رواية اغفري لي الفصل السادس عشر بقلم أوتار حزينة
غاده
انداريت بسرعه مذهوله من السمعته جمدت
بمكاني من شفته ورايه عرفته سمع
الكلام الي كالته رانيه لان جان يباوع للمطبخ
كلت بصوت مخنوك
«،،،عرفت هسه ليش ااخذتني
مااارد،،صحت بي
«،،،،عرررفت ليييش دگيت رجل وردتني لان محد
قبل بيك من بناااتكم من وره هاااي
اشرت لوحمه وكملت بخبال
«،،،،من ورة سواد وجهك ماااارادنك
الكل اجه على صياحي الحجيه لزمتني
وكالت
«،،،،شبيج يمه تصحين
تهسترت وكمت اصيح عليها
«،،،ماااقبلن بي،،،موو بناتكم مااااقبلن بي
وواخذني اني غصب حتى
يرضي غرزيته
«،،،كاافي ولج
صاح بيه والملامح صارت دم وبين بيهن
القهر دست بي اريد اقهره بعد
واكثر واعذبه
«،،،،ماااجان انتقام من اخويه لاااا ردت مره
الك حتى ترضي غرزيتك ياحيوان
تقدم عليه ورفع ايده بس ماضربني
لم ايده بقوه وجان يضرب الحايط بوكس
«،،،اابو جمرة
الحجيه صاحت وراحت علي
«،،،،موو هيج يمه عيب هالكلام
عمته حجت ويايه صحت بيها
«،،مووو عيب هااي الحقيقه وعرفتها وسمعتها
بأذني
«،،،كااااافي وارحمي روحج من گضه ايدي
صاح بيه صرخت بي
«،،شتررريد تضرب انت ضربت واااذيت
وطلعت من صدك واحد مريض
نفسي وعندك نقص
بروحك
الحجيه حجت
«،،،كافي غاااده وليدي مابي شي هو الي مارداهن
ابتسمت باستهزاء وخليت عيوني بعيونه
جان يرجف من غضبه ويخزر بيه
جاوبت
«،،،،لااا لان سمعت كلشي بأذني بس احب اگلك
شي هن يعرفن انت شنو ورفضنك
اسود من بره وهم اسود
من جوه ومحد وكع
بيها غير اني
«،،شتريدين اطلكج ولج حتى تولين لاهلج العارات
صاح بيه وتقدم الحجيه وكفت بوجهه
هي وعمته صحت بي
««،،اذاااا انت رجال طلگني حتى اخلص
منك ومن خلقتك الزفرة
صفن عليه القهر تارس ملامحه هز راسه
بلااا وجاوب
«،،لاا والله ماراح اطلكج والا اخليج عايشه وياي
بعذاب وجهي وخلقتي الزفره
«،،،ووولك طلگني ااعتقني منك تره عرفت
اانت ليييش اخذتني
جاوبني بهدؤ عكس الغضب الي هو بي
«،،ماراح اااطلكج وللموت انتي راح تظلين حرمتي
حجه هيج وطلع من يمنا دعيت علي
«،،الله يموتك الله يخلصني منك
حجيت هيج ومشيت ابجي للغرفه طبيت
وسديت الباب بقوه ورايه
كعدت اشهك
وابجي اردد
««،،جان يريد بس مرة حتى يرضي غرزيتك
الحيوان وسالفه الانتقام من اخويه
طلعت كلها جذب بجذب
الباب انفتح طبت الحجيه وعمته قبل
لايحجن صرخت بخبال
««««خلووووني وحدي تره راح اقتلها لروحي
«،،وج يمه خلي نفهمج
«،،عوفوني ماااريد اسمع شي
صرخت بشهكه سكتن الحجيه كالت
«،،امشي يمه وخليها وحدها
طلعن من يمي وسدن الباب لميت رجلي
خليت راسي عليهن اشهك بصوت
قوي مانمت ولا غفت عيوني الصبح طلع
واني مو نايمه ،،،،التعب والسهر والبجي هدو حيلي،،،،،،،اني كاعده وسانده
روحي على الجربايه غفيت
حمزه
هجيت لبره مخنوك وهوه ربي موجود لچن انه
احسنه ماجاي يترس صدري عيوني
غاديات جمر وگلبي يريد
يوكف من القهر
عاينت للبيت اريدن اروح اگضها اعدمها
العافيه بس ماكدرت انطيت چلمه
لروحي والها ومو انه
الي ارجع بچلمه
«،،ماجان هالسبب لااا جان اخوها الي خلاني
اخذها وهم لان انه نهبتها وكسرت
بختها ،،،ومااجذب
جنت اريدن هم انتقم منه بيها خليتها
براسي لان شفتها شلون گويه
وعاركتني من ردت انهبها
كلت هاي الي راح
تتعذب وتعذب اخوها
وياها
لچن انه الي تعذبت انه هسه الي احسن
روحي مكسور ومن اهلي الكسر
عبن المعاره اجت منهم
بالاول
صحت
«،،اااخ ياااابويه اااخ يمه ولكم تعالو اخذوني
يمكم لان تعبت وماظل بيه حيل
«،،،يمه حمزة
سمعت صوت حبوبه مشيت للبستان اسمعها
تنده باسمي امشي بدون وعي
وبخطوات واسعه اردد
بقهر
«،،،يااربي شنهي ذنبي وليش انه ليييش
ااانه
صحت بخبال ووكفت بنص البستان
اصيح
«،،،ليييش ااانه ياربي،مو غيررري ليش
ابتليتني بهل الشي وخليتني
مكروه بعيون الاوادم
شنهي ذنبي يااارب حتى اعيش هالعيشه
اااخ يااابه ااخ يمه ليييش مامتت
وياكم ليش عشت هالعيشه
المره وكل لحظه تمر عليه
اضوگن علگم
من وراها
جعفر
اروح واجي بالصاله اردد بغضب
«،،شجااج وحجيتي شبيج اانتي ماتعرفين
هي ويانا بنفس البيت
«،،مدري هي يم الباب والله
جاوبتني تبجي وخايفه عاينت لباب
غرفه حمزه اسمع صوتها تبجي
بقوه وشهكتها ليمنا توصل
«،،،قهرت الولد وحرگت دمه
حبوبه حجت وهي تبجي وكملت
«،،،شاسوي ياربي هي منا انظلمت وهو منا
هم عاش مظلوم وظلم روحه من
خذها غصب
«،،،ماجان يريدها لهل الشي
جاوبتها ردت
«،،،اعرف ولك اعرف لچن جيب اليقنعها بعد
سمعت المايلات الحظ مارادنه
من ورة هالبله الي بوجهه
«،،،استغفر الله يارب شااسوي بيج هسه
حجيت وي رانيه سكتت ودمعتها مانشفت
كملت
«،،هذا ماراح يرتاح غلط من اخذها وراح
اتعبه وتخلي يعيش بقهر طول
عمره
عمتي اجت من بره تبجي كالت
«،،يمه جعفر روح علي لايروح يصير بي شي
«،،،،،عوفوا
حبوبه حجت وكملت
«،،،،خلوه يطلع قهر گلبه بعيد عن عيونا
ليلى
اكثر من مرة شفت قائد وبكل مره جنا
نتعارك وواحد،،،،، يسمع اللخ كلام
يوجع،،،،،هالشي ذكرني بالماضي هم
جنا هيج بس الفرق هسه الزعل ماكو وراه رضى
ذكرت مره دزيتله صوره فستان اريد البسه
بحفله خطوبه بنيه وياي بالمدرسه
كتبت
«،،،،،شوف هذا الفستان اشتريته حلو مو
«،،،اي بس هذا وين تريدين تلبسي
«،،،بحفله خطوبه صديقتي
«،،،تحجين صدك
«،،،اي
«،،،يولي هذا بغرفه النوم يلبس ياحفله
يابطيخ اكعدي واسكتي روحي
البسي شي مستور
«،،اهوو قائد لاتصير معقد تره البنات كلهن راح
يلبسن هيج
««،،عساهن تصلخن ااني شعليه بيهن عليه بيج
«،،،ماعليه راح البسه
«،،،انتي بنيه سويها
«،،،ااني بنيه وراح اسويهااا وبعنادك
خابر جاوبت
«،،نعم شتريد
«،،،ااسمعي ولج هذا الفستان اذا لبستي
والله اشكه عليج واسوي نصين
«،،بعنااادك راح البسه واريد اشوف شلون
راح تشگه
«،،،وولج ااعقلي لاتخبليني
«،،،هو انت مخبل منيلك عقل
صاح
«،،،لللليلى
لاتصيح تره مو طرشه
«،،،خرب اااهلج ولج انتي شنو الله مسلطج
عليه حتى بس تحرگين دمي
«،،،هااي ليش تحجي على اهلي تقبل
احجي على اهلك
«««خرررب اهلي وهذا اذا لبستي وعاندتي الا
اشوفج الخبال شلون لونه يصير
«،،،راااح ابلسه وباااي
سديت الخط بس گلبي كام يرجف من الخوف
لان استفزيته كلش رساله اجتني
على الواتس كاتبه
«،،،جااايج ولج
فزيت وصحت
«،،،يمممه والله يسويها
خابرته بسرعه جاوب اسمع صوت الماطور
«،،،ارجع ماالبسه والله
«،،جااي اني والا اسوي وصلتين واخلي علم
باب بيتكم
«،،هههه
خربت ضحك سديت حلگي وكف لان صوت
الماطور راح كال
«،،،تضحكين ولج
رجعت ضحكت ردد
«،،،هينه بسيطه اگضبج بذيج الليله شلون
ماااطلع الي قضى ومضى بيج
مربع
«،،بطلت ماااخذ واحد مخبل
«،،،موو اجي ولج
«،،،هههه لا عيب من بابا وهم الفستان غالي
وحرامات تسوي وصلتين وعلم
يرفرف ههههه
«،،نعل اهلج ولج انتي شنو والله راح يصير
بيه انفصام بالشخصيه من وراج
««،«اعالجك لاتخاف
«،،،شلون بله
انطيك دوه غير
«،،،انطيني بوسه واني اطيب العمر كله
تالي راح عمري وعمره وياي والوعد الجان بينا
انكسر من فقد الثقه ،،،،كمت رحت للشباج
فتحته وصفنت على الشارع اشوف نفسي بذاك البيت بعقوبه انتظره يم الشباج،،، لان جان كل فتره يجي بليل جايبلي ،،،،، لفات فلافل
خابرني من وصل شفته وكف يم الشجره
باوع عليه شافني ابتسم نزلت
بسرعه طلعت ورحت للباب
الصغير فتحته مديت راسي عض
شفته وميل راسه
يعني طبي
رجعت ليورة هو اجه طب وسد الباب
مبتسم والوجه احمر لان جانت
بارده كال
«،،،شلونج ياشريان گلبي
«،،،،هلا بحب گلبي
الوجه ضحك باوع للبيت وكال
«،،هاج اللفات خلي اروح خاف عم فاروق
يجي
ضحكت وجاوبته
«،،بابا نام
«،،،وماما
«،،كاعده اصيحها
باوع عليه بنظرات خلتني ابتسم سالت
«،،،شبيك تباوع عليه هيج
«،،صيحها خلي ابوسها ولا اكلج هاج بوسه
وصليها الها
باسني بقوه من خدي وخرت بسرعه
وكتله
«،،عيب ياولد
ماحجه شي بس نظراته جانت تحجي
خجلت وكلت من شميت الفلافل
«،،،الله الريحه تخبل
ضحك وجاوب
«،،،ام بطن طيرتي ام الرومنسيه
فرگ ايده ونفخ بيهن سالته
«،،،بردان
«،،،اي
اخذت شالي الصوف ولفيت بي
رگبته وكتله بضحك
«،،،خاف تموت من البرد،،،،،، وأني بعدني
ما مليت من حچيك
غمضت عيوني ودمعتي نزلت كلت
«،،،واني الي متت وراك اني قائد الي
ذبحت روحي لان ماتحملت السويته بيه
ولا تحملت فراگك
درت وجهي ااريد ارجع
سمعت صوت سياره ،،باوعت اجت وكفت
يم الحايط مالتنا
گلبي كام يدك بقوة من
شفته هو نزل بأيده جگاره
دار روحه شافني صفن
عليه
درت وجهي منه وطبيت بسرعه للغرفه
سديت الباب والبرده وكفت يمهن
دمعتي تنزل ماامسحها
جهازي دك كلت هو
رحت علي جان رقم غريب مااعرفت
هو منين جاب رقمي عفته
يدك الما فصل
رجع خابر وخرت البرده شويه وباوعت علي
جان واكف يباوع على الشباج
وجهازه بايده
فصل ورجع هم اتصل رحت اخذته
فتحت الخط جاوبته بعصبيه
وحركه دم
«،،،،شترريد
«،،،اريدج تسمعيني
«،،،مااسمع شي وبطل سوالف المراهقه
تره بعد ماتفيد وياي
«،،،بس انزلي وخلينا نحجي مثل قبل
«،،،انت شبيك شارب شي كاعد ااكلك
انساني وحس بالسويته بيه
«،،،،اعرف شسويت ااعرف شصخمت بس
ااني هم انضحك عليه ليلى ولازم تفهمين
اني هم ضحيه حالي من حالج
«،،،قائد روح
«،،،،هالكلمه جنت اسمعها منج من تزعلين
عليه واعرفج انتي هسه هم زعلانه
زعل ثگيل بس والله راح اعوضج
عن كلشي بس
«،،،،،بس شنو اسامحك مو
«،،،يولي اني هم انظلمت مو عرفتي ذاك خالج
الگواد هو وابنه العار والشريفه
بنته لعبو علينا وخلونا
نتفارك
«،،،روح الله يخليك وانساني
«،،،،شفتي هم مثل قبل تحجين بس تصير مشكله
جنتي ادكولين هالكلام عوفني وانساني
واني مچلب بيج بسنوني
جاوب بغضب وكمل
«،،،،نسيتي ليلى شجنتي تسوين بيه ماطردتني
اكثر من مرة وردتي تنهين كلشي
ماكلتي ذاك الگواد سوه
الي اني مااكدر علي
«،،،جنت اااريدك تتحرك تسوي شي النا
صحت بي رد بصوت مخنوك
«،،،وسويت وعاركت الگل علمودج بس
انتي جنتي تكسرين بيه
وتجبرين
دموعي نزلت وكتله
«،،،،،،من وره ااهلك من ورة الي تعرفهم جنت
احجي وياك هيج نسيت شسوه بيه
«،،،بيناااا مو بس بيج لان اني هم دفعت
الثمن غاالي خسرتج وخسرت
خمس سنين من عمري
واني بعيد عنج ومصدك الشافته
عيوني
«،،،ااي وماصدگت تشوف شي حتى تنهزم
اسالك طول هالخمس سنين مافكرت
ولو شويه هذا الصار يجوز لعبه
من مهند الي انت تعرفه
هو شنو وانت جنت
تحذرني منه
«،،،سالت روحي الف مره كلت لعبه بس
الشافته عيوني عمت عقلي
لان شفتج شلون رحتي
اله ادري عبالج اني بس اني شمدريني
هالچلب مبين مثلي وانتي توهمتي
بي وبصوته
«،،،يعني هسه طلعت اني الغلطانه
«،،،لا مو انتي اني الي تسرعت وخسارتي
جانت جبيره
جاوبني بخنكه وكمل
«،،بس والله اجيت ندمان واريد نرجع مثل
قبل ليلى اني اذا مااخذتج
اموت
ابتسمت بالم ووجع وجاوبته
«،،،،جذب قائد تموت لان شفتك من رجعت
شلون صاير
جاوبته وسديت الخط وحضرته مارحت
للشباج عرفته هو واكف يمه طفيت
الضوه وكعدت كمت وره لحظه
اروح ،،،اله وارجع،،،، صارت حرب بداخلي
گلبي وعقلي يريدون يرحون
يشوفو بعده واكف
لو راح
وكبريائي يگلي لااا وره ساعه سمعت
صوت سيارته تحركت مشيت
للشباج وخرت البرده
شويه جان ماكو
رايح
فتحت الشباج وصفنت على مكانه اتخيله
واكف ومبتسم اليه مثل قبل
عذبت روحي بهاي الليله
بالذكريات وبجيت
الما تعبت
الصبح بابا وماما انتبهو عليه بس
ماحجو شي لان يعرفون البيه
صعب بعد اضم الكاعد احس بي
لان رجع ورجع وجعه يدك بگلبي بقوه
طلعت للدوام احسه وياي گلبه يمي
وعيونه عليه مادورت علي خايفه
لايشوف اثر الدموع
بعيوني ويعرف غلاته بعدها بگلبي
وصلت للمستشفى خليت السياره بالموقف
لبست مناظر شمسيه اخفي بيها عيوني الباجيه
نزلت ومشيت لجوه دكتور رواد صار
بصفي سلم
«،،،صباح الخير ست ليلى
«،،،،صباح النور دكتور
طبينا سوه للممر بصمت هو هم
كال مبتسم
«،،،مايعطل هالجهاز حتى نخلص منه
ابتسمت بس باهته وجاوبته
«،،،يصلحوو ثاني يوم
ضحك ورد
«،،،اي والله
انداريت جمدت بمكاني من شفته
كدامي،،،،، يباوع علينا بملامح
اعرفها واخاف منها
دكتور رواد ماانتبه
كال
اروح اشوف الولد بالمطبخ اجوي
لان راسي يوجعني واريد جاي
حجه هيج وراح اني ظليت اباوع علي
يخزر والغضب تارس ملامحه اجه
باتجاهي مشيت،،،للصيدليه طبيت هو طب ورايه
اجه ليمي الوجه جان اصفر
والعيون تعبانه سال
««،،هذا منو وليش جان يضحك وياج
مارديت سأل بغضب
«،،،يول مو جاي اسالج جاوبي
«،،،،،باي حق تسأل وليش جاي لهنا
«،،،ليلى جاا
قاطعته
«،،،انت شتريد اگله لبابا وهو يتصرف وياك
«،،،،گولي اله وخلي شيريد يسوي خلي يسوي
حجه هيج وتقدم عليه كمل باعصاب
«،،،وديربالج اشوفج بعد واكف وي واحد
وتضحكين ويا لا اشوفج
قائد القديم الي انتي
تعرفي كلش زين
شيكدر يسوي
«،،،تهددني قاائد الك عين تهدد بعد السويته
بيه
««،اعتبري هيج واذا اكو واحد براسج شيلي
لا اخلي طلقه براسه
«،،،،مووو صاحي اانت
«،،،لا صااحي وصاااحي كلش وانتي تعرفين
اني من احجي اسوي
«،،،اي شفتك سويتها بس بالعكس
جاوبته باستهزاء وكملت
«،،،وهسه تفضل اطلع وبعد اذا اجيت
مره ثانيه راح ابلغ الامن عليك
«،،،بلغي ليلى وشتريدين تسوين سوي
اني ماراح اعوفج ابد وراح اظل وراج
الما ترجعين لحظني هذا
دك على صدره بقوه وكمل
«،،،حلفت مره بشواربي وكدام ابوج وهسه
اكلج اذا ماصرتي اليه ازينهن بالقندرة
ماجاوبته لان صار نار وكام يرجف من غضبه
درت روحي منه كاتمه دمعتي سمعته
تحرك باوعت رايح
كعدت مهدود حيلي ودمعتي نزلت جنت
اعرف وكلت ماراح يعوفني وبدا
العذاب ويا
حمزة
عكبت الضحى طبيت للمطبخ راسي
يريد يطگ من الوجع وحالي حال حبوبه
كاعد عمه وياها ورانيه شافتني
كالت واثر البجي بوجهها
«،،،،اسف والله مدري هي جانت واكفه يم
الباب
«،،،،مااريدن اسمع چلمه
سكتت كملت
«،،،،هااي وينها
«،،،عوفها يمه السمعته خبلها
مشيت للباب لحگني عمتي لزمتني وكالت
«،،،،بروح الغوالي لاتأذيها
«،،،ماراح أذيها
جاوبت بروده فتحت الباب طبيت
جانت نايمه حبوبه حجت
«،،،عوفها خلها ترتاح الليل گله بس تبجي
وتشهك
«،،روحوا وخلوني انخمد
جاوبت بهدؤ عكس الاعصار الي بگلبي
سديت الباب ورحت ليمها ردت
انسى كلشي واعيشها
بسواد وجهي
بس ماكدرت لان شفت حالها شلون صاير
انگس من حالي درت روحي منها رحت
كعدت ،،،،،، صافن عليها بقهر
جهازي دك كعدت بفزه شافتني
الملامح تغيرت بسرعه حقد
وكره شفتهن بنظراتها
كالت
«،،،الي تريده سوي
«،،،كتلج وانطيتج وعد انه ماراح اذيج
ولا اگضج غصب
ماردت كمت وكملت باستهزاء اريدن
اعذبها بالكلام مثل ماعذبتني
«،،،انه لو اريدن حرمه بس اورق فلوس
الف وحده تجي،،،وتذب روحها بحظني
ولو اريد اخذ اربع نسوان مو وحده
كملت عيوني بعيونها
«،،،يعني مختصر الكلام انه مو ميت عليج ولا
على اي وحده من بنات عمي لان الي
ماتريدني مااريدنها لو جانت
حوريه نازله من الله
بخبر
ماردت كلت
«،،،ها اشوفنج بلعتي لسانج يالصلفه
«،،،اذا هيج كلامك ليش مارحت اشتريت
مره بفلوسك هاي التحجي بيها
«،،،لان انه اريدن حرمه تشوفني بعيون
حلوه بعيون مو مثل عيونج
ولا مثل عيون بنات
عمي
«،،،،اريدن حرمه تحبني بعيبي هذاا
اشرت لوجهي وكملت بغضب
«،،،وبس اشوفن هيج وحده تحبني مثل ماانه
الا ازوجها واكسر خشمج يالعرمه
ابتسمت ووجت نار بيه ردت،من كامت
«،،،اذا لگيتها باجر ازوجها ولا تتأخر
كلت
«،،،،اسالج شي
كملت بهدؤ عكس نار گلبي
«،،،انه شنو ذنبي بهل البله الي بلاني الله بي
انتي مو دراسه وواعيه ماتعرفين
هالشي من ربج وانه مالي
ذنب بي
خلت عيونها بعيوني وردت بغضب
«،،،اعرف هذا ابتلاء من الله بس السويته
بيه ماخلاني اشوفك مثل البشر
وانت تعرف شسويت بيه
اذيتني وماخليتني
مااشوفك بوجه
طيب
جنت اريدن اعذبها بالكلام تالي انه الي
تعذبت،،،،كملت بتحدي
وعيون گويه
«،،،من تلگي مره تحبك روح ازوجها لان اني
مو حاسبه روحي مرتك ولا راح
اتقبلك تصير الي زوج
الغضب ترس صدري رديت باعصاب
«،،ميت عليج اانه ولج لو ما ذيج وكسرة
البخت الا اطلگج بالثلاث
وادزج لاهلج العارات
وهم اريدن تظلين عايشه بسواد وجهي
حتى تتعذبين مثل ماعذبتني
بشي انه مالي يد بي
سكتت انهد من من غضبي كملت من تقدمت
عليها ماخافت ظلت تخزر بيه بحقد
صرت قريب وهي نفس وگفتها
كلت واحسن نار تطلع من
جوه صدري
«،،وحگ هو الله اذا بعد سمعتج تحجين
على خلقتي مرة ثانيه الا ارجع
بكلامي واخليج تعيشين
ذيج اللحظات الي
تعرفيها كلش زين
ابتسمت وهالشي خبلني وخلاني اصفن
عليها ردت
«،،،،كتلك انت ماعندك كلام واحد تمشي
وره غرزيتك فقط
عضيت شفتي بقهر كملت باستهزاء
«،،،وين حلفانك بشواربك يله هو ياهو الجااا
تخبلت وگضيتها من جتفها وصحت
«،،،وولج كاافي ااااسگتي ارحمي روحج
مني لاااروح اموتج
«،،،موووتني
صرخت بيه الباب انفتح حبوبه طبت وعمتي
كملت بصياح
«،،،موووتني سويها اذا انت رجال
«،،،بسج يايمه تجرحي بالكلام
حبوبه حجت واجت علينا هي وعمتي
كملت وهي ترجف
«،،،اااقتلني لان الموت راحه اليه من السويته
بيه انت وااهلي اااني كله هذا الكاعد
اااسوي حتى تقتلني كاااعد ادوس
بيك حتى تخلي طلقه براسي
«،،،ووين سلااااحك
هدت على الكنتور فتحت باب نفضت الهدوم
وتصيح
«،،،،وووينه طلعه واااقتلني
غاده
تهسترت وتخبلت انفض بالهدوم والحجيه
تلزمني هي وعمته واجر روحي
بقوه منهن
رحت اصرخ عليه ضربته على صدره بقوه
جرني،،،، منه يصرخن
«،،،ولج كااافي شتريدين يگضج ويأذيج
اشرت لگلبي وصرخت بي
«،،،هنااا خلي الطلقه هنااااا حتى اموت واخلص
من السويتو بيه
ماحجه شي بس صافن والخلقه
صارت دم هي والعيون
كملت بخبال واني
اضرب على گلبي
«،،،ووولك ااقتلني ليش واااكف موتني
ولكم اااني ااريد اموت محد
راح يگلكم ليش
قتلتوها لان ماعندي اااهل كلهم عااارت
كلهم ناااقصين غيره
سكتت من اختنگت،،،،،وصرخت
صرخه رادت روحي تطلع وياها
غمضت وصرخت بجنون وكمت اضرب بروحي
بقوه،،،،،، ايد اخذتني
لحظنها نفضت جسمي،،،، اكثر
من مره اصرخ من الصار بيه
الحظن لمني بقوه،،،، ظليت
انفض بجسمي
واصرخ
بلحظه حيلي راح وجسمي باد بس مافقدت
الوعي كمت اشهك بصوت قوي
مغمضه ودموعي تنزل
الشهگه تطلع من
جوه روحي وتجرح كلشي بيه
ايد مسحت دموعي وصوته اجاني
«،،،ااسف ولج والله ماجنت اريدن اسوي
بيج السويته
فتحت اني بين ايده ماكدرت ادفعه ولا ارفضه
لان صرت فد مرة كلت بصوت رايح
«،،،ااقتلني الموت اليه راحه
غمضت اون واشهك غسلو اليه بمي بارد
اسمع الحجيه تبجي هي وعمته ورانيه
هو شالني خرگه لا اكدر
احرك ايد ولا رجل
خلاني بالفراش الحجيه صاحت بيه
«،،شلوووون وياك ووياها ولكم قهركم راح
يچتلني واموت من وراكم
ماجاوب سمعت خطواته وباب انضرب
بقوه بذيج الليله صرت فد
مره كمت اذب من راسي وضغطي صفر جعفر وعمته ورانيه اخذوني
للمستشفى خلو اليه مغذي وماقبلو اطلع
للصبح لان جانت حالتي
مو زينة
رجعنا للبيت عبالك مكتوله كتله موت لان
جسمي جان كله يوجعني نمت
بفراشي نومه ثگيله
مثل الوحده
الماتت
حمزة
عدالي راح اقهرها من حجيت وياها هالكلام
تالي انه الي انقهرت وتعذبت
من شفتها شسوت
بروحها
كاعد بالمجلس وحدي اسال بروحي
«،،،شأسوي ياربي والله اريدن اتغير وياها
واريدن اكفر عن ذنبي لچن هي
ماجاي تسكت
حبوبه طبت صحت من وجع روحي
«،،يمممه هي ماجاي تسگت اگللها اسكتي وجفي
شري تزيد يايمه بالنار وهي مشعوله
بگلبي
«،،،انت العلت بالاول
«،،،،اااعرف
صحت بخبال وكملت
«،،،اعرف روحي المصخمه هي العالت عليها
لچن انه كتلها بعد مااذيج ولا
اگضج غصب حتى
كتلها ارجعي
دوامي
«،،،الصار بالغرفه انت تعرفه
ردت سكتت كملت
«،،،دست بطنها مو يايمه من هالكلام السمعته
من هاالمگموعه رانيه
«،،،اااي ردت اقهرها ردت اعذبها لچن شوفي
حالي انه الي متعذب وراح اموتن
من قهري
عاينت الها بعيون صايرات نار وسالت
«،،،،،،يمه انه شنو ذنبي بهل الشي الي بلاني ربي
شنو ذنبي حتى اعيش،واسمع
كلام كاعد يموتني
شويه شويه
ليش هم عدالهم انه مو بشر مااحس من
يحجون عليه ويسمعوني كلام
مثل السم
لا اهلي رحموني ولا هي زين هي غريبه
وانه اذيتها علت عليها هوايه
لچن ذوله من لحمي ودمي
ومااذيتهم ليش
اشوفنه نفس نظراتها
بعيونهم
جاوبتني بقهر
«،،،قدر ومكتوب عليك ربك ابتلاك والله من
يحب عبد يبتلي
«،،،اااي ليش اانه مو دون خلگ الله ليش
انه الي اتعذب واحترگ بنااار ليش
موو غيري يمه
دگيت راسي بالحايط وكملت بحرگه دم
«،،،تعبت يمه واريدن الراحه القهر چاس روحي
وسحك كلشي حلو بيه
مهيب
متمدد بالاستقبال لان كل مشوار جاينا احد افكر بهل البنيه الي الله دزها اليه وخلاها تنقذني من
ذوله الي رادو يقتلوني
عرفتها هي نفسها الي شمرت الكلينس عليه
بقوه وانهزمت،،،،ردت اشوفها
اشكرها وانطيها فلوس
كلت بس اطيب اروح لنفس المكان
ادور عليها
امي طبت و كالت
«،،،،راح يجون بيت خطيبتك بعد شويه
هزيت راسي وضجت لان جنت اتعارك
وي نور وصار الصار قله انتباهي
خلتني اتاخر بردة فعلي
وكله من ورة
مشاگلها
وره نص ساعه سمعت صوت
«،،،،تفضلي ام تحسين
امها وهي واخوها الصغير طبو تحمدو بالسلامه
واني عيوني عليها فول اناقه
والمكياج مال عروس
ولا عبالك اني
هذا حالي امها كالت
«،،والله نور ماتت من البجي عليك
«،،اي مبين
جاوبت امها ردت
«،،،هاا
امي ثولت السالفه وسالت
«،،شلون ابو تحسين ان شاء الله صار احسن
«،،،،والله بعده الفلاونزه تعبته كلش
«،،،،لااا سلامته ومابي غير العافيه
«،،الله يعافيج انت شلونك هسه زين
«،،،الحمد لله
جاوبتها بضوجه ورثت جگاره امي
كالت
«،،،خلي نروح للصاله ونعوفهم يحجون
شوي
«،،،اي خليهم براحتهم
امها جاوبت وطلعت هي واخوها نور
اجت كعدت يمي وسالت
بزعل
«،،،اني زعلانه منك
«،،،لا بله ليش ،،،،،زعلانه اليكول انيالمتعارك وياج موزانتي وبعدين شنو هالمنظر الجايه
بي شعندج يابه رايحه
لحفله
«،،،لعد شلون تريدني ااجي لابسه اسود
«،،،لبسته عليج كولي امين
«،،ليش هيج مهيب تدعي عليه بالموت
«،،،ولج خطيبج الله فگه من الموت شلون تجين
علي بهل الشگل
«،،،هذا كله سويته علمودك
«،،،واني هالشي مايعجبني الف مره كتلج
اني مااحب هيج لبس ولا
احب المكياج الطوخ
جاوبتني بضوجه
«،،،وواني احب اكشخ واخلي مكياج ومااكدر
اغير هالشي انت تغير وغير
من عقليتك وشوف
الناس شكاعد
تسوي ووين
وصلت
«،،،،عسااها وصلت للمريخ اني رجال شرقي
احب مرتي تلف روحها بهدوم
عريضه وتتحجب
وماتخلي هيج مكياج
«،،،لااا بله اشو هالكلام ماسمعته منك من
اجيت خطبت
على صوتها العالي امي،اجت وراها امها
جاوبتها بغضب
«،،،نصي حسج ولج
«،،،،شنو ولج مهيب عيب ادكول الها هيج
واني واكفه
«،،،وعيب على بنتج تصيح عليه وهي بيتي
نترت بامها
«،،،ماما امشي خلي نروح
«،،،،الله وياااج
«،،،سمعتي خاله شفتي ابنج شلون يحجي وياي
«،،هاي شبيكم شصاير
امي سألت ودحگت عليه امها كالت
بضوجه
«،،،عيني ام مهيب ابنج مااعرف شبي وي
بنتي بس يتأمر عليها ويوميا مزعلها ومخليها تبجي
وهاي حنا بعدنا على البر
قبل لاترد امي كلت
«،،،بنتج بزر دلال ومو مال رجال بسها تتدلل
وتدلع وتزعل واني اموت من
هيج وحده
«،،،،هااا لعد ليش اجيت وخطبتها
«،،،،ورطه مااعبالي هيج
نور صاحت بيه
«،،،شتررريد عيني تفصخ
«،،،لاااا يمه شنو يفصخ هوو
قاطعت امي وكلت
«،،اي والله اريد افصخ لان لعبت نفسي
منج وخايف ،،لافد يوم اتخبل عليج
واخلي طلقه براسج
«،،،،شنووو لا عيني اني اكلك انت بمكانك
وبنتي يمنا عشتو رضينا بالبين والبين مارضى
بينا
امها ردت وصاحت بيها
«،،،،اامشي خلي نولي ماادري هذا على
شنو شايف روحه وهو خلگ شرطي
«،،،نقيب عيني مو شرطي
جاوبت بروده وكملت
«،،،،دفعه التدفعجن وروحه بلا رده
طلعن من يمي امي لحگتهن رجعت وره مشوار
صايره نار انهدت
بيه
«،،،ولك ليش هيج سويت وشلون فصخت
الخطوبه
«،،،مااريدها لعبت نفسي منها
«،،،هاي هم ميار،،، الي طلعت بيها الف عيب
حتى تفصخ كلشي وياها
«،،،،هاي انگس عبالي تعرفين تختارين
وطلعتي مثلي ماتعرفين تستنگين
زين
«،،،خاله ام ياسين طبت امي حجت وياها
«،،،شفتي شسوه
«،،،ليش،هيج يمه هاي ثاني مره تفصخ
جانت مره اصغر من امي تشتغل يمنا الصبح
وتروح المغرب جاوبتها
«،،لعبت نفسي منها وطفرت روحي شماخذ
اني يابه زعطوطه كل ساع تزعل
وتعال راضيني
امي كعدت تضرب على رجلها تردد
«،،،،،ولك انت شنو عقل ماكو براسك ماتفكر
انت جاي تكبر ولازم تزوج عاد
ويصيرلك بيت ومره
وجهال
«،،،مااريد ازوج اريد اعنس هيج اريح
اليه ولراسي
«،،،خرب ااهلك ولك راح اتخبل من وراك ومن
وره تصرفاتك اني امك كاعد اطلعني
من طوري مو عاد بنات
العالم
«،،،،شبيه تره اني خوش ولد
«،،،اانجب ولك خوش ولد ولك ابن بطني واعرفك
شنو انت تريد اديح وي النسوان وادور
المزاج الي تعرفه
«،،،،،بطلت والله تاب عليه لان هذني الاثنين
كرهني بالنسوان
«،،،،،اااي واضح من فصخت خطوبتك للمرة
الثانيه
«،،،يمه تره فاين حظي ومتكسر عوفيني
راكد لااا اكوم واهج من البيت
كامت وصاحت بيه
«،،،،يجي ابوك وهو يصرف وياك بنات الناس
مو لعبه يوميا خاطب وفاصخ
حجت هيج وطلعت تدردم عليه ام ياسين
كالت
«،،،،الحجي ماراح يسكت
«،،،،،،شيريدون يحجون خلي يحجون المهم
اني ارتاحيت من شگولها الزفره وفگيت
روحي منها
ماحجت شي شالت الصينيه وطلعت من
يمي
تمددت،،،،مرتاح ومبتسم لان خلصت من
وحده زعطوطه ومايهمها غير نفسها اني وين
وهي وين جنت اريد مرة قويه اسند
عليها تشيل البيت وي
امي وماظل تدلل
عليه
يكون من اطلع اعرف خال وحده ورايه
سبعه ذيبه ماتخاف تحافظ على
نفسها وعلى اهل بيتي
مو وحده من جماعه
النيوتلا وبسهن
يتنعوصن
براسي
اريد الدلال بالغرفه مو بره وجدام الاوادم
خلي تدلع هناك براحتها ومن تطلع
غير وحده حتى وي
اهلي اريدها
ثگيله وتعرف تحجي وام بيت معدله ومستورة
لا مكياج ولا لبس على الموديل
والشعر منثور ومهدود
للعيون
جهازي دك جان حسين جاوبته
«،،هلاا بالعار
«،،،ههه هلا بالخفيف ابو رصعه
شلونك اليوم ولك انشدت براغيك لو بعدها
فالته
ضحكت وجاوبته
«،،،بعدهن،،، يرادلهن گراب
«،،،ابشر هسه اجي اگربهن الك
ورثت جگاره وسالته
«،،،شخبار قائد
ذب حسره سمعتها ورد
«،،،تعبان كلش ووضعه صاير مايعجبني
«،،،اي شفته مبين علي القهر وضعف
«،،،،الصار بي مو شويه والبنيه ماجاي
تفهم هو هم انلعب علي وكاعد
تقهره كلما يحجي وياها
«،،،والله هالنسوان مايجي من وراهن
غير بس الاذيه ودوخه الراس
«،،،لا مو كلهن
«،،اي وحده بالميه الي تطلع ادميه وبنت
اوادم
«،،،هاي شبيك يول صاير شي
«،،،فصخت خطوبتي
«،،،شنووو صدك تحجي
««،،اي
«،،،ولك لييش
«،،،لعبت نفسي منها ومن مشاگلها تعرف جنت
اتعارك وياها وصار الصار
«،،لا بله
««،اي والله ومن قله انتباهي ماصار عندي
رده فعل حتى اكدر اسحب
سلاحي ولوما هاي
البنيه جان اني
هسه ميت وقارين الفاتحه عليه
«،،،اي وجان شبعنا ثريد
««،،سم وزقنبوت بطنك
«،،،هههه لاتخاف انت عار ماتموت بس گلي ليش
فصخت ولك هاي الثانيه
«،،وافصخ الثالثه اذا ماطلعت مثل مااريد
««،،مادگلي شنو مواصفات ست الحسن
الي تريدها
««««يول اني منتسب بالشرطه يعني معرض
لكلشي اريد من اعوف بيتي اطمن
اني عايف ورايه مره
سبعه معدله ماتخاف اروح مو شايل
هم لامي ابويه ولا شايل
همها
«،،،والله كلنا نريد هيج مو بس انت
«،،شفت يعني مو طالب شي صعب والي
اخوك كاعد يوگع بيهن كلهن
يدلعن ويدورن دلال
براسي
«،،شكو بيها اذا دورن دلال ودلع اصلا يلوك
للمره هالشي
«،،،اي يلوك بس بالغرفه مو جدام الرايح
والجاي ولك مايقتلني غير من
يحجن وتبدي النعوصه
وهن بيت اهلهن
من يحجن جبوري ابو المولد
«،،،ولك جبار مو جبوري
«،،،انجب كاعد ادلع الرجال
«،،هههه دلع يابه بس،تعال جاي انت غير معطب
گلبك منهن
«،،،اسكت طگت روحي ويمكن ماراح ازوج
«،،،،احم ينتضرنك الحبايب باربيل
«،،،،بطلنا يابه الموت شفته بعيوني
ااااريد اتوب
«،،،هههه اااريد اصدك
ضحكت وجاوبته
««،،لا والله حسين تبت لله بعد مااروح
ولا اعرف بنات لان لعبت نفسي
منهن جزت روحي من جنس
حوة خليني طير وطاير
بالسما
«،،،كش عاع
«،،طاح حظك شكد تافه
««،،ازحلك مرررتي اتصلت
«،،،اثكل ولك وو
سد الخط بوجهي باوعت للجهاز وكلت
«،،،ااايا طايح الحظ بسرعه باعني من
وره ست الحسن
قائد
من ورة وضعي امي رادت تجي يمي مااعترضت
رغم السوته بيه جنت محتاجها لان شفتها
شلون تغيرت وشالت همي
مقداد جابها هي ومرته وولده واخذ اجازه
شهر كال تعبان من الدوام واريد ارتاح وهالشي جنت اعرفه جذب لان شفته قلق عليه وخايف لا اتصرف تصرف تجي من ورة مشاكل اليه والهم
رجعت للبيت مهموم وتعبان طبيت شفت
جهاله يلعبون بالطوبه بالكراج
وكفت وصفنت عليهم
وتخليت هذوله ولدي وهي راح تطلع تركض
لحظني واخذها لحظني المها
بي واشمها بنفس
طويل
هالشي خله وجع گلبي يزيد وروحي اختنگت
فركته بقوه علي ابنه راح يصيح
«،،،اجه عمو
مشيت لجوه طبيت للمطبخ امي بي هي
ومنى مرته سلمت بتعب
«،،،الله يساعدهم
«،،هلا يمه تعال اكعد وارتاح
«،،،،لاا اروح اغسل وانام
ماحجت شي هزت راسها مبين عليها
القهر صعدت لغرفتي
طبيت سديت الباب رحت كعدت
وصفنت على حالي وره مشوار
الباب اندك طب مقداد سلم واجه
كعد يمي سأل
«،،،شلونك اليوم
«،،،تعبان مقداد واريد ارتاح
جاوبته وكملت
«،،،گلي شاسوي لان تعبت من الكاعد احس
بي
«،،،،انطيها وقت كم شهر خلي تنسى لاتظل تلح عليها لاتروح تأذي نفسها
«،،،خمس سنين مانست تريدها تنسي بكم شهر
،،،،اعرف بس الشغله اختلفت انت عرفت
ورحت اعتذرت منها بدل المره
مرتين بلگي وي الايام
تنسى ويلين گلبها
ولاتنسى هي ماازوجت ورافضه الزواج
ليش لان انت بعدك بگلبها
«،،،اي مقداد احجي هيج انطيني امل حتى
اعيش واكول باجر راح نرجع اني
وياها مثل قبل
«،،ان شاء الله بس انت عوفها لاتلح عليها
«،،،مااكدر الا اشوفها
«،،شوفها من بعيد ولاتروح الها الحديده حاميه
هسه والجرح يرادله صبر يله
يطيب
دحگت لاخويه ملامح القهر مرسومه
بوجهه سالته
«،،،هم يجي يوم ومن اطب بيتي اشوفها
بي
«،،،ليش لااا مو بعيد عن ربك ماجمع سيدتنا
حواء وادم من بعد فراگ
«،،،اخ مقداد والفراگ جان خمس سنين
مو شويه
«،،،صوجك اانت قائد لو كايل انت وين حاجي
جان حجينا الك الصار بس انت
مااعرف شصار بيك
گطعت بينا كلنا
«،،،،تعبت من گلشي من اهلك ومن الگرايب
الي ماعافونا بحالنا وهي هم ماسكتت مقداد
تعبتني اخر ايام كثرت مشاگلنا
من وره النفاق الجان
يصير بظهرنا ومن ورة هذا الگواد
الي كامت تقارني بي كل حجايه
والثانيه هو سوه الي
ماكدرت علي
«،،،هذا الحجي كله انساه وبعد لاتحجي وياها
خلي بالك هي تأذت اكثر منك
ورادت تموت
«،،،ااخ ولك هو هنا الموت اني الي جنت اموت
ولا تزعل مني جنت السبب
بالسوته بروحها
اخويه سكت كملت بقهر
«،،،ماجنت اكدر على زعلها بسرعه ارضيها
لان اعرفها ماتتحمل اذيه مني
ودمعتها بسرعه تنزل
اذا غثيتها بگلمه
تالي اني الي خليتها تذبح روحها
اني مقداد من امداني لو ميت بذاك اليوم
ولا فاضحها
«،،،كافي لاتظل تقهر بروحك صار ماضي
وراح
«،،هاي عدكم اني صار حاضر لان سمعت
هسه وعرفت اني شكد جنت
ظالم
كلها كالت عوفها وخلي السالفه تبرد وخليها
تنسى وسويت هالشي بس
كمت من بعيد اشوفها
بعد لااتصلت ولا فرضت نفسي عليها اهلي
ظلو يمي ماعافوني وجنت من صدك
محتاج روح وياي
بالبيت لان من فرغ حسيته يريد يخنگني
وصار مثل الگبر وجهال اخويه
سوه حس بي والايام
مشت بيه
جنت اروح يوميا انتظرها تجي للدوام
حتى اشوفها من بعيد اشوفها تجي
تنزل من سيارتها ،،،،،،،تمشي والعيون
عليها بس هي ثكيله ماترفع عيونها
توخر شعرها بنفس
الحرگه الي احبها
واموت عليها
تروح لجوه واني اروح لشغلي اشتغل
وبالي يمها جنت ارجع متأخر مالحك عليها
بس جنت من يجي الليل گلبي
ياخذني بساعه متأخره لبيتهم اوكف السياره
يم الحايط گبال شباجها اسمع
ولهانه روحي لشوفتك
بلكي تطلع
واشوفها
بيوم رحت الهم شفت الشباج مالتها مفتوح
مااعرف شنو الصار شفت نفسي
بالحديقه رحت للسقيفه
صعدت عليها ورحت للشباج سحبت روحي
وطبيت بهدؤ
وكفت يمه ادحك الها نايمه العيون غافيه
مشيت على كيفي ورحت كعدت بالگاع
اگبالها گاضب نفسي
بصعوبه مااريد اخذها لحظني ولا اريد
اكعدها خاف لاا انطرد
من جنتها
تفرست بملامحها بشوگ واني عاشگ
كلشي بيها عشگ مجنون
حاجيتها بگلبي
«،،،،،ياشريان گلبي صارو اثنين مجانين اني
وذاك ابن الخايبه مجنون ليلى الي مات ومااخذ
الرادها وعبالك اني هم
راح اموت بحسرتج
گضبت خصله من شعرها وشميتها بنفس
طويل خليت راسي يمها ورددت
بگلبي
«،،،،،هنا عافيتي يمج ومن اشوفج اطيب
وارجع ذاك قائد القديم
الجان يريد بس
يجي الليل حتى يكعد ويحجي
وياج
وخرت من تحرگت گلبي كام يدك بجنون
من لزمت ايدي الي خالها قريب
منها ماحست بس اني حسيت
يذيج المشاعر الي
جنت عايشها
وياها
عيوني راحت للشفه وعلى شعرها وطولها
اريد المها لحظني اغفى واني
اسمع صوت دگات گلبها
بس ماكدرت كلشي
اسوي
ماردت اضيع هاي اللحظات الي سويتها
بدون وعي مني رددت بگلبي
بقهر
«،،،،والله ماردت غير اگضي عمري وياج بالفرح
بس ماخلونا المايخافون الله حرموني منج
وخلوني اعيش بالغربه واني
عبالي انتي بعتني
برخص
ونيت بگلبي وكملت
«،،،وتعبت والله من الفراك واريد عاد المج
بحظني بهل اللحظه
بس لااا راح اصبر اي اصبر عليج
انتظرج اطبين من البيج ويجي يوم
ونرجع مثل الاول لان اعرف
انتي بعدج تحبيني مثل
مااني احبج
ظليت يمها ساعه وردت اظل بس تاخر الوقت
كلش كمت ورجعت ليوره ادحك الها
اريد اشبع شوف منها
وكفت يم الشباج دحكت للشارع فارغ مابي
احد نزلت منين مااجيت ورحت
لسيارتي صعدت وصفنت
لغرفتها
جنت اعرف هالشي غلط بس ماهمني
لان جنت قريب منها كلش گضبت ايدي
رفعتها وشميتها بنفس طويل چن
اشم عطرها لاول مره مبتسم واحس براحه
شغلت ورجعت للبيت وعندي
امل يجي يوم ويتصلح
كلشي
غاده
بعد الصار بيني وبينه والانهيار الي صار بيه
كلت ماراح يخليني ادوام بس
هو فاجأني ثاني يوم بليل من
طب وكال بدون
مايباوع عليه
«،،،باجر الج خلك ادوامين
««،،اي
«،،حضري روحج من وكت نطلع بالسته ونص
«،،تمام
وهذا الصار كمت اروح واجي ويا يوصلني
بدون كلام هو بحاله واني بحالي
هناك كمت ارتاح من اكعد
وي ليلى ونحجي
همنا وحده للخ من دوامت جبت مانع
خفت لايتقرب مني
ويصير حمل كمت اخذه بدون محد يدري
ومرت ايام طويله ماحاول يتقرب مني
حتى كام مااينام وياي بنفس
الغرفه اخذ الي اگبال غرفتي وكام يبات بيها
بس يجي ياخذ هدوم من الكنتور من اني
يم رانيه بالمطبخ ابتعد عني
وخلاني احس براحه،،،،،رجعت
اتواصل وي خواتي وماما بس قليل
احجي كم كلمه واسد
الخط
بابا راد يحجي وياي هو ومعاذ رفضت اسمع
صوتهم او اسامحهم على الي سوه
بيه
جان ملاذي،،،،،الوحيد هي ليلى هي
صارت اليه السند والي جانت تهون عليه
الصار بيه والي جاي احس بي
صح صعبه اتعلم على اهله بس الحجيه
وعمته ورانيه بأخلاقهن الحلوه خلوني اكدر
استمر بالعيشه وياهم لان ماشفت
منهم تقصير ولا مغثه
الجمعه جان ماعندي دوام
بالمطبخ،،،واكفه اثرم زلاطه للغده رانيه يمي
الحجيه جوة بغرفتها يمها عمته
كالت
«،،،غاده عفيه سويلي كيكه مال كاكو
مثل ذاك اليوم والله صارت
تخبل وظل طعمها بحلگي
«،،،من عيني هسه اسويها الج
«،،،تسلم عيونج الحلوه گلبي وهم
راح انطي اميره منها لان كالت طيبه
واريد منها
«،،،اكلج هي وينها صارلها فتره ماكو
«،،،خطيه مريضه صايره بيها فلاونزه قويه
«،،،يا خطيه وديتها دكتور
«،،،لا تتخبل منه
«،،بااجر ااجيبلها دوة من ادوام
««،اي والله علواه بس يكون عاد تقتنع تشربه
«،،،اني احجي وياها
جنت احب اميره كلش لان سوالفها حلوه
وبريئه
«،،،اروح اشوف جعفر اجه واجيج
«،،،تمام
ظليت وحدي اشتغل الحجي من اجيت هو
راح يم بيت ابنه ابو رانيه
كلت رحمه لان جان يگرهني مثل هذا
الي صاير شبح محد يشوفه
وهم رحمني من شوفته
وتمنيت يختفي
من الوجود
حتى اخلص منه
جنت ادعي علي بالموت واريده يطلگني
بس من اسأل روحي اذا صار هالشي
وين اروح ارجع لاهلي واني
بعد مااكدر لا اشوف بابا ولا اخويه
وصارت زهره وياهم
هناك راح اموت باليوم الف موته لان
الي خذلني وباعني صرت ويا بيت
واحد
وهنا اهون اي مادام ابتعد عني وكمت
مااشوفه
احجي وي روحي واشتغل بالكيكه،،،گلبي فز من الخوف من سمعت صياح وعياط بره عبالي اميره بيها شي لان رانيه كالت ماتگدر عمته اجت وراها الحجيه سألن بخوف
«،،،هاي شگو
جاوبت بخوف
«،،،ماادري
طلعت هنا ورايه رحنا للحديقه
شفت رانيه اجت من
المشتمل مالتها تركض
تصرخ
«،،،شكووو شصاير
«،،،ماادري
الصياح جان جاي من جهه البستان
رحنا بسرعه علي وكفت من
شفت ولدهم طلعو🤐
شايلين واحد ويصرخون مفجوعين
«،،،،حمزة مااات
شكرا لزيارتكم عالم روايات سكيرهوم
