رواية اغفري لي الفصل الرابع عشر بقلم أوتار حزينة
اقتلني... ودعني أموت
لأني رأيت أن موتي راحة لي
من حياة لا تشبهني
من جسد يغتصب تحت اسم زوجه
ومن قلب يجلد كل ليلة بلا ذنب
رفضتك...
نعم،،،،، رفضتك،
ورفضت أن أكون أنثى معلقة في هواء كبريائك
لكنهم أجبروني،،،،،
باعوا صمتي وباعو جسدي
صرخت لااريده
لااريد من ،،،،،اغتصبني
من استباح كل شي بي
لااريد من كان موتي على يديه
صوتي لم يسمع واصبحت
اسيرته اردد
اي رجل انت
اي ظالم انت لا رحمه
في قلبك ولا رحمه في يدك
تأخذني كأنني حقك في العقاب
كضحيه قدمت قربان لك
ااخبرني ااي ذنب جعلني
امرأه لك اي جلاد سلمني لجلاد
مثلك؟
غاده
مشيت للغرفه جان الباب مفتوح
سمعته يحجي
«،،،،،زين مااسوه من چتله لهذا العار
فزيت ووكعت الصينيه وصرخت
«،،،،،لااااا لااا
طبيت علي مثل المخبله
سد الجهاز وكام رحت عليه كمت اضرب
بيه على صدره اصرخ
«،،،،لاااا ولك لاااا
لزمني وصاح
«،،،،هاااي شبيج ولج
الكل طب علينا دفعني منه رجعت ليوره
اخزر بي بدموع وحقد
««،،،كتلك اذااا سويتها اااني اخذ ثاري
منك
حجيت هيج وركضت للمطبخ جريت
سجين من السله هو
طب وراه الكل الحجيه
صاحت
«،،،يمه شمالج تصرخين
«،،،خيه استهدي بالرحمن وفهمينا شصاير
جعفر حجه ذاك اتقدم يخزر بيه صحت
بيه مفجوعه ورافعه السجين
«،،،وولك ليييش قتلت،،،،اخويه مو اخذتني
مو اعتديت عليه وسويت الي
جنت تريده
جدته صاحت
«،،،يممه عزه العزاج فطم ولك صدك چتلت
الولد
عمته تملخ بوجهها تصيح
«،،،يبوو تعزينا وتصخمنا رملت زهره وهي عروس
تقدم عليه عيونه تباوع عليه بقسوه وحقد
كال
«،،،ذبيها من ايدج احسنلج لا اروحن انه
اخليها بگلبج
«،،،والله ماااراح اذبها الا وهي بگلبك
بسرعه هجم عليه قبل لايلزمني
ضربته بايده وجرحته
صاح ولزم جرحه
«،،،نعل اااهلج خرب صفحه واالديج
صحت بي
«،،،والله لااااذبحك اذا مااخليت سجين
بگلبك ااني مو غاااده
«،،،وولج دتعاالي اليوم الا اشعلهم لاهلج
جعفر لزمه ولد طب يصيح
«،،،شكو شصاير
شاف الوضع لزمه ويا،،،، ينفض
بروحه يريد بس يلزمني
هن لزمني يصيحن
«،،،،جتلت الولد ياحمزة ورملت زهره
تهسترت وكمت اصرخ بخبال
«،،،،الله يااخذك الله ينتقم منك حسبي
الله عليك ماكفاااك ااسويته بيه رحت
قتلت ااخويه
حمزة
موسى وجعفر اخذوني مجتف من يمها
انفض بروحي واهد ويرجعون
يگضوني اصيح
بخبال
«،،،،وولكم عووفوني خلوني اااچتلها
وابرد نار گلبي بيها
طلعوني لبره بالحديقه فلتت منهم
رگضت لجوة جعفر وكف
بوجهي وصاح
«،،،،ووولك كااافي كاافي راح تعلگ علينا
من ورة سوايتك
«،،،وولك ماااسويت شي
صحت بي وكملت
«،،،،لو اااريدن اچتله جان چتلته من زمان
مو هسه من اخذ زهره
«،،،،چا ليش هدت عليك
مشيت بسرعه هم گضني كال
«،،،،عوف البنت لايصير بيها شي
«،،،وولك اانه الصار بيه شوفني ذبحتني
بنت الگلب
هديت اسمع صراخها
حبوبه طلعت هي وعمتي يصرخن
«،،،،وولك ليش چتلت الولد لييش
«،،،ماچتلته ولكم مااااسويت اله شي
بعده طيب عااار مايموت
«،،،چا شلون كالت چتلته
«،،،موووو هو مهيب جااان يحجي وياي بسالفه
ولد وهي سمعت وعدالها هو
الكل صفن عليه عمه كالت
«،،،خلي اروحن اگولن الها البنت تخبلت وماظل
عگل براسها
صحت اشر على
البيت
«،،،،هاااي اليوم ماتسلم من اايدي والله
لااذبحها اانه تذبحني
واطلع دمي من اامداني
ااذا صدك
مشيت حبوبه وكفت بوجهي خزرتني
صحت
«،،،،يممه وخري من چدامي
«،،،خطوه االخ واغضب عليك الى يوم الدين
«،،،مااااشفتيها شسوت بيه
«،،،شفت وعدالها چتلت اخوها ولو اني
بمچانها اذبحك بسنوني
فگيت عيوني وصحت
«،،«ادافعين عنها يمه واانه چدامج واكف
بدمي
خلت عيونها بعيوني وردت بهدؤ
«،،،،،،العين بالعين ،،،،وانت ماقصرت
وياها طگيتها وطلعت دمها اكثر
من مره
«،،،«هيييج الحجي يمه
«،،،،اي يبعد امك هيج علت عليها وربك
ردها الك
«،،،انتي ويا من وياي وياها
«،،،،،انه وي الحگ واسمعها مني مره ثانيه اذا
مسيت شعره منها ماتلوم غير
نفسك
لميت قبضه ايدي بقوه وكلت
وي نفسي
«،،،هينه انه اعرف شلون اخذ حگي
منها
غاده
مااهدأت الا من حلفو اليه هو جان يحجي
بموضوع ثاني وتاكدت من رانيه خابرت زهره بحجه تسأل عليها وجان الوضع طبيعي جدته اخذتني يمها هي وعمته لان خافن عليه
منه كعدت يمهن حجت بعتب
وزعل
«،،،ليش،،،،هيج يمه شلون تسوين هيج
غير اتاكد من السالفه يله اتصرف
مارديت كملت
«،،،ذبحتي الولد وطلعتي دمه وهو جان يحجي
بغير سالفه
«،،،هو هم ضربني وطلع دمي حلال علي
وحرام عليه
ذبت حسره وردت
«،،،،وانه مارضيت اله الجان يسوي الج
وشفتني يايمه جم مرة اوكف بوجهه
ومااخلي يأذيج
«،،،ابو جمرة ماراح يسكت الها يايمه
عمته حجت وكملت بقلق
«،،،ذبحته وطلعت دمه وهاي اول مره واحد
يگدر يسويها بي وهو تعرفي
ماينسى الي يأذي
الحجيه ردت
««،،ماراح يسوي شي يعرف زعلي علي
اي ذره ندم ماجانت عندي حسيت گلبي برد من طلعت دمه بس عرفت هو راح ينتقم مني بالطريقه
الي اموت منها
جنت اتمنى يضربني ولا يتقرب مني
جنت اموت من وجهه الاسود
ولمساته وانفاسه
احس مو لازمني بشر لا حيوان همه بس
يرضي غرزيته وبس
ثاني يوم سمعت بي سافر للبصره وجعفر ويا
يظلون 3 ايام ويرجعون
ارتاحيت منه وگلت عساه مايرجع بس
الويا يسلم
رجعت لغرفتي او قبري جانت هوسه
هدومه مشمورة هنا وهناك كمت
ادوس عليهن وادعي علي
بالموت
شلتهن وشمرتهن بالسله جان نايم
على الجربايه جريت الغطه وكلشي وخرته
ذبيته بالحمام دورت فرشه لگيت
بالمحلق الفوك
خليت وحده ورشيت معطر جنت اريد الهي
روحي باي شي مااريد اظل كاعده
وافكر بس حتى واني اشتغل
الافكار ماعافتني
ولو لحظه
يمامه
رجعت ورة المغرب شايله علاكه
بيها حلويات لحنين دگيت الباب طلعت
امه اطك بالعلج شافتني عوجت حلگها
اشرت
«،،،فوتي
طبيت اخته ساهره واكفه كدام مرايه فوك
مغسله وتخلي مكياج البيت نظيف لاول مره
عرفت اختي منظفته لان هي واني
رغم وضعنا نظيفات ومرتبات
«،،،اختي وين
«،،،جوه بالمطبخ
«،،،،من خفت هالخلقه حتى سلام ماتسلم
اليكول ليدي وهي خلگ شاحوذه
اخته الثانيه حجت مادرت بال طبيت لگيتها
واكف تگلي بيتنجان والمطبخ
مو هو نظيف مو مثل
قبل صاحت بفرح
«،،،هلا يمامه
اجت بسرعه باستني وحظتني
وخرت سالت من شافت العلاكه
««،،هاي اليه
«،،،،اي يوميا راح اجيبلج حلويات
وجبس
«،،اي عفيه اگله لسعيد يغلس مايجيبلي
«،،،عوفي خلي يولي اني اجيبلج
«،،،تسلمين يمامتي
ابتسمت راحت اخذت صمون خلت
بتيته وبيتنجان انطتها اليه
كالت تباوع على
الباب
«،،،،اخذيها قبل لايجن
«،،،مااريد شبعانه
«،،،ااي اخذيها ولاتفشليني
اخذتها منها من خلتها بايدي خليتها
بالگيس مال الفلوس اخته
الجبيره سماره وكفت
تباوع علينا كالت
«،،،،اكلج انتي ليش ماتاخذين دگسن
«،،،اي حتى اصير منفوخه مثلج
هزت روحها وجاوبت
«،،،وشبيها المنفوخه تره كلهم يريدوها وسعرها
عالي بالسوك
ثولت روحي وسالت
«،،،ياسوك
«،،غمج الله اي والله هاي انتي هم مثل اختج
كلشي مااتعرفين
امها طبت تضحك ردت
«،،،هههه ولج هاي مو مثل حنين هااي يمامه
هم هزت جتفها وكملت
«،،ام عيون ورموش حلوه
اجت ليمي وكملت
«،،،ولج والله لو بس تسمعين كلامي الا اخليج
انتي واختج تلعبن بالفلوس لعب
بنتها كملت
«،،،اي تعالي ويانا احسنلج من الفره
بالشوارع وماده ايدج للناس
اختي جانت اجر بهدومي يعني
لا جاوبيهن بس رديت
«،،ماشفتج لعبتي بالفلوس انتي وبناتج
بعدجن بهل الخرابه ماطلعتن منها
ومن تريدن تروحن بشغله
تصعدن بالتك توك
سكتت وكملت وي بنتها
«،،،امد ايدي للعالم ولا ابيع عرضي
لليسوه ومايسوه
«،،،هههه شريفه مو بأيدج
امها حجت هيج وكملت
«،،،مثل امها هيج جانت ابدا ماتنطي روحها
لو خلوه ذهب بأيدهاا
«،،،ههه لو منيره حلوه الا مشت بهل الدرب
طلعن من يمي يضحگن باوعت لاختي
خايفه ومقهوره حجيت بأعصاب
«،،ولج اذبحج والله اذا مشيتي بدربهن
اذبحج حنين اذا سمعتي كلام
تعيس وسويتي الي
يريدو
ردت بسرعه
«،،لااا اصلا هو كال ماعليج بيهن اني اريدج
بس اليه
«،،،اي شريف بعد امه وهو كواد درجه
اولى
سكتت بعدين كلت
«،،،اسمعيني زين ذوله مالهم امان واني اعرف
ليش اخذوج اذا رادو منج تشتغلين نفس
شغلتهم الساقطه كولي
اليه واني اخذج واشرد بيج
«،،،،،لااا كتلج سعيد مايقبل
غميتها وكلت
«،،،،من امداج انتي ويا عبالك ولج
حبيتي
«،،،ها لاا يعني هو زين وياي ويحبني
«،،حبتج حيه انتي ويا گولي امين
«،،،ههه
الفطيره ضحكت وكالت
«،،،شجبتي اليه
«،،،الي تحبي
باستني من خدي وكالت
«،،،اموت عليج
ابتسمت وكلت
«،،،اني رايحه اي شي اجيبه الج لاتحجين
بي يم احد واكلي بالختله لاتنطين
تعيييس
«،،،ههه هسه يخرب ضحك من يسمع اسمه
هزيت راسي وكلت
«،،رايحه
«،،،الله وياج
طلعت من يمها شايله همها وافكر بيها
ليلى
جنت عبالي قائد راح يجي ويفرض
نفسه عليه بس الايام مرت وماشفته ولا اجه
بس جان عندي احساس هو يراقبني من بعيد
لبعيد
احس عيونه عليه وين مااروح بس ماشفته
هالشي سبب اليه توتر وظليت ادور
علي بعيوني متوقعه بأي لحظه
راح اشوفه كدامي
بالي جان يم غاده رغم جنت احجي وياها يوميا
ردت اشوفها اكعد وياها نحجي مثل
قبل تحجي اليه همها واني هم
بس ماما وبابا جانو مايقبلون اروح
عليها بيوم كلت اروح بدون مااگول الهم على
اساس رايحه للدوام ومناك اروح
الها
سويت هالشي وطلعت بسيارتي لان كمت
اروح واجي بيها مثل الاول بعد
مابردت سالفه قائد
طول الطريق لبيت غاده افكر بي وهو اصلا محتل
تفكيري من اول يوم من حسيت
گلبي بده يحبه
اعتب علي عتب جبير والومه لان ضيعني
من ايده ضيع وحده حبته بجنون
وجانت ماتريد شي منه
بس نفسه
لو مصدكني وواكف ويايه بذاك اليوم
جان مو هذا حالنا جان هسه احنا مزوجين
وعدنا اطفال تذكرت من جنا
نحجي اني ويا والفرح
ثالثنا كلت
«،،،،قائد تعرف اني احب الاطفال واموت
عليهم
جاوبني بضوجه
«،،،اني اضوج منهم
«،،،ياااا لاا ليش
«،،،يمعوده مزعجين وبس يبجون
«،،،ههه بس والله حلوين
«،،،اي بس هم يظلون مزعجين
«،،،تعرف اني اريد سته ولد ثلاث
وبنات هم ثلاث
«،،،شعندي يابه اخلف هلكد مخبل غير
امشي واحجي وي روحي
واصفك بأيدي بالشارع
ويسموج مرة
المخبل
«،،،ههههه
ضحك ورد
«،،،اضحكي مشعوله الصفحه تريد سته
غير يخبلونا
«،،،اوي هاي شبيك اليكول انت الي راح
تتتت
«،،،احبل بيهم كمليها ام لسان ولج مو جنتي
من طيور الجنة منو فسد اخلاقج
«،،،ههه انت ماكو غيرك
«،،،يولي انتي طالعه عيونج ويراد اجي اعلمج
قاطعته
«،،،،الادب مو كولها ااحجي اي مو اعرفك
نبدي حلو ونبدي عاد نجفص
ضحك ورد
«،،،لاااا يابه ياادب يابطيخ جنت اريد اكول ااعلمج شلون تجفصين بعد بطني ولو انتي مو مقصره
جافصه بيها وبطن نص عشيرتي
«،،،،هههه ليش مو كلها
«،،،لاا يزعلون
«،،،،لاا كلهم تره اطنگر
«،،،كلها يااابه بس لاتزعلين وتجيج الطنگورة
وتسودين عيشتي
«،،،اكلك شي
«،،،كولي ياشريان گلبي
«،،،،احبك واموت عليك حب بلا حدود
غمضت عيوني دمعتي نزلت جنت احبه
حب جبير وبعدني احبه واموت
علي بس السواه بيه
كسره بعيوني
الجنت اشوفه سند اول واحد غدر
وعافني وحدي جنت اكول مستحيل اني
ويا نفترق من الحب الي جنا
نحبه واحد للخ
بس افترقنا بس ظلينا واحد يحب اللخ
اعرفه هو بعده يحبني مامحتاج
اسمع منه هالشي نظراته
كافيه واعرف هو
ماازوج لان ماراح يكدر يحب احد
بكثر ماحبني
ذبيت حسره انتبهت وصلت الطريق الي يودي للبستان،،،، مشيت كم خطوه
ومااشوف غير سياره
تصير كدامي
بسرعه
خفت كلش لان جانت منطقه مقطوعه
ومابيها احد ظليت بسيارتي
اباوع عليها جانت
مضلله كلت
هاي منين
طلعت
كلت قائد بس جانت مو نفس سيارته نزل
گلبي فز من شفته هو وكف يباوع عليه بعدين فر راسه على المنطقه نزلت عاكده
حواجبي ردت احجي سأل
«،،،انتي شعندج جايه لهنا
«،،،وانت شعليك وليش جاي ورايه
«،،،يولي جاوبي انتي شعندج جايه
لهل المنطقه المنگطعه
«،،مااعليك
نترت بي ووكملت
«،،،ووامشي منا وبعد لاااتمشي ورايه
اجه باتجاهي ماتحرگت وكف مسافه قريبه
انتبهت وجهه صاير اصفر والعيون
حمر وجوة عيون سواد
كال
«،،،غلط تجين لهنا وحدج
«،،،كتلك اانت ماعليك بي وتفضل امشي
منا
«،،،ابوج واامج يدرون بيج جايه هنا
«،،،،يالله
صحت بغضب وخزرته كملت باعصاب
«،،،ااانت ماااعليك شبيك مااجاي تفهم
عربي
«،،،لا افهم واحجي انگليزي والماني هم
وكاعد اكلج جيتج هنا غلط وهسه امشي
ارجعي وبعد لاتجين هنا
«،،،لا بله بامر منو
«،،،ليلى
«،،،،لااادكول اسمي
صحت بي وكملت
«،،،،انسى اسمي وانسااني وهاي التصرفات
بطلها وبطل تمشي ورايه لان
بعد ماتفيد ولا راح
تشفعلك السويته
بيه
«،،،اانتي عرضي واا
قاطعته بصياح
«،،،،موو عرضك اني ولا يشرفني اصير
قريبه الك او لاي واحد من عدكم
تبريت منكم واريدكم تتبرون
مني
«،،،يولي اني خاايف عليج لل
هم قاطعته بصياح
«،،،،،لااتخاف خاف على روحك انت ووهسه
تحرك خلي اولي للصديقتي
سكت بعدين سال
«،،،صديقتج ساكنه هنا
«،،،انت شبيك ليش ماجاي تحس تره
ااني بصعوبه متحمله وجودك
يمي حس وروح وخلصني
من شكولك القذره
ملامحه تغيرت للالم كلت اريد اذي
بعد اكثر
«،،تحررك وعوفني وبعد لاتفكر تجي وتوكف
بطريقي لاااشوفك شي مو شايفه
«،،،ماراح اااتحرك ووامشي اارجعي
صفنت علي وكتله
«،،،اانت شبيك بيك شي المانيا سوت شي
بعقلك ماجاي تحس انت شسويت
بيه ماجاي تعرف اني كرهتك
وكمت مااطيق اشوفك
او حتى اگول اسمك
«،،،،،جذااابه لان الي انتي بي كله غضب
وزعل ليش ااني مااعرفج ليلى واعرف من تزعلين
عليه تظلين تحجين وتسمعيني كلام
يوجع وحقج والله حقج علت
عليج كلش واذيتج اذيه
جبيره واعرف كلمه اسف
ماراح تسوي شي ولا تمحي الصار
بس افهمي اني هم انضحك
عليه وانغدرت
ابتسمت بس گلبي يوجعني بالم قديم
وتجدد من شافته عيوني كلت
«،،،وتريد نرجع مثل الاول مو تريدني انسى
شسويت بيه هيج بسهوله تريدني
انسى شلون توسلت بيك
تبقى وتسمعني
«،،،،عوفك من هاي اوكي انت انغدرت وهم
انضحك عليك زين مافكرت تبقى تتأكد من
الشافته عيونك حتى تحكم
قاضي وتنفذ جلاد
سكت كملت بعيون مغوركه
«،،،،اني اجاوبك انت ردت تنهزم من گلشي ردت تتخلص مني ومن الجان يصير بيك صرت جبان،،وماكدرت توكف بوجه الكل
وادكول هاي لعبه لان انت
نفسك جنت تحذرني من
مهند
«،،،ولج ماااظل عقل براسي تخبلت ليلى
من شفتج بحظنه وجان يبوس بيج
«،،،عباااالي انت
صرخت وكملت
«،،،واكبر غلطه بحق نفسي وبحق بابا هو
الجنت اسوي وياك
سكتت وهو هم كملت بقهر
،،،،واكبر غلط سويته بروحي هو حبيت
واحد جبان مااجان كد كلمته
تقدم وصاح بغضب
«،،،اني مووو جبان وشفتي شسويت على
مودج ولج حاربت الدنيا كلها حتى
اخذج انهانيت وانطردت
وانضربت من وراج
وهااج شوفي الاثر بعده بگصتي
وخر شعره يشوفني الجرح صحت بي
«،،،،انت انضربت مو ضربت روحك وجرحتها
ووكفت بنص دمك وانت صافن
ضايع تايه تنتضر الموت
يجيك وياخذك
هاي اني ذبحت روحي من وراك ماتحملت
تعوفني ولا تحملت بعد مااشوفك
ولا كدرت اوجه الناس
واهلي كلت اموت
واخلص من كلشي
سكت رددت
«،،،وبعد كل هذا الصار بيه تريدني ارجع
الك والله اقتلها لروحي وماارجع
الك واذا گلبي حن الك
ادوسه برجلي
سياره اجت وكفت وره سيارتي نزلو
اثنين سألو وهم يباعون عليه
وعلي
«،،،خير صاير شي
هو رد بنترة
«،،،لا
صفنو علي بعدين واحد كال
«،،،اذا ماكو شي سو درب خلي نفوت
رحت سيارتي صعدت ورجعت للطريق
مارحت على غاده هو ورايه
بمسافه
دموعي نزلت وكلت
«،،،ماراح تعوفني ااعرفك من تريد شي
الا تسوي بس والله ياقائد اذا
ماذليتك مثل ماذليتني
اني مو بنت ابويه ولا
اتسمى ليلى
ماعافني الا وصلنا منطقتنا وبعدين راح
وصلت بيت اهلي نزلت مقهوره
منه ومن روحي الي
ظلت تحبه
قائد
بعد الي عرفته عالمي اهتز وهز گياني
كله صرت واحد مو فاهم نفسه
ولا يعرف شلون راح
يكدر يصلح السواه
بيتي صافن اخوتي كاعدين يمي وحسين
واكف يدحك عليه القهر تارس
ملامحهم وقهري بگلبي وراح
يگتلني مقداد حجه
«،،،،مو كتلك لاتروح بعد وراها
مارديت كمل
«،،،ولك قائد عوفها لاتروح من ايدينا مرة
ثانيه
«،،،مااكدر بعدها نفسي بيها بعدني احبها
واموت عليها
جاوبته وكملت ضايع اريد واحد يلزم
ايدي ويدليني على الطريق الي
يخليني امشي اني وياها
بي مثل الاول
«،،،اذا ماسامحتني اموت
«،،،يجي يوم وتسامحك
احمد رد كملت
«،،،،واذا ماااصارت اليه هم اموت
محد حجه،،،،رددت بعيون جامده
«،،،ااني ضيعتها من ايدي خمس سنين
ومااريد اضيعها العمر كله
«،،،قائد انت تعرف شصار يعني هي
«،،،ااعرف
قاطعت مقداد وكملت
«،،،اعرف هي زعلانه عليه وحگها اذيتها
جثير وخذلتها
«،،،ماجنت تدري انلعب عليك
ابتسمت بالم وجاوبت
«،،،جان المفروض اعرف هاي الفرحه
الجانت بيها من شافت العار هي اليه بس ااني جنت اعمى غيرتي عليها عمتني وخلتني
مااسمعها من توسلت بي مااعوفها
وهم ااهلك ماقصرو لعبو بيه
طوبه من وراها
اخوتي سكتو كملت بقهر
«،،،،ماشفتو شسوه بيه كرهوني بالدنيا وزادت
مشاگلي وياها وهم مو عذر
لان جان المفروض اعرف
هي ماتگدر تخون
غمضت عيوني بتعب اردد
«،،،،اني الجنيت على روحي محد جنى عليه
من سمعت السمعته واني مو نايم من
التعب والقهر نمت بمكاني
حمزة
الفجر طلعت انه وجعفر للبصره ولد رفيچي
مات ابوه ولازم اروحن اخذ من خاطره
كلت للاهل راح نظل هناك
ثلاث ايام ردت ابتعد
عنها حتى مااذيها من ورة السوته بيه
طول الطريق افكر بيها وبگوايه
عيونها الي ماشفت
مثلها
وصلنا وقمنا بالواجب عگبنا ثاني يوم الظهر
لان ماارتاحيت ولا جعفر ماگلنا للاهل
حتى مايظلون يتصلون بينا كل
ساع وانه اضوجن
من هالسالفه بالطريق
نزلنا يم مطعم نرتاح شويه
كملنا وطلعنا جعفر كال
«،،،،،تأخرنا وراح نوصل بليل
«،،،اي
جاوبته انداريت للمطعم كتله
«،،،،روح جيب مي نسيت اخذ م
سمعت شحطه سيارات ورايه صاح
«،،،حمزة وووخر
انداريت مااشوف غير حديده تمر من وجهي
وتشخط خدي وتنضرب بالباب
كسرت الجام وتطشر علينا
كلشي صار بسرعه ماافتهمت شنو الصار
خليت ايدي على خدي عاينت االها
دم بس مو هوايه
هو گضني وصاح
«،،،بيك شي تأذيت
«،،،لاا مابيه شي انت بيك شي
«،،،،لااا
جاوبته وعاينت للشارع سيارتين
وحده مضروبه باللخ والاوادم ملتمه عليهم
هو شال الحديده وكال
«،،،،،ياساتر يارب شوف الحديده شلون حاده
والله او ما لطف ربك الا تذبحك
صدك جانت مثل شفره الموس
كلت
«،،،قدر ولطف
الي صار بيهم الحادث الله لطف بيهم
وطلعو بجروح بسيطه
صعدنا بالسياره اسمعه يردد
«،،،،جانت متت يبو جمرة بس ربك سلمك من
الموت بمعجزه من عنده
مارديت لان اللحظه جانت تكرر براسي وبين
عيوني شفت الموت
شعره عني
وجان انه هسه جنازه ورايحه لاهلي سكتت من اجت بين عيوني شلون
من أذيها تبجي بحرگه
گلب وتدعي عليه
بالموت
وصار وشفته بين عيوني وعرفت دعائها وصل
لربي وهالشي الصار يجوز اشاره
منه يگلي كافي ظلم ياابن
ادم
«،،،ماجنت اريدن اظلمها لچن ااخوها
حاجيت روحي بس صوت براسي رد
«،،،انت كلت اخوها يعني مو هي
«،،اعرف مو هيه والله اعرف لچن انه اشوفنه
بيها من ااذيها عدالك هو الي يتاذه
وهم جاوبني
«،،،هذا ظلم ومايقبل بي ربك
اسالك انت شراح ادكول لله لو واكف بين ايده بهل الساعه وأنت ضربتها واخذتها بذنب غيرها
زين ماراح يسالك انتو وين جنتو عن
بنتكم ليش ماگضيتوها ليش ماكدرت الها
وكدرت بس على هالمسكينه
الصوت تردد مثل الصدى
«،،،زين انت ترضى واحد يعذبك بذنب غيرك
«،،،لاااا
صيحه مكتومه ترددت جوة روحي
وياها
«،،الظلم ظلامات ياحمزة وخاف من
اليوم الي راح توكف بي كدام ربك ويبدي
الحساب
«،،،مابقى شي ونوصل
عاينت لجعفر من حجه سالته بصوت
مخنوك
«،،اانه ظالم مو
صفن عليه كملت بوجع وقهر
«،،،،لو انه ميت هسه ووكفت بين ايد الله شراح
اگله وانه جنت ظالم للبنت الي
اخذتها بذنب اخوها
مارد صحت بي
«،،ولك جاوبني گلي انت ظالم حتى ابطل ظلم
ابن عمي عاين للطريق ورد وره لحظه
«،،،انت تعرف انه مااجامل وانت ياخويه
ظلمت وتجبرت عليها
لزمت الستيرن بقوه ووچلمه
اااخ زرفت گلبي
«،،،لاتزعل مني ياخويه، ،، اذا اگلك هالكلام
واذا كلته الك لان اريدنك ترجع لعقلك
وتبطل تأذيها بذنب
غيرها
حجه هالكلام وسكت لساني سكت بس
عقلي يكرر انت ظلمت وتجبرت وهي مالها ذنب
بالصار
مااعرف شلون وصلت ولا شوكت بس شفت
من بعيد ديرتنا بينت وصلنا ساعه
1بليل وكفت هو نزل يثاوب
وكال
«،،،تصبح على خير
مارديت ظليت كاعد وصافن للبيت احس
بروحي رحت ورجعت انسان
ثاني
نزلت بثگل كلشي بيه ثگل راسي گلبي روحي
چن محمل اطنان من الحجار واجر بيها
لجوه اريد افك نفسي
منها مااكدر
رددت بهم وقهر
«،،،چنها ذنوب،،،
اذا هيج احسن وانا بالدنيا شلون
بالاخره
طبيت للبيت الكل نايم وكفت يم باب حبوبه
عدالي هي يمها بعدها خايفه مني
وماتروح للغرفه من ورة
السوته بيه
مشيت للغرفتي فتحت الباب طبيت وكفت من شفتها نايمه على الجربايه گضيت اليده
بقوه من سمعتها تصرخ بصوت
مكتوم وهي نايمه
«،،،لااا
ردت ارجع اشرد من الكاعد تحلم بي لان اعرف
الي كاعد يصير بيها هو بسببي
لچن ماكدرت ارد ليوره
سديت الباب ورحت الها وكفت يمها
تهز راسها ومغمضه عيونها
بقوه تردد
«،،،،لاااا عفيه لااا عوفني
عيوني جمدت عليها اشوفنها گاضه الغطه
وترجف رددت
«،،،موو اااني عووفني
«،،،،معتصم لااا تعوفني
كالت اسم الي طلگها وكامت تبجي
بشهكه رددت
«،،،،عوفني جاااي تأذيني
نار گبت بيه وشعلتني شعل جنت اشوف هالشي
يوميا لچن هسه احسن اول مره اشوفه
اول مره اشوف شسوت ايدي
بيها وهالشي خلاني
ادير وجهي منها مشيت وكفت يم الكنتور
وگضيته بقوه اريدن اگسره اصيح
من گل گلبي بلگي تبرد هالنار
الي وجت بي وكمت
احسنها راح
تحركني
سكتت وعاينت الها مشيت هدأت وعافت الغطه
لچن وجهها جان دم عرگانه
وغاديه مي
حاجيتها من جوة روحي المشتعله
«،،،انه مو حيوان ولا ردت اذيج بس هو اخوج
ااي خلاني اسوي بيج هيج
وندمان ووو
سكتت من اختنگت عاينت لغير جهه وكلت
«،،،ندمان ندم العمر لان اخذتج بذنب اخوج
سمعتها شهگت لچن بعدها نايمه ماكدرت
اتحمل اظل واكف يمها هجيت من
البيت ورحت للبستان جان
اكو غرفتين مبنيه
للراحه كعدت هناك وظليت اگل بروحي
من ورة السويته بيها مانمت ولا
غفت عيوني الصبح طلع
وانه كاعد عگبت
تعبان گلش
وصاير فد مره
طبيت من المجلس جدي ماهو من اخذتها
وهو ماعاد يگعد بيتنا يگول مااتحمل
اظلن وياها بدار وحده كام
يروح لعم مهدي ومايجي
الا قليل
تمشيت للمطبخ وكفت من سمعت صوت
رانيه
«،،،بارحه بليل اجوي ماسمعتي من طب
«،،،لاا
«،،،ههه نومج ثگيل مو بله
«،،،اي
جانت ترد مختصر رانيه كالت
«،،،تدرين انه كلت راح يگضج ومايعوفج
من ورة سوايتج بي
ماردت بنت عمي كملت
«،،،والله حظج جبير وعافج واكيد خاف
من زعل حبوبه من هددته تزعل
علي اذا اذاج
«،،،ها يمه شلونك
انداريت من سمعت صوت حبوبه جاوبت
«،،،الحمد لله يمه
«،،،الحمد لله على سلامتك جعفر كال
الله سترك من حديده رادت
تذبحك
«،،الله يسلمج وقدر ربج ولطف
عاينت لوجهي بتركيز درت وجهي كالت
«،،،الحمد لله خفيف يمه وماتشوف شر بعد
«،،،امين
مشت چدامي وكملت
«،،امشي تريك
«،،،اي
طبت وانه وراها من شافتني عاينت
لغير جهه حبوبه حجت
«،،،يمه سون لگمه لابو جمرة
هي تجاهلت كلامها،، وظلت تغسل بالمواعين
رانيه كالت
«،،،الحمد لله على سلامتك خويه بينا ولا بيك
«،،،لا خيه مايجيج شر ولا اشوفه باي
احد منكم
«،،،امين يمه
حبوبه ردت رانيه سالت
«،،اسويلك بيض وطماطه مو
«،،اي شي بس افك ريگي
«،،،تمام
جنت مااشتهي لچن راسي يون على استكان چاي
خلت جبن ودبس وگيمر وراحت تسوي
بيض وطماطه
«،،،احمي الخبزه يمه
«،،،اي حبوبه
اعاين الهم ،،،،واشوفن فرق جبير بين حرمه
جعفر وو
ردت اكولن حرمتي سكتت نزلت
راسي وذبيت حسره حتى ماحاسبها حرمه
لان نهبتها بالقوه حسيتها فصليه
قربان انطوه اليه چفايه شر
«،،،،شوكت راح تشدو للماطور الجديد
«،،،اشيل الماطور القديم وارتب المچان يله
اخلي وهم ياخذله اسبوع بين
ماالولد يفرغون
حتى كلنا نفزع علي
رانيه،،،خلت البيض يمي والطماطه وكالت
الها
«،،حبيبه صبي الجاي اروحن اشوف
العجين
«،،،روحي يمه هي تصبه
«،،،عمه رقيه وين
سالت ردت
«،،،بيت عمك مهدي سيرت بشغله
وترجع بعد شويه
مديت ايدي هي صبت الجاي خلته
چدامي و مشت من يمنا بدون
كلام
كملت ورحت للغرفه طبيت هي ماكو باب الحمام
مفتوح طلعت عاينت للباب مال
المنور مفتوح كلت هم هجت
للبستان
مشيت بسرعه طلعت ماهي بالحديقه
سمعت صوت بصف البيت
جان صوتها مشيت بهدؤ
وكفت من سمعت
«،،،مايقبل ليلى ومااعرف شلون راح
انفصل ويضيع كل تعبي
بذيج السنين
كامت تبجي تردد
«،««ليش هيج ياربي والله ماسويت شي
لاحد اخويه اذنب واني دفعت
الثمن غالي
سندت ظهري على الحايط اسمعها
تبجي بقوه والموت الي شفته
البارحه يروح ويجي
بين عيوني كالت
««،،يااهل ليلى اني ماعندي اهل يتيمه صرت
من باعوني لهذا وفگو روح معاذ
بيه
زادت بالبجي كملت
«،،،والله جاي اموت هنا لا المكان مكاني ولا هم
مثلنا صح الحجيه طيبه هي وعمته
ورانيه ورجلها بس اني كاعد
احس روحي كاعد تموت
والايام ،،،،،،تمر ثگيله عليه مااعرف
اذا بعد اكدر اتحمل مااعرف ليلى
اكول اموت احسن
سكتت تشهك بالبجي ردت وره
مشوار
«،،،اعرف اذا قتلت روحي راح اروح للنار
بس والله اني عايشه بنار ولج
ااني ماجاي اكدر اتحمل
وجودي ويا وهنا اريد
انهزم بس مااكدر من وره اخويه
وهم وين اروح لا اهل ظلو
عندي ولا سند
انكسرت منهم هو بله اخذته الحميه
على عرضه هم ليش مااخذتهم
الحميه عليه ليش باعوني
اله واشترو روح اخويه
شفتي فرح بيها سوه عرس واخته جنازه
شهكت بصوت قوي رددت وي
روحي بقهر
«،،،ااخ يازهره شسويتي ولج دمرتني
ودمرتي البنت وانه جيت وگملت
عليها
««،اريد ادوام ليلى على الاقل اطلع شويه
من هنا اغير جو اشوفج انتي اكعد
وياج مثل قبل والله مخنوكه
ياربي وراح اسوي شي
بروحي واموت كافره
وخطيتي برگبه ابويه واخويه وهو لان
ماكدر لزهره ولا عرفو يلزموها
وذنبهم خلوه برگبتي اني
وذنب اخويه هم لان
ماخاف الله بيهم
وبينا احنا
خواتك
كلامها جان صح صح ودك بالعظم بعد اكثر
درت روحي
ورجعت لجوه طبيت غرفتي كعدت
على الجربايه افكر بكلامها
والصار البارحه
وعدالك الله فتح عيوني
ورجعلي عقلي رددت
بقهر نفس الكلام مال البارحه
«،،،اذا ماتت شراح اگول لله اذيتها بذنب
بنتنا الي ماعرفنا نگضها
ونربيها زين
شراح تحجي ياحمزة اذا سوتها وسكنت
الگبور شراح ادكول لربك وانت
تعرف بروحك انت جاي
تظلمها
زين لو ميت انه شراح اگله وشلون راح
اوجهه وانه اذيتها اذيه
جبيره
عاينت لجرحي وكلت
«،،،وجعك جرحك شفتها صعب مرته تذبحك
لچن ماعرفت هي بشنو جانت
تحس من انت اطگها واطلع
دمها
السويته بيها بليل العرس ووراها دك
براسي بقوه وخلاني اشتعل بنار حتى
حسيت كبت بيه حراره
كمت اروح واجي بالغرفه كل ساع
اعاين للفراش واتخيل روحي
شسويت بيها وشلون
توسلت مااذيها
ضربت راسي بقوه وكلت بصوت
مكتوم
«،،،،خررب بيج زهره خرب صفحتج شسويتي
بيه خبلتني وخليتني اصير من
صدك حيوان كله من
وراج اذيت البنت كله من وراج انتي
وذاك اخوها العار لو ما سوايتكم
الشينه انه مااسوي السويته
ولاا اخذها بذنبك
يااگواد
كعدت مهموم بعد اكثر ومخنوك من السويته
بيها ،،بس شي دك براسي بعد ماشفت
الموت مر من چدام عيوني
انه مستحيل بعد أذيها
او ابجي عيونها
غاده
مارحت لغرفتي خفت لا يجي وهم
ياخذني غصب جنت اتعمد اهينه لان،،،،،جنت اريده يقتلني يموتني حتى اخلص من هالعذاب بس هو جان يعذبني
بالشي الي اكرهه
انهزمت منه للحديقه كعدت هناك
حجيت وي ليلى وهم انهاريت بالبجي
وره ماكملنا حجي رجعت
اجر برجلي تعبانه وراسي يوجعني
كلش
وكفت يم باب الغرفه خايفه لا هو
بيها كلت اطب اذا موجود
ارجع للمطبخ
فتحت الباب وكفت يمه من شفته يروح
ويجي ،،،،،،وكف باوع عليه
بوجه احمر هو والعيون
رجعت ليوره كال
بصوت مختلف
«،،،طبي ماراح اسويلج شي
ترددت كمل
«،،،والله وروح ابويه وامي ماراح اذيج
ابد ولا راح اگضج وهاي چلمه
زلمه تظل ويا طول
العمر
ماطبيت لزم شاربه وكمل
«،،وحگ هاي الشوارب ماراح اذيج بعد
ولاا اگضج غصب
صفنت علي حسيت اكو شي تغير بي
دار وجهه مني راح كعد يم الكنتور طبيت
خليت الباب مفتوح شويه
خليت جهازي على الشحن متوقعه باي
لحظه يگوم وياخذ ثاره مني
لان ضربته بالسجين
كال
«،،،،اكعدي واسمعيني زين
كعدت اتجنب اباوع علي سمعته
ذب حسره بصوت قوي
«،،،انه اعرف شسويت بيج اذيتج وقهرتج
بس الصار گله والسويته بدون وعي
مني گولي طگ شي براسي
وتخبلت وسويت
السويته
مارديت كمل
«،،،وارجع اگلج السبب من اخوج مافگر
بينا ولا فگر بيجن
باوعت علي حسيته سمعني من حجيت
وي ليلى كمل
«،،،وانه اخذتج بذنبه وصرتي حرمتي وراح
تظلين هيج طول العمر مادام هي
حرمته
گلبي انقبض بعد اكثر جان عندي امل
يجي يوم ويعوفني بس لاا
الشغله طلعت هيج
كمل
انه مااريد منج غير الاحترام تسكتين
ولاتخليني اطلع من طوري خليني انسى يبنت
الناس لا اروح اذيج واذي روحي
ماافتهمت ليش يأذي روحه هو افتهم
وكمل
«،،،،،مااريدن اتحاسب من وراج
سكت وصار دم كمل بخنگه
«،،،،لاا انه راح اتحاسب
لان اذيتج هوايه وهالشي راح اوگف بي
چدام ربي
دمعتي نزلت ردد
«،،،انه مو هيج والله مااحب اذي حرمه ولا احب
الزلمه الي يمد ايده على حرمته
اشوفنه من زلمه الي يستگوي
عليها
سكت وكمل بصوت مخنوك
«،،،وهاي اني شوفي شسوت بيه هالچلبه
الي ربيتها وتعبت عليه خلتني
اصيرن حيوان وانه بشر
اخافن ربي
سكت وطول اسمعه يتحسر كال
وره مشوار
«،،،الي تريدي اسوي الج وانه زلمه كد چلمتي
بس مال اطلگج هاي شيلها من راسج
هاي بهاي انتي حرمتي
وذيج حرمه اخوج
باوعت علي كمل
«،،،اذا تريدين ادوامين انه ماعندي مشكله
گلبي فز من الفرح بعد الحزن وتأكدت
هو سمعني
«،،بس
سكت سألت بنص دموعي
«،،شنو
دار وجهه عليه ورد
«،،،انه اوديج بأيدي واجيبج وتلبسين عبايه
يعجبج هالكلام من باجر داومي
ماايعجبج اكعدي واسگتي
«،،لا اقبل
جاوبته بسرعه امسح بدموعي كام
وكال
««««يالله شوفي عمتي حتى اخذجن العصر
تشترين كم عبايه
حجه هيج وطلع من يمي صفنت على
الباب من سده كلت
«،،هذا سمعني بس حتى لو خله روحه بأيدي
ماراح اسامحه على الشي السواه بيه
وراح يظل گلبي شايل
علي طول العمر وراح اظل ادعي علي
بالموت لان هاي الطريقه الوحيدة
الي تخلصني منه للابد
يمامه
حنين صار عدها حمل من ليلتها وهالشي جنت
مااريده الها لان بعدها صغيره واخاف
عليها وهم ماردت شي
يربطها بسعيد للابد
كاعده يمي بيت اهلي اشوفها فرحانه
وكل ساع تلزم بطنها سالت
«،،،فرحانه بي
«،،،ااي يمامه وبس تجي راح اسميها
على اسمج
ابتسمت وسالتها
«،،،منو يكول هي بنيه
«،،لا بنيه اعرف هالشي عندي احساس
بهل الشي وقوي كلش
ذبيت حسره وجاوبت
«،،،تعرفين اني اتمنى اجبين ولد
صفنت عليه سالت
«،،ليش
«،،شوفي حالنا وانتي تعرفين ليش
تنهدت وجاوبت
«،،،البنيه مظلومه بهل الدنيا
«،،،اي مظلومه وماعدها حظ لاتگدر تحجي
كلمه ولا تگدر توكف بوجه الي
يظلموها الولد يكدر يوكف
ويعارك ومن يشوف
المكان الي هو بي بعد مايفيده
يعوفه ويمشي بس البنيه وين تروح
وين تولي بس تروح للشارع
ياكلون لحمها الجلاب
«،،،اوف ذكرتني بذوله الي رادو يعتدون
عليه
«،،،اي تعرفين شفتهم قبل كم يوم وظلو
يخزرون بيه بحقد ويتحلفون
بيه
لطمت صدرها وصاحت
«،،،يمه صدك تحجين ولج خاف يأذوج
دربالج منهم
ابتسمت وجاوبت
«،،البوري موجود خلي يطخون شعره مني
شلون مااخلي براسهم
«،،،،اوف ياربي اني خلصت من هالشي
بقيتي بس انتي
جهازها دك ابتسمت وكالت بفرح
«،،،هذا سعيد اكيد اجه اكوم اروح علي
كامت بسرعه وطلعت علي ورة مشوار صاحت من
يم الباب
«،،اني رايحه يمامه
«،،،الله وياج
اجت تركض عليه باستني وكالت
«،،،مري عليه باجر
«،،ااي وادللي راح اجيبلج حلويات
«،،،فدوه لاختي الحنينه
رجعت باستني وراحت
ثاني يوم طلعت للشغل كمت الف الشيله
على وجهي من خجلي من الناس مااريدهم
يشوفوني
المغرب صار واني بعدني افتر
من ورة الدخل القليل تعبت وكعدت على
الرصيف بأيدي كيس گلينس هم ابيع للناس
وهم يرحموني بكم فلس
اشاره صارت حمرة
وكفت السيارات
سياره بيضه حديثه وكفت قريبه مني
سمعت صوت
«،،،هي اانتي
رفعت راسي جان شاب اشرلي
كمت علي جهازه باذنه يرددد بعصبيه
««،ااي افتهمنا بعد ياابه شتريدين
باوع عليه نتر
«،،،انطيني گلينس بسرعه
شمر الالف عليه وكع بالگاع اشاره
صارت خضره صاح بيه
«،،،اانطيني الكلينس شبيج طرشه
ماتسمعين
كمل بالجهاز
«،،مووو اانتي يالله وي هاي الشاحوذه
تذكرته هذا نفسه الضابط الي دعم اختي
من سمعته شحجه مااعرف
شصار بيه بدون وعي
شمرت الگلينس علي بقوه ومشيت من يمه
سمعته صاح
«،،ااوكفي ولج
انهزمت،،، وعبرت على الجهه الثانيه
السيارات دگت هورن تحرك
وراح
ورة مشوار
كلت خلي ارجع لان تغير الوضع جانت حنين وياي
ومااخاف بس هسه هي ازوجت واني
ظليت وحدي اروح واجي
مشيت افكر بيها وبروحي الى متى اني اظل هيج
افتر بالشوارع ماده ايدي للناس
وليش مااشوف شغله تريحني
من هالعذاب والمذله بس منو راح يخليني
اشتغل ابويه راح يگلي
الي يجي من الشارع
اكثر من اي شغل
براتب
وكفت لان
الشيله ضوجتني كلش جانت كل ساع تنزل
شديتها بقوه على وجهي وكملت مشي طبيت
بفرع بي محلات مال سگراب اختصر
الطريق حتى اوصل لمكان
الفورتات بسرعه جانو مرة ورجال
يمشون گدامي ورجال
جبير يمشي ورايه
بنص الطريق شفت سياره واكفه واحد
يروح ويجي يمها يحجي بعصبيه
وصياحه وصل ليمي من صوته
عرفته هو نفسه
الشرطي
انداريت اريد ارجع سياره اجت سريع
باتجاهي وصلو ،،،،، يمه نزلو ثلاثه
شايلين تواثي مالحك كلشي
يسوي لان التمو علي بسرعه
وكامو يضربون بي
شكرا لزيارتكم عالم روايات سكيرهوم
