رواية عشك أل فراس الفصل الخامس عشر بقلم زينب نور
جسار : بحرب داعش انا صار التحاقي لصلاح الدين ما سقطت بالكامل اكو مناطق ضلت مقاومة ومن ضمنها أمرلي الصمود وهواي مناطق ماسقطت بيد داعش ضلينا هناك تأمين للمناطق وتحرير المناطق السقطت
ندخل للبيوت تفتيش ولازم كل ما ندخل نلقي القبض على داعش ثنين او اكثر يلبسون زي نسائي ويختلون من بلشت المدارس المناطق الما يمها شي بلشوا يدامون نقلوني لـ احد المناطق
سيطرة بالشارع واكفين اكو بنات اعدادية ولد ابتدائية دوامهم صباحي كل واحد مدرسة من بين كل هاي البنات چذبتني بنيه قبل لا يچذبني جمالها
انچذبت لعفتها واخلاقها اشوف هواي بنات تمشي وتضحك وتلتفت وراها وصوتهن عالي الا هيَ من بين ذني عيونها بالكاع ولا تضحك ولا تحجي تروح وترجع راسها بالكاع مايوم شفتها ضحكت بصوت عالي
البنية كانت ايه من الجمال ضليت اراقبها فترة صرت اعرف شوكت تجي للمدرسة
ورا فتره انتهى واجبنا بهاي المنطقة لازم نطلع
نقيب كرار: لازم تفرح ترا مو تضوج
جسار: يافرح هذا يمعود
نقيب كرار:شبيك ليش ضايج بس لا
جسار: كرار عوفوني لا اطلع الضيم بيك
نقيب كرار :ههههه لا يالنچر طحت بيها
جسار: كرار انطم
نقيب كرار:هههه تعال يمعود لا تفضحنا خل نتوكل يلا
جسار:روحوا انتم انا ما اروح
نقيب كرار : انفضحنا والزهره كوم كوم بعدين نرجع انا وياك ناخذها الك
جسار: اجيبلها البصرة كلها
نقيب كرار:هههه بعد حيلي بس كوم لا يشكلون بينا مجلس تحقيق على هاي كعدتك
كمت ويا وطلعنا من المنطقة سنة انا بعد مارجعت ورا ما انتهت حرب داعش صار عندي واجب بنفس المنطقة بالضبط
تفتيش للبيوت دخلنا لبيتهم ماشفتها شفت مراة جبيرة وبنات ثنين صغار بس هي ما شفتها
من ردنا نطلع دخلت هيَ صرنا وجهه بوجهه ابتسمت وطلعت مرت الايام كل ما تصيرلي فرصة اروح اشوفها
مره جانت راجعة من المدرسة وانا واكف يم المدرسة بالسياره من طلعت شافتني اجت الي دكت الجامة
مرايم :ممكن اعرف شعندك تفتر وراي
جسار:ياهو يفتر وراج
مرايم:لا والله يعني عساس اني مشايفتك من تروح وترجع شتريد بالضبط
نزلت من السيارة
جسار: اريدج انتِ
مرايم : لا حول ولا قوة الا بالله روح الله ينطيك شلون ناس
جسار: ماعاجبتج الناس مو
مرايم :لا معاجبتني ودير بالك بعد اشوفك هنا اكول لبابا واخواني عليك
جسار:يروح البابا خفت كمت ارجف روحي كوليلة انا انتظرج هنا
مرايم:مليق
جسار: ااخخ يابه مليق
خزرتني وراحت
جسار:اجيبج اجيبجج
غمتني وراحت ضحكت وصعدت بالسيارة ورجعت للبصرة الطريق طويل اقطع مسافة شطولها علمود اشوفها تالي تغمني وتروح بنت الفاهي
وصلت للبيت بليل لكيت جاسر اخوي منتظري لا هذا مو اخوي هذا ابوي يخاف علينا اكثر من امي وابوي
جاسر:شرفت
جسار:الكم الشرف
جاسر:وين جنت
جسار:طالع
جاسر:جساررر وين جنت من البارحة لليوم ماكوو ومنو اسئلة عليك يكلي مادري وين وليت
جسار:جاسر انا تعبان اروح انام من اكعد احجيلك تصبح على خير
جاسر:الضاهر انت مو مال احترام انا الك
جسار:بالخدمة
جاسر:امشي لغرفتك يلا
جسار:لا اطبق العسكرية براسي ترا انا هم عسكري واطبقهن براسك
غماني وصعد فوك
جسار:غمتها احلى
جاسر:ياهي
جسار:امي
هز ايدة وصعد وهيج كضيت ايامي سويت صلاح الدين عبالك منطقة بالبصرة كل ساعة رايح جاي لحد ما طك صبري طلعت من المدرسة رحتلها
جسار:اوكفي اريد احجي وياج
مرايم:الله ياخذك تريدني انذبح وين عايشين بتركيا اوكفي احجي وياج
الدنيا كانت ضهر وماكو احد بالشارع سحلتها من ايدها وكفتها على جهه صرنا بين نخلتين
مرايم:شتريد كول بسرعة خل اروح لا تسويلي مشكلة
جسار: ما اسويلج مشكلة اريدج انتِ ليش ما تفهمين
مرايم :لا اعرفك ولا تعرفني ترديني شنو سيارة اني
جسار : اعرفج كُلش زين
مرايم : خوية وخر عني لا تورطني وياك اني لا احب هاي السوالف ولا اريدها ولا تسويلي مشكلة اهلي ناس متشددين وخر عني وابتعد عن طريقي لا اضل توكفلي يم المدرسة
جسار:اول شي انا مو اخوج ثاني شي ما اوخر واخذج يعني اخذج غصبًا على كل شارب متشددين على نفسهم مو عليه وانتِ الي مو لغيري
مرايم : مو بكيفككك
بدون تفكير سحبت المسدس خليتهه جوا حنجها
جسار:والخلقج والخلق الكون الي ومو لغيري وبكيفي انا شروكي ومخبل لا تلعبين وياي
وجها صار اصفررر والدموع تجمعت بعينها وخرت المسدس وابتعدت
جسار :روحي الله وياج بس ارجعلج وخدر السكتت زلم محدياخذج مني
راحت بسرعة وانا رجعت لسيارةرشسويت خرا بروحي ضليت اسبوع انا بصلاح الدين انتظرها كل يوم بس ماكو
جسار:شسويت بروحي انا يربي اسبوع وهي ماكو
رجعت للبصرة حالتي تعبانة اول مادخلت لكيت امي
ام جاسر:يمه وين جنت صارلك اسبوع ورمت كلبي
جسار:جان عندي شغل يالغالية اسم الله على كلبج
ام جاسر:شبيك يمه شبيهن عيونك جنك تعبان
جسار:مابيه شي يمه تعب الدوام
مرح : هاي منو شرف اليوم صدك جذب بعد وكت
جسار: انطمي يبعد عيني لا اكوملج
مرح :ديلا هم صوجي اشتاقلك
صعدت نمت وكعدت وانا حاير بيها وكثرت روحاتي واختفائي عن اهلي حتى مادري شصاير ماصاير
ما اتوب رجعتلها وشفتها يلا ارتاح كلبي كاعد ادخن جكاير وصافن على الباب وايد انحطت على كتفي كمزت كمزه
جسار:جاسر
جاسر :اصعد لا اهينك
جسار:شجابكك
جاسر:شعليك شجابني اصعد لا تخليني افشلك كدام الناس راح تخبلنيي
صعدنا ثنينا وهو يسوق
جسار:چا وين سيارتك
جاسر :بشيب الخلفك لك انت ماتستحي مكابل البيت وكاعد شوكت تستحون انت وابن عمك مكابلين بيبان الوادم لو واحد مسوي مثلكم چا صرتوا شرفاء براسة نسوان تطلع الباب ينفتح ابددد ماكو غيرة
جسار : رجاءً جاسر اسكت عني ترا واصلة حدها وياي
جاسر: خل نوصل واحطك بيد ابوك وجدك انا تعبت منكم انت واخوك افتر وراكم ليل ونهار
جسار:كلشي ولا ابوي خلي السالفة بينا رحمة لام الخدر
جاسر:شعندك هنا
جسار:احب بنية من زمان وكل مره اجي حتى اشوفها
سولفتلة كلشي صار بينا
جاسر:بس انتم حبكم اعوج لو تهديد لو سحل بابا بنية هاي مو مجرم ترفع المسدس عليها
جسار:حالة شيطان وصارت المهم نروح نخطبها
جاسر:تعرف اسمها
جسار:لا
جاسر:تعرف عمرها
جسار:لا
جاسر:خايب وطاك ارحا چا شتعرف وتروح تخطبها
جسار: ما مزوجة
جاسر:اي هذا همك ربي صبرك
خلصنا الطريق ساعة يرزل بيه ونتعارك وساعة نتناقش
اخير شي تعاركنا ونزلت رحت لبيت جدي عبالي راح يروح لبيتنا اجة وراي وتعاركنا انصدمت من شفت ازل بنت عمي
جاسر خزرني ودخل وراها وانا رجعت للبيت اول مادخلت صار بوجهي ابوي
جسار:اليوم اتغدى واتعشى رزايل
ابو جاسر:شكلت
جسار:كلت السلام عليكم
ابو جاسر:اي وعليكم السلام وين جنت يابه مانشوفكم
جسار:بوية غير دوام چا شسوي
ابو جاسر : ابني واعرفك من تجذب وين جنت
جاسر:جان بصلاح الدين
جسار:اندهرنا والحسن
ابو جاسر:شعنده
جاسر:اكعد وافهمك
كعدنا كلنا خواتي وايمن نزل الكل تواجد كلهم يحب وحدها ويريد يخطبها
ابو جاسر: ماعندي مانع بس انت تعرفها تعرف اهلها سمعتهم شلونهم البنية شلونها لو هيج كبل
جاسر:يعرفهم كلش زين باجر جمعة نروح لبيت جدي ونحجي وياهم وعلى يوم نروحلهم ونخطبها ونفض السالفة احسن ما رايح جاي كل ساعة
كملها جاسر وانا حتى اسمها ما اعرفة اعرف بس ابوها جان يجي يمنا يكعد بالسيطرة
جسار بهمس:شني خوية حليتها
جاسر : سد حلكك خل نفضها بسرعة وجيب معلوماتها
جسار:اي باجر اروح
جاسر:لا تخليني اكسر سنونك بحلكك باجر لا تروح خليها غير يوم افتهمت
جسار:حاضر سيدي
جاسر:احسنت
ايمن:ها تتهامسون شعدكم
جسار:اتغزل بيَ
جاسر : غسل الغسلكم ثنينكم
ثاني يوم بليل فتحوا الموضوع الكل وافق محد حجه يوم الاحد رجعت لصلاح الدين حتى اشوفها
بنفس المكان وكفتهاا اريد احجي وياها اجاني صوت من ورا
_ولجججج مراااايم
.................................
علي:لجهنم الحمره
شهد:عوفنييي يمةةة تعالي لابنج يمه خلع ايدي مدري وين يريد ياخذني
ام فهد :امشي وياي اعتذري من الولد
تخوصرت وكفت وعلي واكف كدامي عاكد حواجبة
شهد:شنو شنو عيونييي اعتذر ليش بلا ميت هو ميت لا عيني ما حزرتوا والله فلا اتحرك واذا تاخذوني كوه اخزيكم واشهركم كدام خلق الله اي عيوني اني شهد مو حي الله
علي:اي عيني شهد هيَ انتِ ذنييي بناتججج منين جايبتهن كلُ وحدها اللسانها اطول منها
شهد:عينييي خليك وياي صديقك ما اروحلة خوش لا وحق ضلع الحسين اسوي بيكم دهر
الجدة :الله واكبر يمه خليها تولي انا اروح هاي مسودنة الله جالبها
شهد :عفيه كلهن بيه اذا اروح انجلب فد جلبة
كامت بيبي لبست عبايتها وراحت هيَ وامي
علي: بسيطة جاية المدرسة وتجين تتوسلين تعال قريني
شهد:اريد افهم انت اخوي لو اخو ذاك المكروة
علي: انجبي احسن السانج اللسان دلالة
ضحكت وصعدت فوك تعالي اعتذري منو هو حتى اعتذر منه
ازل : ها
شهد:وجعا حتى وجعا
عسل : جبح مو اللسان
شهد:انجبن ايدي كامت توجعني من ورا اخوجن الخبيث غثيث مثل صاحبة
كعدت امشط شعري بعدين اجوا اهلي كلهم انجمعنا على العشه
الجد :شوكت عرسك فهد
الشيخ :الاسبوع الجاي انا التحق على ما انزل انتم حضروا ومن انزل ان شاء الله يتم كلشي
اسد:شكد تضل
الشيخ :عشرين يوم
اسد:هواي
الشيخ :شغلي هذا
خلصنا العشه الولد طلعوا وبيبي وجدو وبابا وماما كعدوا بالصالة وغزل اخذت الجاي الهم وعسل وازل غسلن المواعين ونضفن المطبخ واني غسلت ملابس وكعدت
عسل:انت الوصخة من تشتغلين شغلة كمليها مو تخلين الملابس بالحمام وتجين تكعدين اضل انضف وراج شلون بلا
شهد:هاي تحجين عليه عساس انتِ النظيفة شوفي عسلوووو ترا مالي خلكج اسكتي عني احسن
عسل:يمه شوفي بنتج
ام فهد :الله واكبر لو امير لو شهد ولكم يمه بسكم عوفن الملابس انا اغسلهن بس اسكتن
مرت ايامنا الوضع هدوء وبدينا نحضر لعرس الشيخ قبل لا يلتحق الشيخ بيومين علي كان واكف بالحديقة ماعرف شنو يشد على ايدة
شهد:شنو هاي وين رايح جنك ذول الحرامية اللي بالافلام
علي: ممكن تنجبين وتوخرين من وجهي
شهد : هسه شحجيت اني حباب وين رايح والله الفضول يذبح
علي:رايح اتعارك
شهد:ويامن
علي:ويَ خالتج الشكرة
طلع المسدس وطلع رصاص جيبه خلاهن بيَ ولبس سترة
شهد: دخيلج ياشريفة
ام فهد:وين يمه شني هذا اللبس
علي:ياسالفه اللبس رايح لدوام عندي شغل
شهد:وبس انت من تروح لدوام تلبس مدني مو عسكري
علي:قانونا وبكيفنا
صعد سيارتة وراح يومين وهو ماكو اجه يوم التحاق الشيخ بليل كلهم يمنا
الشيخ: اسد واسيد وجاسر وشاهين ويَ جدي وابوي بالديوان صهُيب واسر ومحمد وجسار المعرض عليكم امير وياسر ومهند وايمن بدون مشاكل ومصايب وعلي ماعنده وقت اوصي على شي هم يلا عليَّ دوامة وانشغالة وردة امانة بركبتكم ديروا بالكم عليها وديروا بالكم على نفسكم وابرونا الذمة
سلمنا علينا وطلع الباب التقوا هو وعلي سلم عليَ
الشيخ :دير بالك على نفسك الغدر يمشي بدمهم وادريك سبع
علي: لا تخاف عليه الله الحافظ وكاعدلهم
الشيخ :سبع
طلع الشيخ وعلي دخل امي وبيبي ضلن يبچن
علي:عليمن هالبچي كافي ادخلن جوا دوام وطبيعي هذا مو كل ما يلتحق واحد اكلبنها مناحة
اول ايام الشيخ كان يتصل وراها انقطع عنه نتصل ميجاوب وبعدين طلع التيلفون مغلق
....................................
علي: شايفني طفللل تحقيق هذذا وادلة كاملة حتى تم تنفيذ الاعدام مو بيوم وليلة حتى جايني ادكول سامر مو قاتل
ابو فهد :سااامر ماعليه
علي:مو ما عليه كول عندك شي ويَ سامر وانا خربتها من عدمته لا اطلعلي اعذار واخو سامر اللي هو قحطان ميت صارلة اربع سنوات واللي قتلة سامر على مود بنية جاي تاكل حلاوة براسي
ابو فهد :احجي عدل لككك انت بدون ماتفتهم شي نفذت
علي:اي مو امس دخلت العسكرية انا لو دخلت واسطة وكلشي ما افتهم وهيج القانون يمشي بكيفي والله سامر اريد اعدمة اعدموا يلا يابه شتحجي انت
طلع اوراق من جيبه
ابو فهد :هاك شوف بعينك
علي:اوراق مو اصلية
ابو فهد :شوووف يلا تحجي
اخذت الاوراق بيها صور مفبركة محولين من سامر لقحطان ومعلومات كلها جذب وتلفيق
علي:منين ذني
ابو فهد:من خالك
علي:منووو
ابو فهد: ابو فؤاد
علي:انت ما إتوب من ابو نعال
ابو فهد : انجب واحجي عدل
علي:انت اللي احجي عدل مو انا مو طفل عندك هذا ابو فؤاد انا اله
لزمني من ياخة قميصي وجرني حيل
ابو فهد:اسمعني عدل ولا تخليني انسى انت ابني هاي السوالف ابتعد عنهااا
علي: هاي السوالف تخصني انا وصار سنين اشتغل عليها واحد واحد اصفيهم واذا تحط ايدك بيدهم اقسم برب الكون اصفيك وياهم لا تلعب وياي
دفعني وطلع كواويد ما تصيرلكم چاره بس انا الكم
بليل اتصل عليه راهب
علي:ها ابو الجود
راهب:هههه عيني رايدك بشغلة
علي:ابشر
راهب:راح امر عليك ونطلع
علي:انتظرك
نص ساعة واجاني
راهب:عندي موضوع وخايف منة مادري شسوي
علي:خير شبيك اول تالي تخاف
راهب:احب بنية واريدها على سنة الله ورسوله لكن خايف انُ ترفض
علي:ليش حتى ترفض تلكى احسن منك بس انت تعرفها
راهب:حق المعرفها
علي:منو
راهب: قمر بنت عمي
حسيت واحد سطرني راشدي
علي:منو
راهب:قمر شبيك
علي: وهيَ
راهب: بعدني ما معترفلها لكن اختي ادكول عدها مشاعر اتجاهي
ماعرفت شجاوبة ضليت ساكت صدمني بكلامة
راهب:شبيك
علي :مابيه شي اعترفلها احسن ما تروح من ايدك والله يوفقكم
راهب:يعني انت هيج رأيك
علي:اي
راهب: چا من هسه حضر روحك لخطوبة صاحبك
علي:اكيد اول الحاضرين انا
اجهه نمر كعدت وياهم ساعة وترخصت كتلهم عندي شغل
راهب:خل اوصلك
علي:لا انا اريد اتمشى واخذ تكسي
طلعت راسي يفتر العشكتها عشكها صاحبي صبرك يارب ضليت امشي واباوع لناس لحدما وصلت يم طفل كاعد على الرصيف كانت الساعة 12:12 كاعد وحدة ويباوع على الناس الجو كان شتاء وهو لابس نص وكاعد
علي:ليش كاعد هنا بهذا البرد
_چا وين اروح
علي: ليش ماتروح للبيت
باوعلي وحط ايدة على وجهه وضل يبچي كعدت كبالة
علي:ليش تبچي
_ماعندي بيت اني محد يريدني
علي:شنو اسمك
_ علي الاكبر
علي:ياحبيبي
علي الاكبر:امي مريضة وابوي متزوج وحدها ثانية واني الوحيد لامي ويضربوني يكلولي انت وكح وامي تباوعلي وتبچي وهسة سلمت عليها وشردت من البيت لان كتلوني واني مامسوية شي والله عمو بس لان اريد العب وي الجهال يكلولي انت وكح ومكروه
علي:الله يشافيها لا تبچي يروحي انتَ اطيحلك حضهم والله كوم وياي الجو بارد لا تتمرض
علي الاكبر :بس ارجع يضربوني اكثر
علي: محد يضربك مايصير تترك امك وهي مريضة وحدها
علي الاكبر:يضربوني
علي:شكد عمرك
علي الاكبر :12 سنة
نزعت القمصلة مالتي لبسها كانت جبيرة لان هو ناعم
علي الاكبر:هههه ضعت
ابتسمت على ضحكتة مديتلة ايدي لزمها رحت لواحد يبيع اكل اشتريتلة وكعد ياكل
علي: وين بيتكم لازم ترجع ومحد يمد ايدة عليك
علي الاكبر:وعد ؟
علي: وعد اكسر ايدة وباجر انا اجيك اذا ضربوك كلي اطيحلك حظهم
علي الاكبر :يلا تعال وياي
علي:يلا امشي
صار يمشي كدامي وانا امشي ورا وصلنا للبيت منطقتهم كانت تعبانة حيل وبيتهم هم
علي الاكبر:هذا بيتنا وهذا بيت ابوي بس اكو باب يدخل النا منة
دك الباب طلعت بنيه شابة
_صخام بوجهك صار ساعة انتظرك خافن عمي يشوفك ويبسطك وامك صار ساعة تنوح عليك وين جنت
علي الاكبر: ادخلي جوا وياي خطار
_خطاريش ولك
علي الاكبر:ادخلي
علي: باجر اجيكم ادخل انت خلي امك تطمئن عليك
علي الاكبر:وعد تجي
علي:وعد باجر العصر انا يمكم وشتحتاجون بخدمتكم
علي الاكبر:الله يوفقك بجاه الحسين
ابتسمت اله وسلمت عليَ ورجعت اخذت تكسي ورجعت للبيت الساعة بـ2ونص بليل
ثاني يوم نزلت لجوا صارت بوجهي مااعرف شصار بيه حسيت روحي تخردلت ضليت صافن بعيونها
قمر:صباح الخير
علي:صباح الورد
قمر:البنات فوك
علي:بغرفتهن
قمر:شكرًا
صعدت للبنات واني عيني وراها يارب طلعها من كلبي ولا تخلي نفسي بيها
اتصل عليه عمر
علي:ها ومرض
عمر:والله نذل بعدك نذل
علي:انجب الكاطع
عمر:هههه خليني الغي
علي:الغي شعندك
عمر:راح اخطب
علي:احلف
عمر:وام البنين راح اخطب الحب
علي:ياحب
عمر:الطفولة
علي:مافهمت
عمر:طلكها واخذتها
علي:هههه مبروك حبيبي
عمر:يوم الك وافرح بيك بعد ما محددين من التحق وانزل نحددد مو تغلسس
علي:اول الحاضرين ان شاء الله
سديت التيلفون ادور بالكاونتر كهوة مالتي ماكو
علي:يمةةةة
ام فهد:ها يمه
علي: الكهوة مالتي وين شو ماكو
ام فهد:يايمة البارحة اجني نسوان وماشربن الجاي سويتلهن هاي الكهوة
علي: صدك تحجين جايبها الي لو الهن يمه كهوه خاصة بيه هاي
ام فهد:جيبلنا من عدها كلش طيبة اخير شي اليوم الصبح انا وابوك شربنا منها
علي:الله يستر هسه ششرب راسي راح يدك طبل
ام فهد:اشرب چاي
علي:انت تشربين كهوتي وانا اشرب چاي محترك
الجدة:تعال انا عندي بن دكهن واشربهن
علي:انعم الله عليج
جنت بالمطبخ وهنه بالصاله دخل امير من باب الباب يرجف رجف
علي:شبيك
امير:ابوي
علي:شبيي
امير:لكفني اشرب جكاير وطفه الجكارة بحلكي وجاي وراي
علي:انت ما اتووووب وتالي وياااك
وجهة اصفر امير يخاف من ابوي لان اذا يلزمة ما يرحمة
علي:امشي اطلع من الباب الخلفي روح يم بيت خالي لو تصعد للغرفة واقفل الباب
امير:راح اصعد فوك
علي:خرا بيومك
اجهه ابوي دخل من باب الصالة يصيح وينه هذا العار يايابه رجعتني لورا هاي الكلمة
علي:شكو
ابو فهد: اخوك وين
علي :شتريد منه
ابو فهد:ابوسة براسة على تربيتة
علي: ما يريد بوستك عوف الولد لا ادمرة بسوالفك طفيت الجكارة بحلكة شتريد بعد
ابو فهد:ويين ضميته طلعهةةة
علي:اكعد واستريح ولا تخبصنا عوف الولد كافي
لحد ما كعد ابوي بالف ياعلي العصر رجعت للعلي الاكبر لكيتهه كاعد بالباب
علي الاكبر:والله عبالي ماتجي
علي:هههه شلون ما اجي
علي الاكبر:سولفت لامي يلا تعال ادخل جوا
دخل هوَ دخلت ورا جانت مراة مو حيل جبيرة بس المرض مأذيها مدده على فراشها سلمت عليها وكعدت
علي:شنو مرضج
ام علي الاكبر : الله يكيفك شره سرطان
علي: راجعتي دكتور اخذتي علاج
ام علي الاكبر :لا والله لان حالتي ماتسمح بس رحت اكتشفت بيه هذا المرض وكعدت
علي: انا اتكفل بعلاجج بالكامل خارج او داخل العراق
ام علي الاكبر:لا يمه ما اريد اكلفك انا عمري خلصان چم يوم واروح لدار حقي بس هذا الولد ياهو اله
علي:عمرج طويل ان شاء الله اعتبريها هدية مني وانا عندي خير من الله علاجج شما يكلف عليه وعلي الاكبر بحمايتي بعد
ام علي الاكبر:الله ينور دربك ويرزقك من عالي سماء
علي:الله يحفظج اجيكم باجر ونروح لدكتور وان شاء الله خير
طلعت من يمها بالباب صار بوجهي رجال عرفته ابو علي الاكبر
_منو انتَ
علي الاكبر:فاعل خير جاي يساعد امي ويعالجها
_اهلًا وسهلا الفلوس العلاج خليهن بيدي
باوعت عليَ شكلة مو راحة طلعت من البيت طلع وراي علي الاكبر
علي:ذني فلوس خليهن يمك واشتري احتياجات البيت ودير بالك على نفسك ولا تطلع
اتكفلت بعلاجها
بيوم عيد ميلادي راهب جابلي هدية
راهب:لا تفتحها الا توصل البيت
علي:شني جايبلي سيت مال نوم
رجعت للبيت فتحتها هدية وياها ورقة مكتوب بيها
ترا ما احبها بس حبيت اختبرك وهي الك والله يوفقكم
اتصلت عليَ
علي:كواد
راهب:ههههه حتى تتعلم ماتخفي مشاعرك وتكابر افتهمت شريك سنيني
سديت التيلفون والدنيا ما وسعتني من الفرحة
ورا ايام دخل ابو فؤاد كال
ابو فؤاد:ثاري وياك ماخلص يعلي
علي:شنو؟
ابو فؤاد:ابنيييي اذا صار عليه شي اندمك
علي:وشبي مدلل الماما
ابو فؤاد:يعني ما تعرف شبي ،شوف يشيخ فراس وهاي كدامكم كلكم اذا فؤاد صار عليَ شي والله العظيم ابنكم اكتلة موت
ابو فهد:شبي فؤاد
ابو فؤاد: اخذوا لسجن ومتأكد ابنك ورا هاي القصة
علي: شوف ولك اقسم بالله اذا احطك براسي اخليهم ياخذونك ورا ابنك روح شوفة شمسوي مو جاي تذب بلاويك عليه ودير بالك تلعب وياي اندمكك وابنك اذا عندي شي ويا انا اطيح حظة بيدي مو اخذه لسجن
ابو فؤاد:كلامي يوصلك ويتعداك ابني اذا ماطلع اليوم باجر تصبح بالنجف
علي: وحك علي اجنزك تجنز انت وابنك امشي اطلع بررررا
ابو فؤاد:بسيطه مثل ما خليتك تطلع لبغداد هالمره اخليك تطلع خارج العراق كله
اجت امي وكفت كبالي
ام فهد:اذا عندي خاطر يمك لا تمد ايدك على خالك
علي بعصبية :امشييييي اطلع برررررا
طلع هوَ فركت وجهي انا يعيرني هذا الكلب
ابو فهد:شمسوووي
التفت اله بعصبية وزمخت بيَ
علي:شمسوووي بقندره مغتصبهةةة يعنيييي شدرانييي بي مو جنت مطمورر
اسد:كافي اهداء سدوا الموضوع خيولي يمسلت هذا
علي:انا اريد اخلي يمسلت اكثر الكلب يهددد بسيطة
ام فهد:يمه عوفة
علي:والله ما اعوفة لا هوَ ولا ابنه بسيطة محد حط راسة براسي وضل بخير الايام جاية لو انا لو هوَ
ثاني يوم رحت للمركز سجن شخص مشتكي عليه بايك منه فلوس رجعت المبلغ وطلعت فؤاد بدون مايعرف منو طلعة عبالة ابو الخيخة
ورا بيومين التحق اخوي فهد بعدهي انقطعت اخبارة وصل خبر ان اكو عسكرين استشهدوا على حدود سوريا
علي: تيلفونة مغلق هاي المصيبة
اسيد:تواصلت ويَ قائد وكال من توصلني اخبار ارجعلكم خبر
اسر:الوضع ما يبشر بخير ترا
محمد: ان شاء الله ماكو شي
جاسر: حتى صديقة تيلفونة مغلق
علي: ننتظر ونشوف
ثاني يوم بليل الساعه بـ 9:10 دك تيلفون اسيد
شكرا لزيارتكم عالم روايات سكيرهوم
