رواية للحب فرصة اخيرة الفصل الثامن عشر
ضحى مسحت دموعها وحاولت تبعد عن ماهر هو حس انها عايزة تبعد فبعد ايده عنها ومرداش يحرجها فقرر يخرج من الاوضة من غير كلام
ضحى:ماهر
ماهر بصلها وقال:نعم
ضحى:ممكن لاب توب؟! عاوزة اشوف فى حاجة؟!
ماهر:بلاش ياضحى علشان مش هتلاقى حاجة
ضحى:وانت عارف ايه اللى ف دماغى؟!
ماهر:الفيديو اختفى من ع مواقع التواصل الاجتماعى بعد م ثبت براءتك وانك مش انتى اللى فى الفيديو
ضحى:اومال هى عرفت منين؟!
ماهر:كلامها دة تحطيه تحت جزمتك مش واحدة تافهة زى دى تاثر فيكى..انتى اشرف واطهر واحدة ف الدنيا والكل عارف دة ومحدش يقدر ينكره
ضحى بعياط:كلامها وجعنى حسيت بعجزى انى مش قادرة ارد ع كلامها
ماهر قرب منها ومسح دموعها وقال:سلامتك من الوجع انتى مش عاجزة وقادرة توجهى العالم دة لوحدك من غير مساعدة حد...واى حد يوجهلك تهمة معملتهاش اقفى قصاده وخدى حقك منه طالما الحقيقة معاكى
ضحى:انا عايزة اسافر بعيد عن الناس دى
ماهر:الهروب دة بيعمله الشخص الجبان وانتى مش جبانة
ضحى:مش انت السبب؟!
ماهر:افتكرى الوحش والحلو مع بعض ياضحى وحطيهم ف ميزان وشوفيه انى كفة اللى هتغلب التانية
ضحى:انت ايه اللى عملته حلو علشان افتكره؟!
ماهر:اقعدى مع نفسك وافتكرى سنتين اللى عيشتيهم معايا مكنش فيهم اى حاجة حلوة تشفعلى..صدقينى انتى ظلمانى ياريتك تعرفى انك الوحيدة اللى خطفتى قلبى وان مشاعرى وروحى كانوا معاكى انتى مش معاها
ضحى:عايزة اصدقك بس مش عارفة
ماهر باس كف ايدها وقال:ادينى قلبك وروحك ورجعيهم ليا من تانى وصدقينى هحافظ عليهم اكتر من روحى
ضحى بعدت ايدها وقالت:عارف اكتر حاجة بتوجع الست ايه؟! انك تروح لقلبك ومشاعرك لواحدة غيرها وانت بتقول معملتش كدة بس لمست غيرى وكل متخيلك ف حضنها بحس بنار جوايا انت مش هتحسها غير لما تتخيلنى ف حضن راجل غيرك تقدر تقولى وضعك ايه؟! هتسامحنى؟! لا مش كدة؟! دة انت مش هيكفيك قتلى
ماهر حاول يكتم عصبيته وغيرته جواة ويكلمها بهدوء
ماهر:وضع الست غير وضع الراجل ف المواقف اللى زى؟! الست تقدر تسامح جوزها لكن الراجل لا بتبقى صعبة عليه بيحس بوجع عشر اضعاف وجع الست دة ممكن جنونة يوصله لقتلها بدم بارد من غير ميحس بذرة ندم جواه
طق طق
ماهر:انا هروح افتح
فتح الباب وكانت فوقية
ماهر:عايزة ايه؟!
فوقية:عايزة سلامتك من كل شر..بس حمزة ف اوضته طلب يشوفك خشله وسيبنى اقعد مع ضحى شوية
ماهر:حاضر
ماهر خرج من الاوضة وساب فوقية مع ضحى
ضحى:اقعدى يادادة واقفة ليه؟!
فوقية قعدت وقالت:انا عايزة اقولك كلمتين محشورين ف زورى ومش قادرة اكتم جوايا اكتر من كدة..انا هقولك اللى اعرفه يمكن تحسى بحب ماهر ليكى
ضحى:فى ايه يادادة؟!
فوقية:بصى افتحى الدولاب هتلاقى البوم صور وكتاب صغير هاتيهم وبعد كدة تعالى اقعدى جمبى
ضحى:حاضر
ضحى فتحت الدولاب وجبتهم فعلا وقعدت جمب فوقية وكلها فضول تعرف ايه اللى عايزة فوقية تقولوا؟!
فوقية:دة كتاب فى مذاكرات لماهر بعد مطلقك عايزاكى تقريه وانا مش موجودة بس هقولك اهم الحاجات اللى فيه؟! ماهر لما طلقك بقا بيجيله كوابيس بيشوف نفسه انه بيموت بحالات مختلفة يعنى الكوابيس دى بتكرر معاه كل يوم وساعات كان بيشوفك زعلانة منه ومش عاوزة تكلميه وانك بتشاركى ف موته كان مخنوق ويفضل يعيط ف حضنى لما يفتكر اللحظات اللى خانك فيها...خد حمزة وخلة دعاء تربيه وشهادة لله هى كانت بتعامله كأنها امه بجد وعوضلها النقص وكان نوسها خاصة بعد م ماهر بعد عنها بقلبه وعقله وكيانه كله كان معاكى انتى...ولما عرف انه ظلمك بعد م اتهد ف الاقسام بسبب شهاب الله يرحمه بقا ويغفرله
ضحى:وشهاب عمل ايه يادادة مش فاهمة؟!
فوقية:قدر بطرقه الزبالة يزهق ماهر ويبعده عن الحقيقة ولما معرفش سد كل الطرق ع ماهر وهو بيقدم البلاغ لحد م ربنا وقع ف طريقة واحد ابن حلال ف الداخلية وفضل ورا الموضوع لحد م الحقيقة ظهرت..واتضح ان شهاب خدلك صورة ف حفلة عيد ميلاد ماهر وركبها ع وش البنت اللى كانت ف الفيديو والصراحة كانت شبهك كأنها انتى..ماهر ساعتها اداله علقة موت ومحدش فينا قدر يوقفله
فلاش باك
الباب كان بيخبط بعنف والكل اتخض وفوقية اول م فتحت لقت ماهر اللى زقها جامد وهى بصتله بصدمة مستحيل ماهر يعمل كدة معاها
ماهر بزعيق:هو فين الكلب الزبالة؟! شهااااااب
شهاب خرج من مكتبه وراحله وقال بعصبية:فى ايه ياعم انت فرحان بصوتك العالى وجاى تستعرضه علينا ولا ايه؟! متهدى شوية
ماهر ضربه قلم ومسكه من قميصه وقال بعصبية:اة ياوسخ ياجبان..انت ازاى تعمل كدة؟! توصل بيك القذارة انك تفضح بنت عمك ع الملا كنت عاوز توصل لايه فهمنى كنت بتحبها مهو انت علشان بصاص وعينك فارغة..هى مش ضحى شرفك ومن لحمك ودمك واللى يخوض ف شرفها كانه بيخوض ف شرف العيلة كلها...ايه اللى كنت عاوزه؟! اطلقها ها كان عندك ميت وسيلة بس ليه تلجا للطريقة دى؟! حرام عليك ليه كدة؟! مصعبش عليك اخوك اللى دموعه منشفتش من ع خده من ساعة م هى مشيت مصعبتش عليك وانا عمال بصرخ من الكوابيس اللى بنتقم منى بسبب اللى عملته مع ضحى وانى كل يوم بنام ف حضن فوقية كأنى عيل صغير خايف من الضلمة مصعبش عليك حيرتى وانا بدور ع الحقيقة...مصعبتش عليك وانا بقع ف شغلى ونظرات الناس ليا انى راجل مقدرش يحافظ ع اهل بيته ليه كدة ياخويا يابن امى وابويا..انا عملتلك ايه؟! دة انا لو قطعت لحمى علشان اديهولك مش هتردد ليه؟!
فوقية ضربت صدرها كعلامة ع الخضة وبصت لشريف وقالت:انت ياشهاب؟!
فؤاد وهيام كانوا بيسمعوا وهما ف حالة انكار مش قادرين يستوعبوا ان شهاب ممكن يعمل كدة
فؤاد اتدخل وضرب شهاب قلم خلة بقه ينزف جامد..هو حط ايده ع بقه مكان النزيف وبص لابوه وقال:انتوا السبب؟!
هيام بعياط:يعنى اخوك مكدبش انت اللى عملت الفيديو الرخيص دة
شريف:مكنش قدامى حل غير دة علشان اخلى ضحى تخرج من حياته وميبقاش عنده امل انها ترجعله حتى لو هو عاوز كان لازم اعمل حاجة كبيرة علشان هى تكرهه وقلبها يبقى فاضى علشان يبقى سهل عليا انى اقرب منها واخليها تحبنى...ضحى حقى انا من الاول وكان المفروض انى اتجوزها بس ابوك بقا كان عايزك انت ليها معرفش ليه كأنى عو عفريت هيقتلها مش هيقدر يحافظ عليها
فؤاد:غلطان يبنى انا جوزت ضحى لماهر علشان حسيتها بتحبه وانت اة حبيتها بس مكنتش هتسعدها ولا هى كمان هتقدر علشان قلبها مش ليك
شريف بزعيق:وانت ايش عرفك كنت خلينى اتجوزها وانا كنت هعمل المستحيل علشان اسعدها بس ابنك خطفها منى ومدانيش الفرصة دى علشان انانى فرحان بلمة البنات حواليه
ماهر بعصبية:واللى يحب حد يفضحه...الله اعلم دلوقت هى فين؟!
شريف:صدقنى لو عارف مش هقولك انت تستاهل كل حاجة حصلتلك ولو الزمن رجع بيا تانى كنت هعمل اللى عملته..ضحى بتاعتى وملكى وانت اللى ضيعتها بسبب غباءك وانانيتك وغرورك اللى طالع بيه السقف لحد م هيتهد ع دماغك قول امين
ماهر مسكه وفضل يضرب فيه بغل
ماهر بزعيق:مش عايز حد يحشنى
ووقعه ع الارض وفضل يضربه ف بطنه ورجليه لحد م شهاب واغمى عليه
ماهر بعياط وزعيق:ليه يأخى ليه؟! انت مكانك ف السجن..وانا استاهل كل حاجة بتحصلى علشان شجعتك ع العملة الزبالة دى
شوية والبوليس جى وخد شهاب
هيام بعياط:شهاب..شهاب ابنى لااا
ماهر خدها ف حضنه علشان يهديها بس لازم يدخل السجن علشان يتربى ويحس اللى عمله مش هين
هيام بعياط وصريخ:شهااااااب
واغمى عليها بين ايدين ماهر اللى صرخ باسمها
باك
فوقية:فوقناها وحاولنا نهديها بعديها بشهور ماهر خرج شهاب من السجن وبعديها بيوم عرفنا انه سافر ومحدش عرفله طريق مكناش عرفين انه رحلك واقنعك بجوازك منه
ضحى كانت بتسمعها وهى بتعيط ومصدومة من رد ماهر وحست انه يستاهل فعلا انها تديله فرصة اخيرة
فوقية:ماهر ميستاهلش منك كل القسوة دى
ضحى بعياط:وانتى متخيلة يادادة انه سهل عليا اشوفه قدامى ومترميش ف حضنه..بس فى حيطة سد مانعانى عنه
فوقية:اكسرى الحيطة دى وروحيله وهو هيساعدك
ضحى:هحاول يادادة صدقينى
ف المطبخ
هيام:انتى بتعملى ايه ف المطبخ ياضحى؟!
ضحى:ولا حاجة انا بس قولت اعمل كيكة وشوية قشار لو هضايقك انا ممكن
هيام:ياحبيتى متقوليش كدة دة مطبخك وف اى وقت تخشيه انا استغربت وقفتك فيه بس دة ميمنعش انى فرحانة كملى اللى كنتى بتعمليه وانا خارجة
ضحى:لو حبة تساعدينى تعالى انا محتاجة دة
هيام:عنيا ليكى
ف اوضة حمزة
حمزة:مامى
ضحى:ممكن ادخل
ماهر:تعالى ياضحى هو ايه اللى ورا ضهرك دة؟!
ضحى:بفكر نسهر انهردة ع فيلم كوميدى وناكل فشااار
حمزة سقف واتنطط بفرحة وهو بيقول:هيييييييه
وشد ايد ضحى وقعدها جمب ماهر اللى بصلها ب استغراب ممزوج بفرحة
حمزة:نتفرج ع فيلم رعب
ضحى:لا ياحمزة رعب لا..انت لسة صغير والحاجات دى ممكن تأثر عليك
حمزة:قولى انك خايفة يامامى
ضحى:ولد...لا انا مش خايفة وهخاف من ايه يعنى؟! من حتة فيلم اصلا دة كله تمثيل مفيش حاجة حقيقة
حمزة:دادى قول الحقيقة هى مش مامى بتخاف من افلام الرعب
ماهر بصلها وافتكر حدث حصل بينهم عمره ميقدر ينساه ولا حتى هى
فلاش باك
ماهر:عاوز الرموت
ضحى:لا مش هتاخدوا الا لما مسلسل للعشق جنون يخلص
ماهر:الله يخربيت المسلسلات الهندى اللى كلت دماغكوا..بت هاتى الريموت احسلك
ضحى:بت لما تبتك حمار يشدك والقرعة دى تبقى ستك
ماهر:نعم ياروح امك..ست مين اللى قرعة؟!
ضحى بتوتر:بهزر يارمضان! ايه مش بتحب الهزار
ماهر:وماله نهزر..تعرفى انا جى ف دماغى انهردة نتفرج ع فيلم رعب
ضحى بخوف:نا دى يعنى انا وانت؟!
ماهر:ايون
ضحى:ياخبر ابيض دة انا نسيت حاجة لازم اقوم اعملها دلوقت
وقامت هو مسكها من ايدها وقعدها ع حجره وقال:قسما بربى لتقعدى جمبى وتتفرجى معايا ع الفيلم هيا كبرت ف دماغى وهتعمليها ياضحى علشان تبقى تقوليلى ستى قرعة
ضحى:ستك دى ست الكل بس سيينى بالله عليك انا مش عايزة اتفرج ع افلام رعب
ماهر:بتخافى؟!
ضحى:ايوة بخاف ارتحت
ماهر:بس بردو لازم تتعاقبى
ضحى:هتضربنى؟!
ماهر:توء
ضحى:هتزعقلى؟!
ماهر:توء
ضحى:هتخلينى اتفرج غصب عنى؟!
ماهر:ههههههههه توء توء
ضحى:يووووو اومال هتعقبنى ازاى بس؟!
ماهر:هبوسك
ضحى بخجل:تبوسنى ازاى يعنى؟!
ماهر:كدة اهو
والموضوع تطور بشكل سريع لحد م وصل للحاجات ال... لا عيب كدة ملناش دعوة😂
باك
ضحى سرحت ف اللحظات اللى ماهر افتكرها دموعها نزلت غصب عنها وافتكرت كلام ماهر انه مفيش اى لحظة حلوة تجمع ما بينهم
حمزة:دادى مقولتليش هى مامى بتخاف من الرعب..انا عن نفسى قلبى جامد ومش بخاف
ضحى:متاكد ياحمزة علشان بس متجيش الاوضة معيط وتقولى مامى انا خايف خدينى جمبك
حمزة:لا متخافيش مش هيحصل
قعدوا فعلا وشغلوا فيلم رعب وطفوا الانوار وضحى بلعت ريقها بصعوبة هى مش بتخاف من افلام الرعب لا هى بتترعب منها
