رواية ذئاب بلا رحمة الفصل الثالث عشر 13 بقلم خديجة السيد

بداخل جناح الكينج :- زينه نايمه على السرير

الخادمه تهز كتفها وتقول : يا هانم يا هانم اصحي بسرعه 

زينه تصحي بخضه : ايه في ايه....هديه جري ليها حاجه 

الخادمه : لا البيه جي تحت في اوضه المكتب و عمال يكسر في كل حاجه 

زينه بدهشة : ايه ليه ، في ايه اللي حصل 

الخادمه : مش عارفه ولله ، يا هانم مالة

زينه تقوم : طب روحي انتي 

زينه تخرج و تنزل السلالم و تسمع صوت تكسير جاي من المكتب و تروح تقف قصاد الباب بتردد و خوف و تحسب امرها و تفتح الباب وتدخل، تتصدم من شكل الاوضه المتكسره بعنف و هو واقف باين عليه الغضب 

الكينج يحس بحد و يلف : انتي ايه اللي دخلك هنا 

زينه بذهول : أنت إيه اللي عامله في الاوضه ده 

الكينج بزعيق : انتي مالك 

زينه تتفزع من صوته : انت كويس 

الكينج بصوت عالٍ : ما كويس ، شايفاني مجنون قدامك 

زينه تقرب منه رغم خوفها : انا ماقلتش كده بس ، في ايه لكل ده ، اهدي بس و تعالي اقعد 

الكينج بغضب اعمي : انتي مالك بيا ، وايه اهدي دي.... اوعي تنسي نفسك و تفتكري انك مراتي بجد ، انتي هنا عشان بنتي وبس

زينه بصدمه من اهانتها : صح عارفه... انا بس حبيت اطمن عليك مش اكتر 

الكينج : قلت ملكيش فيه 

زينه تقرب وتحط أيدها على كتفه : انت مالك بس ايه اللي حصل ، أول مره اشوف كده 

الكينج : -------------- 

زينه تتنهد : خلاص انا اسفه .. انا همشي 

زينه تلف تمشي ، تتفاجاه بحد بيشد أيدها و تخبط في صدره العريض

زينه بصدمه : في ايه ، اوعي أيدي عشان هامشي 

الكينج بصوت غريب : حتي انتي كمان هتمشي و تسيبيني زيهم!  

زينه : مـ مش انت اللي مش عاوزاني 

الكينج يشدها عليه و تبقي في حضنه و يهمس بصوت ضعيف : بالعكس عاوزك .. عاوزك اوي 

زينه تبصله بذهول من تحول فجاه 

الكينج بقرب و يهمس في اذنها : ساكته ليه 

زينه : هااا لا مفيش ، انا هطلع أشوف هديه عن اذنك 

الكينج يشدها اكتر : قلت ما تمشيش...انا عاوزك

الكينج يقربها منة و زينه بتغمض عيونها و هو يلتهيم رحيق شفايفها بعمق كبير.... لعده لحظات و يبعد عنها و يسند على جبتها و بتنفس جامد و يميل تاني برأسه يبوسها مره ثانيه

زينه تبعد بسرعه : بلاش...انت سكران هتندم بعد كده 

الكينج بوجهه بلا تعبير : انا مابندمش علي حاجه بقيت اعملها 

وتفتح فمها لتتكلم ليسكتها بشفايفه ويبوسها جامد.. و يضمها بقوه لصدره وهو يحكم من احتضانها....لتغيب هي معه....كانه اخذها في عالم اخر....و يرفعها من الأرض و لسه بيبوسها  بنهب شديد و ترفع ايدها حول رقبته.. وينزلها على الاريكه بهدوء...ويستمر..... في التهيهم

و من احتضانها اليه لتشعر هي بيديه و هي تحاول نزع ملابسها برفق 

وحس هو برعش بجسمها....لينشر قبلات رقيقه متفرقه ليطمنها بيها حتي انتهاء من نزع ملابسها....ليحتضنها و ينهال عليها من قبلات بلا نهايه...علي وجهها و رقبتها و...سرعان ما انتهى كل شي و استسلام...جسدها...بجسده..

______________

في الصباح في شقه شريف :- 

شريف يخرج من الاوضه : صباح الخير يا ماما

ام شريف : صباح الخير يا حبيبي ،تعالي افطر عشان تلحق شغلك 

شريف : لا انا مستعجل ، سلام 

امه شريف : سلام ايه استني 

شريف يقف : في ايه 

امه شريف : في ايه نسيت مراتك ، ما توصلها معاك الكليه

شريف بضيق : ماما مسمهاش مراتي ، اسمها بنت خالتي وبس 

ام شريف بحنق : طب يا خويا وصل بنت خالتك معاك حلو كده 

شريف : بقولك مستعجل 

ام شريف : استني ، وانت كده هتتاخر لما توصلها في طريقك 

شريف بنفخ : طب يا ماما ، اندهي عليها عشان الحق 

ام شريف : ما تدخل انت ماهي مراتك 

شريف : تااااني

ام شريف : خلاص خلاص.... يا شهد بت يا شهد

شهد تطلع : ايوه يا خالتي عاوزاه حاجه 

ام شريف : يلا روحي مع جوز...(شريف يبصلها جامد) قصدي ابن خالتك هيوصلك 

شهد : هاه لا مفيش داعي ، انا هروح لوحي 

ام شريف : هو في ايه هو انا هخلص منه تطلعيلي انتي كمان....يلا روحي 

شهد : ماهو.......

شريف من غير ما يبصلها : يلا شهد خلاص انا هوصلك 

شهد : طيب 

________________

في فيلا شهاب :- 

شهاب : صباح الخير يا ياسمينا 

ياسمينا : صباح النور.....انت رايح الشغل 

شهاب : آه 

ياسمينا : طب استني اعملك فطار ، بلاش تروح كده 

شهاب يتنهد : ماشي....وكمان عاوزك في موضوع 

ياسمينا تدخل المطبخ 

ياسمينا تقول باستغراب : خير 

شهاب يدخل وراها : هو انتي مش ملاحظه اننا طولنا اوي 

ياسمينا بعدم فهم : طولنا في ايه 

شهاب بجدية: في الفرح يا ياسمينا.....! ! ! 

ياسمينا بخجل : مالة

شهاب بغضب مكتوم : في ايه يا ياسمينا بقولك نعمل فرح و نشهر جوازنا و نعيش في اوضه واحد مش فاهمه ولا عامله نفسك مش فاهمه

ياسمينا : اا انا مش قصدي 

شهاب بجدية : ياسمينا هو انتي مش عاوزاني ....

ياسمينا : لا هو آآ

شهاب يقوم : مش عاوزاه منك رد دلوقتي انا هروح الشغل و لما ارجع....القرار بايدك انتي

شهاب يمشي متعصب و ياسمينا تتنهد بحيره.....!؟

________________ 

امام جامعه :- في التاكسي 

شريف : يلا ادخلي وصلنا....خالي بالك من نفسك 

شهد تفتح باب التاكسي : ماشي....سلام 

شريف بتردد : هو انتي بتخلصي الساعه كام 

شهد باستغراب : أربعه ليه ...؟! 

شريف : لو خلصت شغل بدري ممكن اعدي عليكي 

شهد : مفيش داعي 

شريف : لا هحاول يلا انزلي عشان ماتتاخريش

شهد تنزل : طيب 

في الجهه الأخري في نفس المنطقه 

في سياره شهاب :- 

شهاب : يلا يا قمر خالي بالك من نفسك 

قمر : ماشي يا ابيه سلام 

شهاب : سلام 

قمر تنزل و شهاب يطلع بالعربيه و قمر تاخد بالها من شهد معها واحد :-

قمر بصوت عالٍ شويه : شهد

شهد تلف : قمر ازيك 

قمر تغمز : مين اللي كان معاكي ده خطيبك

شهد بنبرة حزن : لا ده ابن خالتي 

قمر : و مالك بتقوليها بزعل لية...؟ 

شهد تتنهد أوي : مفيش 

قمر بحيره من امرها: بقولك ايه تعالي ندخل نلحق المحاضره وبعدين تحكي مالك

_______________

في قسم الشرطه :- 

شهاب يدخل المكتب بتاعه 

عبد الرحمن : ايه يا عم طب سلم حتي 

شهاب بضيق شديد : ونبي يا عبد الرحمن سيبني في حالي ، انا مش ناقص حد

عبد الرحمن بتعجب : ليه مالك في ايه 

شهاب يتنهد : مفيش سيبني لوحدي شويه

عبد الرحمن : خلاص انت حر (ويخرج)

شهاب في نفسه : إيه اللي انا قلتها ده ، اعمل ايه دلوقتي لو رجعت و رفضت تعمل الفرح و نتجوز....اكيد كانت لسه محتاجه وقت....بس انا لازم اخليها مراتي و تحبني بسرعه......لو رفضت مستحيل اسيبها

______________

في قصر الكينج :- 

تدخل روما بغرور : انتي..... فين الكينج 

الخادمه : هاه معرفش تقريباً في المكتب من امبارح 

روما : طب روحي انتي 

الخادمه : ماهو.....

روما بضيق : انا مش قلت امشي ، غوري من وشي 

الخادمه : حاضر 

الخادمه تمشي و روما تبتسم بمكر و تفتح ازرار البلوزه بتاعتها و تفتح باب المكتب و تدخل بتكبر ، وتقف بصدمه و بذهول لما تلاقي هدوم مرميه على الارض و الكينج و زينه في حضن بعض وشبه عريانين......! ! !

روما بصراخ : كيييييينج 

الكينج و زينه يصحوا بخضه 

الكينج : في ايه.....(وياخد باله ان زينه في حضنه.....!!!)

روما بصوت عالٍ : انا برضه اللي فيه ايه ولا انت و الهانم بتعمله ايه هنا 

زينه تشد الغطاء عليها بإحراج شديد و تحاول تقوم..بس الكينج يشدها عليه : روما....اطلعي بره

روما بذهول و غضب : نعم هي الهانم قومتك عليا ولا ايه....مش هطلع غير لما اعرف الهانم بتعمل ايه في حضنك و لا صحيح ما هي واخذه على كده 

الكينج : رووووما قلت بره 

روما بغيظ شديد : كده....ماشي

روما (وتخرج) و الكينج يتنهد بغضب و متضايق و يبص لزينه أوي

زينه : ااه انا كنت

الكينج يودي وشه الناحيه التانيه: البسي و اطلعي شوفي هديه ، عشان اكيد هتصحي تدور عليكي 

زينه تهز راسها بنعم وتلف الملايه حوالين جسمها وتقوم تلم هدومها و تلبس....

في الخارج....روما رايحه جايه بغضب و غيره كل ما تفتكر زينه في حضن الكينج...!

زينه تطلع وهي حاطه راسها في الارض 

روما :استني 

زينه بخجل شديد : نعم 

روما : اوعي تكوني فاكره عمايلك الرخيصه  دي ، هتخليكي مراته بجد ، لا يا ماما انتي هنا حته خدامه وبس 

زينه تحس بالقهر من كلامها و دموعها تنزل غصب عنها 

روما : ما قلت بلاش الجوه الرخيص ده

الكينج من الداخل : روما تعالي هنا 

روما تبسم ليها بانتصار : شوفتي ميقدرش يستغنى عني.... 

زينه تمسح دموعها : انا ما بعملش جوه رخيص ، الجو الرخيص انتي اللي بتعملي مش انا 

زينه تطلع على طول....و روما تتغيظ من كلامها و تدخل لي الكينج 

روما : ممكن افهم اللي انا شوفته دي ، مش دي اللي اتجوزتها عشان بنتك وبس ، امال اللي انا شوفته ده ، حته بنت وقعتك و خليتك....

الكينج قاطعها بصوت كالرعد : روووما 

روما تتفزع من صوته وتسكت

الكينج يكمل بنفس الغضب : الزمي حدودك و اياكي اللي عملتي النهارده ده يحصل تاني ، انك تدخلي عليا بالطريقه دي . انتي مش مراتي ولا قريبتي ولا وعدتك بحاجه عشان تحاسبيني (بصوت عال) مفهوم 

روما بغضب مكتوم : مفهوم 

_____________

بداخل جناح الكينج :-

زينه قاعده علي السرير و دموعها تنزل بحزن

الكينج يدخل و يفتح الدولاب و يطلع لبس لي 

و زينه تقوم بسرعه و تمسح دموعها 

الكينج يبصلها بطرف عينه: انتي بتعيطي ولا ايه 

زينه : لا مش بعيط ، انا كنت عاوزه اقولك....

الكينج مقاطعها : لو علي اللي حصل امبارح ، انا اسف و اوعدك مش هيحصل تاني ، فامفيش داعي تعيطي  

زينه باستغراب : بس انا مش بعيط عشان كده انا 

الكينج : خلاص يا زينه قلت اسف....اعتبري محصلش انا عارف اني قلتلك انك موجوده هنا لي بنتي ، فا مفيش داعي لكل ده ، يعني اعتقد مش هتفرق معاكي ، انتي متعوده على كده ....

زينه تبصله بصدمه من كلامه و تحس باهانه و الذل...و تمشي من قدامه بسرعه وتطلع بره وهي على وشك الانهيار

الكينج يتنهد اوي و يقول لنفسه : متزعلش انت عملت الصح عشان ما تعشمش نفسها بحاجه عمرها ما هتحصل.....!!!

________________

في الجامعه :-

قمر بصدمه : نعم يعني ده جوزك 

شهد بحزن : علي الورق بس ، عشان بابا ما ياخذنيش غصب عني أعيش معاه 

قمر بشك : طب وانتي 

شهد : انا ايه 

قمر : يعني معتبرًا ابن خالتك و بس ولا

شهد بتوتر واضح : لا طبعا ابني خالتي وبس و بعدين احنا هنطلق لما اكمل ٢١ سنه 

قمر : متاكده يا شهد 

شهد بجدية: ايوه هو لازم يكون كده وبس

_____________

في فيلا شهاب :-

الخادمه تفتح باب الفيلا 

شهاب يدخل : قمر جيت 

الخادمه : لا يا بيه 

شهاب : طب و ياسمينا فين 

الخادمه : من ساعه لما مشيت حضرتك وهي في اوضتها مخرجتش 

شهاب يتنهد : طب روحي انتي 

_______

بداخل اوضه ياسمينا :- طق طق طق 

ياسمينا من الداخل : ادخل 

شهاب بفتح ويدخل 

ياسمينا تقوم : شهاب حمد الله على السلامه 

شهاب : الله يسلمك ، انتي تعبانه ولا حاجه

ياسمينا باستغراب: لا..... بتقول كده ليه 

شهاب : اصلا الخادمه بتقول انك من الصبح في اوضتك مخرجتيش ، قلقت عليكي 

ياسمينا : لا انا كويسه ، بس كنت بفكر بس 

شهاب بشك : في الموضوع اللي اتكلمني في صح 

(ياسمينا تهز راسها بنعم)

شهاب : بصي يا ياسمينا انا....

ياسمينا قاطعته : انا موافقه 

شهاب بعد فهم ؛ موافقه على ايه 

ياسمينا بخجل : على موضوع جوازنا 

شهاب بعدم تصديق وفرحه ؛ بجد يا ياسمينا 

ياسمينا : ايوه بجد 

شهاب يقرب عليها بسعاده : انا مش عارف اقولك ايه بجد ، انا فرحان اوي 

ياسمينا : شهاب انا عاوزك تعرف اني مكنتش رافضه الجواز منك ، انا بس كنت حبه ونفسي ابدا معاك و انا فاكره كل حاجه عن حياتنا مع بعض 

شهاب : يا حبيبتي مش انا قلتلك تنسي الموضوع دي ، مش لازم تفتكري ، المهم انك معايا 

ياسمينا : عارفه بس 

شهاب مقاطعها : بس ايه ...مبروك يا حبيبتي 

ياسمينا : الله يبارك فيك 

شهاب بلهفه: انا من بكره هقدم على اجازه ، و اجهز فرحنا 

ياسمينا بتوتر : على طول كده 

شهاب : اه ، نستني ايه ، ولا رجعتي في كلامك 

ياسمينا بنفي : لا مرجعتش 

شهاب بحنيه : خلاص يبقى نجهز كل حاجه عمل طول 

ياسمينا باستسلام : ماشي 

شهاب يحتويها بذراعيه : اوعدك انك مش هتندمي على قرارك ده  

ياسمينا في نفسها : اتمنى كده 

_______________

بداخل غرفه جناح الكينج :-

الكينج يدخل الجناح يلاقي النور مطفي و مفيش حد موجود ، يستغرب و يروح يدور في الحمام برضه مفيش حد ويبدا يقلق ، و يروح اوضه هديه بنته يلاقيها نايمه و جنبها زينه نايمه هي كمان و يتنهد براحه و..... ! ! !

الكينج يقرب من زينه بصوت منخفض :

زينه....زينه (يهز فيها)

زينه تصحي : في ايه 

الكينج : هشششش تعالي بره هديه نامت خلاص

زينه تغطي نفسها : ما انا عارفه 

الكينج بعدم فهم : يعني ايه 

زينه بهمس: يعني تصبح على خير ، هنام هنا !

الكينج بدهشة : نعم ليه ؟

زينه بضيق: انا مرتاحه هنا اتفضل روح أنت نام 

الكينج يفهم : مممم زينه قومي نامي هناك 

زينه بعناد : قلت لا 

الكينج بضيق : زينه قلت يلا 

زينه : هششش بنتك هتصحي 

الكينج بهمس : طب تعالي بره نتكلم 

زينه تغمض عيونها: رايح نفسك و امشي ، تصبح على خير

الكينج يتغيظ منها اوي و يوطي يشيلها بين ذراعيه ، و زينه تصرخ بخضه 

الكينج : هششششش

زينه بغيظ : انت مجنون نزلني مش هنام معاك 

الكينج يخرج من الاوضه : لمي لسانك عشان ما ازعلكيش 

زينه بحزن : اكتر من كده 

الكينج يدخل الجناح و ينزلها على السرير 

الكينج يبصلها : ليه وانا عملت ايه 

زينه بضيق شديد : ولا حاجه ، انت مش عملت اللي في دماغك و جبتني اتفضل نام بقي 

زينه تغطي نفسها و تغمض عيونها ، و الكينج يتنهد اوي و يروح يغير هدومه و ينام جنبها ، و يفضل مفتح عيونه لمده و بعد كده يقرب و يحضنها و ينام....

___________

بعد عده ايام :- في فيلا شهاب يوم الفرح 

شهاب يلبس جاكت البدله و على وشة فرحه كبير 

عبد الرحمن : مبروك يا شهاب 

شهاب يبصله : ومالك بتقولها من غير نفس كده ليه 

عبد الرحمن : عادي 

شهاب بضيق : عبد الرحمن في ايه 

عبد الرحمن : مفيش ..بلاش احسن خليني ساكت 

شهاب : احسن فعلا لو سكت 

_______

عند ياسمينا 

الكوافيرة : بس كده خلاص خلصت 

قمر بابتسامه عريضه : الله شكلك حلوه اوي يا ياسمينا 

ياسمينا بابتسامه : شكرا يا قمر عقبالك يا حبيبتي 

قمر : شكرا ..انا هروح اشوف ابيه خلص ولا لاء 

___________

عند شهاب 

شهاب بضيق : ما خلاص بقي يا عبد الرحمن مش هنخلص من الموضوع دي 

وقبل ما يتكلم عبد الرحمن الباب يخبط 

شهاب : ادخل 

قمر تدخل : ابيه خلاص ياسمينا خلصت 

شهاب بابتسامه : ماشي انا هروح ليها 

...عند اذنكم (و يخرج)

عبد الرحمن بقله حيله : اتفضل.....ازيك يا قمر عقبالك 

قمر بخجل : شكرا و عقبال حضرتك انت كمان 

عبد الرحمن : لا حضرتك ايه بقي ، انتي نسيتي اسمي ولا ايه 

قمر بعفوية : لا فاكره

عبد الرحمن بفرحه : بجد !طب اسمي ايه ؟

قمر بخجل : عبد الرحمن....عند اذنك 

عبد الرحمن بهيام : يا لهوي....بقي دي اخت شهاب ....

___________

طق طق طق 

بنت تفتح : اتفضل يا عريس....العروسه جهزت

شهاب يهز راسه و يدخل يلاقي ياسمينا واقف بفستان الفرح ، ينبهر من جمال شكلها.....!!

شهاب يقرب منها : مبروك 

ياسمينا بخجل من نظراته : الله يبارك فيك 

شهاب باعجاب : شكلك حلو اوي 

ياسمينا : شكراً....وانت كمان شكلك حلوه 

شهاب بخبث : ده انا بتعاكس بقي 

ياسمينا بكسوف : لا انا قصدي يعني ، شكلك مش وحش

شهاب : ههههههه 

ياسمينا بضيق : بتضحك على ايه 

شهاب يميل عليها : اصلا شكلك بيبقي حلوه اوي لما بتتكسفي

ياسمينا بخجل : بس انا مش مكسوفه 

شهاب بمكر: خلاص شكلك بيبقي مش وحش لما بتتكسفي 

ياسمينا : هههههه 

شهاب : ههه مش يلا 

ياسمينا : ماشي يلا

_____

في الخارج في الجنينه :-

قمر ماسك التلفون : هوووف ما تردي بقي

عبد الرحمن ياجي : قمر..... في حاجه 

قمر : اه مستنيه حد 

عبد الرحمن بغضب : و مستنيه مين ان شاء الله 

قمر بدهشة : في ايه مالك بتتكلم كده ليه معايا

عبد الرحمن بحده : ردي عليا بتكلمي مين 

قمر : واحده صحبتي في ايه 

عبد الرحمن بارتباك : لا مفيش انا هروح اسلم على شهاب 

قمر باستغراب: مالة ده...الو يا شهد أخيرا رديتي  

شهد : معلش يا قمر اصل شريف وافق بالعافيه اني اجي 

قمر : طب انتي فين 

شهد : انا بره بس مش عارفه ، أي فيلا بتاعتك 

قمر بلهفه : اللي فيها دوشه جامده ولا اقولك طب خليكي مكانك وانا جايه على طول 

شهد : ماشي 

________

عند شهاب و ياسمينا 

شهاب بحب : تحبي نرقص يا حبيبتي 

ياسمينا بخجل: مش هعرف بلاش 

شهاب يقوم :لا تعالي وانا هعلمك 

_________

في الخارج امام الفيلا

قمر : شههههد 

شهد تلف : قمر ازيك 

قمر : كويسه ، بس اي الحلاوه دي 

شهد بخجل : شكراً 

قمر : ابن خالتك رضي تاجي الفرح ازاي 

شهد : اه بس بالعافيه ، و قال انة هيجي ياخدني كمان نصف ساعه 

قمر بزعل : نصف ساعه بس ، كان نفسي تباتي معايا النهارده 

شهد : ابات كمان و شريف هيرضي لا طبعا

قمر بغمز : ايوه يا عم شكله كده بيغير عليكي اوي 

شهد بحزن : ااه....غيره اخ لاخته

قمر : مش بقولك الموضوع في حاجه تانيه و انتي مش راضيه تحكي 

شهد لتغير الموضوع : بقولك ايه ، مش هندخل الفرح انا نصف ساعه وهامشي 

قمر بتفهم : طب تعالي ، نسلم على العريس و العروسه 

شهد : ماشي 

_____________

شهاب بألم : ااه 

ياسمينا بتوتر: انا اسفه ، مش قولتلك مش هعرف ارقص 

شهاب : لا يا حبيبتي ولا يهمك ، وبعدين ما انتي كويسه اهو ، هو صحيح ما بقاش فيه رجل تقريبا بس كويس  

ياسمينا : هههه كده كويس 

شهاب بحنيه : فداكي رجلي و ايه حاجه تاني ، وبعدين دي ليله العمر 

ياسمينا تبتسم بحب لي و شهاب يحضنها اوي

عند قمر و شهد 

قمر : تعالي يا شهد اهم اللي بيرقصوا دول هناك العرسان   

شهد بشهق ولسه هتبص : يا نهار اسواد 

قمر بخضه : في ايه مالك 

شهد بصوت منخفض : الفستان اللي لابساه

اتقطع 

قمر : ايه فين وريني....

شهد تضمه الفستان : اهو...ده اتقطع جامد اوي من الجنب....اعمل ايه أنا دلوقتي 

قمر تشوف : ايه ده .. ده اتقطع جامد اوي فعلا....اقولك تعالي معايا فوق و غيريه من لبس من عندي

شهد : ازاي بس ، اذا كان انتي مش محجبه وانا محجبه مش هينفع طبعا 

قمر : امال هتمشي كده في الشارع يعني 

شهد تفتكر شريف ان جي ياخدها : ايوه انا لازم امشي بسرعه قبل ما حد يشوفني 

قمر : استني بس يا شهد تعالي و انا هحاول اجبلك لبس ينفع ليكي ، وبعدين لو ابن خالتك شافك كده ممكن يتخانق معاكي

شهد بتوتر: فكرك كده 

قمر تشدها : ايوه تعالي معايا

______________

عند ياسمينا و شهاب 

شهاب وهو يضم ياسمينا بحب نابع من قلبه و الابتسامه المشرقه على وجهه : 

انا مش مصدق ان كلها دقائق وتبقي معايا في حضني ، ما تيجي نسيب الفرح و المعازبم دول و نخلع 

ياسمينا بخجل شديد من قربه و نظراته : 

بس يا شهاب عيب كده 

شهاب وهو يتفحص ملامحها البريه بدقه وحنان : اعمل ايه بشكلك و ملامحها الخجوله دي لولا الناس هتخليني اتهور عليكي دلوقتي 

ياسمينا : هاه وبعدين يا شهاب 

شهاب بهيام : بحبك 

ياسمينا بتفاجي من نفسها : وانا كمان شكلي كده 

شهاب بعدم تصدق : نعم انتي قولتي ايه

ياسمينا وهي تنظر له باحمرار وجهها من الخجل : بقولك وانا كمان شكلي كده ....

شهاب تراقب : هاه 

ياسمينا بحب و خجل : بحبك 

شهاب بصدمه و بفرحه : بقولك ايه....الفرح دي لازم يخلص حالنا...اكتر من كده من ضامن نفسي 

______________________

بداخل فيلا شهاب و بالتحديد في غرفه قمر

شهد وهي تبص على نفسها في المرايا : يا نهار اسود....دي ضيق اوي يا قمر 

قمر بتبرير : اعمل ايه ما قدامك اهو الفستان الواحد اللي نفع عليكي (كان فستان اخضر طويل و لكن شفاف في بعض المنطقه و ضيق)

شهد بتوتر : برضه انا مش عارفه هروح بيه ازاي 

قمر : انتي مش ابن خالتك هيعدي عليكي ، يعني مش هتمشي لوحدك ولا حاجه

شهد تشهق بخوف : لا انا لازم شريف ما يشوفنيش كده ، مش ضامنة رد فعله هيكون ايه 

قمر بانزعاج : هيعمل ايه يعني هو انتم مش جوازك على الورق وبس ، يعني ملوش حكم عليكي 

شهد بشهق : واقول لي شريف كده لا طبعا مش هقدر .....انا لازم امشي قبل ما ياجي 

قمر : استني بس انتي هتمشي ، ده انتي لسه  ما سلمتيش على اخويا و مراته 

شهد بعدم اهتمام : بعدين يا قمر هبقي اجي و اسلم عليهم....المهم دلوقتي لازم امشي قبل شريف ما ياجي 

_______________

بعد انتهاء الفرح بداخل غرفه شهاب :- 

شهاب وهو يقفل باب اوضه : اخيرا بقينا لوحدنا 

ياسمينا بتوتر : ااه 

شهاب يقرب عليها : مالك يا حبيبتي في ايه 

ياسمينا : هاه لا مفيش 

شهاب بلم: لا في...ايه بقي اللي انتي قولتي و احنا تحت 

ياسمينا مصطنعة النسيان : اللي هو ايه 

شهاب بضيق : لا ركزي كده وحياه ابوكي، قلتي بحبك مش كده

ياسمينا بتلعثم: هو يعني 

شهاب بنبرة تحمل الجاده و الشغف : ياسمينا عشان خاطري ، نفسي اسمعها تاني 

ياسمينا بخجل : ايوه يا شهاب..... بحبك ! 

شهاب بسعاده عارمه : بجد يا ياسمينا ، طب من امتي ؟ 

ياسمينا تبصله : معرفش ازاي و امتي بس رغم اني مش فاكره حاجه عن حياتي القديمة بس حاسه اني اعرفك من زمان و اني برتاح معاك و بحس بالامان اللي افتقده لما فوقت في المستشفي و ملاقتش حد حوليا غيرك 

شهاب بصدق : ولله يا ياسمينا انا دورت عليكي كتير أوي

ياسمينا مقاطعة : انا مقصدش ، و عارفه ومتاكده من كده ، لما قربت منك و عشت المده اللي بعد جوازنا حسيت بحبك ليا و ......اني انا كمان بحبك بجد 

شهاب بيسمع بفرحه كبير و عدم تصديق

ياسمينا : انا اسفه 

شهاب بعدم فهم : على ايه 

ياسمينا بزعل من نفسها: اني عذبتك معايا في الاول ، و اني مش فاكره اي حاجه عن حياتنا القديمه مع بعض 

شهاب لانهاء هذا الموضوع : مين قال اني زعلان ، بالعكس فرحان اوي اني بسمع منك الكلام ده دلوقتي .....بصراحه انتي فاجئتيني بانك اعترفتي بحبك لي النهارده

ياسمينا : هو احنا مش بنحب بعض من الاول

شهاب بتوتر : ايوه انا قصدي لما فقده الذاكره وكده 

ياسمينا بعتاب من نفسها : معلش انا اسفه

شهاب بجدية : قولت مش زعلان ......وبعدين هو احنا هنقضيها كلام كده 

ياسمينا بعدم فهم : امال عاوز ايه 

شهاب يقرب ويهمس : عاوز كتير نفسي اخدك في حضني 

ياسمينا بخجل : شهاب 

شهاب : هههه طب ادخلي غيري هدومك جوه في الحمام ، وانا هنا......ولا عاوزه مساعده ، انا معنديش مانع 

ياسمينا باحياء: لا مش عاوزه ....شكرا

ياسمينا تدخل تغير هدومها و شهاب كمان يروح يطلع هدوم من الدولاب ، و لسه هيقلع ياخد باله من بوكيه ورد كبير ، يقرب عليه باستغراب و يدور في يلاقي كارت مكتوب عليه كلام.....يقراءه 

(مبروك عليك الفرح....بس يارب تدوم 

للأبد...بقي عندك اتنين تخاف عليهم .....

اختك.....و مراتك...ابعد عن القضيه احسن ليك...)

شهاب عيونه تطق شرار و يحس لاول مره بخوف 

شهاب يطلع بره وينده : رحمه.. يا رحمه...انتي يا رحمه 

رحمه تاجي: ايوه يا بيه 

شهاب بغضب : بوكيه الورد اللي جوه دي مين اللي حطه و مين اللي جابه

رحمه بخوف : واحد جابه و قال انه صاحبك اوي وكان مسافر ، وانت لما تشوف الورد هتفرح بيه اوي ، وقال عاوز يعمل ليك مفاجاه 

شهاب بحده: ومين اللي حطه في الاوضه 

رحمه : اانا....قلت هتفرح لما تشوفه 

شهاب : وانتي أي حد يبعت اي حاجه تصدقي و تحيطها عندي .......غوري من وشي (يدخل الاوضه بغضب وخوف....و يفتكر ياسمينا يرمي الكارت بعد ما قطعه و يخبئ بوكيه الورد و يتنهد و يحاول يتماسك عشان ما تحسش بحاجه)

___________

بعد مده غير شهاب هدومه و خرجت ياسمينا من الحمام وهي لابسه اسدال صلاه

شهاب بصدمه : ايه دي .....ايه اللي انتي لابساه ده ؟! 

ياسمينا باستغراب : ايه في ايه اسدال صلاه ، عشان نصلي 

شهاب : هاه انتي بتصلي 

ياسمينا : ايوه هو انت مش بتصلي 

شهاب باحساس مرتبك : لا....اصلي ليا ذكريات وحش مع الصلاه 

ياسمينا بدهشة : حد يبقي لي ذكريات وحش مع صلاه وعبادت ربنا 

شهاب بشرود وحزن : اه انا.....انا ليا ذكريات وحشه مع كل حاجه في حياتي

ياسمينا : ذكريات ذي ايه ، ده صلاه ربنا يا شهاب

شهاب بحزن كبير: هي كمان كانت بتصلي 

(يقصد امه)

ياسمينا باستغراب : هي مين ؟ 

شهاب : هاه حاجه كده زمان مش مهم ، هو احنا لازم نصلي 

ياسمينا بجديه : طبعا يا شهاب لازم نبدا حياتنا بطاعه ربنا وهو امرنا بكده 

شهاب : .................

ياسمينا برجاء: يلا عشان خاطري

شهاب يتنهد اوي: حاضر هدخل اتوضا واجي 

ياسمينا ابتسمت : ماشي هستناك 

________

في شقه شريف :- 

شهد تفتح باب الشقه و تدخل تتسحب براحه و تقفل الباب وراها...! ! ! 

شريف يطلع : شهد 

شهد تلف بتوتر : نعم 

شريف بهجوم : ممكن افهم لي اتصلتي بيا و قلتلي متجيش تأخذني هروح لوحدي و (ياخد باله من لبسها).....ايه ده ؟ 

شهد بخوف : في ايه ؟ 

شريف بغضب : ايه اللي إنتي لابساه ده ، انتي كنتي ماشيه كده في الشارع ؟ 

شهد : ااا ما هو 

شريف بحده : أيه انطقي 

شهد : فستاني اتقطع و انا في الفرح عشان كده لبست دي بتاعه واحده صاحبتي

شريف يفهم : عشان كده الهانم اتصلت بيا صح .....

شهد : لا انا قلت اروح بدري 

شريف بحده : انتي غبيه المفروض كنتي قولتلي و اجي بسرعه و اخدك و انا كنت هتصرف ، مش اسيبك تمشي كده في الشارع

شهد : في ايه يا شريف انت مكبر الموضوع ليه 

شريف بتعصب : نعم ! مكبر افرضي حد كان عملك حاجه و انتي مروحه كده لوحدك 

ام شريف تطلع علي صوتهم : في ايه صوتكم عالي ليه ، انتم بتتخنقوا ولا ايه 

شريف : تعالي يا ماما شوفي الهانم لابساه ايه 

ام شريف بدهشه : ايه دي انتي غيرتي امتي و ليه 

شهد : يا خالتي الفستان اللي كنت لابساه اتقطع ، اضطريت البس ده .. اديتهولي صاحبتي ، امشي يعني وهو مقطع في الشارع 

شريف بسخرية : لا تمشي كده بي عريانه و الناس تتفرج عليكي 

شهد بغضب اكبر : هو كده عريان ، لا طبعا 

ام شريف : خلاص في ايه ، و انت يا شريف ما قالتلك اتقطع الفستان اللي كانت لابساه يعني غصب عنها خلاص بقي 

شريف : يعني عجبك منظرها كده 

ام شريف : يا ابني عادي ده حتي شكله حلو عليها 

شريف : هو ايه اللي شكله حلو ، ده منظر فستان اصلا ، افرضي حصلها حاجه وهي راجعي بيه 

ام شريف تحاول تهديه : والحمد الله محصلش حاجه 

شهد : يوووه ما قلت غصب عني 

شريف : يعني انا اللي غلطان ماشي ، براحتكم (و يدخل اوضه و يسبهم) 

_________________

بعد الانتهاء من الصلاه .........

ياسمينا : ربنا يتقبل منك ،،، حاسس براحه مش كده 

شهاب : ااه ...مش جعانه يا حبيبتي تعالي ناكل 

ياسمينا بخجل: لا مش جعانه 

شهاب يقوم ويشدها : لا تعالي معايا ما تتكسفيش

شهاب و هو بيحط الاكل في بوقها : يلا يا حبيبتي اشربي كوبايه العصير دي كلها 

ياسمينا بدهشه : ايه كلها مش هقدر

شهاب يديها الكوبايه : لا معلش يا حبيبتي حاولي عشان خاطري

ياسمينا تاخدها : طب اشمعنا انت مبتشربش

شهاب ؛ هشرب بس بعدين......يلا اشربي بقي 

ياسمينا تشرب منها: اهو كفايه كده 

شهاب بتصميم : انا قلت كلها يلا 

ياسمينا بحنق : حاضر (وتشربها كلها)

شهاب : شطوره ، ايوه كده ، يلا كملي اكل 

ياسمينا : لا خلاص يا حبيبي مش قادره ، شبعت 

شهاب بدهشه: ايه ! قولتي ايه ؟ 

ياسمينا بخجل: قولت شبعت 

شهاب : تؤ اللي قبلها 

ياسمينا : مش قادره 

شهاب بنفاذ صبر : ياسمينا بطلي استعباط

ياسمينا : هههه خلاص قولت حبيبي 

شهاب يقرب عليها بحب : بجد انا حبيبك 

ياسمينا تهز راسها بخجل 

شهاب يهمس في اذنها : انتي قولتي شبعتي مش كده 

ياسمينا بخجل : ااه 

شهاب يقوم و يقومها : طب تعالي عشان انا عاوزك في موضوع مهم جداا 

ليقوم شهاب ازال اسدال الصلاه ، فذهل عندما راها ترتدي قميص قصير لونه احمر يصل الي ركبتها بطريقه مثير و مغري ، لينظر لها برغبه داخله و لم يمر ثانيه اخري الا التهم شفتيها ليطفئ نار شوق ليها ، فكم تمني هذه اللحظات معاها ، من اول ما رأيها.....

حاولت ياسمينا ان تبتعده عنه.....

لكن هو لم يعطيها الفرصه ان تبعد عنه 

..ليهمس ف اذنها (هششش متخافيش سيبيلي نفسك وانتي مطمني) 

و يحضنها و يربت على ظهرها حتي يطمئنها....لتهدئه ياسمينا قليلا....و يبعدها بلطف... و يخلع ملابسه فهو غير قادر علي السيطره علي قلبه الذي يتنفض بين ضلوعه......و ينحني شهاب ليحملها بين ذراعيه الي الفراشه....ليبدا معاها اول لحظات ليثبت لها عشقه.....

____________

في صباح جديد.... في قصر الكينج :- 

بداخل مكتبه 

رماح : كله تمام يا كينج...كل حاجه امرت بيها اتنفذت بالحرف

الكينج :___________

رماح : احم احم 

الكينج سرحان ومش مركز :_______

رماح : يا كينج 

الكينج بانتباه : هاا بتقول حاجه يا رماح 

رماح : قلت حاجه .. ده انا قلت حاجات بس حضرتك مش مركز معايا خالص ، هو حضرتك مالك بقيلك كده كام يوم في حاجه حضرتك تعبان ولا حاجه 

الكينج يتنهد : لا انا كويس ، روح انت يا رماح نبقي نكمل بعدين 

رماح بطاعه : ماشي ، تحت امرك 

رماح يخرج و الكينج يقوم يبص من الشباك يلاقي هديه لوحدها في الجنينه ، و زينه بقالها كام يوم مش بتنزل ولا بقي يشوفها 

طق طق طق 

الكينج يلف : ادخل 

الخادمه تدخل : الفطار جاهز يا بيه 

الكينج بلهفه : و زينه نزلت 

الخادمه : لا حضرتك ذي كل يوم فوق في الاوضه و مش بتفطر غير لوحدها تحب حضرتك اندها 

الكينج بياس : لا روحي انتي 

الخادمه تهز راسها بنعم و تخرج و الكينج يخرج وراها و يطلع اوضه زينه القديمه

طق طق طق 

زينه من الداخل : ادخل 

الكينج يدخل ، يلاقيها نايمه على السرير و بتبص للسقف 

زينه تتعدل وتقول باقتضاب: نعم في حاجه 

الكينج بضيق من طريقتها : يلا عشان تفطري 

زينه ببرود : شكرا لما اجوع هاكل ، مش هتخاف عليا اكتر مني ، ولا اه صح أنت خايف عشان بنتك 

الكينج : زينه ، اتكلمي عدل ، وبعدين انتي مالك بقالك كام يوم مش بتنزلي من الاوضه و ده غير بقيتي تنامي في الاوضه القديمه....انا عمال اعديلك بمزاجي 

زينه : والله انا حره ، انت مش جايبني عشان بنتك وبس ، وانا مش مقصري معاها ، يبقي ملكش دعوه بيا لو سمحت 

الكينج : هو انتي بتعملي كل ده ليه ، عشان اللي حصل يومها ما قلت مش هقرب منك تاني ، اعملك ايه تاني 

زينه بقهر : صح ما انا متعوده على كده 

الكينج يتجاهل كلامها ويقول: طب قومي البسي عشان هنخرج 

زينه بضيق: مش عاوزه 

الكينج بلهجه أمر: قومي يا زينه وبعدين مش لوحدك هديه كمان جايه معانا ، وبعدين مش بتقولي انك هنا عشان بنتي يبقي يلا 

_____________

في شقه نور :- 

نور : يوووه قلت انا مش هروح لدكتور نفساني انا مش مجنون 

امها : يا حبيبتي هو حد قال كده ، بس عشان ايدك تخف و ترجعي تحركيها 

نور تبص لايدها بمرارة : مجتش عليها 

امها : طب عجبك حالك كده يابنتي اخرجي حتي بره الاوضه ليه حابسه نفسك فيها على طول 

نور بدموع و حزن : انا مرتاحه كده و من فضلكم سيبوني في حالي 

امها تتنهد : طب ، بس عشان خاطر امك حاولي (امها تخرج بره و تسيبها ) 

ابوها بلهفه : ها وافقت احجزلها عند الدكتور

امها بحزن على ابنتها: لا برضه مش راضيه 

ابوها بياس : طب وبعدين هتفضل كده 

امها : طب نعمل ايه 

ابوها : مش ملاحظه حاجه 

امها : ايه 

ابوها بحزن : من ساعه ما جت ما حطيتش عينيها في عيني ولا كلمتني ، تفتكري لسه زعلانه مني عشان اللي حصل، انا السبب فيه 

امها بحزن: معلش يا ابو نور ، اللي حصلها مش  قليل

ابوها بندم قاتل : ربنا يهديها 

___________

في شقه شريف :- 

شهد تخرج من الاوضه تلاقي خالتها قاعده على الكنبه بتتفرج على التلفزيون، تروح تقعد جانبها 

شهد : صباح الخير يا خالتي 

خالتها : صباح النور ، انتي مش لابساه ليه مش هتروحي الجامعه 

شهد : لا مش ورايا حاجه مهمه النهارده (بتردد) هو شريف نزل راح الشغل 

خالتها بمكر : لا نايم ، بقولك ايه ادخلي صحي ، وبالمره تتصالحوا 

شهد تتنفض بصدمه : نعم ادخل اصحي مين ، لا طبعا 

خالتها بغيظ: في ايه يا هبله ده جوزك 

شهد بسخرية : جوزي ، باماره ايه 

خالتها : باماره امبارح ، ما شفتهوش كان هيتجنن عليكي ازاي لما شافك بالفستان 

شهد : هاا....لا ده .. ده زعل عشان اتصلت بيه وقولتله ميجيش يأخذني 

خالتها : طب و الزعيق اللي زعق على الفستان

شهد بحزن : عادي خايف عليا بس غيره اخ لاخته 

خالتها بنفاذ صبر: يوووه يادي اختي و اخويا اللي مسكين فيها دي 

شهد لتغير الموضوع : و بعدين مين اللي يصلح مين انا ولا هو 

خالتها : خليها عليكي و ادخلي يلا ، هيتاخر على الشغل ، (وتقوم) انا هقوم احضر الفطار 

شهد بسرعه : خالتي استني انا مش هصحي حد 

خالتها وهي تدخل المطبخ : انا قولت انتي اللي هتصحي ، لو فاته معاد الشغل هتبقي انتي السبب 

شهد بضيق : هووف وانا مالي طب

_________ 

في مطاعم شيك على البحر :- 

الكينج لهديه : يلا يا حبيبتي كولي 

هديه : حاضر يا بابي 

و زينه قاعده بتلعب فى الطبق الاكل و ساكته 

الكينج يبصلها بطرف عينه : قولي لي ابله زينه يا هديه تاكل عشان مبقتش تهتم بصحتها خالص 

زينه ترفع عيناها و تبصله بضيق 

هديه : كولي يا ابله زينه عشان تكبري 

زينه تبتسم ليها ، و الكينج يبصلها باعجاب اول يشوف ضحكتها و غمازاتها اللي تسحر 

زينه بنص ابتسامه : باكل اهو يا حبيبتي 

زينه تاخد بالها من حاجه وراء و تركز اوي فيها و الكينج ياخد باله و يبص يلاقي اتنين ستات محجبات قاعدين يستغرب مركزي معاهم ليه ! 

زينه بدون مقدمات : انا عاوزه اتحجب 

الكينج : ________

________

في شقه شريف :-

شهد تخبط على اوضه شريف بس ميردش ، تخبط مره تانيه برضه ميردش ، و تحسب امرها و تدخل الاوضه تلاقي نايم ، تقرب عليه بتردد 

شهد : شـ شريف (و تهز كتفه ) شريف 

شريف يفتح عيونه تفاجئ : شهد بتعملي ايه هنا 

شهد بخجل: خالتي قالتلي ادخل اصحك

عشان هتتاخر علي الشغل  

شريف بتعدل و يقوم : طب شكرا

شهد :________

شريف : خلاص صحيت ولا عاوزه حاجه

شهد بجدية : شريف انا اسفه على اللي حصل امبارح ، ممكن اكون اتصرفت غلط ، بس مكنش قصدي 

شريف يقرب عليها : خلاص يا شهد انا مش زعلان ، بس عاوزك تعرفي اني كنت خايف عليكي بجد 

شهد بلهفه : مش محتاج تبرر كده ، انا عارفه كده كويس 

شريف : يا شهد انتي مش اختي و بنت خالتي بس ، انتي حد غالي عليا اوي و بخاف عليكي اوي و من أي حد، و لو جري ليكي حاجه لقدر الله مكنتش هسامح نفسي 

شهد تبتسم بحب و تقول بلا وعي : وانت كمان غالي عليا اوي مش عاوزاك تزعل مني 

شريف ابتسم وهو يحط ايده على كتفها : قلت مش زعلان خلاص 

شهد تبص على ايده تغمض عيونها بضعف حبها لي 

شريف ياخد باله ويشيل ايده بسرعه و يقول بارتباك واضح : يلا روحي البسي عشان اوصلك الجامعه 

شهد بتوتر : لا انا معنديش حاجه مهمه هقعد اذاكر هنا (وتخرج بسرعه)

شريف يتنهد : الله يسامحك يا ماما 

________________

في فيلا شهاب :- بالتحديد بداخل غرفه شهاب 

ياسمينا تصحي علي لمسات رقيقه علي وجهها تفتح عيناها تلاقي شهاب بوجهه بابتسامه واسعه 

ياسمينا تبص بخجل و تغطي جسدها : صباح الخير 

شهاب ابتسم : صباح الخير على احلي عروسه في الدنيا 

ياسمينا : انتي صاحي من امتي 

شهاب يبوسها من شفايفها : من بدري بس مرديتش اصحكي ، عشان اقعد اتامل فيكي براحتي ، اصلي بصراحه مش مصدق نفسي اننا خلاص اتجوزنا وبقيتي مراتي 

ياسمينا ابتسمت : ولا انا مصدقه كل حاجه جت بسرعه ، المهم اننا بقينا مع بعض و تكمل بمرحه بس بكره تزهق من البص عليا 

شهاب بحنان بالغ : تؤ انا مستحيل ازهق منك 

ياسمينا : بلاش الثقه دي 

شهاب : لا واثق اوي ، و بعدين انا كنت بحلم من اول ما شوفتك بكده ، و اول ماتبقي معايا ازهق ، لا طبعا 

ياسمينا بابتسامه: بتحبي للدرجه دي

شهاب : جدا فوق ما تتخيلي ، ياسمينا انا لو عملت اي حاجه ممكن تزعلك مني ، تاكدي اني عملتها بدافع الحب 

ياسمينا باستغراب : حاجه ذي ايه 

شهاب : اي حاجه وخلاص ، وبعدين يلا قومي البسي عشان نلحق الطيار قبل ما تفوتنا

ياسمينا بدهشه : طياره ايه احنا هنسافر

شهاب : طبعا شهر عسل ، بس هو هيبقي اسبوعين عسل بس 

ياسمينا : هههه اسبوعين عسل ، (بحب) بس مش مهم المهم اني هبقي معاك 

شهاب بجدية مصطنع : وبعدين كده ولا فيها طيار ولا فيها اسبوعين ، اقومي احسن بدل ما نقضي شهر العسل هنا على السرير وبس 

ياسمينا : هههه لا و علي ايه حاضر هقوم 

__________

عند زينه و الكينج 

زينه بدون مقدمات : انا عاوزه اتحجب 

الكينج يبصلها شويه ويقول : براحتك 

زينه بفرحه : بجد يعني انت موافق مش هتمنعني

الكينج مصطنع المبالاه : ده حاجه بينك وبين ربنا مليش دعوه بيها 

زينه بجدية : طب يلا 

الكينج باستغراب : يلا ايه 

زينه بلهفه : يلا نروح نشتري حجاب ، انا عاوزه اتحجب من دلوقتي 

الكينج : طب كملي اكل و هنقوم 

زينه تقوم و تمسك ايده : لا انا شبعت يلا 

الكينج يبص على ايدها اللي مسكها : ماشي 

____________

في موال كبير بداخل محل ملابس للمحجبات 

زينه تقف قدام المرايا و تلف طرحه على شعرها و تلف لي الكينج

زينه : ايه رايك شكلي حلوه 

الكينج يرفع راسه و يبصلها باعجاب اوي 

زينه بتوتر : ايه شكلي وحش صح...اقلعها

الكينج بلهفه : لاااا قصدي كويسه ما تقلعيش  

زينه بتردد : مش عارفه حاسه اني مش قد كده و هقلعه اول ما اروح 

الكينج بضيق شديد : هو انتي مش كنتي ملهوفه للموضوع من شويه ايه اللي غير رايك 

زينه تنزل دموعها : حاسه اني ما استهلوش مينفعش واحده ذيي تتحجب

الكينج : بطلي هبل ايه اللي انتي بتقولي دي 

زينه بمرارة: يعني تفكر واحده ذيي ، تلبس ليه ، ما كده او كده انا كنت بغضب ربنا 

الكينج يحس انها عاوزه تتحجب بس ، محتاجه حد يشجعها 

الكينج : بصي يا زينه مينفعش تحسبيها كده و بعدين انتي لسه كنتي بتقولي، كنت بغضب ربنا لكن دلوقتي شوفي عاوزه تتحجبي اهو 

زينه تبص بحزن وبعدم اقتناع 

و الكينج يكمل : يعني مثلا ربنا عز وجل بيقول 

وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا ) صدق الله العظيم 

يعني دي دليل

على غيره الدين على المرأة المسلمة وحفظه لها؛ وكذلك غيرة رجال المسلمين على نسائهنّ، وتعد الغيرة من الأخلاق الحميدة اللي بتحظث عليها الإسلام، أما 

بالنسبة للانفتاح والتحرر فهي من الشهوة.احترام لذات المرأة وتقديرها لنفسها؛ 

فبالحجاب تصون المرأة عرضها وتحفظه لمن هو حلال لها.بدون الحجاب تشيع المنكرات والمعاصي والفواحش و الزنا؛ فكلّما كان لباس المرأة محتشمًا قلّت نظرات الرجال المحرمّة إليها.طهارة للقلب كما هو طهارة للجسد.....يعني ببساطه الحجاب هيحفظك من اللي كنتي فيه مش هيضررك ، هاه لسه مترددة و مش عارفه 

زينه تبصلها بدهشه من كلامه : هاه

الكينج : هو ايه اللي هاه 

زينه : هو انت ازاي بتعرف في القران و انت يعني 

الكينج بثبات : يعني ايه 

زينه بحيره من أمره : بصراحه انت غريب اوي ، يعني انا عمري ما توقعت تقول كلام ذي ده مش عارفه افهمك 

الكينج : ما تحاوليش ، عشان هتتعبي.....ها هتشتري الحجاب ولا لأ

زينه تبصله و تبص لنفسها في المرايا : انا هشتري خلاص 

________________

في شرم الشيخ :- داخل شيله على البحر

ياسمينا تفتح الستاره : الله المكان هنا شكله حلوه اوي 

شهاب يحضنها من الخلف : بجد عجبك يا حبيبتي 

ياسمينا ابتسمت: طبعا دي يجنن 

شهاب يبوس خدها : ده انتي اللي تجنني 

ياسمينا تبصله: طب مش هننزل 

شهاب يغلق الستاره : بعدين.........

بعد مده وهما على السرير.....ياسمينا نايمه على صدر شهاب وهو حضنها بحب 

ياسمينا : شهاب 

شهاب بيلعب في شعرها : ممممم نعم يا روحي

ياسمينا بتردد : هو انا كنت بغني على مسرح قبل كده 

شهاب يبصلها بتعجب : ليه بتقولي كده 

ياسمينا : اصلي ساعات بحلم اني واقفه بغني و في ناس بتسقف ليا و انت قولتلي قبل كده اني صوتي حلوه 

شهاب : ايوه بس كنتي في فريق بتعزفي بس انما الغناء كنتي بتغني لما اكون معاكي و اصحابك و كده 

ياسمينا بشرود: طب انا بحلم ليه كده 

شهاب بحيره : مش عارفه ....بس ممكن يكون مجرد حلم 

ياسمينا بشرود : بس انا حاسه زي ما يكون حقيقه

__________

في قصر الكينج :- يرجعوا كلهم من بره 

زينه تدخل وهي شايله شنطه و تتفاجأ بي روما قاعده حاطه رجل على رجل 

روما بسخرية : إيه مفيش ازيك 

زينه بضيق شديد داخلها : ازيك 

روما باستهزاء : مبروك علي الحجاب ، لواني مش لائق عليكي 

زينه بضيق : وانتي هتعرفي ازاي لايق ولا مش لايق عليا ، وانتي يعني 

روما بحده : وانا ايه 

زينه : وانتي يعني ما بتفهميش فيه الحاجات دي...... على العموم عقبالك لما ربنا يهديكي 

روما بغيظ: وانتي بقي اللي بتفهمي اوي صح....بطلي اللي بتعملي ده...كل دي مش هيجيب معاه نتيجه.....مفكره لما تتحجبي مثلا مش هيطلقك 

ولسه هترد زينه 

الكينج يدخل : في ايه مالكم واقفين كده ليه 

روما بسرعه : أبدا يا حبيبي كنت ببارك لي زينه علي الحجاب مش كده 

زينه بابتسامه صفرا : اه 

الكينج يبصلهم بعدم اقتناع : اسبقيني على المكتب يا روما 

روما بابتسامه عريضه : امرك.....عند اذنكم 

الكينج يدخل المكتب و روما تدخل وراه بدلع 

زينه تبص عليهم بغيظ : حبيبي...حبك برص يا بعيده 

هديه من وراها : انتي بتكلمي نفسك يا ابله زينه 

زينه بصوت منخفض : ما اللي تتجوز ابوكي ده، لازم تكلم نفسها 

__________________

بعد اسبوع........ علي جميع الاحداث 

في الجامعه :- 

شهد : هووف الواحد تعب اوي من المذاكره

قمر : اه والله على رايك

شهد : اه صح خدي الفستان بتاعك 

قمر : ما تخليه معاكي خلاص 

شهد بضيق : لا كفايه اوي ، اللي حصل لي بسبب الفستان ده 

قمر باستغراب : ليه ايه اللي حصل 

شهد : شريف لما شافني راجعي بيه فضل

يزعق لي جامد ، اني مشيت بيه بالليل وهي ضيق عليا و عريان كده 

قمر : نعم ده عريان ما قدامك اهو.... دورنا ما لقناش غيره كويس عليكي 

شهد : اهو اللي حصل بقي 

قمر : ولله شكله ابن خالتك ده ، كان غيران اني الفستان ملفت عليكي 

شهد بحزن: انتي كمان هتقولي غيران

قمر : وليه ما يغيرش مش مراته ، ما ممكن يكون بيحبك بس مكسوف يقول 

شهد بألم : لانه ببساطه بيحب واحده تانيه ! 

قمر بصدمه : نعم بيحب مين دي؟  

شهد : كان خاطب قبل مني بس 

قمر بتعجب : كان ليه ايه اللي حصل ماتت 

شهد : لا اختفت 

قمر بدهشه : نعم اختفت ازاي 

شهد بحزن : معرفش هي كانت صاحبتي اوي ، و جارتنا كمان ، بعد خطوبتهم بمده ، اختفت فجاه ولا نعرف راحت فين و لا اذا كانت عايشه ولا ماتت 

قمر : طب ما تبلغوا البوليس 

شهد : شريف عمل كده فعلا بس موصلش لحاجه 

قمر بحيره شديد : غريبه صحيح يعني هتكون راحت فين !؟ 

_____________

في قصر الكينج :- بداخل جناح الكينج :- 

تصحي زينه تلاقي نفسها في جناح الكينج ، تستغرب هي كانت نايمه في الاوضه القديمه ايه اللي جابها هنا ، و تبص جانبها تاخد بالها انها نايمه في حضن الكينج ! 

زينه تقوم بسرعه وتبعد عنه 

الكينج يصحي بفزع : في ايه 

زينه بعصبية : ممكن اعرف ايه اللي جابني هنا 

الكينج يتنهد : انا.....و قلتلك قبل كده مكانك جانبي 

زينه بتحدي : و انا قولتلك قبل كده مش عاوزه انام جانبك ! 

الكينج بنفاذ صبر : بقولك ايه مش كل يوم نفس الموال ، انا ابتدأت ازهق ، وبلاش عند وتحدي معايا ، انا سيبك براحتك لحد دلوقتي ، ومش بعقبك على كلامك ولا تصرفاتك ، في اتعدلي احسن ليكي 

الكينج و يقوم يمشي : انا رايح الشغل ، خلي بالك من هديه ، وياريت ارجع الاقيك اتعدلتي  مفهوم 

زينه تبصله بغيظ و قهر و تسكت مش قادره تنسي الكلام اللي قال ليها ساعه لما لمسها و حسسها انها رخيص....!!! 

_____________

في الجامعه :- 

قمر : طب ما تعترفي لابن خالتك انك بتحبي 

شهد بسرعه : لا طبعا مش لازم يعرف حاجه ذي دي 

قمر : ليه يا شهد ما انتي بتحبي وهو بقي جوزك خلاص ، و لو علي اللي بيحبها ما بقلها فوق ٦ شهور مختفيه ما ممكن تكون ماتت 

شهد بلهفه: بعد الشر

قمر باستغراب : للدرجه دي بتحبيها انتي كمان 

شهد بحزن : دي كانت اكتر من اختي يا قمر ، ده غير شريف بيحبها اوي ، ده ممكن يجري لي حاجه لو طلعت مات فعلا 

قمر بعطف؛ انتي طيبه اوي شهد ، ان شاء الله يحس بحبك و يبحبك هو كمان 

شهد لتغير الموضوع : قوليلي بقي اخبار اخوكي و مراته ايه 

قمر بتفهم : كويسين وسافروا عشان يقضوا شهر العسل 

شهد بابتسامه خفيف: ربنا يخليهم لبعض و يرجعوا بالسلامه