رواية كريات الدم السوداء الفصل الخامس عشر بقلم زحل
،،بنين
_تعب الامتحانت كوم وقلق النتائج كوم ثاني الولد مدنكين بتلفوناتهم كل واحد داخل عله رابط حته يشوف اسمي امي لازمه سبحتها وكل تسبيحه تختمها بدعاء وهذا الموقف يخلي الطالب يتوتر ويخاف قلق الاهل عبالك جاي ينتضرون مصير شخص تحت مطرقه الحكم مريم كاعده برود ونضراتها لثابت الي ابد ماواضح بتصرفه شي يدل لا محبه ولا عدم توافق نبهني من صفنتي صوت مولي .قصصٌ مَآيِّ هِوِبَِّس
كريات الدم السمراء مولي:خررررب عقلج ابنينه ._توجهت نضراتهم عليه وانه احس رجليه ماتن مدري ضغطي صفر كمت اشوف الواحد الف .ثابت:الف مبروك جنت متاكد من نجاحج .
اسعد:اجتنا الخساير يله شتردين هديه.
_مسحت دموعي وتقدمت عليه بوسته كام اياد وهو ياشر لمولي عود ٥٠ .
مولي:شبيها الخمسين ؟
دنطينيها ابوسها واخليها عله كصتي.
_صنفو الولد تصنيف .
ثابت:وين تقدم بالخمسين.
مولي:عله صحه.
اسعد:هههههههه شيشغلونك كانونه .
ثابت:لاسق جروح .
اسعد :يخلو بصالة الولاده يصرخ
بدال النسوان الي يولدن .
اياد: حته كمامه مايخلوك..
ثابت:قطن بحلك البيشنت مايخلوك.
اسعد:اذا تحليلات تبول بدال المريض.
_احس كلاتي وجعتني من الضحك
صاح بيهم ابوي .
ابو اسعد:اهم شي نجح مو ضروري
عله الصحه قدم عله كهرباء .
اسعد:ههههههه درنفيس فاحص مايخلو .
_خلصوها ضحك ثاني يوم اجو بيت عمي محمد وعماتي ومثل ما جابولي هدايه حاسبين حساب مريم وياي ايام واحنه يوميه عائله من اقاربنا جايه ماحددت قسم ولاكليه كتلهم ارتاح هاي السنه والكل ايد الفكرة وهيج ايامنا ملتمين بالصاله ابوي والولد يتناقشون بشغلهم وامي تحضر لشعبان وهذا الشهر مميز بالنسبه لبيتنا ايام ولادات اهل البيت عليهم السلام ومثل كل سنه ثابت يتكفل بكل المصاريف الي تخص التوزيعات مولي شغلته يعلك الجو بالاناشيد .
ابو اسعد:ولك بابا مو هيج .
مولي:شهامه شهامه من علي بي رفعة الراس نزل للحومه يهتف انه عباس .
ابو اسعد:سلام الله عليك يا ابا الفضل.
_علاقتي بمريم شبهه سطحيه لان تصرفاتها ماتنعرف بعدت عنها لان هيه انشغلت كزوجه وانه بذيج الايام اخذتني الدراسه رغم قلقي من تلفونها بس مادخلت نفسي وبيوم اغسل مواعين العشه وهيه واخذت الجاي وراحت يمهم اندك الباب مديت راسي اباوع من الشباك مال المطبخ دخلو اهل مريم رحب بيهم ابوي كملت وانضميت للكعده وسوالف وكل شوي موضوع رفعت راسي مستمعه لصوت ابو مريم .
جبار:احنه اهل واخوة ومن اجيتو عله مريم انه انطيتها الكم بدون حته مااسالها.
ابو اسعد:والنعم منك وان شاء الله احنه ماقصرنا ولا انته ندمان .
جبار:لا والله اصلا مطمن ومرتاح لان معتبرها بيتي ولهذا السبب انه جاي اجدد رابط الخوة البينا واطلب بنين لعلاء .
_امي وجه ضل ينطي الوان انه اريد بس اكوم ماكدرت احس نضراتهم عليه رفعت راسي باوعت لابوي وكلبي يدك خوف اذا كال اي معناها مسحيل ارفض دار وجه لثابت بمعنى شتكول لو انته تولى الرد،، مبتسم والبرود طبعه مو جديده عليه هز راسه وعدل كعدته متوجه لجبار .
ثابت:اكيد ماتغله عله علاء .
_احس دموعي منتضرتني ارمش حته تنزل دنكت وانه احجي بكلبي لا مستحيل معناها راح تعب الدراسه ندستني امي تنبهني لكلامهم رفعت راسي استمع لثابت .
ثابت:بس انته تدري بنين حلمها تكمل كليه وتتعين وكلنا نعرف علاء رافض انو يرتبط بموضفه وهذا كان اول شرط بالمواصفات الي يريدها .
جبار:وانه ماجيت قبل مااحجي ويا كال تكمل وبعدين هو وينه التعيين خل تخلص كليه يجوز هيه تكول ماريد وتلتهي بيتها وهاي مريم اكبر دليل .
ثابت:مريم مانجحت .
مريم:بس من خطبتني جنت اداوم وهم شرطنا عليك اكمل سادس وكلت اي بعدين قدمت موعد الزواج .
_خزرها بمعنى سكتي كامت امي وهيه تنطيني ايدها لزمتها وكمت بس طلعتني الصاله ورجعت يمهم نزلت دموعي ،،ركضت للمغسله غسلت وجهي وكفت يم الباب استمع لالهم ،، بعده جبار ماراد ادخل ابوي ناهي الحديث.
جبار:وانه كتلك هو ماعنده مانع تكمل.
ثابت:ويجوز هيه ماتريد تزوج هسه لان اجلت
هاي السنه وماقدمت كليه كالت اريد ارتاح .
_كام جابر وهو مزعوج اشر لزوجته يله تبعته تركض طلعو ورا ابو ومولي ومريم،، التفتت لثابت الي ماتحرك.
ثابت:لا تشغلي بالج فكري بمستقبلج وشوفي ياكليه تعجبج اقدملج .
_هزيت راسي بمعنى اي ودخلت الغرفتي متهربه من الموقف،، اكيد زعلو وراح تصير قال وقلت،، اتمددت وعيني للباب منتضر دخول ابوي بس مااجه،، ابد مامتوقعه طلبهم وبالاخص علاء مايوم نبهني بنضره ولا كلمه اقوى شي بينا من يصادفني يكول شلون وانه ارد الحمد لله،، مرت اليله بقلق ثاني يوم محد فتح الموضوع ابد ،،مريم دايره وجه مني عود شنو زعلانه.
مريم:اكيد غير اخوي.
_حاولت افهمها شوفي ترى رفضي مو لان علاء بس انتي تدرين من جنا بالابتدائيه حلمي اكمل واتعين .
مريم:واعتقد سمعتي ابوي شنو كال وترى هو من زمان رايدج .
_تفاجئت بكلامها ضحكت ولج شحال
لو ما انتي تحجين عليه بشرفج كم
نقال عنده ؟
مريم:وعله اساس اخوانج معممين.
_اذا قصدج اسعد فهو وعلاء نفس الدرب وكل شخص حر بأاختيارة اريج تحبه وقبلت بي
ورغم سوالفه ماطلبت الطلاك قطع حديثنا صوت امي وهيه توجه كلامها لمريم .
وفيه:اخذتي زينه الرجال ثابت الي مابي كل غلط وبالنسبه لخوانها ماجبرنه وحده تعرفنهم اكثر منا .
مريم :مو قصدي شي وبنين تعرف طبعي جناانه وياها دوم نضحك عله سوالف علاء واسعد .
وفيه:اعرف محترك كلبج عله اخوج بس يا ماما الزواج مو مجامله مصير ومستقبل واذا ماتم بقبول وقانعه راح يفشل لادخلين نفسج بالموضوع ،، سواء صار نصيب او لا همه اخوة ولدعم ومستحيل تخرب علاقتهم اهمتي بحياتج .
وفيه:لمصلحتها وحته اجنبها الاحراج وانتي مامجبورة تبررين .
_ يمه انه لو بمكانها هم اضوج .
وفييه:هم تتلقين نفس الرد روحي
لمي الملابس لا ينزل عليهن النده .
_هو ابوي لهسه ماسالني ولا عرفت شنو قرارة
درات وجها بدون ماتجاوبني خرب انه شنو هل قلق كملت شغلي وبالي يم الموضوع احس جاي يلعبون بااعصابي مولي خابصنه يوميه يكول اقدم شي .
ثابت:يابه غير بسطه مال لعابات مايفيدك.
مولي:اله افاجئكم .
ابو اسعد:صار ٣ سنوات تصيح افاجئكم تالي خمسين.
_مد ايده بمعنى انطيني دار وجه ابوي يخفي ابتسامته .
ثابت:افاجئك .
مولي:ماكو عداله .
وفييه:دكوم شكد داهر .
_مر كم يوم عله السالفه وهمه مشغلين وضع الصامت
حته امي هم ملتزمه الصمت نوب وتروني ،، كاعده اسفط بملابسي واسمع شي يوز التفتت ادور مصدر الصوت باوعت للساعه لا مو هيه كمت ادور بالمجرات اختفه الصوت رجعت لمكاني انزل بالملابس واعزل بالصداري كل سنه هيج المهن ومنو من بناتنا داوم انطيهن الها طلعت اجيب كرسي من المطبخ لكيت امي ومريم يلفن دولمه .
وفييه:ها وين ماخذته .
_اريد انزل الملابس الشتويه.
مريم :حته انه عندي .
وفييه:دحضرنهن حته من اروح اخذهن الها.
_عفتهن يتناقشن ورجعت لغرفتي صعدت عله الكرسي ياا شو هم مالوح وكفت عله اطراف اصابعي اريد انوش الخانه الفوك ،،مديت ايدي سحبت طرف الجنطه
وجان يوكع نقال،، لزمته اكلب بي خرب شلون ناسيه الموضوع هذا النقال جابته مريم كم مرة شفتها تخابر بي وجان كلامها ويه امها،، من فترة كالت خلي لحد ما اقنع ثابت،،، بيومها جنت ادرس وهيه جابته كالت
راح اخلي بكنتورج ماهتميت ،،بس معقوله ضال بشحنه وهيه عله اساس قفلته واكفه واحجي ويه روحي فززني صوت ثابت الي دخل مبتسم واديه ورا ضهرة .
_ احس الكرسي ضل يهتز بيه احتاريت شلون اضم النقال الي بيدي عكد حاجبه يباوع عليه مستغرب حالتي تركزت نضراته عله اديه ،،شمر العلاكه الي بيده عله جربايتي وهو ينضر للنقال البيدي غمضت بقهر مد ايده سحبه مني .
سلاسل.
_لازم ايدي بقوة من الخوف احس الدم نشف بعروكي
دفعته اريد اخلص روحي من قبضته ..ولا اهتز وهذا صاحبه بس يوزع ابتسامات . سليمه ومحابس يتعاركون بالطارمه صاح عليه محابس يستعجلني
محابس:وينج فضيها.
_الخوف شتت عقلي هيه دقايق بس ماعرف شنو
الي صابني.. بحيث كل همي صار اخلص نفسي من ايد الباشا الف سالفه اجت براسي دنكت اتملص منه ولك عوفني .
_التفتت عله ام طيبه ،،الي كامت متفاجئه من تصرفه
ونضراتها مثل النار،، تقدمت علينا وهيه تحجي بعصبيه مغلفه بملامحه هادئه .
ام طيبه:عوفها باشا خلي تطلع
ترى هنه متعودات عله مشاكل
وهذا يعرف دواهن لادخل نفسك.
الباشا:واذا ادخلت شيصير؟
ام طيبه:موقصدي بس .
_خزرها سكتت وهو عبالك لازمله طفل
لا اكدر اصيح خفت يكتلني لو تصير هوسه
باوعت عليه دار وجهه متهرب من نضراتي عيني للطارمه خايفه من محابس الي صوته خبص البيت.
محابس:انجري صيحيها وخلي ابالج اذا عرفت
الج ايد بالسالفه احرم عليج الباب .
_بين تفكيري ونضرات ام طيبه دخلت
سليمه متوجهه عليه وهيه تغلط .
سليمه:بت التالف اليوم احرك
عشيرتج اذا فكيتي حلكج بكلمه لو كتيله النصافات اله اخليهن يدفننج امشي فهمي بيا مصيبه جنتي وصار بيج هيج.
_فكيت حلكي لا وتحجي واثقه من كلامها نكتت
ايدي من الباشا بعدني ماراده عليها.. جرني مخليني
ورا ضهرة عكدت حاجبها وعبالك توها انتبهت للباشا لازمني نضرتله با ستفسار ومدت ايدها
سحبتني دفعها ارتدت بخوف .
الباشا:ايدج لججج.
_ استغليت انشغالهم وركضت للطارمه
لكيت محابس واكف والشر يتطاير من عيونه بسرعه فتحت الباب ونزلت الدجه تبعني يتحلف .
محابس:اذا طلع كلام سليمه
صدك ادفنج .
_تمشيت قاصده ابعده من يم بيتنا
وكفنا قريب عله الخرابه .
محابس:شوكت ناويه تنطقين احجي.
_سولفتله الحدث كله هز راسه بمعنى تمام
درت وجهي اريد امشي صاح بيه التفتت عليه.
محابس :انه احجي وياها.
_لادخل نفسك ماعايزة مصايب
انه وياها نتجازه.
محابس :اذا انه ماموجود لا طلعين
ترى سليمه ماراح تسكت .
_مانطيته مجال يرد
عفته يصيح ومشيت ايدي عله صفحتي من الم دخلت لبيتنا كارها الدنيا،، ماكو صوت عبالي راحو تلكتني سليمه من الباب .
سليمه:ها ام المصايب .
_التفت اريد شي استند عليه اندك الباب عرفت محابس رجع عليها ،،فتحت اله الباب دفعها ودخل وكفت سليمه كباله مانعته يتقدم وجه كلامه الها.
محابس:شوفي ولج اي حركه بالشارع اطلعج منه بتابوت مالج دخل لا بالنصافات ولا ولد الركن .
_انتفضت سليمه .
سليمه:هل خربطه انته الي تتحمل سلبياتها محابس سكوتي عنك لخاطر العشرة بس تدخل بيتي وتدخلك بسونه غير مقبول.
محابس:ههههه خفت ترى .
سليمه:شنو الي ابالك ليش تلف
ودور خو اعلنها .
محابس:لا تدخلين وياريت تخففين من سهراتج .
_لميت رجليه لصدري من الالم نزلت دموعي رفعت راسي باوعت عليها،، واكفه وايدها بخاصرتها تحجي بزود هزيت راسي بمعنى اي اريدها تسكت شو هاي تخبلت .
سليمه:هااا يعني طابختها بت نجيه
وين تولين ولج شنو الي ابالج فهميني ؟
_غير انتي كلتي طلعو ترى مليت شنو تردين شسوي يعني،، بدال ماتروحين تعاركينهن.
سليمه:ولج عله شنو اعارك حته لو كلامج صح وهنه مسويات بيج كل هذا ماحاجيهن لان الغلط منج .
_ مندكه بيهن .
سليمه : غير مادافعتلهن.
_ماليش ادفع شنو انه نوش واطيهن.
سليمه؛شنو الي استجد ،،من سنين الشارع ماشي بهذا النضام وانتي تعرفين النصافات ،؛بت نجيه تردين تسوين قانون جديد مو راح تصير مجازر خاف عبالج محابس يحميج راح تعمين عليه يودنه بالف داهيه من غير السمعه الي راح تصير عليج وانتي فاهمه قصدي .
_انه موديه عليه ترى كتله لاتدخل.
سليمه:وهو ادخل وخلي ابالج .
_قطع حديثنا صوت ام طيبه
طلعت مزعوجه وهيه توجه كلامها لسليمه.
ام طيبه:هو انه صوجي
مو خلصت من مشاكل الصعده وناسها شلون طاوعتج ورجعت لهنا .
_جرتها سليمه متوجهه بيها للصاله ضليت انه عله كعدتي حايرة بزماني لا اب واتحامه بي لا ام والتجئ لحظنها واخوي حاله اخس من حالي كمت اجر بروحي دخلت مدنكه استوقفني الباشا الي واكف باب الصاله وايديه بجيوبه.
سليمه:باشا لا دوخ نفسك ،،وانتي انجري بغرفتج
لمي غراضكم ،،لان ابوج بالطريق حته اخلص.
_ دنكت بقهر عرفت هل ليله ماراح تخلص وادري اذا اجه ابوي راح يذب الصوج بيه واكيد توزه يكتلني وانه جسمي مفلش مابيه طكه بعد ،، افضل حل اروح ابات يم مديحه ،،دخلت للغرفه اخذت نقالي وطلعت صار بوجهي مانع حركتي .
الباشا:وين موليه .
_شعليك منو انته ابوي اخوي لاتدخل ،،عكدحواجبه متفاجئ من ردي عينه تتفحص ملامحي الي واضح عليها الالم .
الباشا:ها بس محابس يدخل .
_نضراته مال واحد ملعب وهذا الويا عبالك مصور
راسه يفتر ويه كل كلمه من اي شخص،، سليمه تنضر
لام ام طيبه الي تريد تنفجر وهو ولا مهتم الهن خزرتني بمعنى دخلي نزلت دموعي وحجيت بصوت مخنوك اريد اروح لمديحه بلكي تروح لربيع المضمد تجيبلي علاج ابرة لان صفحتي موتتني .
سليمه:هسه انه اخابرها انجري لغرفتج .
ام طيبه: اني اترخص.
سليمه:دتعاي انتي ترى مو وقت سوالفج.
_عفتهم ودخلت ذل اهانه خوف شعور مختلط اريد شي يسكني بي وينسيني الالم شويه وندفع الباب دخلت مديحه تحجي وتهز بحواجبها .
مديحه:ناس ماتجي اله بالعين الحمرة.
_وانتي عليمن فرحانه.
مديحه:بعد شهر حربا واختها ،،مايكومن عله رجليهن ولج غير فلشهن تفلش محابس كوى خلصوهن من ايده
_ ترى ماراح يعدنها اله ،،واحنه الي نطيح بيها .
مديحه:لا تخافين عليه،، يعرف دوالغهن.
_ انه بعد شهر مابيه اكوم ولا اطلع،،،
مديحه:جنج ثور كلشي مابيج .
_تحجي وتبوحش بجنطتها،، طلعت الابرة شو هاي شدت حجابها مثل صوله ام الباكله وسرفنت اردانها.
مديحه :يله انبطحي.
جريت الغطه محتميه بي وانه احجي،، خير ترة دزيت عليج تضربيني ابرة مو تذبحيني ؟
مديحه:كلت اجرب بيج ،،لان ناويه بالمستقبل اشغل كصابه واول مطي امطله ابوج .
_درت وجهي وعضيت المخده شكد اكره الابر من جنا ازغار انه وجويسم نخاف عدنا استعداد نشرب العلاج كله ولا الابرة غمضت بقهر شكد مشتاقتله ماكدرت اسيطر عله شهكتي نزلت دموعي جرتني لحظنها.
مديحه:يجي يوم ويطلع وراح يرواي سلوم نجوم الضهر،،بس صبري وروح ابوي الماعرفه اذا ماخليتها تمشي وتتلفت شلج بيه سهله يله اروح امي يضل بالها.
_هزيت راسي بمعنى اي،، وصلت للباب ورجعت تحجي بصوت ناصي وتاشر عله الصاله.
l
مديحه:هذول شنو يبقونهن هنا للصبح؟
_مااعرف .
مديحه:ولج من دخلت همه واحد يباوع بوجه الثاني جايين يسهرون لو يواسون شو لا دك ولا ركص؟
3
_سولفت الها الصار صفنت ثواني وردت تباوع بالغرفه عبالك دور شي هزيت راسي شكو عافتني وتوجهت للشباك خذتلها نضرة سريعه ورجعت كعدت يمي .
مديحه:مامارتاحه للجو شنو فلمهم .
_مو كتلج من دخل محابس خرب السهرة هذا ابو الاسود مال ام طيبه والثاني يمكن اخو مدري صاحبه بس مو دوم يجي يمكن يردونج ترحين حته يقفلن الباب ويحيون سهرتهم من جديد .
مديحه:اشك،، لان وجه ام طيبه مايتفسر وهذا ابو الاسود مدنك عله نقالهة عبالك مسير عله عمامه.
_دروحي معوده
خليني انام مادام مفعول الابرة بده.
l
مديحه:كومي قفلي الباب واذا صار شي خابريني
ها صدك ترى محابس اخذ رقمج مني .
_درت وجهي بزعل.
مديحه:ترى عادي .
_شمرت الحاف وكمت وانه احجي مااخص احد التفتت اريد بس الزم حجابي تفاجئت مديحه من تصرفي لزمتني لان اختل توازني .
مديحه:شدعوى.
نوب جايه تبشريني ولج تعرفين شنو معناها .
مديحه :ماكال شي بس كلهم تخصني .
_شنو الفرق يعني اميلتي
وعود مسوي نفسه ذكي من حطج وياي .
مديحه:وليش ضايجه ،، لو مخليه ابالج تزوجين افضل منه تاخر الوقت باجر اجيج ونسولف بهذا الموضوع .
_ماانطتني مجال ارد عليها كمت قفلت الباب باوعت عليها واكفه كبال سليمه بتحدي تحسرت مو حسد
بس هيه افضل مني محتميه بامها الي رغم عاجزة انتجيت عله شباك اتسمع الهن .
_صفنت هذا شبي يستمع لكلامهن بتركيز وكأنو يريد يدخل بتفاصيل الشارع هنه مستمرات وهو ملامحه تتغير حسب حديثهن .
مديحه:نغيرة النضام مو صعبه.
_هزت راسها سليمه بمعنى سهله طلعت مديحه رجعت لفراشي مدري شلون غفيت،، ايام وانه عله نفس الوضع والالم مافكني ،، الباشا بعد مابين ،، مديحه بين يوم ويوم تجيني واعرف محابس الي يدزها،، بالي يم ابوي الي صار اله اسبوع ماجاي،، سليمه بقت شغلها باليل بس دوم مزعوجه وقلقه والتلفون مايطيح من ايدها كاعده عله التخم وتهز رجلها بتوتر،، وكل شويه تتصل والظاهر ماكو رد ،،كامت للغرفه ورا شويه رجعت بيدها دفتر زغير بي ارقام سيفت رقم واتصلت الظاهر جاوبها الطرف الثاني ردت ببستسامه .
سليمه::وعيونك وروح امي
ماخليت واحد ماسالته عل رقمك
وهسه يله حصلته غير انته غالي عليه .
_حجيت بكلبي خرب ضميرج شلون تجذب جا غير هذا الدفتر بيدها تكله ادور عدلت كعدتها ونزلت الدلعه مال الدشداشه والظاهر طلب منها تفتح كامرة ضحك الطرف الثاني ومبين من صوته جبير بالعمر.
!!!ههههههه ماكبرتي وصايره احلى من قبل .
سليمه:ابوس خدك غير بس انته تجبر خاطري .
!!وما محصل منج شي؟
سليمه:ههههه عيوني .
!!سالمت عيونج كولي شعجب متصله بيه اليوم.
سليمه:الباشا صار فترة ماكو اتصل بي ميرد.
!!!مو اني اكول مامخابرتني .
_كلامهم مشفر ردت عليه وهيه تغمز .
سليمه:لا وعيونك بس موصيني عله .
_وماخلاها تكمل وتفاجئت بكلامه.
!!!اكيد موصيج عله شاحنه،،واكيد يريدها اصليه ومامستخدمه .
_ردت بضحك .
سليمه:هههههه احنه وين نكدرلك .
!!!واحنه مالنه شي؟
سليمه:اليدفع يحصل انته تدري بي هو اكثر شخص كارمني .
!!!!يابه غير وارده قوي عل عموم نشوف اذ شي يسوى ندفع ليش لا .
سليمه:يسوى وداعتك شوكت تجي حته احضرلك .
!!!لا يابه اجي،، اذا عندج دزيلي الجمعه اني كاعد وبالنسبه لصاحبنا ،،نزل لاهله وتدرين بي تلفونه ينغلق.
سليمه:تمام متفقين بس ها ماريده يعرف .
!!شنو مايقبل ؟
سليمه:لا بس اخاف يزعل.
!!!!ههههههههه خاف يريدج توبين عل عموم متفقين وهسه روحي باي .
_نهت مكالمتها والتفتت عليه .
سليمه:عود نضفي البيت راح انام كعديني العصر.
_ماجادلتها ولا نفذت الي طلبته لان صحتي بالنازل للعصر دكيت عليها كعدتها وانه متحضرة للرزاله بس ماحجت شي .
سليمه:انه طالعه تعاي قفل الباب وراي .
_وهيج يوم بعد يوم هيه بعدت عني وانه التزمت الصمت كمت وبالي يم جويسم صار فترة محد راح شافه ضغطت عله نفسي ميخالف حته لو اتوسل بيها المهم تروح توديله مصرف كمت اريد احاجيها وندك الباب ضليت واكفه راحت هيه تشوف منو دخلت و ام طيبه وراها وجها مايكصه السيف تلكتها سليمه .
_قبل ماترد ام طيبه دخلت للغرفه ومدري شنو الي دفعني استمع لكلامهن ادنت ام طيبه عله سليمه تحجي بصوت ماينسمع فزت سليمه ايدها عله
صدرها وهيه تباوع لغرفتنا.
سليمه:شنووووووو.
ام طيبه:مو كتلج سؤاله شككني .
سليمه:اصلا مايلحك لان راح اخذها للمزرعه.
،الصعده تسميه لدربونه او فرع زغير متفرع من شارع بشار .
النصافات يراد بارت كامل حته احجيلكم عنهن .
الخرابه وحدها قصة رعب وللعلم لحد الان موجوده .
البارت الجاي راح نكتشف بعد امور ماسامعين بيها ولا تعرفوها وهم لحد هذا يومنا هيه موجوده .
شكرا لزيارتكم عالم روايات سكيرهوم
