رواية عشك أل فراس الفصل السابع عشر بقلم زينب نور
محمد : ضليت على تواصل ويَ غفران بين فترة وفترة ماخليت لا سيد ولا شيخ ولا خير ما دزيته لابوها حتى يوافق لكن مافاد شي
محمد:والله العظيم مليت من ابوج اخذج واشرد شسوي يعني مابقى عندي غير حل
غفران :شبيدي اني مدكلي أصلًا حتى ميحجي النا من نسئل منو يكول خطار فقط ولا يجي يسئلني ولا شي
محمد : ادري يعني بس العسكري يموت البقية ماخذين خفارة
غفران :محمد مابيدي شي ابوي اذا كال كلمة انتهت بعد
محمد :يعنيي شفتهم من كلامجج
غفران : شلون مفهمت محمد اني مبيدي شي
محمد : ابوج يحب ينسحل
غفران :دير بالك اسوي هيج
محمد:يعني اضل ماكل خرا انا
غفران :شبيديي يعنيي شسووي اروح اكُله انطيني اني موافقة شلون يعني كتلك حتى مادري بشي
محمد :باجر راح يجيكم سيد واذا طلع وهو زعلان مخلي بخت جده ويَ ابوج لان صدك تعبت منة
غفران : الله كريم
ثاني العصر رحنا استقبلنا هو ولده بدا السيد يحجي ويا
ابو احمد : انا بنتي ما اريد انطيها اول شي صغيرة ثاني شي ابنكم ضابط ويداوم بالمحافظات الغربية واحنه نعرف خطرة وبيها داعش وممكن بساعة يموت مامستعد اخلي بنتي تصير ارملة على صغرها
السيد:انت سئلت البنية
ابو احمد :مايحتاج شكول انا تنفذ
السيد:بس هذا الشي مايجوز والولد رايدها ليش توكف بنصيبها
أبو احمد:الف وحدها غيرها ليش الا بنتي
السيد:لا توكف بنصيبها
ابو احمد : بنتي ما انطيها وجيتكم على العين والراس لكن طلبكم مرفوض
ابو شاهين :يقدم استقالة ويشتغل بالمعرض بعيد عن العسكرية
ابو احمد :يضل اسمة مربوط بالعسكرية اعذروني بنتي ما انطيها
السيد: هاي هي براحتك يلا احنه نتوكل
طلعت اول واحد رجعت للبيت اجه وراي ابوي وجدي
ابو شاهين :هاي هيَ بعد ما خلينا شي ما سوينا
محمد : هاي هيَ شنوو البنيه الييي والكافل انهبها بليلة سودة
ابو شاهين :لااا تتخبل محمد اكعد وانجب ماخلينا شي ما سوينا شنسوي بعد
الجد:فترة وارجعلة وداعت عيونك وان شاء الله خير بس لا تتهور وتخلي نفسك والبنية بمشكلة
سكتت وضليت على تواصل وياها لحد ما كشفتها اختها
غفران :اختي عرفت اتواصل وياك وهاي حبيبت بابا فـ كُلش خايفه منها
محمد:معقولة تحجي
غفران :كُلشي تسوي
كان عمرها 15 سنة اختها حجيت وياها وفهمتها انُ متحجي وافقت
غفران:بعد انتظرني اني اراسلك خاف يلزمني احد غيرها
محمد : ماشي الله يصبرني وما انعل شيب ابوج
اجه خبر استشهاد الشيخ والكسرة الكسرتنا كلنا من الجبير لصغير
غفران:الله يصبركم
محمد:أمين
غفران:اريد اكُلك شي اعرف مو وقت هذا الحجي
محمد:شكو احجي
غفران:صديق بابا ابنه تقدملي وموافق هو
محمد:شنو شنو وحك عزيز الزهره ابوج انخله نخل
غفران:اذا صار شي اني مبيدي شي ابوي ماكدرلة لخاطري لا تأذي احد من عائلتي
محمد:شتحجيننن انتِ شنووو يصير شي كل عقلججج
ورا اربعين فهد كالت راح يجون اليوم نزلت لابوي لكيته ماموجود
محمد:وين ابوي
ايمن :يم جدي
طلعت من البيت حتى حافي دخلت لديوان لكيتهم كلهم موجودين
ابو شاهين :خيرك بوية
محمد :طلب
الجد: كول
محمد :ترجعون تخطبون
ابو شاهين :مخبلل ولك انت شنييي
محمد:اخر مره روح احجي ويا اخر محاولة والله
ابو شاهين :روح ارجع نام ابن عمك بعده ترأبة اخضر وتعال اخطب شبيكك ولك
ابو فهد:مانخطب نحجي ويا شوف حال ابنك شلون صاير خل نروح شنخسر
ابو شاهين :وفهددد
ابو فهد :فهد راح لرحمة الله
محمد:بوية امشي عليك رسول الله بس هالمره
اقتنع ابوي وراحوا بس هالمره من الباب رجعهم
ابو شاهين :والله العظيم اذا فكيت حلكك اموتك موت تالي عمرنا ننطرد وننهان من ورا هذا
غفران :ما وافقت وراحوا
محمد:الله كريم باجر التحق انا
غفران:الله وياك دير بالك على نفسك
ثاني يوم بـ4 الفجر التحقت للرمادي من وصلت اتصلت على غفران ما جاوبت دزيت رسائل ما جاوبت طلعت لواجب بليل ثاني يوم العصر يلا رجعنا
اتصلت التيلفون مغلق ! التحاقي هاي المره يطول ضليت افتر والف فكرة اجت براسي وين راحت ماتغلق تيلفونها وماتتأخر هيج بالرد شصار يالله
تأخرت حيل وبالي انشغل بس تصيرلي فرصة اتصل ونفس الشي مغلق
ورا أسبوع رجعت اتصلت التيلفون يدك بس ماجاوب والرسائل تشوفهن ما تجاوب دزتلي رسالة وحدها مكتوب بيها
غفران : لا تراسل ولا تتصل هاي الايام ماشي يروحي .
انصدمت من رسالتها بس اخذت كلامها وضليت انتضر لحد ما انتهى واجبي واجه وقت النزول الطريق كله انا بالي يمها شصار وليش هيج فجاة اختفت ! معقولة ابوها كشفها
وصلت للبيت محد بيَ بدلت ورحت لبيت جدي كعدت يمهم حسيت اكو شي من فتحت موضوعها كلهم سكتوا هنا كلبي وجعني كلبي حسني اكو شي
لحد ما كالت امي
ام شاهين :يمه غفران تزوجت
محمد :تزوجت ؟
ابو شاهين :مو قسمتك بوية
محمد : ليش ما خابرتوني ليش ما وكفتوا بوجهم
علي:بصفتنا منو حتى نكدر نوكف بوجهم
محمد :ليش ما خابرتوا ليش
ابو شاهين :شراح تكدر تسوي
محمد:احرك خيرهم انتم كلكم تعرفون شكد احبها شلون بهل السهولة راحت من ايدي
الجد:قسمة ونصيب
محمد:هههه قسمة ونصيب خوش اليوم اريد اخلي القسمة والنصيب يلعبن بصدر ابوها النذل
ابو شاهين :اكضب مجانك وانجب كتلك مو قسمتك
طلعت من يمهم نار اشتغلت بصدري شسوي راحت من ايدي خلص انتهت طلعت تيلفوني بدون تفكير اتصلت طلعلي ولد
محمد:منو حضرتك
_صديقي انتَ متصل على رقمي
محمد:رقمك؟
_اي رقمي
محمد:اعتذر اخي غلطان بالرقم
_لا عادي
سديت الخط شمرت التيلفون فلشتة بالحايط حتى الرقم غيرتهه حتى الرقم شكو شي كدامي فلشتهه
ايمن:شبيكك تخبلت
محمد:ايييي تخبلت تخبلتتت تخبلتتت من خذتتت واحد غيررريي تخبلتتت من صار هو زوجها مو انا هو راح يصير ابو جهالها مو انا هو يضحكها ويغازلها هو هو مو انا الله ينتقم من ابوها الحرمني منها شنووو ذنبييي شنووو ذنبيييي حتى ما اخذها
شاهين : محمد
محمد :خرراا بمحمد الله ياخذ محمد الله ياخذني ويخلصني
شاهين :كافي اهداء الدنيا قسمة ونصيب والبنية مو قسمتك مايصير اسوي هيج البنية على ذمة رجال ثاني كافي اكعد لا تتخبل
محمد : مابيه حظ لو بيه حظ چا ما خليتها تروح من ايدي چا جبتها من حلك السبع
شاهين :لا تحجي هيج هاي قسمتك
محمد:قسمة الكشرة
من ذاك اليوم تغيرت تمامًا صار كل وقتي بالدوام حتى ويَ اهلي ما اكعد قليل ولضرورة
مرة جنت كاعد برا مكاني المعتاد كل مره اكعد بيَ ويمي صهُيب وجسار وعلي وادم واسد كُل واحد لازم تيلفونة وكاعد
انفتح بابهم رفعت عيني طلعت هيَ اجت عيني بعينها طلع وياها واحد لزم ايدها عرفتة زوجها وراها ابوها طلع يضحك وياهم ،واحد لزم ايد الثاني وراحوا ضلت عيني وراهم
محمد :لا كدرت اخذها بالحلال ولا لزمت إيدها بالحرام ...
باوعت على ابوها وكتله بصوت عالي
محمد :بذمتكك وعلي ما ابريك الذمة الله يحرمك من رحمة الله مثل ما حرمتني منها
باوع عليه ودخل جوا
علي:شبيك ومرض كافي
محمد:انجب انتَ مالي خلك
ادم:ميخالف تهون
محمد:شتهون مدكلي غير اخذت حيلي
محمد :اكلك علي
علي:ومرض شتريد
محمد :شبيك وسم عايز مرض انا
علي:شتريد شكد تلغي
محمد : هيج بعدين اكلك
على نفس الكعدة اجتنا بنية تركض وتصرخ
_دخيلة عدكم
اجوا وراها ثنين ولد ومراة يركضون
_خويه دخيلة عدكم فدوة والحرمة بشارب الخير
ولد _تعالييي ولج
صهُيب:ارجع واحجي عدل لا تهوبز
المراة :بنتيي هاي
صهُيب:چا شسويلج علي اخذها لجوا
...
ريم : كاعدين بالصالة سمعنا علي صاح
علي:يمةة
ام فهد:ها يمه
علي:ضيف
ام فهد :كُل الهلا بالضيف
دخل هو ويا بنية
ام فهد :هلا بيج يمه كل الهلا
البنية كانت تبچي حيل وجها ابين مضروب وكصتها بيها دم
الجدة:تعالي بيبي هنا اكعدي يمي
كانت بس تبچي حتى متحجي شي شوية ودخلت مراة وراها
المراة :السلام عليكم
ردينا السلام كالت
المراة :يلا كوثر كومي
لزمت ايد بيبي وكالت
كوثر:فدوة لا تخلينهم ياخذوني والله يموتوني
الجدة:لا تخافين يبعد روحي محد ياخذج لا تبچين
خزرتها وطلعت كُل هذا منعرف شنو الموضوع لحد ما البنية هدأت
الجدة: شني سالفتج يمه
كوثر: اني مزوجة صارلي ثلاثة اشهر وعايشة ويَ عيالي واحبهم ويحبوني فجاة وبدون سبب ابوي قرر يطلكني ليش وشنو السبب محد يعرف واني ما اريد اطلك اخذوني كوه من بيت زوجي لان كانوا مموجودين وضربوني ضرب مصاير وشردت منهم لكيت شباب كاعدين برا كتلهم دخيلة عدكم
غزل: معقولة بدون سبب
كوثر:والله ماكو سبب أصلًا يمنا ابوي جان وتغده يمنا فجاة انقلب
غزل:خاف شاف شي ضوجه
كوثر:لا والله بس هو وحده هيج
ازل:خاف يريد الغايب
كوثر:يكلهم انطيكم الغايب والحاضر بس طلكوا
عسل:هذا متنازل عن كلشي لازم اكو شي
كوثر: اني ما اريد اطلك يكولي اروح للقاضي واذببحج كدامة اذب عليج سالفة سودة
الجده:هذا ابوج مسودن موش عاقل
ازل:يا بيبي
الجده: چا مجذبه شني الناس ادور الستر وتستر على بنياتها وتتمنى الستر والعافية وهذا يروح يدور فضايح دهر
كوثر: مادري شسوي
الجده:همَ عيالج ياهم
كوثر: بيت حسن
الجده :يا انتِ بنيت رحيم المسودن هذا من زمان مسودن هو واخو وابو هم كبل
ازل:بيبي مو هيج
البنية ضحكت ضلت يمنا وناس هواي اجت بعدين كالوا اجوا عيالها وزوجها يريدها برا
سلمت وراحت
ريم :شنو من اب هذا
صهُيب:كواد غير
ابو فهد :السانك بنات منا
صهُيب:شحجيت هسه انا كلت شي
ابو فهد :لا ابد فقير انتَ
الجد : انا فايت انام كلش تعبان
الجده :اسم الله شني منين تعبان
الجد :كاعد من الصبح وافتريت هواي هل التعبت
راح جدو لغرفتة شوية وراحت ورا بيبي وبعدين عمي وعمتي
صهُيب: الاسود يلوك
ريم:شنو؟
صهُيب: الاسود يلوك عليه اتغزل بنفسي انتَ شعليج
طلعت ادردم فد مغرور هذا الشخص مال واحد يلزمة ويخنكهه خنك مرت ايامنا محمد صار ميكعد ويانة قليل اغلب الوقت بالدوام
وامير لو يقرا بغرفتة لو نايم يعني مو مثل قبل يضحك ويحشش وياسر وايمن ومهند كذلك
يوم الجمعة نجتمع يم جدو بيومها كعدت متأخرة فـ بعدين رحت وراهم اكو باب بينا وبين بيت جدي ادخل من عنده
من دخلت سمعت صوت شخص يخابر من صوتة عرفتة صهُيب
صهُيب:اي ..والسيد ... خليها الجمعة الجاية هسه ماعندي وكت ما فارغ ... ايي شتريد يعني لا تلح
ما اهتميت دخلت لجوا وراي بشوية دخل هو
رسُل:ريم
ريم:ها
رسُل:صايره حلوة
ريم:ادري
رسُل:كبر
ريم:من زمان حلوة اني
رسُل:شهل الثقة الخايسة هاي
ريم:رسُل انجبي احسن
غزل:هاي قمر الجلبه ليش ما اجت
عسل:ادكول عمام مجتمعين اني شكو مخلية نفسي بنصكم
غزل:جلبه
ضلينا يمهم لليل صح نلتم بس مو مثل قبل امير وياسر وايمن ومهند فوك محمد مموجود البقية الاغلب كُل شخص يطلع عذر ويطلعون وردة متجي لا هي ولا خواتها لان كُلش تعبانة يعني شكد منحاول صعبة
....................
قمر:من كالوا فهد استشهد انصدمنا ! يعني محد مخلي هذا الشي براسة ابدا اهله يكسرون الخاطر حيل تعبوا
شي مو سهل ابنهم واخوهم الچبير وهمَ متعلقين ومتعودين ومعتمدين عليَ بكُلشي عمامة وابو وجده واخوانا وحتى العشيرة كلها موتة كان صدمة محد متوقعها
وردة اشوفها شلون تعبانة اليل متنامة وهي تبچي عليَ وامه اللي من توفى لليوم ماشفت دمعتها نشفت ابددد
وغير المشاكل اللي تجيهم حياة متعبة
لكن بهاي الفترة صرت قريبة على علي كنت اريد بس القرب منه من اجه وكلي سويلي مجال شفت شكلة تعبان حسيت بداية حب
او ما اعرف يمكن فقط أعجاب بشخصيتة ما اعرف ضليت متناقضة بين اعجاب وبين حب لكن تعرفت عليَّ وعلى طبعة
اكتشفت انُ هو شخص مو غرور بالعكس بعيد كُل البعد عن هذا الشي شخص بسيط لكن تعبان والضروف هي أللي حكمت عليَ انُ يكون هيج بهاي القسوة الشخص من يشوفة اول مرة يكول عصبي مغرور شكو شي محلو يكول عنة
لكن من عاشرتة اكتشفت غير شي واهم شي من اجي اتناقش ويا على فد موضوع عنده شي اسمه لغة الحوار يعني الشخص يكدر يتفاهم ويا اذا ما كان الموضوع يخص الماضي او حساس بالنسبة اله
صرت احجي ويا كُل يوم رحت وحجيت لرياهم
رياهم :صارلج شكد يعني
قمر:من زمان
رياهم :شوفي كلبي الشخص اذا يريد يعرف نفسة يحب او لا خلال اربع اشهر اذا ضل نفس الشعور ويزيد يوم عن يوم هذا حب اما فترة معينة وبديتي تملين او يعني شلون مالج خلك او متهتمين هذا مجرد أعجاب وانتهى
قمر:بس اني صارلي اكثر من اربع اشهر
رياهم :لعد صيري سبعة وخلي جوا جناحج
قمر:شلون احسة صعب ومو من النوع اللي يركض ورا النسوان
رياهم :بذكائج شوفي ترا هذا ضابط وشايف وعايف ويعرف كُلشي من هسة صيري ذكية وسبعة واكسبي الج واذا ادكولين شلون فـ ياعمري انَ كيدهن عظيم فـ انجبي واستخدمي كيدج
قمر:بس اني معندي كيد
رياهم:الفهاوةةة يربي راح تجلطني ضلي بدون كيد وخلي يطير من ايدج تاخذه سَحر لو وحدها من امثالها
قمر:لااا رياهم اني اريد المساعدة منج
رياهم :انتِ تحجين ويا
قمر:اي
رياهم:وجعي قيسي النبض
قمر:شلون
رياهم : والله ما اكلج خلي عقلج المحجر شوية يشتغل
عافتني وراحت خلتني اصفن ما اعرف وين اروح زين شسوي منين اجيب الكيد
ورا صادف عدهم ثواب فـ رحنا اني وماما ورياهم الهم كانت ملاية وخلصت وراحت كالت بيبي
الجده:ماترحون عشاكم يمنا
حاولنا وياهم أبدًا مقبلوا ضلينا يمهم وصادف يمهم بيت خالهم ابو فؤاد هم الكُل كان موجود الا علي عيوني كانت على ألباب أنتظرة شوكت يجي
ويَ الأذان دخل عبارة عن بركان كان بيده اوراق اول ما دخل صاح بعصبية
علي:ويننن ابوووي
غزل:بغرفتهه
وكف بنص الصالة الكل كان موجود وصاح
علي:اللي اسمكك ابوووي عوف صلاتك لان ما تنقبل
ابو فهد:شبيك ولك شهل الحجي هذا
علي:شهل الحجي واكف تصلي تعرف الله انت تعرف الحق تعرف الحرام والحلال تخاف الله
الجد:علي احجي عدددلل
علي:ليش ما ادكول لابنك يمشي عدل وياي ابنك اللي اسمة ابوي ولازم احترمة واقدرة ليش ماادكله امشي عدل
الجد:شمسوي ما تحجييي
علي:ههه شوف انا تعبت على روحي كل هاي السنين فـ ما اسمحلك لا انت ولا امثالك يبوكون شبر من تعبي انتَ ليش ما اتوب عن هذا النذل
الجدة: شنييي ولك تنطي السالفة من ذيلها احجي خل افتهم
علي: ابنج حرامي بس ما يبوك من الغريب يبوك من ابنة
الكُل كان ساكت يستمع من كال حرامي ابو رفع ايدة راد يضربة لزم ايدة
علي:الايد الي تنمد عليه قبل وتنباس هسه اكسرها
الجد:شباك منك
علي: عندي بيوت وعندي معرض بأسمي ذني من تعبي محد اله فضل عليه بس الوالد الضاهر يحب الماضي ويحب افتح دفاتر قديمة واكعد اكلب بيهن ورقة ورقة وكل ورقة من هذا الدفتر مكتوب بيها الف شغلة وشغلة جاي يريد يسحب المعرض بأوراق مزورة على اساس انا موافق على يسجلهن بأسم الشفية
ابو فهد:شجاي تحجي انت شتمسلت
علي: تمسلت صار وذني شنو والكاميرات شوف ترا وداعتك ما يخفى عليه شي
الجد :علي كلامك مايتصدك
علي:اي حقك لان انا هم ما مصدك بس الاثبات بيدي
التفت على فؤاد كان موجود
علي: ولا شدكول استاذ فؤاد
محجه شي دنك وسكت
علي: اجيتتت وتوسلت وارجع بوية وارجع بوية وتعبت ورجعت ودست على كرامتي وعزة نفسي وكلت ميخالف اهلي وابوي ونسى وسبحانن المايغلط وصرت متناسي الماضي وقررت انسى واتجهه لمستقبلي حتى اكون نفسي ويصير عندي بيت وعائلة واخذ البنية العاشكها من سنين انصدم ابوي يبوك بيه زين هسه شسويلك اعاتبك ميفيد ارجع لبغداد لو اهج خارج العراق هم ماراح يفيد شسوي فهمني زين بررر نفسك طلع نفسك حطلك عذر
ابو فهد:انا ما بكت شي منك انا ردت أمن مستقبلك
صاح بعصبية وصوت عالي وبنفس الوقت صوت شخص مهضوم
علي:كااافي رحمة للعباسسس كافييي تضحك على منو عليه لو على نفسكك تأمن بيد منو بيد چتالي بيد الرادلي الموت بيد الطلع عليه سالفة انا اهددد وانا عاشكلي وحدها واريدها ومهددد اخوها بيد فؤاد تريد تأمن عليه شايفني طفللل ليش تخليني اكرهككك ليش تخلينييي احسد الناس على آبائهم بصغري خليتني بحسرة كلمة البابا كافي والحسن تعبت تعبتتت منك تعبتتت شتريددد بالضبط
اسد:لحظة ياسالفة منهن
علي: الكعدة الصارت الاخ فؤاد مرتب السالفة
ابو فؤاد:اذا فؤاد مثل ماتحجي حضرتك ليش ما حاسبتة
علي:من اريد أحاسب شخص أحاسبه بطريقتي الخاصة
الجد:شني ردك على ابنك يمحمد
ابو فهد :كتلك انا ما بايك ولا انا حرامي انا اريد أمن مستقبلك لا اكثر انتَ حياتك وفلوسك مخلصهن على هذا وذاك
علي:هذا وذاك منو وانتَ كلت فلوسك واعرف شلون أمن مستقبلي وهذا ذاك مو عبث
ام فهد :منو هذا وذاك
ابو فهد:ابنج ياهو يشوفة بالشارع محتاج ساعدة متبرع لهذا ومتبرع لهذا وفلوسه طشار
علي:واذا الله منطيني خير يغطي عين شمس ويعيشني بعد الف سنة ليش حتى ما اساعد وافرحلي كم طفل بعدهم مشايفين شي بهاي الدنيا لا تحط هاي حجتك كول اكرهك كول ما اتمنالك الخير كول بعدني اشوف فؤاد احسن منك اقتنع بس لا تحط الناس بنص
ام فهد: سد الموضوع كافي
علي: الفلوس الخذتهن مبري الذمة والبيت الماخذة بالتزوير عوفة الك
ابو فهد :ما ماخذ شي لا تهوبز زايد
علي: ماشي ما ماخذ شي
طلع من البيت طلعوا ورا اخوانا
الجد: شني السمعتة يمحمد ما توقعت منك هيج
ابو فهد :اكو اب يبوك ابنة
الجدة :اسئل روحك
ابو فهد :انا ما بايك منه شي اخذت اي
ابو شاهين :اخذت بدون علمة
ابو فهد : ابني مايعرف يتصرف
ابو اسيد:ابنك يعرف يتصرف بس تفكيرة يختلف عن تفكيرك لهيج مالك حق تدخل بيَ وهو كلك تعبت على نفسي كل هاي السنين وعنده املاك خاصة بيَ ليش تروح تأذي كوه
سكت محجه شي احنه ترخصنا وطلعنا الموضوع منفتح بيتنا ابد ولا احد جابله طاري
ضلت براسي كلمة البنية العاشكها من السنين ضليت افكر بيها منو هاي
رياهم :شبيج
قمر: البنية العاشكها من سنين
رياهم:ركزتي على هاي
قمر:اي عفت كُلشي وركزت على هاي الكلمة
رياهم : مادري يمكن انتِ
قمر:هو وين شايفني وين يعرفني حتى من سنين احنه صارلنا سنتين من رجعنا
رياهم:مادري شكلج بعد زين هو ميلمح بشي
قمر:ميحجي عن نفسة ولا عن حياتة الخاصة بينا فقط السلام وكلام هيج نقاش عام اني حتى عمرة ورتبتة وشنو صنفة مااعرف كُل اللي اعرفة اسمة وانُ هو ضابط
رياهم: خليني افكرر
ورا يومين ماما وبابا وليث وغيث وغياث راحوا لزيارة ومهيمن التحق ومهيب كذلك كان بالدوام كال ارجع بليل ضلينا بس اني ورياهم دزلي رسالة
علي:تعاي للبستان الورا بيتكم
رحت لرياهم كتلها
رياهم:روحي مدام محد موجود شوفي شيريد
قمر:تعالي وياي
رياهم:انجبي ولي يلا امشي لا تخافين
لبست عباية فوك ملابسي ورحت لكيتة واكف اكو شط فـ واكف عليَ وضهره عليه كان لابس عسكري اول ما دخلت التفت عليه كان يشرب جكاير
تقدم عليه بخطوات ثكيلة ابتسم وكال
علي: شلونج
قمر:تمام وانتَ
علي:بخير
قمر: طلبتني
محجه شي ضل يباوع عليه على وجهه ابتسامة خفيفة
قمر : محتاج شي
علي:لا
قمر:لعد
علي:حبيت اشوفج قبل لا التحق
قمر:ليش راح تلتحق
علي:اي
قمر:للموصل؟
علي:لا لناصرية
قمر:الحمدلله
علي: قمر
قمر:ها
علي:تحبيني ؟
صفنت بوجهه ماعرفت شجاوب شمر الجكارة وسحك عليها برجلة
علي:جاوبي
قمر :شجاوب
علي: ماعندج جواب لسؤالي
هزيت راسي بـ لا تنهد وكال
علي:براحتج لا تجاوبين
عدل عبايتي وابتسم
علي:تلوكلج
قمر: شوكت تنزل
علي: بعد عشر ايام
قمر:ترجع بالسلامة
علي: من اراسلج جاوبي لا تغلسين والموضوع الصار بيني وبين ابوي
قمر:اني معليه بيه
علي: ههه لا مو هيج انتِ عليج طبعًا
قمر:ليش
علي:املاكج
صفنت بيَ مفتهمت شي الشمس كانت عاكسة على عيونه فـ يخبل
علي:يلا خل نروح وديري بالج على نفسج
قمر:انتَ روح اني اريد اضل شوية بالبستان واروح
علي:وحدج ؟
قمر:اي
علي:ماتخافين
قمر:لا ليش اكو شي هنا
علي:لا بس عبالي تخافين
لبس نضارتهه وسلم وراح ضليت اباوع عليَ واني مبتسمة البستان يجننن رحت افتر بيَ واني اضحك للهواء
وراها رجعت للبيت لكيت رياهم كاعدة بالحديقة
رياهم :صخام بعينج وكع كلبي اجيت اجي وراج
قمر: لجججج احبجججج
رياهم :اسم الله شبيج ولج
ضحكت وحجيتلها كُلشي بالتفصيلل
رياهم :امداانييي والحُسين يحبج
قمر:شلون
رياهم :ابسط شي من املاكج بس خبيث يريد انتِ تبادرين مو هو
قمر:لججج يخبللل
رياهم :عوفي الجمال وجع حتى وجع الرجال ميعيبة غير اخلاقة
قمر:هو ملك الاخلاق
رياهم : هاي رحتي يمه شوية رجعتي هيج
قمر:مدري مشاعري صار بيها عوق
ضربت رجلييي وصحتتت
قمر: كاامل والكامل الله
رياهم:والحُسين اطيح حظج
ضليت اسبوع اني اوزع ابتسامات انام متأخرة واكعد من وكت شابعة نوم واضحك للحايط
رياهم:راح تفضحينا
قمر:اوك سكتتت
......................
علي: ورا فترة من الزمن اكتشفت ابوي يريد يسحب المعرض مني محد كان يدري فقط راهب والشيخ الله يرحمة
علي:انتَ حاجي شي
راهب:لا أصلًا ناسي الموضوع
علي:راح اتخبل من ورا هذا الزلمة عبالك عدوة مو ابنه
راهب:زين انتَ شلون عرفت
علي:وصلتني الاوراق تحتاج توقيع واحد جاي يشتري
راهب: يشتري المعرض
علي:يامعرض هو هالكد سهل يشتري بيت والمعرض ماخذ فلوس مبلغ قيمتها 30 مليون
راهب : وانتَ شلون تخلي الفلوس هيج
علي: وانا شمدريني هيج يصير
راهب:بأسم منو ساحب ومسجل
علي:البيت بأسم فؤاد والفلوس بأسمة بس الخرا جاي ويا
راهب: ابوك شبي
علي: شاخط چا شبي
اخذت الاوراق وطلعت اريد بس اوصل
راهب:لا تتهور ولا تصرف بعصبية
علي: احاول
تركتة ورجعت للبيت كان الكُل موجود حجيت ويا مثل العادة يحط حجه لا يم الله ولا يم ابنادم من طلعت طلعوا وراي
جاسر: انتَ شدراك هو
علي:شني شدراني رحمة لربك غير اوراق وكاميرات عندي
صهُيب:هو شعرفة
علي:اكيد مراقبني مو هذا القاهرني القهرني انُ فؤاد بعده ويا بعد كل الصار
محمد:وانت ليش ضام علينا شني تخاف من العين
علي:اي اخاف من عينك التلسع تلسع
محمد: لا بطلت كمت ما احسد
علي:محمد انجب ترا مالي خلك
جسار:بس صدك ليش ضام علينا
علي: اول وتالي تعرفون بس ردت ارتب وضعي اول شي
وراها بشوية طلعوا بيت ابو مهيب راحوا كلهم بقى يمي ابو مهيب
ابو مهيب : ميخالف عمي يبقى ابوك
علي: الله كريم
ابو مهيب:اعرف الماضي بس يمكن صح كلامة راد يأمن مستقبلك بس ما عرف شلون
علي:عمي يأمن مستقبلي بيد فؤاد صدك تحجون يريد يسجل املاكي بأسم فؤاد
ابو مهيب: ميخالف على كيفك يبقى ابوك ماكو اب يكره ضنا
شويه وراح وانا دخلت للبيت محد كان موجود صعدت لغرفتي اتصل عليه راهب
علي:ها ابو الجود
راهب:شسويت
علي:ماسويت شي
راهب:اعرفك اكثر من نفسي ماحجيت ولا عصبت
علي:لا بلا هاي اكيد بس عادي
راهب: وياهو عرف
علي:كلهم
راهب:الله يطيح حظك
علي:وحظك عزيز روحي
من ذاك اليوم قمر بعد ما راسلت أبدًا وحتى ما اجت مدري شصار بيه ايامي احسها ناقصة دزيتلها رسالة قبل لا التحق بساعتين
ضليت انتظرها شافت الرسالة. ما جاوبت ضليت انتظر نص ساعه يلا اجت
ردت منها اشارة وحدها او تلميح بسيط حتى ابادر من كالت لا حسيت شي انطفى بيه بس مابينت هالشي سلمت عليها وطلعت لكيت راهب واكفلي على الشارع
راهب:تأخرت
علي:صارت عندي شغلة
راهب:شبيك شو ضايج
ابتسمت رغم حاولت ما ابين شي بس عرفني
علي:بعدين احجيلك يلا خل نتوكل
توجهنا لناصرية والطريق كلها افكر بيها
راهب:شو ماحجيت
علي:مابيه شي صدك
راهب:مو عليه هاي سوالفك عزيز روحك انا
علي:هههه وصلت حدها اجيت اصارحها بس وكفني شي
راهب:اللي هو
علي: كلت قبل لا احجي خل اقيس النبض اخيك شسوا راد يشغل عقلة بس انا بهاي السوالف مو شاطر كتلها تحبيني هزت راسها بـ لا
راهب: جذابة
علي:شني جذابة
راهب:الايام تثبت جذابة ما دام كالت لا وانتَ من نرجع حرك نفسك كبل لا اطير من ايدك لو انا انهي عليها
علي:حتى انهي حياتك
وصلنا للمكان وبدينا بالواجب ثاني يوم واكف بالسيطرة اجت سيارة
علي:منين جاي
السايق : من بغداد
باوعت على بنية رافعة التيلفون أشرتلها تنزل التيلفون ترفعلي حاجبها صحت عليها
علي:نزلييي التيلفوننن
بنية :ماجاي اصور
علي: طفي التصوير احسن
السايق :نزلي التيلفون سمسم واحذفي التصوير
علي: اوراق السيارة
السايق:نعتذر على الصار بس ماتدري
علي:عادي توكلوا الله وياكم
راهب:شبيك عطت على البنية خليها تصورك
علي:ومجلس تحقيق مرتب يلوك لوجهي مو
راهب:الحياة تجارب
علي:هيج تجربة ما اريدها وياهو انا النبي يوسف حتى تصور بيه
راهب:غير معجبة بحضرتك
علي:راهب سد حلكك لا يشكل بينا ثنينا مجلس تحقيق
راهب:هههه شريك السنين بعد
السايق :السلام عليكم
راهب .علي: وعليكم السلام
علي:منين جاي
السايق: من النجف
باوعت على السيارة كلها شباب
علي:جناسيكم عيني
كلهم انطوا الا اللي كاعدين بالاخير درتلهم من الباب
علي:الجناسي يابه
_انطيتك
علي: حبيبي الجنسية جيبها احسن ما انزلكم كلكم
_ما شايلين
علي:من البداية وكول هيج اطبك عيني شلون تطلعون بدون جناسي
السايق :ولدنا ذول ويانه خل نتوكل لهلنا واحنه هنا بيوتنا قريبة على السيطرة
علي: شعليه انا جيبلي الجناسي مالتهم وروح الله وياك
نزلتهم ثلاثه همَ واحد منهم ابين من ذول اللي يخافون من كلشي
_ ولج يمه تعاالي ليه انا شورطني واجيت ويَ ذول ولج يمه
صديقة طلع راسة من الجامة وصاح
_روح اشبع مسموطةة
علي: نزلوا هذا وياهم
سايق:لالا العباس عليك خلص سكت والله سكت
شوية ونزلوا كلهم خابروا واحد عسكري حتى يتوسط مافاد راحوا السايق ويا واحد جابوا الجناسي
علي:هسه توكلوا
راهب: والله تشلع الكلب
علي:محافظة كاملة بركبتنا شتحجي انتَ
ضليت عشر ايام ورجعت للبيت اول مادخلت صار بوجهي ابوي
ابو فهد :الله يساعدك
علي:هلا
دخلت لجوا ما احجي ويا سلمت عليهم وصعدت لغرفتي اجت وراي عسل
عسل: علي
علي:عيني
عسل:اريد احجي وياك
علي:شكوو
عسل: بدون عصبية
علي:غير افتهم شكو
عسل:البارحة بليل اجت سَحر بنت خالي يمي
علي:اي
عسل: طلعت محادثات بينك وبينها
علي: بيني وبينها
فتحت تيلفونها طلعت محادثات وصور وانواع واشكال والتواريخ قديمة
علي: دزيهن
عسل: انتَ لو لا
علي:طبعًا لا
عسل:زين منو البنية اللي تعشكها من سنين على حسب كلامك
صفنت بيها هاي انا شمخربط
علي: بعدين تعرفين
عسل: اسيل؟
علي: لا يابه مو من بنات عمي ابد
عسل: ماشي
علي:شلونج ويَ شاهين
عسل:زينه
علي: يعني زين وياج لو اكو شي
عسل:لا والله كُلش حباب
علي:الحمدلله
راحت هي دخلت اسبح وطلعت نمت كعدت بليل راسي مسطور سطر نزلت اريد علاج
انتبهت على ادم يخابر بالحديقة بس شافني سد التيلفون
علي: ماكملت
ادم: صار ساعة اسولف كافي
علي:اها كافي لو اسرار
ادم:هههه ماعندي اسرار
طلع هو بدلت ملابسي وطلعت افتر اريد اشرد من ابوي انتبهت لسيارة أدم واكفة بفرع رجعت الها تأكدت اي ادم هذا طبكت سيارتي بعيد عنه بس اشوفه شوية وطلع من بيت يضحك وبيدة مدري شنو مادري اكو شي دفعني انزل اشوف صاحب البيت طلع هوَ وانا نزلت دكيت الباب انفتح....
شكرا لزيارتكم عالم روايات سكيرهوم
