رواية نقطة تحول الفصل الرابع عشر بقلم جمانه السعيدي
قيس اخذي وقتج وفكري زين بس صدكي مراح تلكين واحد يحبج ويقدرج بكدي
عبير بس اني ما اعرف عنك اي شي
قيس اني راح احجيلج كلشي بس ما اريد تحكمين عليه بلماضي اني قبل جنت زغير وماعندي تجارب بلحياة
بس هسه لا اني حبيتج بعقلي قبل كلبي
ولاتتخيلين اني حبيتج علمود منصب او راتب اني كل هاي الأشياء ماتعنيلي شي
انتي لو جنتي بت السايق مو المدير العام اني هم احبج
واريدج
عبير يمكن اني ضامه عليك سر وانت ماتعرفه
قيس اي شي قابل بس قضية شرف لا ما اقبل
اني ابن عشاير وراح اخليج بعيوني
عبير اني بعدني ما اعرف عنك اي شي
قيس اني هسه راح احجيلج كلشي
اني من جنت مراهق حبيت بت الجيران هذا الحب الي يوكع بي كل المراهقين
بعدين هي ازوجت وعافتني بعد حب ٣ سنوات
الصراحه انصدمت بخبر زواجه حيل
والهذا السبب دخلت كليه عسكريه حتى ابتعد ومآ اشوفه ولو بلصدفه
بعدين اكتشفت هي عدها ابدال العلاقه عشره
وانفصلت ورا زواجها ٦ اشهر
وحاولت ترجع العلاقه وياي بس اني رفضت لان عرفته على حقيقتها
جمانه السعيدي
رجعت ازوجت مره ثانيه وبعد ما عرفت عنها شي
ورا تخرجي بسنه امي صممت ازوج بما اني الجبير
وخلاص اتخرجت
لازم ازوج واكون اسره
بعدين قررت ازوجنا اني واخوي ميثم الازغر مني سوا
هي راحت اختارت بنيه على ذوقه اني شفته او وافقت
جنت متئمل احبها بعد الزواج بما ان ماكو اي وحده بحياتي
اولا بدت تتذمر شلون تروح البغداد وتعوفني
عجزت أكلها دوامي هيج
كان ردها لا انت اكيد عندك وحده بغداد
ردت المشاكل تخلص والحياة تمشي وياها بكل طريقه ومآ فاد
صديقي كال اكو شقه تنباع يمنا واكدر اخلي صاحب الشقه يقصد فلوسه ليش رايح وراجع وزوجتك هناك والطريق طويل
اني وافقت ورحت شفت الشقه حيل عجبتني واتفقت ويه صاحب الشقه ادفع نص المبلغ والباقي قسط
جمانه السعيدي
وجبته واجيت هنا بس يا سبحان الله ابو طبع مايغير طبعه ابد
بدت تخلق أعذار ودور مشاكل
ساعه نكول اني محبوسه
ساعه تكول اريد اروح الاهلي
ساعه انت تتأخر عليه
مره اجيت لكيتها متعاركه ويه الجيران لان غاسلين باب شقتهم والماي واصل الباب شقتنا
وهي ستوها منضفه
بعدين كامت تلح على موضوع الجهال رحنا الأكثر من دكتور يكول ماكو شي اثنيينكم مابيكم شي
جمانه السعيدي
ساعه اشتريلي ذهب فلانه رجلها اشترالها وانت ماتشتريلي
الراتب كان بوقتها مو هواي واني ادفع نصه قسط للشقه
والباقي مصرف وتعرفين العيشه بغداد غاليه
تعبت منها حيل وطلعت روحي
واني ساكت وصابر
وبيوم رجعت لكيتها ما خذه ملابسه وغراضه وطالعه
خابرت عليها ما ترد
خابرت اهلي كالو مانعرف عنها شي
خابرت اهلها كالو هاي عدنا
اني صرت عصبي وكمت اصيح شلون تطلع بدون ما تكول
اني ليش ما ادري بيه
اني زوجها لو حايط هنا
ايجوز اندعمت صار عليها شي هم يكولون انت مو زوجها ليش ماتدري جمانه السعيدي
ابوها كال تعال ونتفاهم
اني قفلت ما اتفاهم ترجع وحدها مثل ما طلعت وحدها
ابو ها كان شرطه ابيع الشقه واشتريله بيت يم اهله وترجع
منيين اجيب فلوس البيت هي شقه وبعدني ادفع اقساطه
اخر شي توصلنا الحل ننفصل اني وياها وادفعله كل حقوقها
وفعلا انفصلنا اتصدكين كرهتني بلنسوان كله
وقررت بعد ما ازوج ابد مو انسانه طبيعيه لاتحتمل
ورا طلاكنا بخمس اشهر دزت عليه خلي يرجعني واني اصير خدامه تحت رجله
عبير وليش ما رجعته يجوز تندمت
قيس ايباخ ارجعه اني لهسه اوفي بلنذور لان تخلصت منه هسه لو تبقى اخر وحده بلدنيا ما ارجعها ابد
جمانه السعيدي
قيس هسه انتي عرفتي كلشي عن حياتي وبكيفج بعد
عبير يعني اني ثالث وحده بحياتك شهريار زمانك
قيس ولله صدكي انت الأولى والاخيره للإحساس وياج غير اول مره احب دوامي وودي ما انزل اجازه
وين ما اروح اتخيلج كدامي
عبير من حقي اخذ وكت وافكر وبعدين ارجعلك خبر
قيس عادي ماعدي مشكله انتضر كل العمر
عبير بعد ما تتصل اله شي ضروري
قيس ليش هيج الكطيعه مو زينه
عبير من حقي اعرف افكر واختار صح
قيس زين ايصير امي تسلم عليج يوميه وتطمن
عبير ههههههه هههههههه هههههههه خرب ولله لوتي
قيس فدوه الهل ضحكه الحلوووه
عبير تصبح على خير
قيس وانتي من اهل الخير
سديت التليفون ورحت بغير عالم احبه بس ما اعرف ليش خايفه
خاف يزعل من يعرف اني ضميت علي الحقيقه
خايفه اشوف خالي وارجع اذكر كلشي صار وياي ومآ اكدر انسى
راسا اجتني رساله اتوقع من قيس
فتحته لكيته من مؤيد ما اعرف منيين يجيب رقمي
هلو عبير لو تعرفين شكد مشتاق اللج
اني قررت ارجع للعراق واشتري بيت وارجع اخطبج
اي شرط تخلينه اني موافق علي
بس ارجعلي ولله احبج
عبير ياربي شلون بلوه هاي شيخلصني منه
كتبتله
اني انخطبت وعن قريب ازوج اطلع من حياتي رجاء
شوف وحده غيري اني بعد حتى حجي ما اكدر احجي وياك
مؤيد شنووو شنووو عيدي ما افتهمت شنو انخطبتي هو بكيفج اني منتضرج صار اربع سنيين وانتي تكولين هسه بكل بساطه اني انخطبت شني انخطبتي
جمانه السعيدي
عبير اني ما مواعدتك بشي وأعتقد جانت مجرد خطوبه وانتهت انت ليش ماتفهم
مؤيد اني افهم شي واحد انتي اليه ولله اخرب واكسر
وادز صور خطوبتنا وانت بحضني الخطيبج
عبير خليك راقي وهاي السوالف مال الزعاطيط عوفها
اي شي تريد تسوي عادي سوي ما يهمني ابد
هاي الصور جانت بحضور اهلي واهلك
وهاي حفلة خطوبه مو عزيمه واني وياك كاعدين وحدنا
بعدين اني مراح اضم شي على خطيبي
دز الصور خلي يشوفها لان اني النسخه العندي مال الصور حركته
انت ماتهددني شتريد تسوي سوي مايهمني اني ما مسويه شي غلط
وبعد لاتتصل ابد افتهمت راسا انطيته حضر
شكد جنت فرحانه عكر مزاجي الحيوان
اكيد اني ناويه احجي كلشي القيس قبل لا يصير اي شي رسمي بينا
رحت حجيت العمتي وكتله تروح الام رنا تكله خل تحجي ويااا اني ما خايفه منه بس كافي يزعجني خل يطلع من حياتي خلاص كلشي انتهى بينا
رحت للدوام ثاني يوم وجان قيس منتضرني جان هذا اخر يوم بلاسبوع يداوم بي باجر راح تبدي اجازته
بس شافني ابتسم دخلنا وسلمنا علي اني دخلت المكتبي
جنت لابسه بنطرون اسود قماش وبدي اصفر وجاكيت تور ابيض وحذاء وجنطه ابيض
الصراحه مزاجي مو تمام من ورا مؤيد شلون افهمه يبتعد
عن حياتي
صارت بلعشره وماطلعت للكافتريا
بلعشره وعشره اجاني اتصال من قيس
عبير الووو
قيس صباح الخير
عبير اهلا احنا شكلنا مو ماكو اتصالات
قيس ماكو اتصال افتهمنا ام كلب القاسي زين ليش ما اجيتي للكافتريا
عبير ضايجه اليوم اكو موضوع حيل مضوجني
قيس افه اضوجين واني موجود كولي منو الي مضوجج
واني امحي من الدنيا كله
عبير اي اني اريد احجيلك بس مو هنا
قيس وين تردين اني وياج
عبير قبل لايخلص الدوام راح اطلب اجازه حتى احجيلك كلشي صار وياي
طلبت اجازه وطلعت وكلت العمو محسن اني راح اطلع اني وقيس نتغدا برا كال تمام بس لاتتاخرين ويضل بالي عليج
طلعنا بسيارة قيس ورحنا مطعم قريب
طلبنا اكل واني بديت احجي بلموضوع
عبير اني اريد احجيلك هذا الموضوع لان اني اثق بيك وبس لاتعتبره تبرير مني او توضيح الاي موضوع
اني بس احسك انسان فاهم وعندك تجارب بلحياة
وممكن تساعدني بهذا الموضوع
قيس كولي جاي اسمعج
عبير اني من جنت بلسادس خال صديقتي شافني وخطبني
ولد اكبر مني بعشر سنوات ويدرس بامريكا
ضل أيلح بموضوع الخطبه واني كلت انطي فرصه
وفعلا تمت الخطوبه وقررنا الزواج بعد سنه
قيس اي كملي
عبير بعدين سافر واتفقنا للعطله الزواج
ومن يتصل يطلب مني شغلات مو حلوه
واني جنت ارفض ومن ارفض يصير عصبي ويكوم يغلط
ويحجي بس اني صممت على رائي
اي شي مراح يصير بينا اله بعد الزواج
وبيوم اتصل بيه وجانت ويااا وحده بوضع مو تمام
وجان سكران وبدأ يحجي عليه وكال اني اكدر اجيب بدال الوحده عشره
اني من شفت هذا الموقف تخبلت راسا فسخت الخطوبه
وصار اربع سنوات يطاردني مايقبل يعوفني بحالي ابد
وهسه يهددني لو يرجع للعراق ونزوج لو ينشر صور خطوبتنا
قيس وشنو هاي الصور
عبير تعرف صور خطوبه بس اهلي واهله جانو موجودين
اني ما مسويه شي غلط جانت خطوبه رسميه
اني ما خايفه على نفسي خايفه على سمعت اهلي
قيس بس هيج انتي ماصار بينج وبينه شي
عبير ما اسمحلك شنو صار بينكم شي
قيس لاتزعلين انطيني رقم تليفونه حتى بالانتر بول
اشتكي علي اذا ما انعل والدي
عبير بس ما اريد فضايح
قيس اعتبري هاي الشغله محلوله
