رواية كريات الدم السوداء الفصل السادس عشر بقلم زحل
_سحب النقال من ايدي اختل توازني جرني
منزلني من الكرسي كعدت بالكاع اريد الكلمه تطلع ماكدرت ضليت مدنكه وهو مانطق حرف واكف
منتصر مني تفسير احتاريت شكول رفعت راسي .
ثابت:معقوله .
_لا لا خلي افهمك باوع ترى مو مالي.
ثابت:تمام احجي اسمع .
ثابت:كل بنت تمر بهيج مرحله واتمنى الشخص يكون كد الثقه بس خلي ابالج الي يعرضج لخيانة اهلج ويجيبلج نقال بالسر هذا ماعنده غيرة لان مايخاف عليج وهم ماراح اضلمه بلغي يتقدم وانه راح اكون بجانبج بكل خطوى ماريد اي شخص يعرف اتصرفي اعتيادي وانتضرج تحجين.
_عافني وطلع احس عيوني طفت ركضت قفلت باب العرفه وانه الطم شكول وشحجي شلون اذا امي عرفت زين اذا كتله لمريم شنو حيصير اجت عيني للعلاكه جريتها وعيوني تصب طلعت العلبه نقال حديث شمرته من سمعت امي تصيح عليه .
وفيه:ابنينه نمتي ولج كومي كفي المطبخ.
_اخذت اكلنس رطب مسحت وجهي
حاولت مابين شي ردت اختلي بمريم
طلعت لكيت امي تصلي باوعت للصاله كاعد
ومريم يمه غسلت المواعين وكفيت المطبخ .
وفيه:بيج شي .
ثابت:مريم جيبلي الجاي للغرفه.
_صدمني عرفت مارادني احجي
وياها احس نفسي ضاك مدري ليش
ارتفعت حرارتي انتبه عليه مولي
مولي:ابنينه شبي وجهج .
_كام ابوي مستغرب لزم وجهي.
ابو اسعد:شبيج بابا شنو هاي بس
لا حساسيه شنو ماكله.
_ركضت للمغسله اباع بمرايتها اخترعت
وجهي مصبوغ احمر انخبصت امي وعله
صوتها طلع ثابت مستغرب .
ثابت:شكو شبيكم .
ابو اسعد:هاي بنونه مادري ليش هيج
صار بوجها خطيه يمكن حساسيه اكيد من
الاجباس الي تاكلها .
_ركصت امي جابت صايتي لبستها
وطلعت قبله للسيارة اجه وهو مبتسم دنكت صعد وشغل السيارة بس طلعنه شارعنا التفت عليه .
ثابت:الدم مايتحرك عند اي بشر بس
الي داخله نضيف .
_ماكدرت اسكت احس بي يرزل بيه لزمت صايتي اعصر بيها درت وجهي عله الجامه وحجيت مو الي النقال مال مريم بس نطقت هل كلمه
احس وجهي تفلش بالجامه .
ثابت:شنوووو
سلاسل .
_ردت عليها وهيه تتلفت .
ام طيبه:معقوله شنو يعني هو خابرج .
سليمه:لا انه تحارشت بي
بحجت اسال عن الباشا .
ام طيبه:وشلون راح دبريها ويه الغضب
الي خبصني بتلفونه من الصبح عبالي مشتاقلي ،،
ولج غير متت من سألني عنها ونوب توسلت
بي نسهر بيتي ماقبل اله يمج .
سليمه:ترى مكبرة السالفه رغم شكي
بس هم ماضن الي ابالج لان اعرف ذوقه
المهم هو شوكت يجي .
ام طيبه:الجمعه .
سليمه:خلص انه اتصرف .
_عفتهن يتناقشن والتهيت اعزل بالغرفه
شويه وراحت ام طيبه كمت اريد احجي
وياها ع مود جويسم ،،طلعت لكيتها صافنه كعدت مقابيلها وانه حايرة انتبهت عليه هزت راسها بمعنى شكو،، بلعت ريجي وحجيت بلكي تشوفيت واحد من ولد المنطقه يروح لجويسم شو ابوي مغلس وهم ردت اسالج عنه هو ليش مايجي صار اكثر من اسبوع .
سليمه:غاط ويه حملي راحو لبغداد .
_جكارتها بيدها تحجي وبالها
مو يمي رديت عليها خوش اذا هيج
بس شوفي منو يكدر يروح لجويسم.
سليمه:منو يروح بعد دكتج الناقصه هو محابس وخربتيني ويا عبالج بعد واحد منهم يباوع
بوجهنا ولج كلهم ماراضين ترى ولد الشارع محميين بالنصافات وهذا اتفاق من سنين تجن انتي وذيج الي مامعروف كرعة ابوها منين تغيرنه .
_ترى مالي شغل هو مدخل نفسه
واذا عله الي سوا بالنصافات المفروض
محد يزعل..
سليمه:شوفي اخر مرة اطول خلك وياج
وراح اعتبرج مو من الشارع وماتعرفين قوانينه وافهمج هنا حلقه شي مرتبط بشي،، اذا مديحه وكومها تدفع للنصافات بالمقابل هنه هم يدفعن لغير جهه
ناس حاميه ناس والكل مستفاد بالتساوي يعني انه ونوشه من ندفع ضامنين محد من شقاوات الشارع يندك بينا ولا احد يتعرض للناس الي تجي تسهر عدنا ولج غير لازمات الركن ليل نهار يعني لو ما هنه يراقبن الوضع جان الحكومه بثواني تكرفنه سونه تغشمين روحج .
_لو كلامج صح جان مانسجن جويسم وربعه
وليش سويكه كل فترة يلزم خو هم يحذرنهم .
سليمه:ولان الغباء عدكم بالدم راح اجاوبج بت المطي مو اخوج وربعه هم رادو يسوون مثلج انتي ومديحه ومادفعو علسنهم النصافات خو هنه بالركن
3
جان بنفس الحظه ينطنهم اشارة يضمون المصايب
العدهم ويطلعون من الكراج وهيج مثل كل مرة
تدخل الحكومه وتطلع بدون دليل واذا عله سويكه
ترى ماتهمه الفلوس ويكدر يدفع الهن .
_اذا هيج ليش مادفع ؟
وهو يلعب بالملايين .
سليمه:هو بين فترة وفترة يشتاق لربعه ويدخل للتوقيف حته اذا مالزمو بجرم يسويله اي مشكله
عركه يطك اي شخص بالسوك بس عله مود يشتكون عليه ويتوقف هو تعود ومرات يشرد من واقعه
يعتبر السجن مكان ينعزل بي من الشارع .
_صفنت رغم من وعيت عله الدنيا انه بهذا الشارع
بس ماجنت اهتم لهيج تفاصيل،، وامي باعدتنه عن الكل نعرف شغل كل واحد هنا ونعرف الي يصير باليل
حته عن الخرابه هم معلوماتي قليله وعبالك هسه يله دخلت بواقع الصعده نبهني صوت النقال كمت اجيبه وانه احجي اكيد مديحه باوعت للشاشه وغمضت بقهر
يعني كل عقله محابس يريدني احجي ويا سويته صامت ورجعت لسليمه الي نضراتها تثبت انو تعرف منو الي اتصل كعدت يمها شوفي انه صح زعلت عليج بس ماكرهج بيش تردين احلف وتصدكيني حته كلت لامي سليمه احسن منج بس انتي تغيرتي عليه وكرهتيني بدون سبب عدلت كعدتها وردت .
سليمه:الكرهه مرض نفسي الله يبعدنا منه ماكرهت شخص بحياتي حته الي اذاني ازعل منه ،،بس مااوصل مرحلة الكرهه بس تصرفاتج الي بعدتني شوفي سونه
انه بعمرج هم تشاطرت ورفضت ارضخ لواقعي وتمردت ورغم وكاحتي جنت ادور امان وتقشمرات هواي .
_تحجي وتعابير وجهه
تتغير ويه كل كلمه.
سليمه:حلوة وزغيرة وكل شقاوات الصعده تتمناني وياهو يكول سليمه تخصني البد بضهرة وياخذله
مشوار وياي واعيشلي كم يوم حب وسوالف ومحد يفك حلكه لو يعترض اطب واطلع بحمايته ولحد ما تخلص الرغبه يعوفني وهيج لحد ما كبرت وعرفت محد راح يحميني غير نفسي .
_اخذني الفضول وكلامها شوقني اسمع قصتها وهو عرفت الي يدور بعقلي ضحكت وهزت راسها .
سليمه:ام عطوب تدرين اشوف بيج نفسي .
بس الاختلاف بينا انتي غبيه .
_فكيت عيني يعني شنو.
سليمه:يعني لاتصيرين امليه احد
خو اذا يريدج ياخذج .
سليمه:بس هو عنده وخاف تكولين تكرهني لو تريد تستغلني اصلا تعرفين ربعي مايحلالهم غيري مو قصدي انتي مو حلوى بس انه ماالتقي بناس مراهقه
لو ادور مراهقات ابد مو بحاجتج لو اريد اجيب بنات نوشه وغيرها الشارع متروس ويتمنن يجن يمي .
_هزيت راسي بمعنى اي.
سليمه:اذا محابس رايدج وبي خير يتزوجج انه اول الي يوكف وياكم ومستعده لكل شي واذا تزوجتي هو راح يتحمل مسؤليتج وعيشتج يعني لا جداوة شي ؟
3
_هزيت ايدي تحجين
صدك ههه.
سليمه:ترى خوش ولد
وهواي يتمننه.
_اي الله يوفقه خو ياخذ الي تتمنا وبعدين هو ابد ماكال يريد مني زواج لو غير شي بس لان جويسم صاحبه يدافعلي .
سليمه:يعني اذا كال اريدها تقبلين؟
_لا طبعا ليش تحجين هيج
وانتي تعرفين شغله يعني انه اريد اخلص
من الشارع وناسه اخذ محابس ؟
سليمه:اذا هيج ابعدي عنه
لان تعمين عليه ويضيعون ذكره
خطيه يتحطم .
1
_الي يسمعج يكول نهار كله واكفه يمه همزين
ماداخله بيتهم واصلا هو قليل يتواجد ترى ماشوفه اله من نرجع انه ومديحه نلكي كاعد عله التكيه مال بيت حبيب وبس يشوفنا يشبعنه خزارت .
سليمه:هو ماراح يعوفج والناقص
ثبت كدام الشارع انتي تابعتله يعني تفهمين
شنو راح يكولون واكيد ام دعدوش طشت السالفه .
_غير انعل والديها وهو بس
يحجي اله افضحه شنو كوى.
سليمه :حته لو صديتي هسه عباله انه مانعتج منه الافضل ماطلعين هاي الفترة ولاتردين عليه اذا خابر ومديحه قطعي تواصلج وياها لحد ما يجي ابوج .
1
_هسه عوفي محابس كليلي
منو يروح لجويسم .
سليمه :مايصير اله واحد من اهله
مايدخلون اي شخص اذا مايشوفون
جنسيته.
_زين ابوي هو ماكالج
شوكت يجي ؟
سليمه:يطول لان مأجرين شقه هناك والظاهر الشغل عاجبهم بس خلي اشوف شخص عنده عرف بالمركز يكدر يدخل اله .
_تحجي ونضراتها عليه شويه
صاحت وهيه صفكت بأيدها .
سليمه:لكيته.
_هزيت راسي بمعنى شنو جرت الكوشه مال القنفه خلتها بحظنها وشعلت جكارتها اخذت نفس ونفخته وهيه تنضر للدخان بتفكير .
سليمه:شوفي اعرف شخص بس كون نحصله
بيج بخت ويرد عليه جا سوالنه مواجه
خاصه نكعد براحتنا لحد ماتشبعين من جويسم .
_وين نلكاه شنو هو يشتغل بالمركز يعني شلون يدخلنه وانه جنسيتي عد امي ؟
سليمه:هو يرتبها النه.
_هو ضابط مدير لو بالحكومه؟
_لا ضابط ولا بالحكومه بس عنده معارف وايده
طايله واله كلمه بس كون احصله دكومي
سويلي كهوى حته امخمخ واشوف شلون اوصله .
_ كمت وانه ادعي كون تحصل الشخص الي كالت
عنه سويت كهوى وجبتها يمها وهيه كل شويه
متصله ويمكن مايرد عليها كامت متوجه لغرفتها
وهيه تحجي.
سليمه:يمكن عنده شغل،
دزيتله اكثر من رساله هو اكيد
راح يتصل بيه .
_كم يوم وانه انتضر الشخص الكالت عنه يرد علينه اتصالات محابس مستمرة رغم ماجاوبه حاولت
افهم مديحه انو اريد اسايس سليمه
بس حته اشوف جويسم .
مديحه:وكل عقلج تتقشمر .
_ معوده اطاوعها اذا عله شغل البيت خو اعتبر نفسي اشتغل بمطعم ولاتنسين البيت صار بأاسمها اذا طردتني وين اروح هاي اذا ابوي ماشبعني نعل .
_اترجاج لاتحجين هيج ترى ازعل صدك انه ماكرهه بس مستحيل اصير اله بداعت امج تقبلين بيوم يكولن عنج اميلت فلان.
مديحه:ولج يحبج ويريدج يعني زواج ام اعطوب اخلصي من ابوج الصخل وسليمه وخيستها.
_ومحابس دكتور ههه اطلع من سهرات سليمه
وادخل بوكر الممنوعات واضل مثل ام البزازين افتر ويه محابس الي ماله مكان اتختل من الكراج للخرابه
واول وتالي يلزمونه وبعدين وين اروح .
مديحه:شلون ماشوف سلوم غاسله دماغج
وحرام بيج التعب عله اساس انتي بت شيخ ترى
محابس اشرف من ابوج ولو صدك رايده طلعين من سليمه اشرطي عليه يأجرلج بيت خارج الصعده .
_واضل عيني للنقال انتضر خبر وادعي كون
الحكومه تلزمه ولا تكتله عصابه روحي مديحه نهيت مكالمتي وياها وكمت اجر بروحي انضف الي اكدر
عليه سهرات سليمه ماتخلص وصارت يوميه تجي ناس شكل الباشا مابين رغم اسمعهن يحجن بي.
سليمه:شنو الاخبار .
ام طيبه:ماعرف شو مااتصل
وجهازه مغلق انتي شنو اتفاقج ويه
الجماعه مو عله اساس الجمعه.
سليمه:اجلتها اريد اضبط الوضع
تدري بمزاجه قنادر ويتشرط وهم لازم افهمه مو مال مجازفه خلي امخمخها عدل وبالي شغله اذا صارت لا الباشا ولا غيرة بس كون ترهم .
ام طيبه:بالنسبه الي ماستغني عنه .
2
_هزت ايدها سليمه وام طيبه تضحك وهيج يخلص نهارهن وباليل يستعدن للسهرات محابس لازم الشارع وكل يوم داز مديحه ايدي عله خدي وهيه تحجي.
مديحه:يكول اذا ماطلعت
ادخل اسحلها.
_ماكدر اطلع ولج يروح الولد بسببي
وانه اساسا ماريده ولا مفكرة بي .
مديحه:ضلي خل يطيح حظج.
_وعله هذا الموال تخلص كعدتها يمي .
مديحه :زين بس ردي عليه وفهمي .
_هزيت راسي بمعنى اي ضحكت فرحانه
جاي تحجي ودخلت علينا سليمه .
سليمه:مديحه طولانه رجلج واخاف تنكسرين وامج تضل بيد الناس اشوف لو تلتهين بجداوتج افضل .
_خفت عليها لان كلام سليمه
جان بي تهديد بس هيه ماتخاف ردت
بدون ماتباوع عليها.
مديحه:بشرف ننكسر
نطيح ميخالف.
_كامت سليمه وهيه تجرها
متوجه بيها للباب ردت الزمها دفعتني .
سليمه:ومادامج شريفه شكو داخله عليه
شو كومي لا امسح بشرفج الشارع.
_غمزتلها بمعنى اسكتي كامت تنتضر
سليمه تطلع وتجيني تلكيتها .
مديحه:ام عطوب الولد راح يموت ولج يفتر مثل المخبل يكول ماريد شي بس خل تحاجيني .
_ماطتني مجال احجي بسرعه
طلعت تلفونها وتصلت بي واطتنيا
خليته عله اذني بملل رديت شتريد
جر حسرة وفاجئني برده .
_احس صخنت شمرت النقال عليها
وكمت خرب ابوج ولج مديحه هاي السوالف
مالي خلكها تحجين صدك التفتت عليها شو هاي
ذبي صايتج وكامت تردح .
مديحه: شبت بضلوع النار احا يمه
يمه الحب يمه .
_دكومي دروحي لا تجي سليمه
وتطحن اضلوعج.
مديحه:افى اكو بشر يوصلني
والاخ محابس موجود.
_شلون ماشوف راح تعمين عليه طلعت وهيه تتغامز
كعدت محتارة رغم كلمته خردلتني بس ماخليت ابالي غير شلون التقي بجويسم وشوكت يطلع حته نعوف هل الشارع لازم ابعد عن محابس،، هم خوف عليه وهم انه اساسا ماحبه ضل يلح رفضت اطلع الباب ولا رديت عليه بعد ،، اليوم ماكو سهرة كملت شغلي طلبت هيه اكل من برا تعشينا .،كامت لغرفتها ورا شويه طلعت .
سليمه:انه راح اطلع عندي حفله مثل
ماوصيتج الباب ماينفتح لو يفلشه
محابس .
_وصلت للباب وهيه توصي بيه
تبعتها قفلته ورديت للغرفه اتفقد نقالي صفنت من عدد المكالمات شيريد وليش هلكد متصل دخلت عل رسائل
ماداز شي مديحه هم داكه عليه تمددت بالصاله اصفن شنو الحل كلام سليمه صح ولازم ابعد منه خليت ايدي جوى راسي واطلقت سراح ادموعي ابجي من وضعي
طفيت ضوى الطارمه ومشيت عله اطراف اصابعي خليت اذني اتسمع ماكو صوت درت وجهي اريد
ادخل واستوقفني صوت الطبه مالتفتت
دريت بي هو طفر السياج .
محابس:يعني الباب يلزمني
اذا ردت اوصلج.
_لزمت صفحتي الي عبالك مزاجها
حسب الموقف الي انه بي احس بيها تحركني
من شدة الالم عضيت شفتي بونه و انحنيت
تقرب راد يلزمني اشرت اله لا .
محابس:بت الجحش اذا هيج متاذيه ليش مارحتي للدكتور شنو الي مسكتج ومخليج متحمله الالم ولا تقنعيني كل هذا خوف لو هيه مانعتج .
_يحجي بحركه ويتلفت يدور شي يكعدني عليه
جرني متوجه بيه للصاله شمرني عله التخم وركض للمطبخ جاب ماي .
_رفعت راسي اريد اكله اطلع ردت اطرده
تبخر الكلام من شفت نصراته نكسرت شكو قوى جنت ناويه امثلها كدامه نزلت دموعي عكد حاجبه يباوع عليه مستغرب خليت ايدي عله حلكي مانعه شهكتي.
محابس:خرب ابوج لاتبجين هسه راح اخابر مديحه وربيع يجون خلي ينطوج ابرة وباجر اخذج للدكتور .
_رفعت راسي اباوع اله مخبوص محتار
شيسوي زادت شهكتي بجيت بصوت .
محابس:شكووو معوده عود صدك تبجين من الابرة خلص ماخليهم يضربونج خلي ينطيج مسكن قوي .
_طلع تلفون وهو يسب بربيع اخذت نفس قويت بي روحي اشرتله يكعد وانه احاول اتغلب عله شهكتي والعبرة الي مانعه كلامي كعد وعينه عليه يريد يفهم شنو اريد منه كوى حجيت لاتتصل .
محابس:ليش غير موجوعه .
_كمت جبت الكبسول اخذت وحده وكعدت كباله مدري شنو الي احس بي وليش هيج ماجاي اكدر اصده ولا اكسر بخاطرة رغم رافضه الموضوع بس ماكدرت اقسى عليه لو ارفضه بطريقه جارحه دنكت اعصر بااديه وهو ينضرلي بقلق .
محابس:بس تطلع الشمس تجين للركن حته اخذج للدكتور .
_شجعت نفسي بصفتك شنو تاخذني.
محابس:شتردين احسبيني .
_بلعت ريجي حته لو احسبك اخوي هم
مايصير وتعرف شراح يكولون
من يشوفني ماشيه وياك.
محابس:شتردين احسبيني .
محابس:مالتي .
_كمت منتفضه مو مالت احد
وتحجيها بفرح انته مخبل رد وهو مدنك
محابس:نسويها مرتي واكص السانه الي يحجي
حته لو ابوج هم ادفنه.
_هاي اذا لحد الان ماذاعتها ام دعدوش
اكيد شافتك من طفرت وبعدين انه ماريد خو ماتجبرني ..
محابس:لا ماجبرج بس خايف
تنجبرين لغيري .
4
_لو خايف عليه جان فكرت بدخلتك
هسه شتكول لو ابوي اجه .
محابس:مايحجي .
_اعرف شقصد نزلت دموعي بغزارة
باوعلي وفرك وجه متعصب
محابس:لا تبجين لاتبجين .
_يعني لان تدري بي
مايكدرلك تستغل الموضوع يعني
اذا ماريدك تجبرني عكد حاجبه سكت ثواني
هز راسه بمعنى تمام وكام بدون مايلتفت
عليه طلع وصل للطارمه وصاح .
محابس:تعاي قفلي الباب.
_هزيت أيدي خو اطفر مثل ماجيت دار
وجه ناحيتي وكال .
محابس:لازم تعرفين ياسونه
طبعي مااحب اعيد الغلط .
3
_عافني وطلع سديت الباب وركضت للصاله بجيت بصوت ماعرف شنو الي جاي يصير ليش هيج لا انه متقبلته ولا كارهته لزمت النقال خابرت سليمه ماردت دخلت للغرفه نمت ماحسيت اله الصبح صاير كعدت على صوتها .
سليمه:شنو فلمج شكد ندهتج .
_مادري بس يمكن من العلاج لان امس
هواي اخذت علاج انتبهت عليها
صابغه شعرها احمر وحيل لايك الها كمت
سألتها بشر مارد عليج هذا الرجال طلعت
وهيه تحجي.
_دخلت لغرفتها لحكتها معوده شلون
ماجان قابل يريد يخطبني التفت عليه وهيه
تجر قلم الحمرة طوخت شفايفها شمرته والتفتت عليه
سليمه:درب الجداوه مال مديحه مايوكل خبز وهاي الناس تختلف نروح بكامل اناقتنا ونطلب الي نريده بطريقتنا وهمه ينفذون .
_مافهمت جرتني للحمام دفعتني
وطبكت الباب.
سليمه:جلفي روحج بسرعه بين
ماحضرلج ملابس شوفتج تجيب
الفكر بت الفكر الج ربع ساعه
اذا ماكملت اطلع واعوفج .
2
_سبحت شلون ماكان مديت راسي صحت
عليها اطيني ملابس رحمه لامج اجت بيدها علاكه شمرتها عليه وراحت خذتها وطبكت الباب فتحتها صفنت ملابس كامله شوكت لحكت تخيط
هيج كلبيه كل عقلها البسها شنو رايحه اركص احجي ويه روحي وكمزت من صوتها .
_لبست وطلعت باوعتلي وضحكت.
سليمه:صايرة حلوه ام عطوب يله
بسرعه مشطي .
_امشي واليرات الي بلكلبيه يهتزن جرتني لغرفتها كعدتني عله الكرسي بسرعه دهن وجهي وخلتلي مكياج اباوع شلون تعرف عبالك جامت تشتغل
بمركز تجميل كمت وعيني للمرايه شكلي كله تغير .
سليمه:بسرعه البسي هاي الصايه .
_كملت وهيه تمشي وطفي بالاضويه
وصلنه الطارمه وكفت وجرتني .
سليمه:خاف محابس واكف لا اكيد
هسه لازم الركن تكولين رايحين
للدكتور.
_عفتها ورجعت للغرفه جبت نقالي طلعنه
وانه كلبي يدك وفعلا بس عبرنا صوله لمحته منجي عله الحايط يخابر واكيد ام دعدوش انطته خبر لان قبل لا نوصل يمه نزل النقال والتفت علينا لزمت ايد سليمه محتميه بيها شو هاي وجهه ضل يطي الوان تقدم ناحيتنه وكفنا .
محابس:خير وين النيه سلوم؟
_يحجي وياها وعينه عليه دنكت .
سليمه:ماخذه سونه للمستشفى
شو العلاج ماجاي ينفعها .
_ادنه عليه يتفحص وجهي شهكت من اجت ايده عله وجهي عفس وجهي عفس بحركه دائريه مسح شكو مكياج احس صرت لوحه وطايح عليها ماي نزلت دموعي دفعته .
_ادنه عليه يتفحص وجهي شهكت من اجت ايده عله وجهي عفس وجهي عفس بحركه دائريه مسح شكو مكياج احس صرت لوحه وطايح عليها ماي نزلت دموعي دفعته .
محابس:والدكتور مايعالجها اله
محمرة ارجعن لا امسح الصعده
بوجوهجن.
_دعفتني وصارت بوجهه وصاحت
مسمعه ولد المنطقه الي واكفين.
سليمه:خو اعلن وكول مالتي وخذها للخرابه
وهيج ارضي نفسك ومشي كلامك عليها بكسرة
عينها شتكول .
_لطمت عله وجهي.
محابس:سدي حلكج ونجري سليمه لاتخليني
ادفنج يم نغوله الجده .
_وكفت كباله وعيوني تصب حجيت بعبرة
هذا حبك الي تفضحني لان كتلك ماريدك
ماخلاني اكمل ابتعد وهو يأشر روحن جرتني سليمه ومشت بسرعه وصلنه الشارع وكفت سيارة مانتبهت وين لو شنو كالت الطريق طويل وانه اناشغ مدري ليش احس كلبي وجعني مدت ايدها انطتني كلنس .
سليمه:مسحي وجهج راح نوصل خلي تخلص
هاي اليله وانه اعلمه سهله .
_تحجي وتبحوش بجنطتها طلعت
حمرة انطتني درت وجهي ادنت عليه.
سليمه:عدلي خلقتج بسرعه لا انزلج
هنا وامشي .
_باوعت للشارع وين احنه عبالك صحراء ركزت بين مسافه ومسافه اشوف مزرعه لحد ماوصلنه هيه ترزل بيه انطت الاجرة ونزلت وجرتني امشي واتلفت سالتها وين اكو حفله بالنهار .
4
سليمه:مو هسه الحفله.
_جا المن اجينا من هسه.
سليمه:مانكدر نجي باليل منو يجيبنا .
_وشلون نرجع اذا هيج الشارع
مكطوع ولا سيارة.
سليمه:الصبح همه يوصلونه شكد
اتسالين امشي.
_مكان مسيج ماينشاف منه شي بسبب ارتفاع
البناء باب حديد ضخم بس وصلنه يمه انفتح
التفتت عليها .
سليمه:اكيد شافنا بالكامرة.
_واكفين ثنين ولد مبين عليهم حراس دخلنه سدو الباب ورانا اباوع الخضار يخبل وحته دجاج وبط
داخل الحديقه امشي واباوع صعدنه كم بايه مثل الدرج صارت بوجهنا صاله كلش جبيرة دخلنه
ماكو احد شمرت صايتها والجنطه وكعدت عله التخم بفرح شويه واسمع صوت خطوات رفعت راسي كامت سليمه وهيه تتدلع .
سليمه:الغالي مشتاقتلك.
_رد عليها وهو يلفها لحظنه.
5
!!اعله كولت الساقط ام الحب
شخبارج.
سليمه:بشوفتك صرت اخبل.
_كعد وجرها بصفه .
سليمه:بشوفتك صرت اخبل.
!!اي شكو ماكو.
سليمه:كلشي وكلاشي الي يعجبك .
_يحجي وعينه عليه
ضحكت سليمه بمكر .
سليمه:ها شلوني .
!!!تخبلين وين اكو منج شوكت توصل فرقتكم .
سليمه:هيه عله جيه وخل مرة شلون عزف
الي يحبه قلبك .
_كام رفعت نضري لخطواته توجه
للدرج وهو يحجي .
سليمه:هيه عله جيه وخل مرة شلون عزف
الي يحبه قلبك .
!!تمام اخذو راحتكم بين مايجون تغدو اذا تحتاجون شي الولد بالباب اني عندي كم شغله اكملها وانزل .
سليمه:اخذ راحتك .
_دب الخوف بكلبي شكله مو راحه ومبين
من ذول الي يتامرون جرتني سليمه معوده
هديني راح اطيح وين ماخذتني دخلنه مطبخ مرتب دفعتني وتوجهت للميز الي متوسط المكان وعليه اكل مسلفن جرت وحده واشرتلي تعاي .
سليمه:بسرعه خلي ناكل حته نحضر نفسنا
هسه يجن البنات والفرقه .
_وشكو محضرة نفسي جايه اركصن
وبعدين موكلتي نحاجي علمود جويسم .
سليمه:اي مو هسه خل تبدي السهرة ويسلطن
ونطلب منه الي نريده تعاي لاتشلعين كلبي .
_اكل وبالي يم محابس اتحسرت بصوت .
سليمه:اتحسري عله شي يسوى.
_اي هو حسرتي عله عيشتنا.
سليمه:يمكن يله كومي.
_اي هو حسرتي عله عيشتنا.
_ماخذه راحتها تمشي عبالك بيتها
شالت الجنطه وفتحت وحده من الغرف .
سليمه:خلي اغسل وجهي وغير مكياجي .
_هزيت راسي بمعنى اي وكعد عله الجربايه
وهيه تفتر بحماس كملت والتفت عليه .
سليمه:عود من رخصتج اغسلي خلقتج
خلي ارتب وجهج وبدون لغوه بسرعه .
_ترى جايه اطلب منه يساعدني
مو انام يمه وخلي ابالج لا اركص ولا اكعد
يم شخص.
سليمه:شوفي كلمتين خليهن حلقه
ومحبس وتراجي باذنج هاي الناس مايكسر خاطرها شي ولا دور ثواب بس من يعجبه شخص ينفذ كل طلباته وقبل لا تحجين وطلعين عضلاتج مايدورون شكولج بس ميصير تكعدين بنصنا وهذا حالج كومي .
_احس روحي بمتاهه نفذت طلبها للعصر اجت الفرقه وبنات من بيت نوشه اعرفهن وتفاجئ بالملا معقوله يجي لهيج مكان شلون اثرت عليه سليمه وقنعته
كعدو ونزل هذا الي قابلنه الصبح توها بدت الحفله
والبنات يتمايلن وهو كاعد عله كرسي خلف ميز
ضخم ويباوع بتكبر عيني عليه كامت سليمه
متقربه بمشيتها للملا رفع راسه باوع عليها
وضحك وبثواني غير النوته وعزف خشابه.
سليمه:هههههه الك ولا تهون .
_انسحبن البنات تاركات الساحه لسليمه الي ركصت الفرقه كلها ضلو يدكون بدون توقف
_عيني عله الرجال شلون يباوع بتعالي صفنت وين مصيرنا بين هيج ناس اكيد يشوفنا عبيد ركص
وكيف كام عله حيله وهو موجه نضراته للباب اشر للفرقه تتوقف سكتو التفتت اباوع بتجاه نضراته
دخل الباشا مبتسم درت وجهي لسليمه الي وجها
ضل ينطي الوان مدري ليش كلبي دك خوف تقدم للرجال صاحب المكان.
6
الباشا:مااعرف عندك سهرة اعتذر خال.
_شو هذا جره لحظنه عبالك ابنه
وماشايفه صار سنين يبوس بي.
!!مشتاقلك حقير .
الباشا:الكلوب سواجي وانه هم.
الباشا:ام الحب شلونج .
سليمه:بخير مادام شفتك ماادري تجي جان
خابرت ام طيبه .
_كعدت يمي وهيه تحجي يتلعثم اشرلها
بنقاله وخلاه عله اذنه شويه ونزله .
الباشا:دقايق وتوصل.
_ادنت يمي دنكت دور بجنطتها
وتحجي مسمعتني .
سليمه:سونه اذا اجت ام طيبه ابد لا تتحركين اريدج تصيرين ذكيه وماتبعدين عن عين الخال كون مايباوع لغيرج يمكن السافله علستني .
3
_مانطتني مجال ارد رفعت راسها
وهيه تشعل جكارتها احس كلبي
صار برجليه حاولت اتصرف طبيعي كام الباشا وهو ياشر للفرقه دكو طلع شويه ورجع ام طيبه بيده كعد وجرها بصفه احس راسي صدع من صوت الدك والاغاني صافنه بالبنات شلون يركصن ولا مهتمات فزيت من كعد يمي اريد اكوم حجه من بين اسنانه.
_باوعت لسليمه كامت جنها ماتشوفني سوت نفسها تركص ام طيبه نضراتها صواريخ دنكت وهو يحجي مسمعني وعينه للفرقه.
الباشا:جرت لدربها .
_درت وجهي عليه حجيت وانه اخلي ايدي عله جنطتي ردت اكوم خزرني شنو شفتني راكصه .
الباشا:هيه تبدي بلبس هيج كلبيه وتنتهي
وانتي كاعده بحظن اي شخص .
_التفت عليه شوف موعبالك انه ام طيبه
وبعدين شدخلك اركص اطبل معليك.
الباشا:ليش خو حالي حال محابس موو.
_احس يرزل بيه اختنكت اشرلي كومي .
الباشا:اطلعي برا ابجي ومن تكملين
غسلي وجهج وتعاي .
_كمت وهنه ولاجنهن يشوفني بس عبرت الصاله انفجرت ابجي الله ياخذج سليمه شلون طاوعتج واجيت حسيت بشخص وراي دنكت .
الباشا:ديري بالج تخطين خطوى
يم الخال افلش وجهج فهمتي ام عطوب.
4
_مسحت دموعي
والتفتت عليه خليت عيني بعينه
اي شتسوي وشعليك بيه ،،حقك تمنع عجوز السكك .
اتغار عليها تكتلها تركصها بس انه مالك حجايه عليه
عكد حاجبه مبتسم .
الباشا:عجوز السكك بس
لا قصدج ام طيبه .
_عفته ومشيت اريد ادخل جرني مرجعني
دفعته وخر لا اصيح لهذا خالك مدري ابوك .
_اجيت لخاطر يتوسطلي اشوف اخوي
ولو ادري هيج ماجيت وياها .
الباشا:لاتتقربين يمه واذا طلبج رفضي لحد
ماطلعون وانه ارتبلج مواجه لاخوج.
_ وشنو الثمن.
الباشا:هههه ثمن هو انتي شعدج
حته دفعين .
_كلشي ماادفع ولا عبالك اتحصل مني شي
لو متوقع اتمركص كبالك حته ترضه .
الباشا:هههههه من جمالج وبعدين ماضن انتي اجمل
من ام طيبه ورقصها ولا تفكرين الخال يباوع لشكلج .
_احس نار وشتعلت بكلبي اريد احجي واجت
ام طيبه تخوزر دفعته ودخلت لكيتهم
كعدت عله صفحه اشرتلي سليمه ادنيت يمها.
سليمه:شكو وكفتي يمه شوصيتج بت المطي.
_شوكت تخلص الحفله وليش ماحاجيتي
هذا المن اجينا .
سليمه:خلي يكملون عشه ونحاجي بس انتي
حاولي تتقربين منه واستعطفي هو سلطن ومادامه مرتاح هسه شنطلب يكول تم .
_كملو عشه ام طيبه والباشا كاعدين عله صفحه
وجنهم عرسان لو توهم مخطوبين حاطه راسها عله جتفه وتسولف ويا وهو نضراته الي بااستهزاء للفرقه كامت سليمه وجرتني كعدنا يم هذا الي يصيحوله الخال ابتسم وهو يسويلها مكان يمه كعدنا .
سليمه:سونه تريد تواجه اخوها
وجنسيتها عند امها .
الخال:سهله هاي .
_فرحت من كال هيج باوعلي دنكت وانه
احجي شكرا الله يوفقك .
الخال:تدلل ام عطوب بس .
1
_رفعت راسي متفاجئه
رافع حاجبه يباوعلي هزيت راسي
بمعنى شنو .
!!ليش مزعله الباشا .
_ التفت عله الباشا غمزلي عرفت قصده انو الشغله يمي وبغباء كمت متوجه للملا دنكت عليه دك خشابه رفع راسه مستغرب عفته ومشيت وانه اجر الشال من القنفه
1
شديته عله خصري نضراتهم عليه متفاجئين وكل عقله اوكف يمه دك الملا كامن البنات اشرتلهن رجعن وركصت
1
ضلت سليمه صافنه تقربت للخال وانه افر نفسي بخطوات راقصه جرني وهو متوجه للباشا خلاني كباله.
الخال:غيرة لو شنو.
الباشا:عناد وطناكير مال عبيد.
2
_كام وبيده ضبه مال فلوس شمرهن فوك
راسي تقرب همس بأذني.
الباشا:انتي جبتيها لروحج سهله.
ماهتميت ولا جني اشوفه ابتعدت
افتح الشال اشرت للملا يسكت
ردت اكعد صاح مسمعني .
الباشا:كمل ملا.
الخال :لك عوفها ترتاح ههههههه تعبت .
الباشا:بس انه عاجبني تركص .
_ركصت للخال وماضن ام طيبه
قاصرة لو شتكول؟
سليمه:خرب ابوج بت الصخل .
_كامت ام طيبه وهيه تحجي.
ام طيبه:واكيد انتي ماتقارنين
نفسج بيه دك ملا.
_احس كل خليه بجسمي تبجي ضليت مجاهده دموعي حته ماتنزل وسليمه ترزل بيه.
سليمه:بت راضي شعلتيها ولج
كل هل مكر بيج تحطين راسج براس
الباشا وام طيبه.
1
_هو حط راسه واذا شايف نفسه فعليج
وعليها لا يندك بيه .
سليمه :عبالج ميت عله شكلج
لو يبدلج بيها ترى يحبها .
_خل يبقه عله حبه درت وجهي اباوع عليه
وام طيبه كطعت روحها بالركص احتارت
شتسوي الخال خلصها ضحك اشرلي كمت
يمه وعيني للباشا .
الخال:السبت ترحين لاخوج تلكين شخص
ينتضرج بالباب تواجهين براحتج .
_يحجي ويكتب بالرقم انطانيا اخذت وتشكرت
منه هز راسه برضى كمت اريد ارجع لمكاني .
الخال:عاجبني اشوفج تركصين خليجي.
_هزيت راسي بمعنى اي اشرلهم اجت سليمه
تركض خله بيدها مبلغ وكالها الاغنيه العاجبته .
سليمه:من عيوني .
_انصدمت ام طيبه من غيرو النوته باوعت الها بااستهزاء وتوسطت المكان اركص لحد ما كام
الخال وهو ياشر ع الباب الفرقه توقفت عن الدك ضحك الباشا.
الخال:رايح اخذو راحتكم.
الباشا:ليش بعد وكت.
الخال :مواعد ابو حيه وضعه ماعاجبني واريد اشوفه تدري بي مايحب هيج اجواء يله استمتعو بوقتكم .
_التفت عليه وهو يكرص خدي ابتعدت
طلع والفرقه كامو يلمون بغراصهم
باوعت لسليمه.
سليمه:خلي انروح وياهم .
_دنكت اخذ صايتي صاح مسمعني.
الباشا:انتو ابقو انه
اوصلكم من اطلع.
سليمه:لا تعب نفسك خليك انته وام طيبه
احنه نروح ويه الولد شو السيارة فارغه
وكلنا نفس الشارع.
_كام مزعوج خفت من نضراته.
الباشا:كلت انه اوصلكم لاتلحين.
_هزت راسها بمعنى اي عافنه ومشه لوحده
من الغرف تبعته ام طيبه وهيه تخزر بيه طلعو
الفرقه واحنه بقينه نتلفت طول ماهو وام طيبه بالغرفه سليمه تحرك جكاير الغيرة واضحه عليها .
سليمه:بت التالف فتحتي
علينه باب ماينسد.
_انتي الي فتحتي من جبتيني .
سليمه:شنووو ولج شوفي خاف عبالج
راح تعديها الج ام طيبه غلطانه .
_اذا فكرت تمسني اخلي
محابس يدفنها .
سليمه:غير اكص السانج اذا فكرتي تحجين راح اعديها الج واحاول اراضيها ومن هل ساعه ماريد الباشا يلمح ضلج تختفين لحد ماشوف شلون اخلص منه .
_للصبح وهيه تحجي طلعت ام طيبه عيونها مورمه ورا شويه الباشا طلع مبدل اشرلنا يله صعدنا بسيارته طول
الطريق هو مخلي المرايه عليه نزل ام طيبه لبيتها وصلنه لشارعنا اريد انزل احس كلبي انعصر من
شفت محابس كاعد بالركن وبيده عوده يرسم بالكاع رفع راسه باوع علينا طبكت الباب ومشيت قريب مااوصل يمه وكف وهو يكسر العوده البيده
ويشمرها دار وجه ومشه .
شفت محابس كاعد بالركن وبيده عوده يرسم بالكاع رفع راسه باوع علينا طبكت الباب ومشيت قريب مااوصل يمه وكف وهو يكسر العوده البيده
ويشمرها دار وجه ومشه .
شكرا لزيارتكم عالم روايات سكيرهوم
