رواية عشك أل فراس الفصل السادس عشر بقلم زينب نور
_ولججج مراااايم
صارت ورا ضهري التفت بنية شابة
مرايم:الله ياخدج أيڤان
أيڤان:منو هذا
جسار:انتِ اللي منو
أيڤان:اني صديقتها
جسار:واني زوجها
مرايم:ياااا عزززااا بعينك والله كذاب والله العظيم شلون اتزوج وانتِ متعرفين
أيڤان:اي هم صح تعالي هذا ابين مو راحة
جسار:والله بيج لبكهة على حلكج وخري اريد احجي وياها
مرايم:أيڤان مو غريبة صديقتي عادي احجي
جسار: اي خوش شوفي اقسم بالله رايدج واحبج والحُسين احبج وانا كلت لهلي ونريد نجي نخطبج
أيڤان:ومنو كلك احنه موافقين
جسار:استغفرك ربي بابا انتِ شعليج خليتي نفسج
مرايم: اني ما اعرفك وشنو ادكول لهلي لو اجيت تخطب
جسار:بفترة الخطوبة نتعرف واهلج عادي من ترحين للمدرسة شفتج
مرايم:انت متعرف اهلي زين
جسار:والله خبصتيني بيهم الجمعة احنه يمكم حضري روحج
أيڤان:هاي شنو هاي انطينا مجال نجهز نفسنا
جسار:سكتيها
مرايم:ههههه أيڤان عدنا مجال
أيڤان: جيب رقمك حتى تتعرفون
هي خزرتها انا ما صدكت كتبتة وخليتة بيد مرايم
جسار:احبج وخدر المستكة زلم
رجعت للبصرة يارب اتم اول ما وصلت لكيت محمد كاعد بالباب
جسار:محمد شبيك
محمد: بيه مرض
جسار: شني المرض يانوع
محمد:جسار انجب
صهُيب: ها اجيت العاشك الولهان
جسار:يابعد شيبي انتَ شبي هذا
صهُيب: اكثر من مره يروح يخطب وما ينطوا مراة
محمد:حظي غير عمييي والله اقدم استقالة وانعل ابو الدوام بس خل ينطيها
جسار: اذا الك نصيب بيها تاخذها اذكر الله وكوم
محمد:مااريد خلوني كاعد هنا
ابو شاهين : الله يساعدهم
صهُيب ،جسار : ويساعدك عمي
ابو شاهين:ما اقتنع هذا يدخل جوا
صهُيب:قافل فد قفلة
جسار: عمي انت من عشكت هم هيج
ابو شاهين :هههه هم تعبنا يعمي بس يشهد الله مو هيج شوية اهون
محمد : روح اخطبها الي
ابو شاهين:ولك بويه مو العصر يمهم
محمد:ارجع هسة وشوف بلكت يوافق
ابو شاهين :كوم بويه كوم طب جوا وداعتك نرجع نخطبها بعد لحد ما يقتنعون
محمد:كول والعباس
صهُيب: العباس راح يشور بينا كد ما نحلف كوم ولي طب جوا شلعت كلبي
كل واحد دخل لبيته وهيج مرت الايام بعد ماكدرت ارجع لصلاح الدين لان صار عندي دوام وشغل هواي وانا انطيت رقمي بدون ما اخذ رقمها
يوم السبت بليل اتصل عليه رقم
جسار: الو
مرايم:مرحبا
جسار:يابه هلا وكل هلا مراحب عيني
حجيت وياها وبعدهي راحت ضليت اتواصل وياها رسائل مو اتصال من التحق فهد واختفى حيل انشغل بالنا ونسيت كُلشي التهينا نريد بس معلومة وحدها نطمئن بيها عليَ
اسد : خابرت
جسار:خابرت بس محد يعرف شي والاخبار التوصل مو اكيد ننظر لازم ونشوف
اسر:والله طلعت روحنا من القلق
ايام وليالي واحنه ننتظر وماكو خبر لحد ما خابر احد القائدة اسيد
اسيد:بشرر
_ فهد ويا اربعة استشهدوا على حدود سوريا اسئل الله تعالى ان ينطيكم الصبر والسلوان وانأ لله وانأ اليه راجعون
بدون مايحجي شي غلق التيلفون وكعد صافن
اسر:شبيككك احجيي
اسيد:الشيخ
ابو فهد:ولككك عميي احجيي شلعت كلبييي شبييي فهددد
اسيد:استشهد على حدود سوريا
امير:لككك شتحجيييي انتَ
صار الصريخ واللطم عمتي انتهت وكابلها امير يلطم الناس التمت وناس هواي
جسار:شااهينن لككك شاااهيننن
ركضنا على شاهين اللي وكع من طولة صرنا واحد يسند الثاني رغم كلنا انكسرنا لكن نحاول انُ نكوم على حيلنا ولو شوية
نصبنا الجوادر صارت الساعه بـ4:30 الفجر والجنازة ماكو ناس هواي وهوسة حيل
اسر:علي ويين
راهب: مادري وين راح
جاسر:شوفوا جوا
الساعة بــ 9:30 الصبح يلا وصلت الجنازة حطيناها جوا وطلعنا جدي وكف ذب عكازتة وراد يذب عكالة لزموا صهُيب وجاسر
جاسر :عكالك مايطيح
شالوا العكازة خلوها بيدة وعدلوا عكالة كعد وضل يبچي
موت فهد كان صدمة النا كلنا فهد مو بس شيخ او ابن كان النا اخ وسند واب واكف ويَ الكل عمود البيت بيوم وليلة وكع هذا العمود واهتز البيت
موتة ماكان على البال جنه نحضر لزفتة وخلصنا كلشي منتظري ينزل علمود يزوج مو نزفه للمكابر
امه وبيبتي وابو وجدي وردة خواته اكثر شي همّ انهاروا احنه شوية احسن كدرنا نسند نفسنا
ورا وفاة الشيخ بـ أسبوعين يلا كدرت افتح نت لكيت مرايم مراسلتني هواي اخير رسالة كاتبة بيها
_ من صارت صُدك انسحبت اذا مو كد الكلام ليش تحجي ؟
جسار :هاي التريدني اشك حلكها وحلك الخلفوها
دزيتلها رسالة
شبيج بابا ؟
مرايم :بعد وقت
جسار: جنت مشغول شنو هذا الكلام
مرايم :مشغول كل هاي الايام
جسار: صارت عدنا فاتحة شهل التمسلت هذا
مرايم :منو توفه البقيه بحياتك خاتمة الاحزان
جسار:ابن عمي استشهد
مرايم :ياخطية بس لا اللي على الحدود
جسار:اي وين تدرين
مرايم :سمعنا بيهم
ضليت احجي وياها بعدين كتلها
جسار:يلا بوية اترخص منج رايح انام باجر وراي شغل هواي
مرايم :تمام عيني ، الله وياك رخيص
جسار :شني ؟؟
مرايم :الله يرخصك
جسار:شني الله يرخصك ، عود هم تعرف تحجي
مرايم :يااا عچل شكول
جسار : دروحي نامي هو اليشرب حليب طليان شنتوقع من عنده
ثاني يوم كعدت على صوت امي
ام جاسر:جسااااار ولكك جسااار
جسار:هااا احتركنااا شكووو
ام جاسر : تعال انزل جدك يريدك بالديوان بسك نوم
جسار:نازل نازل
غسلت ونزلت
جسار:اريد ريوكك
ريم : الريوك يم جدو هيج كال ويريدكم كلكم هناك
جسار:شكو ياستار
دخلت لديوان كلهم مجتمعين سلمت وكعدت كال جدي
الجد : بوية انا تعبت وعمامكم مابيهم حيل بعد كعدات وفصول وطريق طويل واحد منكم ياخذ مكان الشيخ فهد
اسيد:مكان فهد يبقى مثل ماهوَ محد ياخذ مكا واحنه ياهو منه موجود يحضر بس مال تعال صير شيخ بمكانة لا هاي واكفة الموضوع سدوا احسن لان محد راح يرضى
ابو فهد : العشيرة لازم الها شيخ
اسر:جدي وانتَ وابوي وعمامي وخالي بيكم البخت جدي موجود بعد شني هاي السالفة
الجد:بوية انا تعبان وفهد كسرني حيل
جاسر:احنه موجودين وياكم بس فهد هو يضل الشيخ
الجد:يابويه ماتصير
شاهين :ليش حتى ماتصير سدوا الموضوع وانسوا هاي السالفة بعده ما طالع الاربعين كعدنا ندور شيخ شهل الحجي هذا
الجد :الناس ماعليها بحزنا
شاهين :ماعليها الناس فهد يضل مكانة مثل ماهوَ ومحد ياخذ مكانة والبركة بيك وبالحاضرين غير هذا الحجي ماعدنا ولحد يفتح هذا الموضوع لو بعد الف سنة
ادم :كلام شاهين صح ومو وكت هذا الحجي احنه بيا حال
الجد : هاي هي بوية يلا كوموا ندخل جوا تريكوا صحيتكم من نومتكم
ابو جاسر:امير شو ماكو
ابو فهد : مريض ونايم
ابو جاسر :ماصحئ هالولد ابد
ابو فهد :حتى مايحجي حرت شسوي ويا
فؤاد:بعده بصدمتة
علي:حجه الملكلك
دخلنا لجوا عمتي مخلصتها بچي البنات محضرات الريوك وماموجودات اول ما دخلنا صارت كدامنا صورة فهد مخلينها بمكانة
دك تيلفون علي اترخص وطلع ماكعد
الجد:ياسر اصعد كعد امير
ياسر:حاضر
الجدة : وين راح عليوي
صهُيب:طلع مدري ياهو اتصل عليَ
لليل يلا رجع علي بدل وطلع مانعرف وين راح ولا حجه شي
الجدة:دخيلك يابو الحسن مابينا حيل بعد
بـ12يلا اجهه علي
اسد :وين جنت وشبيككك
..................................
علي : دك تيلفون اسيد كالوا فهد استشهد !
ماجنا مستوعبين الخبر اول وحدها صرخت امي من صارت هوسة طلعت من البيت التمت الناس وانا ما مستوعب الخبر أصلًا تيلفوني احترك حرك صرخوا ولطموا وصريخ خواتي وامي بذاني بس ماجنت استوعب حتى مابچيت !
لحد ما اجوني راهب واسيد
راهب:ماتحجيي شبيك انخرستتت احجي ابچي الطممم
كنت صافن بوجهه مامستوعب الصار مامستوعب كلامهم لحد ما بجيت
راهب:كوم يلا لا اضل كاعد هنااا كوم
استمرت الفاتحه سبوع ايام كد الناس تعب نفسي وجسدي مانلحك نكعد
دخلت لجوا اريد ابدل دخلت من الباب الخلفي اكو نسوان والطم مستمر دخلت للمطبخ لكيت بس قمر تصب چاي التفت عليه كالت
قمر:البقية بحياتك
علي:البقاء لله اكو نسوان جوا
قمر:هواي ليش محتاج شي
علي:اريد ادخل ابدل
قمر : اي ادخل شعليك بيهن كاعدات يبجن بالصاله هسه اشوفلك طريق
شالت صينية الجاي ودخلت رغم تعبي بس من شفتها مدري شصارلي لابسه اسود عاكس على عيونها
قمر:يلا تعال
دخلت كدامي دخلت وراها شافتني عمتي كابلتني وضلت تبجي حجيت وياها وصعدت لفوك بدلت ونزلت صارت بوجهي زينه بنت خالي
زينه : تبدل والعطر واصل لسابع جار وفهد مدفون
علي:وخري من وجهي لا الطمج على وجهج
مامخلي عطر حتى ما امشط بس بدلت بس ناس مجلوبه شافتني امي حضنتها وبجينا ثنينا
طلعت رحت يم ابوي كاعد بعيد عن الناس كلها ويبجي وعكاله ذابه
علي:يابه
ابو فهد:راح وراحت روحي ويا دفنت روحي ويَ فهد الموت الي مو اله منتضر يوم زواجه ازفه لغرفته لحبيبته مو للمكبره يابويه
علي: امر الله بويه وهذا الكاتبة الله وراح شهيد الناس تسئل عليك كوم وياي هناك
كومته وشلت عكاله خليته على راسه
علي: اذا مو لخاطرنا انا واسد وصهُيب لخاطر امي وخواتي وامير شد حيلك وخليك سند الهم لا تنهار
رجعت يم الولد الملا يقرا كلها تبجي كبار وصغار فهد كان مامأذي احد ابد بالعكس الناس كلها تحبه ماعنده عداوة ويَ شخص
ورا ماخلص السابع راحت الناس هنا تبدي فاتحتنة فاتحة الاهل ! من نشوف مكانه خالي
بقت فقط الصور وقطعة مكتوب بيها انأ لله وانأ الية راجعون
سيارتة ملابسة ديوانة اصدقائة من نشوفهم وهو مو بينهم
مو نلتم على الغده او العشه وهو ماكو
من نفقد صوته وهو يقرا قران وهو يصلي
من ينصحنه ويعلمنا الدرب الصح
من يكعد يسولف ويضحك ويانه
ذكريات حيل مؤذيه
كاعد بالحديقة وحدي صافن بهالدنيا وتعبها وضيمها فزيت من صفنتي من سمعت باب المطبخ انفتح باوعت الكمر طلعت
علي: محتاجه شي
قمر:لا
سكتت عنها شويه واجت كعدت كبالي على الكرسي وكالت
قمر:اني اعرف انُ فقد العزيز مو سهل ابد وفقد الاخ مؤلم ومتعب لكن هذا امر الله ولازم تتقبلون صح مصارله هواي بس اليموت ميرجع امك والبنات وبيبتك كُلش تعبانات ومحتاجين توكفون وياهم مو تنهاروا وياهم
علي: الله كريم
ضلت كاعده يمي تباوع لفوك ضلينا تقريبًا ساعتين كاعدين شويه وغفت ابتسمت على منضرها شغلت جكاره وضليت صافن عليها على ملامحها وحتى وهي نايمة حلوه صرت قريب عليها اختلط دخان الجكاير ويَ عطرها قبل لا يأذن بشويه كعدتها
علي:احم قمر بويه قمر
فزت مفزوعه
قمر:هاي اني وين
علي: كومي ادخلي جوا نامي
صفنت شويه وبعدين كامت ورا سبوعين اتصل عليه واحد اعرفه وعندي علاقه بيَ يابه السلام عليكم وعليكم السلام
سلم وكالي هذا موقع تعالي بليل بفلان منطقة صار يابه وسديت التيلفون
كملت شغلي وبليل بدلت ملابسي وطلعت ما اخذت وياي سلاح ولا شي
اتجهت للموقع المنطقة كانت بعيدة وصلت للموقع دخلت بفرع على حسب الموقع اول ما دخلت المنطقة نزل عليه الرمي مثل المطر الصوت مال الطلقه صار يم أذاني
كلت هاي هيَ بعد مالحك على نفسي سلاح ماعندي وسيارتي تفلشت فريت السياره ورجعت صارت بوجهي دوريه
فهمتهم الموضوع يابه انا ضابط وهاي هويتي
_اني معليه تروح وياي للمركز
القى القبض عليهم انصدمت بيهم ذول كلهم اعرفهم وماعندي شي وياهم أبدًا
من وصلنا المركز فقط واحد بينهم كال اني رميت الباقي مارموا
عمره مايتجاوز الـ17 سنه
علي:يابه هذا ما رمى انا اعرفه ماعليَ بشي ذول الرموا
الضابط: لا ذول معليهم وفقط هذا لان اعترف على نفسه
جانوا سته خمسه طلعوا وضل هذا الولد
علي:يابه متنازل عنه خل يطلع
بعد ما خابرت وحجي هواي وكفاله يلا طلعت كل هذا وانا ما اعرف شمسوي رجعت للبيت حجيت لهلي كام ابوي خابر شيوخ
_انتَ تعرف ابنك شمسوي
ابو فهد :شمسوي
— يحب بنيه من عدهم ومزوجها بالسر ورايح يهدد بيها
ابو فهد :عمي كول يالله ابني لا مزوج ولا شي
_والله هذا الصار
ابو فهد :انطيني دليل ابني هيج مسوي
_ انطيني مجال اجيبلك الدليل
كل هذا انا ساكت والكل سكت منتضرين الدليل ثاني يوم خابر
وين الدليل كال لا مو هيج السالفه
ابو فهد :چا شني السالفه
_ ابنك مخابر اخوها ويهدد بيَ بالقتل اذا ما تنطي اختك وداز بصمة(ڤويس)ولدنا ما رامين ابنك رامي عليهم
ابو فهد :وديلي البصمة
_انحذفت
ابو فهد :خوش چا وديلي التصوير مال الرمي اذا مسويها اكسر ضهره
_انطيني مجال ادورلك تصوير
ابو فهد :قيم دعوة علي والنا كعده وياهم
علي:ماشي
رفعت دعوة عليهم تركت القضيه بيد الشيوخ عمامنا كلها حضرت
اسد:باجر التحويله
علي:امشي وياكم واشوف وين توصل
ثاني يوم صارت الكعده وهوسه وكعدوا واحد يقنع بالثاني كعد ابوي يمه جدي وعمامي وهواي والشباب كلها واكفه برا الجادر لان هواي انا جنت واكف بعيد عنهم بس اسمع كل كلامهم
ورا ماحجوا السالفه والطرفين افتهموا السالفه صاحوا خلي يدخل يسولف مطلبه
_عمي الله بالخير عليك ،انت شفتهم فلان وفلان وفلان وفلان وفلان
علي:سته همَ ثنين من البومحمد واربعه من غير عشاير لو شايفهم كفيلك الله انعل والدي والديهم خاتلين ببيت مال خايس
شيخ : لا عليَ لا احجيلنا شني مطلبك وشني التريده وسيارتك شني خسارتها
علي:السيارة لا تحجولي بيها انعل ابو خيرها انا ماعليه بالسياره ، انا صاروا عليه ست زلم غير اريد اشوفلي واحد منهم صارت بوك زلم ودزولي موقع ورحت كفيلك الله لو اعرف الرمي منين الا ارجعلهم انعل ساسهم والله ارجعلهم على البك شنييي كل واحد بكد زري صايرلي زلمه ولابد بيت مال دعاره
ضلوا يحجون ويصيحون
علي:يشهد عليه محمد لو انا لو همَ والله اكرضهم كرض كفيلك العباس لو ادري الرمي منين الا اخلي امهاتهم تون عليهم
_احجي حجي مال ديوان حجي مفصل
علي:تردون حجي مفصل نايمين بالثيل وتردون حجي مفصل
اجاني واحد من طرفهم ضل يحجي صارت هوسه
علي:وحك رسول الله مو مراجل هاي واحدكم مخنث
ابو فهد:كافي علاوي كافي
علي:شهل الحجي هذا
اسد:كافي علي
علي:صارلكم ساعة ترحون وترجعون على السيارة انعل ابو السيارة بس والله مادام هيج الحجي وراكم وراكم والسيارة باجر احركها
دفعني واحد من الشيوخ علمود اسكت سحبني راهب لـ برا
راهب :كافي يابه كافي اهداء
علي :حجيش هذا
الجد:اطلع كافي بسك اسكتوا
سحبوني برا ونزلوا الجادر ورا ربع ساعه رجعوا رفعوا لان الجو حار
_شيخنا اطلب مطلبك ابنكم حجيه مو عدل خل نتفاهم احنه
_هو هذا العرك بويه هو هذا العرك
علي:هذا مو عرك هاي علاسه مو سوالف زلم ومراجل
طلعت برا الجادر وكعدوا يحجون واحد يجر طول واحد يجر عرض
ابو فهد : ابنا مضروب اكثر من مية طلقة والسياره موجوده اليشوفها يكول مال چتال ابنا اذا مسوي مثل ماكلتوا يحب البنية ويهدد اخوها انطونا اثبات
_هو حذف البصمه من يمه
ابو فهد :ياهو الحذفها
_علي
علي:شهل الحجي هذا شايفني زعاطيط ضابط شكدني شكبرني اروح ادز بصمات واهددد شنو هالكد ماافتهم انا
بعد كلام هواي وتلف اعصاب طلبنا فصل
_عليمن هذا المبلغ ابنكم طلع سالم
ابو فهد:جا منتضره يموت لو يصوب مو حجي هذا
علي:سدوا الموضوع
ابو ادم :اسكتت اطلع برا
علي:كافي سدوا الموضوع انا وياهم والزمن طويل كفيلكم الله اكرضهم كرض
ابو ادم :لااا تدخل
علي:شنييي ما ادخل ضاربين جلب
ابو ادم :طبكك مرض انت الرايحلهم
علي:رايحلهم لكيت زلمه انا من رحت غير ضامين روسهم بالثيل كفيلككم محمددد طلقه وافلش الجادر كلها
ابو فهد :اطلع برا كافيييي
_شدوا الراية بوية
علي:كفيلكم الله الراية ماتنشدددد شني مزعطة واحد يضحك على الثاني
ابو جاسر :عمامككك كاعديينن
علي:چا عمامي تاكل حكييي
ابو جاسر:اطلع برا كافي
ورا أسبوع يلا شدوا الراية وانتهى الفصل
ام فهد :فدوة اروحلك اكعد واسكت ما عايزني ضيم
علي:شدوا الراية لو ميت هم شدوا الراية واخذوا فصل عود
ابو شاهين :ردنا نخلصها عمي وهمَ ولد عشيرتك
علي:ثنين من عشيرتي الباقي مو من البومحمد بس ميخالف
الجد :اذا عندي خاطر يمك انسى السالفه
علي: صار
اجت اربعين فهد وراها بسبوع التحقت للموصل تواصلي ويَ قمر صار اقوى مايمر يوم اذا ما احجي وياها حتلو بس سلام المهم احجي وياها
،،،،،،،،،،،،،،،،،،،،،،،،،،،،،،،،،،،،،،،،،
وردة : رجعت لهلي وعشت ايام حياتي اللي متنسي ابد رجع فهد تقدم لخطوبتي حيلللل كانت الفرحه
صاحنيي بابا بليل كلي تعالي عندي موضوع وياج
ابو اسيد: بوية وردة ابن عمج رجع طلبج مني ورايدج مراة اله انا واخوانج موافقين والرأي الاول والاخير الج وهسة اريد الموافقة يا اي يا لا
ام اسيد: لا تستحين ولا تباوعبلي منج لابوج
أسيا:موافقة والعباس بس تستحي
اسر:منو موكلج عنها انطمي
أسيا:مو خطية تستحي
اسر:انطمي
وردة :الرأي الك بابا
كلت هيج وطفرت همَ افتهموا موافقة كالوا حضروا نفسكم حتى تم الخطوبة كان احلى واجمل يوم بحياتي كلها
فهد كان روحي من الدنيا الوضع كان هدوء وكلشي تمام من انخطبت ضليت ما اروح لبيت جدي مثل قبل اوامر امي
ورا فتره جنه نحجي كلي بعد اسبوع اني التحق
وردة:لا تروح
ما اعرف ليش خفت كلبي كان ممرتاح ابد حسيت راح يصير شي
الشيخ:شغلي هذا بوية شلون ما اروح
وردة :لا تروح خيولي شغلك والله كلبي ممرتاح
الشيخ:شني خيولي لعب جهال هوَ لا تخافين ماكو شي
وردة:شكد تبقى
الشيخ :عشرين يوم
وردة :والله هواي فهد حباب لا تروح
الشيخ :شغلي بابا شجاج
مااعرف شنو صارلي بالضبط ضليت ابچي اتصل عليه ضل يحجي وياي وماكووشي ولا تخافين
الشيخ:على ما اروح وانزل انتِ كملي تحضيرات العرس حتى من انزل نزوج
ضل كلبي ممرتاح وايدي على كلبي وادعي يروح ويرجع بالسلامة
وراها التحق وكلامة زادني خوف من وصى اول ايام كان يتواصل وياي بشكل يومي وراها اختفى اتصل ميجاوب وبعدين يطلع التيلفون مغلق
وردة :فهدد مستحيل يغلق تيلفونة
فرح :أهدي يمكن خلص شحن
وردة : ياربي دخيلكك
حاولوا انُ يتواصلون ماكانوا يكدرون أبدًا وراها وصل خبر انُ استشهد !! على حدود سوريا
الخبر نزل عليه مثل الصاعقة مستحيل فهد يتركني كلي راح ارجع
ماستوعبت الخبر لحدما عمتي صرخت لحدما بچوا ولطموا لحدما التمت الناس يلا بچيت وصرخت ولطمت حيلي انهد روحي من الدنيا فهد
تركني بيوم وليلة ماكنت متوقعة هيج يصير كلي انزل ونزوج! مو يزفونه للمكبرة
...
رسُل: الكُل كان منهار الولد طلعوا برا كلهم الناس التمت وهواي
اجتني ريم كالت كومن نلم البيت نمشي على بشر النسوان حتى على الدرج كعدت تيلفونات الولد كانت كل واحد بمكان فتحنا الغرف حتى يصير مجال على ميجيبون الچادر بيتنا كلش جبير بس الناس هواي
وردة رادت توكف وكعت بحضن بيبي
رسُل:عززاا وردةةة
دخل جسار شدلها مغذي وكال خلوها نايمة لصبح يلا وصل التابوت كعدت وردة
ام فهد :خااايب يمه فهد سودة عليه يمه الموت الي مو الك يمه متحضرين نزفك لعروستك مو للمكبرة ولككك فهدددد
وردة :مو كلت ما اتركج مو كلت اني وياج دوم ليششش عفتني ليش تركتني حجاينيييي فهددد مووو حب حياتكك اني ليش تكسرني انت كلت ما اتركجج
دخلوا زلم كالوا راح يشيلون التابوت ماخلونا نطلع وردة تخبلتتت دخل اسر لزمها
اسر:كافيييي استكيييي شهيدددد مايصير هيج تسويننن
استمرت الفاتحه سبعة ايام تعب حيل تعب وناس هواي نسوان ادخل ما نعرفهن الكل كان يبجي حتئ زينه وسَحر وامهن اللي بعمري ما شفتهن بچن
ورا الفاتحه رحنا يم وردة كانت كاعدة بغرفتها وتبچي
نور :ياروحي هذا امر الله وهو شهيد هنيئًا اله
وردة:ونار كلبي شنو يطفيها شلون اصبر كلولي شلون بعد ما اسمع صوتة ولا احجي ويا ولا اسمع ضحكتة ولا اشوفة شلووون شيطفي ناري
رسُل:الله يصبرج يروحي ميصير تسوين هيج بنفسج
وردة : يستاهل اسوي اكثر فهد ما كان شخص عادي بالنسبة الي اشوفة غير عن كل الشباب حبيب عيوني شيخ كلبي يختلف بكلشي محد يشبهه بشي ملامحة ،ضحكتة،طولة ،شعرة ،شكلة وعيونة هههه اللي مغرمة بيهم يختلف بكلشي .
ماكان يفيد كلام وياها أبدًا تكابل صورتة وتبچي وتحجي ويا ساعة تضحك ساعه تبچي كانت سادس هملت كُلشي ودوم كاعدة بغرفتها حتى جدو راحلها بس ما كان يفيد شي
صارت سالفة علي اللي صدمونا بيها
علي مباشرةً نفى هذا الشي كال اني اعرفهم بس علاقتي سطحية بيهم ولا اعرف بناتهم ولا مهددد ولا شي
بالاخير تبينت انُ البنية زميلة للعلي بالدوام يعني ضابط !
قمر:ايع كبر شهل البنات
رسُل:استهتار زايد ماكو واحد مكسرها تكسر
ريم :انجبن ويلا اخذن الجاي لا يجون يكسرونجن
رسُل:عابت
اخذت صينية الجاي وطلعت صار بوجهي اسد من الفاتحة بعد مشفتة اخذ الصينيه من ايدي وكال
اسد:عاش من شافج
رسُل: وانتَ العايش
ابتسم وراح رجعت للمطبخ صارت بوجهي قمر
قمر:عاش من شافج
رسُل:اكلي تبن
قمر:جلبه مو بيدج
اجت اربعين الشيخ أللي ماشيها عدنا نسوي عشه زلم ونسوان وملا وملاية وثاني يوم الفجر او بليل بـ2 هيج يطلعون لنجف اهلة ولازم وياهم كم واحد من العشيرة
وردة : وصلنا لنجف اول ما دخلنا للمكبرة بچيت دخلنا المكبرة وصلنا يم قبر فهد
الجدة :شلونك يبعد امك شلونك
بعدك حلو لو خرب لونك
ماشي ييمه بدرب الأبعاد
وماشفت طولك ويَ الاولاد
يافرحة العيد ولذة الزاد
امير كان كل هاي الايام ميحجي بس كعد على الكبر ضل يبچي ويعاتب بيَ لحد ما اجهه علي كومة من الكبر وحضنة ضلوا يبچون ثنينهم
امير:ما اضوجة بعد ولا اسوي شي بس خل يرجع والله تعبت
ابتعدوا كلهم عن الكبر علي راح لكبر صديقة كعدت أني قبررفهد
وردة :فهدي يروحي انتَ والله مشتاقتلك انتَ مو كتلي ما اتركج مو اني وياج دوم ما اعوفج وحدج ليش عفتني يروحي انتَ بعمرك ماخلفت بكلامك بعمرك ماكلت كلمة ومانفذتها ليش تركت وردتك وحدها
بچيت ولطمت وصرخت لكن ماكو جواب ماكو صوت من فهد ولا اكو رد فقط صورتة واسمة وكبرة فهد ماكو رجعنا للبيت واني كارهه كلشي
مرت ايامي بتعب كل كم يوم اني بالمستشفى الاكل صرت ما اكدر اتقبله مكابله صورتة وكاعدة البچي هو الوسيلة الوحيدة اللي تبرد نار كلبي
اسر :وردة جدي مودي عليج لازم ترحين
بدون كلام هزيت راسي وكمت طلعت ملابسي بدلت ورحت لبيت جدي دخلت للبيت صارت كبالي صورتة يالله صبرك كعدوا الولد بالحديقة امير ضل ينعى صوته يجننن
امير :خايب يابو خد المحنة
اكله فدوة يأبو المحنة
ماتنشدون چبير الولد چا ماتنشدون
موش تبطون اطرشو علينا موش تبطون
خويه حلوات العيون حلو شاربة وحلوات العيون
باللحود ينايمين باللحود خوية دنكثوا شورابكم من الدود
ما كملها بچهة!
ورا فترة رحت لبيت جدي كعدت يمهم كلهم موجودين بس محمد كان ملتحق شوية وسمعنا صوت هورن سيارات وهلاهل
الجد:شني هاي شكو
علي: عرس
الجد:عرسيشش
علي: بنت ابو احمد
عمتي ام شاهين لطمت على صدرها وكالت
ام شاهين :غفران
هز راسة علي
ام شاهين :انا امك يمحمد صخام الصخمني
صهُيب:منو كلك
علي:غير البارحة ابوها اجهه استأذن يريد يزفها
ام شاهين :لحد يجيب طاري لمحمد فدوة اروحلكم
انصدمنا شوية وصار هدوء وراها بفترة نزل محمد صادف يوم جمعة فـ كلنا يم بيت جدو حس انُ اكو شي
محمد: ورا دورة السنة ترجعون تخطبونها
كلهم سكتوا ضل يباوع بينا واحد واحد
محمد : شبيكم شصاير شاهين شكو
محد حجة وحتلو لو نريد نحجي شنو نكول ؟ ومنو عنده هيج جرئه يكوله اللي تحبها تزوجت
محمد :يمه شكو شصاير
ام شاهين :ماكو شي يمه ماكو شي
محمد:چا شبيكم ليش احسكم ضامين شي صهُيب شكو انت صاحبي واعرفك من تضم عليه شي لا تحركون كلبي
ام شاهين :يمه احجيلك بس اهداء
محمد:احجي
ام شاهين :يمه غفران تزوجت
شكرا لزيارتكم عالم روايات سكيرهوم
