رواية نارا حيدره الفصل السابع عشر 17 بقلم نمارق رحيم

- اقسسم لك بكل قوتي انني ' اححبك ' بكل ما امتلك من قوة ..💔

⭐⭐⭐⭐⭐⭐⭐

شمرت روحي بحضنه ونفجرت بالبچي ضليت حاضنتة قوي ومتمسكة برگبته وهو ساكت اسمع صوت نبضاته العالية وانفاسه الحارة

ابتعدت عنه منزله راسي وامسح بدموعي

گال بحزم منو الي قاهرچ؟ گليلي بس اسمه وشوفي شلون رح اودي ورا الشمس.. 

اشرلي على الكرسي وگال گعدي ارتاحي واحچيلي.. 

گعدت وسكتت وهو كذلك منتضرني احچي گال ما ناويه تنطقين؟

- هآ

- الــ هاا مالتج فاهيه ،،

- اني طلعت من الكلية مشي وصرت يم عيادتك واجيت 

حيدرة: بابا ما توبين نسيتي اخر مره من زرتي العيادة شنو صار.. 

- اني مقهورة وگلبي يأذيني حيدرة.. 

سمعني وسكت ظل يجر نفس گوه ومركز بعيوني حسيته احتار شنو يگول.. 

حيدرة: سلامتچ من القهر بويه احچيلي منو القهر ناري! .. 

- ماشي رح احچي باع اول شيء

- اول شيء لاتكولين باع

- لعد شنو اگول.. 

- كملي كلامج بس لا تگوليها.. 

- ماشي شوف اول شيء هنه مصيبتين مربوطات ما اعرف شنو بس باع.. 

- لا تگولين گلت 

- اي بس شسمه.. 

- شسمه ؟

- قبل اسبوعين چان وياي بالقسم طالب اسمه عبد الرحمن صدفة صارت صدفة وحچه وياي تالي بقى يلاحگني وين ما اروح ويضايقني بنضراته ويوترني حيل

رفع حاجبة وجاوبني اي كملي؟

- فقبل يومين گالي.. 

- شنو گالچ ؟

- احبك 

عقچ حواجبة بتفاجئء

حيدرة: شنوووو! 

- اقصد شسمه گال أحبچ

- كمللللللي بويه كمللللي.. 

- اي وخطبتني امه البارحه

قبض ايده بصبر وملامح وجهة تغيرت حسيته عصب من سمع نخطبت او غار.. 

- اي ست ناردين موافقة؟

- اي وافقت خوش ولد

خزرني خزره گلبي وگعه بسرعة گلتله چذب وروحه للنبي چذب أشاقة.. 

شمر عليه العلبه طاحت علئ الأرض

- اوووي هاي ليش.. 

- مره الثانية لا تلعبين على اعصابي لا تعصبيني ناردين عقل ما ضل براسي بكلامچ خايف عليچ أنا

                                  

              

                    

ابتسمت :- جعل محد يخاف عليه غيرك

- خبله وعلي

- خلي اكمل نسيت الموضوع 

- غردي يابه.. 

- خطبني وما وافقت أو بالأحرى أمي إلي ما وافقت ورفضت وگالتله اني محجوزة لأبن خالي وهذا الأسبوع عرسنا

- شنو بكيفها تحچي امچ ؟ أبن خاليش هاي امچ تلعب

- واليوم من داومت اجه عبد الرحمن وغلط عليه ودفعني وهددني على اساس يسويلي باچر مشكلة بالكلية

سمعني وضرب ايد بأيد وگال:- ااخخخ هذا ما يدري حيدرة رح يلعب بي طوبه؟

هزيت راسي :- حيدررا والله خايفة منه باچر وهو هددني لان رفضته وأمي ولؤي ما اعرف شنو دايخططون وسالار مو هنا خاايفة حيلل خايفة! 

-چاا ، اني وين رحت بويه ؟ 

ينچب هالناقص وياكل تبن لا تخافين حيدرة موجود يمچ اطمئني

- يعني رح تخلصني منهم؟ امي تگول بعد أسبوع خاف لا تجبرني على لؤي.. 

رفع تك حاجب ،، :- اكوول امچ خل تاكل تبن افضل ،

شنو تجبرچ شنو محجوزة ولابن خالچ!  

،، انتي خطيبتي الي اني 

أنرسمت أبتسامة عريضة على وجهي وسكتت.. 

حيدرة: ها خير؟

- الخير يصيبك.. 

- لا تباوعيلي هيچ ولا تبتسمين اسمعيني ترحين للبيت وانتي طبيعية وأتصرفي عادي.. 

- ريلاكس يعني ؟

- عوفي انكلوشتج علئ صفحه ،، 

اسمعي رح اخابر سالار ولو هو گالي اليوم رح يجي بعد يومين لبغداد علما يجي اجتنبي امج ولاتكعدين لوحدچ ومصطفئ اخوچ موجود إذا حسيتي بخطر من ابن خالچ خابريني وربچ اجي ادمي جوا رجليچ وأعرف رقمي موجود عندچ

- هاا ماشي وعبدالرحمن؟..

- شبي النعلان لا تخافين منه شحده اذا وصلچ بعد وضايقچ؟ باچر رايح لجامعتج وياچ اطمئني يابه.. 

-فدواااااا لعد تمااام.. 

-بعد هم تبچين ؟..

-لاااا ما ابچي.. 

- بعد هم تجين لعيادتي ؟

- اي اجي ،،اقصد لا

ضحك وهز راسه ..

:- ناردين جديات لاتقلقين خلي يجي سالار من اربيل وافتح الموضوع الي سديته من 10 اشهور 

-شنو يا موضوع؟..

- تغشمين نفسچ يابة ههههههه 

ضحكت مع انو صدگ ما فهمت قصده.. 

-ماشي حيدرا.. 

- اسمي حيدرة يابه 

- هسه أنت تضايقت لأن گلتلك حيدرراا ؟

            

              

                    

- أحترام أسمي من احترامي 

- ماشي حيدرتي 

-نعم؟؟؟

ضحكت :- اشاقة.. 

خزرني تالي ابتسم وعدل شعره رتب الملفات ودگ الجرس دخلت السكرتيرة.. 

گالها :- رقاوي عيناي طالع أنا اذا اجه اي مريض يتحولون عند دكتورة سُرى فد ربع ساعة وافتحي العيادة.. 

-تدلل عيني حيدرة.. 

-مايدلل عليچ عدو.. 

رادت تطلع كالت ،، :- صحيح حيدرة موتنسه بليل ماتجي ،اوزعل عليك وربي 

ضحك وجاوبها اي اكيد اجي إن شاءالله ضحكت وراحت وخلتني اغلي بناري وغيرتي.. 

-حلوو عيوني ورقااوي وضحك.. 

حيدرة: اي وشنو العجيب على شنو ضايجة.. 

-وين رح تروح بليل.. 

-ليش

عيوني غورگت وبچيت.. 

-لا اله الا الله ليش تبچين؟..

-مابيه اريد ارجع للبيت.. 

-هاا امشي لسيارتي اوصلچ اتأخرت.. 

-اتأخرت عليها مو.. 

-هيه منو؟..

-رقاوي عيونك.. 

-خبالات مو؟..

ما جاوبته طلعنة وهوو يخزر بيه لان عفته يحچي فتح السيارة ردت اصعد ورا جرني من ايدي.. 

حيدرة:- اصعدي بالصدر يمي.. 

صعدت واني ساكتة.. اندگ موبايله وهو يسوق لبس سماعته وجاوب علئ الأتصال

- هلا حبيبتي أي عمري اتأخر لا تنتظريني اتٲخر عليج فنامي أفضل يلا في إمان الله

باوعتله رافعه حاجبي نهى الأتصال وباوعلي بتفاجئ دمعت عيوني تالي ضحك بقوة اختنگ من الضحك وجهة صار احمر.. 

- طيبة طيبة وربچ طيبـة!! بس لاتموتين علئ كيفچ بالهداوه يابة

درت وجهي علئ الجامه أمسح دموعي.. 

-صدگ عود تغارين برووح ابوچ.. 

ضحك واني ساكتة.. 

-اختي هاي ورقية مجرد عدنا شغل مو الي ابالج ماعندي سوالف موحلوة واعتقد تعرفيني.. 

-تمام.. 

-انزلي روحي ادخلي للبيت تأخرتي لا يظل بالهم اهلج عليج.. 

خنگتني العبره لا اني الساكتة ولا اني الي اگدر ابلع كلامه واسكت نزلت من السيارة باوعلي بنظرة خاطفه ما گدرت افسرها ..

فتت للبيت بكل قهر اتفاجئت من شفت امي دخلت وراي بعبايتها جرت ايدي بعصبية وهي تگول بنترر.. 

            

              

                    

- هـذا منووو صاحبچ ياكح* *

انصدمت من كلامها ودفعت ايدها وضليت ساكتة شنو معقولة شافتني صرت على صفحة ورجعت لزمتني وضلت تصيح وتفشر بصوووت عالي.. 

- ولچ ويامن چنتي راكبه احجي يا زماله بت زمااال احچي لـچ كح* * هذا الگوا* مالتچ مووو ؟؟؟

تردين تگو* * براسنه وتفضحينه بين الناس ولچ ادبسززززز اليووووم اربيچ يا سااااقطة

لعبت نفسي من كلامها باوعتلها بكره وحقد هالإنسانة ابد ما اعتبرها أم تطعن بشرفي وتفشر ولا عبالك اني بنتها ولا بيوم احتوتني لو خلتني اسولفلها وتحسسني بأمان وحنية الأم.. 

- اي خوش اني كح* * وادبسزز وساقطة وما راح اجاوبچ غير هذن الكلمات وصاعده للغرفة

ركضت عليه واجت جرتني من شعري وسحبتني للهول وسدت الباب بقووة رگعته.. 

واني اصرررخ عووووفينيي شعرررري وخرري ايدددج داتوجعينييي

صاحت:- ولچ انتي تريدين تجيبين العار النه وفوگ شينچ گوات عينچ وتگوليها بوچهي وعادي صاعدة بسيـارة واحد گوا* لو هذا صاحبچ بالكليه ؟؟ احچــي بت زمااال

ولچ إذا ما اربيچ من جدييييد مااا يطلع اسمي سعااااد.. 

هجمت عليه دك ضرب واني اصرخ والباب يندگ.. شبعتني ضرب ،،انتهيت جواها ،، مااحس الضربه والدفره مين تجي لحد ماعافتني وتفلت عليه وراحت فتحت الباب ،،ودفعت خواتي ماخلتهن يدخلن

وقفلت الباب بقيت متمدده ولازمه بطني وابچي وكلشي متجمع بتفكيري.. 

ابچي من حرگه گلبي ومن الالم الضرب الضربتياه حاولت اكوم لكن ما گدرت ياررب ساعدني وقويني.. 

گمت سحل ابروحي سحل ،،، الباب مقفول ،، ادگدگ بي واصيح علئ خواتي ..

سمعت صوت نبراس اجت وترقبت من الباب ترجف وهي تگول :- نااردين امي قافله الباب والمفتاح عدها مااعرف وين ضامته ! ولج رح تسويلج مصيبه ! 

صعدت لغرفتها وتخابر لؤي !! 

عزززه ، كلتلها نبرراس الله عليج لاتعوفيني ولج افتحي الباب خايفه لاتسويلي شي ،وحتى ومصطفئ ما موجود بالبيت فدوووه سووي اي شييي !! اتصلي بأمجد خلي يجي

نبراس :- ولج اخذت موبايلنه وايباد نور والله وقفلت الباب الطارمة والشارع حبستنه شسووي ولج خايفه ونور داتبچي 

-نبررراس دبري اي شييي رووحي الهاا لهيها بشيي ودوري علئ المفتااح حتى اطللع!! 

نبراس :- ماشييي رايحه شووي واجي.. 

ربع ساعة ورجعت اجت تركض باوعتلي من جوا الباب.. 

-ناردين تسمعيني؟؟..

-اييي بشرري شسويتي كوولي؟؟

- والله قافله غرفتها ومفتاح والموبايل عدها والله سويت كلشي بس ماطلعت من غرفتها واسمعها تخابر لؤي 

            

              

                    

ضليت ابچي ،،وهيه راحت بقيت ادعي يارربي فرجهاا عليه،، انفتح الباب ابتعدت ليورا بخوف !

دخلت امي تضحك :- حضري روحج الليله ليلتكم انتي ولؤي 

صحت - شنوووو ؟؟؟؟ فدووووه لاااا يمممه لاتسويين بيه هييجج بنتج انييي

- احسن ، تردين تجيبيلنه العار بعد ما مات ابوچ وسالار ماموجود حلالچ الجو 

،، هسه علئ جيه لؤي والشيخ ،رح يعقدلكم 

،،ووليج اذاا رفضتي

-ارررررفض والله اررررفض.. 

-اكلي نعل شايفه الصونده الخضره احميهاا وعلئ ضهررج

-والله ارررفض ما اتزووج لؤي لووو اموووت سمععتي.. 

- كيفچ ، اذا رفضتي يروح الشيخ ، واخلي يدخل عليچ وينام وياچ هذيچ الساعه انتي الي تتوسلين بي حتئ يتزوجج 

-الله ينتقم منچ ومنه ، الله ينتقققم منككككم بنتچ انننني شنووو من گلللب عندچ ؟؟؟..

- والله هذا الموجود ، وگتلچ عواقب رفضچ موجودة ،صيري خووش بنيه واقبلي .

عافتني وقفلت الباب بقيت ابچي والطم والله اموووت ولاا اووااافق امموووت حاولت افتح الباب بأي طريقة ماكو مايفتح الباب ثگيل خشب قوي 

ماعندي اي حيله او حل غير ادعي الله ادعي وابچي والخوف يقره ألف لحد ماسمعت صوت لؤي بقرب الباب !! راد گلبي يوگف !!

سمعت يحچي وياا امي لبدت ورا القنفة ولازمة گلبي بخوف وجسمي يرجف كل فكري ان رح يجي لؤي عليه وصدگ فتح الباب ودخل! شافني واجه تقدم وكف يمي ويبتسم 

لؤي :- الشيخ اجه فد شوي واصيحلج ونعقد 

- وررربك تحلممم اوافقق علييك واصيررر مرتككك تححححلم

لؤي :- الردته وتمنيته من خمس سنوات رح يتحقق والليله حبيبي 

راد يلزم ايدي دفعته وعيوني شرار من العصبية صحت :- اييييدك اكسرررها اذا تمدهااا

ضحك قوي :- ياعيني وشلون تنقذين روحج الليله مني ؟ 

- تاااكل تبن فاهم تحلممم اصيررر الك!!  

لؤي :- ايي انشوف الليله اريدج گمر مااوصيچ لبسي وتحضري لهفان علئ ***

- ياخسيس ياحيوواااان ياعـــااار الزلـم!! 

ضربني راشدي ولزمني من شعري: 

- اشوفچ العار شنو رح يسوي الليلة.. 

لزم جسمي بضحكة دفعته وتفلت بنص وجهة مسحها وابتسم وگال تمونين وراح طلع وقفل الباب عليه.. 

ضليت ادگ روحي بالحايط ألف مرة ومنتهيهة حيل ما ضل بيه واون من جسمي

يعني هاهيه رح يعقد عليه؟ اصير مرته ؟؟

            

              

                    

دفعت القنفات وگعدت ابچي وحاضنه رجليه ربع ساعة ودخلت امي

:- اممشي يلاا السيد رح يعقدلكم

- وخرررري ماااروح

اجت كومتني سحبتني من ايدي واني اصررخ باعلئ صووتي والله اموووت عوفينيي ما مواااافقة ما موااااااافقة

- اذا ترفضين ياخذج بدون عقد تردين حرررام لو حلاااال ؟؟؟

- اكرررهج اكرررهج الله ياااخذججج

رادت تشيلني عضيتها من ايدها وطكيتها ركضه للمطبخ فتحت الباب وطلعت قفلته من ورا

سمعتها تصيح علئ لؤي واتگله روح ولك الحگهاا رح تشرد!! 

لبست نعالي على السريع تك وتك وابچي ومرتبكة شسووي اطلع لو لااا من شفته رح يفتح الباب الديوانية فتحت باب الشارع وطلعت بسرعة مشيت على سريع وطلعت من فرعنا

الدنيا عصر والمدارس حلت گلت اروح لمدرسة مصطفى بس اكيد من ارجع ماما رح تضحك عليه بكلمتين وهم رح تجبرني.. 

بطلت ما اروح وشلت الفكرة من بالي طلعت من منطقتنا كلها بيت امجد ما اندله وبيت عمامي كلهم بعاد !

كُل الحلول خلصت ردت ادخل لمحل واتصل على سالار لان خاايفة لا لؤي يجي بس خفت ما ادخل لمحل طلعت گبل للشارع العام

،اجت علئ بالي عيادة حيدرا ااااي بس هوو الوحيد الي رح ينقذني ضليت امشي ركض ركض حوالي النص ساعة واكثر.. 

وصلت للعيادة واني فحطانه ريگي ناشف وعرگانه وگلبي رح يتوقف بس دخلت شفتها فارغة والسكرتيرة موجودة وحدها.. 

حچـيت بصوت مبحوح.. ارريد حيدررا صيحيله فدواا.. 

اتفاجئت مني وردت.. هاي انتي هم! حبيبتي الدكتور حيدرة مو اهنا ما موجود طلع قبل شوي.. 

- خاابري فدوووه كليله ناردين يعرفني فدووووه خااابرري ... 

حچيت هيج وانغمى عليه وگعت يمها وبنص العيادة الفارغة.. 

...

حيدرة

دگ موبايلي واني راجع للبيت شفت المتصل رقية رديت

- هلاا هسة طلعت من العيادة صاير شيء ؟!

- حيدرة ردت اقفل العيادة واروح بس دخلت ناردين اجت فحطانه وتبچي وحالتها حاله كالت خابري حيدرة ضروري بعدني مامجاوبتها وانغمى عليها شسووي هسه !!

- اخ يابه ابقي يمهااا ابقييي على ما انا اجي

إذا كعدت لاا تطلع مفهوووووم وسدي الباب واقفلي ديري باااالج عليها خليها بنص عيوونج

غلقته منها ولفيت السيارة لطريق العيادة سقت السيارة اقسى سرعة وبالي يمها 

،،، ليش اجت الي بالذات؟؟؟

            

              

                    

،،، اكيد امها السبب..

وصلت للعيادة نزلت من السيارة ركض دخلت شفتها متمددة على الكرسي.. 

صحت لرقية تعااالي فهميني شنوو صاارر ؟؟ شبيهااا ناردين ؟؟؟ شنوو سبب الاغماء ؟؟؟

- ما اعرف انغمى عليها حاولت اكعدها لكن ما تكعد 

- جيبي ماي عطرر اي شيء بسرعة!! 

تقدمت گعدت علئ كرسي خليت راسها بحضني رشيت ماي شبعتها عطر ماكو نتيجة.. 

- رقية ما اوصيچ قفلي الأبواب زين؟ راايح انا

- بس حيدرة منو هااي ناردين وليش رح تاخذها وياك شنو تقربلك ليش مهتم بيها هالگدد! دا اشوفك محتار شتسوي وتخبلت من عرفت بيها مغمى عليها !

- ناردين خطيبتي.. 

باوعتلي بصدمة واردفت..

- شنوووو خطيبتك!!! 

- اي مثل ما سمعتي.. 

گمت وشلتها لحضني وطلعت فتحت باب السيارة خليتها يمي رگبت بسرعة اسوق وعيني على طريق وعليها حرت وين اوديها للمستشفئ؟ للبيت ؟

لبسها مامغيرته نفسه الاجت بي من جامعته عاينت وجهة بي اثار ضرب وخدها مطبوع بي اثر الراشدي شنو مسويه امها بيهاا خرررب.. اخ لو الزمها 

صفيت السيارة بوسط الطريق الشارع العام نزلت وفتحت الباب حاولت اهفيلها لكن ما تكعد ! 

هاي سالفتها سالفه چبيرة منو الگاتلها ومسوووي بيهااا هيچ!!! امهااا وحق الله ماكوو غيرها فكرت ابن خالها مسويلها شي لو معتدي عليها حسيت راسي رح ينفجر صبرررك يارررب.. 

سرعان ما ضربتها راشدي فتحت عيونها فزت وكعدت انطيتها بطل ماي غسلت وجها 

دقايق وهيه ساكتة وبس تشهگ.. 

رفعت حاجبي بتسأل وگلتلها.. 

- شلوون صرتي؟؟

اردفت بصوت متقطع.. حيدراا فدوا خلصني من لـؤي!! 

- ابن خالج مو؟ حالتچ بسببه؟

هزت راسها بمعنى (اي) وعلي دررريت دررريت

مارتاحيت لابن خالچ حسيت اليوم رح يسوي شيء سولفيلي ناري شنوو صاارر؟

ناردين:-" سولفتله "

ضرب ايد بأيد وگال وهو يرص على اسنانه ورررربچ ما رح اخلي عايش يصيرر خيرر!!! 

رجعت ركبت السيارة ..

ناردين: لااا فدوااا مااريد لاترجعني للبيت اترجاك حيدراا لا توديني لسجن امي.. 

لزمت ايدها بأطمئنان:- لا تخاافين اوديچ لبيتي ترتاحين عندي.. 

سكتت وظلت تشهگ ورجعت تبچي وايديها على وجهة.. 

- لا تبچين ناردين وحـق الله كل دمعة وضربة رح يدفع ثمنها غالي واضعافها انتي اصبري وشوفي شنو رح يسوي حيدرة.. اذا ما العب بي طوبة واخلي يتمنى الموت..

اردفت بهمس وتعب.. لا تعوفـني حيدرا.. 

- بويه شلون اعوفچ ؟؟ اعوف ناري؟؟ وبهذا وضعچ؟؟ طبعاً لاا ارتاحي هسه نوصل شگلچ جسمچ يأذيچ بعده شنووو من ام هاي اريد افتهم.. 

همست ولو الام العندي مو احسن منها.. 

- شنـو! 

- مو وياچ بويه.. ارتاحي هسه

ركنت السيارة وصلت للبيت فتحت الباب وسألتها.. 

- بيچ حيل تمشين لو اشيلچ خاف رجليچ يٲذنج ؟..

سكتت تالي رادت توگع لزمتها بسرعة لسه حالتها مخربطة ومو تمام غمضت عيوني وگلت بيني وبين نفسي يالله انت تعرف ما عندي اي نية موزينة وماقصدي ألمسها بس هي مريضة ومحتاجة مساعدتي.. 

شلتها وسديت الباب من ورا عندي المفتاح فتحت الباب البيت وصحت على طيبة اجت تركض على صوتي ومن شافتها استغربت 

- طيبة بسررررعة افتحححي باب غرررفتي بسرررررعة

- اي اي حاضرر هسه ..

دخلتها لغرفتي نومتها علئ چربايتي وغطيتها انتبهت عليها غفت ونايمة طفيت الگلوب وطلعت.. 

سولفت لطيبة وگتلها بالچ عليها طالع انا ومن تگعد خابرني حتى اجي.. 

- خطيه اي من عيوني لا دير بال

طلعت من البيت خابرت سالار ، سولفتله عن كلشي صار بالحرف الواحد وانطيته علم بأن ناردين بــ بيتي.. 

،، حركت السيارة وانا ناوي علئ لؤي .....

الفصل الثامن عشر من هنا 

شكرا لزيارتكم عالم روايات سكيرهوم