رواية اغفري لي الفصل السابع عشر بقلم أوتار حزينة
احجي وي روحي واشتغل بالكيكه
گلبي هبط من سمعت صياح وعياط بره عبالي اميره بيها
شي لان رانيه كالت ماتگدر عمته اجت وراها الحجيه سألن بخوف
«،،،،هاي شگو
«،،،،ماادري
طلعت هنا ورايه رحنا للحديقه شفت رانيه اجت من المشتمل مالتها تركض تصيح
«،،،،،،،هاااي شصاير
«،،،ماادري
الصياح جان جاي من جهه البستان
رحنا بسرعه علي وكفت من شفت ولدهم جايين
شايلين واحد ويصرخون مفجوعين
«،،،حمزة مااات
كامن يعيطن وراحن يرگضن علي ،،،، جمدت
بمكاني صافنه عليهم شلون خلوه
على الگاع ،،،،،والتمو علي
جده اجه من بعيد هو وعمه مهدي من سمعوا
وشافوا اجوي يرگضون الحجي وكع
علي يصرخ
««،،لااااا وليدي لااا
عمه مهدي وكع من طوله يصرخ وجعفر ويا
الحجيه وعمته ملخن روحهن
ورانيه ادك وتلطم
«،،،ولكم شجاااه
عمهم صاح ،،،،،،علي ابنه رد يبجي
ويضرب على راسه
«،،،انتل بالماطور
جان المفروض افرح لان تخلصت منه بس
من شفت حال الحجيه وعمته
ورانيه وجعفر وعمه
مااعرف
شصار بي،،،،روحي انمردت عليهم لان هم مااذوني
وجانو زينين وياي بعيوني
شفت الحجيه حاظنته
تصرخ مفجوعه
عمته تبوس بي وتصيح
«،،،،يااارب رجعه النا ياااربي لاتفجعنا
بي
مااعرف شصار بس شفت روحي مشيت
بسرعه عليهم وصحت
«،،،،وخروو
الولد وخروهن،،،،،، جان مايتنفس،
لزمت ايده ماكو نبض
خليت ايدي على گلبه وكمت اضغط
بقوه سويت انعاش
قلبي
رجعت شفت النبض هم ماكو لازم انعاش
رئوي مافكرت اني اموت منه
ردته يرجع الهم
صحت بجعفر
«،،،اضغط على گلبه سوي مثل ماسويت
«،،،،اي اي
سويت انعاش رئوي وهو يضغط على
گلبه وخرت ورة لحظات لزمت
ايده ماكو نبض
الكل جان فوك راسي يريدون اسوي معجزه
ارجعه بيها الهم،،،،،، باوعت لجعفر عرف
هز راسه بلااا يضغط على كلبه ويصيح
«،،،ياااخويه لاتفجعني بيك
«،،،وخر
صحت بي وخر منه صفنت علي اصفر
والموت بوجهه،،،، وكلت
هاي اخر محاوله
لميت ايدي الاثنين وضربته بقوه على
گلبه مااستجاب ضربته مره اللخ وعدتها
ماكو الصراخ زاد يمي رجعت لميتهن
صحت
«،،،،ياااالله
وضربته بقوه اكبر شهك ورفع روحه وكعت
ليوره اسمع صراخ الفرح
الكل والتمو علي
سحبت روحي ليوره اباوع الهم سندو
يفرگون بگلبه حجيت بصعوبه
«،،،،اخذو للمستشفى بسرعه
كمت ،،، ورجعت للبيت طبيت لغرفتي سندت
روحي على الباب نزلت للگاع شهگتي
طلعت بصوت قوي
ضربت راسي بالباب وصرخت
«،،،،ليش ماعفته يموت ليييش،،،،،،انقذته
واذا شفت صراخ اهله يبحون علي كم
يوم وينسوه اني مو طيبه واهلي
نسوني
كمت اضرب بروحي واصيح
«،،،،وولج ليييش رجعتي للحياة مو اذااج
ودمرج ليش ماااعفتتي يموت
مو هذااا الجنتي تريدي مو جنتي تريدي يموت
حتى تخلصين منه وو
سكتت بس شهكتي تطلع بقهر من
جوه گلبي اجه بالي شلون جنت احجي وي روحي قبل شويه
واكول اذا مات وين اروح رددت بقهر ووجع
ودموع
«،،،،المن ارجع لاهلي لاخويه الي نايم بالعسل
وي ذيج الي دمرتني وعاشت العيشه
الي تريدها
اااخ يااربي صرت يتيمه واني عندي اهل
صحت وشهكت بصوت قويه سمعت صوت
بره كمت ورحت للحمام طبيت سديت
الباب ووكفت يمه المشهد
يتكرر براسي
نفسي كامت تلعب ورحت بسرعه ذبيت من
راسي ذبيت الاكل كله وحسيت
روحي رادت تطلع
غسلت وجهي اكثر من مرة سندت نفسي
على المغسله باوعت على
شگلي بالمرايه
دمعتي نزلت تحجي كسره نفسي من اهلي
الي كمت مااشوفهم سند اليه ولا
بيت اكدر ارجعله
سمعت كلام بره وهوسه مشيت جسمي يرجف
فتحت الباب شويه كلهم بغرفتي رانيه
شافتني اجت بسرعه عليه
طلعت لزمتني سالت
بخوف ووجه اصفر
«،،،هااا هبطتي وتخربطتي
ماجاوبت
عيوني علي ممدد الحجيه يمه كاعده وجده
وعمه واكف يم راسه سالت روحي
لو مات جان هسه اني
وين اروح ارجع لاهلي المابيهم خير ،،، اموت
ومااسويها ،،،، اروح اذب روحي
بالشط ولا ارجع لناس
خذولني وباعوني
برخص
عمه كال
«،،،بويه خلي نوديك للمستشفى
«،،،لاا
رد بضعف جعفر كله
«،،،ولك خلي ناخذك خاف بعدين يصير
بيك شي
«،،مابيه شي
عمته اجتي حظنتني وكالت وهي تبجي
«،،،لو ما انتي جان راح من ايدينا ابو جمره
فتح عيوني صارت بعيونه كلت بگلبي
صدك من كال
«،،،،نارك ولا چنة هلي
نزلت راسي ومشيت من يمهم رحت للمنور فتحته وطلعت لبره للحديقه الجانبيه كعدت هناك
اشهك وابجي اردد
«،،،ناارك ولا ارجع الهم اني ماااعندي اهل
صرت يتيمه وهم الي يتموني من
اشترو روح اخويه وباعوني
الك
«،،،خيه
انداريت جعفر ورانيه مسافه عني درت روحي
ابجي بخنگه كال
«،،،هذا السويتي خلاج تگبرين بعيوني
شهكت بصوت قوي رد
«،،،اعرف والله هو اذاج وتعبج بذنب اخوج
لچن انتي طلعتي من صدك اصيله
ورغم السواه بيج رديتي
روحه اله
تمالگت روحي بصعوبه كلت بصوت
مخنوك
«،،،ماسويت هالشي الا لخاطركم انتو
لان جنتو توكفون بوجهه وماتخلوه يأذيني
سكت بعدين رد
«،،،مشگورة خيه بس احب اگلج شي
ابو جمرة مستحيل بعد يأذيج كالها چلمه
والايام راح تثبت الج هالشي
الزلمه تندم وجاي يأكل
بي السواه بيج
بذيج الايام
مارديت كمل
«،،،السويتي اله راح
يظل برگبتي الى يوم الدين واكلج
انه عند عيناج عند الشده واحسبيني اخوج
الي ماجابته امج
اختنگت بالبجي
«،،،رانيه ظلي يمها وديربالج عليها
«،،،اي
حمزة
جنت اشتغل بالماطور القديم كلت اصلحه
واخلي احتياط جان جعفر يمي
وعلي وموسى كلت
«،،،شغلوا
اشتغل گضيته مااشوفه غير يلزمني
لزمه موت شفت حياتي مرت
من چدام عيوني بسرعه ،،،،وهي شفتها مثل
الخيال وراها فقدت الوعي
كعدت اشوف نفسي بنص اهلي يصرخون
من الفرح عرفت انه متت ورجعت
للحياه
متمدد بالغرفه ،،،، اسمع منهم شلون
هي انقذتني من الموت
كلت بگلبي
«،،،وهذا هم دين ثگيل صار برگبتك ياحمزة
««،،،يله اطلعوا وخلوا يرتاح جعفر بويه لاتعوفه
كل ساع تعال شوفه
«،،اي عم
غمضت عيوني بتعب طلعو من
يمي وخلو الباب مفتوح
حيلي راح والقوه الجانت عندي بلحظه راحت
الموت شفته مرتين وحسيت هذا
عقاب من ربي من السويته
بيها ونيت من قهري
«،،،ااخ يااربي،،،، شسويت بحالي ظلمت روحي
وغضبت ربي عليه وكل الكاعد
يصير بيه من ظلمي
الها
هاي حوبتها كامت تطلع بيه لان ظلمتها هوايه
وكمت ادفع ثمن اذيتي الها من عمري
ومااعرف اذا راح اسلم من
الموت مره ثالثه
وصارت احسن مني
اذيتها وهي رجعتني للدنيا
وماعافتني للموت
ظليت الوم بحالي واقهر بنفسي جعفر ظل
يروح ويجي عليه وعداله انه نايم
لان جنت مغمض عيوني
وره مااعرف شگد سمعت حركه عرفتها هي
لان تمشي بهداوه فتحت شفتها اخذت
الشاحنه وجهازها مشت
حجيت
«،،،ليش ماخليتني اموتن
وكفت اندارت عليه كملت
«،،مو جنتي تدعين عليه بالموت ليش ماعفتني
اروحن اله
عدلت روحي اعاين الها بقهر كملت
بروح ممروده
«،،،ليش عگبتني للحياه ليش،ماعفتني اروحن
لربي حتى يحاسبني بذنبج
«،،،كسرو گلبي اهلك الطيبين
جاوبتني بصوت مخنوك وطلعت من يمي
رديت ليوره وصحت بقهر
«،،،ااخ مني ومن گسرتي الج
ااخ ولج،،،صرتي اليه وجع
ماراح يطيب حتى وانه ميت وگلتي
راح اقهرك وصار من صرتي
احسن مني
ليلى
غاده اليوم مادوامت خابرتها كالت رجلها
انتل وراد يموت والكل يمه وماتكدر
تجي اخذتلها اجازه وظليت
مثل كل يوم افكر بي
جنت اگله روح مااريد اشوفك واطرده من يجي بس كل هذا جذب لان عيوني جانت
ادور علي من اروح للدوام
ومن ارجع
كملت وطلعت دكتور رواد صار بصفي
كال مبتسم
«،،،،اليوم حارة كلش
«،،،،اي
مشيت هو وياي مشى گلبي كام يدك سريع
وكلت هسه راح اشوفه كدامي ويعلگها
ويا
اعرف مخبل ويسويها دورته بعيوني ماكو
وصلت سيارتي بسرعه لان
مشيت بخطوات
واسعه
«،،،ههه اليكول واحد راكض وراج
حجه وياي وهو يضحك جاوبته
«،،،،مستعجله لان تاخرت على الاهل
جان المفروض يتحرك ويروح بس هو صفن
بعيوني وكال باعجاب
«،،،عيونج بالشمس تصير افتح واحلى
لزمت يده الباب بقوه فريت راسي
على الموقف كل عقلي هو سمع وراح يجي
ويگتله
««،،اترخص دكتور
صعدت بسرعه شغلت وطلعت من من يمه
رحت للشارع اعصابي ترجف
وگلبي يدك بقوة
رددت بقهر
وعيون مغوركه
«،،شسويت بيه من رجعت عيشتني بخوف
ودمرت اعصابي اكثر ماهيه
مدمرة
مشيت مسافه ووكفت اريد اهدأ
دموعي نزلت وصفنت على الشارع اذكر شلون
جان يغار بجنون عليه وبعده هيج
ماتغير شفته شسوه من شافني
واكفه ويا
وخايفه لا هم يشوفني مره ثانيه ويسوي
شي يفضحني بي بالمستشفى
مااعرف شلون وصلت لبيتنا نزلت مثل كل
يوم تعبانه من التفگير مو
الشغل
رحت للمطبخ طبيت خاله رباب كاعده
وماما تشتغل شافتني كامت
وكالت بفرح
«،،،هلا ليلو
ذبيت الجنطه ورحت لحظنها باستني وكلت
«،،،هلا خاله شلونج وشلون عمو والجهال
وينهم مااجوي وياج
«،،،عمج جابنا ورجع ويوسف وامنيه واماني جوه
كاعدين ولازمين الموبايلات
صفنت عليه بعدين باوعت على ماما كالت
«،،،ضعفانه كلش،ووجهج صاير اصفر
هي جانت تدري البيه كملت بقهر
«،،،شادعي على الي فرقكم وهو اخويه
دمعتي نزلت ورحت كعدت هي اجت يمي
ماما وكفت يمنا كلت بشهكه
«،،،خاله تعبانه وجاي اموت
«،،اسم الله عليج يمه لاتحجين هيج والله
گلبي لحد هسه يوجعني عليكم
«،،،ليش رجع خاله ليش ماظل بعيد
«،،،هم اجه عليج
ماما سالتني بخوف جاوبتها بشهكه
«،،،اي ومااعافني كل فتره يجي عليه واتعارك
ويا
«،،،،هاي شلون ويا رباب والله فاروق كال اذا
تعرض الها مره ثانيه الا يشتكي
علي ويذبه بالسجن
حجت هيج وكملت
«،،،،كولي لاختج الجبيره خلي تمنعه من عدها
خلي يحجون ويا اخوته تره اذا صار
بيها شي لا اني ولا ابوها
راح نسكت
«،،،شاحجي ندى ليش هو يسمع كلام احد
قائد وتعرفي يمشي بشور راسه
وهو تعرفي جان يحبها
ويموت عليها بس ااخ منهم لذوله فرقوهم
من الله لاينطيهم قهروهم وقهرونا
وياهم
«،،،وج ماما لاتروحين بعد للدوام اخذي اجازه
طويله واكعدي بالبيت لايروح
يسويلج شي
«،،هاي شبيج ندى قائد مستحيل يأذيها مو تعرفي
شكد يحبها وشلون وكف بوجه الكل
حتى ياخذها
«،،،اي اعرف بي هو هسه مو بعقله من ورة
الي عرفه انتي ماشفتي من اجه
ولج صاير فد مرة تخبل
وكعد بالكراج يضرب بروحه ويصيح
بخبال
خالتي كامت تبجي ماما هم رددت
«،،،حسبي الله عليهم دمرو ودمرو بنتي ويا
سحبت روحي من يمهم دمعتي تنزل ماامسحها
طلعت سمعتها كالت
«،،،شفتي حالها شلون صاير
«،،،اي بنتج بعدها تحبه وماكدرت تنسى
قائد
على العشه صافن ومالي نفس اخلي لگمه
بحلگي امي كالت
«،،،تعشه يمه
منى مرة مقداد سألت
«،،،اسويلك غير شي
«،،،لا تسلمين ماقصرتي بس اني مااشتهي
كمت وكلت
تعشوا انتوا اني مااشتهي
مشيت من يمهم وصعدت لغرفتي كعدت
گضبت جهازي خليت رقم جديد
حتى اتصل عليها
اتصلت دك وفصل هم رجعت دگيت
انحضرت جنت اعرف خالتي
رباب هنا سمعت امي
تحجي وي منى
كالت اجت على بيتهم اخذت رقمها من عدها
خابرتها،،،، ماجاوبت رجعت اتصلت
انطتني رفض ورة مشوار
اتصلت جاوبت
بخنكه
«،،،،هلا قائد
«،،،هلا خاله
كامت تبجي رددت
«،،،،ولك ليش هيج سويت
«،،،،لاااتلوميني خاله تره البيه كافيني
«،،،اخ منك ولك شاحجي عليك وااني اعرف
هسه حالك مثل حالها
«،،،،شفتي شلون فرقونا شفتي خاله
هذا اخوج الكواد هو وابنه
شسوه بينا
«،،،حسبي الله عليهم حوبتكم ماتفوتهم
«،،،،خاله شااسوي گولي اليه انطيني حل
يخليها ترجع لحظني
«،،ولك ياحظن انت ماتعرف بنفسك شسويت
فضحتها بيتي وخليتها تنتحر
«،،،ااي وراح اموت من ورة السويته
«،،،،لاااا اسم الله عليك
حجت هيج وكملت
«،،،هي هم كالت راح اموت من وراك
نار گبت بيه وعيوني صارن جمر كالت
«،،،،شفتها شلون صايره قائد ذبلانه سوده عليه
واول ماشافتني كامت تبجي
«،،،ااي زيدي ناري خاله وخليني احترك
بنار السويته
«،،،قائد عوفها هسه خليها تبرد ولك لا يروح
يصير بيها شي والله عمك وخالتك
رادو يموتون من وراها
من انتحرت
سكتت كملت
«،،،سوي مثل ماكتلك وعوفها خليها ترتاح
وتهدأ واني والله راح اوكف وياك واحجي وياها
ووي ندى وعمك
«،،اي خاله اوكفي وياي انتي واهلي احجو وياهم
كولو الهم اني هم انظلمت
«،،،بعيني ونذر عليه ياقائد
لاذبح طلي بس ترجعون واحد للخ
وهسه لازم اروح عيب منهم طلعت بره احجي
وياك من اجي عليكم نحجي تمام
«،،،اي خاله
«،،،مع السلامه
سدت الخط سندت روحي على الجربايه
ادعي الگلوب تتغير من يمي وترجع
لحظني هم صفيت وحدي
اني وذكرياتي
خابرتني جنت كاعد وي حسين انطيتها
رفض رجعت اتصلت كتبت
«،،،اني كاعد يم صديقي
«،،،منو حسوني
«،،،لاتدلعي ولج
«،،،ههه ابو علي يله بس لاتزعل
«،،،هم لاتحجين هيج
«،،،اهو هم طنگر
«،،،ازماال اني حتى اطنگر
«،،،لااا انت ارنوبي
ابتسمت حسين سال مبتسم
«،،،ها ولك عبالك الحب كاعد يحجي وياك
«،،،ماعليك
«،،،،هم صدك اني شعليه وشكو كاعد وياك
خلي اكوم اولي
«،،،،الله وياك
«،،،،امداك وامده الحب
«،،،وولي
راح يدردم عليه كتبت
«،،صداقتي وي الولد خربت من وراج
«،،،ياا زعل
«،،،اي ومن وراج
«،،،،كله ادكول ارنوبتك هي اسفه
«،،،راح وهاي العايزه اگله ارنوبه ادگلك اسفه
وبعدين تعالي جاي شنو ارنوب
رجال شكبرني شعرضني ومهندس
تصيحيني ارنوبي
«،،،اسكت بسبس
«،،،هاي النوب شنو
«،،،كول مياو
ضحگت بصوت الولد بالگافي دحگو عليه
كتبت
«،،،،اني اسد مااگول مياو
«،،،غير يستقر ملك الغابه
مسحت شواربي وكتمت الضحگه كتبت
اريد اضوجها
«،،،شبي تره نسوانه جثيره
«،،،،اي عيني موو انتو مايملي عيونكم غير
النسوان الهوايه
«،،،الله محلل اربعه
«،،،احضرك قاائد
«،،،ههه لاااا بداعه ابوج
«،،،،اطنگر
«،،،،لاااا يمعوده ماتفگ الطنكورة مالتج لباجر
«،،،،،لا تفك بلفه فلافل يله جيبلي وياك من
تجي
«،،،راح اجيبلج اثنين فلافل واثنين مشگل
«،،،لااا مااريد وزني زايد وراح اصير دبه
من وراك انت وبابا الي يوميا
جايبلي اشكال والوان
«،،،اني اريدج مربربه
«،،،،،مااريد احب اظل رشيقه
«،،،مااريدج رشيقه احبج دعبله ومن تمشين
مثل البطريق
«،،،هههه وانت بطريقي
ضحكت وفشلت من الولد كمت طلعت ورحت
وكفت يم الماطور اتصلت
سمعت ضحگتها وكالت
«،،،،،هلو ارنوبي
«،،،،،هلا ارنوبتي
«،،،،،طلعت مو
«،،،اي عبالك شاده كامره عليه تعرفين اروح
واجي
«،،،،اي بس مو كامره هذا گلبي يعرف وين
تروح وتجي تعرف حتى
من ادك الجرس اعرفك
انت
«،،،هاا عجل ذاك اليوم شلون گلتي عبالي انت
من طلعتي للولد
«،،،،جان جااي بوقتك والردادر مالتي غلط
«،،،،هههه
ضحكت هي كملت
«،،،ابد ماتنسى بسبس
«،،ولج بطلي هالاسماء الهيبه تفلشت وكامت
تلطم بالزوايه
«،،،هههه
لحد هسه اذكر كلشي جان يصير بينا
مانسيت شي ولا عمري
راح انسى لان هي
تمشي بدمي وبس
الموت يطيبني
منها
غاده
اليوم مادوامت لان هو جان مايگدر والكل
التمو يمنا عمامه ونسوانهم وجهالهم
جده وعمه مهدي ذبحو خروفين
واحد وزعو على سلامته
والثاني وكفن النسوان تطبخه بره
اني جنت بالمطبخ اساعد رانيه بغسل
المواعين العيون مثل كل مره من
يجون لهنا تباوع بحقد وكره
جانت بس ام رانيه وابوها وخواتها مااشوف
منهم هاي النظرات والبقيه
سم وكره واضح
باالعيون
اني جنت مااعرف شبيه روحي لايبه
واريد كل ساع اذب من راسي
رانيه انتبهت عليه سالت
«،،،،ها بعدج هابطه من البارحه
«،،،،لاا
«،،،،وجهج اصفر خاف هابط ضغطج
«،،،،لا بس يمكن نفسي لعبت من ريحه اللحم
«،،،،اي زفرته لهنا اروح انطي علي وموسى
معطر ارضيه خلي يغسلون مكانه
ويرشو بالگاع والحديقه
مشت من يمي وعافتني وي بنات عمها
صالح وفاضل وخواتها وحده طبت حجت وهي
تباوع عليه
،،،،اجت كوثر
جانت هي نفسها الي سمعت بي يريدها
مادرت بال ظليت اشتغل جنت
منطيتهن ظهري سمعتها سلمت
رديت السلام
بوستهن اجت عليه كالت
«،،،شلونج ،،،هي شأسمها
انداريت جاوبت
«،،،اسمي غاده
شفت كدامي وحده اضخم مني حلوه
والعيون وساع حنطاويه صفنت عليه
بنظرات ماعجبتني بعدين بوستني
وكالت
«،،،الحمد لله على سلامه ابو جمرة
«،،،،الله يسلمج
بتول اختها سالتني
«،،،،،اكلج انتي ليش هلكد ضعيفه اسمني شويه
حتى تصيرين حلوة
جاوبت
«،،،،اذا انتي ماتشوفيني حلوه اني اشوف
نفسي ملگه جمال
«،،،لا بتول تره البنيه حلوه صح ناعمه بس
تخبل معانيها
رغد اخت رانيه جاوبتها اميره طبت تضحك
اجت عليه بسرعه وكالت
«،،،شلونج ياحلوه
«،،،منيالها حلاه
نفسها ردت نترت بيها
«،،،چا انتي الحلوه جنج صخله جربه
رغم الهم البيه بس ابتسمت كملت
وي كوثر
«،،،وانتي بسج تعلفين صايره بگد الثور
«،،،انجبي ولج اليگول ماگله من ماعونج
«،،،شحدج تاكلين من ماعوني اغير اطگج
بي
جاوبتها ذيج فرت ايدها وكالت
«،،،غسل اي والله ظليتي بس انتي عليه
«،،،ليش شبيها اختي حتى تحجين عليها هيج
رانيه جاوبتها من طبت ذيج كالت
«،،،سلمي بالاول يبنت العم
«،،،هلاا
جاوبتها بنتره وكملت
«،،،،ماكلتي شبيها اميره
«،،،،مابيها شي شبيج كاعد اشاقه وياها
«،،،،ها هيج شقه مااحب اسمعه لا منج ولا من
غيرج
اني يمهن ردت اذب من راسي
انسحبت من يمهن
رحت للحمام المشترك بسرعه خاله ايدي على
حلگي هو طلع شافني طبيت
ذبيت الاكل الما طلعت
روحي
غسلت وصفنت على روحي بالمرايه
مااعرف،،،،شبيه ولا ليش
صارلي فتره هيج،،،، فگيت عيوني
بعدين كلت لااا
هي اجتني صح مخربطه واجت اكثر من مره
بس اجتني ومستحيل يصير
حمل لان وراها كمت اخذ مانع كلت خاف
يرجع بكلامه وهم يتقرب مني هاي
من ورة الهبوط
اي لان ضغطي جاي يهبط هوايه
الباب اندك غسلت
وطلعت جانت رانيه هو واكف بالممر
يمه حبوبه وعمته ومره عمو مهدي يحجن
ويا وهو يباوع عليه سألت
بقلق
«،،،،ها ذبيتي من راسج
«،،،،اي عبالك هبوط
«،،،،،اي مبين امشي ارتاحي بغرفتج هسه
اروحن اجيبلج روبه وملح
رادت تلزمني كلت
«،،،مابيه شي اني اروح
«،،،تمام خلي اروح اجيبلج واجي
راحت من يميي،،،، مشيت
اتجنب اباوع علي طبيت غرفتي سديت
الباب ورايه عطرة القوي فايح
وهم دخت ولعبت نفسي
جان مبدل وذاب هدومه علي
الجربايه
شلتهن وگعت محفظته شلتها ورحت خليتها
على الميز رجعت للحمام خليته
هدومه بالسله
غسلت مره ثانيه وطلعت هو طب سد
الباب وراه سأل بتردد
«،،،،شفتي محفظتي
شافها على الميز اخذها
رحت كعدت اريد بس ارتاح من
هاللعبان النفس
قرب مني سأل
«،،،بيج شي
«،،،،لاا
«،،،،وجهج اصفر خااف
سكت من درت وجهي منه لان من اقترب الريحه
دوختني
«،،،،،،يبنت الناس عوفي كرهج اليه وكولي
اذا بيج شي حتى اوديج للدكتوره
الباب اندك طبت رانيه شايله كلاص
لبن اجت ليمي سالها
«،،،،هم هبوط
«،،،،اي
«،،،،خيه باجر العصر احجزي يم الدكتورة مالتج
حتى نوديها
«،،،،ماايحتاج
جاوبته هي كالت
«،،،،لاااا لازم تروحين لان كاعده تتخربطين هوايه
«،،،،باجر بالدوام اروح لدكتورة صديقتي
وهي تفحصني
حجيت هيج حتى انهي الكلام
«،،،اي روحي لاتخلين نفسج
رانيه جاوبتني ترخصت وطلعت هو ظل
واكف كال
«،،،،،ارتاحي ولاتطلعين بعد وتشتغلين
ماجاوبته لان تعبت من الشي البيه
ظل واكف وطول رفعت راسي صافن
عليه بملامح مقهوره
ردد بصوت متغير
«،،،،سامحيني
وابريني الذمه لان الموت شفته مرتين
ابتسمت بس باهته جاوبته
«،،،من يبرد گلبي وينسى عقلي السويته
بيه راح اگلك مبري الذمه
«،،،،واذا ماصار هالشي ولا راح يصير لان
دست بيج هوايه وعلت بيج
عيله گشره
سكت وكمل بخنگه
«،،،،شلون يبنت الناس
اظلن خايف اروحن بذنبج وانتي مو
باريتني الذمه
الواكف كدامي جان غير واحد شفته
ندمان ويريد بي اسامحه بس
گلبي وعقلي وجسمي الي
اغتصبه جاوبو
«،،،،،من تموت عود ابريك الذمه
كلت راح ينقهر يغضب يصيح عليه
بس جاوبني وكال اسمي
اول مره
«،،،اكيد غاده
دمعتي نزلت ودرت وجهي منه سال
«،،،حلفتج بالله اكيد راح تبريني الذمه من اموتن
جاوبته بدموع
«،،،ااي
«،،،،،هاهيه
ابريني من تشوفيني باللحد وخليني اقابل
ربي بوجه مو غضبان علي
سكت وكمل
«،،،واحمد ربي انتي الي رجعتني للحياه باذن ربج
حتى اظل عايش واسمعج تبريني
الذمه من اموتن
صاحو من بره ظل واكف لحظه بعدين مشى
عرفت هو عايش بجحيم السواه
بيه عرفته خاف من عقاب
الله لان شاف الموت
مرتين
وعرفت هو هسه راح يسوي المستحيل حتى
يرضيني ويعوضني عن السواه بيه
بس لو خله روحه بأيدي
ماراح يكدر يمحي اثر
ذيج الليله
كمت طفيت الضوه ورحت تمددت اريد
ارتاح ظلمه والغرفه بارده واني
دايخه وشاربه لبن غفيت
بنومه ثگيله
حمزة
كاعد وي عمامي وولدهم يحجون بالصار
بارحه وشلون هي انقذتني علي
ابن عمي مهدي كال
«،،،،شفتها جعفر شلون لمت ايدها هيج
لم ايده الاثنين وكمل
«،،،،وضربته بقوه اكثر من مره على گلبه
«،،،اي والله مااعرف معجزه من ربك ورجعته
للحياه
جاوبه عاين عليه وكمل
«،،،،انت زين مو
ابتسمت بس بهم وجاوبته
«،،،هاي عاشر مرة تسألني
«،،،ولك مو مصدك انت طيب شلناك جنازه
«،،،قدر ربك ولطف
عمي مهدي جاوبه جدي كال بغضب
«،،،،هذا الماطور ذبو علي بانزين ووجو انعل
ابوه لا ابو اهله لو ميت انه شاحصل
«،،،،اخ من عنادك يبو جمره المحلات مالتك
متروسه ماطورات وانت جلبت
بهل السگراب الا تصلحه
«،،،،عدالي يصلح
جاوبت جهازي دك جان ابن خالتي ترخصت
وطلعت بره جاوبته
«،،،،هلا مهيب
«،،،،،ولك هاي صدك منتول
«،،،،اي واخوك الله فگه من الموت
«،،،،خرب حظك اي والله جان هسه ميت
وشبعانين لحم
ابتسمت وجاوبته
«،،،تعال اليوم عزيمه واللحم موجود
«،،،،،بالدوام وماكل خره
«،،،،الف عافيه
«،،،مشكور
كعدت بالحديقه صرت اگبال شباج غرفتها
صفنت علي اذكر حواري انه وياها
«،،،،هسه انت شلونك زين
«،،،،الحمد لله
«،،،ههه هسه گلبك وعقلك تفرمتو من هاي
الفرمته الزينه
«،،،عدالك حنيت لگضت ايدي
«،،،،لاا ولك كلشي ولا ايدك توجع والله
اني گوي بس من ضربه ايدك
اخاف اليكول ضاربني
بكرك
«،،،اي احسد خاف سلمت من الموت بارحه
اليوم اموتن وتشبع لحم
«،،،مااحسد اني واسم الله عليك من عمري
على عمرك
«،،،،عمرك طويل يبن الخاله هي شلونها عم
محمود شلونه
«،،،اسكت ماتدري بالصار بيك باجر انزل
اجيبها واجي
«،،،هلا بيكم
«،،،،هسه اترخص والحمد لله على السلامه مره
اللخ
«،،،،تسلم وسلامي للاهل
«،،،،يوصل في امان الله
«،،،،الله وياك
سديت الخط وكمت مشيت كم خطوه شفت
گوثر بنت عمي صالح چدامي گلبي
الجان يهواها مادك ذيج
الدگه القديمه كالت
«،،،شلونك يبو جمرة والحمد لله على سلامتك
درت وجهي وجاوبت
«،،،الله يسلمج
تقدمت فرت راسها على الحديقه وكالت
«،،،،بعدك زعلان مني
عگدت حواجبي وجاوبت
«،،،،وليش ازعل منج
«،،،،لان رفضتك اانه وال
«،،،،،يبنت العم انه مو زعلان ،،،حالي حال
اي زلمه راد حرمه ماقبلت انتهى
كلشي وكمل طريقه
«،،،بس اانت
قاطعته
«،،،،انه شنو
«،،،جنت يعني تحبني وانه كسرت گلبك
«،،،،هالكلام عيب تحجي لان انتي هسه صرتي
حرمه زلمه ثاني وانه تزوجت وصارت
عندي حرمه
ابتسمت وجاوبت باستهزاء
«،،،ليش هااي هم تسمى حرمه
رديتها بغضب
«،،،حدج هنااا يبنت العم واي چلمه ثانيه
عليها راح تسمعين مني رد
مايعجبج
«،،،،انه مو قصدي
«،،،،لاا قصدج وبعد لاتعديها اعرفي حدودج
واحترمي زلمتج
الماخذج
«،،،،انه انظلمت ويا ووندماا
سكتت من جعفر اجه عاين النا كال
«،،،جدي يريدك
«،،،امشينا
جاوبته ومشيت هو ورايه
يمامه
ساعه عشره بليل اني بالمخزن
سمعت صوت الباب اندك بقوه طلعت بسرعه فتحته حنين طبت تشهك وتبجي صحت
«،،،هااي شبيج
«،،،،،سعيد گتلني
«،،،،اي وشكو جايه علينا
منيره جاوبتها من طلعت ابويه وراها
اجت لحظني تبجي وتشهك
وجهها جان كله دم
صحت بغضب
«،،،،وهذا االعار ليش يمد ايده عليج
«،،،سمعته يگول لامه بس اجيب اشغلها بالملاهي
ماقبلت وتعارگت ويا وكتلني
«،،،الله يضربه گولي امين
«،،،،،اي وشكو بيها هذا اتفاقنا ويا بس
هي البومه الرعنه راح حبلت بسرعه
منيره حجت عطت بيها
«،،،،،هااااي لو بنتج تقبلين تشغليها بالملاهي
«،،،،اي واني اشتغل وياها شكو بيها ولجن
گت فلوس راح تصير عليجن
«،،،ياابه احجي شي
«،،،،،،انتن بس راح ترگصن ماراح تسون غير شي
جاوبني بهدؤ صفنت علي بذهول
كلت
«،،،يابه انت لگيتنا بالشارع يعني احنا بناتك
لو نغوله
«،،،،اانجبي ولج ولاتظلين تلغين اني عندي
اتفاق ويا ياخذها بس ترگص
لو عندي سلاح بذيج الساعه الا اگتل ابويه
واسگنه الگبور سعيد طب بصيح
«،،،،شلووون تطلعين من البيت ولج
هد عليه خليتها ورايه وضربت راجدي
خليت گل قوتي بي وكع ليوره فز
وصاح بيه
«،،،تضررربني يمامه شفتها عوااد
«،،،،كوااااد مو عواد
صحت بي ابويه جرني من شعري يفشر
ويغلط عليه دفعته بقوه ورحت
بسرعه اخذت الحديده
الي نسند بيها الباب
وهديت على سعيد الجبان صاح
«،،،لاا ااا ولج
ضربته بيها بكل قوتي صارت بجتفه وكع بالگاع
وكعتله دك بيها ابويه لزمني هو ومنيره
اسمع اختي تعيط واني اصرخ
«،،،،والله اليوم لاااا اكسرك يااااكواد
ياااعديم الشرف
«،،،وولكم عووفوني خلوني اموته
بدل ماابويه يگتله كتلني اليه ومنيره ويا وطردو
حنين من بيتنا وحبسوني بالمخرن
قويدر من اجه هم گتلني لان
مديت ايدي على سعيد
ثاني يوم طلعوني علمود اشحذ بالشوارع
امشي واجر برجليه وادعي على روحي
بالموت رحت لاختي اريد
اشوفها ام سعيد طردتني وكامت
تفشر عليه هي وبناتها ورادن يگتلني بس
حنين وكعت عليهن تتوسل بيهن
عافني بعد ماشبعت مسبه
وفشار وغلط
كعدت وياها بره هي تبجي واني دمعتي
جامده بعيوني كلت
«،،،،انت هسه بيا شهر
«،،،،الرابع
«،،،،تجيبين وادكومين بالسلامه واخذج ونشرد
«،،،،اي مااظل بعد يمه ولج هذا يريد يتاجر
بيه
«،،،كتلج بس اااخ منج انتي رحتي اله برجليج
««،،شاسوي يمامه اخلي اخويه ياخذ
شرفي
«،،،اخ يمه من متي ليش،مامتنا وياج رحتي
وخليتنا للعذاب
«،،،گولي لمنتضر
«،،،خايبه اسكتي المن اكول هذا اني اسبع منه
براجدي واحد يكوم يبجي
سكتت اون من وجع جسمي كملت
«،،،ماكو غير هالحل نصبر الما تجبين واخذج
ونشرد لغير مكان
«،،،،وين نروح
«،،،،ارض الله واسعه واني هم بهل الكم شهر
ارتب مكان النا حتى نطلع منا نروح
اله مانظل دايحات بالشوارع
«،،،تمام
«،،،وهسه اكوم اروح واي كلمه مااريد تطلع منج
سايسي كولي اي منا الما يفرجها الله
عليج ونهج
«،،،اي يمامه
كمت لزمت الحايط ومشيت كالت
«،،،،لاتروحين اليوم
ابتسمت بالم وجاوبت
«،،،،اذا ارجع بدون فلوس انگتل
ليلى
خاله رباب رادت تطلع للكاظم وهم تشتري
ملابس للبنات من المنصور
اخذتها هي وماما وولدها
لان جنت محتاجه اطلع
وصلنا جنا جايبين عبي لبسنا العبايات ومشينا
صارت الگبه اگبالنا سلمنا علي وماما
وگفت كباله تدعي بصوت
ناصي وتبجي
خالتي رباب هم دعت وهي تبجي اني
جنت اباوع اله بعيون مغورگه
مااعرف شاااحجي
هو بين عيوني
من كال
«،،،،مو مبريه الذمه اذا ماصرتي اليه
تالي عافني وخله روحه بذمتي لا كدرت انساه
ولا كدرت احب واحد غيره
«،،،امشي ماما
مشيت من سمعت صوتها زرنا وصلينا بالحضر
كعدت هناك اسمع بجي نسوان ويدعن
بحرگه گلب على الي ظلمهن بجيت
وياهن
بس ماكدرت ادعي علي لان يوجعني
اذا صار بي شي من سافر وعافني
واني شبه ميته خايفه
علي لايموت بالبحر
رغم اذاني وفضحني وغدرني ماكدرت اتمناله
الموت لان اعرف بروحي ماراح اظل
وراه عايشه
شفت روحي من عافني بسرعه ذبحت
روحي ردت اموت من وره قهره
وقهري لبابا
كملنا وطلعنا جنت ماخذه سياره بابا
لان اكبر وكفت من شفت
واحد موكف سيارته
كدامنا
دورت علي اريده يجي يتحرك من كدامنا
ولد اجه يمشي بسرعه ثگل من شافني
عرفته هذا نفسه الي خطب قبل
كم شهر ياسر سلم على
ماما وعيونه عليه
«،،شلونج خاله
«،،،،هلا عيني شلونك وشلون امك
«،،،،بخير وتسلم عليج
«،،،،الله يسلمها شلون صارت رجلها
«،،،،الحمد لله احسن من قبل
«،،،هذا ابن صديقتي تعرفيها ام صائب
«،،،،ها اي اهلا وسهلا
خالتي ردت ماما سالته
«،،،هاي سيارتك
«،،،اي واسف على التأخير هسه احرگها من كدامج
بسرعه راح شغلها ووخر
صعدت ماما يمي خالتي وولدها ليوره
هو نزل اجه من جهتي وكف ضرب
التاير برجلي وكال مركز بوجهي
«،،،خلي عمي ينفخ التاير لان فاش شويه
«،،،تمام
حرگت وطلعت من يمه بس وصلت للشارع
كلت بعصبيه
«،،،ماما هاي انتي گايلته تعال
«،،،لا والله وليش اگله تعال وانتي رفضتي
سكتت خاله رباب سالت
«،،،،هو هذا الي تقدم عليها قبل كم شهر
«،،،،اي شفتي شلون ولد طول وجمال ونقيب
بالجيش
«،،،هو حلو بس ماارتاحيت لنظراته لان ماشال
عيونه من عدها
«،،،هو حبها وكتل نفسه عليها بس شأسوي لحظي
ماجاي تقبل بي
«،،،احسن
باوعت لخالتي رباب بالمرايه ابتسمت
وكملت
«،،،هذا مايفيدج مبين ابو نسوان من عيونه
الزايغه
«،،،،رباب ردتج عون طلعتي فرعون
«،،،،،هههه تعرفيني مااجامل
«،،،اي اعرفج بس الولد لحد هسه مايقبل
يزوج يكول لو هي ماازوح نهائيا
جاوبتها
«،،،راح يعنس لعد لان اني رافضه الزواج
«،،،سمعتي رباب
«،،،،خليها براحتها ندى تره بعدها صغيره
«،،،،،اوف ولج اريد افرح بيها واشوف جهالها
«،،،،اي ومن تروح تظلين تبجين وياها
«،،،،لا عيني شنو تروح اشترط علي شرط
يكعد يمي اوي يمه اني وين اكدر
على فراگها
«،،،،كعيدي يعني
«،،،اي وهلا بي غالي من غلاه بنتي الحلوه
ابتسمت من حجت هيج باوعت عليه
وكملت بحنيه
«،،،،اني شعندي غيرها روحي معلكه بيها
ومااكدر بلياها
«،،،،خاف ما بجيت زايد يم ابو طلبه راح
اكملها هنا
خالتي ردت وكملت
«،،،،الله يخليها الج وماتشوفين شر بيها ويرزقها
الي يحبها من صدك ويجعل الي
بالي من نصيبها بجاهك
يااارب
اشرت للسما وكملت
«،،،نذر عليه يارب بس يصير الي بالي الا
اجيبلك طلي واذبحه يم ابو
طلبه
اعرفها تريدنا نرجع اني وقائد بس هالشي
مستحيل يصير لان جرحه
جان جبير
وصلنا للمنصور دنيا ليل اشترت الي تريده
وعزمتها على العشه كعدنا بمول
طلبنا والجهال راحو يلعبون مسافه
عنا
اني كاعده حسيت بي موجود وعيونه عليه
دورت علي ماكو جهازي جان
بأيدي خالتي كالت
«،،،،ليلى عفيه اخذي للجهال صور ودزيهن
اليه من نرجع للبيت
«،،،،اي
كمت ورحت ليمهم اخذت كم صوره الهم
لفتت انتباهي بنيه صغيره تلعب
بطوبه يمها ابوها وخايف
عليها
شفت نفسي بيها وشلون بابا دللني دلال
مو صاير واني رديته اله بفضيحه
وخليته ينزل راسه كدام
الكل
رجعت احس بي هو موجود وقريب مني من
دكات گلبي السريعه وتوتري
وكفت ادور علي جان طابق ثاني گبالي
لمحت واحد بطوله بس اندار بسرعه
ومشى
كلت هذا هو جريت روحي وكعدت ساكته
اسمع سوالف ماما وخالتي ماافهم
شي
غاده
ثاني يوم كعدت من وگت لان جان لازم ادوام
بس شلون اگله وديني وهو هيج
حالته
اني ارتب بالفراش الباب اندك طب
وكال
«،،،صباح الخير
«،،،هلا
«،،،تكدرين تروحين
«،،،،اي بس
«،،،،بس شنو
«،،،انت يعني
«،،،مابيه شي بدلي حتى اوديج
جاوبني وراح للكنتور اخذ هدوم وطلع
بدلت ووكفت يم الميز مال تواليت وجهي
جان ذبلان واصفر وسمعت هوايه
كلام من البنات لان هملت
كلشي بيه
خليت باودر خفيف وشويه ملمع شفه
وكحل بداخل عيوني مارسمتها حسيت
شگلي تغير وهالشي غير من
نفسيتي شويه
اخذت عباتي طلعت رحت للمطبخ طبيت
سلمت
«،،،صباح الخير عمه
«،،،،هلا غاده شلونج اليوم
«،،،،الحمد لله احسن
«،،،الله يجعلج يايمه ماتگلين لگمه
«،،،،لا تعرفيني مااشتهي الصبح
«،،،،اي اعرفج بس هاج اشربي هذا الحليب
خليت بي عسل
اخذته منها وكعدت اشرب بهداوه
لان جان حار هو اجه لابس
دشادشه سوده مفصله
مو عريضه مثل
الي يلبسهن
ويشماغ وعگاال عطره ترس الجو
بس اشتميته نفسي گلبت
عفت الحليب وخليته
على الميز
«،،،ها يمه اليوم كاشخ خيرك وين تريد
«،،،طالع بشغله تخص ولد
«،،،ها خير ان شاء الله
«،،،يله امشينا
حجه وياي عمه كالت
«،،،ماشربتي الحليب
«،،،،مااريد
كال
«،،،،بعد وكت اشربي
«،،،،لا مااريد خلي نروح
جاوبته منزله راسي سلم واني هم طلعنا جنت
اكعد ليوره هو مااجان يحجي شي بس
هالمره من فتحت الباب حجه
«،،،،اكعدي ليچدام عندي غراض اريد
اخليهن ليوره
ماحجيت شي كعدت ليكدام هو راح جاب
صندوقين كارتون وخلاهن بالصندوق
بعدين هم جاب اثنين وخلاهن
ليوره
اجه ينفض بهدومه صعد وعطره ترس
السياره وخنگني عدل المرايه
انتبهت ايده حمرة دم
باوعت علي جان صافن عليه
نظراته مركزة بعيوني درت وجهي
منه وره لحظه شغل وكال
«،،،يالله
مثل كل مرة اصفن على الخضار واحجي
وي روحي هسه لو اني ماخذه واحد عن حب
وعايشه بهل المكان والله
اعتبره جنة بس لا اخذت عن حب
ولا اشوف نفسي كاعده
بجنة
«،،،اليوم راح اتاخر عليج مو هوايه مال نص
ساعه يجوز اقل
«،،،تمام
«،،،روحي دكتورة خلي تشوفج
«،،،،اي
سكت بعدين كال
«،،،،واذا تحتاجين دكتوره بره اني اوديج
ورانيه ويانا
«،،،،،لا مايحتاج
«،،،،،اكيد
«،،،،اي
سكت بعد ماحجه شي وصلنا نزلت مشيت
جان يصيحني
«،،،،غاااده
وكفت كارهه اسمع اسمي بحلگه انداريت
لازم جهازي كمل
«،،،،نسيتي جهازج
رجعت مديت ايدي اريد اخذه ماعافه
باوعت علي كال
«،،،خلي جهازج مفتوح خاف اتاخر اكثر
«،،،،تمام
عاف جهازي بس ظل يباوع عليه بنفس
النظرات درت روحي ومشيت
من يمه
ليلى بعدها مو جايه رتبت المكان وره نص
ساعه اجت نفس تعبي وقهري
كعدنا نحجي همنا وحده
للخ وحجيتلها الصار
كتلها
«،،،،اني مو ندمانه لان انقذته لان هاي روح
وراح اتحاسب عليها لان اعرف
انقذه
«،،،،صح لو مكانج هم اسوي هيج
«،،،،،،تدرين ليلى من رجعت للغرفتي
كلت لو ميت من صدك اني وين اروح
لاهلي مستحيل اسويها
اذب روحي بالشط
وماارجع الهم
صفنت عليه كملت
«،،،غاده ذوله اهلج وتره عمو تعبان كلش
من وراج هو وخاله وحتى معاذ
تره شفته قبل كم يوم ولا
مبين مزوج جديد
ضعفان وصافي النص
«،،،،اعرف كالت اليه مريم وهيفاء ومايهمني
تدرين ليش
«،،،،ليش
«،،،،،،لان هم اهلي واني عرضهم وجانو يعرفون
هذا شيريد يسوي بي وباعوني
اله حتى استاذ معاذ
يخلص روحه وياخذ
الي يريدها
سكتت وكملت بقهر
«،،،هيج اهل مو سند ليلى لان باي لحظه يتخلون
عنج حتى يخلصون روحهم وروح
ابنهم وهذا شوفي شسوه من
وره عرضه اجه خطفني
ومااهمه لا شرطه ولا اهلي ولا اكبر
راس ودك رجل كدام شيوخ
كبار وكال هاي بهاي
عيوني غوركت وكملت
«،،،تعرفين هو رادني اني بالذات لان وكفت
بعيونه من اجه لبيتنا كلي لان
وكفتي بوجهي ردتج حتى
اكسرج واكسر اخوج
بيج
«،،،،صدك
«،،،اي وهم لان خطفني اني راد يستر هو حجه
هيج بس كله جذب ماراد
يستر راد ينتقم من اخويه ومني اني
«،،،هذا مو شويه
«،،،،،لا مو شويه شفته وعاشرته كلمته وحده
على الكل وكلهم يمشون بامره
«،،،اكلج هو الجبير
«،،،،اي اكبر الولد
«،،،،زين شعجب ماازوج لحد هسه يعني يجوز
من ورة الوحمه مو
«،،،،اي جان يريد بنت عمه صالح ورفضته
من وراها وكلهن مارادنه من
وره هالشي واخذني
اني حتى يرضي
غرزيته وبنفس
الوقت ينتقم
«،،،،اوكفي بس هو تره مبين علي عنده فلوس
خير من الله يعني يكدر يزوج غيرهن
«،،،كال هالشي كلي مو ميت عليج اكدر اخذ
اربعه لو ردت هالشي
شفتي كلامي طلع صح وهذا اخذج
مو يرضي غرزيته لا حتى
ينتقم
سكتت هي كملت
«،،،،من شفته اول مره من هجم عليكم وشلون
الكل يمشون بامره حسيته رئيس
عصابه واله كلمه يمهم
وطلع من صدك
هو هيج
مراجعين اجوي والتهينا بيهم الظهر هم
ذبيت من راسي صار خوف بگلبي
وكلت بس لا الخايفه
منه صار
ردت احلل بس الكل راح يعرف لان محد
يضم سالفه هنا ردت اخذ جهاز
حمل بس شلون اطلع اروح
وي ليلى مايصير
نطلع من الدوام
خلصنا شغل واني افكر بروحي اجه بموعده
وماتأخر مثل ماكال طلعت اني وياها
هي راحت للموقف تاخذ
سيارتها واني رحت اله صعدت كال
«،،،،الله يساعدج
«،،،هلا
حرك بطريقنا شفت صيدليه كتله
«،،،اوكف هنا شويه
وكف نزلت وكتله
«،،،بس اجيب شي واجي
مشيت بسرعه طببت شفت بنيه
رحت الها كتلها
«،،اريد جهازين مال حمل من الزينات والمضبوطه
هو طب اجه ليمي گلبي كام يدك بسرعه
كلت راح يشوفهن وخاف يعرفهن بس
جهازه دك جاوب والتهى
البنيه كالت السعر
جنت شايله جزداني اريد اطلع الفلوس
ايدي ترجف
«،،،تفضلي
هو انطاها وسأل
«،،،كملتي
«،،،،هاا اي
اخذت العلاكه وطلعت قبله بسرعه صار بصفي
وكال
«،،،،على كيفج لاطيحين
ماحجيت شي صعدت جسمي
كله يرجف خفيت ايدي جوه العبايه حتى
لاايشوفها
«،،،بيج شي
«،،،،،لااا
«،،،شفتي روحج يم الدكتورة
«،،،،اي مابيه شي بس هبوط
«،،خوش هذا ولا غير شي هسه نعكب واشربي
روبه وملحي اگلج
«،،،،اي
حرك وكال
«،،،،يالله
وصلنا اني فد مره صايره اريد بس اتأكد
من هالشي ولازم الصبح اسوي
التحليل مانمت بليل ادعي
من الله مااطلع حامل
شكرا لزيارتكم عالم روايات سكيرهوم
