رواية كريات الدم السوداء الفصل الرابع عشر بقلم زحل
قدر
_فصلت عن العالم رغم صوتهم عالي بس ماافهم الي يحجونه الخوف شتت تركيزي عيوني تنضرله برجاء دار وجهه متهرب من نضراتي لزمت ايده باوعلي بااسف هزيت راسي لا تدري قبل شويه اسولف ويه امي كتلها حته لو طلعنا ابقه ويه طارق عله تواصل.
طارق:ماخلو خيار ثاني .
_شجعت نفسي استغل الجزء الطيب داخله حجيت بصوت تعبان انته الشخص الوحيد الي مستنده عليه وحابه وجوده بحياتي انه مالي امل انو يكونلي اخ لو ابن عم لان انكتب عليه اعيش منبوذه خليك مثل ماانته لاتوجع روحي بتصرفك والله اذا غدرتني اقتل نفسي صدكني .
طارق:اذا ماسويت هيج راح يصير اكثر ولج صار ايام دايخ رحت لنفس الشارع البي الشخص الي راح يثبت نسبج مستحيل قدر شلون اخليج هناك اموت ومانطيج .
_ بين الموت والحياة شعرة لا تكطعها لا تتوقع اتقبل نفسي اذا غلطت وياي مستحيل اعيش العاشته امي .
طارق:وانه اموت اذا بعدتي .
_ماابعد بس لازم اطلع منا لخاطر العشنا اذا تحبني طلعني منا وعد نبقه عله تواصل وتبقه اخوي
وصديقي وابن عمي وصاحبي .
طارق:عذريني مالها غير حل .
_دفعني وهو يتجرد من ملابسه غمضت خجلانه من الموقف شكد جان عمي يكول مدامه يتعاطه ماله
امان بس ماتوقعت يوصل لهذا الحد اعرف تصرفه
غبي كل ضنه يخلي الكل يتقبل الامر دنك عليه شهكت وانه احجي مع الاسف عليك وانه محتميه من ابوك
بسدك ثنينكم نفس الخسه فز عبالك جان يحلم
وصحه ابتعد يعدل بنطرونه باوعلي
وهو مستغرب كلامي هز راسه بمعنى
شنو تحجين .
طارق:بكثر حبي الج احب اهلي لاتحاولين
قدر هاي مو اخلاقج.
_دفعته وكمت متوجهه للباب ركض عليه لزمني التفتت عليه لا تخاف ماراح افتحه بس خلي احجي وياهم يسكتون جرني مرجعني للجربايه معود شببك تخبلت كافي ترى مصختها .
طارق:اش بسرعه لفي نفسج بالغطه وشكول تايدين كلامي راح افتح الباب قدر اذا حاولتي تتذاكين احرك البيت وناسه .
_هزيت راسي بمعنى اي ونفذت الطلبه
احس بتصرفاته مال واحد أيس من الدنيا عافني وتوجه للباب فتحه دخلت امي مفزوعه باوعتلي ورجعت تنضرله عمي دنك وكل ضنهم صاير بينا شي هجمت امي عله طارق تضرب بي وتصرخ .
وداد:نذل اليوم اكتلك خلاص .
_جره عمي يحمي من ضربات امي
دفعه برا الغرفه وهو ولا مهتم ويحجي بعناد.
فاطمه:احركها لا تفكر مستحيل
ولك شتخلف عبيد.
_رجع عمي عله فاطمه الي تلطم جرها وطبك
الباب عود خجلان من وضعي وكل ضنه اني مجرده
من ملابسي بس طلعو كمت وماهتميت لنضرات
امي الي تفاجئت من شافتني بملابسي ركضت
للباب قفلته وردت عليه حظنتي ودموعها تصب .
وداد:معقوله ماسوالج شي النذل ولج
ماتوقعت يطلع منه هيج تصرف .
_بعد مالنه عيشه هنا لازم
نطلع بأي طريقه .
وداد:محد غيرة يطلعنه مدام
ماغلط وياج نستغل .
_والحل يمه مايخلينه نطلع واذا اليوم كدرت اقنع طارق خاف يجي يوم وهو شارب وماكدر احمي نفسي .
وداد :اصبري سنين متحمله ضيمهم بالنسبه الج تنازلي انه مايكدر يجبرني لان شرعا وقانونا الي حصه بورث ايوب غير محسوب عليه رجل بس خلي اشوفلي فرصه اذا مابجيته دم .
_توجهت للكنتور طلعت نقالي الي من يوم الي عرفت سر وجودي عمي سحب منه الشريحه مانع تواصلي او
جان خايف انو استنجد بأي شخص بالتواسيل انطاني النقال عله مود الصور البي كعدت وانه اكلب بستوديو
الصور ودموعي تحجب الرؤيا امسح بالشاشه وقرب التلفون لحلكي ابوس صورته ليش هيج عفتني لو مكمل فضلك عليه وباقي امل حلم عايشه لاجله .
وداد:شما طول السنين وتكصر لابد مايجي يوم وتعرفين الكاظني بي فاروق ماعرف شنو اتفاقه
ويه الحيوانه الي يريد ينسبج اله .
طارق ماموجود طمع امي وخوفها انو مانكدر نعيش اذا تنازلت عن ورثها كزوجه شكد توسلت بيها
نحاول نتواصل ويه الشرطه نشتكي ترفض
بحجت اهلها .
وداد:اذا دخلنه المركز راح يدكون اسامينا
بالحاسبه.
_اي وشنو قابل انتي مطلوبه بجريمه قتل.
وداد:خاف عبالج مافكرت بيها من سنين وانه ردت اخذج واطلع بس من عرفت اهلي مقيديني
بالمفقودين ايست لان اذا الحكومه عرفت راح
يوقفوني لحد مايبلغون اهلي ويسلموني بيدهم وماخيفه عله نفسي واتمنى يقتلوني بس انتي الي كاسرة ظهري .
_شبكتها بخوف وهيج تخلص ساعات ايامنا
من كثر مانضغطنا ماعرفنا هل تصرف راح
يخسرنا كل شيء .
سلاسل.
_واكفه باب بيت خالي وانه اتلفت بحيرة كارهه شوفتهم من بعد دكته الناقصه قشمرني النذل وطلع حته محامي ماموكل وبعد مانحكم جويسم حته ماخابرني ولا امي سالت رديت دكيت الباب شويه وطلعت زوجته تعدل بحجابها شافتني عكرت ملامحاها بقرف بدون سلام كتلها صيحي امي .
!!خير شعدج لافيه؟
_حجيت بنفس نبرتها
ترى ماجاي اتغده عدج .
!!مابيج اجر حته نوكلج .
_احس كلمتها دكت بكلبي دفعتها ودخلت
وانه اصيح يمااا وينج جرتني متوجهه
بيه للباب .
نجيه:ها تعلمتي العرامه من سلوم انوب تعاركين مرت خالج سافله اليوم اربيج من جديد ام الشوارع تالي الضيم والتعب هيج تسوون بيه واحد مسجون والثانيه لازم التقاطع ويه مديحه .
_اريد احجي مااطتني مجال تكفخ بيه وتغلط اخر شي جلبت بشعري وهاي مرت خالي مايدتها
!!تصيح حيل ربيها ولج هذول حرام بيهم التعب
_ احس شعري تكطع دفعتها وصحت يمااا يا تعب وانتي شمرتينا يله كون رايدتني خليني يمج مو
توسلنا بيج تعاي ناجر ونطلع من ضيم الصعده .
نجيه:وانه غشيمه ادري بشغل جويسم واعرف بي ينسجن ولج لو داخلين عليه الحكومه واحنه ويا جا كرفونه حالنا حالهم .
_والحل يمه شنو الحل .
_رديت وانه الم بشعري ههه
ماله كبر الشرج مسجل البيت لسليمه.
نجيه :جا هو خالج ليش
ماخلاني ارد مو يعرف كلشي.
_احس مابقه بيه صبر صرخت وخالي زين لو
حابج ترى كلنا نعرف المن ملفيج وبس يكمل
بيع الورث مال جدي يلزمج الشارع وبعدها
امي ماراده هجمت عليه مرت خالي .
!!ام الشوارع اليوم اذا ماكسرت رجليج .
_اريد اوصل للباب مجلبه بيه والمصيبه امي الي
كطعت شعر راسي دفع هاي ترد عليه الثانيه كوى خلصت روحي منهن طلعت وانه اعدل بملابسي
حجابي طاح بالطارمه مالتهم ضليت واكفه بحيرة مدت راسها امي وبعدها تغلط نزلت دموعي احس العبرة خنكتني كوى طلعت الكلمه شمريلي
حجابي يمه خل اروح .
نجيه:كون هيج مستحيه وهامج الحجاب
ماماشيتي مديحه.
_هيه تحجي ومرت خالي تتهدد تريد تلزمني
وبهاي الحظه شكد كرهتها تدرين يمه سليمه اشرف
منج ويه كلمتي طبكت سيارة خالي نزل والشرار
يتطاير من عيونه ابتعدت مسويتله مجال يعبر
ماحس اله جرني من شعري ويدك عليه طلعت
امي تفرغني من ايده عله صوتنا التمو الجيران فشلان من وضعي الشباب تباوع اجت مرة بيدها ربطه شمرتها
عليه ردت امشي لزمني يسحل بيه للسيارة صعدت اريد بس اضم روحي من نضرات الناس التفت عله
امي اشرلها بمعنى دخلي وصعد يسب ويغلط .
_رديت وانه امسح بدموعي
اجيت عله جنسيتي اريد اروح
لجويسم التفت عليه يريد ينفجر.
ساجد:بعد بس السجن مادخلتي
انعل ابوج لابو جويسم .
_سكتت لان السيارات الي بصفنا ضلو يباوعون
وصلنه لشارعنا صف السيارة نزلت لحكني يركض لزمني يسحل بيه تعدينا السوك وانه مدنكه لحد مادخلنا الصعده هو يسب ويغلط
من بعيد شافتنا صوله ام الباكله كامت
والكمجه بيدها توجهت علينا هاده عله خالي .
صوله:شمالك تسحل بالبت دعوفها .
_تحجي وتاشر بالكمجه وهو مامهتم
فلتت ايدي منه رد عليه كفخني بعد خطوات
وتوصلنا صوله تشجعت ودفعته راد يلزمني بعدت
عنه توني ادنك اريد الزملي طابكه اهفه بيها مد ايده جرني واسمع صوت محابس وهو موجه كلامه لخالي .
_تفاجئت منين طلع محابس اشرلي بعمنى ذبي الطابوكه وهو يتقدم عله خالي الي وكف مستهازء .
ساجد:وانته منو خال اولاد عم بنيه خايب
ماتوخر لا سحلك .
_ردت صوله وهيه تجرني ورا ضهرها .
صوله:غسل الك والنجيه .
محابس:مايشرفني اكون خال لان انته
محسوب عله عليها خال بس تهمني
بت منطقتي .
ساجد:ههه خاف حاط عينك.
_فكيت حلكي متفاجئه بعدني بهول الصدمه من
كلامه التفتت بصدمه ثانيه من شفت خالي تكوم بالكاع ومحابس فوكه طلعو ولد المنطقه مثل الدود وبسرعه البرق وصل الخبر لسليمه اجت تهف بصايتها اشرت لمحابس يعوفه وانه واكفه بينهم .
سليمه:عوفه .
سليمه:النذاله طبعك قابل مشتري
شنو الجديد طول عمركم
علاسين انته واختك .
_رغم موقفهم الزباله وياي ماقبلت ينجاب طاري
امي رديت عليها ترى امي معليها .
_خزرتني بمعنى روحي للبيت
هزيت راسي بعناد وضليت واكفه ابتسمت بمكر
مثل الي يكول تمام لعد اسمعي ماتوقعت كل هذا
وفاجئني كلامها وجانت قاصده تضهر خست خالي.
سليمه:خاف فاتتلكم من علستو سويكه وسلمتو وقبضتو ثمن شبابه سنين هو نايم بالسجن بسببكم ولا كسرت خاطرك دموعه عله ليرة وعفتك لله هو يعاقبك بس ذاك الزمان راح هسه الي يمس شعرة من ولد الشارع امحي من الوجود انكلع
_العجيب انو خالي مارد عليها جره محابس
يسحل بي يريد يطلعه من الشارع نكت نفسه و
مشه وهو يتلفت بخوف صوله شبعته خم ومحابس
دنك بقهر اجت مديحه مبتسه درت وجهي منها .
_اشرتلها سكتي وعيني لمحابس شنو الموضوع ليش هيج نقلب حاله احس لو ماالعيب يبجي معقوله يحب سويكه لهذا الحد جرتني سليمه تسحل بيه .
سليمه:مانخلص من سوالفكم انعل ابو ساعة
السودة الي اخذت بيها راضي ولججج شعدج
مغبشه عله نجيه وخوها .
_دفعتني عله القنفه وكعدت ادك
عله رجليها بقهر ومنتضرتني احجيلها
سبب روحتي لامي .
سليمه:شوكت تنطقين.
_احس جسمي تفلش كل ساعه واحد ساحلني
دنكت وانطيت الاذن لدموعي اشهك والعبرة خانكتني .
سليمه:وهسه اانتضرج تكملين بجي لو شنو ولج مو فتيتي كلبي كلتي اطلع اصخم ويه مديحه وكتلج روحي لان اعرف راح يجي يوم وتعضين اصابيعج ندم كلت خلي يجربون الشارع مال مشاكل ويه ساجد وتورطين ولد المنطقه ويه خالج النذل وامج الي انذل منه لا ادوس عله شيب ابوج واكسر ضهرج .
_رفعت راسي باوعت عليها تحجي ودك عله روحها شجعت روحي ورديت عليها بصوت مخنوك ترى ماكتلهم عاركو هو محابس دخل نفسه انه رحت
اجيب جنسيتي وتعاركنا وخالي جابني .
سليمه:وشلج بصخامج تردين تعرسين
بت التالف ليش ماكلتي وابوج يجيبها .
_ردت اشوف جويسم ومديحه كالت
مايصير اله جنسيه.
سليمه:مديحه مختار مدير السجن شوفي ولج هاي سوالف الزعاطيط انه مافارغتلها باب الحوش ماتوصلين .
_كمت مامهتمه لكلامها .
_فرغت روحي منها وانه احجي ترى مشكلتي ويه خالي شغلي شعليه ومال اشتغل وياج هاي انسيها .
سليمه:من حورج عله اساس لازمين الركن عليج خايبه انتي هم حاسبه روحج مثل البنات ام اعطوب كلمه ماعيدها الكه البيت يلمع وقبل السهرة تحضرين كل شي وتنطمرين بغرفتج مااسمع صوتج .
_ترى يوميه اخلص شغلي يله اطلع .
سليمه:ماكو طلعه بعد ولج مكيفه عله تفرفر مال الشارع وسوالف السواق سونه ترى عله ساعه يكرفونج ويه المتسولين وخاف عبالج اطلعج حالج حال جويسم تخيسن مديحه معلمه عل شارع انكبري وكفينا الشر .
_سكتت ماجادلتها كلت خلي تبرد السالفه لان هيه معصبه واذا لزمتني تمسح بيه الشارع دخلت للغرفه وانه كارهه الدنيا كوى بدلت ملابسي وطلعت لكيتها كاعده بالصاله تخابر شويه ودخلت لغرفتها التهيت بشغل البيت للمغرب خابرتني مديحه رديت بتعب سولفتلها ومنتضرتها تشور عليه .
مديحه:انتضرج بالركن باي.
_بسرعه اخذت جنطتي ولبست صايتي
طلعت امشي عله اطراف اصابعي وصلت للطارمه وكلبي يدك شلت الحذاء بايدي وفتحت الباب بحذر طلعت وطبكته دنكت لبست حذائي مشيت وانه اضحك حاسه بالانتصار تلكتني مديحه تهز بحواجبها .
مديحه:ها شلون فلتي .
_اسكتي شلون راح ارجع اكيد
اطين عيشتي .
مديحه:افى اكو واحد يتاجرء
والاخ محابس موجود .
_هزيت أيدي انطلقنا مثل كل يوم تاخر الوقت رجعت وكلبي يدك بخوف وجنت محسبه عدها سهرة شو هدوء دخلت ماكو صوت بزجهي للغرفه العجيب ثاني يوم ماجنها تشوفني وللعصر طلعت وهيه كاعده لا منعتني ولا علقت كم يوم وانه اروح وارجع وسليمه ماحجت بعد خلصنا مشوارنا ورجعنا نضحك .
مديحه:معوده لو عليه اهون هم نافعنا ترى سكوت حربه واختها مو عبالج هيج بس يخافن منه .
_بعدني ماراده عليها صارت وتصمنت من شفت
حربا بوجهنا وكفنا متصنمين.
حربا:زوعن بدون لغوة .
_تفاجئت بمديحه الي هزت راسها بطاعه
وهيه تنزع جنطتها من جتفها وتقدمها الهن
اخذنها واشرن الها بمعنى ضلي بمكانج
وتوجهن عليه عود مديحه شاطره
ورادت تتصرف بذكاء ردت بخوف وهيه
تنطيني ظهرها ناويه تمشي .
مديحه:يله سونه اطيهن الجنطه ولحكيني .
_بعدها مديحه مامتحركه صاحن بيها.
حربا:جربي تخطين وشوفي شسوي بيج .
_انفزعت من كلامها احس كلبي طاح بين رجليه رجف جسمي خوف رهبه ومديحه حايرة تتلفت رديت عليها وانه امثل القوة خير شتردين ردت وهيه تجرني مثل البزون .
حربا:نزورج الخرابه .
_باوعت لمديحه انبها انو تروح تنطي خبر لسليمه ومحابس وفهمت نضرتي بس هنه محسبات حساب لكل شي جرتني حربا متوجه بيه للخرابه ومديحه تعت بروحها تريد تفلت من ايد موازين وعبالك المنطقه اليوم مابيها بشر ولا واحد بالشارع كل خطوى احس رجليه تثكل دفعتني طحت عله الطابوك الخوف مو
منهن الرعب من الخرابه بعدني ماحاجيه اجتني دفرة صرخت مديحه استلمنها دك .
حربا:سنين والشارع ماشي عله نضام النصافات تجن انتن ماتسون عانه بسوك النسوان تردن تمشن كلامجن علينا بنات الجحف.
_كل دفرة احس بروحي تطلع ومديحه ترافس مثل الطير المذبوح موازين ساده حلكها مادافعت عن نفسي ولا قاومتهن هنه مسلماتني دك وانه اتلفت مرعوبه من صوت البزازين وريحه الخرابه الي اتاكد الف جثه ندفنت هنا ماعافني لحد ماغوشت عيوني عرفن
بيه راح افقد عافنا وطلعن ركضت عليه مديحه .
_طلعنا وحده تجر بالثانيه بس عبرنه الخرابه صرخت مديحه مستنجده التمو علينا ركض ربيع المضمد شالني والجهال ونسوان المنطقه تمشي وارنا
غمضت بتعب اسمع بس مالي حيل انطق نزلني
بابنه ودكه حيل طلعت سليمه بكامل اناقتها عرفت عدها سهر لان ضلت لازمه الباب مانعه دخول الجوارين دنكت تباوع عليه هزت ايدها وردت موجهه كلامها لمديحه الي حالها مو افضل مني .
سليمه:وجه الفكر ارتاحيتي مو كتلج كفي منها وين جنتن ومنو سوى بيجن هيج شفينتي من مصيبه .
_الكل اعترض رد ربيع .
ربيع:صدك جذب هسه وكت هذا الحجي
ددخلي البت شوفي حالها .
ام دعدوش:ولج البت منتهيه لاتموت ونبتلي .
_امشي ام النكر الف مرة نهيتج وكتلج بعدي عنها وين خذتيها بيا مصيبه وسوون بيجن هيج نهت كلامها ودنكت عليه جرتني دفعتني بالطارمه وطبكت الباب لان مديحه رجعت تحجي بعناد .
مديحه:سلوم دفانينه سوى عمري .
_اختفى صوت مديحه عرفت راحت
رفعت راسي باوعت لسليمه الي
تنضرلي بشماته.
سليمه:انجري بوجهج للغرفه بس خلي
يطلعون وانه اعرف شغلي وياج .
_وين ادخل وربعج الي كاعدين .
سليمه:وانتي مستحه ام الشوارع
فوتي لا ارفس بطنج .
_كمت ايدي عله صفحتي احس الالم يدك بكلبي
حايرة شلون راح اعبر بدون ماينتبهون عليه مشت هيه كدامي دخلت وبنضره سريعه لمحت الباشا كاعد وام طيبه متوسطه الصاله وواحد ماشايفته قبل انتبهو لوجودي عكد حاجبه الباشا وهو يكوم من مكانه وكف مانع دخولنا ونضراته دور بيني وبين سليمه توجه
للديجي طفاه صار هدوء هزت ايدها ام طيبه وهيه تسال .
ام طيبه :خير شمصخمه ام اعطوب .
سليمه:شمدريني اكيد هيه ومديحه
متعاركات.
_تجاهلت كلامها واستغليت انشغالهم وبخطوات
سريعه دخلت للغرفه قفلت الباب وكعدت
مسنده ضهري عليه اسمع صوتهم بوضوح واكيد منضري يخليهم يسالون بفضول كمت طفيت الضوى وصرت بصف تلشباك رفعت البرده من الجانب
والضاهر ماقتنعو بكلام سليمه لان واكف مقابليها ونضرات مسلطه عليه ومنتضر جواب رادت ام طيبه تغير الموضوع حجت بصوت عالي.
سليمه:هيه وبنات المنطقه باجر تلكاهن
متصالحات ويطلعن سوى .
الباشا:والمفروض اقتنع .
سليمه:ترى متعودين هنه يوميه سالفه لادوخ نفسك .
_هز راسه بمعنى تمام واشر لصاحبه يكوم تفاجئن
من تصرفه كامت ام طيبه لزمت ايده بتوسل التفت عليها بسرعه ابتعدت وبس طلعو توجهن عليه همزين الباب مقفول .
سليمه:ارتاحيتي بت التالف طلعي اريد اكسر ضهرج اليوم بت الكلب انه صوجي سهله اذا ماديحتج انتي وابوج واشبعي جداوى .
_ضلن وحده ترفع وحده تكبس ماجني اسمعهن جريت فراشي وتمددت الم صفحتي ماخلاني اغمض بجيت محتارة وين اروح والمن اشتكي ابوي الي صار وصلة مسح بيدها لو جويسم العافني دايخه للصبح عيوني تصب وآلالم يزيد ماينقص احس سجاجين وتملخ بيه كمت اجر بروحي فتحت الباب وانه اصرخ طلعت سليمه مخترعه .
سليمه:شكو شبيج ولج.
_تكرفصت لازمه صفحتي وصاكه ستوني من شدت الالم اتقرب عليه بخوف رادت تكومني ماتحركت حجيت بعبرة لحكيني الله يخليج .
سليمه:دكومي خل افتهم شبيج .
_كومتني للقنفه وركضت جابت نقالها اتصلت بربيع المضمد ورا شويه اجه وجنطته العده معلكه بجتافه .
ربيع:ها سلامات .
_ اشرتله عله مكان الم
هز راسه متحسف خله ايده ضاغط
عله صفحتي صرخت موجوعه فتحت جنطته
طلع منها ابرة وكبسول وهو يوجه كلامه لسليمه .
ربيع:لازم يشوفها دكتور لان حسب معرفتي
الكله تاذيهاوالظاهر الضربه قويه خلي تاخذ هاي الكبسوله وشوفيلج احد يضربها الابرة تسكنها شويه لحد ماتاخذينها للمستشفى .
سليمه:دضربها انته خلي تهود عود
من يجي ابوها يتخذها للدكتور.
_هزيت راسي رافضه .
ربيع:ترى ام دعدوش ومديحه يعرفن شوفيلج وحده منهن يله اترخص ماعدها غير العافيه.
_طلع ربيع كمت جبتلي ماي شربت الكبسوله
وصحت عليها دزي عله مديحه تصربني الابرة مانتضرت ردها دخلت للغرفه الوب ابجي بصوت
اشكد اتمنيت اموت واخلص من هل عذاب شويه واجت مديحه غمزتلها بمعنى لا تجادلين .
_تحجي بحركه اباوع عليها شلون طكت الابره كسرتها وسحبت محتواها عبالك متمرسه ولا افضل ممرض يلحك خف ايدها دفعتني وكعدت عله رجليه ماقومه حركتي ضربتني بسرعه رفستها وانه اتحسس مكان الابرة .
مديحه:ثول ترى ابرة مو طلقه جنج فرخ جاهل .
_عدلت كعدت واشرتلها تتقرب عليه لاتسمعنا سليمه شنو الاخبار طلعتي هم تعرضلج بعد الجيران شنو كالو.
مديحه:ههه طابخاتها شبيج من حجيت نكرني .
_فكيت حلكي شنو يعني .
مديحه :يعني محد يصدكنا والمصيبه محابس مختفي .
_وصخام شكو معوده ماريده يدخل وتصير سالفه وشكلك انه السبب عوفيهن دوبارهن يمي .
مديحه:وابوج وين .
بعدني ماراده دخلت سليمه تسال .
سليمه:امس بختجن بالناس الي عندي وسكتت بيها مجال تفهمني وين جنتين ومنو سوى بيجن كل هذا .
_التفتت عله مديحه الي تنضر لسليمه
باستهزاء كامت وهيه تحجي .
مديحه:معقوله سلوم ماعدها علم والي اعرفه
بزازين الجده مايتحركن بالشارع اله باامرج
معقوله النصافات يتصرفن وانتي ماتدرين ؟
_كمت اريد اسد حلكها لان اعرف بيها ماتخاف
هجمت عليها سليمه صرت بنصنهن ادفع بمديحه اريدها تطلع وهيه معانده اخر شي سليمه كالت الها .
سليمه:ونلحك العيار لباب الدار امشي لحربا نسالها.
_مشت سليمه متوجه لغرفتها شويه وطلعت لابسه صايتها اشرت لمديحه امشي التفت عليه
وهيه تهز بحواجبها .
مديحه:يله عود اجيج غير وكت.
_عافني وطلعن احس نفسي ضاك مليت من
عيشتي تمددت عله القنفه فاقده الامل بالي يم
جويسم شويه ورجعت سليمه تعد وتصف .
سليمه:تراب رجليه يردن يلعبن بيه عود يردن
يسدن مصيبتهن ذابنها براس النصافات .
_سكتت مابيه اجادلها سكتها صوت
الباب كامت مسمعتني .
سليمه:بلكي ابوج لفه حته تنكلعين
انتي ويا واخلص .
_عرفت راح تلزم ابوي بالبيت واذا اعترض
تطردنا تفاجئت بدخول ام طيبه وسليمه وراها تسال بخوف.
سليمه:دحجي شبيج.
أم طيبه:ولج اكل كلبي من الصبح خبص التلفون خبص يسال عن هاي القندرة .
_تحجي وتاشر عله غرفتنا وبغباء التفت
اباوع وراي تقصد منو ردت عليها سليمه .
سليمه:كل عقلج وكفتي كلبي عبالي صاير شي.
ام طيبه:يعني عادي ولج صار اشكد انه ويا ماشفته هيج مهتم لامر ولا طبعه فضولي بس سواله عنها موتني .
_تحجي وعينها للغرفه من خوفي ركضت للباب
قفلته ورجعت اتسمع عليهن .
سليمه:ترى من باب الفضول ويمكن كسرت خاطرة معوده شحال لو ماتعرفين ذوقه دكومي وحاولي تقنعينه يجي اليوم بحجت نعوضه عن سهرت امس .
_ابتعدت من الشباك من شفت ام طيبه كامت بس
ضل بالي بكلامهن نزلت دموعي من سمعت صوت ابوي استلمته سليمه صياح .
_كمت اريد اشوفه وهم اساله عن جويسم
بعدني مافاتحه الباب وصدمني رده .
راضي:كسري رجليها اذا خطت الباب ايدج الج
المن طالعه خو تخدمج وانتي مامقصرة وياها .
_خليت ايدي عله حلكي مانعه صوت شهكتني رجعت تمددت بفراشي لليل وانه اكول هسه يجي يشوفني يطمن عليه يسولف وياها ويضحك مامهمت سندت نفسي وكمت اباوع من ورا البرده مشتاقتله انكسر شكو امل بيه من شفت وضعه منتهي يمسح بخشمه بطريقه مقززة عرفت ايامه معدوده لو يموت بجرعه زايده لو ينسجن .
راضي:هذا الاسبوع اطلك نجيه.
سليمه:كلعه .
_يحجي ويتقدم عليها صفنت شعاجبها منه
وشلون تتقبله جرته للغرفه وره شويه طلع وبوجهه للشارع كم يوم وانه على نفس وضعي اضرب ابر اسكن الالم احس ماعندي طاقه اتحمل خابرت مديحه وخلصت المكالمه
تتحلف بالنصافات ولج دتعاي اشوفج عوفيهن .
مديحه:ماتخليني الغوله ادخل بيتكم اجيت
وطردتني بلكي باليل امر عليج
_ولج باليل منين ادخلين وسليمه سهرتها ماتخلص للفجر جيبيلي ابرة وتعاي راح اوكفلج بالباب.
مديحه:مدري شعاجبهم منهن وين
التالفه هيه وام طيبه دروحي خل امر عله ربيع المضمد واجيج .
_وهيج خلصتها وياي سليمه تتعمد اليل كله الديجي يصيح والغريب الباشا صار يوميه يجي ومثل كل يوم تضربني مديحه الابرة حته انام توني سكنت وصوتهم فززني حاولت بكل طريقه انام ماكدرت وصار الشباك المنفذ الوحيد جريت الميز وكعدت نسيت الالم وانه
وركضت سليمه للباب ضليت حايرة توجهت للشباك وجوهم انخطفت واحد يباوع للثاني ردت كامت ام طيبه تريد تلحك سليمه .
الباشا:بمكانج .
_ويه كلمته صوت محابس خبص الصاله دخل
وهو لازم سليمه من كلبيتها يسحل بيها ويحجي بعصبيه مامهتم للموجودين .
محابس:تستغلين عدم وجودي وتلعبين حذرتج لو لااااا.
_كوى خلصت نفسها منه وهيه ترد عليه الباشا
وصاحبه شلون المتفرجين يباوعون بفضول واكيد يردون يعرفون السالفه .
سليمه:اجاوزت حدك ترى اخفيك
وانته تدري .
محابس:افضلج اذا بيدج شي لاتقصرين لان ماراح اعديها الج واذا ناويه تجرينها لدربج ادفنج بالخرابه وانته عدله .
_من صدمتي ماتحركت دفعته سليمه تريد اطلعه من الصاله كفخها ورجع متوجه لباب الغرفه بسرعه كام الباشا وهو يعدل حزامه وقاصد يضهر سلاحه خفت تكبر السالفه خطوات صارت شبعدها دنكت عله
حجابي خليته عله راسي وفتحت الباب وطلعت وعيوني للباشا الي من شافني نزل ايده من سلاحه رفع حاجبه وشبهه ابتسامه بينت عله وجهه ماعرفت افسر نضراته الي تتنقل بيني وبين محابس ماهتميت اله وجهت كلامي لمحابس هيه مالها شغل عوفها التفت عليه .
محابس:بت الطلي شكو طلعتي
_اطلع بس خلي البس صايتي واجي افهمك بس روح .
محابس:انكلعي بسرعه.
_هزيت راسي بمعنى اي
دفع سليمه وطلع رجعت للغرفه اخذت صايتي وطلعت وانه البس بيها مدنكه اسد بالدكم وماحس اله الباشا لازمني من ايدي .
شكرا لزيارتكم عالم روايات سكيرهوم
