رواية كريات الدم السوداء الفصل السابع عشر بقلم زحل
بنين
_ويه كلمتي لزم ابريك بقوه من شدت الضربه احس وجهي تفلش بالجامه اتهسترت ضليت اصرخ بدون وعي صوت الهورنات وترني ، خليت اديه عله وجهي اريد اتاكد من مصدر الدم طبك السيارة وجرني عليه يهدي بيه.
ثابت:لا تحافين بس اسكتي
بله اشوف وجهج .
_ينضرلي بقلق رفع وجهي بايده بسرعه جر
كلنس خلا عله خشمي ،، التفت يباوع للناس الي
التمت اشرلهم بمعنى ماكو شي والظاهر دعم
السيارة الي كدامنا.
ثابت:الحمد الله
مابيج شي بس رفعي راسج .
_سندني عل الكشن ونزل اباوع عليه يحجي ويه الولد ويفحص بسيارته همزين الولد ما سوى مشكله راح
وثابت تشكر من اصحاب السيارات الي وكفو يطمنون عبر الشارع شوي ورجع جايب ماي فتحت الباب وجرني غسل وجهي .
ثابت:يله نشفي وخلي راسج مرفوع.
_هزيت راسي بمعنى اي سد الباب و افتر صعد
تحركنا بدون مالتفت عليه كتله رجعني للبيت .
ثابت:هاي المستشفى قريبا خل يسوولج اشعه خاف خشمج انكسر .
_وصلنه المستشفى نزلني واصر عله الدكتور
يسويلي اشعه والحمد الله ماكو كسر كتبلي علاج .
ثابت :ابقي كاعده هنا خلي اجيب
من صيدلية المستشفى.
_شويه ورجع بيده بطل ماي وعلاكه العلاج
اشرلي بمعنى يله كمت تقرب لزم ايدي يمشي
بيه صعدني بالسيارة وصعد خله بطل
الماي بصفي فتح العلاج انطانيا.
ثابت:
_اخذي من كل باكيت حبه قبل ما يلزمج الالم ترى بعدج بحرورة الصواب .
_ التفتت عليه دنك وهو يتحسر
نزلت دموعي بقهر ردت احجي دك نقاله رد ومن جوابه عرفت ابوي المتصل .
ثابت: مابيها شي تدلع .
_اباوع اله ايده لازم النقال والايده الثانيه ضاغطه
عله الاسترين بقوى بحيث الشرايين بارز
عرفت واصل مرحله من الاعصاب
نهى مكالمته ويه ابوي وهو يطمنه .
ثابت:لا يضل بالك راح اوكلها عله ذوقي.
3
_ضليت محتارة شلون افهمه ومنين
ابدي حس بيه خايفه ومتوترة يسوق
وباله شارد وكف كبال مطعم .
ثابت:ها ننزل لو اجيبلج هنا؟
_ ماشتهي بس اريد احجي وياك .
ثابت:اسمعيني للاخير وافهمي كلامي وبعدها
قرري تحجيلي لو لا ماراح اضغط عليج .
_ماعرفت قصده شنو
فكرت عذر مريم لان ضمت عنه النقال
هزيت راسي بمعنى تمام اخذ نفس من جكارته
وبدون ما يباوعلي اتكلم .
1
ثابت:بحكم علاقتج انتي وياها صديقات جدا طبيعي وحده تامن للثانيه اسرارها وبما انو ماحجيتي اكيد هيه هم حافظتلج سر ومحافظه عليه .
_لا مو هيج .
ثابت:جا شلون؟
_سولفت اله كل شيء من يوم الي
جابت مريم جابت النقال يسمع بدون
مايعلق سكتت انتضر منه رد .
ثابت:زين انتي هم سمعتيها
من اتصلت بأاهله من هذا الجهاز؟
_سولفت اله كل شيء من يوم الي
جابت مريم جابت النقال يسمع بدون مايعلق سكتت انتضر منه رد .
_مرة وحده دخلت لكيتها بغرفتي
تحجي ويه امها وماجنت مركزة
ودوم هيه مبتعده عني وانه انشغلت بدراستي.
وقبل فترة هيه كالت راح اضمه بكنتورج
لحد مايقتنع ثابت وعبالي غلقته تفاجئت
بي من شفته مشتغل وبي شحن .
ثابت:صار شكد من ضمته.
_هواي من جنت امتحن .
ثابت:هم يوم اتصلتي منه او راسلتي
وحده من صديقاتجن تعرفين الرمز .
_لا والله ابد لا متصله ولا اعرف رمزه.
ثابت:متاكده بنونه لا تخافين
اذا الج بهذا النقال رقم او
مراسله نمسحها وراح اسالج بدون خجل انتي
عندج تواصل بعلاء يعني بيوم حاول يلتمس قبول
او رفض يجوز ماراد يتفشل ويطلبج اله ياخذ الموافقه
منج مابيها شي هو مو غريب .
_يحجي وعينه للشارع
عرفت شنو يقصد نزلت دموعي رديت عليه ابد والله اصلا لحد الان مامقتنعه انو علاء رايدني تصدك كل هاي السنين ودخلتي لبيتهم وعلاقتي بمريم ولا مرة
صار بيني وبينه حديث غير السلام التفت عليه دنكت والعبرة خانكتني لزم الاستيرن بثنين اديه ودنك
ونزل راسه مستند عليهن ثواني وهو عله هذا الحال كمزت بخوف من تقرب ناحيتي مد ايده لجكمجه
طلع النقال خلاه بايدي.
ثابت:الي اريده منج ماتحجين بالموضوع لاي
شخص وترجعين النقال لمكانه وتحاولين
تعرفين الرمز اكيد تفتحه يمج .
_هزيت راسي بمعنى اي
عيني للشارع بشرود تحسست وجهي
بالم والظاهر بده يورم وصلنه للبيت
نزلنا ابوي بالباب فز من شافني.
ابو اسعد:هاي شنو شبيكم .
_غمضت عيوني وجرني لحظنه
وعيونه لثابت بخوف حاظني ويسال .
ابو اسعد:سلامات خو مابيك شي ماتاذيت.
ثابت:ماكو شي يابه حادث بسيط .
_دخلنه للصاله تلكتني امي فهمهم
ثابت عله الحادث ضحك مولي .
_ماريده يمه هو انه ماكدر الزم خشكي من
الالم مو نوب اخلي عليه ثلج كعدت عله طرف الجربايه تباوع لوجهي ضحك ترى مابي شي
وفيه:عين الماصلت عله النبي .
_اللهم صل على محمد وآل محمد
يمه شنو هل حجي قابل عله شنو
انحسد .
وفيه:يووو شمدريني
استغفر الله العظيم .
1
_خلت ايدها عله وجهي وهيه تقرء المعوذات
وتنفخ دارت للميز تريد تشوف العلاج وشافت
العلاكه مال النقال جرتها وطلعته تباع بي .
وفيه:هذا منو جابه .
_ثابت اشراه الي نسيت اكلج
التفت تنضرلي بأاستغراب.
وفيه:شوكت .
_مادري شلون خطر عله بالي وكتلها
هسه واحنه راجعين .
وفيه:اها بالخير الله يرزقه.
_طلعت وهيه تدعي لثابت
نمت فزيت عله صوت اسعد واياد يووو
شوكت طشر الخبر .
اسعد:هههههه هذا ثابت عينه بالنقال .
7
اياد:لا مولي طكاج عين .
مولي:همزين مادري بي مشتري الها
من بعد الحادث بس خوش نقال .
_لليل واجو بيت عمي محمد وعماتي
هاي احنه طبعهم لو واحد يصخن
لازم الكل يزورة بعد العشه الكل راح
اباوع لثابت يتصرف طبيعي ولا عبالك صاير شي وكلامه ويه مريم اعتيادي ،،اتمنيت الامر هنا ويخلص ردت بس انفرد بيها احجي وياها حته تحجيله
يومين وهيه طلعتها من الغرفه عله كد شغلها وهو
هم ماطلع كرهت حته الكنتور صاح عليه كولي نزل بتلفوني برامج وسيف ارقامهم .
2
مولي:مو كل شويه ومخابرتني
ترى احضرج.
_رفعت راسي لابوي الي وجهه
كلامه لثابت.
ابو اسعد:ليش ماجبت لمريم واحد.
ثابت:ان شاء الله .
_ابتسمت بفرح لرده كام ابوي وهو يحجي
ابو اسعد:انه اجيبلها احله نقال .
_ مالحكت التفت عليها
واختفت ابتسامتي برد ثابت.
ابواسعد:الله يهدي سركم .
_شويه وطلعو ثابت و مولي
وابوي راح لغرفته وامي تبعته
بقت مريم كاعده يمي ادنيت عليها ولج هيه فرصه
يل ثوله ليش ماكتيله ابوج جابلج نقال جان
حرجتي واكيد مايرفض ويخجل من ابوي .
مريم:سكتي عفيه ترة كلش مالي خلك
وكوى متحملته انه وصل حدي ويا .
8
_عليمن ولج خلص هو كتل اجيب ترى
هو اذا وعد مايكذب انه اعرفه .
مريم:دكومي خلين نكعد بغرفتج .
_بس دخلنا جرت الكرسي وصعدت لكنتوري
نزلت نقالها سالتها مغشمه نفسي اكلج شو مشتغل
انتي من اشوكت ضميتي معقوله باقي بي شحن.
مريم:لا دوم اشحنه ومن يسافر ثابت
اخذه العب بي لو اتصل بزينب واكو
كروبات سوالف واشعار دخلت بيها
حيل تونس وشكد تتعرفين عله بنات.
3
_تسولف وهيه مدنكه بنقالها فتحت
رمزة وتفاجئت اربع احرف مالهن معنى.
_ضليت اسالها عن امها واختها فتحت موضوع علاء
مانطيتها مجال تحجي مريم تدرين مو ابالي ازوج
هسه واكيد اهلي يعرفون مصلحتي .
مريم:انتي الخسرانه ترى الف
وحده تتمناه.
_ههه سبحان مغير الاحوال ترى نفسه
علاء الي يخلص ليله برا البيت ويمتلك
اكثر من نقال.
مريم:اي وشنو مو هذا اسعد ترى لحد امس
اريج خابرت تكول لامج صار يبات برا البيت
ويجي وجه الصبح مايباوع بوجهي اصلا
شاكين بي متزوج بالنسبه لعلاء ابوي
شرط عليه يبطل كل سوالفه
اذا اتزوج.
_اشك الي مثلهم يبطل عل عموم
الله يوفقه بزوجه بت حلال خليت نقالي بصفي وتمددت وهيه مشغوله بتلفونها سالتها بفضول
ليش ثابت رافض انو تمتلكين نقال رفعت راسها
تباوع الي رديت عليها شوفي يعني مرة سالت
بيداء اختي كتلها شوكت مااتصل بيج مشغول
لو كل ما ادخل عله رقمج وات ساب الكاج
متصل تدرين تفاجئت من سولف الي.
1
مريم:مافهمت يعني؟
_تكول اذا سافر زوجي لو بدوام
اخلص اليل كله سوالف ويا شلون
المخطوبين وحته قوت علاقتنا
لان من يتواجد بالبيت تشغلنا الجهال لو ماعدنا وقت هو يلتهي بااهله واني بشغل البيت ف بس وقت النوم ندخل غرفتنا بس بالنقال نسولف مثل اي ثنين يحبون بعض وصار يجي متلهف لشوفتي وانه نفس الشي .
مريم:رغم مامصدكه بيداء وزوجها
رومانسيين لان خلقته ماتساعد المهم مافهمت شنو قصدج ؟
5
_يعني شنو المتعه بنقالج المخفي
لا انتي مستفاده بي بتواصلج
ويه اهلج او صديقاتنا ولا من يسافر ثابت
تعوضين عدم وجوده بالاتصال بي .
مريم:يوو هو انه اكيف يسافر حته ارتاح ولج
مامنطيني مجال اشتاق مادام بالغرفه هو حاظني.
6
_بسرعه اشرتلها لاتكملين عفيه
ترى حرام وعيب ميصير تحجين
شي خاص يمي .
مريم:عشتو ماعرفتج
شنو هل تغيير .
_موهيج بس جنه نضحك بس عله سوالفهم
مو خصوصيات اصلا حته خواتي امي محذرتهن
تكول اذا حجيتو خصوصياتكم تخرب حياتكم .
مريم:اووو شنو هل تفكير
دشوفي الناس الي تنشر حياتها
وعيشتها ودلالها..
8
_ماعرف المهم انتي حاولي تقنعين
ثابت انو يتقبل موضوع التلفون.
مريم:لحظه صوت ثابت يمكن اجه.
_ فزت بخوف من سمعت صوته اقترب من
غرفتنا بسرعه قفلته كامت وهيه تضم نقالها
بفراشي مالحكت احجي دخل علينا وهو راسم عله وجهه ابتسامه تقرب عله جربايتي احس كلبي راد يوكف احتاريت خاف يكعد ويلاحظ النقال .
_الحمد الله شويه احسن.
ثابت:تكبرين وتنسين .
_اديه بجيوبه وينضر الي
بحنيه التفت لمريم .
ثابت:يله امشينا خلي بنونه تنام.
_طلعو وعافوني بحيرتي
رفعت غطاي وسحبت نقال مريم
وانه افكر شلون اذا سالني عله الرمز ماانطيه اله
وافضل شي احجي لامي كمت اريد اضمه واخذني الفضول افتحه التفتت تقدمت لباب غرفتي اريد
اقفله توني اخلي ايدي اطبكه وندفع ضليت
تراجعت للخلف مسويتله مجال يدخل بدون
مايحجي مد ايده وهو ياخذ تلفون مني باوع بي
رفع راسه .
ثابت:الرمز.
_بلعت ريجي ورديت اله الرمز فتحه
يكلب بي وانه واكف وادعي بكلبي
كون مابي شي يثير بنينهم مشكله
فززني من شرودي سوأله.
1
ثابت:ليش ؟حذفتي المحادثات.
14
سلاسل.
4
_ضليت واكفه مثل الصنم اباوع اله
وارجع اباوع للعوده الي كسرها وشمرها ماعرف ليش كلبي وجعني حسيته يوصلي رساله بهذا التصرف
وكأنو يكول هذا حد الي بينا مثل هاي الكسرة عجيب
بثواني تفكير ياخذك لسنين التفت لسليمه الي همت بخطواتها حته توصل يمي .
سليمه:شبيج تنحرتي مثل المطي.
1
_جرتني تمشي بيه وانه جسد بدون روح
مانتبهت منو الي بالشارع ولا رديت عله
سؤال صوله عيوني ورا وهو مالتفت دخل لخرابه واختفى عن انضاري دخلنا للبيت شمرت نفسي عله
التخم وهيه تحجي عليه.
سليمه:شنو كالج .
_هزيت راسي بمعنى ماكال شي.
سليمه:من حجيت مو كلت كفينا شره.
_مارديت عليها ولا نطقت حرف
شعور غريب ماعرف ليش هيج متالمه وليش حاسه بالخسارة انه اصلا ماجان ابالي نرتبط ولا ايدته بطلبه
16
مديت ايدي لجنطتي طلعت نقالي اكيد متصل بيه
لو مراسلني لان من جنا بالمزرعه هيه كالت
مايقبلون نستعمل تلفوناتنا بحجت التصوير قفلت نقالها وانه هم قفلته ضغطت عليه بقوة اريده بس
ينفتح وهيه مستمرة تحجي وتسب باابوي.
سليمه:مااخلص من سوالفكم ساعته السوده الي شفت راضي بيها.
_بس انفتح النقال صوت الرسائل
مثل المطر التفت عليه دنكت وانه ادخل
رقمه وات ساب يمكن ميه مسج منه .
محابس :وينج ليش تاخرتو
ردي ،ضل بالي، سونه وين انتي،
ولج احجي، وين خذتج دزيلي
دزيلي العنوان اجيج سوووونه
اعدمج اذا عرفت رايحه وياها لشخص..
2
سليمه:ماتحجين شكو منو الي يراسل .
_رفعت راسي اباوع الها
تقدمه عليه وسحبته وهيه تغلط قرتهن
وشمرته بوجهي كعدت كبالي .
سليمه:خلي كلامنا واحد اذا سالج كولي
بتنا بيت ام طيبه .
_بس هو شافنا نزلنا
من سيارةالباشا.
سليمه:اي وشنو ولي امرنا هو وبعدين يعرف
الباشا لام طيبه ويدري بي قابل ماشايفه.
_خلص بعد ليش ترديني
اتعذر يولي.
سليمه:بت التالف مو وكت سوالفج
العوج من كتلج لا تنطينه وجه مراح يعوفج وعلن هل شي بنص الشارع.
4
_بعدني ماراده عليها اندك الباب
صفنت ثواني ونوب كامت .
سليمه:اكيد هو .
_بعدني ماراده عليها اندك الباب
صفنت ثواني ونوب كامت .
_دخلت لغرفتنا وسديت الباب.
شويه واسمع صوتها ترحب باوعت من الشباك استغربت شعدهن النصافات جاياتنا كعدن كبالها
وبدون مقدمات مدت ايدها حربا بمعنى انطيني .
سليمه:خير ماليش ترى توني دخلت لبيتي
لا عندي سهرة ولا احد داخل عليه.
حربا:اسمعي سلوم من اليوم الغابه
صار بيها قانون جديد الذيب لا ياكل
الثعلب والقط يحمي الدجاج والكل يدفع للنصافات
حته لو شغلج خارج الصعده هم ادفعين .
_انتفصت سليمه وهيه ترد عليهن
سليمه:شنوووو خير شو نسيتو نفسكم
لا تخلني اخرب وهذا منو الي حط هل القانون .
_كامن متقدمات عليها وهن يطلعن سجاجينهن
من صدرهن لطمت عله وجهي بس لا يتعاركن ركضت لنقالي اتصل بمحابس مارد عليه فتحت الباب وطلعت يمهن .
سليمه:حدجن لا تفكرن وروح امي اخلي جلدجن يصير دوسات للبيبان واذا محابس يعرف بقانونج الجديد روحن كولون لايلعب وياي لان يخسر .
حربا:وليش نتحمل خسارة خو نخلص منج ونحافظ عله محابس .
_صرت كبالها وحجيت الجن المتفق عليه من سهرات البيت بس مال ندفع واحنه مامشتغلين وين صايرة.
حربا:ليش مو جنتن بحفله
مانطوج حسابج لو ماعجبتيهم اعطوبج.
_دفعتني سليمه وراها وردت عليهن.
سليمه:من شوكت سونه تطلع حفلات هو يدري كلش زين اخذتها
للطبيب ومناك رحنا لبيت ام طيبه
وصاحبه وصلنه الصبح وهو شافه.
11
حربا:خلص من اليوم صار عندج علم
بالقانون الجديد خلي ابالج الدفع بالنص.
_بس طلعن وطبكت الباب وراهم
رجعت عليه .
سليمه:انعل ابوج لابو جويسم.
_مالحكت اشرد جرتني تنكت بيه وتحجي
شمرتني صارت طيحتي عله الحافه مال التخم
روحي شاغت من اللم ضليت الطم عله راسي
و اصرخ ركضت عليه جرتني من ايدي دخلتني
للحمام تغسل بوجهي وانه عله فد صرخه .
سليمه:ولج بس خل افهم شبيج بت الكلب.
_الحكينيييي صفحتي صفحتي يماااا
راح اموووووت ولكم لحكونييي عافتني
وركضت للباب شويه ودخلن ام دعدوش ونوشه.
ام دعدوش:فلك طرج شسويتي بالبت.
سليمه:عثرت وصارت طيحتها عله حافه
مال التخم ولجن بس جيبلي ربيع .
نوشه:خو صيحي محابس ياخذها
للمستشفى غير ميلته وهو مسؤل عنها .
_التفت ادور شي اطكها بي صارت دولكه مال الماي كبالي ضغطت عله نفسي وزحفت عليها مالحكت عليه
سليمه شمرتها اجت براس نوشه طفرت وهيه تغلط وتصيح بعلو صوتها وانه اصرخ طردتها سليمه وردت عليه لبستني صايتي وام دعدوش ويانه طلعني يسحلن بيه التمو الجيران يتسألون تولت الرد ام دعدوش وصلنه يم ربيع رفض يطيني علاج .
7
ربيع:يابه لازم سونار ودكتور اختصاص.
سليمه:بس اطيها مسكن بين
مانوصل للمستشفى .
_خبط الابرة وانطاها لام دعدوش وطلع من المكان ضربتني وطلعنه يسحلن بيه ماكدرت امشي كعدت بنص الشارع ابجي.
سليمه:ولج عيني روحج بس نوصل البيت اجيب جنطتي ونقالي.
_اشرت الها ماكدر جرني يم صوله
الي استلمت سليمه غلط .
صوله:سلوم شسويتي بالفرخه وين
خذتيها دربنين بحالها .
سليمه:لاتخليني اغط راسج بجدر الباكله خليها يمج بين ماجيب جنطتي .
3
_عافتني ومشت وانه عيوني دور عليه معقوله ماوصله خبر وين راح اباوع للركن ورجع نضراتي للخرابه .
صوله: ام عطوب وين مشت بيج امس اليل كله محابس لازم الركن .
_ضغطت عله عله صفحتي التفتت عليها من فكيت عيني للدنيا هو لازم الركن يوزع سمه للشله تصرف شنو الجديده لو تردن تحطني لقب.
3
صوله:بت الجليب انه شعليه
غير هو كال.
_كمت من يمها قبل ماتكمل
لا يكول ولا اله شغل ابوي ابن عمي هزت
ايدها ماراضيه.اجت سليمه تهف بصايتها .
سليمه:يله انجري انعل ابو شكلج.
_مشينا للشارع توها توكف تكسي
وهو صار بوجهنا .
محابس:وين النيه .
سليمه:ارجع والي كلام وياك
ولا عبالك اسكت.
محابس:ماجاوبتيني وين موليات.
_ولا جنه يشوفني ماالتفت عليه
يحجي وياها وعينه للشارع.
سليمه:للقنادر ماتشوفها بلكي
الله تموت واخلص .
محابس:جا مو امس خذتيها للدكتور
شنو جان معزل لو كثرتن ركص بالسهرة.
_فكيت حلكي شلون يحجي بأاسهزاء تقدمت
عليه دفعته وانته شعليك اركص الطم .
محابس:مالي شغل بس حصت النصافات توصلهن بدون مشاكل .
_جرتني سليمه دفعته ورديت عليه
اي تدلل حصتك توصلك لزمني
من ايدي ومشه بيه مرجعني للركن
وسليمه تريد بس تخلصني من ايده
صفطني عله الحايط صك عله سنونه وحجه.
محابس:انه مااخذ فلوس
حصتي غير شي.
7
سليمه:كافي عاد مع الاسف عليك
ماتوقعت منك هيج سوالف .
سليمه:طبج مرض انتي جبتيها
لروحج ونوب طينتي السالفه بموقفج
مال البارحه خلصي نفسج من ام طيبه.
_وصلنه المستشفى وكبل حولني سونار
وتحليل تخبل الدكتور من شاف النتيجه.
الدكتور:هاي لشنو متعرضه لتعذيب
لو حادث الكله صاير بيها التهاب حاد.
سليمه:اي دكتور صارت عدنا مشكله بالبيت
وبالغلط اخوها داس عليها.
_هز راسه ماراضي كتبلي علاج وابر وحته
مغذي اشريناهن من برا كوى عليه امشي .
سليمه:شوفي ولج ماريد مشاكل
وديري بالج يعرف بالصار بالمزرعه .
خليني احل موضوع ام طيبه ونوب اتفرغ لمحابس اوكفي خل اشوف ابوج وين غاط وذبكم عليه .
_طلعت نقالها اتصل بي وكفنا عله صفحه
وكل شويه تكسي طابك علينه والهورنات سطرتني.
_دخلنه للبيت بوجهي للغرفه لزمت نقالي
اتصلت بمديحه الي كل هاي الهوسه
وهيه ماكو دك ونكطع رديت عدت الاتصال
جاوبت بصوت تعبان .
مديحه:بعد وكت صارت زحمه ولج جان
خجلتي الف مرة اتصلت بيج واجيت فلشت
بابكم ومحد طلعلي الله ومحابس ركض وياي.
_غمضت عيوني بقهر عرفت
امها متخربطه سولفت الها الصار.
مديحه:ماعرف شكلج خلي اشوف وضع امي
بلكي يطلعنه الدكتور اليوم واجيج.
_نهيت مكالمتي وياها
ودزيت ام دعدوش ضربتني الابرة
نمت وثاني يوم اسمع ابوي طلعت
سلمت عليه.
راضي:غير تباوعين شمالج
تمشين بدون شوف.
_عرفت سليمه متعذرة بطيحتي.
سليمه:دكوم اتسوك حته نحضر اكل لجويسم
حصلت عرف يدخل سونه تريد تشوفه.
راضي:لوحدها تروح؟
سليمه:انه وياها .
_خلصت اليل دموعي تصب للصبح
حضرت سليمه كلشي طلعنا وابوي ويانا .
راضي:اضل انتضرجن لو شنو؟
سليمه:عليمن روح واحنه نكمل ونرجع
غير تجي انته بليل ؟
_يمشون ويسولفون الي يشوفنا يكول
عائله مترابطه قطع سالفته ابو وهو
يلتفت لمحابس سلم عليه واخذله
مشوار سوالف ويا .
سليمه:السافل ولا جنه مسوي شي.
_غير هذا قانونكم الي تحجين بي
سكتت اجه ابوي وصلنه للمركز
نزلن دموعي هيج صارت شوفتك حسرة.
سليمه:وين الرقم ؟الي اطاجيا الخال.
_طلعته وطلعت تلفوني
دكيت اول رنه جاوب .
!!نعم .
_بلعت ريكي وحجيت انه من
طرف الخال.
!!اها وين انتي؟
_من خوفي عفتها تحجي
وعبرت للصفحه الثانيه كل عقلي راح
يسجنوننه عبالي مدري اشافت ركضت وراي .
2
سليمه:كبر كبرج ولج وين موليه؟
2
_ها غير انتي شهكتي
عبالي صار شي.
سليمه:امشي بت التالف هذا
كرايب الباشا مدري صاحبه .
_عبرنه للولد الواكف غمضت اتذكر وين شايفته
اي هذا اليجي ويه الباشا وبيوم العركه مال محابس وسليمه هو موجود باوعت اله شو عنده رتبه شلون يكول حرس جرتني سليمه دخلنه بممر احس
اختنكت يمه صدك لو كالو سجن يخمت الروح .
!!انتضرو هنا بين ميجيبو الكم
سليمه:مشكور عيوني.
_ولا رد عليها وجنه مايشوفنه رفعت راسي اباوع
شفته من بعيد جابه الشرطي لازمه من ايده
نزلن دموعي بدون مانتبه ركضت حظنته .
جويسم:المن اجيتي شدخلج هنا.
_دفعني والتفت لسليمه يباوع
عليها بغضب.
سليمه:كبر فوك ماجيين انشوفك.
1
جويسم:مارايد شوفتج وليش جبتيها
شلون دخلتن اليوم ماكو مواجهه.
_صدمني بكلامه وانه عبالي تفرح بشوفتي ولك ليل نهار ابجي لان محد اجاك ضل بالي خاف ماعندك مصرف واكل .
جويسم:ابوج الكو. اد وينه؟
4
_كامت سليمه مبتعده من يمنا جريته كعدنه عله صفحه ولك بعين صلفه نوب ماقابل ياابو التسال
عنه ياام كول شوكت تخلص ايام حكمك وتطلع
ونشرد وين ماعنده الله كاع .
جويسم:سهله ماضل شي انه الهم.
_سولفتله عله ابو وهو يشيل
روحه ويدكها .
جويسم:لا طلعين ولا تشتغلين هيه كم شهر
واخلص محكوميتي اهم شي لا تخلين احد يعرف بالفلوس العندج .
7
_سكتت محتارة.
جويسم:ام اعطوب شو صفنتي ؟
_سولفت اله عله خالي وامي وهو تخبل
اجت سليمه تعض باايدها .
سليمه:منا الشرطه ابن الكلب
فضحتنا شكتيله ولج.
_جرني يشاورني.
جويسم:الباقيات ادفنينهن وديري
بالج تجين لهنا بعد .
_وانته شلون بيك منو
يجيبلك مصرف ؟
جويسم:معليج بيه واذا سليمه
اذتج روحي لمحابس.
_صاح علينا الشرطي انتهت المواجهه
انطيته مصرف والاكل بوسته وطلعنا.
سليمه:اذا كلتي بعد اريد اشوفه
اله اذبج ويا .
_طول الطريق دموعي تصب وصلنه لكينه ابوي بالبيت
ومدري شعجب هاي كم يوم ماكو سهرة ولا احد اجانا.
راضي:انه باجر ارجع لبغداد .
سليمه:اكلك شنو انه مربيه
حارس اخذ بنتك وياك .
_التفت عليه ورجع يباوع الها.
راضي:تحجين صدك وين اخذها ؟
سليمه:تطلع ويه مديحه وماينطن للنصافات ويحشمن بمحابس يفزعلهن راح يعمن عله
الولد يروح بداهيه.
_كام ابوي يريد يطكني
صارت هيه كباله.
راضي:وخري خليني اكسر رجليها
شوفي اذا عاندتج لو سوت شي
زيني راسها صفر.
_كمت للغرفه وهو يتهدد
خابرت مديحه.
مديحه:شنو الجديد قابل جان شيخ
وسليمه غيرته هذا لوني من خذوني.
8
_وانتي شوكت طلعين
امج من المستشفى؟
مديحه:غير يستقر السكر مالها .
_خوش دروحي باجر اخابرج نمت وبالي يم جويسم
صبحت ابوي ماموجود طلعت اريد احاجيها اندك
الباب عبالي ام دعدوش اجت تضربني ابرة ماحسيت
اله ام طيبه دفعتني شو هاي طبكت الباب والتفتت عليه جرتني من شعري تسحل اريد ادفعها مااكدر عله صوتنا اجت سليمه تركض.
سليمه:ولج دعوفيها .
ام طيبه:ادوس راسها وراس الخلفها.
_جرتني منها ودفعتها
وهيه تتهدد عليه.
ام طيبه:عيونج اشلعها ديري
بالج خاف ماتدرين سألي عني مرت
ابوج ادفنج واقرء عليج الفاتحه .
_والله لنعل ابوج لابو مرت ابوي دوكفي خل اصيح
ولد الشارع يسحلونج انتي وميلتج ركضت للباب تبعتني سليمه .
سليمه:وروح امي اخليها تضيع عليج ضوى الشمس ياسونه لاتشعلين النار خاف عبالج محابس شريف ويكفلج شفتي بعينج شلون دز
حربا علينا .
_جرتني ايدها عله حلكي دفعتني بالصاله وقفلت الباب
ركضت للمطبخ ماصار كدامي غير المس مال التمن شلت ورجعت هاده بي عله ام طيبه شوفي ام الزلم خاف عبالج اسكتلج لو تخوفيني بالباشا الي شابع بيج صارت بينا سليمه.
ام طيبه:حلمج يباوع الج
العبده ام الخيس.
9
_خايبه حلميش كون صدك رجال
هذا الج مثل شكلج زباله ولتميتو واحد عله الثاني جدر وغطاه.
1
ام طيبه:اذا هيج شعدج
تتمركصين كباله شو احتاريتي شلون تخلينه
يباوع الج ترى يضحك عليج خلص اليل هو يصنف عله شكلج.
_اكيد جا قابل مثلج انه اتذلل
لو مخلصه ليلي بحظنه
حته يرضى صدك هو يدري بيج
اميلت سليمه .
20
سليمه:ايا بت السافل ولج صدك
يرادلج دك شو تعاي .
_ركضت للمطبخ هدت عليه ضليت اهمش بالمس وام طيبه تريد تلوحني جرتها سليمه للصاله .
1
سليمه:كافي ترى مصختيها
هسه هيه سافله واريد اكسر رجليه
وراسها بس كتلج الف مرة ترى مالها غايه.
ام طيبه:ولجججج كلب الدنيا عليه
راسه والف سيف اله تصير السهرة يمج.
هيه خلت نفسها اباله سليمه لاتغشمين نفسج
وانتي شفتي الخال ماادنها وجابها يمشي بيها لحظنه .
سليمه:هذا الي محيرني شلون تصرف
الخال واحنه متفقين اله ومن وصلنه كيف من شافها
وسالني عليها وتاكد ماطالعه لغيرة والمصيبه نفذ طلبنا ولج نسيت اكلج .
ام طيبه:بعد شنو من
مصيبه سويتي؟
سليمه:غير من رحنه مواجهه
لكيت هذا الي يجي ويه الباشا
بالمركز ونوب رتبه .
ام طيبه:ماسالتي .
سليمه:ولا جنه يعرفنا معقوله
الباشا هم بالحكومه؟
4
ام طيبه:لا الباشا واخوانه تجار مال حديد وخشب وقطع غيار مال سيارات واعتقد عملهم ويه الخال
دوم اسمعه يحجي بالتلفون .
سليمه:اندري هسه تعاي حليلي
سالفه محابس .
ام طيبه:انطيها اله عليمن ماراضيه هو منو يكلبها موزين محابس يباوع الها.
2
_يحجن ويحللن وانه كاعده بالمطبخ سولفت الها عن محابس وضلن كل شويه يقترحن حل اخر شي طلعت ام طيبه بعد مابلغت سليمه انو عدهن سهرة .
سليمه:دروحي خل اشوف
اشلون ارتبها.
_خو تاخذه لبيتها هو غير مالها
المن جايباته يمي؟
سليمه:لازم اذكرج هذا مو
بيت ابوج وفضل مني ملفيتج .
_هزيت راسي ودخلت للغرفه
افكر بس تجي مديحه اروح اكعد عدهم لحد مايطلع
جويسم تعبت من البجي والنوح حايرة وين اطي وجهي
سليمه:وينج؟
_طلعت وكفت كبالها.
سليمه:عبري لام دعدوش ضربي ابرتج
وتعاي اخذيلج اكل وماي خاف يبقون للصبح
ماريد المح طولج .
_عفتها ورجعت للغرفه لليل واسمع صوتهن
ركص واغاني وصوت الباشا يضحك بصوت عالي
ادنيت للشباك وخرت طرف البرده اباوع للولد الي
شفنا بالمركز مبين هيلك ونسونجي ركزت عله
الباشا عينيه للشباك عكد حاجبه مبتسم ابتعدت
اريد اشوف يضل يباوع معقوله يشوفني
الضوى طافي مستحيل انشاف نضراته
مال واحد متاكد اكو من يباوع عليه
رجعت ادنيت للشباك مشغول باام طيبه
تسولف ويا صفنت اذا يحبها ليش مايزوجها
لو يروح يسهر بيتها فززني صوت ضحكته كام
طفه الديجي وجهه كلامه لسليمه مسمعني.
الباشا:ام الحب
شخبار بت رجلج؟
سليمه:ههههه يا باشا ترى رعنه
وماتقصد شي بس مدري شبيها
ذاك اليوم طنكرت علينا.
الباشا:اذا الطناكير هيج عمي
خل اطنكر يوميه خوش تركص
ماتصيحيها خلي نضحك عليها.
_يحجي وعينه للشباك كلامه اكدلي هو يشوفي ابتعدت وهيج اخلص ليلي بين انتضاري لطلعت اجويسم وجيات الباشا الي صارت بين يوم ويوم
نهت مكالمتها من ام طيبه كاعده وتهز برجلها بقلق.
سليمه:شلون اخلص منه؟
_ترى هيج متعبه روحج
لو ينط ويموت ماخلي يلمح طولي.
سليمه:مادام حطج اباله مايبطل ولو
ما ام طيبه وهو اعرفه مايدور الي بعمرج
جان كتلج فرصه ماتتعوض .
_اندك الباب اشرتلي كومي فتحي دخلن النصافات وبدون نقاش كامت سليمه جابتلهن افلوس.
سليمه:اي ندفع تستاهلن .
حربا:الظاهر سهرتج دسمه؟
_ كعدت يمي وحظنتي
استغربت تصرفها ردت عليهن.
1
سليمه:اكيد احنه مانشتغل
غير ناس دسمه .
_طلعن النصافات .
سليمه:يله المن التفت هذا الي حطني
بحلك النصافات لو الباشا .
_ماضل شي شهر ويطلع جويسم
وتخلصين من عدنا هزت ايدها
ماقابله .
سليمه:اليوم يجون اذا شفته مصر
ماعدنا غير حل تتقربين للولد
الي دخلنه لجويسم .
_كمت وانه احجي لا هذا
ولا ذاك ماخليتها تحجي
دخلت الغرفه اخذت صايتي
وجنطتي وطلعت قبل ماتسالني
جاوبتها رايحه يم مديحه عود من
تخلص سهرتج خابريني.
_عفتها وطلعت ضلت تغلط وتصيح ماجاوبت
ولا جني اسمعها امشي وامسح بدموعي دنكت
متهربه من شوفته مادرته يعرف بطلعتي
توني اريد اعبر الركن وانجريت .
محابس:وين موليه.
_اريد اخلص روحي منه يسحل بيه ولد المنطقه
دنكو .ولك هدني منا الولد يباوعون التفت
اشرلهم شو ذول كامو مطينه ضهرهم فزيت
من وصلنه للخرابه شيريد يسوي بيه رجليه
ضلن يرجفن .
محابس:كون تخافين مارحتي تتمركصين.
عبالج زوج ومشت عليه ذيج اليله؟
1
_هو يحجي
وانه اتلفت بخوف من الخرابه ضليت
ارفس بسرعه جتف اديه ورا ضهري
وسحبني عليه تخبلت احس شلون
ماتحرك اطخ بي ولك هدني شبيك
تخبلت وخر ماتستحي .
محابس:جا ماستحيتي
من ركصتي؟
_كل عقلك المن راكصه لو اركص
جا ماطلعت ادورلي مكان انام
بي لحد ما تخلص سهرتهن.
محابس:ليش هدت
عليج ام طيبه؟
_شكد نذل وانته متشمت بيه
شو دوخر كونك رجال ماجارني هنا؟
محابس:وين تردين اخذج حته
تعرفين انه رجال ؟.
_دنك عليه فزيت بخوف خله
ايده عله حلكي كاتم نفسي تفاجئت
بي شلون عضني احس اسنونه نبتن بجتنفي
ضليت ارفس روحي راحت نزلت دموعي
رفع راسه دفعته وبس هدني تفلت عليه صرخت من الراشدي الي اجاني .
1
محابس:افلش اسنونج ديري بالج
خاف عبالج احبج واسكت .
7
_هزيت راسي بمعنى اي درت
وجهي اريد امش الخرابه
ضلمه عثرت لزمني دفعته وخر لاتلزمني .
محابس:ليش مو اجيتج بطيب
مو كتلج اخلصي من سليمه مو ردت احميج منها
ترحين برجليج تتمركصين كبال الزلم ولجججج اعدمج.
_باوعت اله ههه مصدك نفسك ترى
اكثر بشر يعرفك انه ذره غيرة ماعندك
انته وابوي وسليمه نفس الشي اذا مااركص
منين تاخذ حصتك هز راسه وتقدم عليه
مالحكت اشرد لزمني .
محابس:تعاي ارد العب نفسج
من الزلم كلها انعل ابوج لابو سليمه ولج
انه اخذ من شكولجن لو انه هيج جا دخلت عليجن حالي حال الي سهرانين بفلوسهم واجيبج وين ماريد وتركصين كبالي واهينج .
_شبعني كفخ احس نفسي ضاك
ردت احرك كلبه رديت عليه مانركص بس للي يعجبنه
دك نقالي بسرعه سحب الجنطه مني طلعه ورفض المكالمه .
محابس:اها يعني من ركصتي
بالمزرعه عجبج واحد من الموجودين؟
_هزيت راسي بمعنى اي جرني عليه ماتوقعت يسوي هيج احس نفسي انكطع اطك بي ورفس وهو ولا
مهتم فاجئني تصرفه اول مرة بحياتي انباس
بهاي الطريقه دفعني ودار وجه تفل بالكاع .
محابس:تدرين ماستطعمت ولعبت نفسي
عبالي احس غير احساس وياج يمكن لان
غيري .
2
_اشرتله يسكت اتقرب راد يلزمني ركضت بكل
سرعتي عفت حته الجنطه والنقال طلع وهو
يصيح وراي .
محابس:اذا ماوكفتي
اليوم احرك شيب ابوج.
_مالتفتت عليه بوجهي لبيت مديحه دكيت
الباب حيل طلعت مخترعه بس شافتني
لطمت جرتني وهيه تتلفت بالشارع .
مديحه:ولج وين جنتي ام عطوب غير
سليمه هدت عليه .
_كعدت بطارمتهم احس جتفي اشتعل نار.
مديحه: احجي ولج شبيج ياهو يركض
وراج وين جنتي ؟
_اشرتلها عله ماي راحت جابت الي غسلت
وجهي وشربت كعدت كبالي منتضرة احجيلها.
مديحه:بس طمنيني خو ما.
_سولفت الها ودموعي تصب.
مديحه:دفوتي خلي اروح اجيب
جنطتج منه هاي سليمه كلبت عليج الشارع .
_طلعت وانه دخلت سلمت عله امها رغم حالتها التعبانه
واخر فترة صارت تفقد الذاكرة وتهلوس بس حسدت مديحه عليها اسمها ام كاعده بسدها احس نار اشتعلت
بكلبي ماراح انسه السوا بيه ولا اسامحه اجت ادردم.
مديحه:صخونه مال حصونه الكم ثنينكم هسه انتي عبده وطنكرين هو شماله.
4
_جريت منها الجنطه طلعت نقالي
خرب الحظ شكلها هسه شنو العذر.
مديحه:كليلها دكيت الباب عله مديحه محد
فتحلي عبالي بعدها بالشارع ومشيت ادورها .
_هم تكول ليش مارديتي عليه
من خابرتج؟
مديحه:يرادلها علم كليلها
ناسيته صامت .
_اول رنه فتحت خط عبالك حاطه
اصبعها بالتلفون كبل سالت
سليمه:وين انتي؟
_يم مديحه.
سليمه:هههههههههاي ولج يامديحه
غير نفشت شيب الخلفها والشارع كله
سووونه ويامن جنتي طالعه بيا زويه .
_كتلج يم مديحه اجيت مالكيتها عبالي بعدها بالشارع
ورحت ادورها رجعت لكيت بابهم مفتوح وعليمن دورين عليه قابل طلعت بدون علمج غير تدرين .
سليمه:الج خمس دقايق
الكاج كبالي.
_التفت عله مديحه غمضت عيونها.
رديت عليها تعاي عليه اخاف محابس لازم الي
الدرب طبكته بوجهي كمت وانه ادعي الله ياخذ روحي.
مديحه:ليش هيج كتيلها لو
باقيه يمي اليله؟
_واليله البعدها.
مديحه:لا انتي لايذه بسد محابس ولا طالبه
حمايه الباشا ترى مادام ابوج منطيها الصلاحيه
محد يكدر يدخل .
_حاميها حراميها محابس
وسليمه نفس السقوط.
مديحه:مااقبلج تقارنينه بيها .
12
_ليش شريف؟
مديحه:اشرف من ابوج وسليمه.
_هزيت راسي تمام درت وجهي وطلعت قبل لا اوصل الباب دخلت سليمه هاده لزمت مديحه من دشداشتها.
سليمه؛شوفي ولج اذا سمعت واصله لعتبت الباب
اخلي النصافات يدفنن امج وهيه عدله
ومامرخوصه تلفين سونه يمج .
_جريت سليمه وطلعنا امشي
وتلفت وكفت تباوعلي بشك.
سليمه:تحجين لو شنو؟
_ماكو شي مشيت قبلها دخلت هدوء شنو السالفه معقوله راحو شغلت الضوى مال الصاله وانصدم
بالباشا متوسط التخم ضليت متصنمه بمكاني
دخلت وراي سليمه التفتت عليها جرتني متوجهه
بيه للقنفه كعدت وكعدتني يمها.
سليمه:شوف باشا لان انته عزيز عليه انه
سكتت وتقبلت تدخلك بامور بيتي .
_هيه تحجي وهو عينه عليه تتفحصني
دنكت امسح بوجهي مدري ليش اجه ابالي
شفتي مورمه لزمت طرف شالي وامسح بوجهي.
سليمه:البيت بااسمي وهمه امهم طلكت من راضي
ومخليتها عندي لان احبها صح تمردت وشالعه كلبي
بس انته تعرف بكلبي الخايب .
_هز راسه مأيد كلامها .
سليمه:وادري سؤالك عنها لان كاسرة خاطرك
بس ماارضه تزعل ام طيبه وهيج تخلي بينا مشاكل وبالنسبه لسونه اصلا انخطبت .
_رفعت راسي اباوع عليها دارت
وجها مني وكملت كلامها.
سليمه:بس منتضرة ابوها يجي
ويعقودن تعرف بعدها قاصر .
الباشا:اي بيها الخير مبروك ام عطوب منوالي داعيه عليه امة محمد وراح يتورط بيج.
1
_درت وجهي منه خليت ايدي مستنده
بالقنفه اريد اكوم جرتني مكعدتني .
الباشا:ام الحب انته طيبه انه ليش احبج وماارتاح بسهرتي اله يمج ادري بقلبج نضيف دكومي جددي جمرات الناركيله خلينه اليوم نحتفل بخطوبة أم عطوب.
سليمه:مو تدلل .
_بس كامت هو تحول لقنفتي ردت ابعد. لزمني من ايدي ضاغطها دنكت رفع راسي بيده حجه وهو صاك عله سنونه .
1
الباشا:منو باسج؟
_فكيت عيوني بصدمه
هزيت راسي لا.
الباشا:ها خطيبج لو.
1
_دفعته وحجيت بصوت عالي اريد
سليمه تجي مشكور باشا مامحتاجه شي رحم الله والديك دنكت اريد اعض ايده دفعني وكام رجع لمكانه بسرعه ركضت للغرفه وقفلت الباب اسمعه ترخص
منها وطلع جتفي يوجعني اريد انزع اشوف اثر العضه
صاحت عليه .
سليمه: وينج ولج؟
_مالي حيل ولا خلك احجي اسمعج .
سليمه:تمشينها كدام الباشا
مخطوبه فهمتي.
_خوش خوش.
سليمه؛وهذا الغضب محابس
تشوفيلج صرفه ويا.
_معليه بي روحي انعلي والديه اتحمليني
بس هاي الايام مابقه شي ويطلع جويسم.
سليمه:طلعت روحج وروحه.
_ايام اثكل من الجبال عبالك متعانده وياي
تمشي عكس العد ترجع ماتتقدم بالنهار اشتغل
وانضف واطبخ لليل احضر كل شي يخص سهرتهن واحبس روحي بالغرفه محابس مللني يتصل بدون انقطاع غلقت نقالي ومديحه زعلانه من يوها ابوي يجي يوم ويغيب شهر كعدت بنشاط الدنيا ماسايعتني حته الم صفحتي نسيته نضفت وطبخت وانتضر جيته اليوم يطلع جويسم راح شباب المنطقه يتلكونه كل شويه اروح للباب اباوع .
سليمه:يعني انتي ثوله ولج اكيد نسمع هوستهم ماشفتي محضرين دفوفهم واكفين.
_هيه تحجي وانه طفرت اي اجو نزلت الدجه مال بابنا اباوع الولد يدكون وهو بنصهم ام دعدوش وصوله يردحن نزلن دموعي كون امي واكفه تتلكاه اباع اله عاف الكل وتوجه لمحأبس الي واكف عله صفحه شبكه يبوس بي حظنه محابس وطبطب عله ضهرة وصلو لبابنا ركضت عليه شبكته التفت عله الولد.
جويسم:يله دخلو .
محابس:لا غداهم يمي فوت
انته شوف اهلك .
_راحو وانه جريته للبيت دخل عيونه
بيها الف حسرة كامت سليمه تلكته .
سليمه:حمد الله على سلامتك
تنذكر ماتنعاد.
_رد عليها برود ودخل لغرفتنا تبعته كوم
محضرتلك الحمام ذب ملابس .
جويسم:سبحت بحمام السوك.
_كعدت يمه خوس جا خل اصبلك
شلون طبخت .
جويسم:ابوي وين.
_بغداد ويه حملي صارلهم فترة.
جويسم:قفلي الباب وتعاي طلعي
الصندوك.
_صخونه كون ولك جاي مشتاقلي
لو همك الفلوس.
جويسم:كومي بسرعه خليني
اوديهن للولد.
_صفنت ليش هنه مو الك؟
جويسم:اي .
_جا ليش تريد توديهن المن؟
جويسم:اشكد تسالين كومي مادام ملتهين
يم محابس الولد منتضرني بالكراج .
_لطمت ولك هم رديت للكراج عبالك هل مرة اسكت عنك لا والله هسه اخابر ابوي يربطك بالشباك .
جويسم:خل يربط روحه كومي لا تشلعين كلبي وحضري ملابسج بس ارتب الوضع اجي عليج .
_غميت روحي خاب امداني عله هل الحظ تحجي صدك تكعدني بالكراج وهم تجي الحكومه تكرفكم
وانه وياكم المن طلعت لو ضال مسجون عاد اجذب عله روحي والناس واكول اتاني حته نشرد منا.
جويسم:محد ياجر النا انه عمري زغير وانتي قاصر
ولج غير صار شهر اخطط تالي الولد كالو نفرغلك الكراج ومحد يوصل منا ابقه بي انته واختك.
_كمت جريت الميز ونزلت الجنطه مال البطانيه طلعت الفلوس شمرتهن عليه وطلعت لكيت سليمه كاعده ومبين من نضراتها سمعت كلامنا رحت غسلت وجهي وصبيت اله اكل حطيت الصينيه يمه وطلعت اصب الها صاحت عليه.
سليمه:لاتصبين انه طالع روحي
تغدي ويه اخوج.
_طلعت تتحسر كسرت خاطري مدري انقهر عليها لو عله روحي كعدت يمه اباوع اله مو نفسه متغير بكلشي صاير نسخه من محابس وسويكه كمل وكام غسل .
جويسم:نعتبر نفسنا ماعدنه اهل حالنه
حال ولد الجده ،،نحمي روحنا بروحنا.
_ولشوكت ؟نضل بالكراج.
جويسم:لحد ما ايصير الي ابالي هيه بس ترهم
مرة وحده كون تجي عدله بعد مانلتفت للصعده
نطير لغير محافظه.
_ومنو يكول ابوي يقبل؟
جويسم:غير كون يوصل حته
ادفنه بالكراج.
_شوكت نروح؟
جويسم:خل اروح اشوفهم واجيج.
_طلع وعافني بحيرتي خابرت سليمه
ردت عليه بخوف طمتنها وحجيت الها
عن جويسم.
سليمه:لا اكلج اي ولا اعترض العليه انصحج
اخوج مشوارة كصير بلغو ابوكم والله وياكم .
_سدته بدون ماتنطيني مجال ارد عليها
خفت اخابر ابوي ويمنعنا ضليت محتارة
تاخر الوقت هيه مااجت لنص اليل
واجه جويسم تلكيته .
جويسم:شني شو محد؟
_شتكول لو نخابر امي؟
جويسم:هاي جيتي منها خلص احسبيها
ماتت ،،تردين تمشين وياي لو لا .
_كمت لميت الي احتاجه اجت عيني عله الجداحه ضميتها بملابس امي القديمه وطلعت لكيته كاعد
شافني كام طلعنا وعيوني تمطر قهر امشي واتلفت
محابس بالركن تفاجئت من صاح علينا وكف جويسم
تقدم ناحيتنا يحجي ويا .
محابس:خليك فطن ولا تنسى
هل مرة مو وحدك.
_هز راسه جويسم ولزم ايدي مشينا مافهمت شي
دخلنه الكراج ضلمه وسكراب تارس المكان وصل للداخل شغل ضوى اباوع فراش بسيط وهيتر
جويسم:اكو حمام ومطبخ .
_اخذتلي فرة طباخ ارضي وعليه
جدورة ثنين،، ميز حديد مزنجر مخلين عليه مسواك وترمز مال ماي ،،سطل مال روبه بي شكر واحد ثاني بي جاي وبطل زيت، رجعت عليه لكيته متمدد وجكارته بيده كعدت محتارة الي سوينا صح لو راح يجرنا للتهلكه تعبت من التفكير نمت وثاني يوم حاولت
اتصرف اعتيادي هو طلع وانه سويت اكل خذتلي نضرة بنقالي محد داك عليه يعني ابوي ماصدك يخلص من عدنا ويوم يجر يوم جويسم يجي بس ساعه النوم ويطلع اساله يابه وين تروح .
3
جويسم:ترى اشتغل .
_وشتشتغل ولك شو لا
مدهن ولا مطين؟
جويسم:لا طين يجيب بيت ولا الدهن.
1
_خلصها وياي حزورات بالي يم ابوي
خابرت سليمه اسالها عنه .
سليمه:مااجه .
_هو عرف بينا لو لا ؟زين قابل بطلعتنا.
سليمه:اي كتله وهو يكول
خليهم يجربون الشارع.
_سديته منها وانه كاطعه الامل بي وباامي
مديحه ابد ما ردت عليه رغم شكد راسلتها
وجويسم محابس متصاحبين وهيه زعلانه كل شويه اباوع بالنقال اشوف الوقت لحد ماسمعت طكت الباب يله تنفست دخل يلهث شبيك راكضه وراك جلاب .
جويسم:ولج وخري خل ادفي رجليه
متت بويه مو برد تكص كص .
_شمر القمصله وتقرب للهيتر
ردت اشيلها جرها مني.
جويسم:خليها اريد اطلع.
9
_وين مولي؟ بيش الساعه؟ انته تدري ب٢
ياشغل الي بهذا الوقت ؟كافي خلص كلبي
من الخوف لا ادري ويامن ولا اعرف شي
ولا تقبل تطيني رقمك؟ عاد اخابرك طمني .
جويسم:احسن ماتعرفين رقمي
حته اذا الزم مايلكون رقمج .
_طكيته وكمت لفراشي خذله ساعه ولبس قمصلته
درت وجهي بزعل ضحك وهو يدنك عليه جرني من شعري كمت اتشاقه ويا يطكني واطكه.
جويسم:ام اعطوب يلوك تتزعل .
_بوسني وطلع .
جويسم:نامي اتاخر لا يضل بالج.
_اخذت علاجي رديت لفراشي لفلفت روحي وكلبي يلوب انوب صوت الجلاب تعوي خفت مدري ليش انعصرت روحي كلش اتشأم من عويهن غفيت
وطيف مر بسرعه اسمع صوت الناس بس ماشوفهم
اركز وين انه ضلمه ماكو احد وهو كبالي واكف بنفس قمصلته اشرتله تعال دنك فزيت مرعوبه التفتت يمه
همزين حلم دخيلك ربي كمت وانه احجي بيش الساعه
شنو ليل نهار شلون الوشه باذني معقوله بعدني حلمانه
لو الباب مال الكراج جاي يندك طلعت من الغرف
يا صاير نهار مشيت واسمع هوسه اي يمكن النجارين
اكيد السوك كاعد اريد ارجع لمكاني والتفت فازه الباب اندك ركضت عليه بعدني ماواصله اندفع ودخلت الشرطه اباوع ولد المنطقه كلهم اجت سليمه تركض
ادافعت وياهم ودخلت كل هذا وانه عبالي حلم
سليمه:صخام الصخم وجه امج .
_جرتني تمشي بيه لداخل دنكت عله صايتي وحجابي لبستني شبيه هيج مبنجه اباوع عليها تمشي وتفتش شالت فراش جويسم لكت فلوس بسرعه ضمتهن جوى ابطها وشالت جنطتي ونقالي ولزمتني من ايدي تمشي بيه مثل الي يصحه ويرجع يفقد ماجاي اجمع بين والواقع والحلم
سليمه:عيني روحج لا يكرفونج ولج مصيبه.
_شنو صاير مابيه امشي .
سليمه:انتجي عليه كتلهم مريضه
لا يشكون بيج تحششين لزموهم ولج .
_وين؟ شني هم جويسم وياهم؟
دارت وجها لشرطي ويمه واحد مبين رتبه وكفنا كلها الجنطه انطتها اله فتشها سالني.
!!شيصير منج ؟جاسم راضي .
_اخوي .!!شعدكم هنا؟؛
_نشتغل حراس.!!اخذها للسيارة.
سليمه:عله بختك سيدي دشوفها ترى هيه مريضه واسال المنطقه .
_تحجي وتاشر اله بحركه مجنونه رجليه ماتن الخوف شل حركتي والساني ضليت ساكته.
!!لازم ياخذون اقوالها .
_جرني الشرطي طلعت اباوع الدنيا مكلوبه ام دعدوش وصوله ومديحه قِصٌصٌ مَآيِّ هِوِبَِّس ونوشه وطشه كلهن واكفات عله صفحه ويبجن عبالي كبسوهن التفتت شرطه مطوقين الساحه الي كبال الكراج ومخلين شريط اصفر الكل عيونهم عليه اي رحت بيها كالت امي يكرفونج وياصاح الضابط . !!تحرك يله شكو واكفين .
_بسرعه تفرقو توني احط رجلي بالبيكب وصوت الاسعاف دخلت الشارع التفتت عليهم انسحبو الشرطه من المكان الي محدد بشريط اصفر ركزت دم تارس الكاع انخمش كلبي
درت وجهي عله الشرطي الي لازمني عاف ايدي عباله انه اصعد رجعت خطوه اباوع للمكان شفت وحده من رجليه طالعه اي هذا حذائه .
53
ضحايا التفكك الاسري والزواج الغير متكافئ امهات مجرمات قاتلات ابنائهن بأدات ارتباطهن برجال ليس لهم دين ولا مبدء ولا غيرة يعرفنهم حق المعرفه من هم وما عملهم والجريمه الاكبر هو قبول الامر ويمارسن حياتهن مع هأؤلاء وينجبن اطفال من هكذا اشخاص ليقعو ضحايا اعمال محرمه .
شكرا لزيارتكم عالم روايات سكيرهوم
