رواية نقطة تحول الفصل الخامس عشر بقلم جمانه السعيدي
نزل قيس اجازه
اكره هذا الأسبوع الي ما اشوفه بي
واحس الدوام ممل كلش
دزلي رساله صباح الخير
عبير صباح الخير
قيس بشرفج مو وحشه عليه واليوم الدائره مو حلوه
عبير شدعوه هلغرور
قيس يعني ما مشتاقتلي
عبير ابد
قيس هااا هيج صارت زين اني عدي فكره اريد اخلي كامره بلدائره وتحديدا بغرفتج حتى أضل اشوفج
عبير واني ماعندي شغل عمل بس استاذ قيس يشوفني
قيس افكر اكطع اجازتي واجي للدائره
عبير ترا عندي شغل
قيس اني هم عندي شغل مهم حاضن المخده وافكر بيج
عبير هااا موكلنا اني ما احب هاي السوالف
قيس اوكي بس حبيت اطمنج الموضوع الي وصيتني علي صار بايدي امينه بعد مراح تسمعين صوته المزعج
عبير اي عاشو أبطال العراق النشامه
قيس بس أبطال العراق كلما ينتصرون بمعركه ياخذون حوافز تجيهم ترقيه
هاي المهمه يابسه كلش جمانه السعيدي
عبير راح انطيك حضر هي هاي المكافئه
قيس لا عليمن خلينا على الوضع الحالي احسن
عبير الله وياك سلملي على خالتي
قيس يوصل انشاء الله
عبير مدنكه اكتب اليوم الشغل عليه هواي لان ست ابتهال
اليوم مجازه وهي خطيه اتسد بمكاني من اخذ اجازه
ما احس آله الشرطي فوك راسي
....ست عبير اكو واحد واكف برا يكول اني ابو عبير اسمه محمد خضير ادخله
عبير اطرده ما اريد اشوف وجه
بعدين فكرت شويه كتله اوكف خلي يدخل
همزين اليوم قيس ما مداوم جان انفضحت خاف اطرده ويضل ايهوس برا هسه هذا شيريد مني ولله مللني
شويه واجا لابس بنطرون رصاصي وقميص مبهذل وحالته حاله
محمد صباح الخير شلونج بنيتي
عبير اهلا وسهلا
محمد اعرف انتي ماتحبيني ولاتردين تشوفين وجهي
بس تبقين بنتي
عبير يا سلام توك عرفت اني بنتك وين جنت قبل
محمد اني اليوم محتاجج واريدج تساعديني مو لان اني ابوج لا لان انتي كلبج طيب
اعتبريني محتاج او واكف ابابج جمانه السعيدي
عبير انت من كل عقلك بعد كل الي سويته بيه جاي ساعديني
محمد اي لان ماعندي احد يساعدني غيرج
اني الديون كثرت عليه واني تعبان مومثل قبل ما اكدر اشتغل وخاصة من شلت الكلى مالتي
وكلهم مدارس ومصاريف هواي واني ما اكدر اوفر طلباتهم
بعت البيت وسديت الدين العليه
وهسه احنا كاعدين ايجار
ولله لوما الضروف الصعبه والعوز ما اضايقج
هذا الشهر مادفعت ايجار ضروفي صعبه كلش
اني جايج اريدج تساعديني خاف يشمرونه بلشارع
عبير شكد اكرها بس ضجت علي حيل
اني راح اساعدك بس احسبها هاي اخر مره ومآ اريد اشوف وجهك بعد اني ماعندي اب ابوي مات من زمان
اني اريد اساعدك مو لان انت ابوي
لا لان اني ما اكدر اشوف واحد محتاج ومآ اساعده
اكعد هنا منا لمن يخلص الدوام لان ما اكدر اطلع وياك هسه اليوم وحدي والشغل كله عليه
كعد كبالي ورحت جبتله ريوك وجاي
بقيت اشتغل وهو مكابلني وكاعد
خلص الدوام استاذنت من عمو محسن وطلعت اني وابوي
اجرت تكسي ورحت للمصرف هو بقى منتضرني بلتكسي
عمتي فاتحه احساب باسمي ومجمعتلي بي فلوس
سحبت مليون وطلعت وكلت الابو التكسي اطلع بينا للخضراء
رحت للشقه ونزل وياي ابوي
سلمت على عمتي ودخلنا
بس شافته عمتي فرحت لان هو جان مقاطعه بسبب
خطوبتي اتغدينا وكملنا
اخذت عمتي على صفحه وكتلها اريد مفتاح بيتج
ابوي بايع بيته وكاعد ايجار
منا لمن ادبرلهم سكن هو واخواني
عمتي اي هذا المفتاح راحت للكنتور وطلعته عفيه ابنيتي ماضاع التعب بيج
طلعت برا انطيته المليون وانطيته مفتاح بيت عمتي
انتقل البيت عمتي واكعد بي
وكتله اني راح ادزلك ٢٥٠ الف كل شهر من راتبي
لان اني راتبي كلش قليل لان متعينه جديد
سحب ايدي يريد يبوسها واني ما قبلت صعب عليه اشوفه
بهل لموقف الذليل مهما يكون هذا ابوي جمانه السعيدي
شكد ضرني بحياتي وطردني وحاول يضيع مستقبلي
بس ما كدرت اعوفه بهذا الموقف ومآ اساعده
لليل اجتني رساله
قيس كاعده نايمه
عبير راح الغي الاتفاق
قيس ياريت ونرجع نحجي مثل كبل
عبير ليش تراسلني
قيس مو اني هاي امي تكول مشتاقتلها موووت
عبير امك مووووو
قيس يعني واحد يحب ومشتاق وين يروح شيسوي
فوك البعد لاتتصل
عبير من تلح زايد اني راح ابطل
قيس هو بكيفج تبطلين القي القبض عليج
عبير والتهمه شنووووو
قيس ازعاج السلطات حيث لدينا مواطن يسعى إلى خدمة الوطن وانت سببتيله الضرر
عبير شلون سببته الضرر
قيس ابدال ما يفكر بلوطن ويحمي كاعد يفكر بيج
عبير مو ذنبي ابد
قيس شلون مو ذنبج عيوني وهذا الجمال كله ذنب منووو
عبير جاي تحاول اتأثر على قراري بكلام الغزل هذا
قيس هي هاي المهمه الصعبه الي اني احاول انجح بيها
عبير شلون وياك
قيس حبيني وفضيها وكولي تعال اخطبني بسرعه وخل نزوج لان ما اكدر على بعدك بعد
عبير لا الزواج مو لعبه لازم نتأكد من مشاعرنا بلاول
قيس لاتخافين مراح اخذج تسكنين محافضات راح نعيش بلشقه مالتي
بلشهر مره نروح الاهلي واهلج بين يوم ويوم نتعشى عدهم
عبير هههه شني فرضيه بين يوم ويوم تتعشى عدهم
قيس لاتخافين انجيب عشى جاهز مراح يطبخون
على فكره اني ما سئلتج على امج شو اني ما شفته
شفت بس عمتج وابوج الاستاذ محسن
عبير الله يرحمها
قيس الله يرحمها ماجان قصدي
عبير لا عادي اني عمتي مربيتني
قيس لعد استاذ محسن شعجب ما ازوج بعد امج
عبير اليوم شيخلصنا انفتح تحقيق
قيس اسف يمكن أدخلت بموضوع ما يعنيني
عبير ممكن اروح انام لان عندي دوام
قيس اي ممكن ليش لا تصبحين على الف خير
عبير وانت من اهل الخير
عبرن يومين وهو كل اشويه دازلي رساله شكل
اكثر كلامه يضحكني
بعد يوم ويداوم بليل خابرني
عبير الووووو
قيس هلو ياحلووو شلونك
عبير الحمد لله
قيس اكيد تحسبين يمته يرجع حبيبي
عبير وشنو هلغرور
قيس اني محتاجج بخدمه انتي الوحيده الي تكدر
تساعدني بيها
عبير كووول بيش اكدر اساعدك
قيس تذكرين بت عمتي الي حجيتلج عنها الي اسمها نفس اسمج
عبير خفت من كال هيج سكتت شويه
قيس جاي تسمعيني
عبير اي شبيها
قيس ابوي صار فتره يلح يريد يبيع البيت لان قديم مبني بأيام السبعينات وهذا البيت مو ملكنا
عمتي سهام وعمتي ابتسام كل وحده الها حصه ويانا بي
عمتي سهام تنازلت الابوي عن حصتها
وعمتي ابتسام حصتها تروح البتها عبير
عبير والمطلوب مني شنو
قيس اصبري جايج بلكلام
عبير جاي ندور عليها حتى تاخذ حصتها من البيت
لان ابوي يريد يشتري ارض زراعيه جبيره
ويبني بيها بيت جبير هذا البيت قديم ولولد يردون يزوجون ومآ يكفيهم
رحنا سئلنا ابوها كال ساكنه بلخضراء
تعرفين الخضراء محد يكدر يدخلها اله عندا كارت
عبير اي وبعدين
قيس اريدج تسئلين يمكم من معارفكم بلكت نوصل الها
لان بيعت البيت ما ترهم اله هي تكون موجوده
عبير سكتت
قيس جاي تسمعيني
عبير اي انشاء الله اكدر اساعدك
قيس بلكت عدكم كروب نسائي خاص هناك وتسئلين بي
ولله اذا ساعدتيني بهذا الموضوع ما اعرف شلون اكدر اشكرج
عبير انشاء الله راح تلكونها
شكرا لزيارتكم عالم روايات سكيرهوم
