رواية للحب فرصة اخيرة الفصل السابع عشر
بالنسبة الناس اللى قالتلى انتى هتفصلى الشخصيات واحنا كدة هنتوه منك لو سمحتم اسمعوا وجهة نظرى وبعدة كدة احكموا عيلة الشاذلى عيلة كبيرة ولو استمرت ف الرواية هنكروتها ودة ظلم كبير..علشان كدة هيبقى ليهم رواية بعنوان ضحايا عشق مجهول دى هتبقى جزء تانى للرواية واللى هيشوف الرواية لازم يقرا الاول للحب فرصة اخيرة يبقا هتوهه منى ازاى؟!
وانا مش بحب اكروت بصراحة علشان لسة الشخصيات محتاجة احداث والرواية دى مضغوطة بعدد حلقات معين علشان الدراسة وهى فضلها عشر حلقات وهخلصها باذن الله والحلقات دى هتبقى مخصصة لعيلة ماهر بس
اسف لو كنت طولت عليكم نبدا بسم الله الرحمن الرحيم
ف اوضة ماهر وضحى
ضحى:صحتك عاملة ايه دلوقت؟!
ماهر:الحمد لله بخير بس لسة حاسس بصداع بيفرتك دماغى
ضحى:ثوانى طيب هجيبلك الدواء من الدرج علشان خاطر تاخدو ع فكرة انت دايما بتنسى تاخد الدوا معرفش ليه؟!
ماهر:دماغى فيها ميت حاجة ع اى اساس هفتكر الدوا؟! علشان خاطرى ياضحى سيبينى ف اللى انا فيه
ضحى:وايه اللى انت فيه مشكلة ف الشغل؟!
ماهر:يعنى تقدرى تقولى كدة
ضحى:طب متقولى يمكن اساعدك؟!
ماهر:انتى عايزة تفتحى كلام معايا؟!
ضحى بتوتر:انا؟! لا خالص مش عايزة..ايدة صحيح هو انا ليه بتكلم معاك منزل تحت احسن؟!
ماهر:مش كدة بردو ولا ايه؟!
ضحى:ايوة فعلا انا هنزل بس متنساش تاخد الدوا
جت تمشى بس هو مسك ايدها وقال:ضحى بلاش تحسى بالذنب بسبب اللى عملتيه معايا واحنا ف النادى انا اللى كنت قاصد اخدك ع هناك علشان كل اللى جواكى يطلع وانا محاولتش ادافع عن نفسى علشان كل ضربة ختها منك كنت استاهلها.وحاجة كمان من بكرة هاخدك ع النادى علشان تمارسى الرياضة دى باستمرار ولو قدرتى تخشى ف بطولة هتلاقينى ف ضهرك ومش هسيبك
ضحى:هو انت فاكر ان بكلامك دة هتخلينى اضعف واقول ماهر ندم وبقا بيعاملنى كويس وهيكون ف ضهرى ع طول بلاش تعقدى الموضوع وسامحيه علشان تبتدوا حياه جديدة مع بعض مفيهاش لا جرح ولا ذل ولا خيانة
ماهر:لا كلامى اللى بقوله ليكى دلوقت مفيهوش الغرض اللى لسانك نطقه دة..وانا متغيرتش ماهر اللى قدامك دلوقت هو ماهر اللى عرفتيه من خمس سنين
ضحى:انت عايز تفهمنى انك حبيتنى من اول لحظة شوفتنى فيها
ماهر:دى الحقيقة
ضحى:ادينى بس مبرر واحد للى عملته معايا زمان
ماهر بحزن:معنديش مبرر للاسف
ضحى بعياط:يبقى مفيش بينا كلام يتقال ياماهر..لو عايز فعلا تبتدى صفحة جديدة معايا يبقى لازم تنهى القديم بكل جوارحه..والدتك قالتلى انك ندمت دة مش كفاية؟! لا مش كفايا انا محتاجة مبرر يخلينى اضغط ع نفسى واحاول معاها علشان تسامحك بس مش لاقية.صدقنى ياماهر فى حاجات كتير اهم من الحب تعرف ايه؟! الثقة والاحترام اللى من غيرهم اى علاقة بتتهدم..وانت ولا احترمتنى ولا وثقت فيا انت ظلمتنى زى م الكل ظلمنى..لما يكون عندك كلام جديد تقوله ابقا تعالى كلمنى وانا هسمعك
ف الصالة
هيام:حمد لله بسلامة يافوقية..يعلم ربنا القصر كان وحش اد ايه وانتى مش موجودة
فوقية:تسلمى من كل شر ياست هيام
فؤاد:ماهر هيفرح اوى لما هيشوفك
فوقية:ربنا يصلح حاله..هو عامل ايه مع الست ضحى؟!
هيام:حالهم لسة زى مهو....انا مش عارفة اعمل معاهم ايه علشان حالهم يتصلح؟!
فوقية:بقولك ايه ياست هيام انا فى حاجة كدة ف دماغى لو عملناها انا واثقة ان الحب اللى كان بينهم هيرجع تانى
فؤاد:طيب قولى وطالما الحاجة دى فيها الصالح لماهر وضحى احنا اكيد معاكى
فوقية:لازم نقول لضحى حقيقة اللى حصل وان ماهر مخنهاش زى مهى فاكرة..انا عارفة ان ماهر محرج علينا منفتحش سيرة الموضوع دة بس صدقينى لازم يتفتح علشان دى العقبة الوحيدة اللى ف طريقهم
هيام:عايزانا نقول ايه بس دة ماهر ممكن يطلع فينا زى البركان لا قولى حاجة سهلة نقدر نعملها
فؤاد:على فكرة انا مش فاهم حاجة؟!
هيام:عجبك كدة يافوقية انتى شكلك عايزة تولعى البيت
فوقية:البيت مولع لوحده ياست هيام واللى احنا هنقوله دة هيطفى النار اللى ف البيت ونار قلوبهم اللى وجعها محدش يستحمله
فؤاد:ممكن حد يفهمنى ع طول وبلاش تتكلموا بطريقة الفوازير دى؟!
فوقية:لما ست ضحى جت البيت وطلبت من ماهر انه يتجوزها هو مرضيش علشان غصبت عليه وضربته واهانته قدامها واى راجل ف وضع ماهر مكنش هيستحمل دة جى واشتكالى وقالى انه هيحارب قلبه لو حبها عند فيك حاولت افهمه بهدوء بس عقله كان رافض اى كلام..ولما اتجوزها حارب قلبه اللى وقع ف حبها واضطر انه يتجوز دعاء اللى فعلا حكايتها حكاية..ماهر اتعرف ع دعاء ف ظروف صعبة هى ابوها كان متوفى وامها كانت تعبانة اشفق عليها ولقا نفسه بيقول ان دعاء مسؤليتى ومش ههرب منها ولما اتجوز دعاء كان غصب عنه؟!
فؤاد:وضحى كلامك يافوقيه يعنى ايه غصب عنه؟!
فوقية:يعنى دعاء امها اتوفت ومكنش ليها حد يقف جمبها غير ماهر واترجته كتير علشان ميسيبهاش لان لو دة حصل مصيرها هيكون ف الشارع..ومتنساش بردو انه كان واعدها بالجواز وواهم نفسه انه بيحبها ولما جت
ضحى فوقت ماهر وقالتله لا فوق انت بتحبنى انا مش دعاء..اتجوزها وخب ع ضحى الموضوع دة علشان ميخسرهاش علشان اتعود عليها وع وجودها معاه..خناقاته مع دعاء زادت علشان موضوع الخلفة وهو مكنش بيستحمل وبيجرى ف حضن ضحى دايما..ولما طلقها كان عارف ان روحه فيها بس غيرته وعصبيته خليته اعمى وظلمها..هو كان واخد دعاء شفقة مش حب ولازم ضحى تعرف دة
فؤاد:فوقية هى بتحبك لازم تفهميها دة باسلوبك انتى واكيد هتفهم وتقدر موقف ماهر
فوفية:هحاول ياسى فؤاد
ف شركة ماهر
سامى:عن جد اشتقتلك كتير يازلميه
ماهر:اقعد ياسامى الشركة نورت تشرب ايه؟!
سامى:ولا اى شى بس اجيت لحتى اخبرك انى بدى ياك ف شيغل كتير منيح
ماهر:شغل ايه؟!
سامى:فى عرض ازياء راح يتم هون بمصر شو رايك تشارك بتصاميمك ما تنسى ان راح يعيد عليك بنسبة كتير كبيرة راح تفوق 40 بالمية دة ف حالة الربح..بس نصيحة ادهل ها العرض بتصاميم حلوة تشد الحاضرين اللى راح يكونوا مستويات لا يستهان فيهن بنوب
ماهر:بس انت عارف انى مش محتاج اشارك ف عرض الازياء. انا الحمد لله داخل ف مشاريع واخدة وقتى كله فى بينزس مان جاى من دبى و ناوى يفتح محلات كبيرة خاصة بملابس المحجبات وحاليا شغال ع التصاميم ومحتاج اخد رايك فيهم
سامى:تكرم عينك..بس خلى ف بالك ها العرض لانه راح يديك فرص ذهبية بمجال الازياء ما بتيجى بسهولة
ماهر:حاضر ولو وصلت لقرار هبلغك
ف اوضة ضحى
ترن ترن
ضحى:الو
المتصل:حضرتك والدة الطفل حمزة ماهر فؤاد
ضحى بقلق:ايوة انا...حمزة ماله؟!
ف الشركة
ضحى رنت ع ماهر اللى استغرب مش عوايد ضحى انها ترن عليه واول م رد سمع عياطها
ماهر بقلق:فى ايه ياضحى؟!
ضحى بعياط:الحقنى ياماهر فى مدرسة ضربت حمزة ومديته ع رجله قدام زمايلاه وهو دلوقت عمال يصوت ويصرخ ومفيش حد معاه وانا خايفة عليه..انا خت تاكسى اهو ورايحة عايزة اوصل المدرسة الاقيك هناك
ماهر قفل معاها و خد مفاتيحه وجرى ف الشركة وهو متعصب وببتوعد للمدرسة بتاعة حمزة اللى اتجرأت وضربته
ف مكتب المديرة
حمزة دخل واترمى ف حضن ضحى وهو بيعيط
ضحى:ممكن اعرف فين المدرسة دى اللى متعرفش حاجة عن التدريس؟!
المديرة:جاية حالا وهتتجازى ع اللى عملته بس اتكلمى مع حمزة شوفيه عمل معاها ايه اكيد غلط
ضحى اتعصبت وكانت هترد عليها بس اللى منعها دخول ماهر زى الريح اللى ناوية تهد كل اللى يقابلها ف لحظة
المديرة اترعبت من شكله وقامت بخوف وقالت:اهلا ماهر بيه اتفضل ارتاح عقبال مطلبلك حاجة تشربها
ماهر بزعيق وهو بيرمى الكتب من ع المكتب:مش عايز اشرب حاجة فين المدرسة اللى مدت حمزة؟! صدقونى اللى حصل دة مش هيعدى ع خير..وبسبب العملة دى المدرسة دى هتتقفل وانتى هتقعدى ف البيت علشان سمحتى لواحدة متعرفش حاجة عن التدريس انها تدرس ل اطفال محتاجين يتعملوا بلين علشان يحبوا التعليم
الباب خبط وكانت نيفين
المديرة:اتفضلى يانيفين
نيفين دخلت وكانت مرعوبة من شكل ماهر اللى شكله مش بيوحى لخير ابدا
ماهر:انتى اللى مديتى حمزة ع رجليه؟!
نيفين بلعت ريقها بصعوبة ومعرفتش تتكلم بسبب خوفها
ماهر بزعيق:ردى؟!
ضحى:ماهر لو سمحت اهدا خليها تعرف تتكلم
ماهر:ممكن ملكيش دعوة خلينى اعرف اخد حق ابنى من غير اى تدخا منك
نيفين:استاذ ماهر صدقنى مكنتش عارفة انه ابن حضرتك والا مكنتش عملت كدة ابدا
ماهر:حتى لو كان ولد عادى ازاى يااستاذة تمدى طفل ع رجليه قصاد زمايله كان فين قلبك وانتى بتعملى كدة؟! دى اهانة وكسرة نفس تعرفى بسببك حمزة هيفضل فاكر الحدث دة طول عمره ومش هيقدر ينساه..بسببك خلقتى لطفل عقدة هتعب علشان اخرجها منه...هو عملك ايه؟!
نيغين:رد عليا ب اسلوب وحش قدام زمايله كان لازم اعمل كدة علشان يخافوا وميعملوش اللى هو اتجرا وعمله
حمزة بعياط:كدابة يابابا انا معملتش كدة
نيفين: كمان كداب..وبعدين اكيد لازم تطلع دى تربيته امه مين يعنى؟! ضحى اللى الكل عرفها من السوشيل ميديا..اللى فضحيتها كانت ع كل لسان انا لما شوفتها استغربت ازاى بكل بجاحة تمشى ف الشارع ولا كأنها عملت حاجة تجيب العار لاى ست وتخليها تفضل الانتحار ع انها تختلط ب الناس فاكرة علشان جوزك واحد واصل وقدر ياخدلك حقك بالباطل كدة الناس هتنسى اللى شافته؟! لا انتى غلطانة الناس هتفضل فاكراكى وفاكرة الوضع الزبالة اللى كنتى فيه...انتى واحدة وس
مكملتش جملتها بسبب صفعة ماهر ليها وصدمة ضحى اللى قامت وخدت حمزة ف حضنها وهى بتعيط ومستغربة كلام نيفين هى ليه قالت كدة؟! هتستفاد ايه؟! معقولة بتكرها.. بس ليه؟!
ماهر بزعيق:كلمة زيادة واخلى منظرك زبالة قدام المدرسة كلها...انتى واحدة تستاهل الموت
وشد شعرها وقال:بس انا مستعد اعمل كدة فعلا
وشد شعرها وناوى فعلا انه يجرها ويذلها قدام الناس وهى بتصرخ وتترجاه انه يسيبها ضحى جريت علشان تلحقها من بين ايديه
ضحى بعياط:لا ياماهر بلاش علشان خاطرى سيبها...خلينا نروح وكفايا لحد كدة...حمزة عمال يعيط بسبب اللى سمعه منها
ماهر رماها ع الارض وقال بزعيق:البت دى تتفصل من المدرسة والا
المديرة:من غير والا دى ياماهر بيه احنا تحت امرك
ماهر تف عليها وقال:واحدة زبالة والله العظيم هندمك ع كل حرف قولتيه
ضحى بعياط شدت دراعه وقالت:كفايا علشان خاطر حمزة بالله عليك يلا
ماهر شال حمزة وحضنه وخرجوا من المدرسة
نيفين مسحت دموعها وهى مبحلقة عنيها ع الحيطة وبصت للمديرة بصة خليتها تخاف وترجع لورا
نيفين:انا مش هسكت ياحضرة المديرة..هخليها تبكى دم صدقينى..انا هقدر ع دة
المديرة بخوف:طبعا يانيفين انتى تقدرى ع دة
ف قصر فؤاد
ف الصالة
هيام بعياط:ياحبيبى ياحمزة...فوقية طلعيه فوق دة نام
فوقية:حاضر ياست هيام
ضحى بوجع:انا تعبانة هطلع ارتاح فوق
طلعت فوق وماهر بيبصلها مش قادر عينه تنزل من عليها
هيام:هى مالها يبنى؟!
ماهر:ولا حاجة ياماما.. انا طالع
ف اوضة ضحى
ضحى قاعد ع السرير وعمالة تشد ع القماشة جامد ومانعها عنيها من الدموع
ماهر اول مدخل قعد وراها وحط ايده ع وسطها وشدها ليه وحضنها بدراعه هى مسكت دراعه وشدت عليه
ماهر:عيطى ياضحى
ضحى فضلت تعيط بصوتها كله وهو مجروح حس انه السبب ف كل حاجة بيحصلها...عينه دمعت وخدها ف حضنه اكتر يمكن ترتاح واول م هديت خدت بالها من الوضع اللى هما فيه...
