دور فؤاد
نمر:هلا وياك انا
راهب:انت شفتهمت حتى ويا
نمر:افتهمت ماعليك
راحوا نمر وراهب وضليت كاعد هواي شغلات براسي قاطع تفكيري دكت الباب
علي:يابه
ابو فهد: اي ابوك
دفعني ودخل جوا الله يستر
ابو فهد: جيب الاوراق العندك بسررعة
علي: يا اوراق
ابو فهد :اوراق سامررر
صفنت بوجهه
ابو فهد:جيب الاوراق
علي:سلمتهن مو عندي
ابو فهد:انا مو طفل وتضحك عليه بهذا الكلام الاوراق عندك طلعهن احسلك
علي:شسوي بيهن
ابو فهد:شعليك شسوي بيهن لا تخليني امد ايدي عليك
علي:كلي شتسوي بيهن
عافني وراح للغرفة الاوراق هناك مارحت ورا طلع لازمهن بيدة
ابو فهد :سامر وين
علي: انعدم
ماحسيت غير اجاني راشدي فر وجهي فر
ابو فهد : ليششش تصرف من كيفك
علي:شمصررف شغلي هذا لا انت ولاغيرك يدخلون بي
ابو فهد:عدمت سامر علمود الماضي مو
علي:الماضي او الحاضر هذا شغلي وهو مجرم
ابو فهد:سامر ماعلية اخو القاتل مو هوَ
.............................
امير:عيشه ضراط
ياسر:شتريد ومرض
امير:حريشي الحرشك مخلصها اكل ونوم صاير جنك برميل مال نفط
ياسر:غير يستقر دبة الغاز
امير:لغسل
الجدة:بسكمم ولكم شرايج شني
امير: احلى شريچة سوسو
ياسر: رورو الشريچة الكفو
كمنا طلعنا ندور مصايب افترينا محد
ياسر:تعال نرجع نقرا لا يجينا الشيخ
امير:بس يحجي كله ترا اخلي اختي اطلكك
ياسر: يعفطلي هو واختي
امير:طيح الله حظك
شفنا طفل كاعد بيدة جبس
امير:افتحة الك
الطفل:لا
امير:انجب وجيبة افتحة المن ضامة
ياسر:حتى الطفل ماخلص منك لحكتة على الجبس
امير:اريد افتحة
فتحت واخذت من عنده ورجعت اله وهذا ضل يصرخ
ياسر:ابو نفس الدنية
رحت لبيت خالي دكيت الباب على كيف محد يفتح صعدنا ثنينا على الباب وضلينا نصيح
ام ادم:دهر دهركم عبالي احتركنا شمالك ولكم
ياسر:افتحي الباب مرت خاليييي صار ساعة ندك
اجت فتحت الباب
امير: وين خالي اشتاقيتلة
ام ادم:اشتاقيتلة لو سويتلك مصيبة
امير:افاااا عليج انا ابن نويرة اسوي مصيبة
ام ادم:فوت فوت الله يستر منكم
دخلنا لجوا لكينا خالي نايم بالغرفة
صرخنا ثنينا سوا
ابو ادم: انعل ابوكم ولد الجلاب شتردوننن
امير:الخال والد نريدك بشغلة
ياسر:شغلة حياة وموت
ابو ادم: صبرك ياربي شعدكم
ادم :ولكم انتم هنا والطفل يصرخ برا
ابو ادم:ياطفل
ادم: فضل ماكلين الجبس مالتهه
ياسر:جذاب اامير اكلت
امير:لا
ابو ادم: ربي صبرك شوكت تكبرون بعد خالكم شوكت بس كلولي واحدكم اللي بعمرة عرسوا وخلفوا
ضلينا يمهم للعصر كلش رجعنا للبيت صعدنا نقرا
امير:حامض صرتلك يمن انتَ صرت قاعدة
ياسر:وبوسط كلبي انصبت من العشك قاعدة
امير:داعش عليه صرت لا بل صرت قاعدة
ياسر:لازاد غزر ابد ليكون ناقص ملح
امير:لحيت احس بس بعد كافي ملح
ياسر:جدول حوامض حفظ وقاعدة حتى الـ ملح
امير:ولاتنسى مي ونحط من انفكك القاعدة
ياسر:السادس چتال صاحبة
امير:السادس چتال الزلم والنسوان
خلصنا بـ10 بليل نزلنا لكيناهم كاعدين
امير:اي مجتمعين جمعة خير ان شاء الله
صهُيب:اليشوف وجهك يشوف الخير
امير: حجه الازرك
صهُيب:غير يستقر مهند التركي
ام فهد:رؤيسه
علي: صهُيب صديقك يريدك بالباب
امير:ليش تغمزلة
علي:اتحرش بيَ
امير: محمد ربي ولدك عدل لا ينزلون سمعتنا
الجدة:محمد يلعب وياكك شني
امير:حطت روحها ابوي لو ابوج بكيفي
الجدة:خاييبن بردولي كلبيي بنعال
امير:شني النعال بارد
ابو فهد:بسكك ولك السانك شطولة
شهد: اريد اشتري
امير: خايبه انتِ محد ياخذج ويخلصنا منج
شهد:لا كاعدة على كلبك
الجد:غزل ماردت خبر
الجدة:موافقة
امير ياسر :كلللووووووشششششش
امير:ايييي بالله انفكت الچبسة راح يمشن واخلص منهن ومن طلباتهن يالله
الجدةمال الغسل يهلهلون بعرس اختهم
امير:بكيفنا بسرعة زفوها بدون حاضر وغايب هيج بملابسها وذني هم خل نخلص نويرة مخلفة درزن
ام فهد:كش اسم الله شمالك ولك
ازل: كاعدين على كلبك عناد بيك
امير:انتِ الياخذج نطلب منه يسامحنا دنيا واخرة لان مو مراة فلك اسود
عسل: مغثوث من عدنا
امير:وانتِ هم هذا شوكت ياخذج
الشيخ:وانتَ ماكو وحدها تاخذ وتخلصنا منك
امير: اي طبك وي خواتة الي الله يمه جوعان
ام فهد :يمه اشوف بوجهي مطعم وين ماتشوفني وكلت جوعان
قاطع كلامنا دخول خالي ابو فؤاد
ابو فؤاد: ثاري وياك ماخلص يعلي
شكرا لزيارتكم عالم روايات سكيرهوم
